მთავრობის 200-ლარიანი დახმარება 90 ათასმა კაცმა მიიღო, ხოლო 300-ლარიანი - 84 ათასმა. ეს ძალიან მოკრძალებული მაჩვენებლებია იმ დროს, როდესაც უმუშევრად გაცილებით მეტი ადამიანი დარჩა, მაგრამ სხვადასხვა მიზეზების გამო, ისინი ხელისუფლებისგან დახმარებას ვერ იღებენ. დასაქმების ხელშეწყობის სახელმწიფო სააგენტოს ინფორმაციით, 19 ივნისის მდგომარეობით, ერთჯერადი 300-ლარიანი კომპენსაცია 84 564-მა თვითდასაქმებულმა მიიღო. ჯანდაცვის სამინისტროს ვებგვერდზე სარეგისტრაციო პორტალის მეშვეობით სულ დარეგისტრირდა კომპენსაციის მიმღები თვითდასაქმებული 144 674 პირი. რაც შეეხება დასაქმებულებს, რომლებიც პანდემიის გამო დაზარალდნენ, 200 ლარის ოდენობით კომპენსაცია ჩაერიცხა 90 775 პირს. გადარიცხული თანხა შეადგენს 18 155 000 ლარს. თანხები ეტაპობრივად ირიცხება. კორონავირუსის პანდემიის შედეგად დაზარალებულთათვის, საქართველოს მთავრობის მიერ ინიცირებული კომპენსაციების მიმღები პირების რეგისტრაცია 15 მაისიდან დაიწყო და პირველ ივლისამდე გაგრძელდება. „პორტალზე რეგისტრაციის ვალდებულება მხოლოდ თვითდასაქმებულებს გააჩნიათ. დაქირავებით დასაქმებულებს, აღნიშნული რეგისტრაციის გავლის ვალდებულება არ აქვთ. განაცხადებს განიხილავს დასაქმების ხელშეწყობის სახელმწიფო სააგენტოში არსებული სამუშაო ჯგუფი და გადაწყვეტილებას იღებს ჯანდაცვის მინისტრის ბრძანებით შექმნილი უწყებათაშორისი კომისია. კომპენსაციის გადარიცხვა მოხდება კომიიის გადაწყვეტილების მიღებიდან არაუგვიანეს 10 სამუშაო დღისა. იმ პირებს, რომელთაც არ აქვთ შესაძლებლობა გაიარონ ელექტრონული რეგისტრაცია, შეუძლიათ მიმართონ დასაქმების სააგენტოს ან სოციალური მომსახურების სააგენტოს სერვისცენტრებს და ადგილზე წარმომადგენლები დაეხმარებიან რეგისტრაციაში“, - ნათქვამია დასაქმების ხელშეწყობის სახელმწიფო სააგენტოს გავრცელებულ ინფორმაციაში. ასეთი მცირე ოდნეობით კომპენსაციის გაცემით უკმაყოფილოა მოსახლეობა. უმუშევრად გაცილებით მეტი ადამიანი დარჩა, მაგრამ სხვადასხვა მიზეზების გამო, ისინი ხელისუფლებისგან დახმარებას ვერ იღებენ. როგორც ჩანს, ამ ფაქტმა მთავრობაც დააფიქრა და დადგენილებაში განხორციელებული ცვლილების თანახმად, კომპენსაციის მიმღებ დაქირავებულ პირთა წრე გაფართოვდა. მთავრობის 2020 წლის 4 მაისის N286 დადგენილებაში შესული ცვლილების შედეგად, კომპენსაციას მიიღებენ ის პირებიც, რომლებიც ეწეოდნენ დაქირავებით საქმიანობას 2019 წლის ივლისი-დეკემბრის თვეებიდან ნებისმიერ უწყვეტ სამ თვეს (რაც უნდა დასტურდებოდეს დამქირავებლის მიერ საგანგებო მდგომარეობის პერიოდის დასრულებამდე წარდგენილი სსკ-ის 154-მუხლით გათვალისწინებული ინფორმაციით) და 2020 წლის 1-ელ ივლისამდე დამქირავებლისგან არ მიუღიათ ხელფასი. აღნიშნულ დადგენილებაში შესული კიდევ ერთი ცვლილების თანახმად, დამქირავებლის მიერ, შემოსავლების სამსახურის მონაცემთა ბაზაში, კომპენსაციის მიმღებ პირთა შესახებ განაცხადის წარდგენა ყოველ შემდგომ პერიოდებზე, ავტომატურ რეჟიმში განხორციელდება. ეს გულისხმობს, იმას რომ თუ დამქირავებელი მომდევნო თვეში არ წარადგენს ახალ განაცხადს, შემოსავლების სამსახური იყენებს წინა (ბოლო) მონაცემებს და მიიჩნევა, რომ დამქირავებელმა განაცხადი დადგენილ ვადებში წარადგინა. ამასთან, დამქირავებელს დამატებითი, განაცხადის წარდგენის ვალდებულება წარმოეშობა, თუ დაზუსტების მიზანია დაქირავებული პირის დამატება კომპენსაციის მიმღებ პირთა რეესტრში. დამქირავებელი ინფორმაციას წარადგენს მხოლოდ ამ პირზე, ხოლო დანარჩენ დაქირავებულებთან მიმართებაში გამოყენებული იქნება ბოლო განცხადება. კომპენსაცია გაიცემა იმ შემთხვევაშიც, თუ მიმდინარე წლის მაისის თვეში პირზე ფიქსირდება ხელფასის გაცემა, მაგრამ ივნისსა და შემდგომ თვეებში ადგილი არ ჰქონია ხელფასის სახით თანხების ჩარიცხვას. კომპენსაციის გაცემის ხელისშემშლელ გარემოებად აღარ განიხილება ხელფასი, რომელიც 10 ლარს არ უნდა აღემატებოდეს. სპეციალისტები გამოსავალს ვერც დადგენილებაში შესატანი ცვლილებებით ვერ ხედავენ, რადგან მდგომარეობა რეალურად ვერ შეიცვლება. ეკონომისტ ირაკლი ყიფიანის აზრით, კრიტერიუმი ის კი არ უნდა იყოს ვის დავეხმაროთ, არამედ ის, ვის არ დავეხმაროთ. სახელმწიფო უნდა ეხმარებოდეს ყველას, ვისაც წლიურ 40 000 ლარზე ნაკლები შემოსავალი აქვს. „ხელისუფლება უნდა წასულიყო გამორიცხვის მეთოდით და კომპენსაცია უნდა მიღო ყველას, ვისაც 40 000 ლარზე ნაკლები აქვს შემოსავალი, ასევე საჯარო მოხელეებიც არ უნდა მოხვედრილიყვნენ ამ სიაში. ეს იქნებოდა ყველაზე სწორი პოლიტიკა. ამ ჩამონათვალს მიღმა მყოფი ადამიანებისათვის ის 1.4 მლრდ რომ გაენაწილებინათ სეგმენტზე, თითოეულ ადამიანზე გამოვიდოდა 400 ლარის დახმარება. ასე არ გააკეთეს და ახლა ჩვენი მოქალაქეები აღმოჩნდნენ სიღარიბეში და ჩვენ ვერ ვეხმარებით მათ“, - განაცხადა ყიფიანმა. კომპენსაიცა უმუშევრობა კორონავირუსი TbilisiDaily

"კომპანიებმა შესაბამისი მხარდაჭერა უნდა გაუწიონ დასაქმებულებს“, - ამის შესახებ პრემიერ-მინისტრმა გიორგი გახარიამ დღეს გამართულ ბრიფინგზე განაცხადა, სადაც ეკონომიკის სტიმულირების გეგმა წარადგინა. ავტორი:ვიქტორია მღებრიშვილი P.s. სტატია ჩვ3ნ არ გვეკუთვნის. სტატია გამოქვეყნებულია bm.ge-ს მიერ. პრემიერმა განმარტა, რომ მასტიმულირებელი გეგმას აქვს ერთი მიზანი - მოქალაქეებს შეუნარჩუნდეს სამუშაო ადგილები. „ყველა ის ზომა, რასაც ჩვენ ახლა ვიღებთ, განსაკუთრებით ტურიზმის სექტორში დასაქმებული კომპანიებისთვის, განსაკუთრებით საშემოსავლო გადასახადის და ქონების გადასახადის გადავადების ნაწილში, ერთმნიშვნელოვნად გულისხმობს იმას რომ კომპანიებმა შესაბამისი მხარდაჭერა უნდა გაუწიონ თავიანთ დასაქმებულებს, ჩვენს მოქალაქეებს და მაქსიმალურად შეინარჩუნონ სამუშაო ადგილები. ეს არის ჩვენი მთავრობის ყველაზე მნიშვნელოვანი მიზანი“, - განაცხადა გახარიამ. გიორგი გახარიამ დღეს კორონავირუსის გამო ეკონომიკისთვის მიყენებული ზარალის შესამცირებლად სპეციალური მასტიმულირებელი გეგმა წარადგინა. #news #coronavirus #გიორგიგახარია #headline

ორგანიზაცია ადამიანის უფლებათა სწავლებისა და მონიტორინგის ცენტრი (EMC) მიიჩნევს, რომ სუპერმარკეტ სპარის გადაწყვეტილება, მთელი ღამით სამუშაო ადგილზე დატოვოს დასაქმებულები, ღირსეული შრომის უფლებას საფრთხეს უქმნის. EMC-ს ინფრომაციით, დასაქმებულები ღამეს შეუსაბამო პირობებში ათევენ, ისინი კვირაში მინიმუმ 60 საათს მუშაობენ და არათუ ზეგანაკვეთური მუშაობის ანაზღაურება არ ხდება, არამედ ქსელის მასშტაბით ხელფასების მასიური დაქვითვის პროცესი მიმდინარეობს. "მძიმე პრობლემად რჩება დაბალი ანაზღაურება (ჩვენი ინფორმაციით, ქსელში დასაქმებულთა ანაზღაურება 300-დან 500 ლარამდე მერყეობს), ისევე როგორც დაცვის სამსახურის არარსებობა. (შეგახსენებთ, რომ რამდენიმე თვის წინ სამუშაოს შესრულებისას მომხმარებლის მიერ მიყენებულმა დაზიანებამ „სპარის” კონსულტანტის სიცოცოხლე შეიწირა) „სპარის” განცხადება იმის შესახებ, რომ კონსულტანტების სამუშაო რეჟიმი „ნებაყოფლობითია,” მათ რეალურ სოციო-ეკონომიკურ და შრომით მდგომარეობას ნიღბავს. სერვისის სექტორში დასაქმებულებს არ აქვთ პროფკავშირი, რომელიც მათ უფლებებს დაიცავდა, უმუშევრობის დაზღვევისა და შემწეობის სისტემების არარსებობა კი სამსახურის დაკარგვის შემთხვევაში მათ შემოსავლის გარეშე ტოვებს. ეს ფაქტორები „სპარსა” და სხვა საცალო ვაჭრობის ქსელებში დასაქმებულ კონსულტანტებს არჩევანის გარეშე ტოვებს მითუმეტეს იმ პირობებში, როცა კორონავირუსის ეპიდემიის გამო დასაქმების ალტერნატიული წყაროები ფაქტობრივად არ არსებობს, აიძულებს დამსაქმებლის პირობებს დაემორჩილონ. სპარის გარშემო განვითარებული მოვლენები კიდევ ერთხელ ცხადყოფს, რომ საცალო ვაჭრობის ქსელებში დასაქმებული კონსულტანტების უსაფრთხოებას, ღირსეულ შრომით პირობებსა და ანაზღაურებას შრომითი უფლებების დაცვის არსებული მექანიზმები ვერ უზრუნველყოფენ და კიდევ ერთხელ უსვამს ხაზს მათი რეფორმირების აუცილებლობას. როგორც კონსულტანთა შრომასთან დაკავშირებული რისკები, ისე მისი დიდი მნიშვნელობა განსაკუთრებით კარგად გამოჩნდა პანდემიის პირობებში, როცა ისინი იმ მოქალაქეთა შორის აღმოჩნდნენ, ვისი შრომაც საგანგებო მდგომარეობის ვითარებაშიც კი გრძელდება." - აღნიშნულია განცხადებაში. EMC სპარის დაუყოვნებლივ ინსპექტირებას მოითხოვს და მოუწოდებს ჯანდაცვის სამინისტროს: ჩაატაროს სისტემატიური მონიტორინგი სასურსათო მაღაზია „სპარის“ მიერ შრომითი უფლებების დაცვის მდგომარეობის გადამოწმებისა და მაღაზიაში შემქნილი შრომითი პირობების აღწერის მიზნით. აღწეროს და გასცეს შესაბამისი რეკომენდაციები იმაზე, თუ რამდენად დაცულია სასურსათო მაღაზია „სპარში“ თითოეული დასაქმებულის უფლება: უარი განაცხადოს შრომითი ხელშეკრულების არსებითი პირობის ცვლილებაზე, კერძოდ მაღაზიაში ღამე დარჩენის მოთხოვნაზე[1]. მოითხოვოს სამუშაო გრაფიკის მისადაგება საგანგებო მდგომარეობის ვადით გათვალისწინებულ შეზღუდვებთან. მოითხოვოს ცვლებს შორის დასვენების ხანგრძლივობა, მინიმუმ 12 საათის ოდენობით.[2] უარი თქვას დამსაქმებლის შესაძლო მოთხოვნაზე, დღის ცვლის შემდეგ, დარჩეს მაღაზიის ტერიტორიაზე ღამის გასათევად. სასურსათო მაღაზიაში ღამის გათევა, მიუხედავად იმისა, მუშაობს თუ არა მაღაზია, ჩაეთვალოს სამუშაო საათებად და ანაზღაურდეს შრომითი ხელშეკრულების შესაბამისად, სრულად. შემოწმდეს შრომის უსაფრთხოების სტანდარტების დაცვა სუპერმარკეტის ქსელის ყველა ობიექტზე, მათ შორის ობიექტებში არსებული საწყობები და დასასვენებელი ადგილები. საზოგადოების მაღალი ინსტერესის გათვალისწინებით, მონიტორინგის შედეგები იყოს მაქსიმალურად საჯარო.

დღეიდან გაიხსნება და მუშაობას შეძლებს ყველა სახის ღია მაღაზია, მათ შორის მოლები, ღია და დახურული ყველა სახის ბაზრობები. საქართველოს მთავრობამ, ახალი კორონავირუსით გამოწვეული ინფექციის გავრცელების თავიდან აცილების მიზნით, ბაზრობებისთვის რეკომენდაციები შეიმუშავა. ჯანდაცვის სამინისტრომ ეს გაიდლაინები უკვე დაამტკიცა. მომხმარებელთა ვალდებულებები: ბაზრობის სივრცეში მომხმარებელი ვალდებულია დაიცვას რეკომენდაციები, რომლებიც გამოკრულია შესასვლელში; ბაზრობის ტერიტორიაზე შესვლა და გამოსვლა განახორციელეთ მხოლოდ მითითებული სავალდებულო შესასვლელითა და გამოსასვლელით; დაიცავით სოციალური დისტანცია არა ნაკლებ 2 მ მანძილისა; სურსათთან შეხება განახორციელეთ მხოლოდ ერთჯერადი ხელთათმანის გამოყენებით; დახველების და დაცემინების დროს მიიფარეთ სუფთა ერთჯერადი ხელსახოცი ან იდაყვი; გამოყენებული ერთჯერადი ხელსახოცი გადააგდეთ შესაბამის ურნაში/კონტეინერში. ბაზრობის ბიზნესოპერატორი ვალდებულია: ღია და დახურულ ბაზრობებზე, ახალი კორონავირუსით (COVID-19) ჯვარედინი დაბინძურების თავიდან აცილების მიზნით, უზრუნველყოს მომხარებელთა ნაკადურობის დაცვა. ამ მიზნით მკაცრად განსაზღვროს და გამიჯნოს ბაზრობის ტერიტორიაზე მომხმარებელთა/მყიდველთა შესასვლელი და გამოსასვლელი, სათანადო სავალდებულო ნიშნების მითითებით; ერთიან შესასვლელებში უზრუნველყავით მომხმარებელთა თერმოსკრინინგი და ხელების დამუშავება 70% ალკოჰოლის შემცველი ხელის დასამუშავებელი ჰიგიენური ხსნარით; თვალსაჩინო ადგილას განათავსოს ინფორმაცია როგორც ახალი კორონავირუსის, ასევე მოვაჭრეთა და მომხმარებელთა ვალდებულებების შესახებ; პერიოდულად, დღეში რამდენჯერმე, უზრუნველყოს დახურული სივრცეების/სათავსების ბუნებრივი ვენტილაცია; ყოველი დღის ბოლოს უზრუნველყოს ტერიტორიის დეზინფექცია და ჩატარებული სამუშაოების აღრიცხვა; უზრუნველყოს სამუშაო ადგილების სველი წესით დასუფთავება და დეზინფექცია; უზრუნველყოს ბაზრის ტერიტორიაზე, შესაბამის ადგილას, საკმარისი რაოდენობის ხელსაბანის და საპირფარეშოს ფუნქციონირება; უზრუნველყოს სველი წერტილების დასუფთავება/დეზინფიცირება; ხელსაბანები აღჭურვოს შესაბამისი ჰიგიენური საშუალებებით: თხევადი საპონი, ინდივიდუალური ხელსახოცები; კორონავირუსისთვის დამახასიათებელი სავარაუდო სიმპტომების აღმოჩენის შემთხვევაში დაუყონებლივ აცნობოს 112-ცხელ ხაზს; კორონავირუსისთვის დამახასიათებელი სავარაუდო სიმპტომების აღმოჩენის შემთხვევაში მოარიდოს სხვებთან კონტაქტს, შესაბამისი სამსახურის მოსვლამდე მოათავსოს დროებით სპეციალურად მოწყობილ იზოლირებულ სივრცეში - სხვა მომხმარებლებთან კონტაქტის შესამცირებლად; უზრუნველყოს მომხმარებელთა/მყიდველთა შორის სოციალური დისტანციის დაცვა არანაკლებ 2 მ მანძილზე; უზრუნველყოს უსაფრთხო დისტანციის დაცვა დასაქმებულებს შორის (დახლების შემთხვევაში). იმ შემთხვევაში, თუ ვერ ხერხდება შესაბამისი დისტანციის დაცვა, გამოიყენოს დროებითი გამყოფი ტიხრები (ბარიერები); სავაჭრო სივრცეში მასობრივი თავშეყრის თავიდან აცილების მიზნით, არეგულიროს ერთდროულად მომხმარებელთა/მყიდველთა რაოდენობა; სავაჭრო დახლების წინ მოინიშნოს უსაფრთხო დისტანცირების მაჩვენებელი პირობითი ნიშნით; არ დაუშვას ბაზრის ტერიტორიაზე მომხმარებელი პირბადისა და ხელთათმანის გარეშე; უზრუნველყოს მოვაჭრე პერსონალისა და მომხმარებლის მიერ გამოყენებული ერთჯერადი ხელსახოცებისა თუ სხვა გამოყენებული ჰიგიენური ნარჩენებისთვის დახურული კონტეინერების განთავსება, სათანადო აღნიშვნით, რომელშიც ჩაფენილი იქნება ერთჯერადი პლასტიკური პაკეტი. ნარჩენების პარკის ამოღება და განკარგვა მოახდინოს ერთჯერადი ხელთათმანების გამოყენებით. უზრუნველყოს ასეთი ნარჩენების დროული გატანა შესაბამისი პირის/ სამსახურის მიერ; სამუშაო სივრცეში: დახლებს შორის, სასაწყობე ფართსა და გასასვლელებში უზრუნველყოს თავისუფალი გადაადგილების შესაძლებლობა; უზრუნველყოს ობიექტის დროული დასუფთავება და ნარჩენების დროული გატანა. დამატებითი მოთხოვნები დახურული ტიპის ბაზრობებისთვის : დახურულ სივრცეში განთავსებული ინდივიდუალური მოსარგებლეების სავაჭრო ობიექტის შესასვლელში განათავსოს დეზობარიერები და უზრუნველყოს დეზინფექტანტით მათი რეგულარული განახლება; სამუშაო ადგილებზე განათავსოს ზედაპირების სადეზინფექციო საშუალებები, ხშირად გამოყენებული ზედაპირების დასამუშავებლად და მათი სწორად მოხმარების წესები; ყოველი ცვლის შემდგომ გამოიყენოს სანიტარული შესვენებები; უზრუნველყოს სამუშაო პროცესში ბუნებრივი ვენტილაციის უწყვეტი რეჟიმი. ბუნებრივი ვენტილაციის შეუძლებლობის შემთხვევაში უზრუნველყოს უსაფრთხო ვენტილაცია გარედან შემოსული ჰაერით; უზრუნველყოს სამუშაო სივრცის დროული დასუფთავება და ნარჩენების დროული გატანა; ინდივიდუალური სავაჭრო ფართით მოსარგებლე პირმა შესასვლელში უზრუნველყოს ხელის ანტისეპტიკური საშუალებების განთავსება; ყოველი სამუშაო დღის შემდგომ უზრუნველყოს საერთო გამოყენების სივრცის სველი წესით დალაგება სადეზინფექციო საშუალებების გამოყენებით. ბაზრობებზე მოვაჭრე პერსონალი ვალდებულია: მისალმებისას არ ჩამოართვან ხელი ერთმანეთს და მოერიდონ სხვებთან კონტაქტს; არ გადასცენ მობილური ტელეფონი გამოყენებისთვის სხვა პირს; მოერიდეთ თავშეყრას, დაიცავით რეკომენდაციით გათვალისწინებული სოციალური დისტანცია (არანაკლებ 2 მ ); სამუშაოების შესრულებისას გამოიყენეთ ინდივიდუალური დაცვის საშუალებები: ნიღაბი, ხელთათმანი, საჭიროების შემთხვევაში - სახის დამცავი ფარი; სამუშაოს დაწყებისა და დამთავრებისას სადეზინფექციო საშუალებებით დაასუფთავეთ სამუშაო ადგილები და ის ხელსაწყოები, რომელსაც იყენებენ სამუშაო პროცესის მიმდინარეობისას; საფუძვლიანად დაიბანეთ ხელები წყლითა და საპნით. დაბანის შემდგომ ხელები კარგად გაიმშრალეთ; გამოიყენეთ სპირტის შემცველი ხელის საწმენდი საშუალებები იმ შემთხვევაში, თუ ვერ ახერხებენ ხელების დაბანას და გაშრობას; დახველების და დაცემინების დროს მიიფარონ სუფთა ერთჯერადი ხელსახოცი ან იდაყვი. გამოყენებული ერთჯერადი ხელსახოცი კი გადააგდეთ ურნაში/კონტეინერში; მოერიდეთ ხელებით თვალებზე, ცხვირზე და პირზე შეხებას. მუშაობის პერიოდში მჭიდროდ დაიმაგრეთ თმა, რათა მაქსიმალურად შეიზღუდოს თმისა და სახის შეხება; უზრუნველყოს სამუშაო სივრცის დროული დასუფთავება და ნარჩენების დროული გატანა; ყოველი სამუშაო დღის შემდგომ უზრუნველყოს სამუშაო სივრცის სველი წესით დალაგება სადეზინფექციო საშუალებების გამოყენებით.

შეიძლება ზოგადად ადამიანმა არ იცოდეს რომელიმე ბრენდის სმარტფონის შესახებ მაგრამ აუცილებლად ეცოდინება ზოგადად კომპანიის სახელი.დაწყებული ბიუჯეტური სმარტფონებიდან , დამთავრებული ე.წ Flagship Killer-ებით და სხვა, ჩინური მწარმოებლები ძალიან ძალიან ბევრ სმარტფონს აწარმოებენ და არამარტო სმარტფონებს, ძალიან ბევრ Gadget-ებს რომლებიც არის კარგი მონაცემების მქონე და ფასიც საკმაოდ დაბალი აქვთ. ბოლო დროს გახმაურებულმა საქმეებმა კი რომელიც Xiaomi-ს ეხებოდა, შეაშფოთა მოსახლეობა , იქედან გამომდინარე რომ უსაფრთხოება კიდევ ერთხელ კითხვის ნიშნის ქვეშ დადგა. რამდენიმე კვირის წინ, Forbes-ის განცხადებით , უსაფრთხოების Researcher-ებმა Gabriel Cirling-მა და Andrew Tierney-მ განაცხადეს, რომ Xiaomi-ს Web Browser-ი აგროვებდა მონაცემებს , თანაც Incognito რეჟიმში. ამაში შედიოდა ყველა ის URL რომელიც მომხარებლის მიერ იყო მონაძებნი და ზოგადად ყველა ის ინფორმაცია რომელიც იქნა ჩაწერილი ამ Browser-ში , ეს ეხებოდა Mi Browser Pro-ს და Mint Browser-ს. ორივე Browser-ს ერთად აქვთ 15 მილიონზე მეტი გადმოწერა Play Store-დან . ამ ყველაფრიდან ჩნდება კითხვა, ღირს კი ეს იაფი სმარტფონები ჩვენი უსაფრთხოების ფასად? Xiaomi აგროვებს Data-ს(და არამარტო Xiaomi) მართალია ისიც, რომ Data-ს შეგროვება უკვე სასწაულებრივი რამ აღარ არის რადგანაც ყველა კომპანია აგროვებს მონაცემებს, მაგრამ ყველაფრს აქვს მისი ზღვარი და ამ ზღვარს Xiaomi უკვე საკმაოდ გასცდა. თუ ჩვენ დავეყრდნობით Cirling-ის განცხადებას მაშინ შეგვიძლია ვთქვათ ის , რომ კომპანია იყენებს უნიკალურ ნომრებს რომლებიც შემდგომ ახდენს მომხამრებლის და სმარტფონის ამოცნობას. Forbes-ზე დაყრდნობით კი "სმარტფონი ასევე იწერდა იმას თუ რა ფაილები იყო გახსნილი მომხარებლის მიერ და რამდენჯერ იყო ეკრანი მომხარებლის მიერ და-Swipe-ებული, ამ ყველაფერში ასევე შედიოიდა Status Bar და პარამეტრების გვერდიც". Xiaomi-მ ამაზე მყისვე მოახდინა რეაგირება და ყველანაირი ეჭვი გააქრო და ამ ყველაფერს ასევე ყალბი უწოდა. როგორც მათ თავიანთ Blog Post-ში განაცხადეს, ჩინური მწარმოებლები, ყველა ანონიმურად აგროვებდა ამ Data-ს და ესეც არ იყო გასაკვირი რადგანაც ზოგადად სტანდარტია ეს რომ მწარმოებელმა და ინდუსტრიამ უნდა შეაგროვოს რაღაც სახის მონაცემები რომ შემდგომ უფრო გააუმჯობესოს მისი პროდუქცია მაგრამ ცხადია ქმედებები სიტყვებზე უფრო მყარია. ამ ყველა განცხადების შემდგომ კი Xiaomi-მ გამოუშვა განახლება რომელიც საშუალებას აძლევდა მომახრებლებს რომ გაეთიშათ Data Collection-ი Incognito Mode-ის გამოყენების დროს. კარგი და პრობლემა მოგვარდა ხო? რა თქმა უნდა არა ! ცხადია რაღაც გასათიში ღილაკის დამატება მომხარებლებს თავს დაცულად ვერ აგრძნობინებს. ეს კიდევ უფრო მიუთითებს იმაზე რომ Xiaomi მართლა აკეთებდა ამ ყველაფერს და უბრალოდ ფორმალურად განაცხადა რომ ეს ყველაფერი ტყუილი იყო. რატომ აგროვებს Xiaomi ამ ყველა ინფორმაციას პირველ რიგში?. თუ ჩვენ ვსაუბრობთ უსაფრთხოების პირველ ადგილზე დაყენებაზე, რადგანაც განაცხადეს რომ ეს მათთვის პირველ ადგილზე იდგა. ცხადია ზუსტი საიტების ისტორია საერთოდ არ არის საჭირო რათა რაიმე გააუმჯობესო რადგანაც უბრალოდ ზედმეტი რაღაცაა იქედან გამომდინარე რომ არავის საქმე არაა ზოგადად მომხმარებელი რომელ საიტზე შევა. არ ფიქრობთ რომ უკვე დასამალი აღარაფერია? იქედან გამომდინარე ვამბობ ამას, რომ ის რაც ჩვენ დავსერჩეთ, ის უაზრო კითხვები,ის საიტები რომლებიც მოზარდებზეა გათვლილი, ის ვიდეოები რომლებსაც ვუყურეთ Incognito Mode-ში . ყველაფერი ეს უკვე იმ კომპანიის ხელთაა ვის სმარტფონსაც ვიყენებთ. თუ თქვენ ამ ყველაფერთან ხართ მარტივად რომ ვთქვათ, კომფორტულად , მაშინ ცხადია ეს არ გაღელვებთ მაგრამ არის ხალხი რომელთაც ჭირდებათ უსაფრთხოება. ცხადია 100%-ით დაცული არაფერია ამიტომ შეიძლება Xiaomi-ს Data სერვერებიდან ვინმეს ინფორმაციამ გაჟონოს და შემდგომ ისეთ ადგილზე აღმოჩნდეს სადაც რეალურად არ უნდა იყოს. Xiaomi აცხადებს , რომ მის მიერ შეგროვებული მონაცემები არის სრულიად ანონიმიზირებული, რაც უარყვეს Data და Security Researcher-ებმა. ჯერ თუ Xiaomi-ს მხარეს დავიჭერთ ამ საუბარში, მაინც შეიძლება იყოს იმის ეჭვი, რომ ეს ე.წ ვითომ "ანონიმიზირებული" მონაცემები რომელიმე მომხმარებელთან შეიძლება პირდაპირ იყოს კავშირში და ამაში იმას ვგულისხმობ რომ მაგალითად შეიძლება იყოს ისე რომ პირდაპირ ეწეროს ადამიანის სახელი და ცალკე იყოს გამოყოფილი მისი დანართი სადაც იქნება ჩამოწერილი ის საიტები რომლებზეც ეს მომხარებელი იყო ნამყოფი (ძალიან მარტივი პრინციპია). Xiaomi-ს შემთხვევაში , დამატებით ამ Toggle Off პარამეტრები პირიქით გამაღიზიანებელია იმიტომ რომ პირდაპირ მიუთითებს , Xiaomi-ს მონაცემების შემგროვებლობაზე. ცხადია ჩინური მწარმოებელი კომპანიები კიდევ გააგრძელებენ Incognito-დან ინფორმაციის შეგორვებას სანამ მომხარებლები არ გათიშავენ იმ ე.წ Incognito Mode Data Collection-ს(და არამარტო). ეს კი ჩვეულებრივი საშუალო დონის მომხარებლისათვის არანაირად არაა სასარგებლო იქედან გამომდინარე რომ ძირითადად არ აინტერესებს ეს ჩართვა/გათიშვა როგორ ხდება და შეიძლება დატოვოს ჩართული, შემდგომ კი არც ისე კარგი რამ მოხდეს. ამას ემატება კიდევ ის რომ Xiaomi არის მეოთხე უდიდესი სმარტფონების მწარმოებელი თუ დავეყრდნობით Market Share-ის მონაცემებს. ამაში კი ცხადია მილიონობით მომხარებელი შედის. ღირს კი ჩვენი მონაცემების ასე მარტივად გადაცემა ამ კომპანიებისათვის , იაფი პროდუქციის ნაცვლად? ვიცი , რომ ძალიან ბევრი იტყვის რომ თუ Browser-შია პრობლემა უბრალოდ გამოცვალეო , ათასობით Browser-იაო , შეიძლება არის კი სხვა ბევრი უკეთესი, მაგრამ ფაქტია რომ ისევ Xiaomi-ს სმარტფონი გაქვს და მონაცემები მაინც შეგროვდება , რაც არ უნდა შეცვალოთ. Xiaomi ასევე მის თავს ინტერნეტ კომპანიას უწოდებს რადგანაც სმარტფონებიდან შემოსავალი ძალიან მცირე აქვთ. ამიტომ მათ რაიმეთი ხომ უნდა აუნაზღაურდეთ ეს ყველაფერი და აქედან გამომდინარე დაბალ ფასიანი სმარტფონის სანაცვლოდ აგროვებენ მონაცემებს. ჩნდება კითხვა, დამთავრდება თუ არა ეს ყველაფერი ოდესმე? ცხადია არა , ან იქამდე სანამ ეს კომპანია არ გაკოტრდება მაგრამ მეეჭვება. საბოლოო ჯამში 21-ე საუკუნეში თუ უსაფრთხოდ გინდათ იყოთ და დარწმუნდეთ იმაში , რომ თქვენს მონაცემებს ბოროტად არავინ შეაგროვებს და ცუდად არ იქნება გამოყენებული, მაშინ ჯობია სახლში ინეტერნეტი გათიშოთ და ყველა სოციალური ქსელი გააუქმოთ რადგანაც სხვანაირად ეს არ მოხერხდება. აქედან გამომდინარე მონაცემებს ყველა კომპანია აგროვებს მაგრამ Xiaomi-ს ზედმეტი მოუვიდა. თუ უსაფრთხოება გინდათ, 100%-ით დაცული ვერცერთ კომპანიასთან თანამშრომლობით იქნებით, მაგრამ არის ბევრი და საკმაოდ კარგი ვარიანტი ამ მხრივ. ამიტომაც არ მიკვირს , რომ ხალხი Apple-ის სმარტფონებისაკენ მიიწევსა. დანარჩენს მომავალი გვიჩვენებს და როგორც ყოველთვის, მადლობა ყურადღებსათვის Peace ✌#feedcgrantFeedc

დღეს ცნობილი გახდა, რომ უნგრული ავიაკომპანია Wizz Air-ი ქუთაისის აეროპორტში არსებულ ბაზას დროებით ხურავს. კომპანია მის ხელახალ გახსნას მხოლოდ რეგულარული საჰაერო მიმოსვლის აღდგენის შემდეგ მოახდენს. კომპანიის გადაწყვეტილების შესახებ BMG Wizz Air-ის კორპორატიული კომუნიკაციების უფროსს ანდრას რადოს ესაუბრა. მისი განცხადებით, ბაზის საქმიანობის დროებითი შეჩერება არ ნიშნავს იმას, რომ კომპანია იქ დასაქმებულ პირებს გაათავისუფლებს. ანდრას რადო, ასევე, ამბობს, რომ დასაქმებულებს Wizz Air-ის ქსელში ალტერნატიულ პოზიციებზე მუშაობას შესთავაზებენ. - რა გეგმები გაქვთ ქუთაისის ბაზასთან დაკავშირებით? - ჩვენ შევაჩერეთ ოპერაციები ქუთაისის ბაზიდან. ამ ეტაპზე, ჯერჯერობით, საკმაოდ ადრეა იმისთვის, რათა ჩვენი შემდგომი გეგმების შესახებ ვიმსჯელოთ. ვაკვირდებით მოვლენების განვითარებას, თუმცა ამ ეტაპზე თქვენთვის არაფრის დადასტურება არ შემიძლია. ჩვენ აბსოლუტურ პრიორიტეტს წარმოადგენს ის, რომ საქართველოს მოქალაქეებს ჩვენი სერვისი კვლავ შევთავაზოთ, ასევე, შევთავაზოთ თქვენ ქვეყანაში მგზავრობა უცხოეთის მოქალაქეებსაც, რათა ამით ხელი შეეწყოს თქვენს ეკონომიკას და ტურიზმის სექტორს. დროებით ვაუქმებთ ქუთაისის ბაზას და მას შემდგომი მითითებების მიღების შემდეგ აღვადგენთ. ყველა ადამიანი, რომელიც ქუთაისის ბაზაზე იყო დასაქმებული, შეინარჩუნებს სამსახურს და ჩვენ ამჟამად ჩვენს ქსელში ვეძებთ შესაბამის სამუშაო ადგილებს, რათა მათ შევთავაზოთ. ჩვენ არ ვხურავთ ქუთაისის ბაზას, ვაკვირდებით მიმდინარე მოვლენებს და როგორც მედიას, ასევე, მგზავრებს შესაბამის ინფორმაციას მივაწვდით. - რამდენი ხანი დარჩება ქუთაისის ბაზა დახურული? - ამას ვერ გეტყვით. ვაკვირდებით მოვლენების განვითარებას, ამასთან, მოწოდებული ვართ, რომ ბაზა ხელახლა გავხსნათ, რაზეც სხვადასხვა სტეიკჰოლდერებთან გვაქვს მოლაპარაკებები. - უკვე მოახდინეთ თუ არა ქუთაისის ბაზაზე მყოფი თვითმფრინავების რეალოკაცია? - დიახ, ჩვენ უკვე მოვახდინეთ იმ თვითმფრინავების რეალოკაცია, რომლებიც ქუთაისის ბაზაზე იყვნენ განთავსებული. უკვე რამდენიმე თვეა, რაც ეს თვითმფრინავები ქუთაისის ბაზაზე აღარ არიან. მათ კვლავ ქვეყანაში დავაბრუნებთ მას შემდეგ, რაც ოპერაციებს განვაახლებთ. კითხვაზე - თუ რა მოცულობის ზარალი მიადგა კომპანიას საქართველოს მთავრობის მიერ მიღებული იმ გადაწყვეტილების შედეგად, რომ ქვეყანაში რეგულარული საჰაერო ფრენების აღდგენა კიდევ ერთი თვით გადაიდო, ანდრას რადო არ აკონკრეტებს. მისი თქმით, ავიაკომპანია ყველა მგზავრს, რომელსაც ბილეთები იმ პერიოდისთვის აქვს შეძენილი, როდესაც საქართველოდან ფრენები არაა, ბილეთის ფასი 100%-ით აუნაზღაურდება. რადოს თქმითვე, ამ მგზავრებს თანხის სახით ბილეთის 100%-ის აღება, ხოლო სამგზავრო ვაუჩერის სახით კი, ბილეთის ღირებულების 120%-ის აღება შეეძლება.

დღეს ჩვენი მთავრობის ერთ-ერთი ყველაზე მნიშვნელოვანი განხილვის საგანი იქნება ის სოციალურ-ეკონომიკური ღონისძიებები, რომლებიც უკვე დავგეგმეთ, წარვუდგინეთ საზოგადოებას და ჩვენ მივიღებთ, დავაინიცირებთ როგორც საგადასახადო კოდექსში ცვლილებებს, ასევე მთავრობის დადგენილებას, – ამის შესახებ საქართველოს პრემიერ-მინისტრმა გიორგი გახარიამ მთავრობის სხდომის წინ გამართულ ბრიფინგზე განაცხადა. მისივე თქმით, საგადასახადო კოდექსში ცვლილებები შეეხება სახელმწიფო სუბსიდიას საშემოსავლო გადასახადზე სამუშაო ადგილების შენარჩუნების მიზნით, ხოლო მთავრობის დადგენილება მიმართული იქნება იმ სოციალური ღონისძიებების დასამტკიცებლად, რომელიც შემოსავლის გარეშე დარჩენილი ადამიანების მხარდაჭერას შეეხება. „საგადასახადო კოდექსში ცვლილებები შეეხება იმ მასტიმულირებელ ღონისძიებებს, რომლებიც იქნა მიღებული საშემოსავლო გადასახადის სუბსიდირების თვალსაზრისით კომპანიებისთვის, რაც პირდაპირაა მიმართული, რათა ქვეყანაში მაქსიმალურად შევინარჩუნოთ სამუშაო ადგილები. ხოლო მთავრობის დადგენილება მიმართული იქნება იმ სოციალური ღონისძიებების დასამტკიცებლად, რომელიც უკვე მივიღეთ და გულისხმობს როგორც ექვსი თვის განმავლობაში იმ მოქალაქეების მხარდაჭერას, რომელთაც სამსახური დაკარგეს, ისე მათ მხარდაჭერას, რომლებიც იყვნენ თვითდასაქმებულები. ჩვენ მაქსიმალურად გავამარტივებთ ამ მექანიზმებს და მერწმუნეთ ყველა ადამიანი, ვინც საბოლოო ჯამში დაკარგა შემოსავალი მიიღებს ასეთ მხარდაჭერას. გარდა ამისა, მოგეხსენებათ, რომ ექვსი თვის განმავლობაში 600 ლარის ოდენობის მხარდაჭერას მიიღებენ სოციალურად შეჭირვებული ოჯახები, რომელთა ქულებიც არის 65 000- დან 100 000-მდე და ეს შეეხება მრავალშვილიან ოჯახებს, შშმ პირებს, რომლებიც 16 წლამდე არიან და ყველა იმ ადამიანს, რომელსაც პირველ რიგში სახელმწიფოს მხრიდან სჭირდება მხარდაჭერა,” – განაცხადა პრემიერ-მინისტრმა.#კორონავირუსი #ეკონომიკა #დახმარება #გიორგიგახარია #tbilisidaily

კორონავირუსის პანდემიით დაზარალებულთათვის კონპენსაციის მიმღებთა რეგისტრაცია დღეიდან დაიწყო და პირველ ივლისამდე გაგრძელდება. ამ თემაზე ჯანდაცვის მინისტრის მოადგილე თამარ ბარკალაიამ ისაუბრა. კომპენსაციის მიმღები პირები ჯანდაცვის სამინისტროს ვებგვერდს უნდა ეწვიონ, სადაც სარეგისტრაციო პორტალის მეშვეობით შეუძლიათ გაიარონ რეგისტრაცია, პორტალზე რეგისტრაციის ვალდებულება მხოლოდ თვითდასაქმებულებს გააჩნიათ. დაქირავებით დასაქმებულებს, რომლებიც უმუშევრად დარჩნენ, ან უხელფასო შვებულებაში იმყოფებიან, ამ რეგისტრაციის გავლის ვალდებულება არ აქვთ, მათ ავტომატურად დაერიცხებათ შესაბამისი კომპენსაცია. თვითდასაქმებულებმა, რომლებიც შემოსავლების სამსახურში არიან რეგისტრირებულები და 2020 წლის აპრილიდან დაკარგეს შემოსავალი, დღეიდან 6 კვირის განმავლობაში უნდა შეავსონ განაცხადი ჯანდაცვის სამინისტროს ვებგვერდზე. ამ ჯგუფში შედიან მცირე ბიზნესის სტატუსის მქონე მეწარმე ფიზიკური პირები; პირები, რომლებიც ახორციელებენ ფიქსირებული გადასახადით დასაბეგრ საქმიანობას, მიკრო ბიზნესის სტატუსის მქონე პირები, ინდივიდუალური მეწარმეები. კომპენსაციის მისაღებად მათ არ დასჭირდებათ შემოსავლის წყაროების მტკიცებას წარდგენა, კომპენსაციის მიღების შესაძლებლობაზე, ეს პირები შეტყობინებას იღებენ გადასახადის გადამხდელის ავტორიზებულ გვერდზე. ფიზიკურმა პირმა უნდა შეავსოს შემდეგი ინფორმაცია: სახელი, გვარი და პირადი ნომერი, ასევე - საკონტაქტო მონაცემები, საბანკო ანგარიშის რეკვიზიტები. გარდა ამისა, უნდა ატვირთოს მაგალითად - რომელიმე შემდეგი დოკუმენტი - გადასახადის გადამხდელად რეგისტრირებული პირის (გარდა არამეწარმე ფიზიკური პირისა) მიერ გაცემული პირველადი საგადასახადო დოკუმენტი, რომლითაც შემოსავლის მიღების ფაქტი დასტურდება - ეს არის წერილობითი დოკუმენტი, რომლითაც შესაძლებელია საქონლის მიწოდების, მომსახურების გაწევის მონაწილე მხარეთა ინდენტიფიცირება, ეს შეიძლება იყოს შესყიდვების აქტი, მიღება-ჩაბარების აქტი ან სხვა. ასევე, 2020 წლის პირველი სამი თვის საბანკო ამონაწერი, რომლითაც დასტურდება ეკონომიკური საქმიანობიდან მიღებული შემოსავალი და ეკონომიკური სარგებელი. მუნიციპალიტეტის ან სხვა ადმინისტრაციული ორგანოს მიერ პირზე გაცემული რაიმე საქმიანობის დამადასტურებელი ცნობა, ნებართვა, ან ლიცენზია - საქართველოში რეგისტრირებული იურიდიული პირის მიერ გაცემული დოკუმენტი, რომლითაც დასტურდება პირის ეკონომიკური საქმიანობა და/ან შემოსავალი. ასევე - ნებისმიერი სხვა დოკუმენტი, რომლითაც დაადასტურებენ ეკონომიკურ სარგებელს, განაცხადს განიხილავს დასაქმების სააგენტოში არსებული სამუშაო ჯგუფი და გადაწყვეტილებას იღებს ჯანდაცვის მინისტრის ბრძანებით შექმნილი უწყებათაშორისი კომისია. მიღებული ანგარიში დამუშავდება და კომპენსაცია გადაირიცხება არაუგვიანეს 10 სამუშაო დღისა. იმ ადამიანებს, რომელთაც ელექტრონული რეგისტრაციის გავლის საშუალება არ აქვთ, შეუძლიათ, მიმართონ დასაქმების სააგენტოს ან სოციალური მომსახურების სააგენტოს სერვისცენტრებს.

საქართველოში კვების ობიექტებში დღეიდან ყველა სახის მომსახურება აღდგება. მათ შორის, დასაშვები იქნება მოქალაქეთა მომსახურება დახურულ სივრცეში. საზოგადოებრივი კვების ობიექტებისთვის მოთხოვნები საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის, ეკატერინე ტიკარაძის ბრძანებით განისაზღვრა. დახურულ სივრცეში კვების ობიექტებს ყველა იმ რეკომენდაციის დაცვა მოუწევთ, რაც ღია სივრცეში, თუმცა, დახურული სივრცისთვის იმოქმედებს დამატებით რამდენიმე რეგულაცია. რეკომენდაციები რამდენიმე ნაწილისგან შედგება. მათ შორის ძირითადი რეკომენდაციებია: ადამიანთა თავშეყრის თავიდან აცილების მიზნით, მომხმარებელთა მიღება უზრუნველყოფილი უნდა იყოს წინასწარი დაჯავშნის სისტემის გამოყენებით (წინასწარი ჩაწერით მომსახურება), ხოლო იმ შემთხვევაში თუ: მომსახურებას იღებს ადგილზე მიტანის სერვისის წარმომადგენელი (იურიდიული პირის წარმომადგენელი), მოცდის პროცესი უნდა განხორციელდეს შენობის გარეთ, შესაბამისი უსაფრთხო დისტანციის დაცვით; იმ შემთხვევაში კი, თუ მომსახურებას იღებს ფიზიკური პირი, ნებადართულია მოცდა დახურულ სივრცეში პირბადის გამოყენებით და სოციალური დისტანციის შესაბამისი ნორმების დაცვით. ამასთან, წინასწარ უნდა განისაზღვროს სტუმართათვის ადგილი, (იატაკის მონიშვნით და დისტანციის დაცვით); ასევე მიეწოდოს ინფორმაცია დასაქმებულებსა და მომხმარებლებს ვირუსთან დაკავშირებული პრევენციული ღონისძიებების შესახებ; უზრუნველყოფილი იყოს დასაქმებულთა და მომხმარებელთა ყოველდღიური ვიდეოსკრინინგი ან თერმოსკრინინგი; ასევე, ობიექტებმა უნდა აკონტროლონ დასაქმებულთა და მომხმარებელთა რაოდენობა; განათავსონ დეზობარიერი შესასვლელში, შესაბამისი სავალდებულო ნიშნის მითითებით; სალაროსთან დაამონტაჟებული უნდა იყოს დამცავი გამჭვირვალე ბარიერი – მომხმარებელთან პირდაპირი კონტაქტის თავიდან არიდების მიზნით. „სამუშაო ადგილზე უზრუნველყავით ხელის პერიოდული დეზინფექციისთვის საჭირო სულ მცირე, 70% ალკოჰოლის შემცველი ხელის დასამუშავებელი ხსნარის ან ანალოგიური ეფექტის მქონე სხვა სადეზინფექციო ხსნარის განთავსება; უპირატესობა მიანიჭეთ უნაღდო ანგარიშსწორებას“, – აღნიშნულია ჯანდაცვის სამინისტროს რეკომენდაციებში. რეკომენდაციებში ცალკე არის მოცემული მოთხოვნები ღია სივრცის (ტერასა/ვერანდა/ღია რესტორანი) მქონე საზოგადოებრივი კვების ობიექტებისთვის: მომხმარებელთა მაგიდებს შორის დაიცავით უსაფრთხო მანძილი, არანაკლებ ორი მეტრისა; სკამების საზურგეებს შორის – მანძილი არანაკლებ ერთი მეტრისა; ერთ მაგიდასთან მოათავსეთ არა უმეტეს ექვსი მომხმარებლისა; დამატებით, გამონაკლისის სახით შესაძლებელია 12 წლამდე მოზარდის ერთ მაგიდასთან განთავსება; იმ შემთხვევაში, თუ ვერ ხერხდება ორ მეტრიანი უსაფრთხო დისტანციის დაცვა, შესაძლებელია, გამოყენებულ იქნას დროებითი დამცავი ბარიერი. გამოიყენეთ ინდივიდუალური გამასპინძლების მეთოდი; სასმელებით მომსახურების სივრცეში (ბარი), ბარმენებთან მომხმარებლების პირდაპირი კონტაქტის თავიდან აცილების მიზნით, სასმელით მომსახურება უზრუნველყავით ინდივიდუალურად, მაგიდასთან მიტანის სერვისით; უზრუნველყავით შენობების გარეთ მაგიდებსა და საფეხმავლო სივრცეს შორის უსაფრთხო დისტანციის დაცვა. შემდეგი მოთხოვნებია დაწესებული დახურული სივრცის მქონე საზოგადოებრივი კვების ობიექტებისთვის: დარბაზში უზრუნველყოფილი უნდა იყოს მაგიდების და დასაჯდომი ადგილების განლაგება შემდეგი მოთხოვნების გათვალისწინებით: მაგიდებს შორის დაიცავით უსაფრთხო მანძილი, არანაკლებ ორი მეტრისა; ერთ მაგიდასთან განთავსებულ მომხმარებლებს შორის უზრუნველყოფილი უნდა იყოს არანაკლებ ერთ მეტრიანი დისტანცია; ერთი ადამიანის განთავსებისთვის საჭირო ფართობი უნდა შეადგენდეს არანაკლებ 2,25მ2-ს; სკამის საზურგეებს შორის მანძილი არანაკლებ ერთი მეტრი; ერთ მაგიდასთან მოათავსეთ არა უმეტეს ექვსი მომხმარებლისა; გამონაკლისი სახით შესაძლებელია, ოჯახის წევრებისა და 12 წლამდე მოზარდის ერთ მაგიდასთან განთავსება; იმ შემთხვევაში, თუ ვერ ხერხდება ორ მეტრიანი უსაფრთხო დისტანციის დაცვა, შესაძლებელია, გამოყენებულ იქნას დროებითი დამცავი ბარიერი. ამასთან: 30 მ2-მდე საერთო სასადილო ფართში დაუშვებელია დამცავი ბარიერების გამოყენება; 31 მ2-დან ზემოთ შესაძლებელია დამცავი ბარიერების გამოყენება საერთო სასადილო ფართის არაუმეტეს 50%-ში (ამ შემთხვევაში, ერთი ადამიანის განთავსების ფართობი უნდა იყოს არანაკლებ 1,8მ2). დახურული სივრცეები უზრუნველყავით ბუნებრივი ვენტილაციით. თუ ამის შესაძლებლობა არ არის, გამოიყენეთ ხელოვნური ვენტილაცია, გარედან შემოსული ჰაერის მომატებული კონცენტრაციით, ცირკულაციითა და გარეთ გატანით. დააწესეთ საინჟინრო კონტროლი მის გამართულ მუშაობაზე; გამოიყენეთ ინდივიდუალური გამასპინძლების მეთოდი; უზრუნველყავით სტუმრებისთვის ბეჭდური (ერთჯერადი) მენიუს შეთავაზება. ელექტრონული მენიუს შეთავაზების შეთხვევაში, მენიუს დაფასთან ხელების ჰიგიენური დამუშავებისთვის განათავსეთ სადეზინფექციო საშუალებები, სათანადო სავალდებულო ნიშნის მითითებით; სასმელებით მომსახურების სივრცეში (ბარი), ბარმენებთან მომხმარებლების პირდაპირი კონტაქტის თავიდან აცილების მიზნით, სასმელით მომსახურება უზრუნველყავით ინდივიდუალურად, მაგიდასთან მიტანის სერვისით; ამ წესის მოთხოვნების საილუსტრაციოდ, სავალდებულოა მაგიდების განლაგებისა და დისტანციის მარკირება, შესაბამისი აღნიშვნებით. ჭურჭლის ხელით რეცხვისას დაცული უნდა იყოს შემდეგი პროცედურები: სამზარეულოს ჭურჭლის რეცხვა და შრობა უნდა ხორციელდებოდეს სპეციალურად გამოყოფილ ზონაში: ჭურჭელი მექანიკურად უნდა გათავისუფლდეს საჭმლის ნარჩენებისგან; გაირეცხოს არანაკლებ 400 C ტემპერატურის წყლითა და სარეცხი საშუალებების გამოყენებით პირველ სამზარეულოს ნიჟარაში; გაირეცხოს ხელმეორედ არანაკლებ 400 C ტემპერატურის წყლითა და უფრო ნაკლები რაოდენობის სარეცხი საშუალების გამოყენებით მეორე სამზარეულოს ნიჟარაში; გაივლოს არანაკლებ 650 C ტემპერატურის ცხელი გამდინარე წყლით; დაიწრიტოს და გაშრეს საწრეტზე; წვრილმანი ინვენტარი – დაფები, ნიჩბები, სათქვეფები და სხვა, ცხელი წყლით გარეცხვის შემდეგ უნდა გაშრეს. სამზარეულოს ჭურჭელი ირეცხება ცხელ წყალში სარეცხი საშუალებებით. ჭურჭელი უნდა გაივლოს არანაკლებ 650 C-იან ცხელ წყალში და დაიწრიტოს; ხელით რეცხვისას გათვალისწინებულ უნდა იქნეს სამგანყოფილებიანი ნიჟარები სასადილო ჭურჭლისათვის და ორგანყოფილებიანი შუშის ჭურჭლისა და სასადილო მოწყობილობებისათვის. დასაშვებია, შეზღუდული ასორტიმენტის ორგანიზაციებში სასადილო ჭურჭლისა და მოწყობილობების რეცხვა ორგანყოფილებიან სამზარეულოს ნიჟარებში; ლუდის ბარებში ჭიქები და ბოკალები ირეცხება არანაკლებ 45-500 C ტემპერატურის ცხელი წყლითა და სარეცხი და სადეზინფექციო საშუალებების გამოყენებით; სარეცხ განყოფილებებში კედელზე უნდა გაიკრას ინსტრუქცია ჭურჭლისა და ინვენტარის რეცხვის წესების შესახებ, გამოყენებული სარეცხი და სადეზინფექციო საშუალებების კონცენტრაციების მითითებით. მაგიდის გადასაფარებლებისა და ხელსახოცების ჰიგიენური რეჟიმის დაცვის წესი კი, შემდეგნაირია: გამოიყენეთ მაგიდის ერთჯერადი გადასაფარებლები, ან მაქსიმალურად შეზღუდეთ მათი გამოყენება, რადგან სასადილო მაგიდების წმენდა და დეზინფექცია ყოველი მოხმარების შემდგომ უფრო მოსახერხებელი და ჰიგიენურად კეთილსაიმედოა; გამოყენებული ხელსახოცების შეგროვება მოხდეს სპეციალურად ამ მიზნისთვის განკუთვნილ ტომარაში ან სხვა თავდახურულ მოცულობაში. დასუფთავება და დეზინფექცია: გაამკაცრეთ დასუფთავების და დეზინფექციის ზომები საერთო სივრცეებში (საპირფარეშოები, დერეფნები, დარბაზები, ლიფტები და ა. შ.). დასუფთავებისთვის დააწესეთ პერიოდული ორ საათიანი რეჟიმი; დასუფთავებისას განსაკუთრებული ყურადღება მიაქციეთ იმ საგნებს, რომლებსაც ხშირად ეხებიან ხელით, როგორიცაა: სახელურები, ლიფტის ღილაკები, ჩამრთველები, კარის ღილაკები და ა.შ.; დასუფთავებაზე პასუხისმგებელ პერსონალს დამატებით ჩაუტარდეთ შესაბამისი ინსტრუქტაჟი; ნებისმიერი დასუფთავების საშუალება (მაგ. იატაკის საწმენდი ტილო), რომელიც დამზადებულია მატერიისგან, გამოყენების შემდეგ გარეცხეთ სადეზინფექციო საშუალებებით; არაფოროვან საწმენდ მასალებს გაუკეთეთ დეზინფექცია 0.5% ნატრიუმ ჰიპოქლორიტის ხსნარით ან სხვა ქლორის შემცველი ხსნარით, კანონმდებლობის შესაბამისად; საერთო სარგებლობის სივრცეების დალაგება/დეზინფექცია უნდა მოხდეს სველი წესით, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის No 01-123/ო ბრძანების ახალი კორონავირუსით (SARS-CoV-2) გამოწვეული ინფექციის (COVID-19) გავრცელების პრევენციისა და მართვის უზრუნველყოფის მიზნით გასატარებელ ღონისძიებათა შესახებ სათანადო დანართის შესაბამისად. გაიდლაინში ასევე გაწერილია ის ვალდებულებები, რომლებიც დამსაქმებლმა უნდა შეასრულოს: განათავსეთ თვალსაჩინო ადგილას განცხადებები „კოვიდ-19“-ის პრევენციული ღონისძიებების შესახებ; ობიექტის შესასვლელში, დასაქმებულებისა და სტუმრებისთვის, განათავსეთ ხელის ანტისეპტიკური საშუალებები; უზრუნველყავით დასაქმებულთა და სტუმართა ხელის ჰიგიენა: წყლითა და თხევადი საპნით; უზრუნველყავით სამუშაო ადგილებზე ერთჯერადი ხელსახოცების განთავსება; დასაქმებულები უზრუნველყავით, სამუშაოს სპეციფიკიდან გამომდინარე, აუცილებელი ინდივიდუალური დაცვის საშუალებებით (ხელთათმანები, პირბადეები, დამცავი ფარები/ სათვალეები, წინსაფრები, სპეცფეხსაცმელი); ყოველი მომხმარებლის გამასპინძლების შემდგომ, მოახდინეთ მაგიდების წმენდა სადეზინფექციო ხსნარის გამოყენებით; მიაწოდეთ ინფორმაცია დასაქმებულებს ინდივიდუალური დაცვისა და ჰიგიენური საშუალებების სწორად გამოყენებასა და შემდგომში მათ შენახვა/მოცილებაზე; პერიოდულად, დღეში რამდენჯერმე (არანაკლებ ორ საათიანი ინტერვალები), გაანიავეთ სამუშაო სივრცეები; უზრუნველყავით ხშირად შეხებადი ზედაპირების (მათ შორის კარების სახელურების, ჩამრთველ/გამომრთველი ღილაკების) დასუფთავება რამდენჯერმე დღეში (ორ საათიანი ინტერვალებით) შესაბამისი კონცენტრაციის სადეზინფექციო ხსნარით; უზრუნველყავით დასაქმებულთა/მომხმარებელთა მიერ გამოყენებული ერთჯერადი ხელსახოცებისა თუ სხვა გამოყენებული ჰიგიენური ნარჩენებისთვის დახურული კონტეინერების განთავსება, რომელშიც ჩაფენილი იქნება ერთჯერადი პლასტიკური პარკი. ნარჩენების პარკის ამოღება და განკარგვა მოახდინეთ ერთჯერადი ხელთათმანების გამოყენებით. უზრუნველყავით ასეთი ნარჩენების დროული გატანა შესაბამისი პირის/სამსახურის მიერ; ყოველი სამუშაო დღის შემდგომ უზრუნველყავით სამუშაო სივრცის სველი წესით დალაგება სადეზინფექციო საშუალებების გამოყენებით; უზრუნველყავით სპეცტანსაცმლის ცენტრალიზებული რეცხვის შესაძლებლობა; გაზრდილი სიხშირით განახორციელეთ ყველა იმ ზედაპირის და ინვენტარის რეცხვა-დეზინფექცია, რომელსაც შეხება აქვს სურსათთან; გამოიყენეთ ყველა სადეზინფექციო და სარეცხი საშუალებებისათვის დაშვებული მაქსიმალური კონცენტრაცია; დამსაქმებელი ვალდებულია, განახორციელოს მონიტორინგი ამ წესით განსაზღვრული რეკომენდაციების შესრულებაზე. ამასთან, გაწერილია დასაქმებულთა ვალდებულებებიც: დაიცავით ჰიგიენის წესები თქვენს სამუშაო ადგილზე; სამუშაოების შესრულებისას გამოიყენეთ სრულად ის ინდივიდუალური დაცვის საშუალებები, რომლებიც დამსაქმებელმა მოგაწოდათ; სამუშაოს დამთავრებისას სადეზინფექციო საშუალებებით დაასუფთავეთ სამუშაო ადგილები და ის ხელსაწყოები, რომელსაც იყენებთ სამუშაო პროცესის მიმდინარეობისას; ხელის ჰიგიენა ჩაიტარეთ ხშირად; გამოიყენეთ სპირტის შემცველი ხელის საწმენდი საშუალებები იმ შემთხვევაში, თუ ვერ ახერხებთ ხელების დაბანას და გაშრობას. გახსოვდეთ, რომ ხელების დაბანა საპნითა და წყლით არის უპირატესი; მოერიდეთ ხელებით თვალებზე, ცხვირზე და პირზე შეხებას. მუშაობის პერიოდში უზრუნველყავით თმის შეკვრა/მჭიდროდ დამაგრება, რათა მაქსიმალურად შეიზღუდოს თმების სახის ზედაპირთან შეხება (შესაძლებელია ჩაჩის, ან სპეციალური თავსაბურავის გამოყენება); ხელთათმანების შეცვლა მოახდინეთ ხშირად. შეცვლისას აუცილებელია ხელების დაბანა. ხელთათმანები არ განიხილოთ როგორც ხელების დაბანის შემცვლელი საშუალება. ხელების დაბანა უფრო ეფექტური დამცავი ბარიერია ინფექციისთვის, ვიდრე ერთჯერადი ხელთათმანი; ხელთათმანები შეცვალეთ არასასურსათო პროდუქტთან დაკავშირებული სამუშაოების ჩატარების შემდეგ, მაგალითად ხელით კარების გახსნა / დახურვა და ყუთების დაცლა. საქართველოში ღია სივრცის მქონე საზოგადოებრივი კვების ობიექტებმა მუშაობა პირველი ივნისიდან განაახლეს.