296 votes
6 comments
0 shares
Save
11 views
Shota Didishvili
Tbilisi · 1 year ago

დარიალის ხეობა, საქართველო რუსეთის საზღვარი.

#რუსეთიოკუპანტია
Shota Didishvili
Tbilisi · 1 year ago
Similar Posts
Shota Didishvili
Tbilisi, Georgia · 1 year ago
დარიალის ხეობა. საქართველო რუსეთის საზღვარი.🇬🇪🇬🇪 #რუსეთიოკუპანტია ❌⛔❗
Sokhumi Daily
Sokhumi, Georgia · 2 months ago
მე დაკარგულად ვერ ჩავთვლი იმას, რაც ჩემი ნებით არ დამითმია !
აფხაზეთის დაკარგვა და რუსეთის მიერ პროვოცირებული ომი ერთ-ერთი ყველაზე მტკივნეული თემაა ქართველებისთვის. ყოველთვის უნდა გვახსოვდეს ჩვენი ომის გმირები, რომლებიც ყველაფრის მიუხედავად, ბოლომდე იბრძოდნენ ჩვენი მიწის დასაცავად და არ დახარეს თავი იმპერიალისტი რუსეთის წინაშე. დღეს წარმოგიდგენთ ინტერვიუს აფხაზეთის ომის ვეტერან, თემური ცაავასთან, რომელიც 23-ე მექანიზირებულ საზენიტო დევიზიონში იბრძოდა. -ომის დაწყებამდე, რა ვითარება იყო აფხაზეთში ? თითქოს ყველაფერი ჩვეულებრივად იყო, მეც ინსტიტუტში ვსწავლობდი, ადამიანებს შორის არ იყო დაძაბულობა, თუ არ ჩავთვლით კონკრეტული პროვოკატორების საქციელს. რაც შეეხება პოლიტიკურ ვითარებას, აშკარად იგრძნობოდა დაძაბულობა. უკვე მაშინ, რუსეთის მიერ პროვოცირებული პოლიტიკა მიმდინარეობდა. თითქოს აფხაზებს დააჯერეს, რომ ბატონები არიან და სურდათ, რომ ე.წ "დამოუკიდებლობა" მიეღოთ. იყო აფხაზებში ისეთი რადიკალი სეპარატისტები, რომლებიც ითხოვდნენ აფხაზეთის გამოყოფას საქართველოს შემადგენლობიდან და ცალკე რესპუბლიკის შექმნას. თუმცა ეს აზრი თავში მათ თვითონ არ მოსვლიათ, არამედ ასე დააჯერეს. -თქვენი აზრით, რისი ბრალი იყო პოლიტიკური დაძაბულობა და ვინ იყო ამის მთავარი მიზეზი ? მე ვფიქრობ, რომ დაძაბულობა ინსპირირებული იყო რუსეთის მხრიდან, მათი იმპერიალისტური პოლიტიკის გამო. მათი დევიზია დაშალე და იბატონე. არ მოსწონდათ, რომ საქართველოზე ძალაუფლება დაკარგეს, დამოუკიდებლობა რომ მივიღეთ ამდენი წლის შემდეგ, სწორედ ამიტომ, ყველა შესაძლო ხერხით ცდილობდნენ შუღლი გამოეწვიათ ჩვენში. ხდებოდა პროვოკაციული ქმედებები, აი მაგალითად, რამდენიმე სარკინიგზო ხიდის აფეთქება მოხდა, უშუალოდ ერთი მათგანი იყო ჩვენი სოფლის ტერიტორიაზე, როგორც მახსოვს, ეს აფეთქება დილით ადრე მოხდა. გარდა ამისა, შეიქმნა აფხაზეთის შეიარაღებული ძალების ჯარი, რომელიც არ ემორჩილებოდა საქართველოს ცენტრალურ ხელისუფლებას. -ომის გამოცხადების დროს, რა ვითარება იყო თქვენს ოჯახში, სოფელში, აღგვიწერეთ თქვენი ფიქრები და განცდები. ოჯახი, ისევე როგორც მთელი სოფელი დაძაბული იყო. გვქონდა შიში, რომ ოჯახში სამეგობროში და ა.შ. მსხვერპლი არ ყოფილიყო. ყველაფერს ისიც ემატებოდა, რომ რთული იყო იმ ადგილების განადგურების ყურება, სადაც ვიზრდებოდით, ვატარებდით დროს, ვმუშაობდით, ვშრომობდით. ჩვენი შრომით შექმნილი თითოეული ნაწილი ჩვენს თვალწინ იწვოდა და ნადგურდებოდა. ჩვენ, მეომრებს უკან არ დაგვიხევია, ვიბრძოდით მხოლოდ ერთი იდეით, რომ არ დაგვეთმო ჩვენ მიერ ნაშენები ტერიტორია ტერორისტი რუსებისათვის. თამამად შემიძლია ვთქვა, რომ ომში მეომრებს არაფრის შიში არ გვქონდა და ბოლომდე ვიბრძოდით. -რა ვითარება იყო ჯარისკაცებში? ჯარი მეტ-ნაკლებად მომარაგებული იყო იარაღით და ტყვია-წამალით, თუმცა ამაზე მნიშვნელოვანია ის საბრძოლო სული, რომელიც ჩვენ გვქონდა. არ გვეშინოდა სიკვდილის, რადგან სამშობლოს დასაცავად და ჩვენი ოჯახების დასაცავად ყველაფრისთვის მზად ვიყავით. ჩვენთვის პრიორიტეტი იყო ჩვენი ქვეყნის ტერიტორია, რომლებზეც რუსებს არ აქვთ უფლება იბატონონ. ჩვენი მთავარი მიზანი იყო, რომ ომი მშვიდობიანად დასრულებულიყო და არ ყოფილიყო ქართველებს შორის დიდი მსხვერპლი. ჩვენ ვებრძოდით ჩრდილოეთიდან წამოსულ მტრებს, რადგან სწორედ მათი მიზეზით მოხდა ყველაფერი. -ომის დროს განვითარებული მოვლენებიდან რას გაიხსენებდით ? დროებითი "პერემირია" იყო. გუმისტაზე, სადაც ჩვენ პოზიციებს ვამაგრებდით, მეორე მხარეს აფხაზური ძალები იდგა. ვაკვირდებოდით, როგორ დადიოდნენ ტერიტორიაზე აფხაზები და რუსები, თუმცა ტყვია "პერემირიას" დასრულებამდე არ გასროლილა. შემდეგ მოხდა ის, რასაც არ ველოდით. აღმოჩნდა, რომ "პერემირია" ტყუილი იყო, ჩვენ დაგვათმობინეს იარაღი, შეგვასუსტეს, იმედი გაგვიჩინეს და ამ დროს ისევ გაიხსნა ცეცხლი. ჯარისკაცები რთულ ვითარებაში აღმოვჩნდით და ამ დროს მხოლოდ საბრძოლო სული საკმარისი არ აღმოჩნდა, რადგან ჯარის მობილიზაცია მთლიანად ვერ მოხდა, მძიმე არტილერია თითქმის გაყვანილი იყო სოხუმიდან, ჩვენ იმით ვიბრძოდით, რაც იქამდე გვქონდა შერჩენილი და ასე ვიცავდით სოხუმს, თუმცა როგორც უკვე აღვნიშნე, ეს საკმარისი არ აღმოჩნდა. -რა გზით დატოვეთ აფხაზეთის ტერიტორია? მე პირადად და ჩემი ბატალიონის ბიჭები, სოხუმის დაცემის მეორე დღეს სვანეთის გზით გადმოვედით. არ მახსოვს რამდენი დღე მოვდიოდით, იყო საშინელი სიცივე, განსაკუთრებით ღამის საათებში, არ გაგვაჩნდა არანაირი პროდუქტი. ხალხი სწორედ ამ გზით მოდიოდა. სამწუხაროდ გადმოსვლის დროს ბევრი გარდაცვლილიც ვნახე. -როგორი შეგრძნება იყო საკუთარი სახლ-კარის დატოვება ? საშინელი შეგრძნება იყო, არ მჯეროდა რომ სახლ-კარი დაკარგული იყო. მაშინაც, და ახლაც მჯერა, რომ აუცილებლად დავუბრუნებთ ჩვენს მიწა-წყალს. სულ ის შეგრძნება მქონდა, რომ ეს დროებითი იყო. -ახლა რას ფიქრობთ აფხაზეთზე და როგორ შეაჯამებდით მთელ ბრძოლას ? ვფიქრობ, რომ ომი არ უნდა მომხდარიყო, ჩვენ უნდა გვეპოვა საერთო ენა და აუცილებლად ვიპოვიდით ჩვენი ქვეყნის მოქალაქეებთან, რომ არა პროვოკატორი, ჩრდილოეთიდან წამოსული ტომები, აფსუები, რუსები და ის ადამიანები, ვისაც ჩვენ მიერ ნაშენები სახლ-კარის დაპატრონება სურდა. ჩვენ, ქართველებს ეს არ უნდა დაგვეშვა. მე ახლაც მჯერა, რომ აფხაზეთს დავიბრუნებთ, რადგან მე დაკარგულად ვერ ჩავთვლი იმას, რაც ჩემი ნებით არ დამითმია !#აფხაზეთი #საქართველო #რუსეთიოკუპანტია #ომი #ვეტერანი #პოლიტიკა #გმირები
Sokhumi Daily
Sokhumi, Georgia · 2 months ago
ჩვენ ბრძოლა წავაგეთ, მაგრამ ომი არ წაგვიგია !
ყოველი ქართველისათვის აფხაზეთის დაკარგვა მტკივნეული თემაა, რადგან ეს არის ჩვენი ქვეყნის ნაწილი, რომელიც იძულებით წაგვართვეს. ყოველთვის უნდა გვახსოვდეს აფხაზეთში მეომარი გმირები და არ დავივიწყოთ მათი ღვაწლი, რადგან ამ ადამიანებმა დათმეს საკუთარი კეთილდღეობა და არ გაცვალეს სამშობლო მატერიალურ ღირებულებებზე. დღეს ჩვენ მოვამზადეთ ინტერვიუ აფხაზეთის ომის ვეტერანთან, ანატოლი თოდუასთან, რომელიც საქართველოს რესპუბლიკის თავდაცვის სამინისტროს მე-2 საარმიო კორპუსის საარტელიერო პოლკში იბრძოდა. -ომის დაწყებამდე, ცოტა ხნით ადრე რა ვითარება იყო აფხაზეთში? 1987 წელს გამიწვიეს ჯარში, 89 წელს რომ დავბრუნდი, აფხაზეთში იყო კომენდანტის საათი, მილიცია აკონტროლებდა ყველაფერს. იყო შემთხვევები, როდესაც აფხაზები გამოხტებოდნენ, თითქოს ვიღაცის დარიგებულ ტექსტებს იმეორებდნენ, თუმცა ამას არ ჰქონია სისტემატიური ხასიათი. მაშინ ვერავინ იფიქრებდა, რომ იარაღს ხელში აიღებდნენ და გვესროდნენ. -თქვენი აზრით რამ გააღვივა შუღლი ქართველებს შორის და ვინ დაიწყო ომი ? ეს ყველფერი არის რუსეთის მიერ დადგმული სპექტალი. სწორედ მათ მისცეს აფხაზებს იარაღი და გაასროლინეს, შემდეგ კი ყველაფერი ჩვენ დაგვაბრალეს. სად ჰქონდათ აფხაზებს ტყვია და იარაღი? რუსები ამარაგებდნენ. სწორედ რუსებმა დაბომბეს მშვიდობიანი მოსახლეობა და გადაამტერეს ერთმანეთს. -რა მდგომარეობა იყო ომის დროს ჯარისკაცებში შიგნით? გვესაუბრეთ თქვენს განცდებსა და ფიქრებზე. ყველანი მხნედ ვიყავით, რადგან ჩვენი ქვეყნის დასაცავად ვიდექით და არც ერთი ნაბიჯით უკან არ დაგვიხევია. მე ვარ აფხაზეთიდან, ჩემს უკან იდგნენ მშობლები, დები, ძმები, ჩვენი მოხუცებულები, ბავშვები, არამარტო ჩემი თანამებრძოლების ოჯახები. რუსები თვითნმფრინავებიდან ბომბავდნენ ქართულ დასახლებებს და ჩვენს ლოკაციებს, მაგრამ არაფრის შეგვშინებია. ბრძანებას რომ მივიღებდით ცეცხლის გახსნაზე დაუყოვნებლივ ვასრულებდით. ერთხელ ბრძანება მოვიდა ცეცხლის გახსნაზე ღამის 3 საათი იქნებოდა, წამოვხტით ყველა. ერთ ფეხზე მოვასწარი ჩექმის ჩაცმა, მეორე ხელით წამოვიღე, რომ გავრბოდი აკაციის ეკალი შემერჭო, არც მიგრძვნია, ჩავიცვი მეორეც, იმ დღეს დილის 7 საათამდე არ გავჩერებულვართ. რომ დაწყნარდა ყველაფერი მერე ვიგრძენი ტკივილი ფეხზე, თუმცა გარეგნული ტკივილი, დამიჯერეთ, არავის ადარდებდა, რადგან ჩვენ გვტკიოდა ჩვენს მიწაზე საომარი ვითარება, რომელიც ტერორისტი რუსების მიერ იყო მოწყობილი. -რომ გააცნობიერეთ, რომ აფხაზეთის დატოვება მოგიწიათ, როგორ დატოვეთ ტერიტორია ? იმ ნაწილში, სადაც მე ვიყავი, ყველაზე ახალგაზრდა ორნი ვიყავით, 23 წლის პატარა ბიჭები. მგონი მაისის თვე იყო, ეგრედწოდებული "პერემირია" რო გამოაცხადეს იარაღები ჩავაბარეთ. ჯარი გაიწია, ორივე მხარეს ტექნიკა გაიყვანეს ჩვენებმა, შემდეგ მე და ჩემი მეგობარი გამოგვიშვეს სამხედრო აკადემიაში არტილერიის კურსებზე, თბილისში რომ ჩამოვედით გვითხრეს, რომ ადგილები აღარ იყო, ამიტომ უკან დავბრუნდით. რამოდენიმე დღეში ისევ დაიწყო ყველაფერი, რუსეთმა გაგვაცურა, ეს მათი ტაქტიკური სვლა იყო. მეც ჩემი ქვეყნის დასაცავად წავედი ამ ომში, სადაც არც იარაღი გვქონდა და არც აღჭურვილობა. რამოდენიმე დღე დავიცავით, მაგრამ მერე ვერ გაძლო ჯარმა, რადგან იარაღი და ტექნიკა გვაკლდა და იძულებული გავხდით დაგვეტოვებინა ყველაფერი. დედაჩემი და ჩემი და დავსვი გემზე, მე ვერ გავძელი, გადმოვხტი გემიდან, მოვედი სახლში, მოვკიდე ხელი მამაჩემს, უკვე გაუსაძლისი მდგომარეობა იყო. წამოვედით სვანეთიდან. სვანეთში ტყეში რომ ვისვენებდით ჩემს გვერდით კაცი იწვა, რომელიც იმ ღამეს გარდაიცვალა. სვანეთიდან რომ გავედით, მოვხვდით სამეგრელოში. ფოთში რო შევედით ამ დროს მხედრიონი შემოვიდა და გაგვაჩერეს, საბუთები გაგვისინჯეს. მე მინახეს მეომრის საბუთი, მითხრეს ჩვენთან წამოდიო, რაზეც უარი მიიღეს. ამის გამო დამაყენეს კედელზე დასახვრეტად, ერთმა გადატენა იარაღი, უნდა ესროლა, მეორემ უთხრა ჩემზე ეს კაცი მეცონბაო, აი მაშინ შემეშინდა. იმედი რომ მომეცა ცაში ავიხედე, იმის მერე ეგეთი ცა სუფთა გაბრწყინებული მე არ მინახავს. დალოცოს და გაამთლიანოს დედა ღვთისმშობელმა ჩვენი საქართველო, დიდება უფალს და მთლიანად საქართველოს. ამინ. -როგორი შეგრძნება იყო საკუთარი სახლ-კარის დათმობა? თბილისში რომ წამოვედით არც ვიცოდი სად იყვნენ დედაჩემი და ჩემი და. ძალიან ცუდი განცდა მქონდა. საშინელი ყოფილა სახლის დატოვება, ასევე მეზობლების, ახლობლების, ბავშვების, მეგობრების, ნათესავებიც რომ მახსენდება სული მეხუთება. რომ ვხვდებით ერთმანეთს მეზობელია თუ ბავშვობის მეგობარი, მგონია რომ ისევ შაფში ვარ ჩემს სახლში, ჩემი ზღვის პირას. ეგრევე თვალწინ დგება ჩემი სოფელი, ჩემი მეგობრები, ჩემი ბავშვობა, ჩემი ქუჩა, სადაც 23 წელი ვიცხოვრე და ძალიან კარგად გავატარე. ადამიანი იმედით ცხოვრობს, მეც იმედი მაქვს, რომ ჩემ ლამაზ, მშვენიერ კუთხეში დავბრუნდები. ჩვენ ბრძოლა წავაგეთ, მაგრამ ომი არ წაგვიგია! აფხაზეთი საქართველოა ! რუსეთი მტერია !#ომისვეტერანი #აფხაზეთი #საქართველო #რუსეთიოკუპანტია #მეომრები #ჩვენდავბრუნდებით #SokhumiDaily
Nicholas Production
Tbilisi, Georgia · 11 months ago
მოდით გავიხსენოთ საქართველოსა და რუსეთს შორის დამოკიდებულება საუკუნეების განმავლობაში : 1770- რუსული არმიის ღალატი ასპინძის ომში 1795-რუსული არმიის ღალატი კრწანისის ომში 1801-რუსეთის მიერ საქართველოს ანექსია. მეფის ტახტის გაუქმება 1804-მთიულეთის სისხლში ჩახშობა 1811-ქართული ეკლესიის ავტოკეფალიის გაუქმება რუსეთის მიერ 1812-კახეთის სისხლში ჩახშობა 1819-იმერეთის სისხლში ჩახშობა 1841-გურიის სისხლში ჩახშობა 1856-სამეგრელოს სისხლში ჩახშობა 1887-დიმიტრი ყიფიანის მოკვლა. ეკლესია - მონასტრების ძარცვა, სკოლებში, ეკლესიებში, სასამართლო სისტემაში რუსული ენის დაკანონება ლაღიაშვილი ეაგზარქოსი 1920 სოჭის ანექსია 1921-საინგილოს, ლორეს და ტაო-კლარჯეთის (ყარსის ხელშეკრულებით) გასხვისება რუსეთის მიერ 1922-სვანეთის სისხლში ჩახშობა 1923-კოტე აფხაზის დახვრეტა 1923-ვაჟა ფშაველას შვილის - ლევან რაზიკაშვილის დახვრეტა 1923- წმინდანების დავით და კონსტანტინე მხეიძეების ცხედრების ამოთხრა 1924-ქართლ - კახეთის გაუგონარი სისატიკით სისხლში ჩახშობა, 7 დღეში 12 000 დახვრეტილი 1924-ვალიკო ჯუღელის დახვრეტა 1925-მიხა ხელაშვილის მოკვლა 1930- კერძო საკუთრების - ქარვასლების, დუქნების, საწარმოების მეპატრონეებისთვის წართმევა 1930- გლეხებისთვის მიწების წართმევა 1937-მიხეილ ჯავახიშვილის დახვრეტა 1937-სანდრო ახმეტელის დახვრეტა 1937-გიორგი მაზნიაშვილის დახვრეტა 1937-ტიციან ტაბიძის დახვრეტა 1937-ევგენი მიქელაძის დახვრეტა 1937-ვახტანგ კოტეტიშვილის დახვრეტა 1937-ნიკოლო მიწიშვილის, გიორგი ელიავას, ბესარიონ ჭიჭინაძის დახვრეტა 1941-1945 გერმანია-რუსეთის ომი. 300 000 დაღუპული ქართველი 1942-სტუდენტებისგან შემდგარი პატრიოტული ორგანიზაცია „სამანის“ 17 წევრის დახვრეტა 1951 მეგრელთა საქმე, ამ კუთხის მამულიშვილების განადგურება 1956 - 9 მარტი 1000 სტუდენტის დახოცვა უმოწყალოდ და მტკვარში გადაყრა დახოცილების, მტკვარი დაგუბდა 1978-სახელმწიფო ენის გაუქმება 1984 ე. წ. თვითმფრინავის ბიჭების და მათთან ერთად მღვდლის დახვრეტა, რომელიც თვითმფრინავში საერთოდ არ ყოფილა 1989 წლის 9 აპრილი, მშვიდობიანი მომიტინგეების უმოწყალო ხოცვა- ჟლეტა, მოკლულთა რაოდენობა დადგენილი არ არის, სი - ეს- ის გაზის გამოყენება, რაც ომშიც კი აკრძალულია 1989-13 ოქტომბერი მერაბ კოსტავას მკვლელობა 1991-პუტჩი, ზვიად გამსახურდიას კანონიერი ხელისუფლების მომხრეების უმოწყალოდ ხოცვა - ჟლეტა, დახოცილთა რაოდენობა დადგენილი არ არის 1992-1993 აფხაზეთში 25 000 დაღუპული, 300 000 ქართველი განდევნილი აფხაზეთიდან 1998-გალის მოსახლეობის ხოცვა - ჟლეტა 2004 ქართველების ხოცვა - ჟლეტა შუა ქართლში, მოკლულთა რაოდენობა დადგენილი არ არის 2008-ომი საქართველოს წინააღმდეგ და უამრავი სხვა დანაშაული. 2016 წლის 19 მაისს 30 წლის გიგა ოთხოზორია , აფხაზეთის საოკუპაციო ხაზთან, ხურჩა ნაბაკევის გამშვებ პუნქტთან მოკლეს. 2018 წლის 22 თებერვალს არჩილ ტატუნაშვილი, ყოფილი სამხედრო, რუსმა ოკუპანტებმა საოკუპაციო ხაზიდან გაიტაცეს და მოკლეს. #რუსეთიოკუპანტია
Keso Bigvava
Tbilisi, Georgia · 3 months ago
უკრაინაში, რუსეთის დავალებით, COVID-19-ზე ყალბ ინფორმაციებს ავრცელებდნენ
უკრაინის უსაფრთხოების სამსახურმა ბოლო ერთი კვირის განმავლობაში 38 ადამიანი გამოვლინა, რომლებიც ახალი კორონავირუსის შესახებ ყალბ ინფორმაციებს ავრცელებდნენ. უსაფრთხოების სამსახურის მიერ გავრცელებულ განცხადებაში წერია, რომ ამ 38 ადამიანიდან რამდენიმემ უკრაინის სისხლის სამართლის კოდექსის "სერიოზული მუხლები" დაარღვია. მაგალითისთვის, 23 მარტს უკრაინის უსაფრთხოების სამსახურმა ქალაქ დნეპრიში ერთერთი ინტერნეტ-აგიტატორის დააკავა, რომელიც რუსეთის დავალებით სოციალურ ქსელებში უკრაინაში ახალი კორონავირუსის გავრცელების შესახებ ტყუილ ინფორმაციებს ათავსებდა. უუს-ის ცნობით, დაკავებული პირი მიზნად ისახავდა უკრაინის კონსტიტუციური წყობის მორღვევას და ამ დავალებას ის რუსეთის ფედერაციის "კურატორისგან" იღებდა. უწყების ცნობით, დნეპრიში მაცხოვრებელთა შორის პანიკის დათესვის მიზნით, დაკავებული პირი აკეთებდა ფოტო და ვიდეო მასალას, სადაც ასახული იყო მაღაზიებში ცარიელი დახლები და რიგები აფთიაქებში. ამასთან, ის იღებდა სპეცტექნიკისა და სამართალდამცველების მუშაობას. უსაფრთხოების სამსახურის ცნობით, პროპაგანდისტის მიერ გავრცელებული ყალბი ამბებიდან ერთერთი იყო ვიდეო იმის შესახებ, რომ თითქოს, საქალაქო ტრანსპორტში ჩხუბი მოხდა, რადგან ერთერთი მგზავრი ახველებდა და ახალი კორონავირუსის ნიშნები ჰქონდა. უკრაინაში ახალი კორონავირუსის 84 შემთხვევა დადასტურდა, საიდანაც 1 განიკურნა, სამი კი - გარდაიცვალა.#კორონავირუსი #რუსეთისმთავრობა#უკრაინა#რუსეთიოკუპანტია#პროპაგანდა
Sokhumi Daily
Sokhumi, Georgia · 4 months ago
აფხაზეთის მთავრობის გადატრიალება
აფხაზეთის ბოლოდროინდელ კრიზისს ღრმა ფესვები აქვს და ის სათავეს იმ პრობლემებიდან იღებს, რომლებიც სოხუმის ხელისუფლებამ ვერ მოაგვარა. ამ პრობლემებს შორისაა კორუფცია, დანაშაულის დონის ზრდა, ნეპოტიზმი, კლანური მმართველობა და, ზოგადად, არახელსაყრელი სოციალურ-ეკონომიკური სიტუაცია აფხაზეთში. სოხუმში მომხდარი მოვლენებისგან არაფერს უნდა ელოდოს არც რუსეთი და არც საქართველო. ეს არის პოლიტიკური და სახელმწიფოებრივი დეორგანიზაცია. ასეთი მოვლენების კვალდაკვალ ვერ ჩამოყალიბდება პოლიტიკა, სტრატეგია, ახალი გეგმები და იდეები. ეს არის კონფლიქტი, რომელიც დაკავშირებულია ეკონომიკურ კრიზისთან. ეს არის სიტუაცია, როდესაც საუბარი არ მიმდინარეობს განვითარებაზე. ახალი ძალების მოსვლა ხელისუფლებაში აუცილებელია ახლებური ხედვის ჩამოსაყალიბებლად, რათა აფხაზეთი ეკონომიკურად განვითარდეს და ადგილობრივმა მოსახლეობამ შვებით ამოისუნთქოს. სამწუხაროდ, მთავრობა იმდენადაა ჩაფლული კორუფციაში, რომ ნაკლებად სავარაუდოა ასე მოხდეს. აქ ყვავის მექრთამეობა, გარკვეული თანხის სანაცვლოდ „საქმის ჩაწყობები“, გაძვირებული პროდუქტები, პრობლემები განათლების სფეროში და ა.შ. რაც უფრო მწვავდება კრიზისი სოხუმში, მით უფრო ნაკლებად ,,ითმენს" აფხაზური საზოგადოება და „ხელისუფლება“ გალელების ფაქტორს - მათ ჯერ პასპორტები და მასთან ერთად ხმის უფლება ჩამოართვეს, შემდეგ - მშობლიურ ენაზე განათლების მიღების შესაძლებლობა, რაც ყველაზე მტკინვეულია გალის მოსახლეობისთვის. ფაქტი ერთია. არსებული და წინა მთავრობების პირობებში აფხაზებსა და ქართველებს შორის არანაირი სახის მოლაპარაკებები არ შემდგარა. იმედი ვიქონიოთ, რომ სულ მალე დადგება ის დღე, როდესაც აფხაზი და ქართველი ხალხი კიდევ ერთხელ გაერთიანდება. #აფხაზეთი #საქართველო #პოლიტიკა #მთავრობა #პრობლემა #რუსეთიოკუპანტია #sokhumidaily #opinion
Giorgi Jangveladze
Tbilisi, Georgia · 1 year ago
#უფასო ტური #ყაზბეგს + #დარიალი ♥ ♥ ♥ წამოიყვანე 5 მეგობარი და მიიღე ტური უფასოდ ♥ დაგვიკავშირდით: 571 240 320 ჯონი ---------------------------------------------------------------------------- 15 და 16 ივნისს, ტურისტული კომპანია "My tavel" გთავაზობთ ერთ დღიან ტურს ჯუთა-ჭაუხში. მოვინახულებთ: ✔ ანანურის ციხე და ეკლესია ✔ გუდაურის პანორამა (მეგობრობის ხედი) ✔ ტრავენტინები (ვეძას მჟავე წყლები) ✔ სოფელი სნო, სნოს ციხე ✔ გერგეთის სამება ✔ დარიალის ხეობა ✔ დარიალის სამონასტრო კომპლეტი ტურის ღირებულება გახლავთ 20 ლარი. ფასში შედის: ✔ ტრანსპორტირება კომფორტული მიკროავტობუსით ✔ ტურ-ოპერატორის მომსახურეობა ✔ ბევრი გართობა და სიყვარულობა ფასში არ შედის: ⛔ კვება -1 (ერთი) დღის სამყოფი საკვები, მოგვაქვს ინდივიდუალურად და ვაწყობთ პიკნიკს! ასევე შესაძლებელია დავჯავშნოთ სახინკლე/რესტორანი და უკან გზაზე ერთად მოვილხინოთ! ⛔ გერგეთამდე ტრანსპორტირება - გერგეთამდე არ ავდივართ ფეხით, რადგან მრავალწლიანი გამოცდილებიდან ვხედავთ, რომ მონაწილეებს უჭირთ 10 კილომეტრის (ორივე გზა) გავლა. ვკარგავთ დიდ დროს, აქედან გამომდინარე, ტაძრამდე ავდივართ ადგილობრივი დელიკებით, ერთი ადამიანის ღირებულება 10 ლარი (ორივე გზა). დასაჯავშნად მოგვწერეთ ან დაგვიკავშირდით: 571 240 320 ჯონი ------------------------------------------------------------------------------------ გასვლა M დიდუბე (სამთო ქიმიის წინ) - 08:30 საათი დაბრუნება - 22:00 საათი ტურზე 100% ჩაწერილი იქნებით თანხის გადმორიცხვის შემდეგ. გადმორიცხული თანხა ტურამდე 3 დღით ადრე უკან არ დაბრუნდება უარის თქმის შემთხვევაში!
Qeti Metreveli
Tbilisi, Georgia · 6 months ago
საკრებულოს წევრი ოცნებიდან გაფრინდაშვილის ოჯახს: იდიოტები, პროვოკატორები ხართ, თქვენი დედაც
საკრებულოს წევრი ოცნებიდან გაფრინდაშვილის ოჯახს: იდიოტები, პროვოკატორები ხართ, თქვენი დედაც
საკრებულოს წევრი ოცნებიდან გაფრინდაშვილის ოჯახს: იდიოტები, პროვოკატორები ხართ, თქვენი დედაც
Gori Daily
Gori, Georgia · 1 week ago
2008 წლის აგვისტოს რუსეთ-საქართველოს ომი: ქრონოლოგია
ქვემოთ წარმოდგენილია 2008 წლის რუსეთ-საქართველოს ომთან დაკავშირებული აგვისტოს თვის მოვლენების ქრონოლოგია 1 აგვისტოს გრძელდება მცირე შეტაკებები. სამხრეთ ოსეთის საზღვართან ახლოს შემოვლით გზაზე აფეთქების შედეგად დაშავდა 5 პოლიციელი. ერთეული, თუმცა ინტენსიური სროლების შემთხვევები 4 აგვისტომდე გრძელდება. 7 აგვისტო ქართულ და რუსულ მხარეებს შორის მიმდინარე მოლაპარაკებები რომელთა თავდაპირველი მიზანი მაღალი დონის სამშვიდობო მოლაპარაკებებისთვის ნიადაგის მომზადებაა უშედეგო აღმოჩნდება, სამაგიეროდ ხერხდება ცეცხლის შეწყვეტის შესახებ შეთანხმების მიღწევა, რომელიც მხოლოდ საღამოს ათ საათამდე გასტანს, სამხრეთ ოსეთში სროლები ისევ მიმდინარეობს. რამდენიმე საათში პრეზიდენტი სააკაშვილი ქართულ ჯარს აძლევს ბრძანებას სამხრეთ ოსეთის ტერიტორიაზე სამხედრო ოპერაციის დაწყების შესახებ. 8 აგვისტო ქართული არტილერია ცეცხლს ხსნის რეგიონში არსებული სამიზნეების მიმართულებით და 8 აგვისტოს დილით ჯარი შედის სამხრეთ ოსეთის ტერიტორიაზე. ცხინვალზე შეტევა ხდება სააკაშვილის განცხადებიდან სულ რამდენიმე საათში, ის სამხრეთ ოსეთს „ფართო ავტონომიას“ პირდება და რეგიონში ცეცხლის შეწყვეტის შესახებ აკეთებს განცხადებას. რუსები ქართულ შეიარაღებულ ძალებს საჰაერო თავდასხმებით პასუხობენ. მათი სამიზნეების არეალი მოგვიანებით სცდება სამხრეთ ოსეთს. ქართული მხარის განცხადებით რუსული ჯარი სამხრეთ ოსეთის ტერიტორიაზე 7 აგვისტომდე შევიდა, რასაც კატეგორიულად უარყოფს რუსული მხარე. 10 აგვისტო ქართული მხარე ცეცხლის შეწყვეტის შესახებ აკეთებს განცხადებას და იწყებს ჯარის გამოყვანას სამხრეთ ოსეთიდან. რუსული ჯარები აგრძელებენ შეტაკებებს სამხრეთ ოსეთის ტერიტორიაზე და უფრო მეტიც, სცდებიან მის საზღვრებს და გორისკენ მიიწევენ. რუსები პოზიციებს იმაგრებენ საქართველო-აფხაზეთის საზღვართანაც და ასევე საზღვაო კორდონს აყენებენ ფოთის პორტში. 12 აგვისტო რუსეთის პრეზიდენტი დიმიტრი მედვედევი თავის ჯარებს ცეცხლის შეწყვეტისკენ მოუწოდებს. ქართულმა შენაერთებმა დატოვეს როგორც სამხრეთ ოსეთი ისე კოდორის ხეობა, აფხაზეთის ერთადერთი ნაწილი, რომელსაც ისინი აკონტროლებდნენ. მოსკოვის ქმედებებს აკრიტიკებენ ამერიკისა და ბრიტანეთის ხელისუფლების წარმომადგენლები. 14 აგვისტო საქართველოს პარლამენტი კენჭს უყრის გადაწყვეტილებას საქართველოს დამოუკიდებელ სახელმწიფოთა თანამეგობრობიდან გამოსვლის შესახებ. 16 აგვისტო რუსული და ქართული მხარე ხელს აწერს სამშვიდობო შეთანხმებას, რომელიც შეიმუშავა საფრანგეთის პრეზიდენტმა ნიკოლა სარკოზიმ ევროკავშირის პრეზედენტის რანგში. შეთანხმება ავალდებულებს რუსულ და ქართულ მხარეებს გაიყვანონ თავიანთი საჯარისო შენაერთები ომამდე არსებულ პოზიციებზე. რუსეთს ჯარი მთლიანად არ გაჰყავს არც სამხრეთ ოსეთიდან და არც საქართველოს სხვა ტერიტორიებიდან. სექტემბრის დასაწყისში მისი ჯარი კვლავ რჩება ფოთის პორტში. ომის შემდგომ ევროკავშირის მიერ გამოქვეყნებული ანგარიშის მიხედვით კონფლიქტის დროს დაიღუპა 850 ადამიანი, მათ შორის 365 ოსი, 170 ქართველი სამხედრო და 65 რუსი ჯარისკაცი; 100 000 მეტი ადამიანი იძულებული გახდა დაეტოვებინა საკუთარი სახლ-კარი. 12 აგვისტოს რუსეთის მიერ გორის დაბომბვის დროს გარდაიცვალა დანიელი ჟურნალისტი და ოპერატორი სტან სტორიმანსი. 26 აგვისტო, რუსეთი სამხრეთ ოსეთსა და აფხაზეთს დამოუკიდებელ სახელმწიფოებად ოფიციალურად აღიარებს. წყარო - IWPR Georgia#საინტერესო #ომი #ოკუპაცია #goridaily
თიკო (Tiko) ჯავრიშვილი (Javrishvili)
Tbilisi, Georgia · 11 months ago
11 წელი 2008 წლის რუსეთ-საქართველოს ომიდან #არაოკუპაციას ‼️ #რუსეთიოკუპანტია‼️ #დიდებაგმირებს🇬🇪🇬🇪 #BMG