10. The Strokes - Ode To The Mets პოპულარულმა ამერიკულმა როკ ჯგუფმა The Strokes ახალი სიმღერა Ode To The Mets გამოუშვა. კომპოზიცია ბენდის ახალ ალბომში The New Abnormal შევიდა, რომელიც გაყიდვაში 10 აპრილს ჩაეშვა. ჩანაწერის პროდუსერი ლეგენდარული რიკ რუბინი გახლავთ. 9. Benny the Butcher - Quarantine ნიუ იორკული ჰიპ ჰოპ გაერთიანების Griselda წევრმა, ჯერემი ფენიქმა, ფსევდონიმით Benny the Butcher, ახალი კომპოზიცია Quarantine და მასზე გადაღებული ვიდეორგოლი გამოაქვეყნა. ჩანაწერის პროდიუსერი Chup გახლავთ. 8. ლექსო რატიანი - ძილი ქართული მუსიკის კვოტით ლექსო რატიანი ჩვენს სიაში. 17 წლის არტისტმა ვიდეოსთან ერთად ახალი კომპოზიცია "ძილი" გაავრცელა. კორონავირუსის პანდემიის გამო გამოცხადებული კარანტინის პირობებში შექმნილი ჩანაწერის პროდიუსერი თორნიკე ჯაფიაშვილი გახლავთ. 7. Bob Dylan - I Contain Multitudes ლეგენდარულმა მუსიკოსმა კომპოზიცია I Contain Multitudes გაავრცელა. რვაწლიანი პაუზის შემდეგ ეს დილანის კიდევ ერთი ახალი სიმღერაა. ჩანაწერის სახელწოდება ამერიკელი პოეტის, უოლტ უიტმენის პოემიდან Song of Myself არის ნასესხები. 6. Westside Gunn & Joey Bada$$ ft. Tyler, The Creator & Billie Essco - 327 ჰიპ ჰოპ არტისტმა Westside Gunn ნიუ იორკელ რეპერთან, Joey Badass-თან ერთად ჩაწერილი ახალი კომპოზიცია 327 გაავრცელა. მათთან ერთად ნამუშევარში კალიფორნიელი მუსიკოსი Tyler, The Creator და Billie Essco მონაწილეობენ. 5. The Rolling Stones - Living In A Ghost Town რვაწლიანი პაუზის შემდეგ ლეგენდარულმა ბრიტანულმა ჯგუფმა პირველი ახალი სიმღერა Living In a Ghost Town გაავრცელა. მუსიკოსებმა ჩანაწერზე მუშაობა კორონავირუსის პანდემიის დაწყებამდე დაიწყეს, თუმცა მისი დასრულება კარანტინში მოუხდათ, რაც სიმღერის ტექსტზეც აისახა. 4. Ab-Soul - Dangerookipawaa Freestyle თანამედროვე ჰიპ ჰოპის ერთ-ერთი გამორჩეული გაერთიანების, Top Dawg Entertainment-ის წევრმა, Ab-Soul-მა ახალი კომპოზიცია Dangerookipawaa Freestyle გაავრცელა. 2016 წელს გამოქვეყნებული ალბომის Do What Thou Wilt შემდეგ, ეს მუსიკოსის პირველი სოლო ტრეკია. 3. Amnesia Scanner ft. LYZZA - AS Going გერმანიაში მოღვაწე ფინურმა დუეტმა Amnesia Scanner ახალი კომპოზიცია AS Going გაავრცელა. ტრეკი მუსიკოსების მომავალ ალბომში Tearless იქნება წარმოდგენილი, რომელიც 5 ივნისს გამოიცემა. ჩანაწერში ბრაზილიური წარმოშობის ბრიტანელი არტისტი LYZZA მონაწილეობს. 2. Thundercat - Innerstellar Love გრემის მფლობელმა არტისტმა, მულტიინსტრუმენტალისტმა და მომღერალმა, სტივენ ბრანერმა, სასცენო სახელით Thundercat, ახალი კომპოზიცია Innerstellar Love გაავრცელა. ტრეკი მის ბოლო ალბომში It Is What It Is შევიდა, რომელიც 3 აპრილს გამოიცა. 1. Fiona Apple - Cosmonauts ამერიკელმა მუსიკოსმა, ფიონა ეფლმა ახალი კომპოზიცია Cosmonauts გამოუშვა. ტრეკი მის ახალ ალბომში Fetch the Bolt Cutters შევიდა, რომელიც გაყიდვაში 17 აპრილს ჩაეშვა და კრიტიკოსებისა და მსმენელებისგან უმაღლესი შეფასებები დაიმსახურა.#music #feelfree #art #love Tbilisi #opinion

მუსიკა იყო ის უდიდესი ძალა, რომლის მატარებელიც ცნობილი კომპოზიტორი პეტრე ჩაიკოვსკი გახლდათ. ოჯახის დიდი წინააღმდეგობის მიუხედავად, მან მაინც შეძლო და მთელი ცხოვრება საყვარელ საქმეს ემსახურა: – არ იფიქროთ, რომ ვოცნებობ, გავხდე გამოჩენილი კომპოზიტორი, ჩემთვის სულერთია, ვიქნები სახელგანთქმული, მდიდარი მუსიკოსი თუ ჩვეულებრივი სკოლის მასწავლებელი. მთავარია, ვაკეთო ის, რისი კეთებაც მინდა. ასე სინდისი უფრო დამშვიდებული მექნება, – ასე იმართლებდა თავს პეტრე ჩაიკოვსკი, როცა განრისხებულმა პაპამ ის ოჯახის შერცხვენაში დაადანაშაულა, რადგან იუსტიციის დეპარტამენტს კონსერვატორიაში სიარული ამჯობინა. მისი ნაწარმოებები ათეულობით წლებია კლასიკური მუსიკის მოყვარულებს ატყვევებს. რომანტიზმი, ინფანტილიზმი, მსუყე ნოტები და სენტიმენტალიზმი – ასეთია ჩაიკოვსკის მუსიკის ძირითადი კრიტერიუმები. მუსიკისადმი ინტერესი პატარაობიდანვე გამოავლინა, თუმცა მის აღმზრდელ ფრანგ ქალბატონს მუსიკა და ხელოვნება არ უყვარდა და მომავალ კომპოზიტორს არ უსრულებდა სურვილს, ფორტეპიანოზე დაკვრა ესწავლა. მაშინ პატარა ჩაიკოვსკი თავისუფალ დროს ფანჯრის რაფას მიუჯდებოდა, წარმოიდგენდა, რომ მის წინ ულამაზესი როიალი იდგა, ის კი თავდავიწყებით უკრავდა და მას ათასობით მსმენელი აღფრთოვანებული უსმენდა. ეს ამბავი საბოლოოდ ფანჯრის რაფის ჩამონგრევით და პატარა მუსიკოსის ხელის მოტეხვით დასრულდა. შვილის ასეთი გატაცების გამო, მშობლებმა იგი მუსიკის მასწავლებელთან ყოველი შემთხვევისთვის მიიყვანეს, რადგან მათ გადაწყვეტილი ჰქონდათ პეტრე იურისტი გამოსულიყო. კომპოზიტორის ცხოვრებაში ყველაზე ტრაგიკული პერიოდი დედის გარდაცვალებაა. 14 წლის ასაკში მას დედა ქოლერით გარდაეცვალა. ამ ტრაგედიამ მასზე უდიდესი კვალი დატოვა. მუსიკის სიყვარულმა საბოლოოდ მაინც თავისი გაიტანა, პეტერბურგის ახალგახსნილ კონსერვატორიაში ჩააბარა, მუსიკის წერა დაიწყო და დირიჟორობის შესწავლა მაესტრო რუბინშტეინთან გადაწყვიტა. სწორედ ამ პერიოდში დაწერა პეტრე ჩაიკოვსკიმ თავისი რამდენიმე უმნიშვნელო ნაწარმოები. ეს ამბავი ნამდვილი ტრაგედია აღმოჩნდა კომპოზიტორის მამისა და პაპისთვის. მათ თანამდებობის პირი სურდათ გაეზარდა, ის კი მუსიკის გარდა ვერაფერს ხედავდა. საბოლოოდ პეტრე მოსკოვში გადავიდა, სადაც რუბინშტეინის ძმამ, ნიკოლაიმ სამუშაოდ ახალდაარსებულ მოსკოვის კონსერვატორიაში მიიწვია. ამ პერიოდში მისი პირველი ოპერა შეიქმნა და მოსკოვშიც დაიდგა. პირველი იმედგაცრუების შემდეგ, კომპოზიტორმა საკუთარი ნაწარმოები თავად გაანადგურა. ნერვული შეტევები, ისტერიული ტირილი თუ სიცილი, პანიკა და შიშები პეტრე ჩაიკოვსკის ცხოვრების განუყოფელი ნაწილი იყო. თბილი, სათნო და დახვეწილი ადამიანის უკან იმალებოდა პიროვნება, რომელსაც ხშირად ჰქონდა შეტევები, ამ დროს სახლში ყველაფერს ურევდა, საკუთარ ნაშრომებს ანადგურებდა და ბუხარში წვავდა. შემდეგ კი იჯდა და სრულიად მარტო საათობით ტიროდა. საბოლოოდ პეტრე ჩაიკოვსკის ცხოვრებაში აღმავლობის ხანა დადგა. მან შემქნა ოპერები, სიმფონიები, საფორტეპიანო კონცერტები – კომპოზიტორის სახელი სულ უფრო პოპულარული გახდა და გასცდა რუსეთის საზღვრებს. ამ პერიოდში მან წერილი მიიღო მდიდარი ქვრივისგან ნადეჟდა ფონ მეკისგან. წერილში ქალბატონი წერდა, რომ მუსიკა მისი ცხოვრების განუყოფელი ნაწილია, ჩაიკოვსკის შემოქმედებაზე კი შეყვარებულია. მდიდარმა ქალბატონმა კომპოზიტორს ყოველთვიური სტიპენდია, 6000 რუბლი დაუნიშნა, რაც იმ დროისთვის საკმაოდ სოლიდური თანხა იყო. საოცარი ის არის, რომ ნადეჟდა და პეტრე ერთმანეთს პირისპირ არასოდეს შეხვედრიან, მაგრამ ამას ხელი არ შეუშლია ქვრივისთვის, რომ 13 წლის განმავლობაში დანიშნულ დროს კომპოზიტორისთვის თანხა გაეგზავნა. მათი ურთიერთობა მოულოდნელად შეწყდა, თუმცა რა გახდა ამის მიზეზი, უცნობია. – დავიღალე ამდენი ჭორით, ვინმე ცოლად უნდა მოვიყვანო, რომ ერთხელ და სამუდამოდ დავადუმო ეს უსაქმური ხალხი, – სწერდა პეტრე ჩაიკოვსკი თავის ძმას მოდესტს და მან ცოლად ანტონინა მილიუკოვა მოიყვანა. ისინი კონსერვატორიაში სწავლობდნენ ერთად და გოგონა მაშინაც სწერდა სასიყვარულო წერილებს პეტრეს. თუმცა თავისი არატრადიციული სექსუალური ორიენტაციის გამო, კომპოზიტორი ნაკლებად აქცევდა ყურადღებას ქალის სიმპათიებს. სრულიად მოულოდნელად პეტრემ ანტონინას ხელი სთხოვა და ცოლადაც მოიყვანა. თაფლობისთვის გასატარებლად წყვილი პეტერბურგში წავიდა, სადაც ჩაიკოვსკის შეკვეთაც ჰქონდა. მორიგი ცოლქმრული სკანდალის შემდეგ, ატირებული კომპოზიტორი ქუჩაში გავარდა, რამდენიმე საათიანი ბორიალის შემდეგ კი გადაწყვეტილება მიიღო და ხიდიდან მდინარეში გადახტა. სიკვდილისგან პეტრე ჩაიკოვსკი გამვლელმა გადაარჩინა. სამთვენახევარიანი ქორწინება დასრულდა. პეტრე ანტონინას გაუბედურებაში იდანაშაულებდა თავს და სიცოცხლის ბოლომდე უხდიდა ალიმენტს, რაც კანონით არ ევალებოდა. საბოლოოდ ანტონინა საგიჟეთში მოხვდა და 2 წლის შემდეგ გარდაიცვალა. XIX საუკუნის 80-იან წლებში პეტრე ჩაიკოვსკი საქართველოში ჩამოვიდა. მან 10 დღე გაატარა თბილისში, თუმცა მისი საქართველოში ვიზიტი ამით არ დასრულებულა. მოგვიანებით იგი ბორჯომში ჩავიდა, შემდეგ კი ხანმოკლე ვიზიტებით სტუმრობდა ჩვენს სამშობლოს. ევროპიდან კომპოზიტორმა ამერიკაში გადაინაცვლა, სადაც ნიუ იორკში კარნეგი ჰოლის საზეიმო გახსნას დაესწრო და საპატიო სტუმრის სტატუსით 6 კონცერტიც ჩაატარა. ამ მოგზაურობამ შთააგონა პეტრე ჩაიკოვსკის “მაკნატუნა” და “ევგენი ონეგინი” დაეწერა. – სახელი, დიდება, ფული, წარმატება, ტაში, ოვაციები, მსოფლიო აღიარება, ნუთუ ეს არის ბედნიერება?! არა, ბედნიერება ისაა, როდესაც შენს საყვარელ საქმეს აკეთებ, – ამბობდა პეტრე ჩაიკოვსკი.#ჩაიკოვსკი #ოპერა

„სარფში დაკავებულ პირს ერთ-ერთი სამოქალაქო კლინიკის კარანტინში დღეს კოვიდ-19 დაუდასტურდა“, – ინფორმაციას ამის შესახებ სპეციალური პენიტენციური სამსახური ავრცელებს. პენიტენციურის ​ცნობით, მიმდინარე წლის 24 აპრილს, საქართველოს შინაგან საქმეთა სამინისტროს თანამშრომლების მიერ სარფში სასაზღვრო გამშვებ პუნქტზე დააკავეს ბრალდებული რ.მ., რომელიც იმავე დღეს პირდაპირ განთავსდა სამოქალაქო სექტორის კლინიკაში, სადაც იგი შინაგან საქმეთა სამინისტროს თანამშრომლებისგან სპეციალური პენიტენციური სამსახურის ესკორტის ოფიცრებმა გადაიბარეს. „საპატიმროს ნაცვლად პირდაპირ სამოქალაქო სექტორის კლინიკაში ბრალდებულის განთავსება შესაბამისობაშია იმ წესებთან, რომლებიც 2020 წლის 13 მარტიდან პენიტენციურ დაწესებულებებში მოქმედებს. კერძოდ, ე.წ. მიმღებ ციხეებში (N2, N5 და N8 პენიტენციური დაწესებულებები) ახლად მიყვანილი ბრალდებულები ციხის გარეთ სპეციალურად ამისათვის მოწყობილ დროებით სამედიცინო პუნქტში გადიან შემოწმებას და რაიმე საეჭვო სიმპტომის დაფიქსირების შემთხვევაში, ხდება მათი სამოქალაქო სექტორის კლინიკაში გადაყვანა. ხოლო ის ბრალდებულები, რომლებიც კარანტინის რეჟიმში მყოფ მუნიციპალიტეტებში არიან დაკავებულნი ან შემოსულები არიან უცხოეთიდან, პირდაპირ სამოქალაქო კლინიკაში თავსდებიან 17-დან 21 დღემდე პერიოდით. სწორედ ამ წესის მიხედვით მოხდა 24 აპრილს ბრალდებულ რ.მ.-ს განთავსება პირდაპირ სამოქალაქო სექტორის კლინიკაში, სადაც მას დღეს, 12 მაისს, PCR ტესტის შედეგების მიხედვით კოვიდ-19 დაუდასტურდა. ბრალდებული კვლავ იმყოფება სამოქალაქო სექტორის კლინიკის საკარანტინო ნაწილში და მისი მდგომარეობა სტაბილურია. ჯანდაცვის შესაბამის სტრუქტურებთან თანამშრომლობით, იგეგმება მისი გადაყვანა ე.წ. კოვიდის სამკურნალო კლინიკაში. ამავე საკარანტინო ზონის ბოქსირებულ პალატებში განთავსებულ სხვა ახალდაკავებულ ბრალდებულებთან რ.მ.-ს შეხება არ ჰქონია. მიუხედავად ამისა, ყველა ბრალდებულს, ასევე მოცემულ კლინიკაში დისლოცირებულ ესკორტის ოფიცრებს და ბრალდებულ რ.მ.-სთან კონტაქტში მყოფ სხვა პირებს, დადგენილი წესით, ტესტები ჩაუტარდებათ. მოცემული შემთხვევა კიდევ ერთხელ ცხადყოფს სპეციალური პენიტენციური სამსახურის მიერ მიმდინარე წლის 5 მარტიდან ვირუსის პრევენციის მიზნით გატარებული ღონისძიებების ეფექტურობას. სწორედ ამ და კორონავირუსთან დაკავშირებით მოქმედი უწყებათაშორისი საკოორდინაციო საბჭოს მიერ მიღებული. პრევენციული ღონისძიებების შედეგია, რომ პენიტენციურ სისტემაში ვირუსის შეტანა არ მოხდა“, – ნათქვამია უწყების მიერ გავრცელებულ ინფორმაციაში

💛 პირველი გიტარა ჯონ ლენონს დეიდამ უყიდა. როგორც ჯონი ამბობდა, დეიდა მას აფრთხილებდა, რომ გიტარა, როგორც ჰობი კარგია, მაგრამ ფულს არ მოგიტანსო. წლების შემდეგ ჯონმა მას ვერცხლის თეფში აჩუქა, რომელზეც სწორედ ეს სიტყვები იყო ამოტვიფრული. ❤️ მას შემდეგ, რაც ჯონ ლენონმა გამოაცხადა, რომ ბითლზი უფრო პოპულარული იყო, ვიდრე იესო, ჯგუფის რეიტინგი საგრძნობლად დაეცა. - 💙როგორც ცნობილია, ბითლზის დრამერს – რინგო სტარს თავიდან პარიკმახერობა უნდოდა. 💖 ბითლზის ცნობილ სურათში, რომელიც ები როუდზეა გადაღებული, სადაც მომღერლები ქუჩას კვეთენ, პოლ მაკარტნის ფეცსაცმელი არ აცვია. ის გადაღების დროს სანდლებით იყო და გადაწყვიტა, რომ ქუჩის გადაკვეთისას არ უნდოდა ისინი ცმოდა. 💚 FBI უთვალთვალებდა ბითლზს „ამერიკის უსაფრთხოების უზრუნველყოფის მიზნით“.ყველაზე დიდი ინტერესს მათთვის ლენონი წარმოადგენდა როგორც„რადიკალურად განწყობილი ნარკომანი რომელსაც შეუძლა მილიონობით ბითლომანით მანიპულაცია.“ ❤️„მეხუთე ბითლად“ ხშირად მოიხსენიებენ სერ ჯორჯ მარტინს იმ გიგინატური შრომის გამო რაც მან ჯგუფის განვითარებაში ჩადო. 💙*რინგოს ხშირად ეკითხებოდნენ ინეტრვიუების დროს: -რატომ ხარ ასეთი სევდიანი? -არ ვარ სევდიანი. უბრალოდ ასეთი სახე მაქვს. 💛ბითლზის ერთ–ერთი ცნობილი სიმღერა "Strawberry Fields", რაც ქართულად მარწყვის მდელოს ნიშნავს, სინამდვილეში იყო ბავშვთა სახლი ლივეპულში, რომესაცლ ჯონ ლენონი თავის სიცოცხლეში ეხმარებოდა, რის გამოც ამ დაწესებულებაში ერთ–ერთ ჰოლს მის საპატივცემულოდ ლენონის ჰოლი ეწოდა. 💚საინტერესო და ირონიულია ის ფაქტი, რომ ჯორჯ ჰარისონმა ცნობილი სიმღერა “Here comes the sun” თავისი საუკეთესო მეგობრის, ცნობილი მომღერლის ერიკ კლეპტონის ბაღში დაწერა. მოგვიანებით კლეპტონს ჰარისონის მეუღლე შეუყვარდა და რამდენიმე ხნის განმავლობაშ მათ რომანიც ჰქონდათ. ❤️სიმღერა Yesterday ყველაზე ხშირად შესრულებადი სიმღერაა მასოფლიოში. 💙-Beatles- ის როგორც ჯგუფის ბოლო სიმღერა იყო ,, The end” 💖ბითლზის სიმღერებში სიტყვა “სიყვარული” გვხვდება 613 ჯერ 💛 ბევრი ფიქრობდა, რომ ბითლზის სიმღერა „ლუსი ბრილიანტებიან ცაში“ ნარკოტიკის ზეგავლენის ქვეშ იყო დაწერილი და ტექსტშიც სწორედ ამის გავლენა იგრძნობოდა, თუმცა, რეალურად, ჯონ ლენონი 4 წლის ჯულიან ლენონის ნახატმა შთააგონა. მოგვიანებით ეს ნახატი "Pink Floyd"-–ის წევრმა, დევიდ გილმორმა შეიძინა. -💚პოლ მაკკარტნიმ ცნობილი სიმღერა "Hey Jude" ჯონ ლენონის შვილისთვის, ჯულიანისთვის დაწერა. -❤️ბითლზი ფლობს 7 გრემის. მათ გამოუშვეს 6 ბრილიანტის, 24 მულტი პლატინიუმის, 29 პლატინიუმისა და 45 ოქროს ალბომი აშშ–ში. 💙 1964 წელს მათ მოაწყვეს 32 კონცრეტი 19 დღეში დანიაში, ჰონგ–კონგში, ავსტრალიასა და ახალ ზელანდაიში. -💖ბითლზი პირველი და ჯერჯერობით ერთადერთი ჯგუფია, რომელმაც ამერიკის ხუთივე პოპ ჩარტის თავში მოექცა. 💛იუნესკოს დადგენილებით16იანვარი არის საერთაშორისო ბითლზის დღე. - 💚ჯგუფი აღტაცებული იყო ფანების ასეთი რაოდენობით მაგრამ მალე კონცერტებზე გადარეული ადამიანების კივილმა მუსიკის ჩახშობა დაიწყო. ლენონი ხშირად ამბობდა რომ ასეთ კონცერტებზე საკუთარი ხმა არ ესმოდა. -❤️ სულ მალე ლივერპულის უნივერსიტეტის კურსდამთავრებულებს შეეძლებათ მიიღონ "ბითლზის სპეციალისტის" დიპლომი. უნივერსიტეტი Liverpool Hope University აპირებს შექმნას ფაკულტეტი სახელად "ბითლზის შემოქმედების შემსწავლელი" ასეთი რამ მუსიკის ისტორიაში ჯერ არ მომხდარა როცა ჯგუფის კვლევისთის მთელი ფაკულტეტი შეიქმნა ინგლისის ერთ–ერთ წამყვან უნივერსიტეტში.მიზეზად ის დასახელდა რომ ჯგუფს დაახლოებით 8 ათასი სხვადასხვა წიგნი მიეძღვნა მაგრამ არავინ დაინტერესებულა მათი შემოქმედების მეცნიერული კვლევით, ეს ფაკულტეტი კი საშუალებას იძლევა უკვე მეცნიერული კვლევის საფუძველზე, პროფესიულად იქნას შესწავლილი ჯგუფის მოღვაწეობა და გაანალიზებული მათი კვალი მუსიკის და ზოგადად კაცობრიობის ისტორიაში. -💖 ბითლზებზე უამრავი დოკუმენტური და მხატვრული ფილმია გადაღებული. მათ შორის ყველაზე ახალი არის “Across the Universe”, რომელშიც საუნდთრეკებად ბითლზის სიმღერებია გამოყენებული. -💙1964 წლის 4 აპრილიდან ერთი კვირის განმავლობაში ბითლზს ბილბორდის 100-ეულში ეკავა 12 ადგილი სხვადასხვა სინგლით. მათ შორის იყო ხუთი პირველი ადგილი, რაც არც ერთ მუსიკოსს მანამდე არ ჰქონია. - 💛შის სტადიონის კონცერტით (1965) ბითლზმა დაამყარა ახალი რეკორდი კონცერტზე დასწრების მხრივ. მთლიანობაში კონცერტს ესწრებოდა 55.600 ადამიანი და იმ დროისათვის ეს მართლაც დიდ რაოდენობას წარმოადგენდა. #news #opinion #art #photo #music #goodvibes