საქართველოს ექს-პრეზიდენტი, გიორგი მარგველაშვილი ,,ლეიბორისტული პარტიის" ოფისში ოპოზიციონერი ლიდერების შეხვედრაზე მივიდა. ამასთან დაკავშირებით კომენტარი გააკეთა შალვა ნათელაშვილმა და აღნიშნა, რომ ,,პრეზიდენტი პრეზიდენტია" და ყოფილი პრეზიდენტი არ არსებობს.

,,ჩვენ, რა თქმა უნდა მივესალმებით ბატონი გიორგის მობრძანებას. მსოფლიო საკონსტიტუციო პრაქტიკით, ყოფილი პრეზიდენტი არ არსებობს, პრეზიდენტი პრეზიდენტია", — განაცხადა ნათელაშვილმა.

თავად გიორგი მარგველაშვილმა კი განაცხადა, რომ საარჩევნო სისტემის ცვლილება ქართული დემოკრატიის დიდი ხნის ნანატრი მიზანი იყო და ამ მონაპოვრისთვის სურს მადლობა გადაუხადოს ოპოზიციის წარმომადგენლებს.