ბატონი თენგიზი ზღაპრის გმირს გავს თავისი "საცავით"
თენგიზ თაქთაქიშვილი უხუცესი ბუკინისტია. თავის დროზე მწერლობაზე ოცნებობდა. უმუშევრად დარჩენილმა სკოლის დირექტორმა წლების წინ საკუთარი წიგნების გაყიდვით დაიწყო "მეწიგნეობა", დღეს კი მთელი თბილისი მასთან ეძებს სასურველ ბუკინისტურ წიგნებს...
, , ჩემი საყვარელი წიგნი "ბიბლიაა". ამის მერე უპირველეს ყოვლისა "ვეფხისტყაოსანი" და "დავითიანი". ამ წიგნებში ღრმა საიდუმლოებაა დამალული, რომელიც ჯერაც არავინ უწყის და მას "ათვლის ეტალონი" ჰქვია. ეს "ათვლის ეტალონი" ყველა ქართველმა მეფემ იცოდა და იმიტომაც იყო რომ გონივრულად და ერთგულად ემსახურებოდნენ ერს."
აღმაშენებლის გამზირის N95-ში მდებარე ერთ-ერთ ავტოფარეხთან თუ მოხვდებით, თქვენს ყურადღებას აუცილებლად მიიპყრობს გასაყიდად გამოტანილი ძალიან ბევრი წიგნი. ამ წიგნების პატრონი თენგიზი, პროფესიით, ფილოლოგია და ცხადია, მისთვის 25 წლის განმავლობაში ნაგროვებ წიგნებთან განშორება არც ისე მარტივია, თუმცა მიაჩნია, რომ კარგ საქმეს აკეთებს - წიგნებს იაფად ყიდის.
წიგნების ფასი 1 ლარიდან იწყება.მის კოლექციაში უფრო ძვირადღირებული, მაგალითად, 30-ლარიანი წიგნებიც არის.
, , მე მქონდა უნიკალური ბიბლიოთეკა, რომელიც დაახლოებით 2000 წიგნისგან შედგებოდა. ჩემი პაპა, იაგორა თაქთაქიშვილი იურისტი იყო. ოქსფორდში სწავლობდა. საოცრად ნასწავლი და განათლებული კაცი გახლდათ. ოქსფორდის მერე სწავლა პეტერბურგში გააგრძელა. 1949 წელს გარდაიცვალა. პაპამ უნიკალური ბიბლიოთეკა დამიტოვა. ერთ დღეს გადავწყვიტე, რომ მოსკოვში მესწავლა, ფინანსური საშუალება არ მქონდა და ამ ბიბლიოთეკიდან გავყიდე წიგნები. ახლა რომ ვიხსენებ საოცრად მწყდება გული. მუზემში ჩემს მიერ მიცემული ექსპონატებიც ინახება.წიგნის ჭია ვარ. ახალგაზრდობაში დღეში 20 საათიც კი წამიკითხავს წიგნი, ახლა დავბერდი და მაგდენი აღარ შემიძლია, მაგრამ ყოველდღე 5-6 საათი რომ არ ვიკითხო არ შემიძლია."
#წიგნები #დღისფოტო
#ახალიამბები
#ხელოვნება