8 votes
0 comments
0 shares
Save
გიორგი გახარია -როცა მივდივართ მასობრივი თავშეყრის ადგილებზე,არ ნიშნავს,რომ გმირები ან თამამები ვართ
116 views
Mediamall
Tbilisi · 3 months ago

როცა ჩვენ მივდივართ მასობრივი თავშეყრის ადგილებზე, ეს იმას არ ნიშნავს, რომ გმირები ან თამამები ვართ, -ამის შესახებ პრემიერ-მინისტრმა გიორგი გახარიამ საგანგებო ბრიფინგზე განაცხადა.

მისივე თქმით, ეს ნიშნავს იმას, რომ ჩვენ უბრალოდ პატივს არ ვცემთ იმ ადამიანებს, რომლებიც ჩვენ გვერდით არიან, პატივს არ ვცემთ ჩვენს მშობლებს და ჩვენი ოჯახის წევრებს.

"მინდა თითოეულ ჩვენს მოქალაქეს მოვუწოდო, რომ ჩვენი ნაბიჯი დღეს არ ნიშნავს მხოლოდ პასუხისმგებლობას ჩვენს ჯანმრთელობასა და ჩვენს სიცოცხლეზე. ეს ნიშნავს პასუხისმგებლობას ჩვენს გვერდზე მდგომი, ჩვენი ოჯახის წევრების, ჩვენი მეზობლის, ჩვენი მოქალაქის, ჩვენი კოლეგის და საბოლოო ჯამში, ქვეყნის ჯანმრთელობასა და მომავალზე",- განაცხადა გახარიამ.

#covid19 #coronavirus #stopcovid19 #georgia #pm

m


Mediamall
Tbilisi · 3 months ago
Similar Posts
Pirveliradio Ge
Tbilisi · 3 months ago
როდესაც მივდივართ მასობრივი თავშეყრის ადგილებზე, ეს იმას არ ნიშნავს, რომ ჩვენ გმირები ვართ
როდესაც მივდივართ გარკვეული მასობრივი თავშეყრის ადგილებზე, ეს იმას არ ნიშნავს, რომ ჩვენ ყველაზე გმირები, ან თამამები ვართ. ეს ნიშნავს იმას, რომ ჩვენ უბრალოდ პატივს არ ვცემთ იმ ადამიანებს, რომლებიც ჩვენს გვერდით არიან - ამის შესახებ საქართველოს პრემიერ-მინისტრმა გიორგი გახარიამ კორონავირუსთან დაკავშირებით მოქმედი უწყებათაშორისი საკოორდინაციო საბჭოს სხდომის შემდეგ გამართულ ბრიფინგზე განაცხადა. „ჩვენ, უკვე, რამდენიმე დღეა, დაახლოებით ერთი კვირაა ვამბობთ და ვცდილობთ, გავაფრთხილოთ ჩვენი თითოეული მოქალაქე, რომ როდესაც ვსაუბრობთ შიდა გადაცემაზე, ვსაუბრობთ სახელმწიფოს იმ შეზღუდულ რესურსზე, უბრალოდ სწრაფად გამოავლინოს ინფიცირების წყარო, აქ უაღრესად მნიშვნელოვანია ჩვენი მოქალაქეების თვითშეგნება, სამოქალაქო პასუხისმგებლობა და როდესაც მივდივართ გარკვეული მასობრივი თავშეყრის ადგილებზე, ეს იმას არ ნიშნავს, რომ ჩვენ ყველაზე გმირები, ან თამამები ვართ. ეს ნიშნავს იმას, რომ ჩვენ უბრალოდ პატივს არ ვცემთ იმ ადამიანებს, რომლებიც ჩვენს გვერდით არიან, ეს ნიშნავს იმას, რომ ჩვენ პატივს არ ვცემთ ჩვენს მშობლებსა და ოჯახის წევრებს, - განაცხადა გახარიამ.
Pirveliradio Ge
Tbilisi · 3 months ago
სადაც შესაძლებელია, რომ რელიგიური რიტუალები აღვასრულოთ სახლში, მოდით ეს გავაკეთოთ სახლში - გახარია
სადაც შესაძლებელია, რომ რელიგიური რიტუალები აღვასრულოთ სახლში, მოდით ეს გავაკეთოთ სახლში - ამის შესახებ საქართველოს პრემიერ-მინისტრმა, გიორგი გახარიამ ტელეკომპანია „იმედზე“, გადაცემა „ღია ეთერში“ განაცხადა. მისივე თქმით, საბოლოო ჯამში, ჩვენ ამით ვზრუნავთ ერთმანეთზე და ამ ქვეყანაზე. „არ მინდა ახლა დღესასწაულებზე საუბარი, რადგან ჯერ კიდევ სამი კვირაა და ვნახოთ, ფრთხილი ძალიან, ძალიან ფრთხილი, გარკვეული იმედები გვაქვს, რომ სიტუაცია შეიძლება გამოსწორდეს, თუმცა, ეს არ იქნება მარტივი. მე ვუყურებ როგორც ვითარდება ეკლესიის მიდგომაც, თუნდაც ის სტანდარტები და მოთხოვნები, რომელსაც დღეს ეკლესია ადგენს სოციალური დისტანციის ნაწილში. ვიცი, რომ იყო მკაფიო მოწოდებები, რომ საეკლესიო მსახურების დროს, როდესაც ამის საშუალება არ არის ეკლესიის შიგნით, ვიყოთ ეზოში და კიდევ ბევრი რამ, მაგრამ სახელმწიფოს რეკომენდაცია არის აბსოლუტურად ერთმნიშვნელოვანი – გავუფრთხილდეთ ჩვენი მოქალაქის ჯანმრთელობას და სიცოცხლეს, გავითვალისწინოთ ჯანდაცვის სამინისტროს, ისევე როგორც დაავადებათა კონტროლის ეროვნული ცენტრის რეკომენდაციები. გავუფრთხილდეთ, რაც მთავარია, ერთმანეთს, მეზობლებს, მეგობრებს, მშობლებს, შვილებს. იქ სადაც შესაძლებელია, რომ რელიგიური რიტუალები აღვასრულოთ სახლში, მოდით ეს გავაკეთოთ სახლში. ეს არის მთავრობის რეკომენდაცია, ეს არის ჩვენი პასუხისმგებლობა, რომ ვიზრუნოთ თითოეული ადამიანის ჯანმრთელობასა და სიცოცხლეზე და არა მხოლოდ მის ჯანმრთელობასა და სიცოცხლეზე, არამედ, მისი ახლობლების და მისი გარემოცვის ჯანმრთელობასა და სიცოცხლეზე. საბოლოო ჯამში, ჩვენ ამით ვზრუნავთ ერთმანეთზე და ამ ქვეყანაზე“,- განაცხადა პრემიერმა.
Mediamall
Tbilisi · 3 months ago
Fox News:მსოფლიოში კორონავირუსით გარდაცვლილთა რიცხვის ზრდის ფონზე,საქართველომ სასწაულად აიცილა მსხვე
Fox News - მსოფლიოში კორონავირუსით გარდაცვლილთა რიცხვი იზრდება, გასაოცარია, მაგრამ ერთ ქვეყანაში მსხვერპლი არ არის - ეს საქართველოა - ამის შესახებ ნათქვამია Fox News-ის მიერ გამოქვეყნებულ სტატიაში. „ჩვენ დროულად და უყოყმანოდ განვახორციელეთ მტკიცე და გადამწყვეტი ქმედებები. არა მხოლოდ დავიწყეთ ყველა ჩამომსვლელისთვის ტემპერატურის შემოწმება, არამედ 28 იანვარს ავკრძალეთ ფრენები ყველა იმ ქვეყნიდან, სადაც ვირუსი მასშტაბურად გავრცელდა, რამაც საერთაშორისო ფრენების სრულ აკრძალვამდე მიგვიყვანა. ჩვენ ასევე დავხურეთ სკოლები მარტის შუა რიცხვებში და საჯარო შეკრებები შევზღუდეთ“, - განაცხადა გიორგი გახარიამ. სტატიაში აღნიშნულია, რომ COVID-19-ის პირველი შემთხვევა ქვეყანაში 26 თებერვალს დადასტურდა, როდესაც აზერბაიჯანის საზღვარზე ირანიდან მომავალ საქართველოს მოქალაქეს ვირუსი დაუდგინდა. 3 აპრილის მდგომარეობით, საქართველოში კორონავირუსით ინფიცირების 148 შემთხვევა დაფიქსირდა, 27 გამოჯანმრთელდა და რომ გასაოცარი შედეგია ის, რომ არც ერთი ადამიანი არ გარდაცვლილა. „შორს ვართ იმის თქმისაგან, რომ ვირუსის გავრცელება შეჩერებულია, მაგრამ მაქსიმუმი გავაკეთეთ გავრცელების მრუდის გაბრტყელებისთვის. ჩვენ მიგვაჩნია, რომ სიტუაცია სტაბილიზირებულია. არ შეგვიძლია გადაჭარბებულად მოქმედება ან არაგონივრული ნაბიჯების გადადგმა. ჩვენ გავაგრძელებთ მუშაობას ჩვენს ექსპერტებთან საქართველოს დაავადებათა კონტროლის ეროვნული ცენტრის ლუგარის ლაბორატორიაში და ჯანდაცვის სხვა საერთაშორისო ორგანიზაციებთან, რათა განვსაზღვროთ, თუ როდის უნდა მოხდეს საქართველოში შეზღუდვების მოხსნა“, - აღნიშნა გიორგი გახარიამ. სტატიაში აღნიშნულია, რომ ქვეყანამ ფატალური შემთხვევები აიცილა, თუმცა ქვეყნის ეკონომიკას - რომელიც შეფასებულია, როგორც განვითარებადი თავისუფალი ბაზარი - დიდი დარტყმა მიადგა. „რა თქმა უნდა, ჩვენს მიერ გადადგმულ ნაბიჯებს ეკონოიკური შედეგი ჰქონდა. ისევე როგორც თითქმის ყველა ქვეყანამ, დავაწესეთ სოციალური დისტანცირების აუცილებლობა და დავხურეთ ყველა არაგადაუდებელი ბიზნესი,“ -განაცხადა გიორგი გახარიამ. სტატიაში აღნიშნულია, რომ საქართველოს მეზობელ ქვეყნებში : თურქეთში, სომხეთში, აზერბაიჯანსა და რუსეთში, ჯამში, დაინფიცირების 23 500 შემთხვევაა დადასტურებული და გარდაცვლილია 372 ადამიანი. „საქართველოსთვის ყველაზე მნიშვნელოვანი დროული, გადამწყვეტი მოქმედება და ჩვენს მოქალაქეებთან მუდმივი კომუნიკაციის დამყარებაა. ქვეყნის დახურვის შესახებ გადაწყვეტილების მიღება იოლი არ იყო. ავკრძალეთ სოციალური ღონისძიებები, შეკრებები, დავხურეთ სკოლები მარტის შუა რიცხვებში. ათასობით ჩვენი მოქალაქე საკარანტინო შენობებში გადავიყვანეთ და ღამის საათებში მოძრაობა სრულად ავკრძალეთ,“- აღნიშნა გიორგი გახარიამ. შეგახსენებთ, ბოლო მონაცემებით საქართველოში კორონავირუსის 155 შემთხვევაა დადასტურებული, აქედან გამოჯანმრთელებულია 28 პაციენტი. საქართველო ერთ-ერთი ქვეყანაა მსოფლიოში, სადაც კორონავირუსით ამ დრომდე არავინ დაღუპულა.#foxnews #georgia #stopcovid19 #coronavirus #covid19 #gakharia
Mediamall
Tbilisi · 3 months ago
კორონავირუსით გარდაცვალების შემთხვევამ უნდა დაგვანახოს,დაგვარწმუნოს,რომ ამ ბრძოლაში კომპრომისი არაა
გარდაცვალების ამ შემთხვევამ უნდა დაგვარწმუნოს, რომ ამ ბრძოლაში კომპრომისი არ არსებობს და ნაბიჯების სიმკაცრე არ არის ვიღაცის სურვილი, ეს არის ის ტრაგიკული აუცილებლობა, რომელიც თითოეულმა ჩვენგანმა უნდა დაიცვას, - ამის შესახებ პრემიერ-მინისტრმა გიორგი გახარიამ ჟურნალისტებს განუცხადა. მისი თქმით, ყველა მოქალაქეს უნდა ესმოდეს, რომ პასუხისმგებლები ვართ მოხუცების წინაშე და მომხდარი ფაქტი საგანგაშოა. პრემიერმა არ გამორიცხა, რომ შეზღუდვებთან დაკავშირებით ღონისძიებები კიდევ უფრო გამკაცრდეს. „დღეის მდგომარეობით გვყავს 157 ინფიცირებული. მათგან 9 არის ახალი შემთხვევა, მათგან 1 აჭარაში და გვყავს სამწუხაროდ 1 გარდაცვლილი. ეს გახლავთ ბოლნისის კლასტერიდან მოხუცებული ქალბატონი, 79 წლის, თანმდევი ქრონიკული დაავადებებით, რომლის სიცოცხლის გადასარჩენად ჩვენმა ექიმებმა გააკეთეს ყველაფერი, მაგრამ სამწუხაროდ, ეს არის ტრაგიკული შემთხვევა და სწორედ მსგავსი შემთხვევების მინიმიზაციისთვის ვდგამთ მკაცრ ნაბიჯებს. მინდა ხაზგასმით აღვნიშნოთ, რომ ამ შემთხვევამ უნდა დაგვანახოს და დაგვარწმუნოს, რომ ამ ბრძოლაში კომპრომისი არ არსებობს და ნაბიჯების სიმკაცრე არ არის ვიღაცის სურვილი, ეს არის ის ტრაგიკული აუცილებლობა, რომელიც თითოეულმა ჩვენგანმა უნდა დაიცვას. ყველას უნდა გვესმოდეს, რომ პასუხისმგებლები ვართ პირველ რიგში, ჩვენი მშობლების, მოხუცებულების წინაშე და ეს ფაქტი, რომელიც მოხდა, არის უკიდურესად საგანგაშო. ეს არის ის ზარი, რომელიც ყველა მოქალაქემ უნდა გაითვალისწინოს. არანაირი კომპრომისი ადამიანების სიცოცხლესთან დაკავშირებით არ იქნება. თუ შემდგომი ღონისძიებების გამკაცრება იქნება საჭირო, ჩვენ ამ ღონისძიებებს გავამკაცრებთ,“ - განაცხადა გახარიამ. პრემიერმა გარდაცვლილის ოჯახს სამძიმარი გამოუცხადა.#covid19 #coronavirus #stopcovid19 #georgia
Mediamall
Tbilisi · 3 months ago
გიორგი გახარია სააღდგომო ლიტურგიაზე - მე, როგორც ერთი ცალკე აღებული ქრისტიანი, ამას თვალყურს ვადევნე
მე, როგორც ერთი ცალკე აღებული ქრისტიანი, ამ ყველაფერს თვალყურს ვადევნებ სახლიდან, ტელევიზორით და ჩვენს მოქალაქეებს მოვუწოდებ, რომ ყველა ასე მოვიქცეთ, - ასე უპასუხა ჟურნალისტების კითხვას პრემიერ-მინისტრმა გიორგი გახარიამ იმასთან დაკავშირებით, დაესწრება თუ არა ის სააღდგომო ლიტურგიას. გახარია დარწმუნებულია, რომ ისინი ამ შემთხვევაშიც იპოვიან ისეთ გამოსავალს, რომელიც ისტორიას, ეკლესიასა და დღევანდელ რეალობას შეეფერება. „მე მესმის, რომ ბევრს უნდა ეკლესიისთვის უკიდურესად მნიშვნელოვან დოგმატურ საკითხებზე და მთავრობისთვისაც უკიდურესად მნიშვნელოვან ადამიანის სიცოცხლისა და ჯანმრთელობის საკითხებზე კონფლიქტური და დაპირისპირების საკითხები შემოიტანოს. არ იქნება ეს ასე. ჩვენ ეკლესიასთან ერთად ყოველთვის ვიპოვით იმ დაბალანსებულ გამოსავალს, რომელიც ჩვენი მოქალაქის სიცოცხლისა და ჯანმრთელობის ინტერესში იქნება და ასევე ჩვენი უძველესი ეკლესიის ინტერესსაც გაითვალისწინებს. მე, როგორც ერთი ცალკე აღებული ქრისტიანი, რა თქმა უნდა, ამას ყველაფერს თვალყურს ვადევნებ სახლიდან ტელევიზორით. ეს ჩემი სამოქალაქო პასუხისმგებლობაა, როგორც ცალკე აღებული მოქალაქის, ისევე როგორც მთავრობის ხელმძღვანელის და თითოეულ ჩვენს მოქალაქეს მოვუწოდებ, რომ ყველა მოვიქცეთ ასე. ჩვენ ჩვენი რწმენა შეგვიძლია ისე აღვასრულოთ, რომ დავიცვათ და გავუფრთხილდეთ ჩვენი ოჯახის წევრების, მეზობლების, მშობლების ჯანმრთელობასა და სიცოცხლეს. დარწმუნებული ვარ, რომ ჩვენ აქაც ვიპოვით ისეთ გამოსავალს როგორიც ჩვენ ისტორიას, ჩვენს ეკლესიას და ჩვენს დღევანდელობას შეეფერება“,-განაცხადა გიორგი გახარიამ
Mediamall
Tbilisi · 3 months ago
გიორგი გახარია სააღდგომო ლიტურგიაზე - მე, როგორც ერთი ცალკე აღებული ქრისტიანი, ამას თვალყურს ვადევნე
მე, როგორც ერთი ცალკე აღებული ქრისტიანი, ამ ყველაფერს თვალყურს ვადევნებ სახლიდან, ტელევიზორით და ჩვენს მოქალაქეებს მოვუწოდებ, რომ ყველა ასე მოვიქცეთ, - ასე უპასუხა ჟურნალისტების კითხვას პრემიერ-მინისტრმა გიორგი გახარიამ იმასთან დაკავშირებით, დაესწრება თუ არა ის სააღდგომო ლიტურგიას. გახარია დარწმუნებულია, რომ ისინი ამ შემთხვევაშიც იპოვიან ისეთ გამოსავალს, რომელიც ისტორიას, ეკლესიასა და დღევანდელ რეალობას შეეფერება. „მე მესმის, რომ ბევრს უნდა ეკლესიისთვის უკიდურესად მნიშვნელოვან დოგმატურ საკითხებზე და მთავრობისთვისაც უკიდურესად მნიშვნელოვან ადამიანის სიცოცხლისა და ჯანმრთელობის საკითხებზე კონფლიქტური და დაპირისპირების საკითხები შემოიტანოს. არ იქნება ეს ასე. ჩვენ ეკლესიასთან ერთად ყოველთვის ვიპოვით იმ დაბალანსებულ გამოსავალს, რომელიც ჩვენი მოქალაქის სიცოცხლისა და ჯანმრთელობის ინტერესში იქნება და ასევე ჩვენი უძველესი ეკლესიის ინტერესსაც გაითვალისწინებს. მე, როგორც ერთი ცალკე აღებული ქრისტიანი, რა თქმა უნდა, ამას ყველაფერს თვალყურს ვადევნებ სახლიდან ტელევიზორით. ეს ჩემი სამოქალაქო პასუხისმგებლობაა, როგორც ცალკე აღებული მოქალაქის, ისევე როგორც მთავრობის ხელმძღვანელის და თითოეულ ჩვენს მოქალაქეს მოვუწოდებ, რომ ყველა მოვიქცეთ ასე. ჩვენ ჩვენი რწმენა შეგვიძლია ისე აღვასრულოთ, რომ დავიცვათ და გავუფრთხილდეთ ჩვენი ოჯახის წევრების, მეზობლების, მშობლების ჯანმრთელობასა და სიცოცხლეს. დარწმუნებული ვარ, რომ ჩვენ აქაც ვიპოვით ისეთ გამოსავალს როგორიც ჩვენ ისტორიას, ჩვენს ეკლესიას და ჩვენს დღევანდელობას შეეფერება“,-განაცხადა გიორგი გახარიამ
Pirveliradio Ge
Tbilisi · 1 month ago
შეზღუდვების გაუაზრებლად და ერთბაშად მოხსნა არის უპასუხისმგებლო ნაბიჯი - გახარია
შეზღუდვების გაუაზრებლად და ერთბაშად მოხსნა არის უპასუხისმგებლო ნაბიჯი - ამის შესახებ საქართველოს პრემიერ-მინისტრმა, გიორგი გახარიამ მთავრობის დღევანდელ სხდომაზე განაცხადა. მისი თქმით, შეზღუდვების გაუაზრებლად მოხსნა უპასუხისმგებლო ნაბიჯი იქნებოდა. „საბოლოო ჯამში, მინდა, გითხრათ, რომ საგანგებო მდგომარეობის გაუქმება, ისევე, როგორც კომენდანტის საათის გაუქმება, რა თქმა უნდა, ჩვენს ქვეყანაში აქტივობას, ქვეყანაში ჩვენი მოქალაქეების მობილობას გაზრდის. რა თქმა უნდა, ეს გვაძლევს შესაძლებლობას, ეკონომიკურად უფრო აქტიურები გავხდეთ, ეს გვაძლევს შესაძლებლობას, თითოეულ ოჯახში რაც შეიძლება სწრაფად დაბრუნდეს შემოსავალი. მაგრამ ამასთან ერთად ყველას უნდა გვახსოვდეს, რომ ეს ყველაფერი უნდა გავაკეთოთ ფრთხილად. გაუაზრებლად, ერთბაშად მოხსნა იმ შეზღუდვების, რომლებმაც მოგვცა შესაძლებლობა, ეფექტურად გვემართა ვირუსი, არის უბრალოდ უპასუხისმგებლო ნაბიჯი. შესაბამისად, ყველას კარგად უნდა გვესმოდეს, რომ ვერ მივცემთ ჩვენს თავს უფლებას, რომ ვირუსის გავრცელების კონტროლი ხელიდან გავუშვათ“, – აღნიშნა გიორგი გახარიამ.
Tbilisi Daily
Tbilisi · 3 weeks ago
გიორგი გახარია- „ქართული ოცნების“ ყველაზე მახასიათებელი ნიშანი არის მზრუნველობა
„ქართული ოცნების“ ყველაზე მახასიათებელი ნიშანი არის მზრუნველობა, მიუხედავად ყველა პრობლემისა, ამას ჩვენი მოქალაქეებიც ხედავენ, – ამის შესახებ საქართველოს პრემიერ-მინისტრმა, გიორგი გახარიამ საქართველოს პირველი არხის ეთერში, გადაცემა „თავისუფალ ხედვაში“ განაცხადა. გადაცემის წამყვანმა პრემიერ-მინისტრს მიმართა კითხვით, რატომ „ქართული ოცნება“. როგორც გიორგი გახარიამ აღნიშნა, შს მინისტრად მუშაობის დროს ნათლად დაინახა, რას ნიშნავს რიგითი მოქალაქისთვის ჰუმანურობის ის ხარისხი, რომელიც „ქართულმა ოცნებამ“ მოიტანა ქვეყანაში. „ხშირ შემთხვევაში, უფრო მეტსაც გეტყვით, ჰუმანურობის ეს ხარისხი ეფექტურობას ცოტა აზიანებდა, მაგრამ წინა წლების განმავლობაში ისეთი დათრგუნული იყო საზოგადოება, სოციალური ქსოვილი ამ ქვეყნის, რომ ჰუმანურობის ეს ხარისხი იყო აუცილებელი ჟანგბადი, რათა ადამიანს ამ ქვეყნის სრულფასოვან მოქალაქედ ეგრძნო თავი. რაღაც მომენტში „ქართულმა ოცნებამ“ გაიაზრა, რომ ჰუმანურობასთან ერთად ეფექტურობის ხარისხიც თუ არ გავზარდეთ, ეს ჩვენი მოქალაქე მოვა და მომკითხავს. ამ მოკითხვის ფასი დღეს და აქ იქნება ბევრად უფრო მნიშვნელოვანი, ვიდრე ეს ადრე ხდებოდა, რადგან მოქალაქეს უკვე გამოხატვის თავისუფლება აქვს უზრუნველყოფილი, მედია არის თავისუფალი, პენიტენციური სისტემა სულ სხვანაირად ფუნქციონირებს, საერთაშორისო დონეზე საქართველოს პროგრესი და ვალდებულებები ბევრად უფრო დიდია, საპარლამენტო სისტემა არის ბევრად ღია და ტელევიზიის დაარსება ქვეყანაში შესაძლებელია 24 საათში. თავისუფლების ხარისხი ამ ქვეყანაში არის ისეთი, რომლის შეზღუდვაც პრაქტიკულად არის შეუძლებელი. საქართველოს დემოკრატიული საზოგადოების ერთ-ერთი მახასიათებელი ნაწილია ძლიერი სამოქალაქო სექტორი, ეს ჩვენი მოქალაქეები არიან, რომლებმაც უკვე იგრძნეს გადაწყვეტილების მიღების პროცესში მათი ჩართულობის მნიშვნელობა და, რომლებმაც ნაწილობრივ ეს პასუხისმგებლობა თავის თავზე აიღეს. სწორედ ამიტომ „ქართული ოცნება“. იმიტომ, რომ „ქართულმა ოცნებამ“ შეძლო ქვეყნისთვის 2012 წლის შემდგომ, რვაწლიანი მშვიდი, სტაბილური განვითარების შესაძლებლობა მიეცა და სწორედ ამ სტაბილური, მშვიდი განვითარების შემდგომი გაგრძელება უნდა იყოს 2020 წლის არჩევნების შედეგები. რა თქმა უნდა, მომავალი ოთხი წელი, უპირველეს ყოვლისა, უნდა იყოს დახარჯული სრულად კონცენტრირებულად ეკონომიკური მიმართულებით. ჩვენ უნდა შევძლოთ ჩვენი მოქალაქის შემოსავლების ზრდა. ყველას კარგად უნდა გვესმოდეს, რომ ჩვენი ქვეყნის დემოკრატიზაციის შემდგომი განვითარება, ეკონომიკური განვითარების გარეშე უკიდურესად რთული იქნება. ამიტომ ჩვენ დემოკრატიზაციის პროცესში, რაღაც მიმართულებებით, ვიწყებთ ეკონომიკურ განვითარებას. ახლა ჩვენი, სრული, კონცენტრირებული მუშაობა უნდა იყოს ეკონომიკური განვითარების მიმართულებით, რათა ქართული ეკონომიკა, ევროპული ეკონომიკის ნაწილი გახდეს. ეს არის ჩვენი ძირითადი ამოცანა. ჩვენ უნდა შევძლოთ, რომ ქვეყანაში სამუშაო ადგილების შექმნა იყოს იმდენად დინამიური, რომ ჩვენს მოქალაქეებს არ უწევდეთ ასე ხშირად საზღვარგარეთ წასვლა. ჩვენი განათლების სისტემა უნდა იყოს ბევრად უფრო ორიენტირებული იმ ბიზნესის, ეკონომიკის მოთხოვნებზე, რომელიც არსებობს და კიდევ ბევრი ზრდის წერტილები გვაქვს, რომელზეც ერთობლივად უნდა ვიმუშაოთ“, – განაცხადა გიორგი გახარიამ.
Mediamall
Tbilisi · 3 months ago
კორონავირუსის საწინააღმდეგო ვაქცინა მზად არის
მეცნიერი გიორგი ბაბუაძე, რომელიც კანადაში მეცნიერთა ჯგუფთან ერთად ახალი კორონავირუსის ვაქცინის შექმნაზე მუშაობს, აცხადებს, რომ ვაქცინა მზად არის. როგორც გიორგი ბაბუაძე განმარტავს, ვაქცინაზე მუშაობა პანდემიის გამოცხადებიდან ერთ კვირაში დაიწყო და აღნიშნული ვაქცინის ცხოველებზე გამოცდა ჯერ არ დასრულებულა. „ცხოველებზე ჯერ არ დასრულებულა ექსპერიმენტები. გამოცდა მიმდინარეობს სხვადასხვა მოდელის ცხოველზე. სრული პასუხი ყველა მოდელის ცხოველიდან გვექნება 15 ივნისისთვის... ჩვენ ვმუშაობთ მესამე ტიპის ვაქცინაზე, რომელიც არ საჭიროებს ცოცხალი ან ანტივირუსის შეყვანას ორგანიზმში. ეს არის კონკრეტული დნმ პლატფორმის მეშვეობით, კონკრეტული ვირუსის ანტიგენის შეყვანის მექანიზმი. რაკი პლატფორმა უკვე მზად იყო, ჩვენ მაშინვე შევუდექით ამ საქმეს და ორი თვეც არ დაგვჭირდა, მზად გვქონდა ვაქცინა. პრეკლინიკურ ფაზაში ვართ, ამას სჭირდება გარკვეული დრო. 30-40 დღე გვაშორებს პრეკლინიკური ფაზის საბოლოო პასუხებს, თუმცა ეს ხელს არ გვიშლის, კლინიკურ ფაზაში გადავიდეთ. კლინიკურ ფაზაზე გადასვლა შეიძლება მოხდეს პარალელურად ან მას შემდეგ, რაც გვექნება პირველი უჯრედული იმუნური პასუხი მაინც, 28 დღის შემდეგ პირველი ვაქცინაციიდან. უბრალოდ, ეს დაკავშირებულია დროსთან, ყველაფერს სჭირდება საბუთები, ფორმალობა, ოფიციალური მონაცემები, თანხები. ახლა ვაწარმოებთ ინტენსიურ მოლაპარაკებებს. დღესაც გვქონდა ჩართვა კანადის მთავრობასთან, არიან დაინტერესებული კომპანიები, უშუალოდ კანადის სახელმწიფოსაც დიდი ინტერესი აქვს ამ ვაქცინასთან დაკავშირებით და ველოდებით. ჯერ მიმდინარეობს თითოეული დეტალის განხილვა, რა გვჭირდება, რამდენად არის მზაობა ორივე მხრიდან. დაახლოებით ორ კვირაში გვეცოდინება, შევალთ თუ არა კლინიკურ ფაზაში ამ ერთი თვის განმავლობაში. დღევანდელი ტექნოლოგიები რომ არა, ვაქცინის დამზადებას დასჭირდებოდაა ათეულობით წლები. თუმცა, რაკი დღეს გვაქვს ასეთი ტექნოლოგიები, საზოგადოების მხარდაჭერა და სხვადასხვა ორგანიზაცია გამოთქვამს მზაობას, დახარჯონ შესაბამისი თანხები, ვიტყოდი, რომ კლინიკური ფაზის დასასრული შეიძლება ვივარაუდოთ სექტემბერში ან ოქტომბრის ბოლოსთვის“, - განაცხადა ბაბუაძემ. მისივე განმარტებით, კორონავირუსი მუტაციას საათების და დღეების მიხედვით არ განიცდის. ბაბუაძის განცხადებითვე, ვირუსმა მუტაცია შესაძლოა, წელიწადში, ორ წელიწადში, ათ წელიწადში განიცადოს და ეს მათ სამუშაო პროცესზე გავლენას არ ახდენს. მეცნიერ გიორგი ბაბუაძესთან ინტერვიუს საქართველოს საზოგადოებრივი მაუწყებელი ავრცელებს.#stopcovid19 #covid19 #coronavirus #georgia #pandemy #quarantine #კორონავირუსი #კოვიდ19
Tbilisi Daily
Tbilisi · 3 weeks ago
გიორგი გახარია - შევძელით გვემართა ვირუსის გავრცელება ქვეყნის მასშტაბით
მსგავსი სახის გლობალურ გამოწვევას, ვერც ერთი უწყება ცალკე აღებული და ვერც ერთი ქვეყანა ვერ გაუმკლავდება, ესაა გუნდური, კომპლექსური მუშაობა, არა მხოლოდ ხელისუფლების, არამედ სამოქალაქო საზოგადოებისაც, ყველასი ერთად , - ამის შესახებ საქართველოს პრემიერ-მინისტრმა გიორგი გახარიამ განაცხადა. მისი თქმით, ქვეყანამ შეძლო ვირუსის გავრცელების მართვა დროში და გეოგრაფიულად. „როდესაც ვუყურებთ იმ თვალსაჩინო შედეგებს, რომლებიც დღეს გვაქვს, ეს არ არის ის, რომ პანდემია ან ვირუსი დავამარცხეთ, ეს არის უბრალოდ ის, რომ შევძელით გვემართა ვირუსის გავრცელება ქვეყნის მასშტაბით, როგორც დროში, ისე გეოგრაფიულად“ , - აღნიშნა პრემიერმა. მთავრობის მეთაურის თქმით, მომავალი პოსტ-პანდემიური მსოფლიო იქნება სხვანაირი და საქართველოს შეუძლია კრიზისი გამოიყენოს შესაძლებლობად. „ეს იყო ერთობლივი შრომა. როდესაც ვამბობ, რომ ასე იქმნება წარმატებული სახელმწიფოები, ასე იქმნება კოორდინირებული თანამშრომლობის წარმატებული გამოცდილება სახელმწიფოს, სხვადასხვა უწყებების, სამოქალაქო სექტორის, ყველასი ერთად, სწორედ, ამას ვგულისხმობ, რომ აქ უბრალოდ შეუძლებელია ვინმემ ცალკე აღებულმა გაიმარჯვოს, კომპლექსური გამოწვევაა. შეუძლებელია საქართველომ ცალკე აღებულმა დაამარცხოს ვირუსი, ეს წარმოუდგენელია, ისევე როგორც შეუძლებელია დააღწიოს თავს ვირუსისგან გამოწვეული გლობალური ეკონომიკური კრიზისიდან. ესეც ჩვენს საერთაშორისო პარტნიორებთან ერთობლივი შრომის შედეგია. ეს არის ის რასაც ვგულისხმობ, როდესაც ვამბობ, რომ ასე იქმნება წარმატებული სახელმწიფოები. თვალსაჩინოა დღეს, რომ პოსტ-პანდემიური მსოფლიო იქნება სხვანაირი, მისი კონკურენტული გარემო იქნება სხვანაირი და, საერთოდ, გლობალური კონკურენცია სახელმწიფოთა შორის იქნება სხვანაირი და დღეს ჩვენ, ქართველებს, იმის გამო, რომ ეს 4 თვე საკმაოდ ეფექტურად გავიარეთ, შეგვიძლია ეს კრიზისი გამოვიყენოთ როგორც შესაძლებლობა - ჩვენი წარმატება მომავალ კონკურენტულ გარემოში ვაქციოთ ჩვენი ქვეყნის კონკურენტულ უპირატესობად, რაც უნდა იყოს ჩვენი ერთობლივი მიზანი,“- აღნიშნა პრემიერ-მინისტრმა საზოგადოებრივი მაუწყებლის ეთერში