ხვალ დილის 08:00 საათიდან, ფაქტობრივად, საყოველთაო კარანტინი დაწესდება, - ამის შესახებ პრემიერ-მინისტრმა, გიორგი გახარიამ უწყებათაშორისი საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა. მარნეულისა და ბოლნისის მუნიციპალიტეტები მკაცრ საკარანტინო რეჟიმზე მას შემდეგ გადავიდა, რაც მარნეულში კორონავირუსით ქალი დაინფიცირდა, რომლის ინფიცირების წყაროს დადგენაც ვერ მოხერხდა. საქართველოში კორონავირუსის 98 შემთხვევა დადასტურდა. ამ დროისთვის ქვეყანაში კორონავირუსისგან 18 ადამიანი განიკურნა. ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა. ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით. P.s. სტატია ჩვენ არ გვეკუთვნის. სტატია გამოქვეყნებულია imedinews.ge-ს მიერ. #news #politics #Covid19 #Coronavirus #გიორგიგახარია #Headline

თურქეთში ახალი ტიპის კორონავირუსით გასული დღე-ღამის განმავლობაში 1 248 ადამიანი დაინფიცირდა. COVID-19-ით დაუპულთა რაოდენობა ბოლო 24 საათში 22-ით გაიზარდა. ამის შესახებ ქვეყნის ჯანდაცვის მინისტრმა ფაჰრეთინ კოჟამ განაცხადა. ქვეყანაში ეპიდემიის გავრცელებიდან დღემდე კორონავირუსი 186 493 ადამიანს დაუდასტურდა. ხოლო დაავადებამ სულ 4 927 პაციენტის სიცოცხლე იმსხვერპლა. გასული 24 საათის განმავლობაში ინფექციისგან 1 312 პაციენტი განიკურნა, სულ კორონავირუსისგან გამოჯანმრთელებულთა რაოდენობა 158 828-ს აღწევს.

იტალიაში ახალი კორონავირუსისგან 104 წლის ქალი განიკურნა. ინფორმაციას „ბიბისი“ ავრცელებს. 104 წლის ადა ზანოსუ იტალიის ჩრდილოეთით, ლესონაში, მოხუცთა თავშესაფარში ცხოვრობდა. ამ თავშესაფრიდან „კოვიდ 19“-ით 20 ადამიანი დაიღუპა. ექიმების ინფორმაციით, 104 წლის ქალი ვირუსისგან სრულად განიკურნა და ის ახლა თავს კარგად გრძნობს.#italy #coronavirus #covid19 #stopcovid19 #recover #news #goodnews

იტალიაში ბოლო დღე-ღამეში კორონავირუსით 369 ადამიანი გარდაიცვალა იტალიაში ბოლო 24 საათის განმავლობაში კორონავირუსით 369 ადამიანი გარდაიცვალა. ინფორმაციას იტალიური სააგენტო „ანსა“ სამოქალაქო დაცვის სააგენტოზე დაყრდნობით ავრცელებს. გარდაცვლილთა მაჩვენებელი გაზრდილია წინა დღესთან შედარებით, როდესაც იტალიაში „კოვიდ-19“-ით 239 ადამიანი გარდაიცვალა. მსხვერპლთა საერთო რიცხვმა 29 684 შეადგინა. ამასთან, ბოლო ოთხი დღის განმავლობაში დაფიქსირდა ინფიცირების ყველაზე მაღალი მაჩვენებელი. ბოლო ერთ დღეში „კოვიდ-19“-ის დიაგნოზი 1 444 ადამიანს დაუდასტურდა. სულ ქვეყანაში გამოვლენილია ინფიცირების 214 457 შემთხვევა. გამოჯანმრთელებულთა რიცხვი 8 014-ით გაიზარდა. განკურნებულთა რეკორდულად მაღალ მაჩვენებელს ხელისუფლება განმარტავს იმით, რომ გამოჯანმრთელებულების რაოდენობას წინა რამდენიმე დღის გამოტოვებული მონაცემები დაემატა. საერთო ჯამში, კორონავირუსისგან იტალიაში 93 245 ადამიანი განიკურნა. #იტალია # COVID 19#TbilisyDaily#DailyNews#

რესტორნებს რამდენიმე მოთხოვნის დაკმაყოფილება, მათ შორის, მოქალაქეთა ტემპერატურის შემოწმება მოუწევთ. შრომის პირობების ინსპექტირების დეპარტამენტის უფროსის ბექა ფერაძის განცხადებით, რესტორნებს მუშაობის განსაახლებლად რამდენიმე მოთხოვნის დაკმაყოფილება მოუწევთ. მოთხოვნებს შორისაა მოქალაქეთა ტემპერატურის შემოწმება, დეზინფექცია და დისტანციის დაცვა. „რესტორნებთან დაკავშირებით მოთხოვნილი არის ტემპერატურული სკრინინგი მომსახურების მიღებამდე, სადეზინფექციო სამუშოები, მაგიდების განლაგება, შესაბამისი დისტანცია“, – განაცხადა ბექა ფერაძემ. საქართველოს რესტორანთა ასოციაციის დამფუძნებელი კოტე გაბრიჩიძე აცხადებს, რომ მთავრობასთან სარესტორნო ბიზნესს ძალიან წარმატებული ურთიერთობა აქვს და მიმდინარეობს რეგულაციებზე მუშაობა. „მთავრობასთან მიდის მუშაობა, რათა ეს გაიდლაინი იყოს ადეკვატური, როგორც ჯანდაცვის თვალსაზრისით, ასევე ბიზნესის მუშაობის თვალსაზრისით. რასაკვირველია, არის ლაპარაკი გარკვეულ შეზღუდვებზე, სიმჭიდროვის შემცირებაზე, მაგრამ ყველაზე მთავარი მომენტი არის, რომ რესტორნების ბიზნესსა და მთავრობას წარმატებული ურთიერთობა გვაქს. რასაც ჩვენ ვამბობთ, აბსოლუტურად ადეკვატურად აღიქმება მთავრობის მიერ. პრობლემები არის რასაკვირველია, რადგან შემცირებული სამუშაო არეალი ნაკლები შემოსავლის მიღებას გულისხმობს და შესაბამისად პრობლემას ბადებს“, – აცხადებს კოტე გაბრიჩიძე რეგულაციები მოიცავს როგორც ღია ტერასების, ასევე შიდა ნაწილის მუშაობის წესებს, როდესაც შიდა ფართები გაიხსნება. „ამის პარალელურად, მოხდება მონიტორინგი, რათა არ გამოიწვიოს რაიმე აფეთქება ხალხთა ინფიცირების რიცხვის თვალსაზრისით. თარიღებზე ჯერჯერობით არ მიდის ლაპარაკი, მაგრამ არის გაგება იმისა, რომ ბიზნესმა რაც შეიძლება სწრაფად დაიწყოს მუშაობა. შეზღუდვები არის როგორც პერსონალის მუშაობის თვალსაზრისით, შეზღუდვები აქვს სამზარეულოს. მიმტანებსა და მენეჯერებს, ვისაც სტუმრებთან აქვთ შეხება, უნდა ეკეთოთ პირბადეები. ასევე არის თერმოსკრინინგი, ყველა შემოსულ ადამიანს უნდა გაეზომოს სიცხე. თუ ადამიანს ტემპერატურა აღმოაჩნდება, ეს ადამიანი არ დაიშვება კაფეს ტერიტორიაზე. საკმაოდ დიდი ჩამონათვალია“, – აღნიშნა კოტე გაბრიჩიძემ. #news#კორონავირუსი#რესტორნები#რეგულაციები#მუშაობის განახლება#Tbilisi Daily#Dailynews

მსოფლიოში ახალი კორონავირუსის დადასტურებულმა შემთხვევებმა 3 646 834-ს მიაღწია, დაღუპულია 252 442 ადამიანი. სტატისტიკურ მონაცემებს worldometers აქვეყნებს. ინფიცირებულთა და დაღუპულთა რაოდენობით აშშ ლიდერობს. აქ ვირუსით დაავადებულია 1,212,955 ადამიანი, გარდაცვლილია - 69,925, ხოლო 188,068 პაციენტი უკვე განკურნებულია. ევროპაში ინფიცირებულთა რაოდენობით ესპანეთი ლიდერობს, სადაც COVID-19 დაუდგინდა 248,301 ადამიანს, გარდაცვლილი კი 25,428 პაციენტია. ევროპაში სიკვდილიანობის მაჩვენებლით პირველ პოზიციას იტალია იკავებს, აქ ვირუსს 29,079 ადამიანი ემსხვერპლა, ინფექცია კი 211,938 პირს დაუდგინდა. დაღუპულთა რაოდენობის მიხედვით ევროპის ქვეყნებს შორის მეორე ადგილზეა დიდი ბრიტანეთი, სადაც ვირუსს 28,734 ადამიანი ემსხვერპლა, ხოლო ინფიცირების 190,584 შემთხვევა დადასტურდა. ინფიცირების 169, 462 შემთხვევაა დაფიქსირებული საფრანგეთში, სადაც ვირუსს 25,201 ადამიანი ემსხვერპლა. მსოფლიო მასშტაბით ახალი კორონავირუსისგან 1,200,573 ადამიანი განიკურნა.

Covid 19-ით ინფიცირებულთა რიცხვმა მსოფლიოში 5 მილიონს მიაღწია. 325 ათასამდე გაიზარდა გარდაცვლილთა რიცხვი, თითქმის 2 მილიონი ადამიანი კი განიკურნა. იზრდება ახალი შემთხვევები შეერთებულ შტატებში. აქ 1 დღეში ინფიცირების 17 ათასზე მეტი ახალი შემთხვევა დადასტურდა. ქვეყანაში კორონავირუსის მილიონ 570 ათასი ინფიცირებულია. დაღუპულია 93 ათასზე მეტი. გარდაცვლილთა ყველაზე მაღალი მაჩვენებელი ევროპაში ახლა დიდ ბრიტანეთშია. მნიშვნელოვნად იკლო ინფიცირების ახალმა შემთხვევებმა იტალიასა და ესპანეთში. #news #კორონავირუსი #მსოფლიო #აშშ #TbilisiDaily #DailyNews

საქართველოში ახალი კორონავირუსისგან კიდევ 17 პაციენტი გამოჯანმრთელდა. ინფორმაცია მთავრობის მიერ შექმნილ ვებგვერდზე, stopcov.ge-ზე ცოტა ხნის წინ განახლდა. საქართველოში ამ დროისთვის კორონავირუსის 604 შემთხვევა არის დადასტურებული, მათ შორის240 პაციენტი გამოჯანმრთელდა . კორონავირუსის შედეგად ქვეყანაში გარდაიცვალა ცხრა პაციენტი. უცხოეთიდან სამკურნალოდ გადმოყვანილია საქართველოს სამი მოქალაქე. კარანტინის რეჟიმში იმყოფება 4887, ხოლო სტაციონარში მეთვალყურეობის ქვეშ – 500 ადამიანი. #news #covid19 #გამოჯანმრთელებული #tbilisidaily #dailynews