გორის რომელ სოფელში მოეწყობა სასმელი წყლის სისტემა?

გორის მუნიციპალიტეტის სოფელ ხიდისთავში სასმელი წყლის სისტემის მოწყობა იგეგმება. პროექტის განსახორციელებლად მშენებელი კომპანიის შერჩევისთვის გორის მერიამ ტენდერი უკვე გამოაცხადა. სამუშაოების შესყიდვის სავარაუდო ღირებულება 1 888 150 ლარია. ტენდერების ელექტრონულ სისტემაში შესაბამისი წინადადებების მიღება 16 ივლისს დაიწყება. პროექტის მიხედვით, ტენდერში გამარჯვებულ კომპანიას დაევალება სოფელ ხიდისთავში ახალი რკინა-ბეტონის წყალმიმღებისა და შიდაგამანაწილებელი ქსელის მოწყობა ინდივიდუალური მრიცხველებით. სოფელი ხიდისთავი ამჟამად სასმელი წყლით ატენის ტერიტორიაზე არსებული სათავე ნაგებობიდან მარაგდება. სოფელში 1300 ოჯახი ცხოვრობს 4000 სულით. #სიახლეები #დღისსიახლეები #გორისმერია #goridaily #ახალიამბები