13 votes
0 comments
1 shares
Save
გახანგრძლივდება თუ არა სკოლებში არდადეგები?
2290 views
Tbilisi Daily
Tbilisi · 4 months ago
სტატიის წასაკითხად დააჭირე გაგრძელებას
or
By continuing you agree to Feedc’s Terms of use and Privacy Policy

დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის, ამირან გამყრელიძის განცხადებით, კვირის ბოლოს გახდება ცნობილი, გახანგრძლივდება თუ არა სკოლებში არდადეგები. ამის შესახებ მან „ინტერპრესნიუსს“ განუცხადა.

„მქონდა კონსულტაცია განათლების მინისტრის მოადგილესთან და ეს დამოკიდებული იქნება ეპიდსიტუაციის განვითარებაზე ამ კვირის განმავლობაში. შესაბამისად, პრემიერ-მინისტრთან არსებული საბჭო მიიღებს გადაწყვეტილებას არდადეგების გახანგრძლივებასთან დაკავშირებით“, - განაცხადა ამირან გამყრელიძემ.

#არდადეგები #სკოლა #ამირანგამყრელიძე #Tbilisidaily
Tbilisi Daily
Tbilisi · 4 months ago
Similar Posts
Headline
Tbilisi, Georgia · 3 months ago
დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის ამირან გამყრელიძის ინფორმაციით, ქვეყანაში დაახლოებით 12 000 საწოლია, რომელიც სერიოზული მატების შემთხვევაში შეიძლება იყოს გამოყენებული. აღნიშნული განცხადება გამყრელიძემ ჯანდაცვის მინისტრისა და კერძო კლინიკების წარმომადგენლების შეხვედრის დასრულების შემდეგ გააკეთა. მისივე განმარტებით, ჯანდაცვის სამინისტროს კერძო კლინიკების ჩართვის გეგმა აქვს შემუშავებული, რომლის მიხედვით ვირუსის გავრცელების პირველ ეტაპზე 500-600 საწოლამდე სახელმწიფო კლინიკებიდან გამოიყოფა, ხოლო მეორე ეტაპზე 2-3 ათასი კერძო კლინიკებიდან, რაც ეტაპობრივად გაიზრდება. ,,გვქონდა შეხვედრა კერძო სექტორის კლინიკებთან, ძალიან კარგი საუბარი იყო და ყველამ გამოთქვა ძალიან მაღალი სოლიდარობის მზაობა. იცით, რომ ეპიდსიტუაციის გაუარესების შემთხვევაში პირველ დარტყმას მიიღებენ სახელმწიფო კლინიკები: გორის ჰოსპიტალი, საუნივერსიტეტო კლინიკა, რესპუბლიკური კლინიკა და წამყვანი ინფექციური საავადმყოფოები. თუ გახდა საჭირო მეორე ეტაპზე და გახდება, მეორე ეტაპზე პაციენტებს დიდი კერძო კლინიკები მიიღებს, სადაც სრული მზაობაა, მათ აქვთ სრული აღჭურვილობა და შესაბამისი ადამიანური რესურსი. ჯანდაცვის სამინისტრო აზუსტებს ამ ჰოსპიტალების ეტაპობრივი გამოყენების გეგმას და დარწმუნებული ვარ, ეს გეგმა დღეს და ხვალ იქნება. ისინი მუშაობენ ინდივიდუალურად დიდ ქსელურ ჰოსპიტალებთან. ზოგადად ქვეყანაში გვაქვს დაახლოებით 12 000 -მდე საწოლი, რომელიც სერიოზული მატების შემთხვევაში შეიძლება იყოს გამოყენებული. სწორედ ამისთვის არის ჯანდაცვის სამინისტროს გეგმა 500-600 საწოლამდე სახელმწიფო კლინიკები, მეორე ეტაპზე 2-3 ათასი კერძო კლინიკები და შემდგომ კიდევ," - განაცხადა ამირან გამყრელიძემ. P.s. სტატია ჩვენ არ გვეკუთვნის. სტატია გამოქვეყნებულია ipn.ge-ს მიერ. #news #coronavirus #ამირანგამყრელიძე
Tbilisi Daily
Tbilisi, Georgia · 4 weeks ago
თუ "ავიშვით" სწავლაც გადაიდება და არჩევნებიც
დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, მნიშვნელოვანია, ყველამ დაიცვას ის რეკომემდაციები, რომლებიც ჯანდაცვის სექტორის მხრიდან არის გაცემული. გამყრელიძის თქმით, ასეთ შემთხვევაში შესაძლოა, ქვეყანამ კორონავირუსის მეორე ტალღა თავიდან აირიდოს. „თუ ყველა დავიცავთ ამ რეკომენდაციებს, დიდი ალბათობით, ჩვენ მეორე ტალღაში შეიძლება, არ შევიდეთ, კიდევ ერთხელ ვამბობ, თუ არ იქნება ის მდგომარეობები, რასაც ზოგიერთ რესტორანში ვუყურებთ, პლიაჟებზე დაცული იქნება რეკომენდაციები, რასაც იძლევიან ჩვენი სამსახურები, ჯანდაცვის სექტორი ყველა თავშეყრის ადგილებზე“,- განაცხადა გამყრელიძემ. გამყრელიძის განმარტებით, დღეიდან ძალაში შევიდა პირბადეების ტარების წესი საჯარო სივრცეში. გამყრელიძის განცხადებით, თუ მოქალაქეები წესებს დაიცავენ და შესაბამისად, არსებული ეპიდემიური ვითარება არ გაუარესდება, სწავლის დაწყებას ან არჩევნების ჩატარებას ხელს არაფერი შეუშლის. „აქამდე, 3-4 თვის განამვლობაში ქართველები კარგად ემორჩილებოდნენ წესებს, ამიტომ მოვედით ამ მდგომარეობამდე, რომ ჩვენთან ინფექციის გავრცელების მაჩვენებლი არის შედარებით დაბალი, ვიდრე ჩვენს ირგვლივ მყოფ ქვეყნებში. თუ ჩვენ ამ დინამიკით წავედით, რაც დღეს გვაქვს, ეს არავითარ საფრთხეს არ უქმნის არც სწავლის დაწყებას, არც არჩევნების ჩატარებას, არც კიდევ სხვა ღონისძიებებს, თუ ეპიდსიტუაცია იქნება ისეთი, როგორიც დღეს არის. ღმერთმა დაგვიფაროს და თუ ეპიდსიტუაცია იქნა ისეთი, როგორიც ზოგიერთ მეზობელ ქვეყანაშია, ანუ თუ ჩვენ არ მოვუფრთხილდით დიდ მონაპოვარს, სახელმწიფოს და საზოგადოების ერთობლივ მონაპოვარს და „ავიშვით“, მაშინ, რა თქმა უნდა, არის რისკი ეპიდსიტუაციის გაუარესების. ამიტომ, ეპიდსიტუაციის მიხედვით იქნება შემდეგ გადაწყვეტილება უკვე მისაღები – საჭირო გახდება ისევ საგანგებო მდგომარეობის გამოცხადება, თუ არა და ა.შ. ამიტომ, ჯერ დაველოდოთ და თხოვნაა, რომ ყველამ ერთობლივად შევასრულოთ ის რეკომენდაციები, რასაც ჯანდაცვის სექტორი იძლევა“,- განაცხადა ამირან გამყრელიძემ. საგანგებოსიტუაცია სწავლა არჩევნები tbilisidaily
რადიო თავისუფლება Radio Tavisupleba
Tbilisi, Georgia · 1 week ago
არსებული ეპიდსიტუაციის პირობებში სექტემბერში სწავლა განახლდება
დავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის ამირან გამყრელიძის განცხადებით, დღევანდელი ეპიდსიტუაცია იძლევა იმის თქმის საშუალებას, რომ სექტემბერში სკოლებში სწავლის განახლებას საფრთხე არ ემუქრება. მისი სიტყვებით, შესაბამის გადაწყვეტილებას საკოორდინაციო საბჭოს სხდომაზე მიიღებენ. „დღევანდელი ეპიდსიტუაციიდან გამომდინარე არავითარი საშიშროება იმის, რომ სწავლა არ დაიწყოს, არ არის. თუ ეპიდსიტუაციას, როგორიც დღეს გვაქვს, შევინარჩუნებთ, არავითარი საფრთხე სწავლის არდაწყების არ არის“,- განაცხადა ამირან გამრელიძემ, მედიასთან საუბარში. ამავე თემაზე საუბრისას, პარლამენტის თავმჯდომარემ არჩილ თალაკვაძემ განმარტა, რომ სკოლის შენობებში სწავლის განახლების თარიღთან დაკავშირებით ხელისუფლების წარმომდგნლები მუშაობენ. მისი მოსაზრებით, ამჟამინდელი მდგომარეობით სექტემბერში სწავლის განახლების თვალსაზრისით პრობლემა არ ჩანს. „ვინაიდან სექტემბერი უკვე ახლოს არის, ჩვენ, ხელისუფლება, მათ შორის ჯანდაცვისა და განათლების სამინისტროები, უკვე ვაკეთებთ ყველა სამეცნიერო არგუმენტების კონსოლიდაციას, რათა ამ საკითხზე მივიღოთ დროული და სწორი გადაწყვეტილება. მე პირადად, ვფიქრობ, რომ სექტემბერში სწავლის დაწყების პროცესს, იმ ყველა თანმდევი სერვისებით, რომელიც სწავლის პროცესს ახლავს, ჯერჯერობით როგორც ჩანს, პირდაპირი საფრთხე არ ემუქრება, ამიტომ ვემზადებით და ვმუშაობთ იმისთვის, რომ სექტემბერში მოხდეს სწავლის განახლება რეალურ რეჟიმში“, - განაცხადა არჩილ თალაკვაძემ. ის აქვე შენიშნავს, რომ სწვლის განახლებასთან დაკავშირებით საბოლოო გადაწყვეტილება მაინც ეპიდსიტუაციაზე იქნება დამოკიდებული. გაეროს ბავშვთა ფონდის საქართველოს ოფისმა გაავრცელა განცხადება, რომ დროა ბავშვები ჩვეულ სასწავლო პირობებს დაუბრუნდნენ. Unicef-ი მოუწოდებს ხელისუფლებას სკოლები იმ პრიორიტეტულ დაწესებულებებს შორის მოაქციოს, რომლებიც უსაფრთხოების ზომების დანერგვის შემდეგ გახდება ხელმისაწვდომი. „რაც უფრო დიდხანს რჩებიან ბავშვები სკოლის გარეშე, მით უფრო იზრდება მათი დაუცველობა სხვადასხვა რისკების მიმართ. სკოლების დახურვა განსაკუთრებით მძიმედ აისახება დაუცველ ბავშვებზე. ვითარების გაუმჯობესებასა და შეზღუდვების შემსუბუქებასთან ერთად, დროა, ბავშვები დაუბრუნდნენ ჩვეულ სასწავლო პირობებს“,- ნათქვამია განცხადებაში. .#ახალი_ამბები#twitter
Mediamall
Tbilisi, Georgia · 3 months ago
კორონავირუსის ფართომასშტაბიანი გავრცელება მაქსიმალურად შევაკავეთ, რითაც მოვიგეთ დრო
დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის, ამირან გამყრელიძის განცხადებით, კორონავირუსის გავრცელების ე.წ. შეკავების ფაზა საქართველოში მაქსიმალურად გაიწელა. მისივე თქმით, საქართველოში ვირუსის ფართომასშტაბიანი გავრცელება მაქსიმალურად შეაჩერეს და ამით მოიგეს დრო, რომ ჯანდაცვის სექტორი სერიოზულად მომზადებულიყო. გამყრელიძე ამბობს, რომ ამ დროისთვის ვითარება მათი პროგნოზების შესაბამისად იცვლება. „შემთხვევების ზრდა იქნება. შეკავების ფაზა საქართველოში მაქსიმალურად „გაიწელა“, ჩვენ შევაკავეთ მაქსიმალურად ინფექციის ფართომასშტაბიანი გავრცელება, ამით მოვიგეთ დრო და მოემზადა ჯანდაცვის სექტორი უფრო სერიოზულად. დაახლოებით მივყვებით იმ პროგნოზებს, რაც ჩვენი მოდელირებით არის. ამ კვირის ბოლოს რასაც ვპროგნოზირებდით, შემიძლია გითხრათ, იმაზე ოდნავ ცოტაც არის. ასევე ვპროგნოზირებთ მომავალი კვირის შემთხვევებს როგორი იქნება და ვნახოთ“ , – განაცხადა ამირან გამყრელიძემ. მან კიდევ ერთხელ ხაზი გაუსვა სოციალურ დისტანცირებას, რომელიც მისივე განმარტებით, არის ერთ-ერთი ყველაზე მძლავრი იარაღი კორონავირუსთან საბრძოლველად. ამიტომ, გამყრელიძე კიდევ ერთხელ მოუწოდებს ყველას, დარჩნენ სახლში. „ამიტომ არის საჭირო, რომ ყველამ დავიცვათ ის ღონისძიებები, რასაც გულისხმობს საგანგებო მდგომარეობა, რასაც გულისხმობს კარანტინი, თივთიზოლაცია, პირადი ჰიგიენა, ნაკლები დიდი შხვედრები, ნაკლები დიდი სუფრები, ნაკლები კი არა საერთოდ აკრძალულია. თუ ყველაფერს დავიცავთ, პირველი იარაღი ამ ბრძოლაში გახლავთ სოციალური დისტანცირება. წამალი არა, წამალი გვჭირდება და მკურნალობა უკვე დაინფიცირებულ ადამიანზე, მაგრამ რომ არ დაგვიინფიცირდეს ხალხი, ამისთვის საჭიროა სოციალური დისტანცირება. თუ ჩვენ ამ ყველაფერს შევასრულებთ, მაშინ შესაძლებელია, ნაკლები დაზიანება იყოს“ ,- აღნიშნა გამყრელიძემ.
Tbilisi Daily
Tbilisi, Georgia · 2 months ago
დაიცავით სოციალური დისტანცია, არ გამართოთ დიდი თავყრილობები - ამირან გამყრელიძე
ყველას გვინდა ბრწყინვალე შვიდეულის დროს ჩვენს მიცვალებულებთან საფლავზე მისვლა, კვერცხის გაგორება, თუ ერთი ჭიქის დალევა, ეს ჩვენი ტრადიციაა, მაგრამ იქნებ წელს თავი შევიკავოთ ამ ტრადიციისგან, - ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ ვიდეო-ჩართვისას განაცხადა. მან მოსახლეობას მოუწოდ, რომ დარჩნენ სახლში და დიდი თავტრილობები არ გამართონ. „ჯერ ჩვენ პიკში არ ვართ. პიკი წინ გველის. პიკი შეიძლება, კეთილსაიმედო იყოს იმ შემთხვევაში, თუ ყველა რეკომენდაციას დავიცავთ. დარჩით სახლში, დაიცავით სოციალური დისტანცია, არ გამართოთ დიდი თავყრილობები. ვიყოთ ნაკლებად აქტიური წირვა-ლოცვებზე ამ ხნის განმავლობაში. ყველას გვინდა ბრწყინვალე შვიდეულის დროს ჩვენს მიცვალებულებთან საფლავზე მისვლა, კვერცხის გაგორება თუ ერთი ჭიქის დალევა, ეს ჩვენი ტრადიციაა, მაგრამ იქნებ წელს თავი შევიკავოთ ამ ტრადიციისგან. იქნებ წელს ოჯახიდან თითო ადამიანი გავიდეს სასაფლაოზე, ისიც იმ პერიოდში, როდესაც საგანგებო მდგომარეობა არ იქნება. ამიტომ, ამ ორი კვირის განმავლობაში, ყველაფერი უნდა გაკეთდეს, რომ ჩვენ პიკში არ შევიდეთ, აპრილის ბოლოს, მაისის პირველ დეკადაში და თუ ამას განვახორციელებთ, ეს პიკი იქნება შედარებით დაბალი და არ იქნება ათასები. თუ ათასები იქნა, ეს ყველაფერი რთულად გადასატანი იქნება“,-განაცხადა ამირან გამყრელიძემ.#პანდემია #ამირანგამყრელიძე #დარჩისახლში #კორონავირუსი #tbilisidaily
Tbilisi Daily
Tbilisi, Georgia · 2 months ago
მედპერსონალის ინფიცირების მაღალი მაჩვენებელი საქართველოში - მიზეზები და არსებული გამოწვევები
პირველ მაისს დაავადებათა კონტროლის ეროვნული ცენტრის დირექტორმა, ამირან გამყრელიძემ განაცხადა, რომ ქვეყანაში მედპერსონალის კორონავირუსით ინფიცირების 72 შემთხვევაა დადასტურებული, რაც საერთო რიცხვის 12.7%-ს შეადგენს. გამყრელიძის შეფასებით, ეს არც ცოტაა და არც ძალიან ბევრი და საერთაშორისო ციფრების საშუალო მაჩვენებელს წარმოადგენს. თუმცა აღნიშნულ სტატისტიკურ მონაცემებში განგაშის საფუძველი დაინახა არაერთმა სამედიცინო ექსპერტმა თუ პოლიტიკოსმა. მათი მოსაზრებით, იმ ფონზე, როდესაც ქვეყანაში ექვსი ასეული დადასტურებული შემთხვევაც კი არ გვყავს, 72 მედპერსონალის დაინფიცირების შემთხვევა კატასტროფულად დიდი მაჩვენებელია. ,,ევროპული საქართველოს” ერთ-ერთი ლიდერის, ზურაბ ჭიაბერაშვილის განცხადებით, სხვა ქვეყნებში, მაგალითად, ჩინეთსა და იტალიაში მედიკოსების დაინფიცირება უკავშირდებოდა გადატვირთულ სამედიცინო სექტორსა და პაციენტების უწყვეტ ნაკადს, საქართველოში კი ჯერჯერობით ეს პრობლემა არ დამდგარა, შესაბამისად, ექიმებისა და ექთნების დაინფიცირება ჯანდაცვის ვერტიკალში არსებულ ხარვეზებზე მიუთითებს. რამ გამოიწვია საქართველოში მედპერსონალის ინფიცირება? ჯანდაცვის მინისტრის, ეკატერინე ტიკარაძის განმარტებით, უმრავლესი შემთხვევა სამუშაო სივრცის მიღმა მოხდა. მანვე აღნიშნა, რომ ჯანდაცვის უწყების მიერ იგეგმება ღონისძიებების კიდევ უფრო გამკაცრება და ,ასევე, მიმდინარეობს იმ ხარვეზების გამოკვლევა, რამაც გამოიწვია სამედიცინო პერსონალის დაინფიცირება. საგულისხმოა, რომ ამირან გამყრელიძის განცხადებითაც, საჭიროა ინფექციის კონტროლის ღონისძიებებისა და სპეციალური დამცავი საშუალებების კიდევ უფრო გამკაცრება. ამ ყველაფრის ფონზე ჩნდება კითხვა, რა ხარვეზებზეა საუბარი? სათანადოდ გადაამზადა თუ არა ჯანდაცვის უწყებამ სამედიცინო პერსონალი და არიან თუ არა ისინი აღჭურვილნი ყველა საჭირო დამცავი საშუალებით როგორც თბილისში, ისე რეგიონებში? ხაზგასასმელია, რომ 72 ინფიცირებული მედპერსონალიდან 30 სასწრაფო სამედიცინო დახმარების თანამაშრომელია, რაც, დიდი ალბათობით, არასაკმარის დაცვასთან და პერსონალური უსაფრთხოების საშუალებების არქონასთან არის დაკავშირებული. ტელევიზიიდანაც შენიშნავდით, რომ ხშირ შემთხვევაში სასწრაფოს თანამშრომლებს ქირურგიული ნიღაბი უკეთიათ, რომელიც ადამიანს ვერ იცავს კოვიდინფექციის გადადების საფრთხისგან. აუცილებელია გადამოწმდეს, რამდენად არის ეკიპირებული სამედიცინი პერსონალი, რომელთაც პირდაპირი კავშირი უხდებათ როგორც ინფიცირებულებთან, ასევე, შესაძლო ინფიცირებულებთან, კონტაქტებთან, რისკ-ჯგუფებთან. მნიშვნელოვანი გარემოებაა ისიც, თუ როგორ იყენებენ ექიმები, ექთნები და სანიტრები უსაფრთხოების საშუალებებს - არიან თუ არა ისინი სათანადოდ ინსტრუქტირებულნი, ფლობენ თუ არა ინფორმაციას როგორ ჩაიცვან და გაიხადონ სპეცტანსაცმელი, უტარდებათ თუ არა მათ შესაბამისი კვალიფიციური ტრენინგები და ა.შ გარდა ამისა, აუცილებელია ყველა სამედიცინო დაწესებულებაში მედპერსონალს რეგულარულად ჩაუტარდეს ტესტირება და ეს არ უნდა ეხებოდეს მხოლოდ COVID-ის სამკურნალო კლინიკებსა და ე.წ ,,ცხელების ცენტრებს”. იმ ფონზე, როდესაც ვირუსის გავრცელების მასშტაბები იზრდება, განსაკუთრებულ მნიშვნელობას იძენს თითოეული სამედიცინო პუნქტისა და წერტილის მზაობა ებრძოლოს Covid19-ს, რაც, უპირველეს ყოვლისა, მოიაზრებს მედპერსონალისთვის უწყვეტი ტრენინგების ჩატარებას ყველა დასახლებულ პუნქტში, იქნება ეს დედაქალაქი, მუნიციპალიტეტი თუ სოფელი. ტრენინგები პაციენტის ნაკადების მართვასა და ინფექციის შიდა გავრცელების მექანიზმებს სრულყოფს და უზრუნველყოფს იმას, რომ საავადმყოფო არ გახდეს კორონავირუსის შემდგომი გავრცელების წყარო. საყურადღებოა მედპერსონალის გადაღლის ფაქტორიც. ეს სახელდება ერთ-ერთ მიზეზად, რის გამოც, შესაძლოა, ექიმებმა და ექთნებმა ვეღარ შეძლონ კონცენტრაცია წესების დაცვაზე. მნიშვნელოვანია, ექიმებს ჰქონდეთ ნორმალური და დაბალანსებული სამუშაო გრაფიკი იმისათვის, რომ მათ ყველა რეკომენდაციისა და მოვალეობის ეფექტურად შესრულება მოახერხონ.#მედპერსონალი #კორონავირუსი #ჯანდაცვა #ჯანდაცვისსამინისტრო #დაავადებათაკონტროლი #ამირანგამყრელიძე #tbilisidaily
Tbilisi Daily
Tbilisi, Georgia · 2 months ago
მაღაზიებში, აფთიაქებში გამოვიყენოთ პირბადეები და არა ქუჩაში სიარულისას - ამირან გამყრელიძე
დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, პირბადეები არა ქუჩაში გადაადგილებისას,არამედ მაღაზიებსა და აფთიაქებში უნდა გამოვიყენოთ. გამყრელიძემ ისაუბრა საქართველოში წარმოებულ პირბადეებზე და აღნიშნა, რომ დაავადებათა კონტროლის ცენტრი არასოდეს დაადასტურებს ისეთ პროდუქციას, რომელიც მოსახლეობისთვის საზიანო იქნება. ,,ლუგარში და დაავადებათა კონტროლის ცენტრში არის ქვეყანაში ყველაზე მძლავრი დეპარტამენტი ბიოდაცვისა და ბიოუსაფრთხოების. ყველაზე გამოცდილი ხალხით, რომელთაც აქვთ დიდი გამოცდილება და ისინი ასწავლიან რა პირბადე უნდა გაიკეთონ, რა დაცვის საშუალება უნდა ჩაიცვან, როგორ უნდა ჩაიცვან, როგორ უნდა იმუშაონ საშიშ ინფექციასთან. ისინი მუშაობენ ბევრად უფრო საშიშ ინფექციებთან. ამ ხალხმა ძალიან კარგად იცის, როდის რა გაიკეთონ და ამას ასწავლიან სხვებს. ძალიან ვთხოვ მე, სხვები ნუ გვასწავლიან ჩვენ რომელს დავუდასტუროთ. არასდროს დაავადებათა კონტროლის ცენტრი არ იკადრებს იმას, რომ ვინმეს დაუდასტუროს ისეთი რამე, რომელიც მოსახლეობისთვის იქნება საზიანო, ამიტომ ეს, რაც მე ვიცი ბოლო შემოსული სამშრიანი საკმაოდ კარგი პირბადე მიიღებს დასტურს, რომ ის ქვეყანამ გამოიყენოს. უკვე შიდა გავრცელების ეტაპზე, სასურველია მაღაზიებში, აფთიაქებში, ოჯახში თუ აუცილებელი იქნება ვინმესთან მისვლა - აუცილებლად გვქონდეს პირბადე. გამოვიყენოთ პირბადეები ამ ტიპის კონტაქტისას და არა ქუჩაში სიარულისას",-აღნიშნა გამყრელიძემ.#ამირანგამყრელიძე #პანდემია #პირბადე #ლუგარისლაბორატორია #tbilisidaily
Tbilisi Daily
Tbilisi, Georgia · 2 months ago
,,ფეიკ-ნიუსები” და სოციალურ ქსელში ქართველი მედიკოსებისთვის მოპარული იდენტობები
გასული საუკუნის ბოლოს ტექნოლოგიების განვითარებამ უზრუნველყო ალტერნატიული ინფორმაციული სისტემის გაჩენა, რომელმაც მომხმარებლებს სრულიად ახალი შესაძლებლობები შესთავაზა. ინტერნეტმა გააფართოვა საკომუნიკაციო პერსპექტივები. მისმა მულტიმედიურმა და ჰიპეტექსტურმა შესაძლებლობებმა ხელი შეუწყო ინფორმაციის მომენტალურ, დროში შეუფერხებელ გადაცემას, მიმდინარე მოვლენებში აუდიტორიის მეტ ჩართულობას, უკუკავშირისა და რეაგირების გაჩენის შესაძლებლობას, თუმცა ახალი მედიის მზარდი პოპულარობის პირობებში ყალბი ინფორმაციის გავრცელებასთან დაკავშირებულმა გამოწვევებმაც მეტი აქტუალურობა შეიძინა. სოციალურმა სივრცემ ნებისმიერ ადამიანს შესაძლებლობა მისცა დროითი და სივრცითი შეზღუდვის გარეშე მიიღოს და გაავრცელოს ინფორმაცია, ეს უკანასკნელი კი შეიძლება იყოს როგორც რეალური და გადამოწმებული ფაქტი, ასევე, ტყული, ჭორი და დეზინფორმაცია, რაც სპეკულაციისა და ფალსიფიკაციის შესაძლებლობას აჩენს. ყალბი ამბები განსაკუთრებული ზიანის მომტანი კრიზისულ სიტუაციებშია და ეს კორონავირუსის პანდემიის პირობებშიც კარგად გამოჩნდა. ინტერნეტითა და სოციალური ქსელებით Covid 19-თან დაკავშირებით ხშირად მიმდინარეობს საზოგადოებრივი აზრის მართვა ფოტო-, ვიდეო- თუ ტექსტური მანიპულაციებით. ვრცელდება მითები, კონსპირაციული თეორიები, ითესება შიში და პანიკა, ამ ყველაფრის კონტროლის რეალური ბერკეტები და მექანიზმები კი არ არსებობს. გარდა ამისა, ფეისბუქში იქმნება ყალბი ანგარიშები იმ მედიკოსების სახელით, რომლებიც დღეს კორონავირუსთან ბრძოლაში ფრონტის წინა ხაზზე დგან. თავდაპირველად სოციალურ ქსელში გამოჩნდა ამირან გამყრელიძის სახელით შექმნილი ფეისბუქგვერდი. ფაქტს დაავადებათა კონტროლის ეროვნული ცენტრი გამოეხმაურა და აღნიშნა, რომ ამირან გამყრელიძე მხოლოდ ცენტრის ოფიციალური გვერდით სარგებლობს, დღეს კი ცნობილი გახდა, რომ მთავრობის ადმინისტრაციამ Facebook-ს ამირან გამყრელიძის სახელით ათობით ყალბი ანგარიში გააუქმებინა. დღესვე ინფექციური საავადმყოფოს სამედიცინო დირექტორმა, მარინა ეზუგბაიამ განაცხადა, რომ ფეისბუქში მისი სახელით გამოქვეყნებული ინფორმაციები სიმართლეს არ შეესაბამება. მედიკოსმა საზოგადოებას მოუწოდა, ყურადღება არ მიაქციონ ყალბ ანგარიშებს და განმარტა, რომ თავად სოციალური ქსელით საერთოდ არ სარგებლობს. ფაქტია, რომ ყალბი ანგარიშები ხშირ შემთხვევაში კოორდინირებულად მოქმედებენ, რათა სასურველი მიმართულებით წარმართონ საზოგადოებრივი აზრი და გავლენა მოახდინონ არსებულ სოციალურ-პოლიტიკურ დღის წესრიგზე. არსებობს გონივრული ეჭვი, რომ ამ ყალბი გვერდების მიღმა სწორედ პოლიტიკური ინტერესები იმალება. გარკვეული ჯგუფები ცდილობენ, შეარყიონ ხალხის რწმენა და დააჯერონ მოქალაქეები, რომ ხელისუფლება და ჯანდაცვის სისტემა კორონავირუსთან გამკლავებას ვერ შეძლებენ. ასევე, ყალბი ანგარიშები ცრუ ინფორმაციის გავრცელებით ხელს უწყობენ იმ ადამიანების მარგინალიზებას, რომელთაც დღეს საზოგადოებაში დიდი ნდობა გააჩნიათ. ესენი არიან პაატა იმნაძე, ამირან გამყრელიძე, თენგიზ ცერცვაძე, მარინა ეზუგბაია და სხვანი. აღნიშნული მედიკოსების სახელით ვრცელდება ცრუ იფორმაცია არსებული რესურსების, ეპიდსიტუაციიის, ვირუსის პრევენციისა და მისგან განკურნების მეთოდების შესახებაც. ამგვარად, შეიძლება ითქვას, რომ ე.წ ,,ფეიკ ნიუსებისა” და ყალბი ანგარიშების შექმნის უმთავრეს მიზანს საზოგადოებრივი აზრის მანიპულაციის გზით წარმართვა წარმოადგენს. პოლიტიკური ჯგუფები თუ ცალკეული პირები სოციალური ქსელის შესაძლებლობებს არაკეთილსინდისიერად იყენებენ და მიზანმიმართულად ავრცელებენ პროპაგანდისტულ მესიჯებს, რითაც ცდილობენ საყოველთაო დაბნეულობა გამოიწვიონ საზოგადოებაში. უწყვეტ საინფორმაციო ნაკადში მნიშვნელოვანია, მოქალაქეებმა გადაამოწმონ გავრცელებული ინფორმაციის წყარო, ვებგვერდის წარმომავლობა და სანდოობა, რათა უნებლიედ არ გახდნენ კორონავირუსთან დაკავშირებული დეზინფორმაციისა და პროპაგანდის მსხვერპლნი.#ყალბიანგარიში #ამირანგამყრელიძე #მარინაეზუგბაია #პაატაიმნაძე #კორონავირუსი #დეზინფორმაცია #ფეიკნიუსი #tbilisidaily
Tbilisi Daily
Tbilisi, Georgia · 4 months ago
საპატრიარქომ დაავადებათა კონტროლის ეროვნულ ცენტრს თხოვნით მიმართა
კორონავირუსის გავრცელების პრევენციის მიზნით, საქართველოს საპატრიარქომ დაავადებათა კონტროლის ცენტრს ეკლესიებში სადეზინფექციო სამუშაოების ჩატარების თხოვნით მიმართა. დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა, ამირან გამყრელიძემ „ინტერპრესნიუსს“ აცნობა, რომ ტაძრებში დეზინფექციის ჩატარების თხოვნით მათ საპატრიარქომ მიმართა. გამყრელიძის თქმით, მან შესაბამისი დავალება უკვე მისცა დაავადებათა კონტროლის ეროვნული ცენტრის გარემოს ჯანმრთელობის დეპარტამენტს და აღნიშნა, რომ მათ კერძო კომპანიების დახმარების იმედი აქვთ. ცნობისთვის, დღეს გაირკვა, რომ საპატრიარქო კორონავირუსის გამო ეკლესიაში ზიარების წესის ცვლილებას არ გეგმავს.#საპატრიარქო #დეზინფექცია #დაავადებათაკონტროლი #ამირანგამყრელიძე #tbilisidaily
Tbilisi Daily
Tbilisi, Georgia · 4 months ago
ამირან გამყრელიძე- არ უნდა მივეცეთ პანიკას, ინფექციას მსოფლიო დაძლევს
დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელის, ამირან გამყრელიძის განცხადებით, ახალი კორონავირუსის ეპიდსიტუაცია მთელს მსოფლიოში უარესდება და ინფექცია 128 ქვეყანაშია დაფიქსირებული მისი თქმით, საქართველო გლობალური სამყაროს ნაწილია, ამიტომ ახალი კორონავირუსის დაფიქსირების შემთხვევები ჩვენს ქვეყანაშიც გაიზრდება. „ ინფექციის შემთხვევა ჩინეთთან ერთად გახლავთ უკვე 140 000, ანუ 60 000 შემთხვევა დაფიქსირდა უკვე ჩინეთს გარეთ. დღეს, ყველა ქვეყანაში ფიქსირდება სერიოზული ზრდა, ანუ ეპიდსიტუაცია უარესდება. აქედან გამომდინარე ჩვენ ვართ გლობალური სამყაროს ნაწილი და რა თქმა უნდა, ჯერჯერობით ჩვენთან დაფიქსირდება შემთხვევათა მატება, მაგრამ ამისთვის უნდა იყოს ყოველმხრივი მზადება. ჩვენ არ უნდა მივეცეთ პანიკას იმიტომ, რომ ამ ინფექციას მსოფლიო დაძლევს. ერთადერთი გახლავთ ის, რომ ყველამ უნდა ვიმუშაოთ რამდენიმე მიმართულებით. ერთი გახლავთ ის, რომ მაქსიმალურად შევამციროთ ინფექციის შემოტანა და აუცილებლად დავიცვათ საკარანტინო, ასევე თვითიზოლაციის პირობები“, - განაცხადა ამირან გამყრელიძემ. შეგახსენებთ, რომ ბოლო მონაცემებით, საქართველოში კორონავირუსით ინფიცირების 30 შემთხვევა დასტურდება. კარანტინის რეჟიმშია 418 ადამიანი, ხოლო სტაციონარში მეთვალყურეობის ქვეშ-54.#ამირანგამყრელიძე #კორონავირუსი #ინიცირება #tbilisidaily