მეორე თვეა ჯო ბაიდენი უფრო მეტ შემოწირულობას იღებს საარჩევნო კამპანიაში, ვიდრე მოქმედი პრეზიდენტი დონალდ ტრამპი. ბოლო მონაცემებით ირკვევა, რომ ბოლო ერთი თვის განმავლობაში ბაიდენმა და დემოკრატიულმა პარტიამ 141 მილიონი დოლარი მიიღო, ხოლო რესპუბლიკური პარტიის პრეზიდენტობის კანდიდატმა და მოქმედმა პრეზიდენტმა დონალდ ტრამპმა 131 მილიონი დოლარი. სპეციალისტები ფიქრობენ და ამბობენ, რომ ამერიკაში წელს ყველაზე ძვირი საარჩევნო მარათონი მიმდინარეობს. ორივე კანდიდატისთვის ერთ თვეში მიღებული შემოწირულობა რეკორდულია. ბაიდენი რომელმაც დემოკრატიული პარტიის შიდა ყრილობაში დიდი მხარდაჭერა მიიღო ახლა ცდილობს შეამციროს დიდი ფინანსური სხვაობა რომელიც მის საარჩევნო კამპანიასა და პრეზიდენტ ტრამპის საარჩევნო კამპანიას შორის არსებობდა. სფეროს სპეციალისტები ამბობენ, რომ ბაიდენისგან განსხვავებით დონალდ ტრამპმა მას შემდეგ რაც ის გახდა ამერიკის 45-ე პრეზიდენტი მალევე დაიწყო თანხების შეგროვება არჩევნებში მეორე ვადით კენჭისყრისთვის. ჯო ბაიდენის ფულადი სახსრების ზრდა კი მას შემდეგ დაიწყო, რაც ის ოფიციალურად გახდა დემოკრატიული პარტიის საპრეზიდენტო კანდიდატი. ამასთან ბაიდენის რეიტინგი მნიშვნელოვნად გაიზარდა მას შემდეგ რაც ქვეყანაში ახალი კორონავირუსის პანდემია დაიწყო და ბოლო ერთი თვის განმავლობაში საპროტესტო აქციები დაიწყო პოლიციის რეფორმის მოთხოვნით. როგორც დემოკრატებმა, ასევე რესპუბლიკელებმა დაადასტურეს რომ მათ შეუძლიათ წინასაარჩევნო ბრძოლისთვის დიდი თანხები მოიზიდონ მიუხედავად იმისა, რომ ახალი კორონავირუსის პანდემია გრძელდება - რომელიც თავის მხრივ ზიანს აყენებს ეკონომიკას. მოზიდული თანხებით კი კანდიდატები სატელევიზიო და ინტერნეტ რეკლამაში ასევე პერსონალისთვის ხელფასების გადახდას უზრუნველყოფენ. ტრამპმა თავისი დაბადების დღის ფარგლებში, კამპანიისთვის 14 მილიონი ამერიკული დოლარი შეაგროვა, ხოლო ჯო ბაიდენმა ამერიკის 44-ე პრეზიდენტის ბარაქ ობამას დახმარებით ერთ-ერთ ღონისძიებაზე 11 მილიონ დოლარზე მეტის შეგროვება მოახერხა.#ახალი_ამბები

გაიცანით, ჯერი ბეროშვილი💙 ილო ბეროშვილს და ანი ბებიას ვაჟი შეეძინათ რომელსაც ჯერი დაარქვეს!#news #opinion #newlife #ახალიამბებიTbilisi

I'm French, so I'm quite lazy about exercising, and I smoke. But I do love going for a run in the morning with my dog. That's all. I am a dreamer. Seriously, I'm living on another planet. Happy birthday to you Main GREEN Girl! 💚 Love #Evagreen #Birthdaygirl #Fabulous #actress Tbilisi#ხელოვნება

რეკომენდაცია გამოცდის დღემდე: „აბიტურიენტს, რომელსაც გამოცდების წინა დღეებში ექნება მომატებული ტემპერატურა და კორონავირუსისთვის დამახასიათებელი სიმპტომები, რესპირაციული სიმპტომები, ის აუცილებლად თავისი ოჯახის ექიმის დანიშნულებით უნდა მივიდეს შესაბამის ცენტრებში, სადაც ხდება ნაცხის აღება და უნდა გაიკეთოს PCR ტესტი. ხაზს ვუსვამ, აბიტურიენტი, ვისაც ექნება შესაბამისი სიმპტომები და მომატებული ტემპერატურა, პასუხს აიღებენ 24 საათის განმავლობაში, რომლითაც წარდგებიან საგამოცდო კომისიის წინაშე“, – განაცხადა ამირან გამყრელიძემ მთავრობის ადმინისტრაციაში გამართულ სპეციალურ ბრიფინგზე და 2020 წლის ეროვნული გამოცდების მონაწილეებს ბოლო დეტალური რეკომენდაციები მისცა. თუ ტემპერატურა გაქვთ: როგორც დაავადებათა ეროვნული ცენტრის ხელმძღვანელი ამბობს, იმ აბიტურიენტებს ვისაც გამოცდის დღემდე არ დაფიქსირებია ტემპერატურა, მაგრამ გამოცდაზე მისვლის შემდეგ თერმოსკრინინგის გავლის დროს დაუფიქსირდება, შესაძლებლობა მიეცემათ გამოცდა იზოლირებულად ჩააბარონ. „თუ აბიტურიენტს სიცხე უფიქსირდება გამოცდაზე შემოსვლის დროს და მანამდე არ ჰქონია და არა აქვს გაკეთებული PCR ტესტი, მათთვის არის ცალკე იზოლირების საშუალება, ისევე როგორც სხვა აბიტურიენტებისთვის, ვისაც სხვა შეზღუდული შესაძლებლობები აქვთ“, – განაცხადა ამირან გამყრელიძემ. პირბადის გამოყენების პრინციპი და ვალდებულება: მან ასევე განმარტა გამოცდის პროცესზე კონდიცირებისა და პირბადის გამოყენების ახალი წესი, რომლის მიხედვითაც აბიტურიენტებს პირბადის მოხსნა მხოლოდ გამოცდის წერისას შეეძლებათ, თუმცა რეკომენდაციად რჩება, რომ მაინც ეკეთოთ. რაც შეეხება კონდიცირებას, თუ საგამოცდო ოთახში ტემპერატურა 30 გრადუსს მიაღწევს, მაშინ შესაძლებელია გაგრილების ჩართვა ღია ფანჯრებთან ერთად. ამ შემთხვევაში აბიტურიენტებმა და საგამოცდო ოთახში მყოფმა ყველა ადამიანმა პირბადე ისევ უნდა გაიკეთოს. „ყველაზე დიდი მსჯელობა იყო ორ საკითხზე – რადგან ზაფხულია, გამოცდის დროს ვენტილაციის შესაბამის პირობებსა და პირბადის გამოყენებაზე. ევროპის დაავადებათა კონტროლის ცენტრის ბოლო მონაცემებით და ბოლო რეკომენდაციებით ე.წ. ვენტილატორებსა და გამაგრილებელ საშუალებებზე, არის მტკიცებულებები, რომ თუ ფანჯრები ღიაა და ოთახში ჩართულია კონდიციონერი, ინფექციის გავრცელების საფრთხე მინიმალურია. ამიტომ, რა თქმა უნდა, კონდიცირების გამოყენება საგამოცდო პროცესში შესაძლებელია, მაგრამ ამ შემთხვევაში აუცილებელია, რომ ადამიანებს ეკეთოთ პირბადე. მეორეს მხრივ, პირბადე გახლავთ ერთ-ერთი დამცავი საშუალება და აბიტურიენტებს ჰქონდათ წუხილი იმასთან დაკავშირებით, რომ პირბადით მუშაობა 3-4 საათის განმავლობაში არის გარკვეულად შემაწუხებელი. აქაც გამოინახა კომპრომისი რა თვალსაზრისით, რომ პირბადის ხმარება რეკომენდირებულია დახურულ შენობებში ყველგან და მათ შორის აბიტურიენტიც უნდა შევიდეს პირბადით გამოცდაზე, საგამოცდო ბილეთის აღების დროს, კომისიის წევრებთან, ზედამხედველებთან კონტაქტისას აუცილებელია, რომ აბიტურიენტს და ყველა იქ მყოფ ადამიანს უნდა ეკეთოს და ატაროს ნიღაბი. ერთადერთი, როდესაც მიდის აბიტურიენტი და ჯდება მაგიდასთან, მაგიდები არის უფრო მეჩხერად, ვუშვებთ ამ გამონაკლისს და შეუძლია მოიხსნას პირბადე, მაგრამ თუ დაუძახებს გარკვეული საკითხისთვის ზედამხედველს, აუცილებელია, რომ ესაუბროს მას პირბადით, თუ უნდა ტუალეტში გასვლა, აუცილებელია, რომ გავიდეს პირბადით. ანუ მხოლოდ მაგიდასთან მუშაობის პროცესში შეუძლია მოიხსნას და მას ამისთვის არავინ არ დასჯის. კონდინციონერის ჩართვა: „გამოცდების დაწყების წინ ხდება ოთახების სრულად კონდიცირება, შემდგომ გაითიშება. ბუნებრივი აირაცია აუცილებელია ყველა ოთახში და დღეს როგორც მაქვს ინფორმაცია ყველა ოთახს, სადაც ჩატარდება ერთიანი ეროვნული გამოცდები აქვს ბუნებრივი აირაციის საშუალება. ყველა ოთახში იქნება ასევე ტემპერატურის საზომი მოწყობილობა და თუ შიდა ოთახის ტემპერატურა 30 გრადუსს მიაღწევს, მაშინ გარკვეული პერიოდულობით ჩაირთვება კონდიცირება, ოღონდ კონდიცირების ჩართვის დროს აბიტურიენტებმა ისევ უნდა გაიკეთონ ნიღაბი“, – განაცხადა ამირან გამყრელიძემ. ერთიანი ეროვნული გამოცდების, საერთო სამაგისტრო გამოცდების, სტუდენტთა საგრანტო კონკურსისა და საგნის გამოცდის ჩატარების წესები დაზუსტდა პრემიერი: ამ შემთხვევაში აბიტურიენტი მოიხსნის პირბადეს და გამოცდის დროს ჩაირთვება კონდიციონერი #გიგიორაგველიძე#ახალიამბები #ხელოვნება #ბიზნესი #პოლიტიკა #მოგზაურობა #მეცნიერება #კულინარია #სპორტი #ჯანსაღიცხოვრება #ასტროლოგია #მოდა #ტექნოლოგიები

გორის მუნიციპალიტეტის სოფელ ციცაგიაანთკარის მოსახლეობას სასმელი წყლის პრობლემა შეძლებისდაგვარად მოკლე დროში მოუგვარდება, - ამის შესახებ ინფორმაცია ადგილობრივებს თავად გორის მუნიციპალიტეტის მერმა, კონსტანტინე თავზარაშვილმა მიაწოდა. „სოფელ ციცაგიანთკარის მოსახლეობა გასული საუკუნის 80-იან წლებში მოწყობილი, ფაქტობრივად ამორტიზებული სასმელი წყლის სისტემით სარგებლობს. შესაბამისად, მოსახლეობის ნაწილს წყალი შეფერხებით, ნაწილს კი - საერთოდ არ მიეწოდება. ამიტომაც, შესაბამისი სამუშაოების შესყიდვის მიზნით ტენდერი უკვე გამოცხადებულია და კანონით დადგენილ ვადებში პროექტის განხორციელებაც დაიწყება. აღსანიშნავია, რომ სამუშაოების დასრულების შემდეგ, სოფელში მცხოვრები 120 ოჯახი ხარისხიან სასმელ წყალს ურპობლემოდ მიიღებს“, - აღნიშნა კონსტანტინე თავზარაშვილმა. როგორც გორის მუნიციპალიტეტის მერიაში აცხადებენ, აღნიშნული პროექტის შესყიდვის ღირებულება 358 844 ლარია. საპროექტო დოკუმენტაცია USAID-ის „ზრდა“ პროექტმა მოამზადა და გორის მერიას უსასყიდლოდ გადასცა. აღნიშნული პროექტით გათვალისწინებული სამუშაოებისთვის საჭირო ფინანსური რესურსის დიდ ნაწილს, 87%-ს ეუთოს მხარდაჭერით, იტალიის რესპუბლიკა აფინანსებს.#გორი #სასმელიწყალი

Wizz Air აქტიურად აკვირდება გლობალურ და ლოკალურ ეპიდსიტუაციას, ითვალისწინებს საქართველოს მთავრობის რეგულაციებს და განაგრძობს ქვეყანაში ოპერირებას. Wizz Air 2012 წლიდან მუშაობს საქართველოს საავიაციო ბაზარზე და კიდევ უფრო გაფართოვდა 2016 წელს, ბაზის დაარსების შემდეგ. Wizz Air ერთ-ერთი წამყვანი ავიაკომპანია გახდა საქართველოში, რომელმაც 2.5 მილიონზე მეტი მგზავრის გადაყვანა უზრუნველყო. რამაც მნიშვნელოვნად შეუწყო ხელი ტრეფიკის და ტურიზმის გაძლიერებას ბოლო წლების განმავლობაში. Wizz Air გამოხატავს მზაობას შეასრულოს ფრენები საქართველოსა და სხვა ქვეყნებს შორის როგორც კი აღდგება რეგულარული კომერციული ფრენები. Wizz Air მზადაა, აღადგინოს ფრენები და დაამატოს ახალი მიმართულებები ქუთაისის საერთაშორისო აეროპორტიდან, როგორც კი გლობალური ეპიდემიოლოგიური ვითარება გაუმჯობესდება და მოგზაურობაზე მოთხოვნა დაიწყებს ადრინდელ ნიშნულზე დაბრუნებას”, - ნათქვამია განცხადებაში.#საინტერესო #ფრენები #ფრენებისაღდგენა #kutaisidaily #ახალიამბები

კორონავირუსით ინფიცირებული ახალი პაციენტებიდან ჩვენ კლინიკაში მხოლოდ ერთი პირია მოთავსებული და ის ამერიკის კლასტერს უკავშირდება. ამის შესახებ ინფექციური საავადმყოფოს სამედიცინო დირექტორმა, მარინა ეზუგბაიამ განცხადა., მისივე თქმით, ახალი პაციენტის მდგომარეობა მძიმე არ არის. „როგორც იცით, გუშინ 188 დაინფიცირებული იყო, 7 დაემატა და ამჟამად, ქვეყანაში 195 დადასტურებული შემთხვევაა. ამ 7-დან ერთ-ერთი ჩვენთანაა მოთავსებული, წყარო ამერიკაა. ჩვენს ცენტრში განკურნებული და ბინაზე გაწერილა 29 პირი. ამჟამად, ჩვენთან მკურნალობს 39 პაციენტი, მათგან ერთი კრიტიკული პაციენტია, რომლის მდგომარეობაც არ გაუმჯობესებულა და პროგნოზულად ისევ სერიოზულია. დანარჩენი პაციენტების მდგომარეობა, რომლებიც ინტენსიურ თერაპიაზე იმყოფებოდნენ, სტაბილურია და შეიძლება ითქვას, რომ ძალიან მძიმე პნევმონიით არ განიხილებიან. 22 პაციენტი საშუალო სიმძიმის პნევმონიითაა. რაც შეეხება ახალ პაციენტს, ის ჩვენს ცენტრში გუშინ გვიან შემოვიდა, პირველადი ანალიზებით და ზოგადი მდგომარეობით მძიმე არ არის, დღეს სრული კვლევები გაუკეთდება გაფართოებული სახით, კვლევების შედეგების შეჯერებით და მდგომარეობის გათვალისწინებით შევაფასებთ მის სიმძიმეს. აღნიშნული პაციენტი საკარანტინე სივრცეში იმყოფებოდა“, - განაცხადა ეზუგბაიამ.#კორონავირუსი #ინფიცირებული #პანდემია #დარჩისახლში #tbilisidaily

ინფექციური საავადმყოფოს სამედიცინო დირექტორის, მარინა ეზუგბაიას განცხადებით, ორი ახალი პაციენტიდან ერთის ისტორია საფრანგეთს უკავშირდება. ის თვითიზოლაციაციში იმყოფებოდა და დაავადება მე-13 დღეს დაუდასტურდა. მისივე თქმით, მეორე პაციენტი არის დადასტურებულ პაციენტთან კონტაქტი. ეს პირიც თვითიზოლაციაში იყო და კლინიკაში დაავადების გამოვლენიდან მეორე დღეს მოთავსდა. მისი ისტორია ამერიკას უკავშირდება. ეზუგბაიას განცხადებით, გუშინდელი დილის მონაცემებს 5 ახალი შემთხვევა დაემატა, დღეს დილით 77 შემთხვევა გვაქვს. აქედან 34 პაციენტი იფექციურ საავადმყოფოშია მოთავსებული, 10 გაწერილია, დანარჩენი 33 კი ხუთ მიმღებ სხვადასხვა კლინიკაშია განთავსებული. ,,ამ 5 მიმღებ კლინიკას კიდევ დაემატა ზუგდიდის ინფექციური საავადმყოფო და ერთ-ერთი ახალი პაციენტი არის ზუგდიდის საავადმყოფოში, ერთი ბათუმში, ერთი გორში და ორი ჩვენს ცენტრში, 2 ახალი შემთხვევა დაემატა ჩვენს ცენტრს. ჩვენი შემთხვევის ისტორია ამერიკას უკავშირდება, ამერიკის ისტორიის კონტაქტია ჩვენს პაციენტთან დაფიქსირებული“, - განაცხადა ეზუგბაიამ.#ახალიშემთხვევა #ინფიცირებულები #მარინაეზუგბაია #ამერიკულიკლასტერი #დარჩისახლში #tbilisidaily

საქართველოს კალათბურთელთა ნაკრების ლეგიონერმა მაიკლ დიქსონმა "ტვიტერზე" ემოციური წერილი დაწერა. იგი ევროკავშირს მიმართავს, გააღოს კორონავირუსის დროს საბერძნეთის კარი, რათა მცირეწლოვანი შვილის სანახავად ჩასვლა შეძლოს. აი, დიქსონის დაწერილი ტექსტიც: "ევროკავშირო, გთხოვ გახსნა საბერძნეთის კარი. ძალიან მენატრება ჩემი ვაჟი. იგი ნახევარი წელია არ მინახავს. მომეცით ჩემი ბიჭის ნახვის საშუალება. მე ის ძალიან მიყვარს."

კახეთში ოთხი კლინიკა არის მზადყოფნაში, საჭიროების შემთხვევაში ვირუსის მქონე პაციენტები მიიღოს, მათ შორის ორი კლინიკა თელავში და თითო საგარეჯოსა და ლაგოდეხში. თელავის რეფერალური საავადმყოფოს დირექტორის განმარტებით, ადგილზე პაციენტებს აუღებენ ანალიზს და ლუგარის ლაბორატორიაში გადააგზავნიან. საავადმყოფომ სხვა პაციენტების მიღება გუშინ შეაჩერა და სტაციონარიდან მოქალაქეები, რომლებიც სხვადასხვა დაავადებებზე მკურნალობდნენ სხვა სამედიცინო დაწესებულებებში გადაანაწილა. "დღეიდან უკვე შეგვიძლია პაციენტების მიღება. სრულად ვართ მომზადებული, როგორც კლინიკა, ასევე პერსონალი. კორონავირუსის დამახასიათებელი სიმპტომის მქონე 55-მდე პაციენტზეა გათვლილი, გვაქვს ბოქსირებული, იზოლირებული განყოფილებები", - განაცხადა ხათუნა ჭონიაშვილმა. კახეთის რეგიონში ამ დროისთვის თვითიზოლაციაში 452 ადამიანი იმყოფება, ამასთან, თვითოზლაციის ვადა 60 ადამიანს ამოეწურა. ამის შესახებ დაავადებათა კონტროლის ცენტრის კახეთის განყოფილების უფროსმა, ნელი ხიზანიშვილმა განაცხადა. მისი თქმით, რეგიონში მდებარე რვა საკარანტინო სივრცეში 550 ადამიანია მოთავსებული, ისინი ძირითადად უცხოეთიდან სამშობლოში დაბრუნებული საქართველოს მოქალაქეები არიან. „ყველა მათგანის ჯანმრთელობის მდგომარეობა დამაკმაყოფილებელია. გასული დღე- ღამის განმავლობაში კლინიკაში არც ერთი ადამიანის გადაყვანა არ გამხდარა საჭირო“, – აცხადებს ხიზანიშვილი.