9 votes
0 comments
1 shares
Save
გადაიდო თუ არა სასწავლო პროცესი 1-ელ აპრილამდე?
157 views
Izabel Kiria
Tbilisi · 4 months ago

👉კორონავირუსთან დაკავშირებით მოქმედი უწყებათაშორისი საბჭოს გადაწყვეტილებით, სასწავლო დაწესებულებებში არდადეგები 1-ელ აპრილამდე გახანგრძლივდა

👉 გარდა, ამისა სავალდებულო სამხედრო სამსახურში გაწვევა ერთი თვით გადავადდა.

#კორონავირუსი #სასწავლოპროცესი #სკოლა #უნივერსიტეტი #სასწავლოდაწესებულებები
Izabel Kiria
Tbilisi · 4 months ago
Similar Posts
Tbilisi Daily
Tbilisi · 4 months ago
სკოლებში არდადეგები გახანგრძილვდა, სამხედრო სამსახურში გაწვევა კი ერთი თვით გადავადდა
კორონავირუსთან დაკავშირებით მოქმედი უწყებათაშორისო საბჭოს გადაწყვეტილებით სასწავლო დაწესებულებებში არდადეგები პირველ აპრილამდე გახანგძლივდება, სავალდებულო სამხედრო სამსახურში გაწვევა კი 1 თვით გადავადდა. ასევე, 1-ელ აპრილამდე შეწყვეტილი იქნება სპეციალური საჭიროებების მქონე პირებისთვის მომსახურების მიწოდება დღის ცენტრებში. საჭირო ღონისძიებებს დღის ცენტრებში მომსახურებით უზრუნველყოფის ქვეპროგრამის ფარგლებში, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო უზრუნველყოფს. აღნიშნულ პერიოდში ანაზღაურების საკითხი კი შესაბამისი სახელმწიფო პროგრამის გათვალისწინებით გადაწყდება. სეგახსენებთ, რომ ამ ეტაპზე კარანტინში რჩება 126 ადამიანი, ხოლო სტაციონარში, მეთვალყურეობის ქვეშ იმყოფება - 46 პირი. ინფიცირებულთა რიცხვი კი 23 შეადგენს.#კორონავირუსი #სასწავლოპროცესი #სკოლა #სამხედრო #tbilisidaily
Headline
Tbilisi · 4 months ago
კორონავირუსის გამო სავალდებულო სამხედრო სამსახურში საგაზაფხულო გაწვევა ერთი თვით გადავადდა
სავალდებულო სამხედრო სამსახურში საგაზაფხულო გაწვევა ერთი თვით, 13 აპრილამდე გადავადდა. ამის შესახებ გადაწყვეტილება კორონავირუსთან დაკავშირებით მოქმედმა უწყებათაშორისმა საკოორდინაციო საბჭომ დღეს, 11 მარტს გამართულ სხდომაზე მიიღო. უწყებათაშორისი საბჭოს სხდომაზე ხაზი გაესვა მოქალაქეების მხრიდან მაღალი სოციალური პასუხისმგებლობის გამოვლენისა და ჯანდაცვის სამინისტროს მიერ გაცემული რეკომენდაციების შესრულების მნიშვნელობას ვირუსის მასობრივი გავრცელების პრევენციის საქმეში. ასევე, უწყებათაშორისი საბჭოს გადაწყვეტილებით, სასწავლო დაწესებულებებში არდადეგები პირველ აპრილამდე გაგრძელდება. ამ ეტაპზე საქართველოში კორონავირუსით ინფიცირების 23 შემთხვევაა დადასტურებული. პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს, 7 მარტს კორონავირუსით ინფიცირების კიდევ 4 შემთხვევა დადასტურდა, 9 მარტს კორონავირუსი 2 პაციენტს დაუდასტურდა, 10 მარტს კი კორონავირუსის კიდევ 8 შემთხვევა დადასტურდა. ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.#news #headline #coronavirus
Giorgi Oganesiani
Borjomi · 4 months ago
გორის უნივერსიტეტში სასწავლო პროცესი შესაძლოა პირველ აპრილამდე გადაიდოს.
კორონავირუსთან დაკავშირებით მოქმედი უწყებათაშორისი საბჭოს გადაწყვეტილებით, სასწავლო დაწესებულებებში არდადეგები პირველ აპრილამდე გახანგრძლივდა. შესაბამის ინფორმაციას მთავრობის ადმინისტრაცია ავრცელებს. საქართველოს მასშტაბით სასწავლო დაწესებულებებში გამოცხადებული არდადეგები ამ ეტაპზე 1-ელ აპრილამდე გახანგრძლივდა. ასევე, 1-ელ აპრილამდე შეწყვეტილი იქნება სპეციალური საჭიროებების მქონე პირებისთვის მომსახურების მიწოდება დღის ცენტრებში. შესაბამისად, ისევე როგორც მთელს ქვეყანაში, გორის სახელმწიფო სასწავლო უნივერსიტეტშიც, დიდი ალბათობით, სასწავლო პროცესი პირველ აპრილს აღდგება. #news #coronavirus #gori #Shidakartliregion Gori
Tbilisi Daily
Tbilisi · 3 months ago
საქართველოში სასწავლო პროცესი კიდევ ერთხელ გადაიდო
საქართველოში სასწავლო პროცესი კიდევ ერთხელ, ამჯერად 21 აპრილამდე გადაიდო. საქართველოს მთავრობის 23 მარტს გამოცემული 181-ე დადგენილების თანახმად, შეზღუდვა ეხება ზოგადსაგანმანათლებლო და უმაღლეს სასწავლებლებს. აღნიშნულია, რომ 2020 წლის 21 აპრილამდე საგანმანათლებლო და სამეცნიერო-კვლევითი დაწესებულებები ადმინისტრაციები უნდა გადავიდნენ დისტანციური მუშაობის რეჟიმზე (კრიტიკულად მნიშვნელოვანი აუცილებლობის გარდა). იკრძალება ყველა სახის ტრენინგი, კონფერენცია, სემინარი, გარდა დისტანციური ფორმისა. გარდა ამისა, იკრძალება ყველა ტიპის კულტურული ღონისძიების ჩატარება, როგორც დახურულ, ისე ღია სივრცეში, მათ შორის, კონცერტები, სპექტაკლები, დროებითი და მუდმივი გამოფენები, რეპეტიციები, გასტროლები, მასტერკლასები, ტრენინგები და კონფერენციები, გარდა დისტანციური ფორმისა. ასევე, იკრძალება ყველა ტიპის მასობრივი სპორტული ღონისძიება, მათ შორის, შეჯიბრი, სასწავლო-საწვრთნელი პროცესი/შეკრება, როგორც დახურულ, ასევე ღია სივრცეში, სპორტის თემასთან დაკავშირებული ყველა ტიპის ტრენინგი, სემინარი ან/და კონფერენცია, გარდა დისტანციური ფორმისა.#სასწავლოპროცესი #განათლება #აკრძალვა #დისტანციურისწავლება #tbilisidaily
Pirveliradio Ge
Tbilisi · 3 months ago
საქართველოში სასწავლო პროცესი კიდევ ერთხელ, ამჯერად 21 აპრილამდე გადაიდო
საქართველოში სასწავლო პროცესი კიდევ ერთხელ, ამჯერად 21 აპრილამდე გადაიდო. ამის შესახებ საქართველოს მთავრობის 23 მარტს გამოცემულ 181-ე დადგენილებაშია აღნიშნული. დადგენილების თანახმად, შეზღუდვა ეხება ზოგადსაგანმანათლებლო და უმაღლეს სასწავლებლებს. „საგანმანათლებლო დაწესებულებებში 2020 წლის 21 აპრილამდე შეჩერდეს სასწავლო პროცესი. ზოგადასაგანმანათლებლო და უმაღლეს საგანმანათლებლო დაწესებულებებმა აღნიშნული განხორციელოს დისტანციური სწავლების/კომუნიკაციის სხვადასხვა ფორმის გამოყენებით (ასეთის შესაძლებლობის შემთხვევაში). 2020 წლის 21 აპრილამდე საგანმანათლებლო და სამეცნიერო-კვლევითი დაწესებულებების ადმინისტრაციები გადავიდნენ დისტანციური მუშაობის რეჟიმზე (კრიტიკულად მნიშვნელოვანი აუცილებლობის გარდა). იკრძალება ყველა სახის ტრენინგი, კონფერენცია, სემინარი, გარდა დისტანციური ფორმისა. ავტორიზაციისა და აკრედიტაციის დებულებებით გათვალისწინებული ადმინისტრაციული წარმოებების, ასევე პროფესიული მომზადების და პროფესიული გადამზადების და პროფესიული საჯარო მოხელის პრიფესიული გადამზადების პროგრამის განხორციელების უფლების მოპოვებასთან დაკავშირებული ადმინიტრაციული წარმოების დისტანციურად, კომუნიკაციის თანამედროვე ელექტრონული საშუალებების გამოყენებით განხორციელების შეუძლებლობის შემთხვევაში, ადმინისტრაციული წარმოების ვადები შეჩერებულად ჩაითვალოს საგანგებო მდგომარეობის დასრულებამდე” , - წერია დადგენილებში. გარდა ამისა, დადგენილებაში აღნიშნულია, რომ იკრძალება ყველა ტიპის კულტურული ღონისძიების ჩატარება, როგორც დახურულ, ისე ღია სივრცეში, მათ შორის, კონცერტები, სპექტაკლები, დროებითი და მუდმივი გამოფენები, რეპეტიციები, გასტროლები, მასტერკლასები, ტრენინგები და კონფერენციები, გარდა დისტანციური ფორმისა. „იკრძალება ყველა ტიპის მასობრივი სპორტული ღონისძიება, მათ შორის, შეჯიბრი, სასწავლო-საწვრთნელი პროცესი/შეკრება, როგორც დახურულ, ასევე ღია სივრცეში, სპორტის თემასთან დაკავშირებული ყველა ტიპის ტრენინგი, სემინარი ან/და კონფერენცია, გარდა დისტანციური ფორმისა“, - ნათქვამია დადგენილებაში.
Lasha Lasha
Kutaisi · 3 months ago
გიორგი გახარიას განცხადება
საქართველოს პრემიერ-მინისტრის გიორგი გახარიას თქმით, კორონავირუსთან დაკავშირებით მოქმედი უწყებათაშორისი საკოორდინაციო საბჭოს სხდომაზე შემდეგი გადაწყვეტილებები მიიღეს: 1. შეჩერდა სასწავლო პროცესი; 2. ჯარში გაწვევა; 3. საჯარო მოხელეების დიდი ნაწილი დისტანციური მუშაობის და ელექტრონული სერვისების მიწოდების რეჟიმზეა გადასული; 4. იგივე რეკომენდაცია გაიცა კერძო სექტორის მიმართ; 5. ეტაპობრივად შეიზღუდა როგორც საჰაერო, ისე სახმელეთო მიმოსვლა, აიკრძალა უცხო ქვეყნის მოქალაქეთა საქართველოში შემოსვლა; 6. დაწესდა საკარანტინო პროცედურები, გამჯაცრდა თვითიზოლაციის დაცვის კონტროლი; 7. დაიხურა სამთო-სათხილამურო კურორტები,; 8. აიკრძალა სამარშრუტო ტაქსების მოძრაობა; 9. შეწყდა სხვადასხვა სახის მასშტაბური ღონისძიებების ჩატარება - როგორც კულტურული, ისე სპორტული; 10. გაიცა სავაჭრო ობიექტების დახურვის რეკომენდაციები, გარდა სტრატეგიული მნიშვნელობის ინფრასტრუქტურის ფარგლებში განსაზღვრული ობიექტების და სურსათისა და სააფთიაქო და საბანკო მომსახურებისა. „საზოგადოებამ იცის, რომ ქვეყანაში კორონავირუსის ჯერ კიდევ პირველი შემთხვევა გამოვლინდა 26 თებერვალს. დღეს არის 21 მარტი და უკვე 48 ინფიცირების შემთხვევა გვაქვს. 2300 ადამიანზე მეტი საკარანტინო ზონაში და ბევრი თვითიზოლაციაში იმყოფება. შესაბამისად, თავიდანვე შევქმენით უწყებათაშორისი საკოორდინაციო საბჭო, რომელმაც მიიღო კონკრეტული გადაწყვეტილებები - კონკრეტული შედეგების მისაღწევად,'' - აღნიშნა გიორგი გახარიამ. #politics #news #კორონავირუსი #coronavirus
Tbilisi Daily
Tbilisi · 3 months ago
სასწავლო პროცესის განახლებამდე, სკოლების მანდატურები საკარანტინო ზონების გარე პერიმეტრზე იმუშავებენ
განათლების სამინისტროს ინფორმაციით, სკოლებში სასწავლო პროცესის აღდგენამდე, მოქალაქეების უსაფრთხოების უზრუნველყოფაში სკოლის მანდატურებიც ჩაერთვებიან. „ქვეყანაში COVID-19-ის გავრცელების პრევენციის მიზნით, კორონავირუსთან დაკავშირებით პრემიერ-მინისტრის ხელმძღვანელობით მოქმედი უწყებათაშორისი საბჭოს რეკომენდაციების შესაბამისად, საქართველოს განათლების მეცნიერების, კულტურისა და სპორტის სამინისტრო მუშაობას აქტიურ რეჟიმში აგრძელებს. საქართველოს განათლების, მეცნიერების, კულტურისა და სპორტის სამინისტროს სსიპ საგანმანათლებლო დაწესებულების მანდატურის სამსახურისა და შსს-ს მჭიდრო თანამშრომლობით, თავად მანდატურების სურვილის საფუძველზე, აღნიშნული სამსახურის კვალიფიციური კადრები საკარანტინო ზონების გარე პერიმეტრზე უსაფრთხოებას უზრუნველყოფენ. გამომდინარე იქიდან, რომ კორონავირუსის გავრცელების პრევენციის მიზნით, სკოლებში საგაკვეთილო პროცესი შეჩერებულია და საგანმანათლებლო დაწესებულებები დისტანციურ სწავლებაზე გადავიდნენ, სასწავლო პროცესის განახლებამდე, მანდატურები სახელმწიფოს დაეხმარებიან და შსს-ს დაცვის პოლიციის დეპარტამენტთან ერთად, მოქალაქეების უსაფრთხოებაზე იზრუნებენ", - აღნიშნულია უწყების მიერ გავრცელებულ ინფორმაციაში.#კორონავირუსი #მანდატური #უსაფრთხოება #tbilisidaily
Coronavirus Live
Tbilisi · 4 months ago
სწავლის პროცესი სკოლებში 15 ივნისს დასრულდება
საგაზაფხულო არდადეგების გახანგრძლივების მიუხედავად, სკოლებში სწავლის პროცესი 15 ივნისს დასრულდება. ახალ კორონავირუსთან დაკავშირებით შექმნილი სიტუაციის გამო, სკოლებში საგაზაფხულო არდადეგები მარტის შუარიცხვებამდე უნდა გაგრძელებულიყო, თუმცა მთავრობის გადაწყვეტილებით, აღნიშნული პერიოდი 1-ელ აპრილამდე გახანგრძლივდა. #news #coronaviruslive #coronavirus
კონემიკა საინფორმაციო
Kutaisi · 2 months ago
სასწავლო პროცესი სკოლებში სექტემბრამდე არ განახლდება
პრემიერ მინისტრ გიორგი გახარიას განცხადებით, სასწავლო პროცესი სკოლებში სექტემბრამდე არ განახლდება და დეტალურ პრეზენტაციას განათლების ამუშავების შესახებ საზოგადოებისთვის უახლოეს პერიოდში გამართავენ. ამის შესახებ პრემიერმა სპეციალურად გამართულ ბრიფინგზე, ჟურნალისტების კითხვის პასუხად განაცხადა. მისივე თქმით, არც აკადემიური წლის გამოცხადება იგეგმება და არც ეროვნული გამოცდების გაუქმება. „განათლებასთან დაკავშირებით გვინდა ცალკე პრეზენტაციის გაკეთება, დიდი თემაა და ცალკე ვისაუბრებთ. აკადემური წელი არ გამოცხდდება, განათლების სამინისტრომ შეძლო ეფექტურად გამკლავებოდა ამ გამოწვევას და ონალინ სწავლების კუთხით სკოლებს და უმალესებში პროცესები წარმართა ეფექტურად“, – განაცხადა გიორგი გახარიამ.#news #education#school#coronavirus#covid19#სიახლე#განათლება#სკოლა#კორონავირუსი #კოვიდ19
Marneuli Daily
Kachaghani · 2 months ago
მარნეულში 21 აპრილიდან საბავშვო ბაღის აღსაზრდელებზე, სურსათის გაცემის პროცესი დაიწყება.
მარნეულის მუნიციპალიტეტში 21 აპრილიდან საბავშვო ბაღის აღსაზრდელებზე, სურსათის გაცემის პროცესი დაიწყება. ამის შესახებ ინფორმაცია მარნეულის მუნიციპალიტეტის მერმა მედიასთან საუბრისას განაცხადა. აღსანიშნავია, რომ მარნეულის მუნიციპალიტეტის საბავშვო ბაღის 2100 აღსაზრდელების ოჯახებს 60 დღის პროდუქტები ერთჯერადად გადაეცემა. ბაგა-ბაღების გართიანების უფროსის, ზაურ ქარიმოვის თქმით, ორი თვის საკვები პროდუქტებისათვის ადგილობრივმა თვითმმართველობამ 130 000 ლარი გამოყო. სააღმზრდელო პროცესი საბავშვო ბაღებში, კორონავირუსთან დაკავშირებით მოქმედი უწყებათაშორისი საკოორდინაციო საბჭოს გადაწყვეტილებით 4 მარტს შეწყდა, მას შემდეგ, რაც ქვეყანაში ახალი კორონავირუსით ინფიცირების რამდენიმე ფაქტი გამოვლინდა. 21 მარტს საქართველოში საგანგებო მდგომარეობა გამოცხადდა.#აღსაზრდელები #დახმარება #კორონავირუსი #marneulidaily