5 votes
0 comments
0 shares
Save
დონალდ ტრამპი კორონავირუსზე - ეს ვირუსი ჩინურია და აქ რასისტული არაფერია
56 views
Mediamall
Tbilisi · 3 months ago

აშშ-ის პრეზიდენტი დონალდ ტრამპი აცხადებს, რომ ახალი კორონავირუსი ჩინეთიდან გავრცელდა და გამონათქვამში - „ჩინური ვირუსი“ - რასისტული არაფერია.

ჟურნალისტის კითხვაზე, რატომ უწოდებს ის „COVID 19“-ს „ჩინურ ვირუსს“ და რომ ბევრი ადამიანი ამას რასიზმად მიიჩნევს, დონალდ ტრამპმა უპასუხა:

„ეს ვირუსი ჩინურია და აქ რასისტული არაფერია. ის ჩინეთიდან მოდის. მსურს, ზუსტად გამოვხატო ჩემი სათქმელი.“

შეგახსენებთ, დონალდ ტრამპმა და რამდენიმე ამერიკელმა მაღალჩინოსანმა, მათ შორს სახელმწიფო მდივანმა მაიკ პოპმეომ, Covid-19 არაერთხელ მოიხსენიეს, როგორც „ჩინური ვირუსი.“

#covid19 #china #usa #donaldtrump #trump #coronavirus
Mediamall
Tbilisi · 3 months ago
Similar Posts
Headline
Tbilisi · 2 months ago
BBC: ტრამპი ჯანდაცვის მსოფლიო ორგანიზაციის ფინანსურ მხარდაჭერას წყვეტს
აშშ-ის პრეზიდენტმა დონალდ ტრამპმა ჯანდაცვის მსოფლიო ორგანიზაციის (WHO) ბიუჯეტში ამერიკული შენატანის გადახდა შეაჩერა. იგი თვლის, რომ კორონავირუსული პანდემიისას, ზემოხსენებულმა ორგანიზაციამ, სათანადოდ ვერ შეასრულა მასზე დაკისრებული მოვალეობები და აღნიშნულისთვის „პასუხი უნდა აგოს“. ოპონენტები დარწმუნებულები არიან, რომ ტრამპს, რომელსაც თავად აკრიტიკებენ დაგვიანებული რეაქციების გამო, უბრალოდ ცდილობს „განტევების ვაცის“ პოვნას და პასუხისმგებლობის სხვისთვის დაკისრებას. საინტერესოა ვინ არის მართალი? შეერთებული შტატების პრეზიდენტმა რამდენჯერმე დაადანაშაულა WHO კორონავირუსთან დაკავშირებით დაგვიანებულ რეაქციაზე და დაკისრებული მოვალეობების არასათანადო შესრულებაში. მისი თქმით, ამ ორგანიზაციამ COVID-19-თან დაკავშირებით რეალური ფაქტები დამალა. 2019 წლის 31 დეკემბერს ჩინეთის ხელისუფლებამ ჯანდაცვის მსოფლიო ორგანიზაციის ადგილობრივ წარმომადგენლობას შეატყობინა უჰანის პროვინციაში, გაურკვეველი წარმოშობის პნევმონიური დაავადების ზრდის შესახებ. აღნიშნული ინფორმაცია იმავე დღეს ჟენევაში (შვეიცარია) გადაიგზავნა, WHO-ს შტაბ-ბინაში. მომდევნო დღესვე, WHO-მ ექსპერტთა სპეციალური ოპერატიული ჯგუფი ჩამოაყალიბა, რომლებმაც სიტუაციის მონიტორინგი დაიწყეს. სულ რაღაც 3 დღეში ორგანიზაციამ პირველადი ინფორმაცია გამოაქვეყნა უცნობი ვირუსის შესახებ, მის სოციალურ ქსელსა და საექსპერტო ჟურნალებში, ხოლო 10 იანვარს პირველი რეკომენდაცია გასცა სხვადასხვა ქვეყნებისთვის. აღნიშნული დროისთვის WHO-ს არ ჰქონდა არანაირი მტკიცებულება, რომ უცნობი დაავადება ადამიანიდან ადამიანს გადაეცემოდა. ფაქტი მხოლოდ რამდენიმე დღის შემდეგ გაირკვა, როდესაც პნევმონიით დაავადებულ პაციენტებთან კონტაქტში მყოფი ექიმები გახდნენ შეუძლოდ. გარდა ამისა, ინფიცირების პირველი შემთხვევა დაფიქსირდა ტაილანდში. ამის თაობაზე, გამართულ პრესკონფერენციაზე, საზოგადოებას ინფორმაცია მიაწოდა WHO-ს ეპიდემიოლოგმა მარია ვან კერქჰოვემ. აუცილებელია ითქვას, რომ აღნიშნული მომენტისთვის ჯანდაცვის მსოფლიო ორგანიზაციის ექსპერტებს არანაირი წვდომა ჰქონდათ ჩინეთში, უჰანის პროვინციაში მყოფ დაავადებულებთან. 28 იანვარს, თავად ორგანიზაციის ხელმძღვანელი თედროს ღებრეისუსი შეხვდა ჩინეთის ლიდერს სი ცზიპინს და სთხოვა ნებართვა, ამ პროვინციაჩი ექსპერტთა ჯგუფის გაგზავნის თაობაზე, მაგრამ ნებართვა მხოლოდ 16 თებერვალს მიიღეს მათ. კრიტიკოსებისთვის მსჯელობის მთავარ საგანს ის წარმოადგენს, რომ ღებრეისუსი პოზიტიურად აფასებდა ჩინეთის ხელისუფლების მიერ, უცნობი ვირუსის პრევენციისთვის განხორციელებულ ღონისძიებებს. პოლიტიკოსები და დასავლელი ექსპერტები კი კითხვის ნიშნის ქვეშ აყენებდნენ ოფიციალური პეკინის მიერ, მსოფლიოსთვის მიწოდებული სტატისტიკისა და მონაცემების სისწორეს, რადგან დოკუმენტებში მნიშვნელოვანი ხარვეზები არსებობდა. სპეციალისტები ვარაუდობენ, რომ ჩინეთის ხელისუფლება დიდხანს მალავდა რეალურ სურათს ვირუსთან დაკავშირებით. დონალდ ტრამპმა არაერთხელ განაცხადა, რომ ოფიციალიალური სტატისტიკა ინფიცირებულთა და დაღუპულთა რაოდენობასთნ შედარებით ეჭვს ბადებს, რადგან რიცხვები საკმაოდ დაბალი იყო. აშშ-ის პრეზიდენტის თქმით, ოფიციალურ ვაშინგტონს ჯანდაცვის მსოფლიო ორგანიზაციის ბიუჯეტში ყოველწლიურად $400-დან $500 მლნ-მდე შეაქვს, მაშინ როდესაც ჩინეთი მხოლოდ $40 მლნ-ით აფინანსებს. WHO-ს ერთ-ერთი დეპარტამენტის ყოფილი ხელმძღვანელის ენტონი კოსტელოს განცხადებით, ამერიკული დაფინანსების გარეშე, ორგანიზაციას მნიშვნელოვანი პრობლემები შეექმნება, რადგან ვერ შეძლებს სხვადასხვა სახელწმიფოებისთვის დროულ დახმარებას, ექიმთა გადამზადებას და ა.შ. „უამრავი ღარიბი სახელმწიფო ჯერ მხოლოდ ეპიდემიის საწყის ეტაპზეა. იმ შემთხვევაში, თუ ჯანდაცვის მსოფლიო ორგანიზაციას არ ექნება საკმარისი ფინანსები, შესაძლოა კატასტროფა მოხდეს“, - განაცხადა კასტელომ. WHO-ს მიერ, თებერვლის დასაწყისში გაკეთებული განცხადებით, საერთაშორისო ექსპერტთა საზოგადოებამ შეიმუშავა სპეციალური გეგმა კორონავირუსის წინააღმდეგ საბრძოლველად და პანდემიის შედეგად დაზარალებული ქვეყნების დასახმარებლად. აღნიშნულის განსახორციელებლად კი $675 მლნ. იყო საჭირო. ტრამპის თქმით, ორგანიზაციისთვის დაფინანსება შეჩერდება მანამ, სანამ „კორონავირუსის გავრცელების“ საკითხზე WHO-ს რეალური როლი არ გახდება ცნობილი. ექსპერტთა ვარაუდით, აშშ-ის პრეზიდენტს სურს, რომ ჯანდაცვის მსოფლიო ორგანიზაციამ უარი თქვას საზღვრების დახურვის რეკომენდაციაზე და ადამიანთა გადაადგილების შეზღუდვაზე. კოსტელოს მოსაზრებით გადაადგილების აკრძალვა არაეფექტურია და ძირითად, გადამწყვეტ როლს ადრეული ტესტირების გამოყენება ასრულებს, როგორც ეს სამხრეთ კორეაში განხორციელდა, როდესაც კვირაში 66 000 ტესტირება ხორციელდებოდა. ტრამპის განცხადების საპასუხოდ, გაეროს გენერალურმა მდივანმა ანტონიო გუტერიშმა განაცხადა, რომ ახლა არ არის სწორი დრო ჯანდაცვის მსოფლიო ორგანიზაციისთვის ფინანსების შესამცირებლად. წყარო: Coronavirus: Trump accused WHO of concealing facts and supporting China. He's right? (15.04.2020),#coronavirus #trump #USA #WHO #headline #stopcovid19
Interworld
Tbilisi · 2 weeks ago
ირანისა და აშშ-ის პრეზიდენტ დონალდ ტრამპის ურთიერთობები - საკვანძო მომენტები
ირანის ხელისუფლებამ ორშაბათს, 29 ივნისს, შეერთებული შტატების მიერ ირანელი გენერლის ყასემ სოლეიმანის ლიკვიდაციის საპასუხოდ, აშშ-ის პრეზიდენტ დონალდ ტრამპისა და მისი ათობით თანაშემწის დაკავების ორდერი გასცა. ორ ქვეყანას შორის დაძაბულობის ახალი ტალღა მას შემდეგ წარმოიშვა, რაც ოფიციალურმა ვაშინგტონმა, მსოფლიო ძალებსა და ირანის ისლამურ რესპუბლიკას შორის 2015 წელს ხელმოწერილი ე.წ. ბირთვული შეთანხმება 2018 წლის მაისში დატოვა. ქვემოთ მოცემულია ის საკვანძო მომენტები, რომელიც ბოლოს განვითარებულ მოვლენებთან არის კავშირში: 2019 წელი 27 დეკემბერი: ერაყში მდებარე ქირქუქის სამხედრო ბაზაზე განხორციელებულ სარაკეტო შეტევას 1 ამერიკელი სამხედროს სიცოცხლე ემსხვერპლა; გარდა ამისა დაიჭრა აშშ-ისა და ერაყის შეირაღებული ძალების რამდენიმე წევრი. ტერორისტული ორგანიზაცია “ისლამური სახელმწიფოს” წინააღმდეგ მებრძოლ კოალიციას საკუთარ განცხადებაში არ დაუზუსტებია განხორციელებული თავდასხმის ავტორები, მაგრამ მოგვიანებით ამერიკელმა ოფიციალურმა პირებმა სარაკეტო შეტევის მოწყობაში ირანის მიერ მხარდაჭერილი ორგანიზაცია ე.წ. ქათაიბ ჰეზბოლა (Kataib Hezbollah) დაადანაშაულეს. 29 დეკემბერი: ამერიკელმა სამხედროებმა ე.წ. თავდაცვითი შეტევები განახორციელეს ერაყსა და სირიაში მდებარე “ქათაიბ ჰეზბოლას” რამდენიმე ობიექტზე, რომელიც ოფიციალური ვაშინგტონის განცხადებით მონაწილეობდნენ ამერიკელი სამხედროს მკვლელობაში. 2020 წელი 2 იანვარი: აშშ-ის თავდაცვის მდივნის მარკ ესპერის განცხადებით, “არის ხელჩასაჭიდი ნიშნები”, რომ ირანი ან მის მიერ მხარდაჭერილი ჯგუფები დამატებითი შეტევების განხორციელებას გეგმავენ ახლო აღმოსავლეთში არსებულ ამერიკულ ინტერესებზე. 3 იანვარი: ერაყის აეროპორტის სიახლოვეს, შეერთებული შტატების მიერ უპილოტო საფრენი აპარატის გამოყენებით განხორციელებულ სარაკეტო შეტევას ირანის “ისლამური რევოლუციის გუშაგთა კორპუსის” ე.წ. ყუდსის ძალების ხელმძღვანელი ყასემ სოლეიმანი და ოფიციალური თეირანის მიერ მხარდაჭერილი ერაყის “სახალხო-სამობილიზაციო ძალების” ლიდერი აბუ მაჰდი ალ-მუჰანდისი ემსხვერპლნენ. 3 იანვარი: განხორციელებული ლიკვიდაციის შემდეგ თეთრ სახლში განაცხადეს, რომ გენერალი სოლეიმანი აქტიურად მუშაობდა გეგმაზე, რომლის მიხედვით, ახლო აღმოსავლეთში წარმოდგენილ ამერიკელ დიპლომატებზე და ოფიციალურ პირებზე თავდასხმებს აპირებდნენ. საპასუხოდ, ოფიციალურმა ვაშინგტონმა პრევენციისა და დასახული მიზნების აღსაკვეთად უკიდურესი ზომები გამოიყენა. 4 იანვარი: დონალდ ტრამპმა ირანის 52 ერთეულ ობიექტზე იერიშის განხორციელება დააანონსა, იმ შემთხვევაში, თუ საფრთხე შეექმნებოდა ამერიკულ ინტერესებს ზემოხსენებულ რეგიონში. 5 იანვარი: ათობით ათასმა “შავებში შემოსილმა” მგლოვიარემ ირანის ქალაქებში - მაშდადსა და აჰვაზში, უკანასკნელ გზაზე გააცილა “ყუდსის ძალების” ლიდერი ყასემ სოლეიმანი. 8 იანვარი: ირანის ხელისუფლებამ ერაყში მდებარე ორ ამერიკულ სამხედრო ბაზაზე მასიური სარაკეტო იერიში განახორციელა. ოფიციალური თეირანის პოზიციით, მათ გაეროს 51-ე მუხლის მიხედვით მიიღეს შეტევის გადაწყვეტილება, რომელიც თავის მხრივ “თავდაცვის პროპორციული ზომების გამოყენებას” გულისხმობს. 8 იანვარი: თეირანის აეროპორტიდან აფრენილმა უკრაინის საერთაშორისო ავიაკომპანიის კუთვნილმა სამგზავრო თვითმფრინავმა კატასტროფა განიცადა, რასაც 176 ადამიანის სიცოცხლე ემსხვერპლა. 9 იანვარი: პრეზიდენტ ტრამპის განცხადებით, გენერალ სოლეიმანის ლიკვიდირება იმ მიზნით მოხდა, რომ იგი ერაყის დედაქალაქ ბაღდადში მდებარე აშშ-ის საელჩოზე თავდასხმას გეგმავდა. 13 იანვარი: ირანის ხელისუფლება თავდაპირველად უარყოფდა ავიაკატასტროფასთან რაიმე სახის კავშირს, მაგრამ საერთაშორისო საზოგადოების მხრიდან განხორციელებული ზეწოლის შემდეგ ოფიციალურმა თეირანმა აღიარა, რომ მათ “შემთხვევით” ჩამოაგდეს სამგზავრო თვითმფრინავი. 12 მარტი: აშშ-ის კოალიციის 3 ჯარისკაცის სიცოცხლე ემსხვერპლა ერაყის ე.წ. Taji-ს ავიაბაზაზე და დედაქალაქ ბაღდადის სიახლოვეს განხორციელებულ სარაკეტო შეტევას. 18 მარტი: შეერთებულმა შტატებმა ირანის წინააღმდეგ ახალი სასანქციო პაკეტი აამოქმედა. ოფიციალური ვაშინგტონის ძირითად სამიზნედ ირანული სანავთობე ინდუსტრია იქცა. 29 მარტი: ირანის საგარეო საქმეთა მინისტრმა ჯავად ზარიფმა აშშ “ეკონომიკურ და სამედიცინო ტერორიზმში” დაადანაშაულა, მას შემდეგ, რაც ამ ახლო აღმოსავლურ სახელმწიფოში კორონავირუსული ეპიდემია გავრცელდა. 6 აპრილი: Humans Rights Watch-მა მოხსენება გამოაქვეყნა, სადაც შეერთებულ შტატებს ირანის წინააღმდეგ სასანქციო პოლიტიკის შემსუბუქებისკენ მოუწოდა, რადგან შეზღუდვები აუარესებდა ოფიციალური თეირანის უნარს, ადეკვატური რეაგირება მოეხდინა COVID-19-ზე. 20 მაისი: აშშ-ში ირანის წინააღმდეგ ახალი სანქციების პაკეტის დაწესება დააანონსეს - ამჯერად სამართალდამცავი ორგანოების მაღალჩინოსნების წინააღმდეგ, რადგან ეს სტრუქტურები ადამიანის უფლებების უხეშ დარღვევებს ახორციელებდნენ. 29 ივნისი: ირანის ხელისუფლებამ პრეზიდენტ დონალდ ტრამპის დაკავების ორდერი გასცა და ინტერპოლს ამ საკითხში დახმარებისკენ მოუწოდა. მომზადებულია რატი ერისთავის მიერ. #USA #Iran #Trump #conflict #quds #force #arrest #rocket #attacks #interworld#ახალიამბები #პოლიტიკა
Headline
Tabakhmela · 3 months ago
იტალია და ესპანეთი კარანტინს ამსუბუქებს, აშშ ანალოგიურის განხორციელებას გეგმავს
კორონავირუსული პანდემიით დაზარალებული 2 სახელმწიფო - იტალია და ესპანეთი, მათ ტერიტორიებზე დაწესებული საკარანტინო რეჟიმის შემსუბუქებას იწყებენ. იტალიის მასშტაბით მაღაზიები იხსნება, ხოლო ესპანეთში რიგი საწარმოები ანახლებენ მუშაობას. ჯანდაცვის მსოფლიო ორგანიზაცია (WHO) ზემოხსენებულ სახელმწიფოებს მოთმინებისკენ მოუწოდებს, ხოლო ევროკავშირი ოფიციალური მადრიდის გადაწყვეტილებით უკმაყოფილოა. სამშაბათს, 14 აპრილს, ავსტრიაშიც ათასობით მაღაზია იხსნება. საფრანგეთსა და დიდ ბრიტანეთში კი სიტუაცია უცვლელია, რადგან ამ ქვეყნებში COVID-19-ის გავრცელების პიკი ჯერ კიდევ არ დასრულებულა. რაც შეეხება გერმანიას, ოფიციალური ბერლინი გარკვეული ზომების შემსუბუქების შესაძლებლობას განიხილავს. აშშ-ის პრეზიდენტი დონალდ ტრამპი პირობას დებს, რომ უახლოეს მომავალში, სხვადასხვა შტატების ტერიტორიებზე დაწესებულ საკარანტინო რეჟიმებს გააუქმებს, რადგან, როგორც აცხადებს, მას ამისთვის „აბსოლუტური ძალაუფლება“ გააჩნია. აქვე აღსანიშნავია, რომ ამერიკული კანონმდებლობით, მსგავსი გადაწყვეტილების მიღების უფლებამოსილება ადგილობრივ გუბერნატორებს აქვთ, რაც იმას ნიშნავს, რომ შესაძლოა თეთრი სახლის ადმინისტრაციასა და ცალკეული შტატების ხელისუფლებებს შორის ინტერესთა კონფლიქტი წარმოიშვას. აქვე, 10-მა შტატმა მანამდე უკვე განაცხადა მკაცრი საკარანტინო რეჟიმის დაწესებაზე უარი. მათ შორის არიან ნიუ-იორკი, კალიფორნია, ორეგონი, ვაშინგტონი და ა.შ. აზიური სახელმწიფოები COVID-19-ით ინფიცირების სავარაუდო მეორე ტალღით შეშფოთებულები არიან „სამხრეთ-აღმოსავლეთ აზიური ერების ასოციაციის“ (Association of Southeast Asian Nations – ASEAN) წევრი-სახელმწიფოების ლიდერები, ჩინეთის, იაპონიის და სამხრეთ კორეის ხელისუფლების ჩართულობით, დისტანციური მეთოდით (ვიდეო-კონფერენციით) საგანგებო შეხვედრას გამართავენ რეგიონის რამდენიმე ქვეყანაში კორონავირუსით ინფიცირების ხელახლა გაუარესებული სტატისტიკის გამო. COVID-19-ით დაავადების ახალი შემთხვევები ჩინეთის ტერიტორიაზე კვლავ გაიზარდა. ინფიცირებულთა უმეტესობა ჩინეთის ის მოქალაქეები არიან, რომლებიც სამშობლოში საზღვარგარეთიდან დაბრუნდნენ. წყარო: BBC#coronavirus #politics #italy #spain #usa #china #headline
Mediamall
Tbilisi · 3 months ago
დონალდ ტრამპი - ჩვენი ქვეყანა იმისთვის არ აშენებულა, რომ დაიხუროს, თვეებს ვერ დაველოდებით
დონალდ ტრამპი აცხადებს, რომ მისი ადმინისტრაცია კორონავირუსთან დაკავშირებით გასულ კვირას გამოქვეყნებული 15-დღიანი გაიდლაინის გადახედვას და ახალი გაიდლაინების გავრცელებას აპირებს, რომლის მიზანია ქვეყანა ნორმალურ სამუშაო ძალასა და ეკონომიკას დაუბრუნდეს. „ჩვენი ქვეყანა იმისთვის არ აშენებულა, რომ დაიხუროს. არ ვაპირებთ, განკურნება პრობლემაზე უარესი გახდეს. პირდაპირ გეტყვით, თვეებს ვერ დაველოდებით, ვაპირებთ, ქვეყანა გავხსნათ,“- განაცხადა დონალდ ტრამპმა ჟურნალისტებთან საუბრისას. ამასთან, აშშ-ის პრეზიდენტმა აღნიშნა, რომ კორონავირუსის შედეგები თანდათან უარესდება. „ის უარესდება, თუმცა ვცდილობთ, ნაკლებად ცუდი შედეგები გვქონდეს, ცხადია, გარკვეული დროის მანძილზე რიცხვები გაიზრდება, თუმცა, შემდეგ კლებას დაიწყებს,“- განმარტა დონალდ ტრამპმა და დასშინა, რომ "აშშ ბიზნესისთვის მალე გაიღება."#usa #trump #covid19
ამერიკის ხმა
Tbilisi · 4 days ago
საიდან წარმოიშვა კოვიდ19? - ჯანმოს სპეციალისტები ჩინეთში ჩავიდნენ
საიდან წარმოიშვა კორონა ვირუსი? ამის დადგენას ჯანდაცვის მსოფლიო ორგანიზაცია ჩინეთში ცდილობს. დღეს, ვუჰანში ჩავიდა სპეციალისტთა პირველი ჯგუფი, რომელიც კვლევისთვის საჭირო ინფორმაციას შეაგროვებს. უახლოეს პერიოდში, კი მათ დამატებით შეუერთდებიან ჯანდაცვის სფეროს სპეციალისტები და დაიწყებენ გამოძიებას. სპეციალისტებმა უნდა გასცენ პასუხები კითხვებს - როდის წარმოიშვა ვირუსი? არის, თუ არა ვირუსი ხელოვნურად შექმნილი? საიდან გავრცელდა ვირუსი, ლაბორატორიიდან თუ ე.წ. სველი ბაზრიდან. "კოვიდ19 უფრო და უფრო ძლიერდება და პანდემია გრძელდება. ახლა ჩვენთვის ძალიან მნიშვნელოვანია გავარკვიოთ როგორ წარმოიშვა ვირუსი და როდის დაინფიცირდა პირველი ადამიანი. აუცილებელია დადგინდეს პირველწყარო და შემდეგ რეაგირება მოხდეს ამაზე. ვიცით, რომ ეს ძალიან ძნელი საქმეა, მაგრამ ჩვენ მაქსიმალურს გავაკეთებთ, რომ საჭირო კითხვებს პასუხები გაეცეს,"- აცხადებს სააგენტო როიტერთან საუბრის დროს ჯანდაცვის მსოფლიო ორგანიზაციის წარმომადგენელი მარგარეტ ჰარისი. ვუჰანში სპეციალისტები მუშაობას ორშაბათიდან შეუდგებიან. განცხადება, რომ სპეციალისტთა ნაწილი ჩინეთში იმყოფება ჯანდაცვის მსოფლიო ორგანიზაციაში დღეს გაკეთდა. ეს პირველი შემთხვევაა, როდესაც ვირუსის წარმოშობის შესახებ ჩინეთში გამოძიებაში საერთშორისო სპეციალისტები ერთვებიან. ჩინეთმა ვირუსის წარმოშობის შესახებ გამოძიების საშუალება ამერიკის შეერთებულ შტატებს არ მისცა, უარი უთხრეს ფრანგებს, გერმანელებს, ბრიტანელებს და ავსტრალიელებსაც. ცნობილია, რომ ჯანდაცვის მსოფლიო ორგანიზაციის სპეციალისტებთან ერთად, გამოძიებაში ჩართულები იქნებიან სპეციალისტები ჩინეთიდან. ამ დროისთვის, ჩინეთში იმყოფება ჯანდაცვის მსოფლიო ორგანიზაციის ორი სპეციალისტი. მათ შორის, ეპიდემიოლოგი და ვეტერინარი. ჯანდაცვის მსოფლიო ორგანიზაციაში ამბობენ, რომ ამ დროისთვის არ არის დადასტურებული იმ პირთა ვინაობა, რომლებიც მათი ორგანიზაციიდან ჩინეთში გამოძიებისთვის ჩავლენ. ჯანდაცვის მსოფლიო ორგანიზაციაში ამბობენ, რომ წევრ ქვეყნებს შეუძლიათ თავიანთი წარმომადგენლები თავად შეარჩიონ. ვირუსის წარმოშობის და გავრცელების შესახებ არაერთი მოსაზრება ვრცელდება. ამერიკის შეერთებული შტატების პრეზიდენტი და სახელმწიფო მდივანი მაიკ პომპეო თვლიან, რომ ვირუსი ვუჰანში ლაბორატორიიდან გავრცელდა, ამის შესახებ დონალდ ტრამპმა რამდენჯერმე გააკეთა განცხადება თეთრი სახლიდან და სახელმწიფო მდივანმა ჩინეთის კომუნისტური პარტიის ლიდერებსაც მიმართა. მიუხედავად ამერიკის შეერთებული შტატების მკაფიო განცხადებებისა, ჩინეთში ბრალდებებს უარყოფენ და ამბობენ, რომ ვირუსის გავრცელება ლაბორატორიიდან არ მომხდარა. ჩინეთი ამერიკელ სპეციალისტებს არ აძლევს საშუალებას გამოძიებაში ჩაერთონ და მიიღონ პასუხები კითხვებზე. მეტიც ჩინეთში ამბობენ, რომ დასავლეთის ქვეყნები მათ მიმართ პოლიტიკურ ბრძოლას აწარმოებენ.#ახალი_ამბები
Mediamall
Tbilisi · 3 months ago
ტრამპი ჯანდაცვის მსოფლიო ორგანიზაციას აკრიტიკებს
დონალდ ტრამპი ჯანდაცვის მსოფლიო ორგანიზაციას აკრიტიკებს. ამის შესახებ ამერიკის პრეზიდენტი Twitter-ზე წერს “მსოფლიო ჯანდაცვის ორგანიზაციამ ნამდვილად ჩააფლავა ყველაფერი. მიუხედავად იმისა, რომ ამერიკიდან ფინანსდება, გარკვეული მიზესების გამო ძირითადად მაინც ჩინეთი მართავს. ჩვენ ამას კარგი მხრივ გამოვიყენებთ. საბედნიეროდ, მე უარი ვთქვი მათ რჩევაზე, რომ ღია დაგვეტოვებინა საზღვრები ჩინეთთან. რატომ მოგვცეს მათ ასეთი მცდარი რეკომენდაცია?” – წერს დონალდ ტრამპი#trump #who #covid19 #coronavirus #china
Headline
Tbilisi · 2 months ago
არსებობს მტკიცებულებები, რომ კორონავირუსი უჰანის ლაბორატორიაში წარმოიშვა
არსებობს მტკიცებულებები, რომ კორონავირუსი ჩინეთში, უჰანის ლაბორატორიაში შეიქმნა. ეს იყო არა ბიოლოგიური იარაღი, არამედ ჩინეთის მცდელობა შეესწავლათ ვირუსი და ებრძოლათ მასთან უფრო ეფექტურად ამერიკასა და ევროპაზე. ამის შესახებ ტელეკომპანიას რამდენიმე წყარომ განუცხადა, რომელთაც გარკვეულ მასალებზე ჰქონდათ წვდომა. წყაროები ირწმუნებიან რომ ვირუსი ადამიანს ღამურისგან გადაედო. ეს პაციენტი ვუჰანის ლაბორატორიაში მუშაობდა. შეკითხვით Fox News-მა ამერიკის შეერთებული შტატების პრეზიდენტს, დონალდ ტრამპსაც მიმართა, მან მედიას ასე უპასუხა: „ჩვენ მეტად და მეტად გვესმის ამის შესახებ. ჩვენ ვიკვლევთ ამ საშინელ ვითარებას“. მედიის ინფორმაციით, 2018 წლის იანვარში, ამერიკის შეერთებული შტატების საელჩოს წარმომადგენლები ჩინეთში საუბრობდნენ უხანის ლაბორატორიაში არასათანადო უსაფრთხოების ზომებზე. ცნობისთვის, ახალი კორონავირუსი გასული წლის , ჩინეთის ქალაქ უხანში გავრცელდა. ის თავდაპირველად ზღვის პროდუქტების ბაზრის მომუშავე რამდენიმე პირს ერთად დაუდგინდა. მედიასა და პოლიტიკოსებს არაერთხელ დაუდიათ ბრალი პეკინისათვის რეალური ინფორმაციის დამალვაში. მათი თქმით, ვირუსი არა დეკემბერში, არამედ ნოემბერში აღმოაჩინეს და ჩინეთის მთავრობა მის რეალურ მასშტაბებს მალავდა. წყარო - Fox News#covid19 #coronavirus #headline #wuhan #china
Headline
Tbilisi · 2 months ago
მეცნიერებს თეთრი სახლისთვის ცუდი ამბები აქვთ კორონავირუსის ანტისხეულების ტესტებთან დაკავშირებით
დოქტორ დებორა ბირქსი, თეთრი სახლის კორონავირუსის სამუშაო ჯგუფის კოორდინატორი, ასეთ ტესტებს ”კრიტიკულს” უწოდებს. ტესტის საშუალებით შეიძლება დადგინდეს, აქვს თუ არა ადამიანს იმუნიტეტი კორნავირუსითან მიმართებაში, "და ეს მნიშვნელოვანი იქნება, იმპერიოდში როდესაც თქვენ ფიქრობთ, ადამიანების სამუშაო ადგილზე დაბრუნებას", - ამბობს დავალების ჯგუფის წევრი, ანტონი ფაუჩი. ”როგორც ჩვენ ვგეგმავთ, მინიმუმ განვიხილოთ ქვეყნის გახსნა, ძალიან მნიშვნელოვანია გავიგოთ, რამდენად შეაღწია ვირუსმა საზოგადოებაში.” ტრამპის ადმინისტრაციის ოფიციალურმა პირებმა განაცხადეს ,რომ ტესტები თითქმის მზად არის. ”ჩვენ დიდი პროგრესი მივიღეთ. ანტისხეულების ტესტებზე მუშაობა წინ მიიწევს.”, - თქვა ტრამპმა 5 აპრილს მედია ბრიფინგზე. ხუთი დღის შემდეგ, ვიცე-პრეზიდენტმა მაიკ პენსმა მედიასთან ბრიფინგზე განაცხადა, რომ "ძალიან მალე გვექნება ანტისხეულების ტესტი, რომელითაც ამერიკელები შეძლებენ დადგენას, ჰქონდათ თუ არა მათ კორონავირუსი." 6 აპრილის სატელეფონო ზარზე, მეცნიერებათა ეროვნული აკადემიის განვითარებადი ინფექციური დაავადებებისა და 21-ე საუკუნის ჯანმრთელობის საფრთხეების მუდმივი კომიტეტის წევრებმა თეთრი სახლის მეცნიერებისა და ტექნიკის პოლიტიკის ოფისის წევრებს განუცხადეს, რომ დაისვა ანტისხეულების ხელმისაწვდომობისა და სანდოობის საკითხები. ანტისხეულების ტესტები შეამოწმდა, იყო თუ არა ადამიანი ინფიცირებული Covid-19– ით, მათ ვირუსი აქვთ, და ახლა შესაძლოა პაციენტებს ანტისხეულებზე იმუნიტეტი ჰქონდეთ. შესაბამისად შესაძლოა ტესტების ფართო მასშტაბებზე მოხმარწბის ვადამ გადაიწიოს. წტარო-CNN#CNN #coronavirus #covid19 #USA #antibodies #headline
ცოტნე მალანია
Chkhorotsku · 3 months ago
დონალდ ტრამპი: გვირაბის ბოლოს სინათლეს ვხედავთ
გვირაბის ბოლოს სინათლეს ვხედავთ, - განაცხადა აშშ-ის პრეზიდენტმა, დონალდ ტრამპმა თეთრ სახლში გამართულ ბრიფინგზე. ამერიკის ლიდერის განცხადებით, კორონავირუსის წინააღმდეგ ბრძოლა უფრო ხისტი გახდება. მისი თქმით, აშშ-ში ეპიდემიის პიკი ახლოვდება. „მომდევნო დღეებში აშშ ამ საშინელი პანდემიის პიკს გადაიტანს. ამ სასიცოცხლო ბრძოლაში ჩვენი მებრძოლები, შესანიშნავი ექიმები და ექთნები ფრონტის წინა ხაზზე დგანან. მათ წინაშე მუდამ მადლიერნი ვიქნებით. თუმცა, გვირაბის ბოლოს სინათლეს ვხედავთ“, - განაცხადა აშშ-ის პრეზიდენტმა. ბოლო მონაცემებით, აშშ-ში კორონავირუსით ინფიცირების 336 000 შემთხვევა დაფიქსირდა, ხოლო 9 600 ადამიანი გარდაიცვალა. აშშ-ში პანდემიის ეპიცენტრი ნიუ-იორკია. ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით. 21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.#coronavirus #trump #covid19
Tbilisi Daily
Tbilisi · 2 months ago
დონალდ ტრამპი კორონავირუსით გარდაცვლილთა ოჯახებს: მე თქვენ მიყვარხართ!
ABC News-ისთვის მიცემულ ინტერვიუში ჟურნალისტის კითხვას, თუ როგორ მიმართავდა იმ ოჯახებს, ვინც კორონავირუსის პანდემიის დროს ოჯახის წევრები დაკარგეს, აშშ-ის პრეზიდენტმა, დონალდ ტრამპმა ასე უპასუხა: „მე თქვენ მიყვარხართ. მინდა ვთქვა, რომ ყველაფერს ვაკეთებთ, რაც შეგვიძლია“. ბოლო მონაცემებით, აშშ-ში კორონავირუსით გარდაცვლილთა რაოდენობამ 72 271-ს მიაღწია, 1 237 633 კი დაინფიცირდა. #დონალდტრამპი #აშშ #კორონავირუსი #covid19 #tbilisidaily