რიო-დე-ჟანეიროში იესოს ქანდაკება ექიმის ვირტუალური ხალათით შემოსეს. როგორც ბრაზილიური მედია იუწყება, ამ ნაბიჯით პატივი მიაგეს ყველა სამედიცინო მუშაკს, რომელიც კორონავიურსს ებრძვის. ორგანიზატორებმა სპეციალური განათებით, იესოს ქანდაკება ჯერ ექიმის ხალათით შემოსეს, შემდეგ ქანდაკებაზე გამოჩნდა ფონენდოსკოპი, შემდეგ კი წარწერა, რომლითაც ექიმებს სხვადასხვა ენაზე მადლობა გადაუხადეს. ბრაზილიაში კორონავირუსით ინფიცირებულია 22 000-ზე მეტი ადამიანი. გარდაიცვალა 1223 ადამიანი.

ბრაზილიაში, რიო დე ჟანეიროში ქრისტეს ქანდაკება, იმ ქვეყნების დროშებით გაანათეს, რომლებიც კორონავირუსს ებრძვიან. მათ შორისაა საქართველოს დროშა#coronavirus #world #georgia #brazil #riodejaneiro #flag

თბილისის ანძა იტალიისადმი სოლიდარობის ნიშნად ამ ქვეყნის დროშის ფერებში განათდა. იტალიაში კორონავირუსთან დაკავშირებით კვლავ მძიმე ვითარებაა. ჯანდაცვის მსოფლიო ორგანიზაციის მონაცემებით, იტალიაში სულ კორონავირუსით ინფიცირების 53 578 შემთხვევა დაფიქსირდა. დაღუპულია 4 827 ადამიანი.#italy #tbilisi #georgia #stopcovid19

ბრაზილიაში, COVID-19 ტიპის ახალი კორონავირუსის შედეგად ინფიცირებულთა დადასტურებულმა შემთხვევებმა 5 717 შეადგინა. ვირუსის შედეგად გარდაცვლილია 201 ადამიანი. ამის შესახებ შესაბამისს ინფორმაციას ქვეყნის ჯანდაცვის სამინისტრო ავრცელებს. გავრცელებული ინფორმაციის მიხედვით, ვირუსი დაუდასტურდა 5 717 ადამიანს. სიკვდილიანობის მაჩვენებელმა 3,5%-ს მიაღწია. ყველაზე მეტი ინფიცირებული მოდის რიო-დე-ჟანეიროზე და სან-პაულუზე. მარტის შუა რიცხვებში ცნობილი გახდა, რომ ახალი კორონავირუსით დაინფიცირდა ბრაზილიის სენატის წარმომადგენელი დავი ალკოლუმბრე. შედეგად, მოხდა მისი იზოლაცია. გავრცელებული ინფორმაციის მიხედვით, სენატორს მძიმე სიმპტომები არ უვლინდება.

ცნობილი ქანდაკების სახელწოდება ,,პიეტა“ სინანულს ნიშნავს, იტალიურიდან ითარგმნება როგორც თანაგრძნობა, ღვთისმოსაობა. ძველ რომაულ მითოლოგიაში მშობლების მიმართ შვილის სიყვარულის განსახიერებაა. პიეტას ასევე უწოდებენ იესო ქრისტეს დატირების სცენას (ღვთისმშობელი და მკვდარი ქრისტე). სცენა ასახავს ბიბლიურ ეპიზოდს, როდესაც ნაწამები და უკვე აღსრულებული იესოს სხეული ჯვრიდან გარდმოიხსნა. ქანდაკება 1498-1499 წლებში შეიქმნა, და ის მოქანდაკის ერთადერთი ნამუშვარია, რომელსაც ხელოვანმა ხელი მოაწერა. ერთ-ერთ ცნობით, მიქელანჯელომ გამვლელების საუბარი მოისმინა და იმის შიშით, რომ მისი ნაშრომი არ გამქრალიყო, ან ვინმეს არ მიეთვისებინა, საკუთარი ხელმოწერა დატოვა. დღეს ეს გენიალური ნამუშევარი ვატიკანში, წმინდა პეტრეს ტაძრის ერთ-ერთ კაპელაში ინახება. ცნობილია, რომ ქანდაკების ტრანსპორტირების დროს მარიამის მარცხენა ხელის თითები დაზიანდა, თუმცა მას რესტავრაცია ჩაუტარდა, რის შემდეგაც ქანდაკებას საიმედო დაცვისთვის ტყვიაგამუტარი მინის ჯებირი შემოავლეს. მიქელანჯელო ბუანაროტმა ქანდაკება 24 წლის ასაკში შექმნა. #art #world #religion #ხელოვნება #საინტერესო #საკითხავი #საინტერესოფაქტები

ბრაზილიაში კორონავირუსის 30 476 ახალი შემთხვევა გამოვლინდა და დაინფიცირებულთა რიცხვმა ჯამში 1 344 143-ს მიაღწია. გასულ 24 საათში, ვირუსს კიდევ 552 ადამიანი ემსხვერპლა. გარდაცვლთა რიცხვი ამ დროისთვის მთლიანობაში 57 622-ს შეადგენს. ინფორმაციას „როიტერი“ ბრაზილიის ჯანდაცვის სამინისტროზე დაყრდნობით ავრცელებს. გარდა ამისა, სამინისტროს ცნობით, ვირუსისგან 733 848 პაციენტი განიკურნა. ყველაზე მეტი შემთხვევა სან-პაულოს შტატში ფიქსირდება, შემდეგ არის რიო-დე-ჟანეირო. ბრაზილია, აშშ-ის შემდეგ, მსოფლიოში კორონავირუსით ინფიცირებულთა და გარდაცვლილთა რიცხვით, მეორე ადგილზეა.

ირანულმა ავიაკომპანია Mahan Air-მა სავარაუდოდ ახლო აღმოსავლეთში კორონავირუსის გავრცელებას შეუწყო ხელი. იმის მიუხედავად, რომ ზოგიერთმა ქვეყანამ ირანთან საჰაერო მიმოსვლა აკრძალა, კომპანიას ფრენები მაინც არ შეუწყვეტია. როგორც ცნობილია, Mahan Air, სახელმწიფო აკრძალვების მიუხედავად, აგრძელებდა ავიამიმოსვლას ერაყის, არაბთა გაერთიანებული საემიროების, სირიის და სხვა ქვეყნების მიმართულებით. ოფიციალურმა თეირანმა 31 იანვარს სრულად შეაჩერა ფრენები ჩინეთის მიმართულებით. თავის მხრივ, ზოგიერთმა სახელმწიფომ თებერვალსა და მარტში, ირანის მიმართულებით ნებისმიერი სახის ავიამიმოსვლა შეაჩერა, მას შემდეგ, რაც ეს ქვეყანა ახალი ტიპის კორონავირუსის გავრცელების მსხვილ კერად იქცა. ზემოხსენებულის მიუხედავად, Mahan Air განაგრძობდა ფრენებს, რითაც საფრთხეს უქმნიდან როგორც მგზავრების, ასევე ეკიპაჟების ჯანმრთელობას. რას წარმოადგენს Mahan Air? - Mahan Air „კერძო“ ირანული ავიაკომპანიაა, რომელიც ფლობს 55 ერთეულ თვითმფრინავს და წლის მანძილზე 5 მლნ. მგზავრის გადაყვანას ახორციელებს მსოფლიოს 66 წერტილიდან. როგორც ცნობილია, Mahan Air ირანის „ისლამური რევოლუციის გუშაგთა კორპუსთან“ არის დაკავშირებული. შეერთებული შტატები 2011 წლიდან ადანაშაულებს კომპანიას სხვადასხვა მიმართულებით იარაღის გადატანასა და „გუშაგთა კორპუსის“ პირადი შემადგენლობის გადაყვანაში, რის გამოც, მას ეკონომიკური სანქციები აქვს დაწესებული. Mahan Air მხარს უჭერს ირანის ოპერაციებს სირიაში, ლიბანსა და ერაყში - ქვეყნებში, სადაც „ისლამური რევოლუციის გუშაგთა კორპუსს“ აქვს კავშირები. სამედიცინო რეკომენდაციების იგნორირება - როგორც ლიბანელ და ერაყელ წყაროებზე დაყრდნობით დადასტურდა, ამ ქვეყნებში COVID-19-ის ინფიცირება სწორედ Mahan Air-ის ფრენების შედეგად გავრცელდა. 19 თებერვალს, ერაყელი სტუდენტი Mahan Air-ის რეისით W55062, თეირანიდან ერაყის ნაჯაფში ჩაფრინდა. 24 თებერვალს, სწორედ ეს პიროვნება გახდა პირველი ოფიციალურად რეგისტრირებული, კორონავირუსით ინფიცირებული შემთხვევა ერაყის ტერიტორიაზე. 20 თებერვალს, ლიბანის მოქალაქე, თეირანიდან სამშობლოში დაბრუნდა Mahan Air-ის რეისით W5112. 21 თებერვალს, სწორედ იგი გახდა პირველი ოფიციალურად რეგისტრირებული ინფიცირებული ლიბანის ტერიტორიაზე. აღნიშნულის მიუხედავად Mahan Air კვლავ აგრძელებდა ავიამიმოსვლებს. ერაყის ხელისუფლებამ ირანთან საჰაერო მიმოსვლა 20 თებერვალს „შეაჩერა“. შეჩერების შემდეგ, ოფიციალური ბაღდადის ნებართვით, კომპანიამ მინიმუმ 15 ფრენა განახორციელა. როგორც ერაყის ხელისუფლება აცხადებდა, აღნიშნული რეისები რეპატრიაციის მიზნით ხორციელდებოდა და აღნიშნული ნებართვა ერაყის სამოქალაქო ავიაციის ორგანოს მიერ იყო გაცემული. აქვე ხაზგასმული იყო, რომ ერაყსა და ირანს შორის კვლავ არსებული ავიამიმოსვლის მიუხედავად, ირანელ მგზავრებს ამ სახელმწიფოში შესვლის უფლება არ ეძლეოდათ. ფრენები ირანსა და ჩინეთს შორის - კორონავირუსული პანდემიის პიკის პროცესში, Mahan Air რეისებს ასრულებდა ჩინეთის 4 დიდი ქალაქის - პეკინის, შანხაის, გუანჟოუსა და შენჩჟენის მიმართულებებით. ეს ნიშნავს იმას, რომ ოფიციალურ თეირანს ნება უნდა დაერთო კომპანიისთვის, დაერღვია 31 იანვარს, მათ მიერ მიღებული ზომები, ჩინეთის მიმართულებით ავიამიმოსვლის აკრძალვაზე. Mahan Air-მა ჩინურ სოციალურ ქსელებში გამოაქვეყნა ფოტომასალა, სადაც მითითებული იყო, რომ იანვრის ბოლოდან 20 აპრილამდე, მათ 6 ფრენა შეასრულეს, რა დროსაც ჰუმანიტარული დახმარება გადაზიდეს. კიდევ 4 ფრენა კი, ავიაკომპანიის განმარტებით, ჩინეთიდან ირანის მოქალაქეების ევაკუაციისთვის იყო განკუთვნილი. ამ მიზნით ბოლო ფრენა მათ 5 თებერვალს შეასრულეს. Mahan Air-ის ოფიციალური განცხადებებისა და ფრენების თაობაზე ინფორმაციის შემდგომი ანალიზის შედარებებისას, ცნობილი გახდა, რომ ჩინეთთან საჰაერო მიმოსვლის აკრძალვის მიუხედავად, 157 ფრენა განხორციელდა. 31 იანვრიდან 20 აპრილამდე, Mahan Air იყო ერთადერთი ავიაკომპანია, რომელიც ირანსა და ჩინეთს შორის პირდაპირ ფრენებს აგრძელებდა. კორონავირუსული პანდემიის პიკის დროს, ზემოხსენებული კომპანია მნიშვნელოვან როლს ასრულებდა ირანიდან სხვადასხვა ქვეყნებში მგზავრთა გადაყვანის პროცესში. სირიამ ოფიციალურ დონეზე 8 მარტს შეაჩერა ირანთან ფრენები, თუმცა აკრძალვის შემდეგ, Mahan Air-მა ამ ქვეყანაში კიდევ 8 ფრენა განახორციელა. დამატებით, კომპანიამ 37 ფრენა დუბაის, 19 თურქეთის და კიდევ 18 სხვა მიმართულებით შეასრულა. მომზადებულია რატი ერისთავის მიერ. წყარო: Mahan Air: how with the help of one airline Covid-19 flew around the Middle East (05.05.2020),#coronavirus #Iran #China #Mahan #Air #headline