საქართველოში გამოვლენილი კორონავირუსის 67 შემთხვევიდან ორი ავსტრიის მოქალაქეა
50 Views
Mediamall
Tbilisi · 6 months ago

ჯანდაცვის მინისტრის, ეკატერინე ტიკარაძის განცხადებით, საქართველოში გამოვლენილი კორონავისრუსის 67 შემთხვევიდან ორი ავსტრიის მოქალაქეა.

მისივე თქმით, გუშინ ღამით დაინიშნა სპეცრეისი ავსტრიის სახელმწიფოს მხრიდან და მათი მოქალაქეები საკუთარ ქვეყანაში წაიყვანეს.

აქედან გამომდინარე, ტიკარაძის განმარტებით, ამ დროის მდგომარეობით, საქართველოში კორონავირუსი საქართველოს 65 მოქალაქეს დაუდასტურდა, მათ შორის ცხრა უკვე გამოჯანმრთელებულია.

„დღეის მდგომარეობით, ლუგარის ლაბორატორიას დადასტურებული აქვს 67 შემთხვევა. უბრალოდ გამოვლენილი შემთხვევებიდან ჩვენ გვყავდა ორი უცხოელი მოქალაქე, კერძოდ კი ავსტრიელები. გუშინ ღამით მოხდა სპეცრეისის დანიშვნა ავსტრიის სახელმწიფოს მხრიდან და მათი მოქალაქეები გადაყვანილი იყვნენ ავსტრიაში. აქედან გამომდინარე, ჩვენთან საქართველოს მოქალაქე დაფიქსირებული არის 65 და ამ 65 მოქალაქიდან ცხრა დღეის მდგომარეობით არის ჯანმრთელი. შედეგად ჩვენ ამ ეტაპზე სტაციონარებში გვყავს 56 კოვიდით ინფიცირებული პაციენტი, რომლებზეც წარმატებით ზრუნავენ ჩვენი ექიმები“ ,- განაცხადა ტიკარაძემ.

#stopcovid19 #coronavirus #covid19
Mediamall
Tbilisi · 6 months ago
2
Write a comment