შაბათს, 14 მარტს, სამედიცინო პერსონალისთვის გამოყოფილი სპეციალური საშუალებებისა და მედიკამენტების სახით, აფხაზეთმა საერთაშორისო ორგანიზაციებისგან პირველი ჰუმანიტარული დახმარება მიიღო. „სამედიცინო პერსონალის დასაცავად, აფხაზეთი სპეციალური საშუალებებითა და მედიკამენტებით სავსე მეორე ჰუმანიტარულ დახმარებასაც მიიღებს. ამით, სამედიცინო პერსონალს კორონავირუსისგან დავიცავთ. უკვე მივიღეთ თერმული გამოსახულება, რომელიც ფსოუს გამშვებ პუნქტზე დამონტაჟდება“, - განაცხადა ე.წ. ჯანმრთელობისა და სოციალური დაცვის მინისტრმა თამაზ წახნაკამ. “ერთი ჰუმანიტარული დახმარება უკვე მივიღეთ, მეორე - ხვალ მოვა. გარდა ამისა, არსებობს ბრძანება, რომლითაც რუსეთი კორონავირუსის წინააღმდეგ ბრძოლაში დაგვეხმარება. ასევე, მივიღეთ თერმული გამოსახულება, რომელიც მდინარე ფსოუს გასწვრივ, საზღვარზე დამონტაჟდება. გვაქვს მედიკამენტების რეზერვი და საჭიროების შემთხვევაში, შესაბამისი ინსტიტუტები მოსახლეობის დასახმარებლად მზად ვიქნებით“, - თქვა წახნაკამ და იქვე დაამატა, რომ ვირუსული დაავადებების მხრივ, აფხაზეთში ზოგადი მდგომარეობა სტაბილურია. “სტავროპოლის საცნობარო ცენტრთან აქტიურად ვმუშაობთ. ჩვენი სპეციალისტები ახლაც იქ არიან. უახლოეს დღეებში, აფხაზეთში ამ ცენტრის თანამშრომელს გამოგზავნიან და ჩვენი ლაბორატორიის ბაზაზე კვლევა ჩატარდება“, - განაცხადა მინისტრმა. აფხაზეთში, ახალი ტიპის კორონავირუსით ინფიცირების არცერთი შემთხვევა გამოვლენილა. პარასკევს, 13 მარტს, სოციალურ ქსელებში უცნობმა პირებმა გაავრცელეს ყალბი შეტყობინებები იმის შესახებ, თითქოს აგუძერას სამხედრო საავადმყოფოში ადამიანი კორონავირუსისგან გარდაიცვალა. იმავე დღეს, ჯანდაცვის სამინისტრომ ქვეყნის ფიჭური კომპანიების აბონენტებს SMS-ები დაუგზავნა და აღნიშნული ინფორმაცია უარყო. წახნაკა ფიქრობს, რომ შეურიგებელი ბრძოლაა საჭირო მათ წინააღმდეგ, ვინც დეზინფორმაციას ავრცელებს. ე.წ აფხაზეთის გენერალური პროკურატურის პრესსამსახურის ცნობით, აგუდსერას საავადმყოფოში პაციენტის გარდაცვალების შესახებ ყალბი ინფორმაციის გავრცელებისთვის სისხლის სამართლის საქმე არ აღძრულა. მიზეზი ისაა, რომ ანონიმური მომხმარებლების ვინაობის დასადგენად ტექნიკური შესაძლებლობა არ არსებობს და ვერც იმას იგებენ, საიდან მიიღეს მათ ეს ცრუ ინფორმაცია.#აფხაზეთი #საქართველო #კორონავირუსი #თავდაცვა #sokhumidaily

საქართველოში კორონავირუსის კიდევ ერთი ახალი შემთხვევა დადასტურდა. აღნიშნულ ინფორმაციას, თბილისის ინფექციური საავადმყოფოს კლინიკური დირექტორი მარინა ეზუგბაია ადასტურებს. მისი თქმით, ეს პაციენტი ბოლო სამი შემთხვევიდან ერთ-ერთის კონტაქტია. „ამ დროისთვის კლინიკაში 45 პაციენტია მოთავსებული. გუშინ ჩატარდა ტესტირება 15 პაციენტზე, საიდანაც 14 პაციენტთან მივიღეთ ნეგატიური პასუხი, 1 პაციენტის ტესტი იყო დადებითი. ეს პაციენტი გახლავთ ბოლო სამი შემთხვევის ერთ-ერთი კონტაქტი. ამ ეტაპზე ჩვენთან დადასტურებული წევს 29 შემთხვევა. შემოსული ახალი პაციენტის მდგომარეობა ჯერჯერობით, გამოხატული კლინიკით ფასდება, როგორც საშუალო სიმძიმის. დღეს ჩაუტარდება მას დამადასტურებელი კვლევები კიდევ განმეორებით. დანარჩენი პაციენტების მდგომარეობა სტაბილურია. სტაბილურია უკვე ვლაპარაკობ მე-2, მე-3 დღეა და ეს იმის მიმანიშნებელია იქნება, რომ დაავადების პროგრესირებას არ მოველით რამდენიმე ძველ პაციენტთან, სადაც გასულია ალბათ, უკვე ჩვენთან ყოფნის 12-13 დღე და უკვე შეიძლება ვილაპარკაოთ დასტაბილურებული სიტუაციის შემდეგ გაუმჯობესებაზე. დანარჩენ პაციენტებში ჯერჯერობით სიტუაცია მართვადია, შეფასების ნაწილში ლაბორატორიულად მნიშვნელოვანი ცვლილებები არ ვლინდება და ალბათ, სიტუაცია უნდა იყოს დინამიკაში დამაკმაყოფილებელი”, - განაცხადა ეზუგბაიამ. ცნობისთვის ეს არის საქართველოში რიგით 34 დადასტურებული შემთხვევა, საიდანაც ერთი უკვე გამოჯანმრთელდა.

🇩🇰 დანია BBC წერს, რომ COVID-19-ის კრიზისის დასაწყისშივე, დანიის მთავრობამ სწრაფად და ეფექტიანად იმოქმედა. ხელისუფლებამ შემოიღო სოციალური დისტანცირება; 11 მარტიდან დახურა სკოლები და მეორეხარისხოვანი კერძო საწარმოები. 14 მარტს კი, დანიაში უცხო ქვეყნის მოქალაქეების შესვლა აიკრძალა. ეს იმ პირობებში მოხდა, როდესაც დანიაში კორონავირუსის სულ რამდენიმე შემთხვევა იყო გამოვლენილი. "ასეთმა ზომებმა უკვე გამოიღო შედეგი და ეს დადასტურებულია. დანიაში ზოგიერთი შეზღუდვის მოხნას 15 აპრილიდან აპირებენ, თუმცა ეს ეპიდემიოლოგიურ სიტუაციაზეა დამოკიდებული", - ნათქვამია სტატიაში. 🇸🇬 სინგაპური BBC-ის ცნობით, სინგაპურმა, ასევე, სწრაფად მიიღო შემზღუდავი ზომები, რის გამოც COVID-19-ის გავრცელების ამპლიტუდა, სხვა ქვეყნებთან შედარებით უფრო დაბალია, თუმცა სინგაპურში არიან ისეთებიც, ვინც თვითიზოლაციის წესებს არღვევს - მათ პასპორტებს ართმევენ და მუშაობის უფლებებს უზღუდავენ. BBC აღნიშნავს, რომ სინგაპური პატარა სახელმწიფოა და მისი კრიზისიდან გამოსვლა, ასევე, დამოკიდებული იქნება მსოფლიო ეკონომიკის გაჯანსაღებაზე. "ბევრი კომპანია სინგაპურში მალევე მოერგო დისტანციური მუშაობის წესებს და პირობებს. მთავრობამ დანერგა მობილური ტელეფონების აპლიკაცია, რომელიც ვირუსით ინფიცირებულთა გადაადგილების კონტროლს ემსახურება. ამ აპლიკაციას უამრავი სინგაპურელი იყენებს", - აღნიშნავს გამოცემა. 🇺🇸 აშშ ვირუსის გავრცელების მხრივ განსაკუთრებით რთული ვითარება აღმოჩნდა აშშ-ის მეგაპოლისებში; მაგალითად, ნიუ-იორკში უმუშევრობის დონე რეკორდულ ნიშნულზეა, რაც იმის გამო მოხდა, რომ ბევრ შტატში თითქმის ყველაფერი დახურულია, თუმცა BBC წერს, რომ აშშ-მა სწრაფად მიიღო ეკონომიკის სტიმულირების ზომები; მათ შორის 2 ტრილიონ დოლარიანი ანტიკრიზისული პაკეტი. ქვეყანაში მოქმედებს სოციალური დისტანცირების წესები, რამაც გარკვეული შედეგი უკვე გამოიღო. საერთო ჯამში, ამ ზომებმა უნდა შეუწყოს ხელი პანდემიის შედეგების სწრაფად აღმოფხვრას და ეკონომიკის აღდგენას. „გოლდმან საქსის“ და „მორგან სტენლის“ ექსპერტების პროგნოზით, ქვეყნის ეკონომიკას ჯერ - მკვეთრი ვარდნა და შემდეგ, წლის მეორე ნახევარში, სწრაფი აღდგენა ელოდება. ოპტიმისტურად არიან განწყობილი „მაქქინზის“ ექსპერტებიც, თუმცა მათი პროგნოზი შედარებით თავშეკავებულია. BBC აღნიშნავს, რომ აშშ-ის ეკონომიკის მდგომაროება, ყველა სხვა ქვეყნისთვის მნიშვნელოვანი და გადამწყვეტია, რადგან ამ ქვეყნის ეკონომიკა მსოფლიოს შიდა პროდუქტის მეოთხედს წარმოადგენს. ასე რომ, გლობალური ეკონომიკის აღდგენა დიდწილად აშშ-ზეა დამოკიდებული. 🇷🇼 რუანდა BBC-ის სტატიის თანახმად, ყველაზე მთავარი ისაა, რომ რუანდას პანდემიასთან ბრძოლის გამოცდილება აქვს. რუანდის მთავრობამ 2019 წელს ებოლას გავრცელება აიცილა თავიდან. ეს იმ პირობებში მოხდა, როდესაც მეზობელ კონგოს დემოკრატიულ რესპუბლიკაში ამ დაავადების ეპიდაფეთქება იყო. ჯანდაცვის საყოველთაო სისტემა, სასაზღვრო პუნქტებზე მოქალაქეების ტემპერატურის მუდმივი კონტროლი, დრონების გამოყენება მედიკამენტების გადასატანად – ყველაფერი ეს მიუთითებს იმაზე, რომ რუანდა მზადაა, კრიზისის დროს სტაბილურობა შეინარჩუნოს. საჰარის ჩრდილოეთით მდებარე ქვეყნებს შორის რუანდა პირველი აფრიკული სახელმწიფო იყო, რომელმაც სრული კარანტინი შემოიღო. ყველაზე დაუცველი მოქალაქეებისთვის საკვები სახლებში მიაქვთ. "მიუხედავად იმისა, რომ რუანდას ტურისტული სექტორი მნიშვნელოვნად დაზარალდა, მოქალაქეებს იმედი აქვთ, ქვეყანა ცხოვრების ჩვეულ რიტმს სწრაფად დაუბრუნდება", - წერს BBC. 🇳🇿 ახალი ზელანდია BBC განმარტავს, რომ ამ ქვეყნის მთავრობამ, ასევე, სწრაფად მიიღო საგანგებო ზომები. 19 მარტს უცხოელებისთვის საზღვრები დახურეს. 25 მარტიდან კი, მეორეხარისხოვანი საწარმოების მუშაობა შეჩერდა. მკაცრმა ზომებმა ახალ ზელანდიაში შედეგი უკვე გამოიღო. როგორც ექსპერტები ვარაუდობენ, თუ მოქალაქეები წესების დაცვას შეძლებენ, ახალი ზელანდია ეპიდემიის აღმოფხვრას უახლოეს რამდენიმე კვირაში შეძლებს და ერთ-ერთი პირველი ქვეყანა გახდება, რომელიც ნორმალურ ცხოვრებას დაუბრუნდება, თუმცა, ექსპორტი და ტურიზმი ახალი ზელანდიის ეკონომიკის მნიშვნელოვანი შემადგენელი ნაწილია და, ამ მხრივ, სირთულეები კვლავ მოსალოდნელია. სტატიის თანახმად, საერთო ჯამში, ახალ ზელანდიას ეკონომიკის სწრაფად აღდგენის საუკეთესო შანსი აქვს, რადგან სახელმწიფოს ვალი მცირეა და არსებობს ფულის მასის გაზრდის და საპროცენტო განაკვეთების დაბალ ნიშნულზე შენარჩუნების შესაძლებლობაც. 🌐 წყარო: BM.GE

საქართველოში კორონავირუსის ორივე ახალი შემთხვევა შემოტანილია. ამის შესახებ მედიას აცნობა თბილისის ინფექციური საავადმყოფოს სამედიცინო დირექტორმა, მარინა ეზუგბაიამ. მისი ინფორმაციით, ორივე პაციენტი სატვირთო ავტომანქანის მძღოლია. კორონავირუსის ორი ახალი შემთხვევა დღეს დილით დადასტურდა. საერთო რიცხვი 926-მდე გაიზარდა. კორონავირუსისგან განიკურნა კიდევ 6 პაციენტი. სულ 926 ინფიცირებულიდან გამოჯანმრთელებულია 791. 28 ივნისს, საქართველოში COVID-19-ით გარდაიცვალა მე-15 პაციენტი. 82 წლის მამაკაცს კორონავირუსი ერთ-ერთი მეზობელი ქვეყნიდან დაბრუნების შემდეგ დაუდასტურდა. ექიმების ინფორმაციით, არაერთი თანმდევი დაავადების გამო პაციენტის მდგომარეობა თავიდანვე მძიმე იყო. 29 ივნისის დილის მონაცემებით, საქართველოს კოვიდ-ცენტრებში მკურნალობენ 120 პაციენტს.#ახალი_ამბები#twitter

ბავშვებში კორონავირუსის ახალი სიმპტომები გამოვლინდა – ამის შესახებ პარიზში მოღვაწე ქართველმა პედიატრმა, ეკა კუციამ „მაესტროს“ ეთერში ილაპარაკა. მისი თქმით, ბავშვებში სუნთქვის გაძნელებას და ხველას ახალი სიმპტომები დაემატა. „ბავშვებში სუნთქვის გაძნელებას და ხველას ახალი სიმპტომები დაემატა – მაღალი სიცხე, ფაღარათი და მუცლის ტკივილი. ამიტომ ჩვენ მივმართავთ მოსახლეობას, რომ თუ ბავშვს აქვს მაღალი ცხელება, 39-40 გრადუსი, რომელიც 3 დღეზე მეტი გრძელდება, ნუ დაელოდებიან კარანტინის მოხსნას და ექიმს დროულად მიმართონ“, – განაცხადა პედიატრმა. დღეს საქართველოში კორონავირუსის მხოლოდ ერთი შემთხვევა დადასტურდა. ბოლო 24 საათში გამოჯანმრთელდა 32 პაციენტი. ბოლო მონაცემებით: გარდაცვლილთა რაოდენობა ჯამში – 11. კარანტინის რეჟიმში იმყოფება – 4769 ადამიანი სტაციონარში მეთვალყურეობის ქვეშ – 414 ადამიანი უცხოეთიდან სამკურნალოდ გადმოყვანილი საქართველოს მოქალაქეების – 3

კორონავირუსით დაინფიცირებულთა რაოდენობამ ნახევარმილიონს გადააჭარბა. უკანასკნელი დადასტურებული ინფორმაციით, მსოფლიოს მასშტაბით COVID-19-ით დაინფიცირების რიცხვმა 525 054-ს მიაღწია. სახიფათო ვირუსით დაავადებულთა რაოდენობით ჩინეთმა ლიდერობა პირველად დაკარგა. რამდენიმე წუთის წინ ოფიციალურად დადასტურდა, რომ COVID-19-ით დაავადების ფაქტი ყველაზე მეტჯერ აშშ-ში გამოვლინდა - დღეს ამ ქვეყანაში კორონავირუსის 13 653 ახალი ფაქტი დადასტურდა. საერთო ჯამში, აშშ-ში ახალი ვირუსი 81 864-ჯერ დაფიქსირდა. ოფიციალური ვაშინგტონის ინფორმაციით, აშშ-ში კორონავირუსით 1 173 მოქალაქე გარდაიცვალა. ინფიცირებულთა რაოდენობით მეორე ადგილს ჩინეთი იკავებს - აქ COVID-19-ით დაავადების შემთხვევა 81 285-ჯერ დადასტურდა. როგორც ცნობილია, ჩინეთი ერთადერთი სახელმწიფოა, რომელიც ახალ ვირუსს ეფექტურად ებრძვის და ამარცხებს კიდეც - უკანასკნელ 24 საათში ამ ქვეყანაში მხოლოდ 67 ახალი დაინფიცირებულია. ამ წუთისთვის კორონავირუსით ყველაზე მეტი გარდაცვლილი იტალიაშია - აპენინის ნახევარკუნძულზე სახიფათო ვირუსით ინფიცირება 80 589-ჯერ გამოვლინდა, აქედან 8 215 ადამიანი გარდაიცვალა. გარდაცვლილთა რაოდენობით სწრაფი ტემპით წინ მიიწევს ესპანეთიც - აქ სახიფათო ვირუსს 4 145 ემსხვერპლა. საერთო ჯამში ესპანეთში კორონავირუსის 56 197 შემთხვევა გამოვლინდა. საქართველოში დღეს COVID-19-ის 4 ახალი შემთხვევა დაფიქსირდა. საერთო ჯამში, ჩვენს ქვეყანაში 79 ადამიანი იყო დაინფიცირებული. საბედნიეროდ, ახალი ვირუსით საქართველოში არავინ გარდაცვლილა. #კორონავირუსი #სტატისტიკა #აშშ #ჩინეთი #იტალია #ესპანეთი #საქართველო #პანდემია #coronavirus #USA #China #Italy #Spain #Georgia #pandemic #politics #news

მას შემდეგ, რაც ზედიზედ 16 დღის განმავლობაში ჰონგ-კონგში COVID-19-ის ახალი შემთხვევა არ გამოვლენილა, გარკვეული შეზღუდვებით გაიხსნება კინოთეატრები, ბარები და სპორტდარბაზები. ჰონგ-კონგის ლიდერის, კერი ლამის განცხადებით, რესტორნებში თითო მაგიდასთან უკვე რვა ადამიანის ჯდომა იქნება დაშვებული - აქამდე ოთხზე მეტი აკრძალული იყო. ამასთან, რვა მაისიდან გაღების უფლება ექნებათ სპორტდარბაზებსა და კინოთეატრებს. გაიხსნება ბარებიც, თუმცა მათზე გარკვეული შეზღუდვები იმოქმედებს ტევადობაზე. გარდა ამისა, ბარებში დაშვებულიარ იქნება ცოცხალი მუსიკის შესრულება და ცეკვა. 27 მაისიდან ჰონგ-კონგში ეტაპობრივად გაიხსნება სკოლებიც. ამისდა მიუხედავად, ჰონგ-კონგის ლიდერი ამბობს, რომ ადგილობრივებმა ყურადღება არ უნდა მოადუნონ: "ექსპერტები მიიჩნევენ, რომ გარკვეული დოზით ზოგიერთი შეზღუდვის შერბილების დროა, თუმცა ხაზი უნდა გავუსვა, რომ ეპიდემიური მდგომარეობა შესაძლოა თამაშობდეს და ჩვენ მუდმივად ფხიზლად უნდა ვიყოთ", - თქვა კერი ლამმა.#ჰონკონგი #პანდემია #იზოლაცია #შეზღუდვები Tbilisi

გასული 24 საათის განმავლობაში, საქართველოში ლაბორატორიულად დადასტურდა კორონავირუსის 8 ახალი შემთხვევა. საერთო რიცხვი 939-მდე გაიზარდა. ბოლო 10 დღის განმავლობაში, 24 საათში გამოვლენილი შემთხვევების რაოდენობა 3-ს არ აჭარბებდა. კორონავირუსისგან განიკურნა კიდევ 23 პაციენტი. სულ გამოჯანმრთელებულია 817. საქართველოში COVID-19-ით გარდაცვლილია 15 ადამიანი. 2 ივლისის დილის მონაცემებით, კოვიდ-ცენტრებში მკურნალობენ 107 პაციენტს. კარანტინის რეჟიმშია 3080 და სტაციონარში მეთვალყურეობის ქვეშ - 242.#ახალი_ამბები#twitter

პერიოდულად ვავლენთ შემთხვევებს, როდესაც არ ვიცით პაციენტი სად დაავადდა. სამწუხაროდ, კორონა სადღაც დადის. არ ვიცით, ვინ არის ხოლმე ინფიცირების წყარო, - ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ პაატა იმნაძემ კოლეგებთან, ამირან გამყრელიძესთან და ხათუნა ზახაშვილთან ერთად გამართულ „ფეისბუქლაივში“ განაცხადა. მისი თქმით, ეს დაავადება საშიშია და ადამიანები არ დაიცავენ ელემენტარულ წესებს, მას სულ რამდენიმე დღე და კვირა დასჭირდება იმისთვის, რომ ერთეულმა შემთხვევებმა ასეულ შემთხვევას მიაღწიოს. „აქედან გამომდინარე, თხოვნაა ყველასადმი, რომ დავიცვათ რეკომენდაციები და არ მივცეთ კორონას გავრცელების საშუალება. არ არის ეს ძნელად შესასრულებელი რეკომენდაციები“, - განაცხადა პაატა იმნაძემ. საქართველოში კორონავირუსის 9 ახალი შემთხვევა გამოვლინდა. ამ დროისთვის საქართველოში კორონავირუსის 995 შემთხვევაა დადასტურებული, გამოჯანმრთელებულია 857 ადამიანი, 15 პაციენტი კი გარდაიცვალა.