11 votes
0 comments
0 shares
Save
ესტონეთი და ლატვია საგანგებო მდგომარეობას აცხადებენ!
30 views
Coronavirus Live
Tbilisi · 4 months ago

ლატვიასა და ესტონეთში საგანგებო მდგომარეობა გამოცხადდა. ორივე ქვეყანაში დაიხურა სასწავლო დაწესებულებები. საგანგებო მდგომარეობა ქვეყნის მთავრობას და სამართალდამცველებს შესაძლებლობას აძლევს მკაცრი კონტროლი დაწესდეს მოგზაურობაზე და საჯარო შეკრებებზე.

ესტონეთში ამ დროისთვის კორონავირუსის 27, ლატვიაში კი 16 შემთხვევაა დაფიქსირდებული.

#news #coronavirus #coronaviruslive Estonia Latvia
Coronavirus Live
Tbilisi · 4 months ago
Similar Posts
Nino Kakulia
Tbilisi · 3 months ago
როდის ან რატომ უნდა გამოცხადდეს საგანგებო მდგომარება ქვეყანაში
კორონავირუსის გავრცელების გამო არაერთ ქვეყანაში გამოცხადდა საგანგებო მდგომარეობა, კარანტინი და შეიზღუდა ადამიანის გარკვეული უფლებები.[1] საგანგებო მდგომარეობის გამოცხადება სახელმწიფოს მეტ შესაძლებლობას აძლევს, რომ მოკლე ვადაში მოაგვაროს კრიზისით გამოწვეული პრობლემები. ამასთანავე, მნიშვნელოვანია გვახსოვდეს, რომ საგანგებო მდგომარეობა არის დროებითი ღონისძიება და მის ფარგლებში განხორციელებული ღონისძიებები საფრთხის პროპორციული უნდა იყოს. გაეცანით რა უფლებები შეიძლება შეგვეზღუდოს საგანგებო მდგომარეობის გამოცხადების პირობებში და როგორია უკანასკნელ პერიოდში საზღვარგარეთის ქვეყნებში დამკვიდრებული პრაქტიკა. როდის და როგორ ხდება საგანგებო მდგომარეობის გამოცხადება? მასობრივი არეულობის, ქვეყნის ტერიტორიული მთლიანობის ხელყოფის, სამხედრო გადატრიალების, შეიარაღებული ამბოხების, ტერორისტული აქტის, ბუნებრივი ან ტექნოგენური კატასტროფის ან ეპიდემიის დროს საქართველოს პრეზიდენტი, პრემიერ-მინისტრის წარდგინებით, აცხადებს საგანგებო მდგომარეობას. პრეზიდენტი საგანგებო მდგომარეობის გამოცხადების შესახებ ბრძანებას დაუყოვნებლივ წარუდგენს საქართველოს პარლამენტს დასამტკიცებლად. თუ საქართველოს პარლამენტი ბრძანებას არ დაამტკიცებს, იგი კარგავს იურიდიულ ძალას. რა უფლებები შეიძლება შეეზღუდოთ მოქალაქეებს საგანგებო მდგომარეობის დროს? საგანგებო მდგომარეობის დროს შესაძლებელია მოქალაქეებს შეეზღუდოთ ან შეუჩერდეთ კონსტიტუციით და კანონით გათვალისწინებული უფლებები. თუმცა ეს საგანგებო მდგომარეობის გამოცხადებისთანავე, ავტომატურად არ ხდება, ამისთვის საჭიროა პრეზიდენტმა პრემიერ-მინისტრის წარდგინებით დამატებთ გამოსცეს დეკრეტები. ის დეკრეტები, რომლითაც იზღუდება ან ჩერდება ადამიანის კონსტიტუციური უფლებები, პარლამენტს წარედგინება დასამტკიცელად. როგორ ხდება თავისუფლად გადაადგილების უფლების შეზღუდვა? აუცილებლობის შემთხვევაში, დეკრეტით შესაძლოა, მოქალაქეებს შეუზღუდონ თავისუფალი გადაადგილების უფლება, აუკრძალონ თავიანთი საცხოვრებელი ადგილის ან სხვა ადგილსამყოფლის დატოვება სათანადო ნებართვის გარეშე. ასევე, შესაძლოა შემოიღონ კომენდანტის საათი, რა დროსაც მოქალაქეებს აკრძალული აქვთ ოფიციალურად გაცემული საშვებისა და მათი პირადობის დამადასტურებელი დოკუმენტების გარეშე იყვნენ ქუჩებში ან საზოგადოებრივი თავშეყრის სხვა ადგილებში, გამოვიდნენ თავიანთი ბინის ფარგლებს გარეთ. კარანტინში მყოფ, ან სხვა შესაძლო საფრთხის მატარებელ პირებს, დროის გარკვეული მონაკვეთით შეიძლება შეუზღუდონ თავისუფლება და მოსთხოვონ თვითიზოლაცია. საგანგებო მდგომარეობის შემთხვევაში, ფიზიკური პირის იზოლაციის ან/და კარანტინში მოთავსების შესახებ გადაწყვეტილების აღსრულებას შსს უზრუნველყოფს. თავდაცვის ძალების გამოყენების შესახებ გადაწყვეტილებას პრემიერ-მინისტრის წარდგინებით იღებს პრეზიდენტი. დღევანდელი საერთაშორისო პრაქტიკა თავისუფლად გადაადგილების უფლება ამჟამად შეზღუდულია რამდენიმე ქვეყანაში: 14 მარტს ესპანეთის მთავრობამ 15-დღიანი საგანგებო მდგომარეობა გამოაცხადა, რომლის თანახმად, ყველა ესპანელი უნდა დარჩეს სახლში, შესაძლებელია სავარჯიშოდ და სამუშაოზე სიარული, საკვების ყიდვა, აფთიაქში წასვლა. იტალიაში სახლიდან გამოსვლის უფლება აქვთ მხოლოდ სამუშაოს, ჯანმრთელობის მდგომარეობის გამო ან პირველადი აუცილებელი საჭიროების ნივთების შეძენის მიზნით. ადამიანს, რომელიც სახლს ტოვებს, უნდა ჰქონდეს შესაბამისი დოკუმენტი და შეეძლოს დადასტურება იმისა, რომ ზემოთ ჩამოთვლილი სიიდან ერთ-ერთი მიზნით არის გამოსული, წინააღმდეგ შემთხვევაში მისი ქმედება დანაშაულად ჩაითვლება. ჩეხეთში აკრძალულია მოსახლეობისთვის ისეთ ობიექტებზე წვდომა, როგორებიცაა საცურაო აუზები, სპორტული დარბაზები, აგრეთვე საჯარო ბიბლიოთეკები და გალერიები. მთავრობამ სასწავლო პროცესი ყველა დონის საგანმანათლებლო დაწესებულებაში შეაჩერა. როგორ შეიძლება მოხდეს შეკრების თავისუფლების შეზღუდვა? შესაძლოა აიკრძალოს კრებების, მიტინგების, ქუჩის მსვლელობებისა და დემონსტრაციების, აგრეთვე სანახაობრივი, სპორტული და სხვა მასობრივი ღონისძიებების მოწყობა, ასევე გაფიცვის უფლებით სარგებლობა #politics #news #opinion #კორონავირუსი #coronavirus
Guri Sivsivadze
Tbilisi · 3 months ago
რატომ არ აცხადებენ იაპონიაში საგანგებო მდგომარეობასა და კარანტინს?!
რატომ არ აცხადებენ იაპონიაში საგანგებო მდგომარეობასა და კარანტინს?! - ბიოლოგის მოსაზრება: ალბათ, ბევრს გაუჩნდა კითხვა, თუ რატომ არ აცხადებენ იაპონიაში საგანგებო მდგომარეობასა და კარანტინს ახალი კორონავირუსის გამო, მეტსაც ვიტყვით, პირიქით, იაპონიაში სასწავლო დაწესებულებებშიც გაუქმდა კარანტინი, რომელიც 3 კვირის წინ გამოცხადდა, 1 აპრილიდან კი (იაპონიაში სასწავლო წლის დასაწყისი) ყველა ბავშვი ჩვეულ რეჟიმში ივლის სკოლებში. მთელ მსოფლიოში მიმდინარეობს ჰიგიენის ნორმების დაცვის გაძლიერებული პროპაგანდა. სხვადასხვა ქვეყნის პრეზიდენტები და დედაქალაქის მერები თავიანთ მოქალაქეებს ასწავლიან ხელების დაბანას, მოსახლეობას მოუწოდებენ, თავი შეიკავონ სახეზე ხელის მოკიდებისგან, ხელის ჩამორთმევით მისალმებისა და ჩახუტებისგან, სანაცვლოდ კი ხშირად დაალაგონ სახლი, იკვებონ სწორად და ზომიერად და ა.შ. იაპონიაში კი ყველაფერი სხვაგვარადაა. მაშ, მივყვეთ პუნქტობრივად: 1️⃣ სუნი - ვინც ნამყოფია იაპონიაში, ალბათ შეუმჩნევია, რომ იაპონელებს არასოდეს აქვთ მკვეთრი სუნი, უკიდურეს შემთხვევში მსუბუქი პარფიუმის არომატს თუ იგრძნობთ. მიზეზი ისაა, რომ იაპონელები სისუფთავის მომაბეზრებლად მოყვარული ხალხია და შხაპს დღეში სამჯერ (სულ მცირე - ორჯერ დღეში) იღებენ. ეს მათი ყოველდღიური ნორმაა. ხელებს კი ყოველი შესაძლებლობის დროს იბანენ - ესეც ნორმა და ცხოვრების განუყოფელი წესია მათთვის. 2⃣ ტანსაცმელი - იაპონელები ხშირად იცვლიან ტანსაცმელს, საცვლებს კი - დღეში რამდენიმეჯერ, ესეც ნორმაა. 3⃣ შეხება - იაპონიაში სხვა ადამიანებთან ფიზიკური კონტაქტი მიუღებელია. ხელის ჩამორთმევა და უბრალო შეხებაც კი ძალიან ინტიმური მოქმედებებია და მისაღებია მხოლოდ უახლოესი ადამიანების გარემოცვაში. იაპონური თავდახრა ცხოვრების ყველა შემთხვევისთვის განკუთვნილი. 4⃣ დისტანცია - იაპონელები ყოველთვის იცავენ დისტანციას. მაღაზიის თუ ბანკომატის რიგში, საზოგადოებრივი ტრანსპორტის გაჩერებაზე არავინ სუნთქავს თქვენს კეფასთან და კისერთან ახლოს. თუკი არის საშუალება, ეს დისტანცია მეტრსაც კი აღემატება. 5⃣ სანიტარია - არა მარტო სეზონური ეპიდემიების დროს, არამედ ყოველდღე და მთელი წლის განმავლობაში (როგორც ყველა წინა პუნქტი) მთელ იაპონიაში ტარდება საზოგადოებრივი ადგილებისა და ტრანსპორტის სანიტარიული დამუშავება. სხვათა შორის, ბევრი რამ ხდება ავტომატურ, 24-საათიან რეჟიმში. მაგალითად, ესკალატორის მოაჯირი მიწის ქვეშ ჩასვლისას (იქ დგას სპეციალური ავტომატი) მუდმივად მუშავდება სადეზინფექციო ანტიბაქტერიული ხსნარით. თუკი სადმე ადამიანების მომეტებული ნაკადია, ასეთი ადგილები არა მხოლოდ გრაფიკის მიხედვით, არამედ გამუდმებით ირეცხება. 6️⃣ საპირფარეშო - მთელი ქვეყნის მასშტაბით ყველა საპირფარესო უფასო, წარმოუდგენლად სუფთა და კარგად მოწყობილია. ამიტომ თქვენ შეგიძლიათ ნებისმიერ ადგილას და ნებისმიერ დროს დაიბანოთ ხელები საპნით და, საერთოდ, თავიც მოიწესრიგოთ. ხშირად ბევრ საპირფარეშოში მოწყობილია სპეციალური ფართები, სადაც შეგიძლიათ გამოიცვალოთ ტანსაცმელი. 7⃣ თითქმის ყველა საყოფაცხოვრებო მაღაზიაში განთავსებულია საგანგებო ნიჟარები თხევადი საპნის ჩამოსასხმელებით. 8️⃣ შეფუთვა - მაღაზიებში ყოველგვარი საკვები დაფასოებული და ჰერმეტულად შეფუთულია. ჩვეულებრივი კარტოფილიც კი პოლიეთილენის შეფუთვაშია. თუმცა ყველა ბოსტნეული არ იფუთება. გარდა ამისა, ბევრს უკვირს, როცა ყიდულობენ ადგილობრივ შოკოლადს და ვერ ხსნიან, ამ დროს ის უბრალო ფოლგაში კი არა, ჰერმეტულ კაპსულაშია მოთავსებული. 9️⃣ პირბადე - თუ იაპონელი დაავადდა, ის ყოველთვის იკეთებს პირბადეს, რათა სხვაც არ დაასნებოვნოს. ეს არც სირცხვილია, არც დასაცინი საქციელია და არც არავინ გაიშვერს ასეთი ადამიანისკენ თითს. 🔟 უცხოეთი - იაპონელებს არ უყვართ საკუთარი ქვეყნის საზღვრების დატოვება. გარესამყარო მათ აგრესიული, ძალიან უცნაური და საშიში ჰგონიათ. 1️⃣1️⃣ ხარისხიანი საკვები - იაპონიაში პროდუქტი მაღალხარისხია. ამასთან, ძალიან მცირეა მათი ვარგისიანობის ხანგრძლივობაც. იაპონია მთელ მსოფლიოში ყველაზე მკაცრად ეკიდება და ზედმიწევნით იცავს საკვების ხარისხის ნორმებს. იაპონელები ძალიან ბევრ თერმულად დაუმუშავებელ საკვებს მოიხმარენ (კვერცხი, ზღვის პროდუქტი, ბოსტნეული, ხილი და სხვ.). საჭმელი იაპონიაში იმდენად ახალი და წარმოუდგენლად სუფთაა, რომ მისი მირთმევა ყოველგვარი შიშის გარეშე შეიძლება, რასაც აკეთებენ კიდეც იაპონელები. ასეთ საკვებს აუცილებლად აწერია, რომ მისი ჭამა შეიძლება მომზადების გარეშე. 1️⃣2⃣ ფიზიკური აქტიურობა - იაპონელები ძალიან მოძრავი ხალხია, ისინი ბევრს დარბიან, თამაშობენ აქტიურ თამაშებს, დაკავებული არიან სპორტით. ეს ყველაფერი კი მათ საშუალებას აძლევს, შეინარჩუნონ მხნეობა და ძალა ღრმა მოხუცებულობამდე. 1️⃣3⃣ წონა - იაპონელები ძალიან ზომიერად იკვებებიან. ჭარბწონიანი იაპონელის პოვნა ხანდაზმულ ასაკშიც კი (განსაკუთრებით - ქალის) ძალიან რთულია (თუმცა, რა თქმა უნდა, რამდენჯერმე ჭარბწონიანიც მინახავს, მაგრამ როდის და სად - აღარ მახსოვს). ☝️კიდევ უამრავი იაპონური წესის ჩამოთვლა შეიძლება. მაგრამ მნიშვნელოვანია ერთი - იმას, რასაც დღეს მთელ მსოფლიოში კარანტინი და ჰიგიენის ნორმების დაცვის განსაკუთრებული დროებითი ზომა ეწოდება, მათი შესრულება კი აუცილებელი მოთხოვნაა და დამრღვევს მკაცრი სასჯელი ელის, - იაპონელებისთვის თანამედროვე ადამიანის ბუნებრივი, ყოველდღიური ჰიგიენაა, როელსაც დაბადებიდანვე ასწავლიან და მთელი ცხოვრების განმავლობაში. გიორგი ბერაძე#კორონავირუსი #იაპონია #covid19
Headline
Tbilisi · 2 months ago
ლიეტუვა, ლატვია და ესტონეთი შიდა საზღვრებს ხსნიან
ლიეტუვის, ლატვიისა და ესტონეთის ხელისუფლებების გადაწყვეტილებით, 15 მაისიდან ამ სახელმწიფოს შორის არსებული შიდა საზღვრები გაიხსნება. აღნიშნულის შესახებ ლატვიის პრემიერ-მინისტრმა კრიშიანის კარინშმა Twitter-ით განაცხადა. კარინშის თქმით, ბალტიის 3 სახელმწიფოში უცხოეთიდან ჩასულ ნებისმიერ ვიზიტორს 14 დღიანი სავალდებულო კარანტინის გავლა მოუწევს. 6 მაისის მოცემულობით, ლატვიაში კორონავირუსით 900 ადამიანია ინფიცირებული, ლიეტუვაში 1428, ხოლო ესტონეთში 1713. მომზადებულია რატი ერისთავის მიერ.#coronavirus #borders #baltics #headline #news #covid19
Mediamall
Tbilisi · 3 months ago
საქართველოში ერთი თვით საგანგებო მდგომარეობა გამოცხადდა
პრემიერ-მინისტრმა აღნიშნული გადაწყვეტილებით პრეზიდენტს უკვე მიმართა. 2020 წელი თანამედროვე მსოფლიომ ახალ კორონავირუსთან ბრძოლით დაიწყო. ჩინეთში წარმოქმნილმა აქამდე უცნობმა ინფექციურმა დაავადებამ უკვე დედამიწის თითქმის ყველა კონტინენტი მოიცვა. ჯერ გლობალურ საფრთხედ, შემდეგ კი პანდემიად გამოცხადებული ახალი კორონავირუსი რამდენიმე ქვეყანაში საგანგებო მდგომარეობის გამოცხადების მიზეზი გახდა. როდის და რატომ ხდება აუცილებელი ასეთი გადაწყვეტილების მიღება? რას ნიშნავს საგანგებო მდგომარეობა? რა იკრძალება და რა იზღუდება ასეთ სიტუაციაში? რას ნიშნავს საგანგებო მდგომარეობა? საგანგებო მდგომარეობა არის სიტუაცია, როდესაც მთავრობა უფლებამოსილია შეასრულოს ისეთი ქმედებები ან განახორციელოს ისეთი პოლიტიკა, რის უფლებასაც ჩვეულებრივ სიტუაციაში თავს არ მისცემდა. საგანგებო მდგომარეობა შეიძლება გამოცხადდეს სტიქიური უბედურების, სამედიცინო პანდემიის / ეპიდემიის, სამოქალაქო არეულობის ან შეიარაღებული კონფლიქტის დროს. ეს არის სიტუაცია, როდესაც უშუალო საფრთხე ექმნება ადამიანის ჯანმრთელობას, სიცოცხლეს, ქონებას ან გარემოს. სავალალო შედეგების თავიდან ასაცილებლად კი საგანგებო სიტუაციათა უმეტესობა სასწრაფო ჩარევას მოითხოვს. საგანგებო მდგომარეობა არის სპეციალური სამართლებრივი რეჟიმი, რომელიც სახელმწიფო ორგანოების, ინსტიტუტებისა და საწარმოების, სხვადასხვა დაწესებულებისა თუ ორგანიზაციის საქმიანობაზე ვრცელდება. ამ ქმედების მიზანია მოსახლეობის დაცვა შიდა ან გარე საფრთხეებისგან და საზოგადოებრივი წესრიგის შეანარჩუნება. საგანგებო სიტუაციების შემოღება შესაძლებელია როგორც მთელი ქვეყნის მასშტაბით, ასევე - ცალკეულ რეგიონში. საგანგებო მდგომარეობა გულისხმობს ფიზიკური და იურიდიული პირების უფლებებისა თუ თავისუფლებების შეზღუდვას, აგრეთვე მათზე დამატებითი ვალდებულებების დაკისრებას. ამ დროს ხელისუფლების მიერ გაკეთებული განცხადებები აფრთხილებს მოქალაქეებს, შეცვალონ ჩვეული ქცევა, სამთავრობო უწყებებისგან კი საგანგებო გეგმის განხორციელებას მოითხოვს. Justitium-ი რომაულ სამართალში საგანგებო მდგომარეობის ეკვივალენტია. ეს იყო კონცეფცია, რომლის თანახმად სენატს შეეძლო გამოეტანა საბოლოო გადაწყვეტილება, რომელიც გასაჩივრებას არ ექვემდებარებოდა. რა და რა სახის საგანგებო მდგომარეობა არსებობს? საგანგებო მდგომარეობა შეიძლება სხვადასხვა მიზეზით იყოს განპირობებული. სწორედ ამის მიხედვით, ის ოთხ სახეობად იყოფა: 1. ბუნებრივი საგანგებო მდგომარეობა, რომელიც საშიში ბუნებრივი მოვლენებითა და პროცესებით (გეოლოგიური, ჰიდროლოგიური და მეტეოროლოგიური, აგრეთვე ბუნებრივი ხანძრები) არის განპირობებული; 2. ტექნოგენური საგანგებო მდგომარეობა, რომელიც სამრეწველო ავარიებსა და კატასტროფებს (რადიაციული, ქიმიური, ბიოლოგიური და ჰიდროდინამიკური ავარიები), ხანძრებსა და აფეთქებებს, სატრანსპორტო ავარიებს მოიცავს; 3. ბიოლოგიური საგანგებო მდგომარეობა, რომელიც მოსახლეობის, სასოფლო-სამეურნეო ცხოველებისა და მცენარეების ფართოდ და ერთდროულად გავრცელებული ინფექციური დაავადებებით (ეპიდემიები) არის გამოწვეული; 4. სამხედრო საგანგებო მდგომარეობა, რომელიც საომარი მოქმედებებით, შეიარაღებული კონფლიქტებით, დივერსიებითა და ტერორისტული აქტებით არის განპირობებული. ვინ და რატომ აცხადებს საგანგებო მდგომარეობას? საგანგებო მდგომარეობას აცხადებს ქვეყნის უმაღლესი ხელისუფალი, როდესაც ის თვლის, რომ კატასტროფა მოხდა ან შესაძლოა, მოხდეს. ამ დროს ის მოითხოვს სახელმწიფო დახმარებას ადგილობრივი რესურსების დამატებით, რათა უფრო მეტი მატერიალური, მორალური და ადამიანური რესურსის დანაკარგი თავიდან აიცილოს. მაგალითად, აშშ-ში, მთელი ქვეყნის მასშტაბით საგანგებო მდგომარეობის გამოცხადების უფლება მხოლოდ პრეზიდენტს აქვს. თუმცა ცალკეული შტატის დონეზე ამ უფლებამოსილებას გუბერნატორიც ასრულებს. რა სახის შეზღუდვები წესდება საგანგებო მდგომარეობის დროს? ახალი კორონავირუსის გავრცელების პრევენციის მიზნით, იმ ქვეყნებში, სადაც საგანგებო მდგომარეობა გამოცხადდა, სხვადასხვა სახის შეზღუდვა დაწესდა. მაგალითად: - იხურება ყველა ბაზარი, სავაჭრო და გასართობი ცენტრი; - იხურება თეატრები, კინო და მუზეუმები; - აკრძალულია მასობრივი ღონისძიებები; - შეიძლება შეჩერდეს საზოგადოებრივი ტრანსპორტი ან შეზღუდვა დაწესდეს მის ამა თუ იმ სახეობაზე; - სკოლებსა და საბავშვო ბაღებში ცხადდება კარანტინი; - სამედიცინო დაწესებულებები მუშაობის საგანგებო რეჟიმზე გადადიან; - იკრძალება შემოსვლა იმ ქვეყნებიდან, რომლებიც ახალი კორონავირუსის გავრცელების ეპიცენტრს წარმოადგენენ. რისი გაკეთება შეიძლება საგანგებო მდგომარეობის დროს? - დაიცავით საგანგებო მდგომარეობის დროს გამოცხადებული გეგმა; - მოამზადეთ პირველადი სასწრაფო დახმარების ნაკრები; - დარწმუნდით, რომ უსაფრთხოდ ხართ, სანამ სხვებს გაუწევთ დახმარებას; - მასობრივი საინფორმაციო საშუალებების მეშვეობით მიიღეთ ინფორმაცია შესაბამისი ოფიციალური უწყებების წარმომადგენლებისგან და მიჰყევით მათ ინსტრუქციას; - დარჩით სახლში, სანამ უშუალო მითითებებს არ მიიღებთ. სად არის გამოცხადებული საგანგებო მდგომარეობა? საგანგებო მდგომარეობა მსოფლიოს არაერთ ქვეყანაშია გამოცხადებული. მათ შორის არის აშშ, ბულგარეთი, სლოვაკეთი, უნგრეთი, ჩეხეთი, ლიტვა, ლატვია, ესტონეთი, ესპანეთი. რაც შეეხება საქართველოს, ჯანდაცვის მინისტრის განცხადებით, იმ შემთხვევაში, თუ ახალი კორონავირუსის ეპიდემიური გავრცელება დაფიქსირდება, საგანგებო სიტუაციაც გამოცხადდება.#საქართველო #საგანგებომდგომარეობა #კორონავირუსი #კოვიდ19 #covid19 #georgia
Coronavirus Live
Tbilisi · 4 months ago
ამერიკის შეერთებულ შტატებში კორონავირუსის გამო საგანგებო მდგომარეობა გამოაცხადა!
კორონავირუსის პანდემიის გამო ამერიკის შეერთებული შტატების პრეზიდენტმა, დონალდ ტრამპმა ქვეყანაში საგანგებო მდგომარეობა გამოაცხადა. ამერიკაში კორონავირუსით 2 000-ზე მეტი ადამიანია ინფიცირებული, გარდაცვლილი კი 40-ზე მეტია.#coronavirus #coronaviruslive #news United States
Coronavirus Live
Tbilisi · 4 months ago
ბულგარეთში საგანგებო მდგომარეობა გამოცხადდა!
ბულგარეთში ამ დროისთვის კორონავირუსის სულ 23 შემთხვევაა დაფიქსირებული. #coronavirus #coronaviruslive #news Bulgaria
Pirveliradio Ge
Tbilisi · 3 months ago
ავსტრალიაში „ადამიანის ბიოუსაფრთხოების საგანგებო მდგომარეობა“ გამოცხადდა
ჩვენ გლობალური პრობლემის წინაშე ვდგავართ. ასეთი რამ ას წელიწადში ერთხელ შეიძლება მოხდეს-აღნიშნული განცხადება ავსტრალიის პრემიერ-მინისტრმა სკოტ მორისონმა გააკეთა. ავსტრალიაში „ადამიანის ბიოუსაფრთხოების საგანგებო მდგომარეობა“ გამოცხადდა. გავრცელებული ინფორმაციით, მდგომარეობა ქვეყნის მთავრობას უფლებამოსილებას აძლევს ჩაკეტოს ქალაქები, დააწესოს კომენდანტის საათი და იძულებით გადაიყვანოს ადამიანები კარანტინში. რაც შეეხება ოფიციალურ რჩევას მოგზაურობისადმი, ქვეყანამ უპრეცედენტო „მეოთხე დონე“ გამოაცხადა, რომელიც კატეგორიულად მოუწოდებს მოქალაქეებს არ იმოგზაურონ. აკრძალულია ყველანაირი შეკრება, რომელიც 100-ზე მეტი ადამიანის თავყრილობას გულისხმობს. „ცხოვრება იცვლება ავსტრალიაში, ისევე როგორც მთელს მსოფლიოში. ყველაფერი კიდევ უფრო შეიცვლება, რადგან ჩვენ გლობალური პრობლემის წინაშე ვდგავართ. ასეთი რამ ას წელიწადში ერთხელ შეიძლება მოხდეს“,-აღნიშნა მორისონმა. ცნობისთვის, ავსტრალიაში ამ დროისთვის კორონავირუსის 425 შემთხვევაა დაფიქსირებული.
Coronavirus Live
Tbilisi · 4 months ago
ესპანეთში კორონავირუსის გამო საგანგებო მდგომარეობა გამოცხადდა!
მადრიდის რეგიონულმა ხელმძღვანელობამ მიიღო გადაწყვეტილება შაბათიდან ყველა მაღაზია დაკეტოს. იმუშავებენ მხოლოდ აფთიაქები და სუპერმარკეტები. შეზღუდვა ვრცელდება ადამიანებისა და ტრანსპორტის მოძრაობაზე. ამ დროისთვის დაავადებულთა რაოდენობა 4334-ს შეადგენს. დღეს უკვე კორონავირუსის 1200-ზე მეტი შემთხვევა დაფიქსირდა. #news #coronavirus #coronaviruslive Spain
Coronavirus Live
Tbilisi · 4 months ago
კორონავირუსის გამო, პოლონეთში, შესაძლოა, საპრეზიდენტო არჩევნები გადაიდოს
„არჩევნები ორ თვეშია. ვნახოთ. მომდევნო დღეებში ვნახავთ როგორ განვითარდება მოვლენები და ამის მიხედვით ვიმოქმედებთ. ჯერ გადაწყვეტილება არ მიგვიღია, თუმცა ეს იმას არ გამორიცხავს, რომ არჩევნები არ გადაიდება“, - აცხადებს პაუელ სჟეფერნაკერი. ცნობისთვის, ამ დროისთვის პოლონეთში კორონავირუსის 84 შემთხვევაა დაფიქსირებული. #coronavirus #coronaviruslive Poland #politics #news
Headline
Tbilisi · 3 months ago
რესპუბლიკურ საავადმყოფოში მარნეულიდან გადმოყვანილი 80 წლის კაცის მდგომარეობა მძიმეა
მარნეულიდან გუშინ გადმოყვანილი 80 წლის კაცის მდგომარეობა მძიმეა. როგორც რესპუბლიკური საავადმყოფოს დირექტორმა, ლევან გოფოძემ ჟურნალისტებს განუცხადა, 80 წლის კაცმა სამედიცინო დაწესებულებას დაგვიანებით მიმართა. „80 წელს ზემოთ ასაკის კაცმა დაგვიანებით, 10 დღის ავადმყოფობის შემდეგ მიმართა სამედიცინო დაწესებულებას. პაციენტს აღენიშნება ორმხრივი პნევმონია და ტემპერატურის მატება. პაციენტის მდგომარეობა მძიმეა“, - განაცხადა გოფოძემ. ინფიცირებულის ახალ კორონავირუსზე ტესტის პასუხი, სავარაუდოდ საღამოს გახდება ცნობილი. ამ დროისთვის კი რესპუბლიკურ საავადმყოფოში 34 პაციენტი გადის მკურნალობას. 5 პაციენტს ახალ კორონავირუსზე ტესტს დღის განმავლობაში აუღებენ. 21 მარტს საქართველოში საგანგებო მდგომარეობა ამოქმედდა. კორონავირუსი ქვეყანაში უკვე 54 ადამიანს დაუდასტურდა. მათგან ხუთი ინფექციური კლინიკიდან უკვე გაეწერა. სულ გამოჯანმრთელდა 8 პაციენტი. ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. დაავადებული საქართველოს მოქალაქე ქვეყანაში აზერბაიჯანის გავლით ირანიდან შემოვიდა და კლინიკიდან უკვე გაეწერა. ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით. 21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა. P.s. სტატია ჩვენ არ გვეკუთვნის. სტატია გამოქვეყნებულია imedinews.ge-ს მიერ. #news #coronavirus #headline #Feedc