კორონავირუსმა მთელი მსოფლიოს დღის წესრიგი სულ რამოდენიმე თვეში შეცვალა. გადაიხედა მიდგომები, გამოიკვეთა უამრვი სისტემური ხარვეზი. აქამდე არსებული გმირები ანტიგმირებად იქცნენ და პირიქით. საინტერესოა, როდესაც კორონავირუსი დასრულდება, როგორ განვითარდება მოვლენები? თუმცა ამ ეტაპზე, ამის შესახებ მხოლოდ ვარაუდები არსებობს. საქართველოს მაგალითზე რომ ვიმსჯელოთ და მოვლენები საწყისამდე დავიყვანოთ მივხვდებით, რომ რიგ საკითხთა გამოხატულება (ფორმულირების ცვლის მიუხედავად) უცვლელად რჩება, რაც უალტერნატივო კრიტიკას, გაიდეალების შემდგომ ლაფში ამოსვრასა და სხვა დეტალებში გამოვლინდა. ხელისუფლება, რომელიც 2 წლის განმავლობაში ხალხისაგან გადადექის, ბიზნესისაგან გაგვათავისუფლეს, ხოლო ოპოზიციისაგან "2020-ში დაგასრულებთს" ისმენდა, სულ რამოდენიმე ხანში კორონაციის ერთ-ერთ კანდიდატად იქცა. საწყის ეტაპზე, დაპანიკებული ხალხისათვის ერთადერთი იმედი დღეში 2-ჯერ ბრიფინგების მოსმენა და მედპერსონალის განცხადება იყო. ბიზნესიც, როგორც ერთადერთ დამხმარეს, სახელმწიფოს აღიარებდა, რაც მათ ანტიკრიზისულ გეგმაში კარგად აისახა. რაც შეეხება ოპოზიციას, მიუხედავად კონკრეტული ადამიანების კრიტიკისა, (ვიმეორებ, საწყის ეტაპზე) კონსტრუქციული დიალოგიც შეინიშნებოდა. აღსანიშნავია, რომ აქამდე ნაკლებად ცნობილი იმნაძის, გამყრელიძის და ცერცვაძის სახით დაბნეულმა მოსახლეობამ ახალი გმირები შეიძინა. თუმცა, რაც უფრო ნელდებოდა პანიკა, სხვადსხვა ჯგუფები თუ კონკრეტული პირები, ცდილობდნენ ხარვეზები გამოევლინათ ზემოთხსენებულთა საქმიანობაში და კორონაციის მეჯლისი მასკარადად ექციათ. ახლა, როდესაც ვირუსის პანიკა თითქოს გადაილახა, ხალხში მეორე ტიპის, სრულიად ლეგიტიმური პანიკა აღმოცენდა, რომელსაც უსახსრობის შიში ჰქვია. ამ დროს ავანსცენაზე გამოდის ყველა აქამდე მივიწყებულ პირთა არმია და ცდილობს საკუთარი სიტყვა კრიტიკით და ხარვეზების დადგენით დატოვოს. საინტერესოა, კრიტიკის და ჭიდილის გარდა თუ იქნება არგუმენტები და როდის გაგვაცნობენ პრობლემის უფრო ეფექტურად გადაჭრის გზებს ? პანიკის განეიტრალებამ წინ გაუსწრო პრობლემის სრულიად გადალახვას, სწორედ ამიტომ უკვე არაერთი მანიფესტაცია გაიმართა. ამ დროს კი ოპოზიციასა და ხელისუფლებას შორის მიდის დავა არა პრობლემის ეფექტიან გადაწყვეტაზე, არამედ იმაზე, თუ ვისი წაქეზებულია ხალხის პროტესტი. ფაქტია, რომ რამდენიც არ უნდა იდავონ, პოსტკორონას ეტაპისათვის შემზადება, რესურსების სწორად გადანაწილება და უმუშევართა დახმარება ახლა ყველაზე მნიშვნელოვანია. საინტერესოა, როდესაც ყველაფერი დასრულდება, როგორ გადაფასდება გმირებისა და ანტიგმირების ტენდენცია ?! შეგახსენებთ, რომ ამჟამად საქართველოში 589 დადასტურებული შემთხვევა გვაქვს. აქედან 221 გამოჯანმრთელებული და 9 გარდაცვლილია. კარანტინის რეჟიმში 5260 ხოლო სტაციონარული მეთვალყურეობის ქვეშ 553 ადამიანი იმყოფება. ასევე უცხოეთიდან სამკურნალოდ გადმოყვანილის -3 შემთხვევა ფიქსირდება. #კორონავირუსი #კორონაცია #გმირი #ანტიგმირი #ხელისუფლება #ოპოზიცია#პოლიტიკა #ეკონომიკა #უსახსრობა #TbilisiDaily

პაატა იმნაძე – დაავადებათა კონტროლის ეროვნული ცენტრის ხელმძღვანელის მოადგილე აღნიშნული განცხადება, პაატა იმნაძემ “ფეისბუქის” საკუთარ გვერდზე გააკეთა. ჩემი ვარაუდით მაისის პირველ რიცხვებში Covid19 დამარცხებული იქნება! შეგახსენებთ, რომ 10 აპრილის მონაცემებით, საქართველოში COVID-19 ის 234 შემთხვევაა დადასტურებული. მათ შორის 54 პაციენტი ვირუსისგან სრულად განიკურნა. ქვეყნის მასშტაბით გარდაცვალების სამი შემთხვევა ფიქსირდება. კარანტინის რეჟიმში იმყოფება 4908 მოქალაქე, ხოლო სტაციონარში მეთვალყურეობის ქვეშ – 429. 30 მარტს საგანგებოდ გამართულ ბრიფინგზე, პრემიერ-მინისტრმა გიორგი გახარიამ განცხადება გააკეთა. მისი თქმით, კორონავირუსით ინფიცირების ზრდის დინამიკა შემაშფოთებელია. მთავრობის მეთაურმა ადმინისტრაციაში გამართულ ბრიფინგზე, ასევე, ის შეზღუდვები ჩამოთვალა, რომლებიც, საყოველთაო კარანტინის ფარგლებში ამოქმედდება. საქართველოში 30 მარტს, მთელი ქვეყნის მასშტაბით საყოველთაო კარანტინი და ე.წ. კომენდანტის საათი გამოცხადდა. პრემიერ-მინისტრის განცხადებით, შეიქმნება მთავრობის ცხელი ხაზი – 144, რომელიც იქნება უფასო და მოქალაქეებს ნებისმიერ საკითხზე კოორდინაციას გაუწევს. კარანტინისა და თვითიზოლაციის წესის დარღვევის განმეორებით შემთხვევაში, დამრღვევ პირს სასჯელის ზომად განესაზღვრება შინაპატიმრობა ან თავისუფლების აღკვეთა ერთი წლის ვადით. მსოფლიოს მასშტაბით კორონავირუსით ინფიცირებულთა რაოდენობამ 1,633,448 მიაღწია. გარდაიცვალა 97,602 ადამიანი, გამოჯანმრთელდა 366,673 პაციენტი. #politics #news #opinion #coronavirus Tbilisi Kutaisi Batumi Sokhumi

საქართველოში კორონავირუსისგან 26 პაციენტი კი გამოჯანმრთელდა და ექვსი ახალი შემთხვევა გამოვლინდა ამის შესახებ ინფორმაცია მთავრობის მიერ შექმნილ სპეციალურ ვებგვერდზე, stopcov.ge-ზე ცოტა ხნის წინ განახლდა. შესაბამისად, ამ დროისთვის საქართველოში კორონავირუსის 677 შემთხვევაა დადასტურებული. მათ შორის გამოჯანმრთელებულია 419 მოქალაქე. ამასთან, კორონავირუსის შედეგად გარდაცვლილია 12 პაციენტი. უცხოეთიდან სამკურნალოდ გადმოყვანილია საქართველოს სამი მოქალაქე. კარანტინის რეჟიმში იმყოფება 3873, ხოლო სტაციონარში მეთვალყურეობის ქვეშ – 393 პირი. #News#კორონავირუსი#საქართველო# გამოჯანმრთელებული#Dailynews#newsdaily

stopcov.ge-ს მონაცემებით, საქართველოში კორონავირუსის დადასტურებული შემთხვევა 75-მდე გაიზარდა. კორონავირუსის გავრცელების სურათი კი საქართველოში ასეთია: კორონავირუსის დადასტურებული შემთხვევა – 75 მათ შორის გამოჯანმრთელებული – 10 კარანტინის რეჟიმში – 4055 სტაციონარში მეთვალყურეობის ქვეშ – 252#stopcovid19 #coronavirus #covid19 #georgia

საქართველოში "კოვიდ-19" კიდევ 23-მა პაციენტმა დაამარცხა. ოფიციალური ვებგევრდზე stopcov.ge განახლებული ინფორმაციის მიხედვით ამ ეტაპზე უკვე 207 გამოჯანმრთელებული პაციენტია. კორონავირუსის დადასტურებული შემთხვევა ამ ეტაზპე 566-ია. მათ შორის გარდაიცვალა - 6. კარანტინის რეჟიმში 5,320 ადამიანი, სტაციონარში მეთვალყურეობის ქვეშ კი - 548 იმყოფება. უცხოეთიდან სამკურნალოდ გადმოყვანილია საქართველოს 3 მოქალაქე.

საქართველოში კორონავირუსისგან 69 პაციენტი გამოჯანმრთელდა. ამის შესახებ ინფორმაცია მთავრობის სპეციალურ ვებგვერდზე, stopcov.ge-ზე ცოტა ხნის წინ განახლდა. ვებგვერდის ინფორმაციით, ამ დროისთვის საქართველოში კორონავირუსის 296 შემთხვევა არის დადასტურებული, მათ შორის გამოჯანმრთელდა 69 პაციენტი. ამასთან, უცხოეთიდან სამკურნალოდ გადმოყვანილია საქართველოს სამი მოქალაქე. კორონავირუსის შედეგად ქვეყანაში სამი პაციენტი გარდაიცვალა. კარანტინის რეჟიმში 4856 მოქალაქე იმყოფება, ხოლო სტაციონარში მეთვალყურეობის ქვეშ – 458.#კორონავირუსი #კოვიდ19 #საქართველო #გამოჯანმრთელებული

საქართველოში კორონავირუსისგან კიდევ 23 პაციენტი გამოჯანმრთელდა. კარანტინის რეჟიმში 5320 მოქალაქე იმყოფება, ხოლო სტაციონარში მეთვალყურეობის ქვეშ – 548. ინფორმაცია მთავრობის სპეციალურ ვებგვერდზე, stopcov.ge-ზე ცოტა ხნის წინ განახლდა. ამ დროისთვის საქართველოში კორონავირუსის 566 შემთხვევაა დადასტურებული, მათ შორის გამოჯანმრთელდა 207 პაციენტი. ამასთან, უცხოეთიდან სამკურნალოდ გადმოყვანილია საქართველოს სამი მოქალაქე. კორონავირუსის შედეგად ქვეყანაში ექვსი პაციენტი გარდაიცვალა.#კორონავირუსი #გამოჯანმრთელებული #პანდემია #tbilisidaily