❗️🌐☣️ აშშ-ში ბოლო დღე-ღამის განმავლობაში კორონავირუსით 8 594 დაინფიცირდა. ❗️🇺🇸 სულ აშშ-ში ინფიცირებულთა რაოდენობამ 32 801-ს მიაღწია, რაც იმას ნიშნავს, რომ აშშ მესამე ადგილზეა (ჩინეთი და იტალიის შემდეგ) საერთო ინფიცირებულთა რაოდენობით. რაც შეეხება კორონავირუსით გარდაცვლილთა რიცხვს - იგი 89-ს შეადგენს. ❗️🇮🇹 გუშინდელთა შედარებით უფრო ნაკლებად გაიზარდა იტალიაშიც ინფიცირებულთა რიცხვმა (+5 560), თუმცა კვლავინდებურად მაღალია გარდაცვლილთა რიცხვი. ბოლო 24 საათის განმავლობაში იტალიაში 651 ადამიანია გარდაცვლილი.

ესპანეთში, ახალი კორონავირუსის შედეგად, ბოლო 24 საათის განმავლობაში 828 ადამიანი გარდაიცვალა. ამგვარად, ქვეყანაში, ჯამში, ახალი კორონავირუსის შედეგად გარდაცვლილთა რაოდენობამ 6528 ადამიანი შეადგინა. ამის შესახებ შესაბამისს ინფორმაციას ესპანეთის ჯანდაცვის სამინისტრო ავრცელებს. უწყების მიერ ბოლოს გავრცელებული მონაცემების თანახმად, ახალი კორონავირუსის შედეგად, ბოლო 24 საათის განმავლობაში 6 549 ადამიანი დაინფიცირდა და მოცემული მომენტისთვის, ქვეყანაში ინფიცირებულთა საერთო რაოდენობა 78797 ადამიანს შეადგენს. ამგვარად, ესპანეთი, ვირუსით ინფიცირებულთა რაოდენობით მეოთხე ადგილზეა აშშ-ის, იტალიისა და ჩინეთის შემდეგ, ქვეყნის ჯანდაცვის სამინისტროს მიერ გავრცელებული ინფორმაციის მიხედვით, ესპანეთში სულ 14 709 ადამიანი გამოჯანმრთელდა. სამინისტროში აცხადებენ, რომ ყველაზე ინფიცირებულია მადრიდშია, მას მოსდევს კატალონია. ესპანეთში, ინფიცირების პირველი შემთხვევა 1 თებერვალს გამოვლინდა. ვირუსი გერმანელ ტურისტს აღმოაჩნდა. #spain #covid19 #coronavirus #stopcovid19

იტალიაში კორონავირუსით გარდაცვლილთა რაოდენობა სწრაფად იზრდება. უკანასკნელი 24 საათის განმავლობაში სახიფათო ვირუსით 349 ადამიანი გარდაიცვალა. ამ წუთისთვის ფატალურ შემთხვევათა რაოდენობამ 2,158-ს მიაღწია. ასევე გაზრდილია კორონავირუსით ინფიცირებულთა რიცხვიც. ბოლო მონაცემებით, იტალიაში ვირუსით დაავადების 3,233 ახალი ფაქტი დადასტურდა - ჯამში COVID-19-ით 27,980 ადამიანი დაინფიცირდა. უკანასკნელი დადასტურებული ინფორმაციით, მსოფლიოს მასშტაბით კორონავირუსით 179,223 ადამიანი დაინფიცირდა, აქედან 78,285 გამოჯანმრთელდა, ხოლო 7,067 ადამიანი გარდაიცვალა. #კორონავირუსი #coronavirus #italy #იტალია #COVID19

მსოფლიოში კორონავირუსით ინფიცირებულთა საერთო რაოდენობამ თითქმის 3 მლნ-ს მიაღწია, ხოლო გარდაცვლილთა რაოდენობა 200 000 ადამიანზე მეტია. დაავადებულთა ყველაზე დიდი რაოდენობა - თითქმის 1 მლნ. ადამიანი, შეერთებულ შტატებშია რეგისტრირებული. ამავდროულად, ევროპის ქვეყნებში სულ უფრო მცირდება COVID-19-ით გამოწვეული ფატალური შემთხვევების რაოდენობა და ამის ფონზე, ზოგიერთი სახელმწიფო საკარანტინო ზომების შემსუბუქებას იწყებს. აშშ-ის არაერთი ცალკეული შტატიც, დაწესებული შეზღუდვების ეტაპობრივ მოხსნას აპირებს. იტალიაში, სადაც მსოფლიო მასშტაბით კორონავირუსით გარდაცვალების ყველაზე მეტი - 26 000-ზე მეტი შემთხვევა დაფიქსირდა, 4 მაისიდან, არსებული მკაცრი ზომების შემსუბუქება იწყება. ბარებსა და რესტორნებს ე.წ. takeaway საკვების გაყიდვის შესაძლებლობა ექნებათ. ამ ეტაპზე მხოლოდ საკურიერო მომსახურება მოქმედებს. გარდა ამისა, იტალიის მოქალაქეებს, მხოლოდ ცალკეული პროვინციის ქალაქიდან ქალაქში გადაადგილების საშუალება ექნებათ. ექნებათ ახლობლების მონახულების, ასევე დაკრძალვების ორგანიზების უფლება, მხოლოდ იმ პირობით, რომ ერთდროულად შეიკრიბება არაუმეტეს 15 ადამიანი. ესპანეთში გასულ შაბათ-კვირას მიეცათ ბავშვებს ქუჩაში პირველად გასვლის უფლება. ხოლო საფრანგეთში საკარანტინო ზომების შემსუბუქება 11 მაისიდან დაიწყება. აშშ-ის ზოგიერთმა შტატმა 1 თვის წინ დაწესებული შეზღუდვების ეტაპობრივი მოხსნა დაიწყო, იმის მიუხედავად, რომ ამ ქვეყნის ტერიტორიაზე კორონავირუსით გარდაცვალების ყველაზე მეტი, 55 000 შემთხვევაა დაფიქსირებული. ბოლო ინფორმაციით, რუსეთში ვირუსით დაინფიცირების უკვე 87 147 შემთხვევაა დაფიქსირებული. არსებული მოცემულობით, რუსეთმა COVID-19-ით დაავადებულთა საერთო რაოდენობით უკვე ჩინეთს გაასწრო. აქვე აღსანიშნავია, რომ ქვეყნის თავდაცვის სამინისტრომ პირველად აღიარა სამხედრო ნაწილებში კორონავირუსის ფართომასშტაბიანი გავრცელების შემთხვევები. რუსეთის მასშტაბით 900-მდე სამხედრო მოსამსახურეა დაავადებული. ორთვიანი პაუზის შემდეგ ჩინეთის ქალაქებში - პეკინსა და შანხაიში გაიხსნა საჯარო სკოლები. ოფიციალური მონაცემებით, ამ ქვეყნის ტერიტორიაზე COVID-19-ის ახალი შემთხვევების რიცხი სწრაფად მცირდება. საზოგადოებრივი თავშეყრის ადგილებში ახალ ირეგულაციები მოქმედებს, რომლის მიხედვით, პიროვნება, რომელიც დახველების ან დაცემინების დროს „პირზე ხელზე არ მიიფარებს“ და ამავდროულად პირბადეს არ ატარებს, დაჯარიმდება. სამხრეთ კორეა თანდათანობით უბრუნდება ცხოვრების ნორმალურ რეჟიმს. გაიხსნა ეკლესიები და მოსახლეობას პირბადის ტარებას, ასევე დისტანციის დაცვას სთხოვენ. ახალი ზელანდიის პრემიერ მინისტრის ჯასინდა არდერნის განცხადებით, ეს სახელმწიფო მალე შეძლებს კორონავირუსის დამარცხებას და უახლოეს მომავალში მოიხსნება საკარანტინო რეჟიმი. ირანში, სადაც კორონავირუსით დაავადების გამო უკვე 5 000 ადამიანზე მეტი დაიღუპა, მეჩეთების გახსნას გეგმავენ. ადგილობრივი ხელისუფლება ეტაპობრივად ამცირებს დაწესებულ შეზღუდვებს და ზოგიერთ მარკეტსა თუ მაღაზიას, მუშაობის საშუალებაც მიეცა. მომზადებულია რატი ერისთავის მიერ. წყარო: Digest: nearly three million people with coronavirus in the world, the world is increasing military spending (27.04.2020),#coronavirus #world #countries #quarantine #headline #stopcovid19

რაც უფრო ღრმად ეხვევა მსოფლიო კორონავირუსით გამოწვეულ ქაოსში, ყველას გვიჩნდება სასოწარმკვეთი კითხვები – კიდევ რამდენ ხანს მოგვიწევს იზოლაცია, როდის მიაღწევს პანდემია პიკს და ა. შ. თუმცა, ერთი რამ, რაც ამ ყველაფერში უცხადესია, არის ის, რომ ახალი დაავადება ყველაზე სახიფათოა ხანდაზმულებისთვის. ახალგაზრდებს შეიძლება სიმპტომებიც კი არ გამოუვლინდეთ და ეს ფაქტი მათი ახლობელი მოხუცებისთვის კიდევ უფრო სახიფათოა, რადგან მათ ეს ვირუსი ასაკოვან ადამიანებს შეიძლება სრულიად გაუცნობიერებლად გადასდონ. ახალმა კორონავირუსმა იტალიას განსაკუთრებით მძიმედ დაარტყა, გარდაცვლილია 5000-ზე მეტი ადამიანი. გადაჭედილი საავადმყოფოების პერსონალს უწევს ურთულესი გადაწყვეტილებების მიღება – ვის უმკურნალონ და ვინ სიკვდილს მიანდონ. ძირითადი მიზეზი, რის გამოც ეპიდემია იტალიას ასე განსაკუთრებით სასტიკად შეეხო, შეიძლება ორი იყოს; ამის შესახებ ოქსფორდის უნივერსიტეტის მკვლევრები ჟურნალ Demographic Science-ში გამოქვეყნებულ კვლევაში წერენ — ქვეყანა მეორეა ევროპაში ხანდაზმულთა რაოდენობით; იტალიელი ახალგაზრდები უფრო ხშირად ურთიერთობენ მოხუც ბებია-პაპებთან. ასეთი დემოგრაფიული კვლევა შეიძლება კრიტიკულად მნიშვნელოვანი იყოს საფრთხის შესამცირებლად ნებისმიერი ქვეყნისთვის, რადგან მრავალ ქვეყანაში პანდემია ჯერ ახლა იწყებს გავრცელებას და ფაქტობრივად, მეცნიერები ახლა სწავლობენ ამ ვირუსის გადადების გზებს ოჯახებსა და საზოგადოებებში. იტალიაში მოსახლეობის 23 პროცენტი 65 წელს გადაცილებულია. ამავე დროს, ახალგაზრდა იტალიელები ბევრს ურთიერთობენ საკუთარ მოხუცებთან. კვლევის იტალიელი თანაავტორები შენიშნავენ, რომ ხშირია შემთხვევები, როდესაც ახალგაზრდები სასოფლო დასახლებებში მშობლებთან და პაპა-ბებიებთან ცხოვრობენ, მაგრამ სამუშაოდ დიდ ქალაქებში, მაგალითად, მილანში დადიან. კვლევის ავტორთა აზრით, ქალაქებსა და ოჯახებს შორის ასეთმა ხშირმა მოგზაურობამ შეიძლება კიდევ უფრო გააძლიერა ახალი კორონავირუსის „ჩუმი“ გაძლიერება. ქალაქში მომუშავე და სოციალიზებული ახალგაზრდები ურთიერთობენ ბევრ ადამიანთან, სადაც შეიძლება ისინი ვირუსით დაინფიცირდნენ და ის სახლში წაიღონ. შეიძლება მათ სიმპტომები სულ არ ჰქონდეთ ან უმნიშვნელოდ აღენიშნებოდეთ, მაგრამ დააინფიცირონ მოხუცები, ყველაზე მოწყვლადი ჯგუფი. „ვიცით, რომ სიკვდილიანობის მაჩვენებელი ასაკოვან ადამიანებში მაღალია, მაგრამ დაზუსტებით არ ვიცით, რატომ“, — ამბობს მკვლევარი კარლოს დელ რიო. ამის მიზეზი შეიძლება იყოს ისიც, რომ მოხუცებს სუსტი სასუნთქი სისტემები აქვთ, რაც ხანდაზმულთა სიკვდილიანობის მაჩვენებელს სხვა დაავადებების, მაგალითად, პნევმონიის შემთხვევებშიც ზრდის. მეცნიერთა ერთი ნაწილი კი იკვლევს, რატომ არ ერჩის COVID-19 ბავშვებს. მათი აზრით, ბავშვებს უფრო „ხელუხლებელი“ ფილტვები აქვთ, რომლებიც ჯერ არ არი დაზიანებული ცხოვრების განმავლობაში ალერგიებით, ჰაერის დამბინძურებლებითა და დაავადებებით გამოწვეული ანთებებით. ეს ფაქტორი მათ შეიძლება უფრო მტკიცეს ხდის ახალი კორონავირუსის შემოტევის მიმართ. მიუხედავად იტალიაში გამოცხადებული საყოველთაო კარანტინისა, ვირუსი უკვე შორს და ფართოდ არის გავრცელებული. კვლევის ავტორის, ოქსფორდის უნივერსიტეტის დემოგრაფისა და ეპიდემიოლოგის, ჯენიფერ დოუდის განცხადებით, ამ სახის დემოგრაფიული მონაცემებით, ჯანდაცვის ოფიციალურ უწყებებს გავრცელებასთან უკეთ ბრძოლა შეუძლიათ. „ერთ-ერთი რამ, რის გარკვევასაც ვცდილობდით, არის ის, რომ მხოლოდ ხანდაზმულთა იზოლაცია საკმარისი არ არის და მრუდის გაბრტყელებისთვის საჭიროა ზოგადი სოციალური დისტანცირება. მრუდის გაბრტყელება ნიშნავს ახალი ინფექციების შენელებას, რაც მკვლევრებს დამატებით დროს აძლევს პრეპარატებისა და ვაქცინების შესაქმნელად, საავადმყოფოებს კი სულის მოთქმის საშუალება ეძლევათ. თუმცა, მიუხედავად იმისა, რომ ახალგაზრდებისა და მოხუცების განცალკევება შეიძლება მშვენივრად მუშაობდეს თეორიაში, პრაქტიკაში ის პრობლემებს ქმნის. მაგალითად, მრუდის გასაბრტყელებლად აშშ-ში დაიხურა სკოლები. მშობლები ამასობაში სახლიდან მუშაობენ და ბავშვები ამაში ხელს უშლიან, ამიტომ შეიძლება, ისინი პაპა-ბებიებს მიაბარონ. ქვეყნებში, სადაც ბევრი ხანდაზმულია, ბევრი მათგანი ერთად ცხოვრობს მოხუცებულთა სახლებში, სადაც სოციალური დისტანცირება განსაკუთრებით ჭირს. ასევე აღსანიშნავია ისიც, რომ ხანდაზმულთა დიდი ოდენობა აუცილებლად არ ნიშნავს COVID-19-ის აფეთქებას. იაპონიაში, სადაც მოსახლეობის 28 პროცენტი 65 წელს გადაცილებულია, ამჟამინდელი მონაცემებით (23 მარტი) ინფიცირებულია 825 ადამიანი, გარდაცვლილი კი 41. იტალიაში მონაცემები რადიკალურად განსხვავებულია – 63 928 ინფიცირებული და 6078 გარდაცვლილი. იაპონიამ, მეზობელ ჰონგ-კონგისა და სინგაპურის მსგავსად, გავრცელების ადრეულ დღეებშივე დაიწყო ადამიანთა ტესტირება და შემოიღო მკაცრი სამოგზაურო კონტროლი. კვლევის ავტორის, ჯენიფერ დოუდის განცხადებით, იტალიის მაგალითი პანდემიასთან ბრძოლაში პრაქტიკული ნაბიჯების გადადგმაში უნდა დაგვეხმაროს. „წინასწარ შეგვიძლია განვსაზღვროთ ის ზონები, სადაც ხანდაზმულთა რაოდენობა ბევრია და შესაბამისად, საჭიროა მეტი ყურადღება“. გაითალისწინეთ, თუ ბებია-პაპის მონახულება გსურთ, ძლიერ რეკომენდებულია, პანდემიის დასრულებამდე თავი შეიკავოთ მათივე ჯანმრთელობისათვის. უბრალოდ, აიღეთ ტელეფონი და მოიკითხეთ.#italy #covid19 #coronavirus #stopcovid19

მექსიკაში „კოვიდ-19“-ის მსხვერპლთა რიცხვმა 30 ათასს გადააჭარბა. ქვეყანაში ბოლო დღე-ღამის განმავლობაში კორონავირუსით 523 ადამიანი გარდაიცვალა. ამგვარად, მსხვერპლთა საერთო რაოდენობამ 30 366 შეადგინა. ამ მაჩვენებლით მექსიკამ საფრანგეთს გადაასწრო და მსოფლიოში მეხუთე ადგილი დაიკავა აშშ-ის, ბრაზილიის, დიდი ბრიტანეთისა და იტალიის შემდეგ. ბოლო 24 საათის განმავლობაში კორონავირუსი მექსიკაში 6 914 ადამინს დაუდასტურდა. სულ რეგისტრირებულია „კოვიდ-19“-ის 252 165 შემთხვევა. ქვეყნის ჯანდაცვის მინისტრის მოადგილის, უგო ლოპეს გატელის თქმით, ინფიცირებულთა რეალური რიცხვი სავარაუდოდ გაცილებით მაღალია.

ჯონ ჰოპკინსის უნივერსიტეტის ბოლო მონაცემებით, მსოფლიოში ახალი კორონავირუსით ინფიცირებულთა რიცხვი ჯამში 9,264,569-ს შეადგენს. COVID-19-ს 480 000 ადამიანი ემსხვერპლა. ჩინეთში კორონავირუსის 15 ახალი შემთხვევა დადასტურდა, აქედან ინფექციის 3 ასიმპტომური მატარებელი გამოვლინდა. COVID-19-ის 83 430 შემთხვევა გამოვლინდა, დაავადებას 4 634 პაციენტის სიცოცხლე ემსხვერპლა. გამოჯანმრთელდა 78 413 პაციენტი. ბრაზილიაში კორონავირუსით ინფიცირების 1 145 906 შემთხვევა ფიქსირდება, COVID-19-ს 52 645 ადამიანი ემსხვერპლა. ბოლო დღე-ღამეში ინფიცირების 39 436 შემთხვევა დაფიქსირდა. გერმანიაში COVID-19-ით ინფიცირებულთა რიცხვი 191 449-მდე გაიზარდა, 8 914 ადამიანი გარდაიცვალა. ბოლო დღე-ღამეში ინფიცირების 587 შემთხვევა გამოვლინდა, 19 ადამიანი გარდაიცვალა. ინდოეთში ახალი კორონავირუსის 15,9 ათასი შემთხვევა გამოვლინდა. ჯამში COVID-19 სულ 456 183 ადამიანს დაუდასტურდა. 14 476 პაციენტი გარდაიცვალა, 258 684 გამოჯანმრთელდა. უკრაინაში COVID-19-ით ინფიცირებულთა რიცხვი 39 014-მდე გაიზარდა. გასულ დღე-ღამეში 940 ახალი შემთხვევა გამოვლინდა. კორონავირუსს 1051 პაციენტი ემსხვერპლა. 17 409 პირი გამოჯანმრთელდა. მექსიკაში ბოლო დღე-ღამეში კორონავირუსით 793 ადამიანი გარდაიცვალა. ჯამში მსხვერპლთა რიცხვმა 23 377 შეადგინა. ბოლო 24 საათის განმავლობაში მექსიკაში კორონავირუსი 6 288 ადამიანს დაუდასტურდა. სულ COVID-19-ის 191 410 შემთხვევაა რეგისტრირებული. სომხეთში ბოლო 24 საათში COVID-19-ით 711 ადამიანი დაინფიცირდა. ჯამში, ქვეყანაში COVID-19-ით ინფიცირებულთა რიცხვმა 21 717-ს მიაღწია. კორონავირუსით სულ 386 ადამიანი გარდაიცვალა, მათ შორის, 14 გასული დღე-ღამის განმავლობაში. 130 ინფიცირებული კი, სხვა მიზეზებით გარდაიცვალა, სომხეთის ჯანდაცვის სამინისტრო მათ კორონავირუსით გარდაცვლილთა სტატისტიკაში არ აღრიცხავს. 10 797 პაციენტი გამოჯანმრთელდა. რუსეთში COVID-19-ით ერთ დღეში 7 176 ადამიანი დაინფიცირდა და 606 881-ს მიაღწია. გასული დღე-ღამის განმავლობაში ახალ კორონავირუსს კიდევ 154 პაციენტის სიცოცხლე ემსხვერპლა, რითაც გარდაცვლილთა რაოდენობა 8 513-მდე გაიზარდა. გამოჯანმრთელდა 368 822 ადამიანი.

მსოფლიო კორონავირუსის პანდემიას ებრძვის. სოციალური ქსელებისა და მედიის საშუალებით ყოველდღიურად უამრავ ინფორმაციას ვიღებთ დაავადების გავრცელების, ინფიცირებულთა თუ გარდაცვლილთა რაოდენობის ზრდისა და სხვადასხვა ქვეყანში არსებული რთული ვითარების შესახებ. თუმცა, ამ ყველაფრის პარალელურად, სამყაროში პოზიტიური მოვლენებიც ხდება, რაც აჩენს იმედს, რომ მალე ყველა ერთად საშიში ვირუსის დამარცხებასა და ცხოვრების ჩვეულ რეჟიმში დაბრუნებას შევძლებთ. მაშ ასე, წარმოგიდგენთ რამდენიმე კარგ ამბავს კორონავირუსის პანდემიის შესახებ: დავიწყოთ საქართველოთი. ამ სტატიის დაწერის დროისთვის, ჩვენს ქვეყანაში უკვე სრულად გამოჯანმრთელდა კორონავირუსით ინფიცირებული 10 პაციენტი. მთელი მსოფლიოს მასშტაბით კი, გამოჯანმრთელებულთა რიცხვი 117 ათასს აჭარბებს. ეს COVID-19-ით დაავადებულთა საერთო რაოდენობის მეოთხედზე მეტია. ჩინეთის ხუბეის პროვინციის დიდ ნაწილში კორონავირუსის გამო დაწესებული კარანტინი გაუქმდა. ეს გადაწყვეტილება მას შემდეგ მიიღეს, რაც იქ ზედიზედ ხუთი დღის განმავლობაში COVID-19-ით დაავადების ახალი შემთხვევები აღარ დაფიქსირებულა. ინფიცირებულთა რაოდენობის მკვეთრი კლების გამო, ქვეყანაში საველე საავადმყოფოებიც დაიხურა. ქალაქ უხანში კი, საიდანაც პანდემია დაიწყო, კარანტინი 8 აპრილს მოიხსნება. კარგი ამბებია სამხრეთ კორეაშიც, სადაც საყოველთაო ტესტირების საშუალებით ექიმებმა კორონავირუსის გავრცელების შეჩერება მოახერხეს. დაავადებულთა თითქმის ნახევარი იქ უკვე სრულად გამოჯანმრთელდა. 50-მილიონიან ქვეყანაში ინფიცირებულთა რაოდენობა ახლა მხოლოდ 5 ათასს შეადგენს. როტერდამის ერასმუსის უნივერსიტეტის სამედიცინო ცენტრსა და უტრეხტის უნივერსიტეტში მომუშავე მეცნიერებმა კორონავირუსის ანტისხეული აღმოაჩინეს. ნიდერლანდელი მკვლევარები აცხადებენ, რომ მისი მეშვეობით, შესაძლოა, დაავადებასთან ბრძოლისთვის განკუთვნილი ერთ-ერთი პირველი მედიკამენტი შეიქმნას. ამასობაში, ინდოელი ექიმები COVID-19-ის წინააღმდეგ წარმატებით იყენებენ ლოპინავირის, რეტონოვირისა და ოსელტამივირის კომბინაციას ქლორფენამინთან ერთად. ისინი მკურნალობის ამ სქემას მთელი მსოფლიოს მედიკოსებს სთავაზობენ. ვაშინგტონის შტატის ქალაქ სიეტლში კორონავირუსის საწინააღმდეგო ვაქცინა უკვე ადამიანებზე გამოსცადეს. სპეციალისტების თქმით, ტესტირების წარმატებით დასრულების შემთხვევაში, პრეპარატის წარმოებაში ჩაშვებისთვის 12-დან 18 თვემდე ვადა იქნება საჭირო. კორონავირუსის ვაქცინაზე ინტენსიური მუშაობა აშშ-ს გარდა ჩინეთში, ისრაელში, გერმანიაში, კანადასა და მსოფლიოს სხვა ქვეყნებში მიმდინარეობს. მეცნიერები იმედოვნებენ, რომ შორს არ არის ის დღე, როდესაც ისინი მისი შექმნის შესახებ გამოაცხადებენ. აშშ-ის რამდენიმე კლინიკამ კორონავირუსის დასადგენი სწრაფი ტესტები შექმნა, რომელთა შედეგი არა რამდენიმე დღეში, არამედ საათებისა და ზოგჯერ წუთების განმავლობაშიც კი ხდება ცნობილი. ნობელის პრემიის ლაურეატი ქიმიის დარგში, სტენფორდის უნივერსიტეტის ბიოფიზიკოსი მაიკლ ლევიტი აცხადებს, რომ კორონავირუსის პანდემია მალე დასრულდება. მეცნიერმა იმ 78 ქვეყნის მონაცემები შეისწავლა, სადაც ყოველდღიურად კორონავირუსით 50-ზე მეტი ადამიანი ინფიცირდება და მათ დიდ ნაწილში დადებითი ტენდენცია გამოავლინა. აღმოჩნდა, რომ დაავადებულთა საერთო რიცხვის ზრდის მიუხედავად, ახალი შემთხვევების რაოდენობა ყოველ მომდევნო დღეს წინაზე ნაკლებია. 103 წლის ჩინელი ქალბატონი ჟანგ გუანფენი COVID-19-ისგან განკურნებული ყველაზე ხანდაზმული პაციენტი გახდა. ქალაქ უხანის საავადმყოფოდან ის 6-დღიანი მკურნალობის შემდეგ გაეწერა. მანამდე დაავადება ამავე ქალაქში მცხოვრებმა 101 წლის მამაკაცმაც დაამარცხა. კორონავირუსისგან განიკურნა ასევე ალცჰეიმერის დაავადების, ჰიპერტენზიისა და გულის უკმარისობის მქონე 100 წლის პაციენტი კომპანიამ Apple ჩინეთში კორონავირუსის პანდემიის გამო დაკეტილი 42 მაღაზიის მუშაობა განაახლა. ჩინეთის ბეიხანისა და ცინხუას უნივერსიტეტებში მომუშავე სპეციალისტებმა გამოაქვეყნეს კვლევა, რომლის მიხედვითაც ტემპერატურის მატებასთან ერთად კორონავირუსის გავრცელების ტემპის კლებაა მოსალოდნელი. და ბოლოს, რუანდაში მამაკაცი, რომელმაც კორონავირუსის პანდემიის გამო დაწესებული კარანტინი დაარღვია და სათევზაოდ წავიდა, ნიანგმა შეჭამა. ეს არც ისე პოზიტიური ამბავია, თუმცა, იმის მაგალითად გამოდგება, რომ ჩვენივე ინტერესებიდან გამომდინარე ჯობია, ეპიდემიოლოგების მიერ გაცემული რეკომენდაციები ზედმიწევნით ზუსტად დავიცვათ.#ფაქტებიკორონავირუსისშესახწვ

worldometers-ის მიერ გამოქვეყნებული ინფორმაციის თანახმად, მსოფლიოში დღითი დღე იკლებს კორონავირუსის ახალი შემთხვევებისა და გარდაცვალების რაოდენობა. თუკი 3 აპრილს, მსოფლიოში კორონავირუსის 101 ათასზე მეტი ახალი შემთხვევა დაფიქსირდა, 5 აპრილს ახალი შემთხვევების რაოდენობამ 71 418 შეადგინა. ბოლო ხუთი დღის განმავლობაში, ანუ პირველი აპრილიდან 5 აპრილის ჩათვლით, გარდაცვალების ყველაზე დაბალი მაჩვენებელი დაფიქსირდა 5 აპრილს და მან 4737 ადამიანი შეადგინა. თითქმის 1000 გარდაცვლილით ნაკლები, ვიდრე 4 აპრილს. რაც შეეხება ამერიკას, ესპანეთსა და იტალიას, რომლებიც კორონავირუსით ინფიცირებულთა და გარდაცვლილთა მაჩვენებლით 208 ქვეყნისა და ტერიტორიისგან შემდგარ სიას სათავეში უდგანან, ბოლო დღეების განმავლობაში, სამივე ქვეყანაში მკვეთრადაა შემცირებული ინფიცირებისა და გარდაცვალების ფაქტები. 6 აპრილის მონაცემებით, მსოფლიოში კორონავირუსით ინფიცირებულია 1 288 319 ადამიანი. გარდაცვლილია 70 567. გამოჯანმრთელებულთა რაოდენობამ 272 024-ს მიაღწია. "რადიო თავისუფლება"

იტალიაში COVID-19-ით გარდაცვლილთა რიცხვი სწრაფად იზრდება. ბოლო 24 საათის განმავლობაში კორონავირუსით ამ ქვეყანაში რეკორდული რაოდენობის, 627 ადამიანი გარდაიცვალა. ამჟამად სახიფათო ვირუსმა ყველაზე დიდი მსხვერპლი იტალიაში გამოიწვია - აქ 4032 მოქალაქეა გარდაცვლილი. ამ წუთისთვის აპენინზე კორონავირუსით დაინფიცირებულთა რიცხვიც გაზრდილია. უკანასკნელი მონაცემებით, იტალიაში ამ დაავადებით 41 021 ადამიანი არის ინფიცირებული. ბოლო დღე-ღამის განმავლობაში 5986 ახალი ფაქტი გამოვლინდა. რაც შეეხება მსოფლიო მასშტაბებს - კორონავირუსის 265867 შემთხვევა დაფიქსირდა, აქედან 11180 ფაქტი ფატალურად დასრულდა, ხოლო 90603 ადამიანი სრულიად გამოჯანმრთელდა.#კორონავირუსი #იტალია #coronavirus #italy #COVID19 #news