http://pirveliradio.ge/?newsid=139304
სასტუმრო „გრანდ ვეჯინში“ თვითიზოლაციისთვის სივრცე მოეწყობა, სადაც რისკქვეყნებიდან უკვე ჩამოსულ საქართველოს მოქალაქეებს მოათავსებენ. ახალი საკარანტინო სივრცე რუსთავის შემოსასვლელში მდებარეობს და 56 ნომერი აქვს.
რუსთავის მერმა, ირაკლი ტაბაღუამ, 18 მარტს გამართულ ბრიფინგზე ადგილობრივ მოსახლეობას მოუწოდა, გაგებით მოეკიდონ თვითიზოლაციისთვის მეორე სივრცის გახსნას ქალაქში.
„ეს ადამიანები არ არიან დაავადებული. ეს არის პრევენციის ერთ-ერთი ფორმა. ისინი არიან დაკვირვების ქვეშ, ისევე როგორც თვითიზოლაციაში მყოფი ჩვენი თანამოქალაქეები, რომლებიც სახლში იცავენ ამ წესს. სასტუმრო „ვეჯინში“ კი იცხოვრებენ ის ადამიანები, რომლებსაც თვითიზოლაციის საშუალება საკუთარ სახლებში არ აქვთ. ასეთი სივრცის არსებობა ქალაქში არავითარ საფრთხეს არ წარმოადგენს რუსთაველებისთვის“, - თქვა მან.