7 votes
0 comments
0 shares
Save
ოფიციალურად - უეფამ ფინალები გააუქმა
132 views
Roma Ratiani
Tbilisi · 3 months ago

კორონავისურის პანდემიის გამო უეფამ საკლუბო ევროთასების ჩატარების თარიღები ოფიციალურად გადადო. აღნიშნულ ინფორმაციას ორგანიზაცია საკუთარ საიტზე ავრცელებს.

ჩემპიონთა ლიგის, ევროპის ლიგისა და ქალთა ჩემპიონთა ლიგის გადამწყვეტი შეხვედრები გაურკვეველი ვადით გადაიდო.

ჩემპიონთა ლიგის ფინალი 30 მაისს, სტამბოლში, ათათურქის სახელობის ოლიმპიურ სტადიონზე უნდა გამართულიყო. რაც შეეხება ევროპის ლიგის ფინალს, ეს შეხვედრა პოლონეთის ქალაქ გდანსკში, ენერგა გდანსკის სტადიონზე, 27 მაისს მაისს უნდა ჩატარებულიყო.

შეგახსენებთ, მსოფლიოს მასშტაბით კორონავირუსის პანდემიის შედეგად, დაინფიცირებულთა რიცხვმა 360 000-ს გადააჭარბა.

#coronavirus #uefa #football #sport #კორონავირუსი #უეფა #სპორტი #ფეხბურთი #news
Roma Ratiani
Tbilisi · 3 months ago
Similar Posts
Roma Ratiani
Tbilisi, Georgia · 3 months ago
ოფიციალურად: გადატანილი ევროპის ჩემპიონატი, ჩემპიონთა ლიგა და საქართველო - ბელარუსი
17 მარტს უეფას პრეზიდენტმა, ალექსანდრ ჩეფერინმა, 55 ქვეყნის ფედერაციის წარომადგენელთან ერთად ონლაინკონფერენცია გამართა. ერთ კვირაზე მეტია, ამ პროცესს საფეხბურთო სამყარო მოუთმენლად ელოდა. უეფას გადაწყვეტილებით, კორონავირუსის პანდემიის გამო მიმდინარე წლის ზაფხულში გასამართი ევროპის ჩემპიონატი ერთი წლით გადაიდება - მთავარი ევროპული სანაკრებო შეჯიბრი 2021 წელს შედგება. აღნიშნული ტურნირი 2020 წლის 12 ივნისიდან 12 ივლისის ჩათვლით უნდა ჩატარებულიყო. გარდა ამისა, ცვლილება ჩემპიონთა ლიგისა და ევროპის ლიგის შეხვედრებსაც შეეხო. ჩემპიონთა ლიგის ფინალი 27 ივნისს გაიმართება - წესით, ის 30 მაისს უნდა ჩატარებულიყო. გარდა ამისა, 27 მაისის ნაცვლად, ევროპის ლიგის ფინალი 24 ივნისს შედგება. ამასთან ერთად, ერთა ლიგის პლეიოფის თარიღებიც შეიცვალა. საქართველო ბელარუსის დაპირისპირება, რომელიც 26 მარტს უნდა ყოფილიყო, მიმდინარე წლის ივნისში ჩატარდება. შეგახსენებთ, მომავალი ევროპის ჩემპიონატი განსხვავებული ფორმატით გაიმართება - ტურნირი 12 ქვეყნის 12 სხვადასხვა ქალაქში შედგება.#sport #football #uefa #euro2020 #სპორტი #ფეხბურთი #ევრო2020 #უეფა #ჩემპიონთალიგა #news Tbilisi
Roma Ratiani
Tbilisi, Georgia · 3 months ago
UEFA-მ ევროტურნირებთან დაკავშიტებული გადაწყვეტილება მიიღო - ბრიტანული მედია
ბრიტანული მედიის ცნობით, უეფა მიმდინარე სეზონში ევროტურნირების ფინალებს უმაყურებლოდ ჩაატარებს. აღნიშნულ ინფორმაციას The Independent ავრცელებს. სავარაუდოდ, ეს გადაწყვეტილება ჩემპიონთა ლიგას და ევროპის ლიგას შეეხება. მიუხედავად იმისა, რომ მთელ მსოფლიოში კორონავირუსის პანდემია მძვინვარებს, უეფა ევროტურნირების წლევანდელ გათამაშებას არ გააუქმებს. სავარაუდოდ, ორივე ტურნირი ზაფხულის შუა რიცხვებში დასრულდება. დღეს, 1 აპრილს, უეფას ხელმძღვანელები ვიდეოკონფერენციის მეშვეობით ფეხბურთელთა კონტრაქტებსა და სატრანსფერო ფანჯრის საკითხს განიხილავენ. ამასთან ერთად, 2019/20 წლების სეზონის დასკვნით ნაწილზე გადაწყვეტილება იქნება მიღებული. შეგახსენებთ, კორონავირუსის გამო ევროპის მასშტაბით ყველა სპორტული ღონისძიება გაურკვეველი დროით შეჩერდა. გამონაკლისი მხოლოდ ბელარუსის საფეხბურთო ჩემპიონატია.#უეფა #ფეხბურთი #ჩემპიონთალიგა #ევროპისლიგა #სპორტი #კორონავირუსი #პანდემია #eufa #football #championsleague #europaleague #sport #coronavirus #news #business
Roma Ratiani
Tbilisi, Georgia · 3 months ago
საქართველო - ბელარუსი კვლავ გადაიდო | ცნობილია UEFA-ს გადაწყვეტილება
დღეს, 1 აპრილს, უეფამ თავის დაქვემდებარებაში არსებულ 55 ქვეყნის ფედერაციასთან ერთად დისტანციური ვიდეოკონფერენცია გამართა, რომლის შედეგად მნიშვნელოვანი გადაწყვეტილება იქნა მიღებული. როგორც ცნობილი გახდა, ივნისში გასამართი სანაკრებო შეხვედრები უცნობი ვადით გადაიდო. მათ შორის, საუბარია ერთა ლიგის ნახევარფინალურ და დასკვნით მატჩებზე. შეგახსენებთ, პლეი ოფიც ნახევარფინალში ჩვენმა ნაკრებმა ბელარუსს უნდა უმასპინძლოს. ამ ეტაპზე უცნობია აღნიშნული შეხვედრის ჩატარების სავარაუდო თარიღი.#საქართველოსნაკრები #ფეხბურთი #ერთალიგა #ევრო2021 #სპორტი #ბელარუსი #უეფა #uefa #football #nationsleague #euro2021 #sport #belarus #news #breakingnews
Roma Ratiani
Tbilisi, Georgia · 3 months ago
საქართველო - ბელარუსი | ცნობილია მატჩის ჩატარების თარიღი
ყველაფერთან ერთად, კორონავირუსის პანდემიამ საფეხბურთო სამყაროც შეცვალა. პრაქტიკულად ყველა ჩემპიონატი და საერთაშორისო ტურნირი შეჩერდა და გადაიდო. მოგეხსენებათ, წლევანდელ ზაფხულს გასამართი ევროპის ჩემპიონატი უეფამ ერთი წლით გადადო. გარდა ამისა, ერთა ლიგის ფინალური შეხვედრების ჩატარების დროც შეიცვალა. აღნიშნულ ტურნირზე საქართველოს ნაკრებიც ასპარეზობს - წესით, ერთა ლიგის ნახევარფინალში ჩვენს გუნდს 26 მარტს ბელარუსისთვის დონამო არენაზე უნდა ემასპინძლა, ხოლო გამარჯვების შემთხვევაში ფინალში კოსოვოსა და ჩრდილოეთ მაკედონიას შორის მოგებულს უნდა შევხვედროდით. გადაწყდა - მარტის ნაცვლად, ბელარუსს 2 ივნისს 21:00 საათზე შევხვდებით. ამავე დღეს ჩრდილოეთ მაკედონია კოსოკოს ეთამაშება. ოთხთა ფინალის პრინციპით გამოვლენილი გამარჯვებული 2021 წელს გასამართ ევროპის ჩემპიონატზე ითამაშებს. თამამად შეიძლება ითქვას, რომ ჩვენი ქვეყნის ისტორიაში ეს ყველაზე მნიშვნელოვანი სანაკრებო მატჩები იქნება. შეგახსენებთ, ევროპის ჩემპიონატი 2021 წლის 11 ივნისიდან 11 ივლისამდე გაიმართება.#football #georgia #belarus #nationsleague #uefa #euro2021 #ფეხბურთი #საქართველო #ბელარუსი #ერთალიგა #უეფა #ევრო2021 #news #სიახლე
Roma Ratiani
Tbilisi, Georgia · 3 months ago
UEFA-მ პსჟ დასაჯა
ჩემპიონთა ლიგის მერვედფინალში ერთმანეთს დორტმუნდის ბორუსია და პსჟ შეხვდნენ. აღნიშნული დუელის შემდეგ პარიზულმა გრანდმა უეფასგან გაფრთხილება მიიღო. მეორე მერვედფინალური შეხვედრის დასრულებისთანავე პსჟ-ის ფეხბურთელებმა გერმანული კლუბის ფორვარდზე, ერლინგ ჰოლანდზე იხუმრეს. პარიზელები მის საფირმო გოლის აღნიშვნას იმეორებდნენ - ისინი მედიტაციის პოზაში მინდორზე დასხდნენ. ბუნებრივია, ეს ქმედება ირონიულ ხასიათს ატარებდა. პირველ შეხვედრაში ჰოლანდმა პარიზელთა კარში გატანილი გოლი სწორედ ასე აღნიშნა. უეფამ პსჟ-ის ფეხბურთელთა ქმედებას არასპორტული საქციელი უწოდა, თუმცა ამ ეტაპზე მათ მხოლოდ მკაცრი გაფრთხილება მიიღეს. მსგავსი ფაქტის განმეორების შემთხვევაში ფრანგული კლუბი გაცილებით უფრო მკაცრ სასჯელს მიიღებს. შეგახსენებთ, ამ გუნდების ორმატჩიანი დუელი პარიზელთა გამარჯვებით დასრულდა. #ფეხბურთი #ჩემპიონთალიგა #პსჟ #დორტმუნდისბორუსია #ჰოლანდი #უეფა #სპორტი #football #championsleague #psg #borussiadortmund #holland #uefa #sport #news
Roma Ratiani
Tbilisi, Georgia · 3 months ago
ოფიციალურად: პრემიერლიგა მაისამდე არ განახლდება
ინგლისის პრემიერლიგის ოფიციალურ საიტზე დროებით შეჩერებული ჩემპიონატის განახლების ვადები გამოქვეყნდა. "ფეხბურთის ასოციაციის წესების მიხედვით, სეზონი 1 ივნისამდე უნდა დასრულდეს, თუმცა ტურნირის ხელმძღვანელებმა ტურნირის გახანგრძლივების გადაწყვეტილება მიიღეს. ჩვენ ასევე გადავწყვიტეთ, რომ პროფესიონალური საფეხბურთო მატჩები 30 აპრილამდე არ ჩატარდება", - წერია განცხადებაში. ამრიგად, ინგლისის ასოციაციის დაქვემდებარებაში არსებული ყველა საფეხბურთო ტურნირი მაისამდე არ განახლდება. აღნიშნული შეზღუდვა ინგლისის პრემიერლიგას, რანგით დაბალ საფეხბურთო დივიზიონებს და ქალთა ტურნირებს შეეხო. შეგახსენებთ, სხვა ევროპული ჩემპიონატების მსგავსად, პრემიერლიგა კორონავირუსის პანდემიის გამო შეჩერებულია. აქამდე გავრცელებული ინფორმაციის მიხედვით, პაუზა 4 აპრილს უნდა დასრულებულიყო. COVIT-19-ის პირველი შემთხვევა ჩინეთში გასული წლის ბოლოს დაფიქსირდა. უკანასკნელი დადასტურებული ინფორმაციით, ვირუსით 227,495 ადამიანი დაინფიცირდა, 9,303 გარდაიცვალა და 85,961 სრულიად გამოჯანმრთელდა.#sport #football #premierleague #coronavirus #ფეხბურთი #სპორტი #პრემიერლიგა #კორონავირუსი #news
Roma Ratiani
Tbilisi, Georgia · 4 months ago
რონალდუმ კორონავირუსთან დაკავშირებით მიმართვა გაავრცელა
იუვენტუსისა და პორტუგალიის ნაკრების შემტევმა, კრიშტიანუ რონალდუმ კორონავირუსის პანდემიასთან დაკავშირებით სოციალურ ქსელებში სპეციალური მიმართვა გაავრცელა. როგორც ცნობილია, ამჟამად ლეგენდარული პორტუგალიელი მშობლიურ კუნძულ მადეირაზე ოჯახთან ერთად იმყოფება. „ახლანდელ სამყაროს ურთულესი პერიოდი დაუდგა. ამ წუთებში ერთმანეთზე მომეტებული ყურადღებით უნდა ვზრუნავდეთ. არ გესაუბრებით როგოც ფეხბურთელი - ისე მოგმართავთ, როგორც შვილი, მამა და ადამიანი, ჩვენ გარშემო ისეთი ამბები ხდება, რომლებმაც დანარჩენი მსოფლიო შეძრა. ჯანდაცვის მსოფლიო ორგანიზაციისა და ხელისუფლების მითითებებს უნდა დავემორჩილოთ, ისინი ამ სიტუციასთან გამკლავებაში დაგვეხმარებიან. ადამიანის სიცოცხლისთვის ზრუნვა ნებისმიერ სხვა ინტერესზე მაღლა უნდა იდგეს. მივმართავ მათ, ვინც საყვარელი ადამიანი დაკარგა. იმ ადამიანებს, ვინც არ ვისუსს ებრძვით - თქვენს გვერდით ვარ, მაგალითად, ჩემი თანაგუნდელი დანიელე რუგანი. მხარს ვუჭერ წარმოუდგენელ ადამიანებს - ექიმებს. ისინი საკუთარ სიცოცხლეს საფრთხეში აგდებენ, რათა სხვები გადაარჩინონ“, - დაწერა რონალდუმ ინსტაგრამში. შეგახსენებთ, იტალიაში კორონავირუსის 17 600-ზე მეტი შემთხვევა და 1266 გარდაცვალება დაფიქსირდა. პანდემიის გამო, სერია ა აპრილის დასაწყისამდე შეჩერდა. გარდა ამისა, ჩემპიონთა ლიგის მერვედფინალის შეხვედრა ტურინის იუვენტუსსა და ლიონს შორის, რომელიც შემდეგ კვირაში უნდა გამართულიყო, გაურკვეველი დროით გადაიდო. #ფეხბურთი #კორონავირუსი #იუვენტუსი #პანდემია #სერიაა #პორტუგალია #იტალია #რონალდუ #news #football #Italy #
Roma Ratiani
Tbilisi, Georgia · 3 months ago
კორონავირუსი ლალიგას მილიარდით დააზარალებს
კორონავირუსის პანდემიის გამო ლალიგა ერთ მილიარდ ევროს დაკარგავს. აღნიშნულ ინფორმაციას სპანური Marca ავრცელებს. გავლენიანმა გამოცემამ ესპანეთის ჩემპიონატის შესაძლო დასრულების შემთხვევაში პოტენციური ზარალი დაიანგარიშა და სამი ვარიანტი გამოთვალა: წყაროს ინფორმაციით, იმ შემთხვევაში, თუ ლალიგა ვადამდე ადრე დასრულდება, ესპანეთის ჩემპიონატის საერთო ჯამური ზარალი 957 მილიონ ევროს შეადგენს - ეს ყველაზე მძიმე ვარიანტია. თუ ტურნირის დარჩენილი ნაწილი მაყურებლის გარეშე ჩატარდება, ლალიგა 303 მილიონი ევროთი იზარალებს. იმ შემთხვევაში, თუ ჩვეულებისამებრ, ჩემპიონატის ყველა შეხვედრა გულშემატკივართა თანხლებით ჩატარდება, ლალიგა 156 მილიონს მაინც დაკარგავს, თუმცა ეს ფინანსურად საუკეთესო ვარიანტი იქნება. როგორც ცნობილია, ყველაზე მეტად სწორედ ფეხბურთელები დაზარალდებიან - კლუბები მათი ანაზღაურების შემცირებას აპირებენ.#ფეხბურთი #ესპანეთი #ლალიგა #ესპანეთისჩემპიონატი #football #spain #laliga #sport #სპორტი #კორონავირუსი #coronavirus #news #business
Roma Ratiani
Tbilisi, Georgia · 3 months ago
ნოიერი: პანდემიის დროს ფეხბურთელებს ხელფასი უნდა შეუმცირდეს
მიუნხენის ბაიერნის კაპიტანმა, მანუელ ნოიერმა, კორონავირუსის შედეგად წარმოქმნილ ეკონომიკურ პრობლემებზე ისაუბრა. გერმანელი მეკარის აზრით, პანდემიის დროს ფეხბურთელებს ხელფასი უნდა შეუმცირდეს. "ჩვენ, ფეხბურთელები, პრივილეგირებული პროფესიის წარმომადგენლები ვართ. ასეთ დროს, როდესაც საერთო პრობლემას ვებრძვით, ანაზღაურების შემცირებას უნდა დავთანხმდეთ. ბაიერნში ათასობით ადამიანი მუშაობს - ისინი უმნიშვნელოვანეს საქმეებს ასრულებენ. ჩვენ მათი დახმარება გვსურს", - თქვა ნოიერმა. ​შეგახსენებთ, გერმანიის ჩემპიონატი 2 აპრილამდე შეჩერდა, თუმცა ახლანდელ ვითარებაში ბუნდესლიგის განახლება ნაკლებად სავარაუდოა. უკანასკნელი ინფორმაციით, მსოფლიოში კორონავირუსით დაავადებულთა რაოდენობამ 440 000-ს გადააჭარბა. აქედან 111 822 ბოლომდე გამოჯანმრთელდა, ხოლო 19 625 გარდაიცვალა.#კორონავირუსი #ნოიერი #ბუნდესლიგა #გერმანია #ბაიერნი #მიუხენი #ფეხბურთი #სპორტი #coronavirus #neuer #bundesliga #germany #bayern #munich #football #sport #politics #news #opinion #business
Giorgi Oganesiani
Borjomi, Georgia · 3 months ago
საქართველო VS ბელარუსი კიდევ ერთხელ გადაიდო
უეფამ ერთა ლიგის ნახევარფინალური და ფინალური დაპირისპირებები, კორონა ვირუსის გავრცელების პრევენციისთვის კიდევ ერთხელ გადადო. აღნიშნული გადაწყვეტილება უეფამ დღეს მიიღო. ევროპული ფეხბურთის მმართველმა ორგანომ 55 საფეხბურთო ქვეყნის წარმომადგენელთან ვიდეო კონფერენცია გამართა. შეხვედრები, რომლებიც 26-31 მარტს უნდა გამართულიყო, პანდემიის გამო პირველად ივნისში გადაიტანეს. საქართველოს ეროვნული ნაკრები D ჯგუფის 1/2 ფინალში ბელარუსიასთან გაარკვევს უძლიერესის ვინაობას. გამარჯვების შემთხვევაში კი მაკედონიისა და კოსოვოს შორის გამარჯვებულს დაუპირისპირდება. ჯერჯერობით, მატჩების ჩატარების ახალი თარიღი უცნობია.#georgia 🇬🇪 #belarus🇧🇫 #uefa #football #news #sport Borjomi