9 თებერვალს თბილისში მეტროთი და ავტობუსით 450 ათასამდე ადამიანმა იმგზავრა

გუშინ, საზოგადოებრივი ტრანსპორტის ამუშავების მეორე დღეს, თბილისში საზოგადოებრივი ტრანსპორტით - მეტროთი და ავტობუსით 447 255-მა ადამიანმა იმგზავრა. ინფორმაცია "თბილისის სატრანსპორტო კომპანიის" ვებგვერდზე ხელმისაწვდომი. ამ მონაცემებში არ შედის მიკროავტობუსებით გადაყვანილი მგზავრების ოდენობა. 9 თებერვალს ავტობუსი 250 443-მა მგზავრმა გამოიყენა, მეტრი კი - 196 812-მა პირმა. როგორც თბილისის მერმა, კახა კალაძემ თქვა, პირბადის გამოყენებასთან დაკავშირებით იყო ხარვეზები. კერძოდ: 524 მგზავრი ეცადა პირბადის გარეშე ასვლას საზოგადოებრივ ტრანსპორტში; 3 790 მგზავრს გააფრთხილეს პირბადის არასწორად გამოყენების გამო; 1 შემთხვევაში გამოიძახეს პატრული. კორონავირუსის პანდემიის გამო თბილისსა და 7 დიდ ქალაქში საზოგადოებრივი ტრანსპორტის მოძრაობა 2 თვეზე მეტი ხნის განმავლობაში შეჩერებული იყო. შემთხვევების რაოდენობის შემცირების გამო 8 თებერვლიდან მთელ საქართველოში მუნიციპალურმა ტრანსპორტმა მუშაობა განაახლა. კორონავირუსის პანდემიამდე მეტროსა და ავტობუსს, საშუალოდ, 700 ათასი მგზავრი გადაჰყავდა. https://www.radiotavisupleba.ge/a/31095415.html #ახალი_ამბები #twitter #covid19_-_ახალი_ამბები