2 votes
0 comments
0 shares
Save
56 views
მოგზაური მოგზაური
Batumi · 3 months ago

აქ ყოფნას არაფელი სჯობს❤🇬🇪


მოგზაური მოგზაური
Batumi · 3 months ago
Similar Posts
მოგზაური მოგზაური
Batumi · 3 months ago
აქ ყოფნას არაფელი სჯობს❤❤🇬🇪🇬🇪
მოგზაური მოგზაური
Batumi · 3 months ago
აქ ყოფნას არაფელი სჯობს
Abagael Bug
Tbilisi · 3 months ago
იღვიძებ პათოსით "ესეც ჩაივლის"შედიხარ ფეისბუქზე და ცდილობ გადახედო მოვლენებს რომ ეს მოტივი მეტად გამყარდეს,ჰოი საოცრებავ ჰიპოკრატე გარდაცვლილა ცოტა სევდა მომეძალა,ასე ნაადრევად რატომ ის ხომ თითქოს მუდმივად არსებობდა მაგრამ რას გაუგებ კორონას🤷‍♂️. მე ფარდის იქეთ ხილული ვარ, აქეთ – ფარულიო ბრძანა დიდმა ავიცენამ და დაიმალა,აი რას აკეთებდა მისი დაფარული მხარე?ალბათ რწმენას იმყარებდა რისი?რას გავიგებთ ღმერთის თუ ადამიანის.რამ განასხვავა განა სახე არარიან?არ ირეკლავენ? ადლერმა თქვა: ადამიანი, რომელსაც სხვისი ცხოვრება არ აინტერესებს, დიდ სიძნელეებს აწყდება ცხოვრებაში და დიდ ვნებას აყენებს სხვას. ასეთი ადამიანებისაგან ხდება ყველა ის უბედურებანი, რასაც კი კაცობრიობა აწყდება."ხოდა მეგობარო წავაწყდით გადავიჩეხეთ და დილის მოტივს მხოლოდ ის მიმყარებს,რომ "ესეც გაივლის". ჰიპოკრატეს კი ჩემთვის ჩუმად ჩემი რწმენით მივაგებ პატივს ფიცი მწამს ბოლო მაკვირვებსო ამაზეა ნათქვამი გული დაწყდა ვერ გაუძლო რას ვიზამთ. მემენტო მორი -გაიღიმე ამის მოლოდინში ყოფნას ისევ ღიმილი და სიცოცხლის სიყვარული სჯობს,გჯეროდეს,გწამდეს და ირწმუნე უპერველესად საკუთარი თავის.ნუ დაკარგავ მას... ♥
მოგზაური მოგზაური
Batumi · 3 months ago
აქ ნამდვილი სამოთხეა❤🇬🇪
მარიამ კაჭკაჭაშვილი
Tbilisi · 1 week ago
"როცა ქვეყანა დაიმშეს, ხვამლმა არჩინოს"
სულთმოფენობის წინა დღეა, შაბათი. ეს კი იმას ნიშნავს, რომ მთელი საქართველო და განსაკუთრებით - ლეჩხუმი, „ხვამლობის“ დღესასწაულს აღნიშნავს. ხვამლის წმინდა გიორგის სახელობის ეკლესია ზღვის დონიდან 2002 მეტრზე მდებარეობს. „როცა ქვეყანა დაიმშეს, ხვამლმა არჩინოს“, “ოდეს ქვეყანას გაუჭირდეს, ხომლის მთამ გადაარჩინოს“ – „ქართლის ცხოვრებიდან“ მასზე საინტერესო ცნობები შემოგვრჩა. ამ მისტიკურ ადგილზე ბევრი მითი თუ ლეგენდა არსებობს. ბევრ იდუმალებას ინახავს და სწორედ ამაშია მისი ხიბლიც. მე და ჩემი მეგობრები 7 საათზე სურსათ-სანოვაგით დატვირთულები გზას დავადექით. მანქანაში მუსიკების ხმას ჩვენი სიცილის ხმა ფარავს. წინ 16 კილომეტრია. სპიდომეტრი 120 კმ/სთ-ს აჩვენებს. ხეთა ჯარს და ცხენისწყლის ხეობას უკან ვიტოვებთ. სულ მალე გამოჩნდა აბრა - „სოფელი ოყურეში“. გადასახვევთან პოლიცია დგას და ყველა შემსვლელ-გამომსვლელს აკონტროლებს. „ბევრი მანქანაა ზემოთ და ფრთხილად იარეთ“ - გვესმის მათი ხმა. მადლობის ნიშნად ვუღიმით და აღმართის ავლას ვიწყებთ. წელს გზა კეთილმოწყობილია. „საუკუნო პროექტის“ დასრულებამ სტუმრების ნაკადის ზრდაც გამოიწვია. რაც უფრო ზევით ავდივართ, ჰაერი მით უფრო გამჭირვალე ხდება და ყოვლისმომცველ სიჩუმეში, სიმწვანეში ჩაკარგული კირქვის კლდეები უფრო შთამბეჭდავი ჩანს. „ეს ხომ სწორედ ის ადგილია, სადაც ზევსის ბრძანებით მიაჯაჭვეს პრომეთე, რომელსაც ყორანი გულ-ღვიძლს უკორტნიდა მანამ, სანამ ჰერაკლემ არ დაიხსნა“ - გავიფიქრე და ამ მითებში ჩავიკარგე... გზაში საცობია და მოგვიწია, მანქანების გრძელ რიგში ჩავმდგარიყავით. ადგილზე კვლავ პოლიცია შევნიშნეთ. „ზემოთ მანქანის გასაჩერებელი ადგილი არ არის, სანამ არ ჩამოვლენ ვერ გაგიშვებთ“ - ასეთი იყო მათი ბრძანება. დავიგვიანეთ. როგორც წესი, „ხვამლობისთვის“ წინა ღამით ადიან და გათენებასაც იქ ელოდებიან. ნისლში გახვეული ხვამლის მთა მიმზიდველია. მზის ამოსვლასაც იქ თუ შეხვდი, გონებიდან ვერასდროს ამოიგდებ. მეგობრების უკმაყოფილო საახებს გავხედე. 2 საათი აქ მოცდას სჯობდა, ფეხით წავსულიყავით. „მე დაველოდები, თუ მალე გაგვიშვეს, გზაში დაგეწევით“ - საჭესთან მჯდომმა შეწუხებულმა ამოილაპარაკა. როგორც აღმოჩნდა, ხუთი კილომეტრი სამანქანო გზაზე უნდა გვევლო და ერთიც ტყეში. „სალოცავზე ფეხით ასვლას აქვს მადლი“ - გავიფიქრე გულში. მზე აცხუნებდა. აღმართი იმატებდა. ვგრძნობდი, როგორ მეწვოდა ზურგი და სახე. დროდადრო ვისვენებდით. ცხენებით მომავალ ბავშვებს ვუცქერდით, ღამენათევ ნაცნობებს ვესალმებოდით და დღესასწაულს ვულოცავდით. რამდენი საათი ვიარეთ, უცნობია. როგორც იქნა საკარვე ადგილს მივაღწიეთ. სწორედ აქ ბანაკდებიან მოლაშქრეები, როცა ხვამლზე ღამისთევით მიდიან. ცოტაც და სამანქანო გზა დასრულდა. თავი ტყეს შევაფარეთ. საცალფეხო ბილიკს უამრავი ადამიანი მიუყვება. ჩამომსვლელი და ამსვლელი ერთმანეთს გზას უთმობს. წირვის დამთავრებამდე ცოტა იყო დარჩენილი. პოლიცია მართალი აღმოჩნდა, სალოცავზე ათასზე მეტი მანქანა იქნებოდა. ერთი მთავარი აღმართი დარჩა და ხვამლის მისტიკური მთაც გამოჩნდა. ამოვისუნთქეთ. დაღლილობის მიუხედავად ტემპს ვუმატეთ და აი ისიც... ხვამლის მთა თავისი იდუმალი სილამაზით შემოგვეგება. ტაძრის ირგვლივ მოფუსფუსე ხალხი შორიდანვე შევნიშნეთ. გორაზე ავედით თუ არა ბალახზე წამოვწექით და ცას ავხედეთ. არ გაგვიმართლა, მოწმენდილია. ღრუბლები არ სჩანან. არადა ღრუბლიან ამინდში აქედან გახედვას არაფერი სჯობს. უყურებ შენს დაბლა მოძრავ ღრუბლებს და 2002 მეტრზე სამყაროც სხვაგვარი გეჩვენება. ცასთან ყველაზე ახლოს ვართ. ყველაფერი ხელისგულივითაა გადაშლილი. ერთმანეთში შერეული თოვლი და ნაადრევად გაშლილი ყვავილები საოცარი სანახავია. მიუხედავად ქვეყანაში არსებული სიტუაციისა, ხვამლის მთა მომლოცველებს ვერ იტევს. „სპეციალურად ამ დღისთვის ჩამოვედი და საოცრებაა“, „პირველად ვარ, ემოციების დამალვა მიჭირს“, „ამ ადგილს ყოველ წელს ვსტუმრობ“, „მისით მონუსხული ვარ“... გახარებული ადამიანების ხმები აქა-იქ ჩამესმის. წირვას ცაგერისა და ლენტეხის მიტროპოლიტი, მეუფე სტეფანე უძღვება. სტიქაროსნები და მამაოებიც გვერდით უდგანან. სვანეთის მგალობელთა გუნდი მთელი გულით საგალობელს ასრულებს. მათ ხმას ცხვრების ბღავილი ერწყმის. ბაწარშებმული, ტაძართან ძალით რომ ამოჰყავთ. ქარია. სანთელი ძლივს ავანთეთ. მეუფემაც დაასრულა პარაკლისის გადახდა და თავზე ხელის დადებით დაგვლოცა. ახალგაზრდებმა ფანდური აახმაურეს და ლეჩხუმური სიმღერები გააცოცხლეს. ირგვლივ ჰარმონია სუფევს. ყველა გრძნობს, რომ უფალი ახლოსაა. ფოტოების გადაღებას და ამ დღის კადრებში გაცოცხლებას მოვრჩით. მოგონებები ჩვენს სკივრში გამოვკეტეთ. ქართველებს ხომ ყოველი დღესასწაულის აღნიშვნა გვჩვევია, გამონაკლისი არც ეს დღეა. დაღმართზე დაშვებისას დამწვარი მუხრუჭების სუნმა შეგვაშინა. სიცხისგან მანქანებს ბოლო ასდით. მზე ხვამლის მთის წვერზე მოქცეულიყო და სხივებს არ იშურებდა. თავი მდინარე ჯონოულს შევაფარეთ. მისმა ცივმა და ანკარა წყალმა დაღლილობა გადაგვავიწყა. ლეჩხუმური სუფრა მალევე გავაწყვეთ. საღამომდე ენაცვლებოდა ერთამენთს სადღეგრძელოები, ლექსები, სიმღერები... არც ხვამლის მთის ლეგენდები დაგვვიწყებია. „ეს ხომ მეფეთა განძთსაცავია“, „არგონავტების მოგზაურობის არეალია“, „უძველესი ობსერვატორიის ადგილია“, „მითებისა და რეალობის გზაგასაყარია“ - ვიხსენებთ ამ ყველაფერს და ჯერაც უცნობ, იდუმალ ხვამლის მთას გავყურებთ... საათი 11:00-ს უჩვენებს. სახლში დაბრუნებამდე ჩემი ტელეფონი გაუჩერებლად რეკავს. ხან დედა ეწერა და ხან - მამა. სასმელმა თავისი ქნა და ჩვენს კარგ გუნება-განწყობაზე იზრუნა. შინისაკენ დავიძარით. დღევანდელმა მოგზაურობამ საოცარი წუთები და წამები დაგვიტოვა. დაგვანახა, რომ “ხვამლობა“ წელს განსაკუთრებულია. თითქოს ექიმები, სახელმწიფოს წარმომადგენლები, ჟურნალისტები კი არა, ბუნება გვეუბნება, რომ ესეც გაივლის... თუ ხვამლის მთაზე ერთხელ მაინც ფეხს დადგამთ მიხვდებით, რომ ვირუსის ადგილი აქ არ არის. ეს ხომ სუფთა ჰაერის, ემოციებისა და უშიშარი, იმედით სავსე ადამიანების სამყოფელია. აქ, წამით მაინც, საერთო გასაჭირი დავიწყებას ეძლევა და საერთო რწმენა ბატონობს.##მოგზაურობა ##რეპორტაჟი ##კულტურა ##მისტიკა ##ნახელეჩხუმი
მოგზაური მოგზაური
Batumi · 3 months ago
მაჭახლის ხეობა აქ სულ სხვა❤
Mariam Tophuria
Tbilisi · 3 weeks ago
ლაგოდეხის ნაკრძალი
სად ვიმოგზაუროთ? რა გვაქვს სანახავი და რა აღმოვაჩინოთ? ამ ნაწილში პატარა სამოგზაურო/სალაშქრო ამბავს მოგიყვებით ლაგოდეხის ნაკრძალი და დაცული ტერიტორიები თუ ცოტა მოიწყინეთ და ჯერ შვებულებას ვერ იღებთ, ან უბრალოდ შაბათ-კვირის სიმწვანეში და თავგადასავლებში გატარება გსურთ, თქვენთვის ერთი ლოკაცია მაქვს; Lagodekhiრას ვნახავთ? ლაგოდეხის ნაკრძალში შეგიძლიათ საქართველოში ერთ-ერთი ყველაზე გრძელი, გურგენიანის ჩანჩქერი აღმოაჩინოთ, რომლის სიმაღლეც 42 მეტრია. ჩანჩქერამდე ძალიან ლამაზ ტყეს გაივლით, რამდენჯერმე გადალახავთ მდინარესა და პატარ-პატარა დაბრკოლებებს ტყე სეზონის ყველა დროს ფერს იცვლის, რადგან ძირითადად ფოთლივანი ხეებით იწონებს თავს 🍃 შესაბამისად ყოველ სეზონზე თავიდან აღმოაჩენთ ლაგოდეხის ულამაზეს ნაწილს. წყალი მთელ ნაკრძალს მოუყვება და სანამ ახვალთ, გზად მდინარით შეგიძლიათ გაგრილება ჩანჩქერისგან დაგუბებულ წყალში ბანაობა აკრძალულია, საკმაოდ ღრმაა და სწრაფი; ასევე არ არის რეკომენდირებული სამგზავრო ჩანთით ლაშქრობა, სჯობს მაქსიმალურად მსუბუქად იყოთ, რადგან საკმაოდ რთული გზაა ჩანჩქერამდე. შორსაა? სამანქანო გზიდან ჩანჩქერამდე დაახლოებით 4 კილომეტრია, საფეხმავლო ბილიკი ალაგ-ალაგ რთულდება და სჯობს მოხერხებული ფეხსაცმელი გეცვათ 🐢 აუცილებლად გაჰყევით ნიშნულებს 🍀 გზიდან გადახვევა დაგკარგავთ ან უფრო მეტ დროს დაგაკარგვინებთ. საფეხმავლო ბილიკს დაახლოებით 1საათში გაივლით. კიდევ? გზაში კარგად დაათვალიერეთ მცენარეები, ლაგიდეხის ნაკრძალი მდიდარია ფლორითა და ფაუნით. აქ შეხვდებით უიშვიათეს მცენარეებსა და წითელ წიგნში შეყვანილ ცხოველებს. ნუ, ცხოველებს გზად ნაკლებად, უფრო რეინჯერების ქოხისკენ ფიტულებს თუ დაათვალიერებთ. სად დავბინავდეთ? 🏕 ნაკრძალში შიგნით დაბანაკება ცოტა რთული ამბავია, კლდეებსა და მდინარესთან თითქმის შეუძლებელია კარვის გაშლა, ამიტომ რეინჯერები გარეთ გირჩევენ მყუდრო და უსაფრთხო ადგილს ბედნიერი ზაფხული და დასვენება 🍓#მოგზაურობა #ბუნება #ლაშქრობა #ლოკაცია #საინტერესოადგილი #საქართველო #დასვენება #დასვენებისდღეები #ჯანსაღიცხოვრება #სადწავიდეთ #სადდავისვენო #ლაგოდეხი #ნაკრძალი #დაცულიტერიტორია
+7
Luka Khvareshia
Kutaisi · 3 weeks ago
Why women kill
ყველა სერიომანს მოეხსენება, რომ ხარისხიანმა სერიალებმა თავიანთი თავი საკაბელო არხებსა და ინტერნეტ პლატფორმებზე დაიმკვიდრეს. მხოლოდ Netflix-ის და HBO-ს დასახელებაც კი კმარა იმის მისახვედრად რომ ამერიკაში არსებული სამაუწყებლო კომპანიების ოთხმოცი პროცენტი ხარისხიან სერიალებს ვეღარ აწარმოებს. თუმცაღა მოულოდნელი გამონათებასავით იყო CBS-ის სერიალის WHY WOMEN KILL-ის გამოჩენა, რომელმაც ფაქტობრივად ახლებური ხედვით გვაგრძნობინა რომ, სატელევიზო არხები ჯერ კიდევ ზრუნავენ ხარისხიანი კონტენტის შექმნაზე. 'რატომ კლავენ ქალები' ყველასათვის კარგად ნაცნობი სერიალის, სასოწარკვეთილი დიასახლისების, შემქმნელების ნამუშევარია და სტანდარტულად მოლოდინიც მსგავს ჟანრში გადაწყვეტილი ხანგრძლივი საპნის ოპერა იყო თუმცა სწორედ აქ ცდებოდა ყველა. ამ სერიალმა დაიწყო სტერეოტიპების მსხვრევა და დაგვანახა რომ კი, შეიძლება სერიალს გასდევდეს ლაიტმოტივად ბრაზილიურ, ესპანურ, თურქული დრამები, მაგრამ ამავდროულად იყოს სრულად ახლებური და გამორჩეული პროდუქტი. სერიალი მოგვითხრობს ერთ სახლში, სამ სხვადასხვა დროს განვითარებული მოვლენების შესახებ. სამივე სახლში მკვლელობა მოხდა და სამივე მკვლელობა ქალმა ჩაიდინა. მთხრობელი სერიალის დასაწყისში, როდესაც ამ საიდუმლოს გვიმხელს დასძენს რომ სჯობს დაველოდოთ ყველაფრის დასრულებას და შემდეგ გადავწყვიტოთ დავადანაშაულებთ თუ არა რომელიმესო. მართლაც, მთელი შოუ დინამიურად, ცოცხლად და სახალისოდ არის აგებული. დრამა და კომედია ერთმანეთს ისე არის შეხამებული,რომ ამ ტრაგიკომედიისგან ხშირად სიმწრის სიცილიც კი შეიძლება წაგსკდეს. მსახიობებიც იდეალურად არის თავიანთი როლებისათვის შერჩეული. ამის დასტური მხოლოდ ლუსი ლიუა, რომელმაც ყველა და ყველაფერი დაჩრდილა. ბევრი რომ არ გავაგრძელო სერიალი იდეალურად ხატავს სამი სხვადასხვა ეპოქისათვის დამახასიათებელ აქტუალურ პრობლემებს და გვანახებს რომ დისკრიმინაცია და სტიგმა ცოცხალი ორგანიზმია, რომელიც სულ არსებობდა და ახლაც არსწბობს. უბრალოდ სახეს იცვლის და ხან როგორი მოევლინება სამყაროს ხან როგორი. ერთადერთი რაც მინდა გირჩიოთ არის ის რომ არ გამოტოვოთ ეს არაჩვეულებრივი შოუ, რომლის ყურებისას დარწმუნებული ვარ ძალიან ისიამოვნებთ.#ხელოვნება
Tbilisi Daily
Tbilisi · 3 weeks ago
მაკო გომური - რატომ მესროლეს, ერთი წლის განმავლობაში პასუხი ვერ მივიღე
უამრავი კითხვაა, რაზეც პასუხი დღემდე არ მაქვს და ეს კითხვები უფრო ბევრი ხდება, თანდათან მატულობს, – განაცხადა შარშან, 20-21 ივნისის აქციისას დაზარალებულმა მაკო გომურმა რუსთაველის გამზირზე მიმდინარე აქციაზე სახელწოდებით, „ერთად ოკუპაციის წინააღმდეგ“, რომელიც მოძრაობა „სირცხვილიასა“ და „გაბედეს“ ორგანიზებით გაიმართა. მაკო გომურის თქმით, ერთი წლის განმავლობაში მან ვერ მიიღო პასუხი კითხვაზე, რატომ ესროლა მას სამართალდამცველმა, რის გამოც თვალი დაკარგა. „ძალიან რთულია ამ წუთას აქ დგომა, მართლა. მეგონა, ენერგიულად და რაღაც ისე მოვედი დღეს, რომ ბოლომდე ძალიან კარგად ყოფნას შევძლებდი, თუმცა ახლა ვხვდები, რომ ძაან რთული ყოფილა ერთი წლის შემდეგ აქ დგომა. პირველ რიგში, თქვენ მადლობა, რომ ეს საშინელი ერთი წელი თქვენთან ერთად გამოვიარე. ასე ვფიქრობ, რადგან ყოველთვის გაინტერესებდათ და ყოველთვის დარდობდით, როგორ ვიქნებოდი მე, რა წინსვლა იქნებოდა 20 ივნისის შემდეგ ჩემთვის და ა.შ. ზუსტად ერთი წელი გავიდა 20 ივნისიდან და როგორც ერთი წლის წინ, ასე ვიდექი ზუსტად, იგივე ტანსაცმელი მეცვა. როგორც ახლა ვქმნი რაიმე საფრთხეს თქვენთვის, სამართალდამცავებისთვის ან იმ შენობისთვის, მაშინაც ზუსტად ასეთ საფრთხეს წარმოვადგენდი. თუმცა ეს არ იყო საკმარისი, როგორც ჩანს ერთ-ერთი სამართალდამცველისთვის და მესროლა. მესროლა და გაჩნდა შეკითხვა, რატომ. ეს ის შეკითხვაა, რაზეც ერთი წლის განმავლობაში პასუხი ვერ მივიღე. რეალობა ხომ მარტივია, უნდა მივიღო საკუთარი წილი სამართალი, თუმცა სხვა რეალობაც გვაქვს, რომელიც არის ჩემ წინ პარლამენტის შენობაში, რომლებიც ყოველ წამს ცდილობენ, რომ თავიანთი რაღაც ტრიუკებით, თავიანთი რაღაც რეპლიკებით ჩვენი სახელი გააფუჭონ საზოგადოებაში. იმის თქმასაც კი ბედავენ, რომ აღარ ახსოვთ, რა მოხდა 20 ივნისს და ჩვენი თვალები არის მეორეხარისხოვანი. პირველხარისხოვანი იყო ის, რომ მათ შტურმი აარიდეს პარლამენტს. პირველ რიგში, კითხვა მიჩნდება, ჩემი თვალის ამოთხრით, გიორგის თვალის ამოთხრით, დათოს თვალის ამოთხრით, უამრავი თვალებით, რომელი შტურმი აარიდეს პარლამენტს, რას უშლიდათ იქ ჩვენი დგომა, ჩვენი მშვიდობიანი პროტესტი. უამრავი კითხვაა, რაზეც პასუხი დღემდე არ მაქვს და ეს კითხვები უფრო ბევრი ხდება, თანდათან მატულობს, თუმცა იმედი მაქვს, რომ თქვენთან ერთად ბრძოლით და თქვენი ანთებული გულებით მივიღებ პასუხებს. ვიცი, რომ ხშირად იქნებიან ადამიანები, რომლებიც შეეცდებიან ჩვენზე ცუდი რაღაცები ილაპარაკონ, ჩვენი გაშავება მოინდომონ საზოგადოებაში. იმასაც ვერ ხვდებიან, რომ ჩვენი აქ დგომა, ჩვენი პროტესტი არის უკეთესი მომავლისთვის, რაც ამდენი წელი არ ქონია ჩვენს ქვეყანაში. არასდროს არ შევეგუებით საქართველოშ იმ ქვეყნის ბატონობას, რომელიც დღესაც გვართმევს ტერიტორიებს და დღესაც გვპარავს ადამიანებს. მადლობა, რომ მოხვედით და თქვენი დახმარებით მე მარტო არ ვარ ამ ბრძოლაში“, – განაცხადა აქციაზე გამოსვლისას მაკო გომურმა.
Tbilisi Daily
Tbilisi · 2 weeks ago
როგორ აღვადგინოთ ურთიერთობა ყოფილთან
ამ სიაში „დათვერი და მიწერე“ რჩევას ვერ ამოიკითხავთ... ერთ ჩვეულებრივ ოთხშაბათ საღამოს, რამდენიმე ჭიქა მარგარიტას შემდეგ, ღამის 2 საათზე გადაწყვიტე, მიგეწერა ფრაზა „არ მისწერო“ . ეს შთამბეჭდავად ჩანდა... ყოველ შემთხვევაში მანამდე, სანამ მეორე დილით გამოფხიზლებულმა არ ნახე, რომ ნაჭამი პიცის ნარჩენების ფოტო გაგიგზავნია, ისიც გადღაბნილი. ასე რომ, დადე ტელეფონი, ღვინის ჭიქაც და სანამ ყოფილს მისწერ, ამ სტატიას გაეცანი. 1. მიეცი შენს ყოფილ პარტნიორს სივრცე პირველივე რჩევა ძალიან რთულია შესასრულებლად, მით უმეტეს მაშინ, თუკი შენ მიგატოვა, მაგრამ დამიჯერე, ეს ძალიან მნიშვნელოვანი პუნქტია. თუკი შენ შენი ყოფილი პარტნიორის სურვილებს პატივს ვერ სცემ, მაშინ მასთან ურთიერთობის განახლებაზე ფიქრიც კი არ ღირს. ეს ნიშნავს იმას, რომ კონტაქტს მხოლოდ მას მერე აღადგენ, რაც საკუთარი თავის დადანაშაულებას შეწყვეტ დაშორებაში. მხოლოდ მაშინ მისწერე, როცა ზუსტად გეცოდინება რომ მართლა გენატრება და არა - მოწყენილობის ან დანაშაულის გრძნობის გამო. 2. არ მიიღო ეს კონკურენციად სიყვარული და პარტნიორობა ფეხბურთის თამაში არ არის - აქ არ არსებობს კონკრეტული გამარჯვებული და დამარცხებული. თუმცა ძალიან ბევრი დაშორებული წყვილი ფიქრობს, რომ აუცილებელია, დაშორებიდან მოკლე ხანში აჯობოს ყოფილს, რათა დაანახოს, თუ რა დაკარგა. ეს მხოლოდ და მხოლოდ ჩვენვე დაგვაზიანებს. 3. ნუ იჭორავებ მის შესახებ რა თქმა უნდა, დაშორება ძალიან ცუდია. თან ჩვენს საუკეთესო მეგობრებს ერთი სული აქვთ, ლანძღონ ჩვენი ყოფილი. მაგრამ მაინც - რაც არ უნდა გული გეტკინოს, თუნდაც ფიქრობდე, რომ მას არასოდეს შეურიგდები, მაინც არ გალანძღო შენი ყოფილი პარტნიორი მეგობრებთან. 4. შეცვალე შენი ცხოვრება დაშორების შემდეგ ცხადია, თავს მარტოსულად იგრძნობ, მაგრამ აუცილებელია, რომ ახალი რეჟიმი ახალ ჰობის, მეგობრებსა და გართობას მოახმარო. შეავსე შენი ცხოვრება სხვადასხვა საინტერესო აქტივობებით. შემდეგ კი დააკვირდი: თუკი ყოფილი მხოლოდ მაშინ გენატრება, როცა მარტო ხარ და მოწყენილი, მაშინ სხვა აქტივობით დაკავდი. თუკი მაშინაც გენატრება, როცა ბედნიერი და მშვიდი ხარ, ეს სხვა საქმეა, სწორედ, ამ დროს უნდა მისწერო მას. 5. შეაფასე შენი პრობლემები კი ბატონო, ყველამ ვიცით, დაშორების პირველ კვირებში როგორი ძნელია; როგორ გვენატრება ხოლმე ჩვენი ყოფილი შეყვარებული, მაგრამ აუცილებლად უნდა ჰკითხო შენს თავს: არის თუ არა დაშორების მიზეზები ნამდვილად მტკიცე? მაგალითად, თუ დაშორება გამოიწვია იმან, რომ ერთ-ერთ თქვენგანს სამსახურის გამო სხვა ქალაქში მოუწია გადაბარგება, დისტანციამ კი თქვენი სიყვარული დაასუსტა, ამის გამოსწორება შეიძლება ერთი კითხვით: „გიღირს თუ არა, მასთან ქალაქში საცხოვრებლად გადასვლა?“ 6. ნუ იფიქრებ ბევრს იმის შესახებ, თუ როგორ უვლიდი მას თუკი გადაწყვიტე, რომ შერიგება კარგი აზრია და ამავე დროს, აბსოლუტურად დარწმუნებული ხარ, რომ არავის ახალს არ ხვდება, მაშინ თქვენს შორის გულახდილი საუბრების დროა. შეიძლება ცოტათი უხერხულიც იყოს, მაგრამ მთავარი ისაა, რომ ორივს გსურთ, თქვენი ურთიერთობა უკეთეს ეტაპზე გადავიდეს. თუკი დიდი ხანია ერთად ხართ, ჯობს, რომ გულახდილი საუბარი გქონდეთ. ხოლო თუკი მხოლოდ რამდენიმე კვირაა, რაც ხვდები, მაშინ უბრალოდ სჯობს, რომ მარტივად გასეირნება შესთავაზო. 7. შეხვედრის ადგილი შეცვალე მიუხედავად იმისა, რომ ძველი და კარგად ნაცნობი ბარი შესაძლოა ნაცნობი და რომანტიკული იყოს შენთვის, ამ სიტუაციაში კარგ გადაწყვეტილებად ვერ ჩავთვლით. ამის სანაცვლოდ, სჯობს, რომ შუადღისას ლანჩზე შეხვდეთ. ლანჩი მთლად პაემნად ვერ ჩაითვლება, ის უფრო საქმიანად და მსუბუქად ჟღერს. გარდა ამისა, დღისით გონება უფრო უკეთ და კონცენტრირებულად მუშაობს, ამიტომაც ორივე თქვენ-თქვენს სათქმელს ძალდაუტანებლად გადმოსცემთ. 8. დაასრულე კარგი მოგონებით ხდება ისეც, რომ ყოფილი წყვილები არ რიგდებიან და თავთავიანთ გზაზე მიდიან. ამ შემთხვევაში, ორიენტირდი, რომ ურთიერთობიდან საუკეთესო ნაწილები დაიმახსოვრო. ბოლო საუბარი დაასრულე პოზიტიური ნოტით - მოგონებით, რომელიც ყოველთვის გაგაღიმებს და გაგახსენებს, რატომ ხვდებოდი მას. 9. თუკი შერიგდებით ეს საკითხიც კვლავ „კონკურენციამდე“ მიდის. თუკი თქვენს ურთიერთობას კიდევ ერთ შანსს აძლევ, იცოდე, რომ ეს ერთ ღამეში არ გადაწყდება. მიუხედავად იმისა, რომ ხელახალი შერიგებისთვის საჭიროა კვლავ და უფრო მეტად იბრძოლოთ პარტნიორის ნდობის მოპოვებისთვის, ახლიდან დაწყებული ურთიერთობა ამის გამო შესაძლოა საერთოდ ახალ საფეხურზე ავიდეს. ნუღარ გაიხსენებთ რამ გატკინათ გული და რის გამო ხარ მასზე ნაწყენი. წყარო: funtime.ge წყვილები ურთიერთობა tbilisidaily