1 votes
comments
1 shares
Save
ენტონი ფაუჩიმ დამცავი ფარებისა და გრიპის ვაქცინის აუცილებლობის შესახებ ისაუბრა
1600 reads
Headline
Tbilisi · 4 days ago
სტატიის წასაკითხად დააჭირე გაგრძელებას
or
By continuing you agree to Feedc’s Terms of use and Privacy Policy

ენტონი ფაუჩის თქმით, ამერიკელებმა დამცავი სათვალეები ან ფარები უნდა ატარონ იმისათვის, რომ კოვიდ-19-ის გავრცელებისაგან თავი მეტად დაიცვან.

ამერიკის ალერგიისა და ინფექციური დაავადაბების ინსტიტუტის დირექტორის თქმით, თითოეული ლორწოვანი გარსის ზედაპირი დაცული უნდა იყოს. სწორედ ამიტომ, თვალის დამცავი სათვალეები ან ფარები ამ პროცესის ეფექტურობას ზრდის.

მან ასევე აღნიშნა, რომ ეს უნივერსალურად რეკომენდებული არ არის, თუმცა თუკი მათი გამოყენება ადამიანს შეუძლია, მაშინ სრული დაცვისათვის ეს კარგი იქნება.

ახალი კორონავირუსის პანდემიამ 662,000-ზე მეტი ადამიანი შეიწირა მსოფლიოს მასშტაბით. ინფიცირებათა რიცხვი კი, ბოლო მონაცემებით, 16.8 მილიონ ადამიანს აღწევს.

ამერიკის შეერთებული შტატები ამჟამად ვირუსის გავრცელების ეპიცენტრს წარმოადგენს. ქვეყანამ 4.3 მილიონი ინფიცირებისა და 150,000 გარდაცვალების შემთხვევა დაადასტურა.

ანტონი ფაუჩიმ ასევე გრიპის სეზონის მოახლოებაზეც ისაუბრა. იგი იმედოვნებს, რომ პირბადეები გრიპის გავრცელებასაც შეაჩერებს. მისი თქმით, ორი რესპირატორული ვირუსი ნამდვილად ძალიან რთულ სიტუაციას შექმნის, რადგანაც მათი გამოხატული სიმპტომები ერთნაირია.

ენტონი ფაუჩიმ მოსახლეობას ასევე გრიპის ვაქცინის გაკეთებისაკენ მოუწოდა.

წყარო:abcNEWS

სტატია მომზადებულია ანანო ჯანიაშვილის მიერ.

#headline #coronavirus #USA #კორონავირუსი #აშშ


Headline
Tbilisi · 4 days ago
1
Write a comment
1