კინომოყვარულებისთვის განსაკუთრებით სასიხარულო ამბავი გვაქვს: მართალია, ქართული კინოთეატრები პანდემიის გამო ჯერჯერობით ჩვეულ რეჟიმში ვერ ანახლებენ მუშაობას, თუმცა მალე მაყურებლებს საქართველოს ორ დიდ ქალაქში Drive-In კინოთეატრებით სარგებლობა შეეძლებათ. კინოთეატრების ქსელი კავეა უახლოეს მომავალში აპირებს, რომ თბილისში ერთდროულად ორი ე.წ. Drive-In, იგივე ღია ცის ქვეშ მოწყობილი კინოთეატრი გახსნას. როგორც On.ge-სთან საუბარში კავეას საზოგადოებასთან ურთიერთობის წარმომადგენელმა დაადასტურა, ერთი კინოთეატრი ლისის ტბის მიმდებარედ ახალ იპოდრომზე მოეწყობა. "მალე, ლისის ტბაზე, ახალ იპოდრომზე კავეას ქსელი მანქანებისთვის კინოთეატრს გახსნის და მაყურებელი უახლეს რეპერტუართან და მსოფლიო პრემიერებთან ერთად, კინომარათონებს და სხვა თემატურ ღონიძიებებს იხილავს", — აცხადებენ კავეაში. რაც შეეხება მეორე კინოთეატრის მდებარეობას, ჩვენთან საუბარში აღნიშნეს, რომ ამის შესახებ ინფორმაციას მოგვიანებით გაასაჯაროებენ, თუმცა, როგორც ქართული ონლაინგამოცემა ნეტგაზეთი წერს, მეორე კინოთეატრი იუსტიციის სახლის პარკინგზე მოეწყობა. Drive-In კინოთეატრი ივლისის დასაწყისში გაიხსნება და მაყურებელს სპეციალურად მოწყობილ სივრცეში მინიმუმ 200 ავტომობილით მაინც შეეძლება, რომ კინოსეანსებს დაესწროს. ასევე ცალკე სივრცე ექნებათ სხვა ტრანსპორტით მისულ სტუმრებსაც (მაგალითად, სკუტერებითა და მოტოციკლებით). კინოჩვენებები საღამოს რვა საათის შემდეგ მოეწყობა და დიდი ალბათობით, დღეში ორი სეანსი გაიმართება. ჩვენებაზე დასწრების ღირებულება ჯერჯერობით ცნობილი არ არის. შესაბამისად, მალე ნამდვილ კინომოყვარულებს დიდ ეკრანზე ფილმების ხილვა უსაფრთხოების წესების დაცვით საკუთარი ავტომობილებიდანაც შეეძლებათ. #drivein #Tbilisi #batumi #news #cinemaindustry #movielovers Tbilisi#ხელოვნება #ახალიამბები

პირველი დრაივინ კინოთეატრი ლისის ახალ იპოდრომზე დღეს გაიხსნება. მაყურებელი ქართული ფილმის „უარყოფითი რიცხვების“ პრემიერას ნახავს, მანამდე კი ეკო დეისაძის ბენდი დაუკრავს. „უტა ბერიას ფილმის „უარყოფითი რიცხვების პრემიერა, კინოთეატრებში პანდემიამდე პერიოდში იყო დაგეგმილი და ახალი კინოთეატრიც სწორედ ამ ნამუშევრით იხსნება“,- აცხადებენ „კავეას“ წარმომადგენლები. „კავეა drive-in ლისი“ 100 ავტომობილზეა გათვლილი და ყოველ საღამოს 21:00 და 23:00 საათზე მაყურებლებს საშუალება ექნება ფილმებს ავტომობილებიდან უყურონ. „მაყურებელი, კონცერტის და ფილმის ხმას საკუთარ ავტომობილებში, რადიომიმღების მეშვეობით მოისმენს. drive-in ტერიტორიაზე შემოსვლის შემდეგ, რადიომიმღები უნდა მომართოთ ტალღაზე 95.9. ეს არის ამერიკული პრაქტიკა, რომელსაც ქართველი მაყურებელი დღეს, პირველად გამოცდის“,- ამბობენ „კავეას“ წარმომადგენლები. კინოჩვენებაზე ბილეთები ავტომობილზეა გათვლილი. ერთი ავტომობილიდან ფილმის ყურება 4 ადამიანს შეიძლია.#ახალი_ამბები#twitter

ელექტრონული კომერციის პლატფორმა - Vendoo.ge-ს და თიბისი ბიზნესისთვის ერთობლივი გადაწყვეტილებით, მეწარმეებს, რომლებიც ქართული პროდუქციის რეალიზებას Vendoo-ს პლატფორმით ახორციელებენ, საკომისიო გადასახადი ერთი თვის განმავლობაში მინიმუმამდე შეუმცირდებათ. გადაწყვეტილება კომპანიებმა მიმდინარე მოვლენებიდან გამომდინარე, ადგილობრივი მეწარმეების მხარდასაჭერად და მათი ბიზნესსაქმიანობის გასამარტივებლად მიიღეს. ინიციატივის ფარგლებში, მეწარმეები, რომლებიც ქართულ პროდუქტს აწარმოებენ და Vendoo.ge-სთან თანამშრომლობენ, საკომისიო გადასახადი ავტომატურად შეუმცირდებათ. ხოლო ისინი, ვინც ონლაინ პლატფორმაზე საქართველოში წარმოებული პროდუქციის განთავსებას უახლოეს მომავალში გეგმავენ, შეღავათიანი ტარიფით სარგებლობასთან ერთად, ვებგანთავსებისთვის საჭირო ფოტოგადაღების სერვისს და ვიზუალურ მასალას ისევ უსასყიდლოდ მიიღებენ. Vendoo.ge-ზე რეგისტრაცია ბიზნესების წარმომადგენლებს შემდეგ ბმულზე შეუძლიათ: Vendoo.ge ელექტრონული კომერციის პლატფორმაა, რომელიც მომხმარებლებს და მომწოდებლებს ერთმანეთთან აკავშირებს მთელი საქართველოს მასშტაბით. Vendoo-ს მიზანია, გაამარტივოს პროდუქციის ონლაინ ყიდვა-გაყიდვა, მომხმარებლებს სწრაფად მიაწოდოს პროდუქტი და შესთავაზოს მათ უმაღლესი ხარისხის მომსახურება.

კორონავირუსთან დაკავშირებით არსებული ვითარების გამო, საქართველოს სათამაშო ბიზნესის ასოციაციაში შემავალი კომპანიები მიწის კაზინოებს, ტოტალიზატორებსა და სლოტ კლუბებს დროებით ხურავენ. „Covid19-ის გავრცელებასთან დაკავშირებული მდგომარეობიდან გამომდინარე, საქართველოს სათამაშო ბიზნესის ასოციაციამ (რომელშიც ერთიანდებიან შემდეგი კომპანიები: აჭარაბეთი, ევროპაბეთი, ლიდერბეთი, კრისტალბეთი, ბეთლაივი და კროკობეთი) გაითვალისწინა პრემიერის რეკომენდაცია და კორპორაციული სოციალური პასუხისმგებლობის ფარგლებში მიიღო გადაწყვეტილება და სრულად გადავიდა დისტანციურ მუშაობაზე, ასევე პრევენციის მიზნით 18 მარტიდან ყველა არსებული მიწის კაზინოების, ტოტალიზატორებისა და სლოტ კლუბების ფუნქციონირება შეაჩერა“,- ნათქვამია განცხადებაში.

კორონავირუსის გამო თბილისი ოპერისა და ბალეტის თეატრმა მარტის თვეში დაგეგმილი სპექტაკლები გადადო. ამის შესახებ ინფორმაცია თეატრმა Facebook გვერდზე გაავრცელა. განცხადებაში წერია, რომ განახლებულ განრიგს ინფორმაცია უახლოეს დღეებში გავრცელდება. ნაყიდი ბილეთებით სარგებლობა მაყურებელს გადატანილ სპექტაკლებზე შეეძლება. სურვილის შემთხვევაში ოპერის სალაროში ნაყიდი ბილეთების თანხას თეატრი აანაზღაურებს, ონლაინ ნაყიდ ბილეთებს კი TKT.ge. სპექტაკლები 16 მარტამდე გადაიდო რუსთაველის, მარჯანიშვილის, სამეფო უბნისა და ილიაუნის თეატრებში. მუშაობას ჩვეულებრივ რეჟიმში აგრძელებს თავისუფალი თეატრი. პირველ მარტს კორონავირუსის გავრცელების პრევენციისთვის უწყებათაშორისი საკოორდინაციო საბჭომ გასცა რეკომენდაცია, რომ საზოგადოებრივი თავშეყრის ადგილებში ხალხმრავალი ღონისძიებები გაუქმდეს. საბავშვო ბაღებსა და სკოლებში სასწავლო პროცესი 16 მარტამდე შეწყდება. ამ ხნის განმავლობაში კი შენობებში დეზინფექცია ჩატარდება. საქართველოში ამჟამად კორონავირუსის 3 შემთხვევაა დაფიქსირებული. კორონავირუსით ინფიცირების პირველი შემთხვევა საქართველოში 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე კი — 29 თებერვალს. პირველ მარტს კორონავირუსის გავრცელების პრევენციისთვის უწყებათაშორისი საკოორდინაციო საბჭომ გასცა რეკომენდაცია, რომ საზოგადოებრივი თავშეყრის ადგილებში ხალხმრავალი ღონისძიებები გაუქმდეს. საბავშვო ბაღებსა და სკოლებში სასწავლო პროცესი 16 მარტამდე შეწყდება. ამ ხნის განმავლობაში კი შენობებში დეზინფექცია ჩატარდება. ამასთანავე დეზინფექცია ჩაუტარდა თბილისის საზოგადოებრივ ტრანსპორტს. ამავე თემაზე: როგორ ავირიდოთ COVID-19-ის გავრცელება სამუშაო სივრცეში — WHO-ს რეკომენდაციები დამსაქმებლებს გამყრელიძის თქმით, ვისაც არ აქვს თვითიზოლაციის საშუალება, კარანტინში გადაიყვანენ გამყრელიძე: ვთხოვ საქართველოში დაბრუნებულ ადამიანებს, საზღვარზე სიმპტომებზე ზუსტი ინფორმაცია მიაწოდონ. P.s. სტატია ჩვენ არ გვეკუთვნის. სტატია გამოქვეყნებული on.ge-ს მიერ. #news #art #coronavirus

უმწვავესი შეტევა ბიძინა ივანიშვილზე და მორიგი სკანდალური წერილი შეერთებვული შტატებიდან. რესპუბლიკელი სენატორები, საგარეო ურთიერთობათა კომიტეტის წევრები, ტედ კრუზი და ჯონ კორნინი, კონგრესმენები ჯუდი არინგტონი და მარკვეინ მალინი, აშშ-ის სახელმწიფო და ხაზინის მდივნებს მაიკ პომპეოს, და სტივ მნუჩინს საქართველოში ამერიკული ბიზნესის დაცვასა და ივანიშვილის რუსეთსა და ირანში კავშირების შეფასებას სთხოვენ. სენატორები შეშფოთებული არიან საქართველოში მმართველობის პრობლემების, კერძოდ „ამერიკის მეტოქეებთან და მტრებთან, მათ შორის ირანთან საქართველოს უკანონო ფინანსური კავშირების“ გამო, რაც საფრთხეს უქმნის აშშ-ის ეროვნული უსაფრთხოებისა და ბიზნესის ინტერესებს. საუბარია ამერიკული ნავთობმომპოვებელი კომპანიის, ფრონტერას ინტერესებზე, რომელთანაც კონტრაქტი საქართველოს ნავთობისა და გაზის სახელმწიფო სააგენტომ, საარბიტრაჟო ტრიბუნალის გადაწყვეტილების შემდეგ გადაწყვიტა; ქართული მხარე აცხადებდა, რომ არბიტრაჟის დადგენილებით, „ფრონტერა რისორსიზ ჯორჯია კორპორეიშენ”-მა არსებითად დაარღვია კონტრაქტი, რაც სახელმწიფოს კონტრაქტის შეწყვეტის უფლებას ანიჭებდა. სახელმწიფო მდივნისა და ხაზინის მდივნის მისამართით გაგზავნილ წერილში ასევე ნახსენებია ანაკლიის პორტის და ამერიკული "კონტი ჯგუფის" საკითხიც ”ჩვენ ვწერთ, რათა გამოვხატოთ ჩვენი შეშფოთება საქართველოში კარგი მმართველობის გაუარესებისა და პოტენციური უკანონო ფინანსური საქმიანობის თაობაზე... გასული წლის განმავლობაში, უცხოური პირდაპირი ინვესტიციები საქართველოში შემცირდა თითქმის 50% -ით, ხოლო გადასახადები და ბიუროკრატიული ბარიერები გაიზარდა დასავლური ბიზნესისათვის... როგორც კი ლეგალური ბიზნესი განიდევნა, მისი ადგილი უკანონო ვაჭრობამ დაიკავა“.. - ნტაქვამი წერილში წერილში სენატორები მიუთითებენ, ამერიკული კომპანია „ფრონტერა“, გახდა შეზღუდვებისა და რეგულაციების სამიზნე საქართველოს მთავრობის მხრიდან, და ამჟამად შესაძლო ექსპროპრიაციის წინაშე დგას. ხოლო 2019 წელს "კონტი ჯგუფი" განიდევნა ანაკლიაში პორტის მშენებლობის პროექტიდან, რომელიც ამ ეტაპზე შეჩერებულია. წერილში საუბარია, რომ საქართველო, ხელს უშლიდა ირანზე დაწესებული აშშ-ის სანქციების სრულად ამოქმედებას და მაგალითად მოყვანილია 2013 წელს საქართველოში ირანის სამი მოქალაქის მიერ მცირე ზომის ბანკის ოპერირება, რომელიც ფინანსურ გადარიცხვებთან და სხვადასხვა კომპანიის ჩართულობასთან ერთად მოიცავდა ავიაკომპანიასაც. წერილში ასევე ნახსენებია ბათუმის პორტი, როგორც ირანის „უკანონო სანავთობო აქტივობების“ სამიზნე. წერილით სენატორები ითხოვენ მათ ინფორმირებას იმის შესახებ, რამდენად არის: საქართველოს ამჟამინდელი ხელისუფლება, რომელსაც ხელმძღვანელობს ქართული ოცნება, გარეული იმ ამერიკული ბიზნესების გაძევების მცდელობებში, რომლებიც საქართველოს ეკონომიკასა და მომავალში ინვესტიციას დებენ; ასეთი მოქმედებები მოტივირებული გეოპოლიტიკური მოსაზრებებით და მათ შორის, ბიძინა ივანიშვილის რუსეთის მთავრობასთან სავარაუდო კავშირებით; შავი ზღვის პორტთან დაკავშირებული აქტივობები საქართველოში საფრთხის შექმნელი კრიტიკულად მნიშვნელოვანი ამერიკული ინტერესისთვის, მათ შორის: -პორტის პროექტიდან ამერიკული კომპანიების წინასწარგამიზნული გაძევება უკავშირდება საქართველოში მიმდინარე პროცესებზე რუსეთის გავლენების დაცვას. -ამერიკული სანქციების აღსრულებასთან დაკავშირებულ ხარვეზებს, კონკრეტულად, პორტების კონტექსტში. საქართველო არის მნიშვნელოვანი სტრატეგიული პარტნიორი კავკასიაში და აქვს მისწრაფება გახდეს ნატოში მოკავშირე - წერენ ამერიკელი სენატორები და კონგრესმენები. „სამხედრო თვალსაზრისით, ქართველები დაეხმარნენ ჩვენი მისიას ავღანეთში. გეოგრაფიულად, ქვეყანა წარმოადგენს სავაჭრო და ენერგორესურსების მნიშვნელოვან მარშრუტს კასპიის ზღვიდან აღმოსავლეთ ევროპამდე. აშშ-საქართველოს პარტნიორობა არის აუცილებელი ამერიკული ინტერესებისთვის, რაც თავის მხრივ მოითხოვს, რომ საქართველო დაუბრუნდეს და განამტკიცოს კარგი მმართველობა“- ნათქვამია წერილში, რომელსაც ხელს აწერენ. რესპუბლიკელი სენატორები, საგარეო ურთიერთობათა კომიტეტის წევრები- ტედ კრუზი და ჯონ კორნინი, კონგრესმენები ჯუდი არინგტონი და მარკვეინ მალინი

საქართველოს მთავრობის უწყებათშორისი საკოორდინაციო საბჭოს მიერ მიღებული გადაწყვეტილების და რეკომენდაციების შესაბამისად, ახალი კორონავირუსის შესაძლო გავრცელების პრევენციის მიზნით შინაგან საქმეთა სამინისტროს მომსახურების სააგენტო 20 მარტიდან გარკვეული სერვისების მიწოდებას დროებით აუქმებს. შსს-ს ინფორმაციით, ახალი რეგულაციების თანახმად, საქართველოს მასშტაბით მომსახურების სააგენტოს ყველა სტრუქტურულ ერთეულში უქმდება სატრანსპორტო საშუალების მართვის უფლების მისაღები თეორიული და პრაქტიკული გამოცდები. მოქალაქეებს, რომლებსაც დაჯავშნილი ჰქონდათ თეორიული გამოცდის თარიღი, გამოცდაზე გასვლა შეეძლებათ სერვისების სრულად აღდგენიდან 30 კალენდარული დღის განმავლობაში იმავე ფილიალში, რიგის დაჯავშნის გარეშე. უწყების ცნობით, იმ პირებს, ვისაც ჩაბარებული აქვთ თეორიული გამოცდა, პრაქტიკულ გამოცდაზე გასვლა შეეძლებათ სერვისების სრულად აღდგენიდან 30 კალენდარული დღის განმავლობაში. ასევე უქმდება ცეცხლსასროლი იარაღის რეგისტრაციასთან დაკავშირებული პროცედურები. „რაც შეეხება მომსახურების სააგენტოს მიერ გაცემულ ცნობებს, ნასამართლობის შესახებ ცნობის მისაღებად განაცხადი მიიღება მხოლოდ ელექტრონული წესით, მომსახურების სააგენტოს ვებგვერდის საშუალებით (სა.გოვ.გე), დამზადებული დოკუმენტის გაცემა მოხდება განაცხადის შევსებისას მითითებულ ფილიალში. ხოლო სხვა ცნობების მისაღებად, განაცხადის შევსება შესაძლებელია მომსახურების სააგენტოს ფილიალებში. 20 მარტიდან, მომსახურების სააგენტოს შეგიძლიათ მიმართოთ სატრანსპორტო საშუალების განბაჟების, რეექსპორტის, ექსპორტის და რეგისტრაციის პროცედურების განსახორციელებლად. ასევე დროებით ვერ მოხდება ახალქალაქისა და ამბროლაურის სერვის ცენტრების მიერ მომსახურების გაწევა. ამასთან, კიდევ ერთხელ მოგიწოდებთ, გადაუდებელი აუცილებლობის გარდა, ნუ მიმართავთ მომსახურების სააგენტოს სერვის ცენტრებს, ხოლო მიმართვის შემთხვევაში თავი შეიკავეთ გარეშე პირების თანხლებისგან. აქვე გაცნობებთ, რომ დაგეგმილი სადეზინფექციო სამუშაოების გამო, მომსახურების სააგენტოს ყველა სტრუქტურულ ერთეული 19, 24, 26 და 28 მარტს, წყვეტს სამუშაო რეჟიმს და მოქალაქეებს ვერ მოემსახურება“ ,- ნათქვამია შსს-ს მიერ გავრცელებულ ინფორმაციაში.

თბილისის მეტროთი გადაადგილება სრულიად იკრძალება, – ამის შესახებ პრემიერ-მინისტრმა გიორგი გახარიამ მთავრობის ადმინისტრაციაში, საკოორდინაციო საბჭოს სხდომის შემდეგ ბრიფინგზე განაცხადა. აღნიშნული შეზღუდვა ახალი კორონავირუსის გავრცელების საპრევენციო ღონისძიებების ფარგლებში იქნა შემოღებული. ამასთან, საქართველოს მასშტაბით 18 მარტიდან დროებით შეჩერებულია მიკროავტობუსების მომსახურებაც. „კოვიდ-19“-თან დაკავშირებით ქვეყანაში 21 მარტიდან საგანგებო მდგომარეობა არის გამოცხადებული.

„ანაკლიის განვითარების კონსორციუმი" მზადაა საქართველოს მთავრობასთან თანამშრომლობით დამატებითი ინვესტიციები მოიზიდოს და განახორციელოს პროექტი, რომელიც ამ დრომდე შეჩერებულია. კონსორციუმმა სპეციალური განცხადება გაავრცელა, სადაც წერია, რომ ანაკლიის ღრმაწყლოვანი პორტი საქართველოს ეკონომიკის აღდგენის საუკეთესო ალტერნატივა იქნება. “საბედნიეროდ, „ანაკლიის განვითარების კონსორციუმის“ მიერ აქამდე გაწეული ინვესტიციები და ჩატარებული სამუშაოები აძლევს მას იმის საშუალებას, რომ იყოს სახელმწიფოსთვის ყველაზე ეფექტური პარტნიორი ანაკლიაში სამუშაოების სასწრაფოდ განახლების მიმართულებით და ამით მიღწეული იქნას საერთო მიზანი, რომ სწრაფად შეიქმნას ახალი სამუშაო ადგილები და ქვეყნის ეკომონიკა გამოვიდეს კრიზისიდან. პროექტი ამჟამად შეჩერებულია და მხარეთა შორის არსებობს უთანხმოება ამასთან დაკავშირებით, თუმცა კონსორციუმმა საქართველოს მთავრობის წინააღმდეგ საერთაშორისო სააარბიტრაჟო პროცესის დაწყება გადადო, გამომდინარე იმ კრიზისიდან, რაც გამოწვეული იქნა საქართველოში კოვიდ-19 პანდემიით. ამავდროულად, კონსორციუმმა გააჟღერა მისი სურვილი, რომ თავიდან იქნას აცილებული სააბიტრაჟო წარმოება – რათა დავის პროცესმა კიდევ არ შეაყოვნოს ეს სტრატეგიული ინფრასტრუქტურული პროექტი, და მზად არის საქართველოს მთავრობასთან თანამშრომლობით მოიზიდოს დამატებითი ინვესტიციები და გააგრძელოს სამუშაოები”, – ნათქვამია კონსორციუმის განცხადებაში. შეგახსენებთ, რომ ანაკლიის ღრმაწყლოვანი პორტის პროექტი ამჟამად შეჩერებულია. საერთაშორისო საარბიტრაჟო პროცესის დაწყება კოვიდ-19-ის პანდემიის გამო გადადო.

იუსტიციის სახლის კიდევ სამ ფილიალსა და სამ საზოგადოებრივ ცენტრში სამუშაო პროცესი დროებით შეჩერდა. განცხადების მიხედვით, ამის მიზეზი თვითიზოლაციის დამრღვევი პირების გახშირებული ვიზიტები გახდა. კონკრეტულად, არ იმუშავებს ლაგოდეხის, მესტიის, თიანეთის იუსტიციის სახლები და თეთრიწყაროს, მანგლისის, კოდას საზოგადოებრივი ცენტრები. "იუსტიციის სახლი მკაცრად იცავს ჯანდაცვის მსოფლიო ორგანიზაციისა და საქართველოს ჯანდაცვის სამინისტროს რეკომენდაციებს, უფრთხილდება როგორც მომხმარებლის, ასევე თანამშრომლების ჯანმრთელობას, შესაბამისად სამუშაო პროცესის შეჩერებასთან ერთად, აღნიშნულ ფილიალებში სადეზინფექციო სამუშაოები ჩატარდება", — აღნიშნავენ პრესსამსახურში. იგივე მიზეზით, გუშინ, 24 მარტს, სამუშაო პროცესი დროებით შეჩერდა გურჯაანის, ახალქალაქის, ყაზბეგის, ბათუმისა და რუსთავის ფილიალებში. ასევე დროებით არ იმუშავებს რამდენიმე საზოგადოებრივი ცენტრიც. რაც შეეხება გლდანის საზოგადოებრივ ცენტრს, მან მუშაობა მიმდინარე წლის 16 მარტიდან შეწყვიტა. 23 მარტს გამოცხადებული კარანტინის შემდეგ, სამუშაო პროცესი შეწყვიტა იუსტიციის სახლის მარნეულისა და ბოლნისის ფილიალებმა, ასევე ამავე მუნიციპალიტეტებში მდებარე ყველა საზოგადოებრივმა ცენტრმა. "იუსტიციის სახლი კიდევ ერთხელ მოუწოდებს ყველას, განუხრელად დაიცვან თვითიზოლაციის წესები და ამ მოთხოვნათა საწინააღმდეგოდ ნუ გამოცხადდებიან იუსტიციის სახლებსა თუ საზოგადოებრივ ცენტრებში, წინააღმდეგ შემთხვევაში, იმ პირებს, რომლებიც საქართველოს საზღვრის გადმოკვეთის შემდეგ, დაექვემდებარნენ სავალდებულო თვითიზოლაციას, მაგრამ მიუხედავად ამისა, თვითნებურად არღვევენ მათთვის დადგენილ რეჟიმს, იუსტიციის სახლი არ მოემსახურება", — აღნიშნულია განცხადებაში. იუსტიციის სახლის ინფორმაციითვე, თვითიზოლაციის დამრღვევი მოქალაქეების მისვლის შემთხვევაში, რეაგირებისთვის დაუყოვნებლივ მიმართავენ სამართალდამცავ ორგანოებს, რის შემდეგაც დამრღვევ პირს საკარანტინო ზონაში იძულებითი მოათავსებენ და საქართველოს კანონმდებლობით დადგენილი პასუხისმგებლობის ზომებს დააკისრებენ. ამ დროისთვის, საქართველოს მასშტაბით 14 იუსტიციის სახლი მუშაობს. კერძოდ: ზუგდიდის იუსტიციის სახლი;ახალციხის იუსტიციის სახლი;ყვარლის იუსტიციის სახლი;ქუთაისის იუსტიციის სახლი;თელავის იუსტიციის სახლი;ოზურგეთის იუსტიციის სახლი;გორის იუსტიციის სახლი;თბილისის იუსტიციის სახლი;ფოთის იუსტიციის სახლი;ბორჯომის იუსტიციის სახლი;ონის იუსტიციის სახლი;მარტვილის იუსტიციის სახლი;სენაკის იუსტიციის სახლი;ხონის იუსტიციის სახლი.