13 votes
0 comments
0 shares
Save
სამცხე-ჯავახეთის საოლქო პროკურატურას ახალი ხელმძღვანელი ჰყავს.
77 views
Giorgi Oganesiani
Borjomi · 4 months ago

დღეს ცნობილი გახდა, რომ სამცხე-ჯავახეთის საოლქო პროკურორად მალხაზ გეწაძე დაინიშნა.

საქართველოს პროკურატურა განხორციელებული საკადრო ცვლილებების შესახებ ინფორმაციას საკუთარ ვებ. გვერდზე აქვეყნებს:

"თბილისის პროკურორად ლევან გეგეჭკორი, აჭარის ავტონომიური რესპუბლიკის პროკურორად ზაზა მეტონიძე, სამცხე-ჯავახეთის საოლქო პროკურორად მალხაზ გეწაძე, ხოლო ქვემო ქართლის საოლქო პროკურორად შოთა კვაჭანტირაძე დაინიშნა. აღნიშნულ პირებს საქართველოს პროკურატურაში სხვადასხვა პოზიციები ეკავათ."

ცნობისთვის, მალხაზ გეწაძემ სამცხე–ჯავახეთში ზაზა მეტონიძე ჩაანაცვლა. მეტონიძე აჭარის ავტონომიური რესპუბლიკის პროკურორად გაამწესეს.

#news #politics #პროკურატურა #სამცხეჯავახეთი Borjomi
Giorgi Oganesiani
Borjomi · 4 months ago
Similar Posts
Giorgi Oganesiani
Borjomi, Georgia · 4 months ago
2020 წლის საპარლამენტო არჩევნებზე სამცხე ჯავახეთში ორი მაჟორიტარული ოლქი შეიქმნება.
მას შემდეგ, რაც პოზიცია და ოპოზიციამ 2020 წლის საპარლამენტო არჩევნების ჩატარების წესზე კონსესუს მიახწიეს, ყოფილი პარლამენტის თავმჯდომარე, საპარლამენტო უმრავლესობის ლიდერი - ირაკლი კობახიძე, მაჟორიტარული ოლქების შექმნის პრინციპზე საუბრობს: კობახიძის ინფორმაციით, 30 მაჟორიტარული ოლქიდან 12 დასავლეთ საქართველოში იქნება, ხოლო 18 აღმოსავლეთ საქართველოში. მისივე განცხადებით, მთელი ქვეყნის მასშტაბით მაჟორიტარული ოლქები შემდეგნაირად გადანაწილდება: აჭარა - 3, გურია - 1, სამეგრელო 3, რაჭა -ლეჩხუმ- სვანეთი - 1, იმერეთი - 4 , თბილისი - 7, შიდა ქართლი -2, კახეთი - 3, ქვემო ქართლი - 3, სამცხე- ჯავახეთი - 2, მცხეთა-მთიანეთი - 1. შეგახსენებთ, 2020 წლის საპარლამენტო არჩევნები, შერეული წესით, ოქტომბერში ჩატარდება. #politics #news #2020არჩევნები #სამცხეჯავახეთი Borjomi
Giorgi Oganesiani
Borjomi, Georgia · 3 months ago
სამცხე-ჯავახეთში შეზღუდვები იზრდება
სამცხე-ჯავახეთში სახელმწიფო რწმუნებულმა, ბესიკ ამირანაშვილმა, რეგიონში, COVID19-თან დაკავშირებით საკოორდინაციო სამუშაო ჯგუფთან შეხვედრა გამართა. შეხვედრას მუნიციპალიტეტების მერები და რეგიონში ყველა ძალოვანი უწყების წარმომადგენლები ესწრებოდნენ. რწმუნებულმა პრემიერ-მინისტრთან შეხვედრის დეტალებზე გაამახვილა ყურადღება. ასევე ისაუბრა იმ რიგ შეზღუდვებზე, რომლებიც რეგიონის მასშტაბით ამოქმედდება. რეგიონის პირველმა პირმა კაზინოების, რესტორნების, ტრანსპორტის, კულტურული ძეგლების, სასურსათო მაღაზიების, ქელეხების გამართვის, თვითიზოლაციის დარღვევის და სავალდებულო რეკომენდაციების შესრულების შესახებ გაამახვილა ყურადღება. #news #coronavirus #სამცხეჯავახეთი #შეზღუდვები Borjomi
Giorgi Oganesiani
Borjomi, Georgia · 3 months ago
ნინოწმინდისა და ახალქალაქის საკარანტინო ზონებად გამოცხადება არ იგეგმება
საზოგადოებაში გავრცელდა ინფორმაცია, რომ მთავრობის გადაწყვეტილებით, კორონა ვირუსის გავრცელების პრევენციისთვის, სამცხე-ჯავახეთში, ნინოწმინდისა და ახალქალაქის საკარანტინო ზონებად გამოცხადება იგეგმება. დღეს ჟურნალისტების კითხვაზე, სომხეთიდან სტუდენტების დაბრუნების შემდეგ, ხომ არ იგეგმება ახალქალაქისა და ნინოწმინდის მუნიციპალიტეტების საკარანტინო ზონებად გამოცხადება, პრემიერ-მინისტრის მრჩეველმა, სოზარ სუბარმა განაცხადა: “ნინოწმინდისა და ახალქალაქის საკარანტინო ზონებად გამოცხადება არ იგეგმება, ისევე როგორც არ იგეგმება საქართველოს არც ერთი სხვა მუნიციპალიტეტის, თუ არ გამოვლინდა იქ საგანგაშო ვითარება. საგანგებო ვითარება შეიძლება გაჩნდეს საქართველოს ნებისმიერ მუნიციპალიტეტში, იმიტომ, რომ უკვე მივედით იმ ეტაპზე”. შეგახსენებთ, ამ ეტაპზე, ქვეყნის მასშტაბით, მხოლოდ ქვემო ქართლში, მარნეული და ბოლნისია საკარანტინო ზონებად გამოცხადებული.#coronavirus #სამცხეჯავახეთი #ნინოწმინდა #ახალქალაქი #სოზარსუბარი #კარანტინიBorjomi
Giorgi Oganesiani
Borjomi, Georgia · 3 months ago
სამცხე-ჯავახეთში თვითიზოლაციაში 199 პირი იმყოფება
სამცხე-ჯავახეთში, დღეის მონაცემებით, სულ თვითიზოლაციაში 138 პირი იმყოფება. აქედან: ახალციხეში 13, ადიგენში 5, აპინძაში 1, ბორჯომში 8, ახალქალაქში კი 199. ნინოწმინდს საზოგადოებრივი ჯანდაცვის ცენტრში კი 61 პირი ირიცხება. რეგიონში, არცერთ თვითიზოლაციაში მყოფ პირს COVID 19-ის სიმპტომები არ აღენიშნება. შეგახსენებთ, ამ წუთისთვის საქართველოში კორონავირუსის 130 დადასტურებული შემთხვევაა.#კორონავირუსი #სამცხეჯავახეთი #თვითიზოლაცია Borjomi
Giorgi Oganesiani
Borjomi, Georgia · 3 months ago
სამცხე-ჯავახეთის მხარის გუბერნატორი სამედიცინო დაწესებულებების ხელმძღვანელებს შეხვდა
დღეს სახელმწიფო რწმუნებული ბესიკ ამირანაშვილი, ახალციხე-ადიგენის მაჟორიტარ დეპუტატთან - გიორგი კოპაძესთან და ადგილობრივი ხელისუფლების წარმომადგენლებთან ერთად ახალციხეში სამედიცინო დაწესებულებში არსებულ მდგომარეობას ადგილზე გაეცნო. სამხარეო და ადგილობრივი ხელისუფლების წარმომადგენელებმა კლინიკა „იმედი“ და „ევექსი“ დაათვალიერეს და მედპერსონალს გაესაუბრნენ. სამედიცინო დაწესებულებების ხელმძღვანელების თქმით სიტუაციის გართულების შემთხვევაში კლინიკები აღჭურვილია შესაბამისი ინვენტარით და საჭიროების შემთხვევაში, მზად არიან მოემსახურონ პაციენტებს. შეგახსენებთ, ქვეყნის მთელ ტერიტორიაზე, ახალი კორონა ვირუსის გავრცელების გამო საგანგებო მდგომარეობაა გამოცხადებული.#coronavirus #სამცხეჯავახეთი #ახალციხე Borjomi
Giorgi Oganesiani
Borjomi, Georgia · 3 months ago
სამცხე-ჯავახეთში კარანტინში სულ 262 პირი იმყოფება
სამცხე-ჯავახეთში სულ შვიდი საკარანტინო ზონაა. ექვსი აპრილის მონაცემებით, ჯამში ყველა საკარანტინო ზონაში 262 პირი იმყოფება. 27 მოქალაქე ახალციხეში არსებულ საიზოლაციო სივრცეშია მოთავსებული, დანარჩენი კი ბაკურიანში, ხუთ სასტუმროშია გადანაწილებული. რაც შეეხება აბასთუმნის ფილტვის ცენტრში შექმნილ საკარანტინე ზონას, ორი დღეა რისკ-ჯგუფის ზონაში არც ერთი პირი აღარ იმყოფება. #news #coronavirus #სამცხეჯავახეთი #კარანტინი #აბასთუმანი #ახალციხე #ბაკურიანი
Giorgi Oganesiani
Borjomi, Georgia · 3 months ago
ბორჯომში თვითიზოლაციის პირობებში შვიდი მოქალაქე რჩება
4 აპრილის მონაცემებით, ბორჯომის მუნიციპალიტეტში შვიდი მოქალაქე რჩება თბითიზოლაციის პირობებში. რაც შეეხება კარანტინს, ბაკურიანის ხუთ სასტუმროში - 395 პირია გადანაწილებული. ცნობისთვის, სამცხე-ჯავახეთის ექვს მუნიციპალიტეტში თვითიზოლაციაში 20 პირი იმყოფება.#კარანტინი #თვითიზოლაცია #სამცხეჯავახეთი #კორონავირუსი Borjomi
Giorgi Oganesiani
Borjomi, Georgia · 3 months ago
სამცხე-ჯავახეთში ქუჩებს დეზინფექცია უტარდება
კორონავირუსის საპრევენციო ღონისძიებების ფარგლებში, მოქალაქეთა უსაფრთხოების მიზნით, სამცხე-ჯავახეთის რეგიონში ქუჩები სადეზინფექციო საშუალებებით ირეცხება. მიმდინარე სამუშაოებს სახელმწიფო რწმუნებული ბესიკ ამირანაშვილი ადგილობრივი ხელისუფლების წარმომადგენლებთან ერთად გაეცნო. სადეზინფექციო სამუშაოები კეთილმოწყობის, მუნიციპალიტეტების დასუფთავების ცენტრებმა და შინაგან საქმეთა სამინისტროს საგანგებო სიტაციების მართვის ცენტრმა ერთობლივად განახორციელეს. სამცხე-ჯავახეთის ექვსივე მუნიციპალიტეტში სადეზინფექციო საშუალებებით დამუშავება რამოდენიმე დღეა მიმდინარეობს.#სამცხეჯავახეთი #დეზინფექცია #კორონავირუსი
Tbilisi Daily
Tbilisi, Georgia · 3 weeks ago
სახალხო დამცველი - რა მოხდა 20-21 ივნისის ღამეს
სახალხო დამცველმა, ნინო ლომჯარიამ საკუთარ Facebook გვერდზე გააზიარა ომბუდსმენის შეფასება იმასთან დაკავშირებით, თუ რა მოხდა 20-21 ივნისის ღამეს. გავრცელებულ დოკუმენტში 10 ყველაზე ხშირად დასმულ შეკითხვაზეა პასუხი გაცემული. გთავაზობთ დოკუმენტს უცვლელად. 1. რას ვიგებთ რაციების ჩანაწერებით რეზინის ტყვიების გამოყენების თაობაზე? - შინაგან საქმეთა მინისტრმა 20 ივნისის 23:36 წუთზე უბრძანა მის მოადგილეებსა და სხვა დაქვემდებარებულ პირებს (მათ შორის, გდდ-ს დირექტორს), რომ აქციის დაშლისას გამოყენებული არ ყოფილიყო რეზინის ტყვიები. აღნიშნულის საპირისპიროდ, ტელეკომპანიების მიერ გადაღებული კადრები უთითებს, რომ რეზინის ტყვიების გასროლა მალევე, 00:00 საათის დადგომისას დაიწყო. მიუხედავად ამისა, 21 ივნისის 00:16 წუთზე გდდ-ს დირექტორმა ხელმძღვანელობას მოახსენა, რომ თოფებს არ იყენებენ. რაციის ჩანაწერების მიხედვით, რეზინის ტყვიების არგამოყენებასთან დაკავშირებით ბრძანება გამეორდა 00:36 საათზეც, რომელიც კვლავ არ შესრულებულა. 02:34 საათზე გდდ-ს დირექტორმა რეზინის ტყვიების გამოსაყენებლად დამატებითი ნებართვა ითხოვა. აღნიშნულ მოთხოვნაზე ხელმძღვანელისგან უარი მიიღო, რომლის მიღებაც დაადასტურა. აღნიშნულის მიუხედავად, ტელეკომპანიების ჩანაწერიდან იკვეთება, რომ მალევე კვლავ გაგრძელდა რეზინის ტყვიების ხშირი სროლა. 2. რას ამბობენ მსროლელები რეზინის ტყვიების გამოყენებაზე? - შსს-ს განსაკუთრებულ დავალებათა დეპარტამენტის (გდდ) მსროლელები მიუთითებენ, რომ არალეტალურ იარაღს იყენებდნენ სიტუაციის მიხედვით, რადგან თავიდანვე ჰქონდათ მიღებული ყველანაირი სიტუაციისთვის მზადყოფნის ზოგადი ნებართვა. განმარტეს, რომ რეზინის ტყვიების გამოყენების გადაწყვეტილება მიიღეს ინდივიდუალურად, კონკრეტული საფრთხის შეფასების შედეგად. ასევე, მსროლელებმა მიუთითეს, რომ ტყვიების გამოყენების დროს მათი მეთაურებიც იქვე იყვნენ, თუმცა რეზინის ტყვიების გამოყენების შეწყვეტის ბრძანება არ გაუციათ. აქციის დაშლისას, რამდენიმე საათის - დაახლოებით 00:00 საათიდან 04:30 საათამდე - განმავლობაში, გდდ-სა და ობიექტების დაცვის დეპარტამენტის 100-ზე მეტმა თანამშრომელმა გამოიყენა 3 სახეობის იარაღი, 5 სახეობის ტყვია და ჭურვი. შსს მინისტრის მიერ მედიაში გავრცელებული ინფორმაციის მიხედვით, გასროლილ იქნა დაახლოებით 800-მდე რეზინის ტყვია. 2 3. რა როლი ჰქონდა შსს-ს იმჟამინდელ მინისტრსა და მის მოადგილეებს და იცოდნენ თუ არა მათ რეზინის ტყვიების გამოყენების თაობაზე? - გიორგი გახარია, კახაბერ საბანაძე და ვლადიმერ ბორცვაძე იმყოფებოდნენ პარლამენტთან 20 ივნისის 22 საათიდან. მინისტრი და მისი მოადგილეები ჩვენებებში უთითებენ, რომ ცრემლსადენი გაზის ჭურვებისა და წყლის ჭავლის გამოყენება მოხდა მათი ბრძანებით, ხოლო რეზინის ტყვიების გამოყენებაზე ბრძანება არ გაუციათ. მინისტრი და მისი მოადგილეები ჩვენებებში უთითებენ, რომ რეზინის ტყვიების გამოყენებისთანავე, მალევე მათთვის ცნობილი გახდა, თუმცა არ აკონკრეტებენ ზუსტ დროს. მინისტრისა და მისი მოადგილეებისთვის ამ ინფორმაციის მიწოდების საშუალება (პირადი ვერბალური კომუნიკაცია, რაცია, მობილური ტელეფონი, ტელეკომუნიკაცია და სხვა) გამოძიებას დადგენილი არ აქვს. 4. იყო თუ არა აქციის დაშლისას გამოყენებული პროპორციული და თანაზომიერი საშუალებები? - გამოყენებული ძალა არ შეიძლება შეფასდეს პროპორციულ და თანაზომიერ საშუალებად, შემდეგი გარემოებების/ფაქტორების გამო: (1) მეთოფეების მხრიდან ბრძანების არარსებობის პირობებში არალეტალური ჭურვების გამოყენება; (2) ჭურვების და მეთოფეების დიდი რაოდენობა (3) ოპერაციის მიმდინარეობის ფართობი და რამდენიმე საათიანი პერიოდის მანძილზე რეზინის ტყვიების გამოყენება; (4) დაშავებული მომიტინგეების რაოდენობა; (5) ინდივიდუალური პოლიციელების მიმართ გამოცალკევებით მოქალაქეთა ცალკეული ჯგუფების მიერ თავდასხმის შემთხვევების არ არსებობა (რაც აუცილებელი მოგერიების მდგომარეობას გაამართლებდა). 5. განხორციელდა თუ არა შეკრების მონაწილეთა გაფრთხილება ძალის მოსალოდნელი გამოყენების თაობაზე? – შეკრების შეწყვეტის ღონისძიებების დაწყებამდე ადგილზე არ შესრულებულა კანონით გათვალისწინებული წინასწარი გაფრთხილების ვალდებულება ფიზიკური ძალისა და სპეციალური საშუალებების მოსალოდნელი გამოყენების თაობაზე და შესაბამისად, სამართალდამცავებს მონაწილეებისთვის არც გონივრული დრო მიუციათ კანონიერი მოთხოვნის შესრულებისა და შეკრების ადგილის დატოვებისთვის. 1 აღსანიშნავია, რომ მოცემულ შემთხვევაში, სახეზე არ იყო აღნიშნული ვალდებულებისგან სამართალდამცავების გათავისუფლების წინაპირობა, 2 1 „პოლიციის შესახებ“ საქართველოს კანონი, მუხლი 31, ნაწილი 3. 2 წინასწარი გაფრთხილების ვალდებულებისგან პოლიციელი თავისუფლდება, როცა დაყოვნებამ შეიძლება გამოიწვიოს პირის ან/და პოლიციელის სიცოცხლისა და ჯანმრთელობის ხელყოფა ან სხვა მძიმე შედეგი, ან შექმნილ სიტუაციაში ასეთი გაფრთხილება გაუმართლებელია ან შეუძლებელია. 3 რამდენადაც ადგილზე არსებობდა გაფრთხილების პრაქტიკული შესაძლებლობა როგორც პარლამენტში თვითნებური შეღწევის შესახებ განცხადების გაკეთებიდან სიტუაციის თავდაპირველ გამწვავებამდე, ასევე მის შემდგომ პერიოდშიც. 3 რაც შეეხება შეკრების შეწყვეტამდე მონაწილეთა გაფრთხილებას საქართველოს შინაგან საქმეთა სამინისტროს მიერ საჯაროდ გავრცელებული განცხადებით, აგრეთვე მედია საშუალებებით საქართველოს შინაგან საქმეთა მინისტრისა და თბილისის მერის მიერ გაჟღერებულ მოწოდებებს, 4 მსგავსი ღონისძიებები არ უზრუნველყოფს შეკრების მონაწილეთა სრულფასოვან ინფორმირებას და არ აკმაყოფილებს ძალის გამოყენებამდე მათი სათანადო გაფრთხილების სტანდარტს. კერძოდ, ეუთოს/დემოკრატიული ინსტიტუტებისა და ადამიანის უფლებების ოფისის მითითებით, ძალის გამოყენებამდე, მონაწილეთა გაფრთხილება შესაბამისი ხმის გამაძლიერებელი აპარატურის მეშვეობით, შეკრებაზე რამდენჯერმე უნდა განხორციელდეს, უნდა იყოს მკაფიო, გასაგები და არ იფარებოდეს სხვა ბგერებით. საჭიროების შემთხვევაში, გაფრთხილება რამდენიმე ადგილიდან უნდა გაკეთდეს, რათა იგი ყველა მონაწილემ გაიგოს. 5 6. რამდენი ადამიანი დაშავდა? - საქმეზე დანიშნული სასამართლო-სამედიცინო ექსპერტიზის ჩამტარებელ დაწესებულებას გაეგზავნა 273 პირის დაზიანებების ამსახველი სამედიცნო დოკუმენტები, რომელთა მცირე ნაწილზე მიღებული დასკვნების თანახმად, ფიქსირდება დაზიანებები სხეულის სხვადასხვა არეში, მათ შორის, თავსა და სახეზე, ასევე, ცხვირის, შუბლის, ქალას და სახის ძვლების მოტეხილობები, ქალა-ტვინის დახურული ტრავმა, ხოლო 2 პირს სიცოცხლისთვის სახიფათო მძიმე ხარისხის ჯანმრთელობის დაზიანება დაუდგინდა. სახალხო დამცველის წარმომადგენლებმა მოინახულეს აქციის დაშლის შემდგომ ადმინისტრაციული წესით დაკავებული 116 პირი. მათგან 35 მიუთითებდა ძალადობაზე პოლიციის მხრიდან, 12 პირს დაზიანებებიც აღენიშნებოდა. 3 შეკრების მიმდინარეობისას, პარლამენტში შესაძლო შეჭრის შესახებ განცხადება 21:08 საათზე გაჟღერდა, ხოლო ადგილზე სიტუაცია პირველად 21:50 საათიდან გამწვავდა, როდესაც აქციის მონაწილეთა ნაწილმა პოლიციის კორდონის გარღვევა და პარლამენტის ეზოში შესვლა სცადა, თუმცა ძალის გამოყენება მოხდა აღნიშნული ინციდენტიდან 2 საათის გასვლის შემდეგ. ამასთან, სიტუაციის პირველი ესკალაციიდან ძალის გამოყენებამდე, დაახლოებით 40 წუთის განმავლობაში, შეკრების მონაწილეებს შეწყვეტილი ჰქონდათ ძალადობრივი ქმედებები. 4 იხ. საზოგადოებრივი მაუწყებლის პირდაპირი ეთერი (22:39 საათიდან და 22:59 საათიდან) ხელმისაწვდომია ვებგვერდზე: 5 ეუთო/დემოკრატიული ინსტიტუტებისა და ადამიანის უფლებებს ოფისი (OSCE/ODIHR), ადამიანის უფლებების სახელმძღვანელო შეკრებების დროს პოლიციის მიერ წესრიგის დაცვის შესახებ, 2016, გვ. 133-134, ხელმისაწვდომია: 4 7. რამდენი ჟურნალისტი დაშავდა? - ჟურნალისტური ეთიკის ქარტიის ცნობით, დაშავდა მედიის 40-მდე წარმომადგენელი. 6 რამდენიმე მათგანის განცხადებით, პოლიცია მათ რეზინის ტყვიებს დამიზნებით ესროდა მას შემდეგაც კი, როდესაც სამართალდამცავებს ეუბნებოდნენ, რომ მედიის წარმომადგენლები იყვნენ. 7 მიუხედავად ამისა, მედიის არც ერთ წარმომადგენელს ამ დრომდე არ მინიჭებია დაზარალებულის სტატუსი. 8. რატომ ითხოვს სახალხო დამცველი გდდ-ს იმჟამინდელი დირექტორის მიმართ სისხლისსამართლებრივი დევნის დაწყებას? - გდდ-ს დირექტორის მიმართ ხელმძღვანელმა პირებმა - მინისტრმა და მოადგილეებმა - ორჯერ გასცეს ბრძანება არ გამოეყენებინა რეზინის ტყვიები. დამატებით ერთხელ კი თავად გდდ-ს დირექტორმა ითხოვა ნებართვა რეზინის ტყვიების გამოყენების თაობაზე, რაზეც კვლავ უარი მიიღო. რეზინის ტყვიების გამოყენებაზე სამჯერ (23:36, 00:36 და 02:34 საათები) უარყოფითი ბრძანების მიღების მიუხედავად, ბრძანება არ შესრულდა და რეზინის ტყვიები გამოიყენებოდა აქტიურად. უფრო მეტიც, დაწყებული სროლების მიუხედავად, გდდ-ს დირექტორმა 21 ივნისის 00:16 წუთზე ხელმძღვანელობას მოახსენა მცდარი ინფორმაცია, რომ თოფებს არ იყენებენ. 9. რა საგამოძიებო მოქმედებებია ჩატარებული? - პროკურატურამ მოიპოვა8 ვიდეო-ჩანაწერები, მათი ნაწილი უკვე შეისწავლა/დაათვალიერა. 9 გამოძიებამ შსს-დან ამოიღო გარკვეული მასალები და დოკუმენტაცია. 10 გამოძიების პროცესში გამოიკითხა 625 პირი. 11 დაინიშნა ექსპერტიზები. 12 ცალკე გამოყოფილ საქმეებში დევნა დაიწყო 3 პირის მიმართ. 13 დაზარალებულად ცნეს 8 მოქალაქე. 14 6 ინფორმაცია ხელმისაწვდომია ვებგვერდზე: 7 ინფორმაცია ხელმისაწვდომია ვებგვერდზე: 8 პასუხები წარმოდგენილია 2020 წლის 3 თებერვლის მდგომარეობით სახალხო დამცველის აპარატის თანამშრომლებისთვის წარდგენილი საქმის მასალების გაცნობის შედეგებზე. 2020 წლის 10, 17 და 18 ივნისს კვლავ გაეცნენ აპარატის თანამშრომლები საქმის გარკვეულ ნაწილს. 9 იხ. < > გვ. 10. რა არ არის ამ დრომდე გარკვეული/ჩატარებული? – არ არის გარკვეული რა ღონისძიებები იქნა გატარებული უშუალოდ აქციის დაშლის პერიოდში პოლიციის თანამშრომელთა მხრიდან უფლებამოსილების გადამეტების შესაძლო ფაქტების აღკვეთის მიზნით შსს იმჟამინდელი მინისტრისა და მისი მოადგილეების, ასევე, ღონისძიების ჩატარებაზე პასუხისმგებელი და ხელმძღვანელი პირების მიერ; არ არის მოპოვებული საპროტესტო აქციის მართვაში მონაწილე ყველა რგოლის სამართალდამცავი პირის რაციის ჩანაწერი; არ ამოუღიათ მობილური ტელეფონები და არ დანიშნულა ექსპერტიზები სატელეფონო შეტყობინებების, სოციალური ქსელების საშუალებით განხორციელებული მიმოწერის მოპოვების მიზნით.
Giorgi Oganesiani
Borjomi, Georgia · 3 months ago
ახალციხელი რეკორდსმენი, რომელმაც 400 ნომერი დაიზეპირა
ახალციხის მკვიდრი ა(ა)იპ "ახალციხის ციხის" თანამშრომელი 71 წლის გივი კაველიძე, საქართველოს რეკორდსმენი გახდა. მან შეძლო და 400 სხვადასხვა ტელეფონის ნომერი დაიზეპირა, ეს მაჩვენებელი, ქვეყნის მასშტაბით რეკორდულია. #news #სამცხეჯავახეთი #რეკორდი Borjomi