კორონავირუსი კიდევ ერთ პირს დაუდგინდა, რომელიც ბოლო 3 ინფიცირებულის კონტაქტია
30 Views
Pirveliradio Ge
Tbilisi · 6 months ago

http://pirveliradio.ge/?newsid=139105

საქართველოში კორონავირუსი კიდევ ერთ პირს დაუდგინდა. ინფექციური საავადმყოფოს დირექტორის, მარინა ეზუგბაიას განცხადებით, ის ბოლო სამი ინფიცირებულის კონტაქტია. მისივე თქმით, პაციენტის კლინიკური მდგომარეობა საშუალო სიმძიმისაა.

როგორც ეზუგბაიამ ჟურნალისტებს განუცხადა, დღეს ამ პაციენტს დამადასტურებელი კვლევები განმეორებით ჩაუტარდება.

„ეს პაციენტი გახლავთ ბოლო სამი შემთხვევის ერთ-ერთი კონტაქტი. შემოსული ახალი პაციენტის მდგომარეობა ჯერჯერობით, გამოხატული კლინიკით ფასდება, როგორც საშუალო სიმძიმის. დღეს ჩაუტარდება მას დამადასტურებელი კვლევები კიდევ განმეორებით. დანარჩენი პაციენტების მდგომარეობა სტაბილურია“, - განაცხადა ეზუგბაიამ.

შეგახსენებთ, ჯამში, საქართველოში ამ დროისთვის კორონავირუსი 34 ადამიანს დაუდგინდა, საიდანაც ერთი უკვე გამოჯანმრთელდა.


Pirveliradio Ge
Tbilisi · 6 months ago
5
Write a comment