აუცილებლობაა განვავითაროთ საკუთარი წარმოება, განსაკუთრებით იმპორტის შემცვლელი წარმოება-თურნავა
45 Views
Pirveliradio Ge
Tbilisi · 6 months ago

http://pirveliradio.ge/index.php?newsid=139265#

აუცილებლობაა ის, რასაც ვხედავთ, რომ მაქსიმალურად მოვახდინოთ წარმოების ლოკალიზაცია და განვავითაროთ საკუთარი წარმოება, განსაკუთრებით იმპორტის შემცვლელი წარმოება-აღნიშნული განცხადება ეკონომიკის მინისტრმა ნათია თურნავამ გააკეთა.

თურნავას თქმით, ადგილობრივად შესაბამისი პროდუქციის წარმოება განვითარდება იმ მიზეზით, რომ ქვეყანა იმპორტზე ნაკლებად იყოს დამოკიდებული.

„აუცილებლობაა ის, რასაც ვხედავთ, რომ მაქსიმალურად მოვახდინოთ წარმოების ლოკალიზაცია და განვავითაროთ საკუთარი წარმოება, განსაკუთრებით იმპორტის შემცვლელი წარმოება. აქამდეც სახელმწიფო, ეკონომიკური გუნდი სხვადასხვა პროგრამის მეშვეობით ავითარებდა ადგილობრივ წარმოებას, მაგრამ დღეს აქცენტს გავაკეთებთ სწორედ იმ დარგებზე, მათ განვითარებაზე ან აღორძინებაზე, სადაც ვხედავთ, რომ ყველაზე მეტი მოთხოვნაა დღესდღეობით, იმისათვის, რომ იმპორტზე ნაკლებად ვიყოთ დამოკიდებული. ამ დარგების, ამ პროექტების ჩამონათვალს ჩვენ უახლოეს დღეებში პრემიერ-მინისტრს, საკოორდინაციო საბჭოს წარვუდგენთ. ასევე, დავალება მივიღეთ მე და ჩემმა კოლეგამ, გარემოს დაცვისა და სოფლის მეურნეობის მინისტრმა, ლევან დავითაშვილმა, რომ ჩვენი პროგრამები „აწარმოე საქართველოში“ პროგრამის ფარგლებში იმდაგვარად გადავაწყოთ, რომ სწორედ ასეთ ადგილობრივ წარმოებებს შევუწყოთ ხელი. ეს იქნება კვების დეფიციტური პროდუქტების წარმოება, თუ რაიმე სხვა“, - განაცხადა თურნავამ.


Pirveliradio Ge
Tbilisi · 6 months ago
2
Write a comment