დღეიდან მიკროავტუბისით, ავტობუსითა და მატარებლით საქალაქთაშორისო გადაადგილება შეწყდა

კორონავირუსთან დაკავშირებით შექმნილი უწყებათაშორისი საბჭოს გადაწყვეტილებით, საქართველოში, დღეიდან საქალაქთაშორისო ტრანსპორტის მოძრაობა შეწყდა. შესაბამისდ, მიკროავტობუსებით, ავტობუსებითა და მატარებლებით მგზავრობა შეწყდა. არ იკრძალება ქალაქიდან ქალაქში ავტომანქანებით გადაადგილება. „საკოორდინაციო საბჭოზე იქნა მიღებული დამატებითი გადაწყვეტილებები და ეს საქართველოში საქალაქთაშორისო ტრანსპორტის შეზღუდვას გულისხმობს. თქვენ იცით, რომ ქვეყანა გადავიდა უკვე შიდა გავრცელების ეტაპზე და ჩვენ მაქსიმალურად უნდა შევეცადოთ, რომ შევაჩეროთ შიდა გადაცემის სისწრაფე. ამიტომ ვზღუდავთ ყველა საქალაქთაშორისო ტრანსპორტს, მათ შორის მატარებლით სამგზავრო გადაყვანას“, - განაცხადა გუშინ, საბჭოს სხდომის დასრულების შემდეგ, პრემიერის პრესსპიკერმა ირაკლი ჩიქოვანმა.

#კორონავირუსი

#ავტობუსი

#მატარებელი

#მოძრაობა

#დარჩისახლში

#tbilisidaily