იქიდან გამომდინარე, რომ კორონავირუსმა ყველას სახლში დარჩენა გვაიძულა, დრო ბევრი გვაქვს. ამ დროს როგორ გამოვიყენებთ, უკვე ჩვენი საქმეა. თუ ხართ ახალგაზრდა, მე-9, მე-10, ან მე-11 კლასის მოსწავლე და გსურთ, სწავლა ამერიკულ უნივერსიტეტებში გააგრძელოთ, BatumiDaily სტატიების ახალ სერიას გთავაზობთ. მე, დავით ჯინჭარაძე, ნიუ-იორკის უნივერსიტეტის სტუდენტი, მოგიყვებით საზღვარგარეთ ჩასარიცხად საჭირო ყველა კომპონტენტის შესახებ. დღეს დავიწყებთ SAT-ით. Scholastic Aptitude Test (SAT), მარტივად რომ ვთქვათ, ქართული უნარების გამოცდას ჰგავს. უფრო სწორედ, უნარები SAT-ის მოძველებული ვერსიაა. ამერიკულ უნივერსიტეტში საბაკალავრო დონეზე ჩასარიცხად, უნივერსიტეტების აბსოლუტური უმრავლესობა ითხოვს SAT-ს. ტესტის მაქსიმალური ქულა 1600-ია. ტესტი ორად იყოფა: ინგლისურის სექცია (800 ქულა) და მათემატიკის სექცია (800 ქულა). ტესტი, უმეტესწილად, გთხოვთ 5-დან ერთი სავარაუდო პასუხი ამოირჩიოთ. რა დონეზე უნდა ვიცოდეთ ინგლისური ტესტის დასაწერად? რაც უფრო კარგად ვიცით ინგლისური, მით უკეთესი. მაღალი B2 ან C1 დონე იდეალური იქნება. გაითვალისწინეთ, რომ ყველა მოსამზადებელი მასალა ინგლისურადაა და ისე უნდა მოემზადოთ, ვითომ მხოლოდ ინგლისური იცით. ტესტის ჩაბარება რამდენჯერმე შეიძლება და ამერიკელებიც მინიმუმ 2-3-ჯერ აბარებენ. ამიტომ, კარგია თუ მომზადებას 9-10 კლასებში დავიწყებთ, 11-12 კლასების მანძილზე კი რამდენჯერმე ჩავაბარებთ. ეს ტესტი ინტელექტს არ ზომავს, უფრო იმის განმსაზღვრელია, რამდენად წარმატებით შეგიძლიათ ტესტებისთვის მომზადება და მათი დაწერა. რა ითვლება კარგ შედეგად? საერთოდ, რაც უფრო პრესტიჟულ უნივერსიტეტში აბარებთ, მით უფრო დიდი ქულაა საჭირო. ეცდეთ, იყოთ მაქსიმალისტები და 1400-1500 ქულაზე გქონდეთ სწორება. როგორც წესი, მათემატიკის სექციასთან უცხოელ მოსწავლეებს ნაკლები პრობლემა ექმნებათ. პროგრამა მეტ-ნაკლებად ფარავს ქართული სკოლის 9-10 კლასების მასალას. ტესტის ნაწილში სამეცნიერო კალკულატორის გამოყენებაცაა დაშვებული. ინგლისურის სექციაში კი წაკითხული ტექსტის გააზრებისა და უცნობი სიტყვების მნიშვნელობის გარდა, ხშირად მთავარ სირთულეს შეცდომების გასწორებაც წარმოადგენს. უნარების სავარჯიშოსგან განსხვავებით, ამერიკულ უნარებში შეცდომის სავარაუდო ადგილი გახაზულია. მოსწავლემ ან უნდა შეასწოროს ეს ადგილი, ან აღნიშნოს, რომ წინადადება სწორადაა დაწერილი. სტატისტიკურად, ამ სავარჯიშოს მეტ-ნაკლებად წარმატებით შესასრულებლად ინგლისური გრამატიკის 10-12 წესის ცოდნა საკმარისია. წესების კარგი და მოკლე მიმოხილვა შეგიძლიათ იხილოთ, თუ აკრეფთ “10 grammar rules for SAT” - Google-ში. ტესტის მთელი შინაარის ერთ სტატიაში გადმოცემა ძალიან რთულია, თუმცა მოკლედ გეტყვით, როგორ მოემზადოთ SAT-ისთვის. პირველ რიგში, გჭირდებათ კარგი სახელმძღვანელო. ბევრი რესურსი ონლაინ ხელმისაწვდომია, პანდემიის დროს კი რამდენიმე წიგნსაცავმა ონლაინ წიგნების ნაწილი უფასოც გახადა. ამიტომ გირჩევთ, კარგად დაგუგლოთ ხელმისაწვდომი რესურსები. ჩემი რჩევაა, მიყვეთ Princeton Review-ს, ეს სახელმძღვანელო ძალიან მარტივად ხსნის ტესტის სპეციფიკას და ბევრ სავარჯიშოსაც გვთავაზობს. უფრო რთული, მაგრამ არანაკლებ სასარგებლოა Barron-ის სახელმძღვანელო. ბევრი კარგი რესურსი ხელმისაწვდომია ბათუმის ამერიკულ კუთხეშიც (საჯარო ბიბლიოთეკაში მდებარეობს). წიგნებთან ერთად, აუცილებელია სავარჯიშო ტესტების დაწერა. როდესაც თვლით, რომ ტესტი კარგად გაითავისეთ, შეგიძლიათ ამ ტესტებში მოსინჯოთ თავი. ჯერ გააკეთეთ პრინსტონისა და ბარონის წიგნის ტესტები. სულ ბოლოს კი შეგიძლიათ, SAT-ის ოფიციალურ საიტზე გამოქვეყნებული 10 ოფიციალური სავარჯიშო ტესტი დაწეროთ. ეს ტესტები ძალიან ახლოსაა რეალურ ტესტთან, ამიტომ ბოლოსთვის შემოინახეთ. დანიშნეთ 3 საათი და ზუსტად ისე მოიქეცით, როგორც რეალური ტესტის დროს. ითვლება, რომ მაქსიმალური ეფექტისთვის, თითოეული ტესტი მხოლოდ ერთხელ უნდა გაიაროთ. ტესტის ბოლოს კი სავარაუდო ქულის გამოთვლა შეგიძლიათ. ტესტები იხილეთ აქ: ტესტის ჩაბარება საქართველოში შესაძლებელია. ყველა ცენტრისა და ქალაქის ინფორმაციის სანახავად, უნდა გადაამოწმოთ ოფიციალური საიტი (collegereadiness.collegeboard.org), ერთ-ერთი ორგანიზაცია, რომელიც ამ ტესტს საქართველოში ატარებს არის ამერიკული საბჭოები (). ოფიციალურ საიტზე იპოვით ტესტის ფასის, თარიღებისა და ადგილების შესახებ დეტალურ ინფორმაციას. როგორც ადრე აღვნიშნე, ინგლისურის მაღალი დონე აუცილებელია ტესტის კარგად დასაწერად. თუმცა, თუ ხართ მე-9 ან მე-10 კლასში და ჯერ B1 დონე გაქვთ, ახლა კარგი დროა, რომ მომზადება დაიწყოთ. სანამ უშუალოდ ტესტის სპეციფიკას გაეცნობით, საჭიროა ინგლისურში კითხვის დონე აიმაღლოთ. ტესტისთვის აუცილებელია სწრაფად იკითხოთ და ზოგადი აზრი გამოიტანოთ. გირჩევთ, ბევრი ამერიკული ლიტერატურა იკითხოთ სხვადასხვა ჟანრში (ტესტის დროს 4-5 ტექსტის გააზრება მოგიწევთ, სხვადასხვა სფეროდან). სამეცნიერო და სოციალური საკითხების დასახვეწად კარგია The New York Times, The LA Times, Washington Post და სხვა ამერიკული მედია იკითხოთ. ნიუ-იორკ თაიმსის უპირატესობა ისაა, რომ ცალკე სექციები აქვთ მეცნიერების, სოციალური საკითხების, პოლიტიკისა და პოპ-კულტურს მიმართულებით. ერთი სიტყვით, იკითხეთ ბევრი. თუ უკვე მე-11 კლასში ხართ ან მე-12-ში გადადიხართ, ტესტის წარმატებით დასაწერად საჭიროა ყოველ დღე გამოყოთ 2-3 საათი. ამ დროის განმავლობაში გაეცანით ტესტს, ივარჯიშეთ და წარმატებას აუცილებლად მიაღწევთ!

„ საქართველოს, როგორც ტურისტულ მიმართულებას უკვე აქვს ერთი უნიკალური და ვფიქრობ საუკეთესო კონკურენტუნარიანი უპირატესობა, ეს საკარანტინო სივრცეებია. თითქმის 2 თვე გავიდა საკარანტინო სივრცეების შექმნიდან, ჯამურად ჩვენ ვსაუბრობთ 20 ათასამდე ადამიანზე, რომელმაც 14 დღიანი სავალდებულო კარანტინი უკვე გაიარა. ეს მნიშვნელოვანი პროექტი საქართველოს ტურიზმის ინდუსტრიის მიერ აღსრულდა. მოქალაქეები არამხოლოდ განთავსებულები იყვნენ სასტუმროებში, არამედ სასტუმროების მხრიდან მათ ყველა აუცილებელი სერვისი მსოფლიო ჯანდაცვის ორგანიზაციის სტანდარტებით მიეწოდებოდათ. ვფიქრობ, ამ პროექტის ღირებულება ვირუსის გავრცელების შეკავების გარდა არის ტურისტული ინდუსტრიის დახმარება და იმის ჩვენება მთელი მსოფლიოსთვის, რომ საქართველო ყველაზე სამაგალითო ტურისტული მიმართულებაა, რომელმაც პირველმა უკვე პრაქტიკაში მიიღო გამოცდილება და დაიცვა ყველა ის სტანდარტი, რომელთა განხორციელებაზეც სხვა ტურისტული მიმართულებები ახლა ფიქრობენ. ჩვენ მყარად ვართ დარწმუნებულები, რომ საქართველო გააგრძელებს პოზიციონირებას, როგორც მსოფლიოში უსაფრთხო ტურისტული მიმართულება“-განაცხადა მარიამ ქვრივიშვილმა. ტურიზმის ეროვნული ადმინისტრაციის ხელმძღვანელმა ონლაინ კონფერენციის მონაწილეებთან უსაფრთხო ტურისტული დერეფნების თემაზეც ისაუბრა. „მნიშვნელოვანია დროულად მოხდეს ქვეყნებს შორის შეთანხმება უსაფრთხო დერეფნების არსებობაზე, ეს საშუალებას მისცემს ორ ქვეყანას შემომყვანი და გამყვანი ტურიზმის კუთხით უსაფრთხოდ ორმხრივად განავითარონ ინდუსტრია. ჩვენ გვექნება ძალიან მკაცრი რეგულაციები ყველა საზღვარზე, აეროპორტში, ეს განხორციელდება მხოლოდ და მხოლოდ მოსახლეობის და მოგზაურების უსაფრთხოებისთვის “-განაცხადა მარიამ ქვრივიშვილმა. ის ჯორჯ ვაშინგტონის უნივერსიტეტის მკვლევარებს საქართველოს მთავრობის მიერ ტურიზმის ინდუსტრიაში ჩართული ადამიანების დახმარების პაკეტის შესახებაც ესაუბრა. “საქართველოს მთავრობისთვის ყველაზე პრიორიტეტულია და უკვე დაიდო შეთავაზების პაკეტი, თუმცა დღეს ის უკვე არის გადახედვის რეჟიმში. მიმდინარეობს პირდაპირი დიალოგი კერძო სექტორთან და მუშაობა მოკლე ვადაში გვქონდეს ყველა პროფესიაზე მორგებული დახმარების პაკეტი სასტუმროების, სარესტორნო ბიზნესის, გიდების, ტურისტული და სატრანსპორტო კომპანიებისთვის და ა.შ. ჩვენ გვჯერა, რომ ძლიერი კერძო სექტორი ნიშნავს ძლიერ ტურიზმის ინდუსტრიას. ამიტომაც დავაინიცირეთ კერძო სექტორთან პირდაპირი დიალოგი” - განაცხადა მარიამ ქვრივიშვილმა. პანელური დისკუსიები ვაშინგტონის უნივერსიტეტის მკვლევარებისა და მაღალი რანგის საჯარო და სამოქალაქო სფეროს წარმომადგენელი ქართველი სპიკერებისა და ექსპერტების მონაწილეობით, სხვადასხვა მნიშვნელოვან თემაზე ჩატარდა.

ამერიკის შეერთებული შტატების პრეზიდენტმა, დონალდ ტრამპმა თეთრ სახლში გამართულ ბრიფინგზე მედია გააკრიტიკა. ინფორმაციას ამის შესახებ გამოცემა „ჰილი“ ავრცელებს. „მე პრეზიდენტი ვარ, თქვენ კი – ყალბი მედია“, – მიმართა დონალდ ტრამპმა „ვაშინგტონ პოსტის“ ჟურნალისტს, ფილიპ რაკერს. აღნიშნული განცხადება აშშ-ის პრეზიდენტმა მას შემდეგ გააკეთა, რაც რეპორტიორებმა კითხვის ნიშნის ქვეშ დააყენეს საშინაო უსაფრთხოების დეპარტამენტის ანგარიში, რომელშიც გამოთქმულია ვარაუდი, რომ ახალი კორონავირუსის დაძლევა მაღალი ტემპერატურითა და ტენიანობით არის შესაძლებელი. „ეს არის ბრწყინვალე, ძალიან ჭკვიანი, ბრწყინვალე ადამიანის მხოლოდ ვარაუდი. ის საუბრობს მზეზე, ის საუბრობს სიცხეზე და თქვენ ხედავთ ციფრებს. სულ ეს არის, სულ ეს არის, რაც მაქვს. მე აქ ვარ მხოლოდ იმისთვის, რომ წარმოვადგინო ნიჭი, წარმოვადგინო იდეები“, – განაცხადა ტრამპმა. სხვა ჟურნალისტმა პრეზიდენტს ასევე დაუსვა კითხვა „სიენენის“ მიერ გავრცელებულ ინფორმაციასთან დაკავშირებით, რომლის თანახმადაც, ჩრდილოეთ კორეის ლიდერი გადატანილი ოპერაციის შემდეგ კრიტიკულ მდგომარეობაში იმყოფება. „ვფიქრობ, ეს ცნობა არასწორია. მე გავიგე, რომ მათ ძველი დოკუმენტები გამოიყენეს. ვიმედოვნებ, ეს იყო არასწორი ცნობა“, – აღნიშნა ტრამპმა. ამის შემდეგ კი, „სიენენის“ კორესპონდენტმა აშშ-ის ლიდერს ჰკითხა, ჰქონდა თუ არა მას კონტაქტი კიმ ჩენ ინთან, რაზეც დონალდ ტრამპმა ტელეკომპანიას ყალბი მედია უწოდა. „სიენენი“ ყალბი მედიაა, ნუ მესაუბრებით“, – მიმართა ტრამპმა რეპორტიორს.

3 წლის შემდეგ ჰაკერულმა დაჯგუფება Anonymousმა დუმილი დაარღვია. 1. მათ გატეხეს Mineappolis პოლიციის დეპარტამენტის ვებსაიტი. 2. დაჰაკეს ჩიკაგოს პოლიციის რადიოები და გაუშვეს სიმღერა “Fu*k The Police” 3. გვპირდებიან რომ გატეხავენ Ferguson პოლიციის დეპარტამენტს. 4. გამოააშკარავეს ტრამპის დოკუმენტები სადაც ჩანს ტრამპის კავშირები კრიმინალებთან. ასევე აცხადებენ რომ ხალხს ბრძოლაში უერთდებიან პოლიციის წინააღმდეგ და ამბობენ “ეს ჯერ დასაწყისია” #news

--------------------------------------------- მონაცემების გაჟონვის აღმოჩენაზე ორიენტირებული კომპანია Under the Breach-ზე დაყრდნობით ZDNet იტყობინება, რომ ჰაკერულ ფორუმზე საქართველოს მოქალაქეთა (ამომრჩევლების) ბაზა საჯაროდ დაიდო ჰაკერულ ფორუმზე. 1.04GB მოცულობის MDB (Microsoft Access database) ფორმატის ბაზა 4,934,863 ჩანაწერს მოიცავს. მასში თავმოყრილია საქართველოს მოქალაქეთა პერსონალური მონაცემები: სახელი, გვარი, მისამართი, დაბადების თარიღი, პირადი ნომერი და მობილურის ნომერი. აღსანიშნავია, რომ ბაზა მოიცავს გარდაცვლილი მოქალაქეების მონაცემებსაც (ამომრჩეველთა რაოდენობა საშუალოდ მხოლოდ 2.5 მილიონია). გაურკვეველია ბოროტმოქმედებმა აღნიშნული ბაზა voters.cec.gov.ge-ს ე.წ. სკრეიპინგის შედეგად წამოიღეს, თავად საიტი გატეხეს თუ ცესკოს ოფიციალური აპლიკაციიდან მოახერხეს მონაცემთა ბაზის ამოღება. შევნიშნავთ, რომ ეს საქართველოს მოქალაქეთა პერსონალური მონაცემების გაჟონვის ყველაზე ფართომასშტაბიანი შემთხვევაა. #politics #news #opinion #photo

როგორც იცით ობიექტივის ოფიციალური საიტი ჰაკერებმა გატეხეს. დღეს 26 მაისს მათ საიტზე ეს შეტყობინება გამოჩნდა. პატივისცემა ჩემგან ამ White Hat ჰაკერთა დაჯგუფებას!(@liens)👏👏 ##newsთავად იხილეთ:

მსოფლიოში ერთ-ერთი წამყვანი ანალიტიკური ცენტრის, ვაშინგტონის ახლო აღმოსავლეთის ინსტიტუტის ევროპული სამეზობლო ინიციატივის ფარგლებში ონლაინ პანელზე საქართველო COVID-19-ის გავრცელების წინააღმდეგ ბრძოლაში როგორც წარმატებული ქვეყნის მაგალითი წარადგინეს. ამის შესახებ ინფორმაციას საქართველოს ტურიზმის ეროვნული ადმინისტრაცია ავრცელებს. პანელური დისკუსია სახელწოდებით „COVID-19 შავიზღვისპირა რეგიონში: პოტენციური საფრთხეები და რეგიონული კოორდინაცია“ შავი ზღვის რეგიონში ჯანდაცვის, ეკონომიკისა და უსაფრთხოების სფეროში COVID-19-ის ვირუსით გამოწვეული პრობლემებისა და რეგიონული კოორდინაციის შესახებ 2 აპრილს მოეწყო. ტურიზმის ადმინისტრაციის ინფორმაციით, საერთაშორისო პანელურ დისკუსიაზე საქართველო, როგორც განსაკუთრებული ქეისის მქონე ქვეყანა მიიწვიეს. ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა მსოფლიოში წამყვან ექსპერტებს ახალი კორონავირუსის წინააღმდეგ ბრძოლაში საქართველოს მთავრობის მიერ გატარებული ღონისძიებები გააცნო. პანელში საქართველოს ტურიზმის ეროვნული ადმინისტრაციის ხელმძღვანელთან ერთად ახლო აღმოსავლეთის ინსტიტუტის, ჯონ ჰოპკინსის საერთაშორისო პოლიტიკის ინსტიტუტის, ბოსტონის უნივერსიტეტის საერთაშორისო მკვლევარები და უკრაინის ჯანდაცვის ყოფილი მინისტრი მონაწილეობდნენ. პანელის მოდერატორი ახლო აღმოსავლეთის ინსტიტუტის პრეზიდენტი იყო. „ახალი კორონავირუსის გავრცელების შესაკავებლად საქართველოს მთავრობამ ეფექტური და რაც მთავარია, მყისიერი რეაგირება მოახდინა. მთავრობამ ქვეყანაში ვირუსის შემოღწევამდე ძალიან მჭიდრო თანამშრომლობა დაიწყო მსოფლიო ჯანდაცვის ორგანიზაციასთან. მიღებულმა ზომებმა ჩვენი ყოველდღიური ცხოვრება შეცვლა. საქართველოს მთავრობამ მყისიერად შეაჩერა პირდაპირი საჰაერო მიმოსვლა იმ ქვეყნებთან, რომლებიც ახალი კორონავირუსის გავრცელების ცხელ წერტილებად გამოცხადნენ. შეიქმნა საკარანტინო ზონები, სადაც 14 დღის განმავლობაში გადაგვყავს თითოეული მგზავრი, რომელიც საქართველოს საზღვარს კვეთს. საქართველო აქტიური ტურისტული ქვეყანაა და შედეგად სასტუმროებში შექმნილ საკარანტინო ზონაში მყოფი მოქალაქეები თავს კომფორტულად გრძნობენ. საქართველო მთავრობამ გამოაცხადა საგანგებო მდგომარეობა, მკაცრი აკრძალვები დაწესდა გადაადგილების, ტრანსპორტის, შოპინგის და სხვა მიმართულებით. აღსანიშნავია, რომ მსოფლიო ჯანდაცვის ორგანიზაციამ საქართველოს ბრძოლა კორონავირუსის გავრცელების წინააღმდეგ ძალიან პოზიტიურად შეაფასა“, – განაცხადა მარიამ ქვრივიშვილმა. მისი თქმით, საქართველო მობილიზებულია და მთავრობას აქვს მყარი სტრატეგია, თუ როგორ შემცირდეს ახალი კორონავირუსის გავრცელება. „მოლოდინია რომ დაინფიცირების ციფრები გაიზრდება, თუმცა საქართველოს ხელისუფლება ყველაფერს აკეთებს, რათა მაქსიმალურად შეანელოს ზრდის ტემპი. საქართველოს მთავრობა აქტიურ საკომუნიკაციო კამპანიას ახორციელებს, რომ მოქალაქეებს ჰქონდეთ სწორი, მკაფიო ინფორმაცია, თუ რა არის მნიშვნელოვანი და რას უნდა მივაქციოთ ყურადღება, რადგან COVID-19-თან ბრძოლაში საჭიროა ორმხრივი პასუხისმგებლობა. მთავრობას აქვს სტრატეგია, რა უნდა გაკეთდეს, მაგრამ ამავდროულად, მოსახლეობამაც უნდა აიღოს პასუხისმგებლობა და დაიცვას სოციალური დისტანციის სტრატეგია, რომელიც მნიშვნელოვანია კორონავირუსის სამომავლო გავრცელების პრევენციისთვის“, – განაცხადა დისკუსიისას მარიამ ქვრივიშვილმა. ვაშინგტონის ახლო აღმოსავლეთის ინსტიტუტის ევროპული სამეზობლო ინიციატივის ფარგლებში საერთაშორისო ონლაინ პანელის მსვლელობისას ქვრივიშვილმა ექსპერტებს საქართველოს ხელისუფლების მიერ გატარებული ღონისძიებების სრულად გააცნო. ახლო აღმოსავლეთის ინსტიტუტი ვაშინგტონში 1946 წელს დაარსდა. ანალიტიკური ცენტრი საერთაშორისო ექსპერტებს აერთიანებს.#tourism #georgia #washingtondc #usa #georgia #coronavirus #covid19 #stopcovid19

1. ჰამბურგში კორონავირუსით ინფიცირებული გარდაცვლილების გვამის გაკვეთისას კორონავირუსის მიერ დატოვებული კვალი არის ნული და ყველას გარდაცვალების სხვა მიზეზი ან მიზეზები ჰქონდა; ჰამბურგი ერთადერთი ფედერალური მიწაა, სადაც გვამებს კვეთენ, მიუხედავად რობერტ კოხის ინფექციური დაავადებების ფედერალური ინსტიტუტის რეკომენდაციისა, რომ გვამები არ გაიკვეთოს; 2. პროფესორი ჰენდრიკ შტრიკი აცხადებს, რომ რობერტ კოხის და ჯონ ჰოპკინსის ინსტიტუტების კვლევის მეთოდოლოგია არის მცდარი, რადგან მათ ლეტალურობის დონე რეგისტრირებული და ტესტირების შედეგად დადასტურებული ინფიცირებულთა ციფრიდან გამოჰყავთ. მეცნიერული კვლევა კი მხოლოდ რეპრეზენტატული (წარმოამდგენლობითი) შეიძლება იყოს. შტრიკის ინსტიტუტმა ქალაქ ჰაიზენბერგში (გერმანიის ყველაზე მეტად დაინფიცირებული ქალაქი) გამოიკვლია 1000 მოქალაქე. ისინი ვირუსით ინფიცირებაზე და ასევე ვირუსის ანტისხეულების არსებობაზე შეამოწმეს, ანუ დაადგინეს ვის აქვს ვირუსი და ვინ უკვე გადაიტანა. აღმოჩნდა, რომ 15%-ს ვირუსი უკვე გადატანილი ჰქონდა ისე, რომ მათ არც იცოდნენ ამის შესახებ და არ იყვნენ მანამდე ტესტირებულნი ან რეგისტრირებულნი. 3. პროფესორი შტრიკი აცხადებს, რომ ქალაქ ჰაიზენბერგში მის ინსტიტუტის მიერ ჩატარებული მეცნიერული კველევის შედეგად გაირკვა, რომ ვირუსის ლეტალობა ქალაქ ჰაიზენბერგში 0.43%, ხოლო მთელი გერმანიის მასშტაბით კი 0,37%-ს შეადგენს და არა 3,4%-ს, როგორც ამას მსოფლიო ჯანდაცვის ორგანიზაცია ან 1,7%-1,9% როგროც ჯონ ჰოპკინსის ან რობერტ კოხის ინსტიტუტები აცხადებენ. 4. ვირუსი, რომელიც გერმანიაში იდენტურია იმისა, რაც არის ჩინეთში, იტალიაში, ნიუ-იორკში… განსხვავებები დათვალში და სტატისტიკაში არის გამოწვეული ტესტირების მეთოდებით და გარდაცვალების მიზეზების არასწორი იდენტიფიცირებით. იტალიაში სასუნთქი გზების ან ფილტვების დაავადებით ყველა გარდაცვლილს, თუ მას ვირუსი ჰქონდა, ავტომატურად კორონავირუსის სტატისტიკაში ახვედრებენ და პანიკის საფუძვლებს მოსახლეობაში სწორედ ეს ქმნის. 5. პროფესორი შტრიკი აცხადებს, რომ გარდაცვალების სტატისტიკის დათვლაში ადგილი აქვს მიკერძოებას და ეს დამოკიდებულია ყოველი ქვეყნის მიერ ტესტირების ჩატარების შესაძლებლობაზე. თუ არ ჩატარდება რეპრეზენტატიული გამოკვლევა, აუცილებლად მიიღებთ ყალბ სტატისტიკას. 6. პროფესორი კლაუს პოიშელი აცხადებს, რომ რობერტ კოხის ფედერალურმა ინსტიტუტმა თავიდანვე გასცა რეკომენდაცია, რომ გვამები არ გაკვეთილიყო და ეს სრულიად მცდარი მითითება იყო, რადგან მნიშვნელოვანია, ვიცოდეთ, რა იყო თითოეული ადამიანის გარდაცვალების მიზეზი. ჩვენ უნდა შევისწავლოთ გარდაცვლილი, რომ ცოდნა ცოცხლებისთვის გამოვიყენოთ. ეს კი მხოლოდ ჰამბურგში ხდება. მაგალითად, ყველაზე დაინფიცირებულ ჰაიზენბერგში არც ერთი გარდაცვლილი შესასწავლად არ გაიკვეთა. 7. რობერტ კოხის ფედერალური ინსტიტუტი კორონავირუსის მიზეზს უწერს ყველა ინფიცირებულს, ვინც გარდაიცვლება, თუ მას ვირუსი დაუდასტურდა მანამდე. ჩვენ კი, როდესაც ვირუსით ინფიცირებული გარდაცვლილი გავკვეთეთ, აღმოჩნდა, რომ ის გულის შეტევით გარდაიცვალა ან სხვა ინფიცირებული ადამიანები, რომლებიც ტვინში სისხლის გაჟონვით გარდაიცვალნენ. რეალურად კი ყველა გარდაცვლის კორონავირუსს მიაწერენ და სწორედ ეს ქმნის ყალბ შთაბეჭდილებას და ხალხი შეშინებულია, რადგან ყოველდღე ისმენს ამის შესახებ ტელევიზიით. 8. დარწმუნებული ვარ, წლის ბოლოს კორონავირუსის კვალს ვერ ვიპოვით სიკვდილიანობის საერთო სტატისტიკაში. წელს არ იქნება გარდაცვალების იმაზე მეტი შემთხვევა, ვიდრე წინა წლებში. 9. რისკის ჯგუფში არიან ავადმყოფები შერყეული იმუნური სისტემით. 10. გაკვეთის შემდეგ არ მინახავს არც ერთი გარდაცვილი, რომელიც იყო ინფიცირებული და არ ჰქონდა სხვა მძიმე ავადმყოფობა ან ავადმყოფობები. კორონავირუსის მიერ დატოვებული კვალი კი საერთოდ ვერ აღმოვაჩინეთ.

შეერთებული შტატების სენატი 2021 საბიუჯეტო წლის თავდაცვის ბიუჯეტს განიხილავს. „ამერიკის ხმის" ინფორმაციით, ბიუჯეტში სენატის საგარეო კომიტეტის თავმჯდომარემ, სენატორმა ჯიმ რიშმა ცვლილებების შეტანის ინიცირება მოახდინა, რომელთა მიზანიც საქართველოსთვის შეერთებული შტატების სამხედრო მხარდაჭერის დემოკრატიული მდგომარეობასთან დაკავშირებაა. სენატის საგარეო ურთიერთობათა თავმჯდომარის მიერ მომზადებულ ცვლილებათა საკანონმდებლო პროექტში, საუბარია საქართველოში არსებულ სიტუაციაზე, გასული წლის საპროტესტო გამოსვლებზე და 8 მარტის შეთანხმებაზე. ინიცირებული ცვლილებების პროექტი ამბობს, საარჩევო რეფორმაზე მომზადებული შეთანხმების მხარდაჭერისთვის, ოპოზიციური პარტიები წინაპირობად აყენებდნენ მათი თქმით პოლიტიკური პატიმრების, მათ შორის გიორგი რურუას გათავისუფლებას. სენატი ფიქრობს, რომ შეთანხმებული სრულად შესრულებული არაა. ცვლილებების პროექტი მოიცავს შემდგომ რეკომენდაციების საქართველოსთვის, რომელსაც "ამერიკის ხმა" უცვლელად გთავაზობთ: "1. აშშ-ის სენატი მიესალმება საბჭოთა კავშირისგან დამოუკიდებლობის მოპოვების შემდეგ, საქართველოს მიერ ეკონომიკური რეფორმირების, მმართველობის, და ანტი-კორუფციულ საკითხებში მიღწეულ პროგრესს, 2. სენატი ხელახლა მტკიცედ აცხადებს სურვილს განავითაროს თანამშრომლობა აშშ-სა და საქართველოს შორის, მათ შორის საქართველოს სუვერენული და ტერიტორიული მთლიანობის დასაცავად, თუ საქართველოს მთავრობა განაგრძობს კეთილსინდისიერ მცდელობას ეს რეფორმები განახორციელოს; 3. მოუწოდებს საქართველოს ხელისუფლებას, ქვეყნის არჩეულ და პოლიტიკურ ლიდერებს ერთად მუშაობისკენ თავისუფალი პრესის შენების, კერძო ბიზნესის და უფრო მეტად გამჭვირვალე და ანგარიშვალდებული მმართველობისთვის; 4. ხაზს უსვამს ევროპის უსაფრთხოების და თანამშრომლობის ორგანიზაციის [ეუთო] რეკომენდაციების მნიშვნელობას საარჩევნო რეფორმის საკითხზე, რაზეც 8 მარტს პოლიტიკურ პარტიებს შორის შეთანხმება მოხდა; 5. მოუწოდებს საქართველოს მთავრობას გააძლიეროს ქვეყნის დემოკრატია სასამართლო დამოუკიდებლობის გაუმჯობესებით, მათ შორის ყველა ისტანციაში მოსამართლეების დანიშვნის უფრო გამჭვირვალე პროცედურის დანერგვით და მმართველი პარტიის დიდი გავლენის ქვეშ და მის მიმართ ლოიალობის მიხედვით მოსამართლეების დანიშვნის პრაქტიკის დასრულებით; 6. ამტკიცებს, რომ ამ საარჩევნო და სასამართლო რეფორმების წარმატებით განხორციელება კრიტიკულია იმისთვის, რომ საქართველოს მთავრობამ აღადგინოს დემოკრატიული განვითარებისა და დასავლეთში ინტეგრაციისადმი მისი ერთგულების რწმენა. 7. მოუწოდებს საქართველოს მთავრობას გაატაროს პოლიტიკა, რომელიც დემოკრატიულ და სასამართლო პროცესებს გააძლიერებს როგორც იდეურად ისე პრაქტიკულად და ამით, კიდევ უფრო განამტკიცოს საქართველოს ევროატლანტიკური კურსი; 8. აღიარებს საქართველოს პარლამენტის მომავალი არჩევნების მნიშვნელობას და მოუწოდებს საქართველოს მთავრობის ოფიციალურ პირებს უზრუნველყონ, რომ არჩევნები თავისუფალ, სამართლიან, მშვიდობიან გარემოში გაიმართოს და ჩატარდეს 2020 წლის 8 მარტს შეთანხმებული წესების თანახმად." თავდაცვის ავტორიზაციის აქტში ინიცირებული ცვლილებები, იმისთვის რომ ის კანონად იქცეს, სენატმა უნდა გაიზიაროს და დაამტკიცოს. ცვლილებები, სენატი დაამტკიცებს, ამით ის საკუთარ პოზიციას დააფიქსირებს. შესწორებები არაა იურიდიულად დამავალდებულებელი. „ამერიკის ხმა"#ახალი_ამბები #twitter

“ეს მხოლოდ დასაწყისია, ჩვენ ვაგრძელებთ სისტემასთან ბრძოლას” ამ სიტყვებით დაამთავრა ჰაკერმა ვიდეო მიმართვა. მათ გათიშეს საქართველოს უნივერსიტეტის ოფიციალური საიტი და დატოვეს meta აღწერაში – Happy birthday R10. H4ck3d By Gr1zzly Fr0m 4llien's. იხილეთ ვიდეო მიმართვა #news