სადაზღვევო ფირმები უარს ამბობენ „ჩრდილოეთის ნაკადი 2“-ის მშენებლობაში  მონაწილე გემების დაზღვევაზე

გემთმფლობელების ურთიერთდაზღვევის კლუბების საერთაშორისო ჯგუფი უარს ამბობს დააზღვიოს გემები, რომლებიც მონაწილეობენ  „ჩრდილოეთის ნაკადი 2“-ის გაზსადენის მშენებლობაში.    „თითოეული კლუბის წევრებს კარგად უნდა ესმოდეთ, რომ არ უნდა მოხდეს დაზღვევის დაფარვა გემებისა, რომლებიც   უკანონო -, ან ისეთ საქმიანობაში არიან ჩართული, რომელიც სანქციების დარღვევის საფრთხეს უქმნის კლუბს“, წერია გემთმფლობელების კლუბის საიტზე გამოქვეყნებულ განცხადებაში. ამ დოკუმენტის ავტორები თავიანთ პოზიციას  უკავშირებენ დამზღვევებისთვის უშუალო სანქციების საფრთხეს აშშ-ის კანონების  მიხედვით. ეს კანონებია: „ამერიკის მოწინააღმდეგეების მიმართ სანქციებით მოქმედება“ და „ევროპის ენერგეტიკული უსაფრთხოების დაცვის შესახებ“. 2020 წლის ივნისში შეიტანეს აშშ-ის სენატორებმა კონგრესში ახალი კანონპროექტი, რომელის ითვალისწინებდა სანქციებს იმ ფირმებისთვის, რომლებიც დაზღვევის სამსახურს შესთავაზებდნენ გემებს, ჩაბმულს „ჩრდილოეთის ნაკადი-2-ის“ მშენებლობაში. აშშ რუსეთიდან გერმანიისკენ მიმავალი გაზსადენის პროექტის წინააღმდეგია, რადგან თვლის, რომ ეს ევროპის ენერგეტიკულ უსაფრთხოებას საფრთხეს უქმნის და რუსეთზე დამოკიდებულს ხდის. რუსი ოპოზიციონერის, ალექსეი ნავალნის მოწამვლის შემდეგ გერმანიაშიც დაიწყეს „ჩრდილოეთის ნაკადი - 2-ისთვის“  სანქციების დაწესების  თემის განხილვა. https://www.radiotavisupleba.ge/a/30853832.html #ახალი_ამბები #twitter