5 votes
0 comments
0 shares
Save
პაციენტი 5-ის გასაწერად ვემზადებით, ვფიქრობ, ხვალ დილით მოგაწვდით კარგ ინფორმაციას - ენდელაძე
77 views
Pirveliradio Ge
Tbilisi · 3 months ago

http://pirveliradio.ge/index.php?newsid=139796

ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის განცხადებით, პაციენტი 5-ის მდგომარეობა არ არის მძიმე და მის გასაწერად ემზადებიან.

"მე ვფიქრობ, რომ ხვალ დილით კიდევ მოგაწვდით კარგ ინფორმაციას", - განუცხადა მან ჟურნალისტებს.

კორონავირუსის დაფიქსირების დღიდან, საქართველოში ინფიცირების 70 შემთხვევა დადასტურდა, აქედან 9 გამოჯანმრთელდა.


Pirveliradio Ge
Tbilisi · 3 months ago
Similar Posts
Pirveliradio Ge
Tbilisi · 3 months ago
ქვეყანამ, საიდანაც ეს მოქალაქე იმყოფება, გამოთქვა სურვილი და აგზავნის სპეციალურ რეისს თვითმფრინავის
აჭარის ჯანდაცვის მინისტრი ზაალ მიქელაძე ბათუმში კორონავირუსით დაინფიცირებულ 3 მოქალაქეზე და მათ შორის ჩრ. იტალიიდან ჩამოსულ პიროვნებაზე ინფორმაციას ავრცელებს. მიქელაძის განცხადებით, ​კორონავირუსით ინფიცირებულ პაციენტს თავის ქვეყანაში სპეციალური რეისით დააბრუნებენ. "დღეს იყო გადაყვანილი 6 მოქალაქე, აქედან 3-ს დაუდასტურდა კორონარული ინფექცია. მათ შორის იყო სასტუმროში თვითიზოლაციაში მყოფი ჩრ. ევროპიდან ჩამოსული მოქალაქე. მას თავის ქვეყანაში გამოფრენამდე ჰქონდა ჩატარებული კვლევა ამ ინფექციაზე და დღეს დილით მიიღო შეტყობინება საეჭვო დადასტურებასთან დაკავშირებით, შეგვატყობინა და გადაყვანილი იყო ინფექციურ კლინიკურ საავადმყოფოში, ჩაუტარდა ტესტირება და აღმოჩნდა დადებითი. ქვეყანამ, საიდანაც ეს მოქალაქე იმყოფება, გამოთქვა სურვილი და აგზავნის სპეციალურ რეისს თვითმფრინავის და გვიან ღამით ის დაბრუნდება სამშობლოში. მერე კითხვები რომ არ იყოს რატომ არის ერთით ნაკლები კლინიკურ საავადმყოფოში," - თქვა მიქელაძემ. მიქელაძის ინფორმაციით, თვითიზოლაციაში იმყოფებოდნენ მეორე და მესამე ინფიცირებულებიც. მისივე თქმით, სამივეს ჯანმრთელობის მდგომარეობა საშუალო სიმძიმისაა. "ყველას ჯანმრთელობის მდგომარეობა არის საშუალო სიმძიმის, მინიმალური კლინიკური ნიშნებით," - აღნიშნა მიქელაძემ. საქართველოში კორონავირუსით ინფიცირებული 7 ახალი პაციენტიდან 4 თბილისში, ხოლო 3 აჭარაშია მოთავსებული. ინფექციური საავადმყოფოს ბოქსირებული განყოფილების დირექტორის, მარინა ენდელაძის თქმით, არცერთ მათგანს მარნეულის შემთხვევასთან კავშირი არ აქვს.
Pirveliradio Ge
Tbilisi · 2 months ago
თუ მოსახლეობამ ვერ გაითავისა რეკომენდაციები,შეიძლება მდგომარეობა დრამატულად განვითარდეს...-ენდელაძე
თუ მოსახლეობამ ვერ გაითავისა ის რეკომენდაციები, რაც ახლა არის მოწოდებული ნამდვილად შეიძლება, მდგომარეობა დრამატულად განვითარდეს თანაც ისე, რომ ჯანდაცვის სისტემამ ვეღარ მოახერხოს ამ პაციენტების მოვლა - განაცხადა თბილისის ინფექციური საავადმყოფოს ბოქსირებული განყოფილების ხელმძღვანელმა მარინა ენდელაძემ „პალიტრანიუსის“ ეთერში, გადაცემაში „საღამოს ნიუსრუმში“. „ჩვენ ახლა შევდივართ პიკურ ფაზაში, საბედნიეროდ, ძალიან კარგად შევასრულეთ შეკავების პროცესი და ჯერჯერობით არ გვაქვს დრამატული შედეგები, მაგრამ, თუ მოსახლეობამ ვერ გაითავისა ის რეკომენდაციები, რაც ახლა არის მოწოდებული ნამდვილად შეიძლება განვითარდეს დრამატულად მდგომარეობა თანაც ისე, რომ ვეღარ მოახერხოს ჯანდაცვის სისტემამ ამ პაციენტების მოვლა. თუ დაავადება უმართავი გახდა და დიდი რაოდენობით მოხდა დაინფიცირება ვერც ჯანდაცვის სისტემა მოუვლის ამას“, - აღნიშნა მარინა ენდელაძემ. მარინა ენდელაძის თქმით, ვირუსის გავრცელების ამ ეტაპზე „არცერთმა არ ვიცით ვართ თუ არა ინფიცირებულები“ და ამიტომ მაქსიმალური სიფრთხილე უნდა გამოვიჩინოთ. „აქამდე ჯანდაცვის სამინისტრომ და მედიცინამ ძალიან კარგად ვიარეთ. ძალიან გთხოვთ, დარჩით სახლში, დაიცავით დისტანცია და ვეცადოთ, რომ გადავრჩეთ. ახლა ისეთი დღეები გველოდება, როდესაც ყოველთვის ხალხმრავლობა იყო, მაგრამ ეს წელი გადავიტანოთ ისე, რომ რაღაც ძველი ტრადიციები დავარღვიოთ, გავაკეთოთ ისე რომ არ მოხდეს დრამატული განვითარება. ახლა ის ეტაპია როდესაც ჩვენ არცერთმა არ ვიცით, ვართ თუ არა ინფიცირებულები და თუ რომელიმეს სიმპტომები გამოგვიჩნდება, მივმართოთ ექიმებს“, - განაცხადა მარინა ენდელაძემ.
Pirveliradio Ge
Tbilisi · 3 months ago
კორონავირუსით ინფიცირებული ბავშვების მდგომარეობა დამაკმაყოფილებელია - ენდელაძე
ბავშვების მდგომარეობა დამაკმაყოფილებელია - ამის შესახებ ინფექციური საავადმყოფოს ბოქსირებული განყოფილების ხელმძღვანელმა მარინა ენდელაძემ განაცხადა. „ბავშვების მდგომარეობა დამაკმაყოფილებელია. რა თქმა უნდა, მსუბუქი სიმპტომები აქვთ, მაგრამ მათთან რამე განსაკუთრებული არ არის და ყველას პროგნოზი კეთილსაიმედოა“, - განაცხადა ენდელაძემ. საქართველოში, ამ დროისთვის, ახალი კორონავირუსის 43 შემთხვევაა დადასტურებული, აქედან კი ერთი მოქალაქე უკვე გამოჯანმრთელდა.
Pirveliradio Ge
Tbilisi · 3 months ago
საქართველოში კორონავირუსის კიდევ ერთი ახალი შემთხვევა დადასტურდა
საქართველოში კორონავირუსის კიდევ ერთი ახალი შემთხვევა დადასტურდა. აღნიშნულ ინფორმაციას, თბილისის ინფექციური საავადმყოფოს კლინიკური დირექტორი მარინა ეზუგბაია ადასტურებს. მისი თქმით, ეს პაციენტი ბოლო სამი შემთხვევიდან ერთ-ერთის კონტაქტია. „ამ დროისთვის კლინიკაში 45 პაციენტია მოთავსებული. გუშინ ჩატარდა ტესტირება 15 პაციენტზე, საიდანაც 14 პაციენტთან მივიღეთ ნეგატიური პასუხი, 1 პაციენტის ტესტი იყო დადებითი. ეს პაციენტი გახლავთ ბოლო სამი შემთხვევის ერთ-ერთი კონტაქტი. ამ ეტაპზე ჩვენთან დადასტურებული წევს 29 შემთხვევა. შემოსული ახალი პაციენტის მდგომარეობა ჯერჯერობით, გამოხატული კლინიკით ფასდება, როგორც საშუალო სიმძიმის. დღეს ჩაუტარდება მას დამადასტურებელი კვლევები კიდევ განმეორებით. დანარჩენი პაციენტების მდგომარეობა სტაბილურია. სტაბილურია უკვე ვლაპარაკობ მე-2, მე-3 დღეა და ეს იმის მიმანიშნებელია იქნება, რომ დაავადების პროგრესირებას არ მოველით რამდენიმე ძველ პაციენტთან, სადაც გასულია ალბათ, უკვე ჩვენთან ყოფნის 12-13 დღე და უკვე შეიძლება ვილაპარკაოთ დასტაბილურებული სიტუაციის შემდეგ გაუმჯობესებაზე. დანარჩენ პაციენტებში ჯერჯერობით სიტუაცია მართვადია, შეფასების ნაწილში ლაბორატორიულად მნიშვნელოვანი ცვლილებები არ ვლინდება და ალბათ, სიტუაცია უნდა იყოს დინამიკაში დამაკმაყოფილებელი”, - განაცხადა ეზუგბაიამ. ცნობისთვის ეს არის საქართველოში რიგით 34 დადასტურებული შემთხვევა, საიდანაც ერთი უკვე გამოჯანმრთელდა.
Pirveliradio Ge
Tbilisi · 3 months ago
საქართველოში კორონავირუსით ინფიცირებული კიდევ ერთი, მე-10 პაციენტი გამოჯანმრთელდა
საქართველოში კორონავირუსით ინფიცირებული კიდევ ერთი პაციენტი გამოჯანმრთელდა, აღნიშნლ ინფორმაციას ინფექციური საავადმყოფოს სამედიცინო დირექტორი მარინა ეზუგბაია ავრცელებს. როგორც ეზუგბაიამ ჟურნალისტებს განუცხადა, ამ პაციენტმა ინფექციური საავადმყოფო უკვე დატოვა. „ჩვენ კიდევ ერთი გამოჯანმრთელებული შემოგვემატა და გუშინ მე-10 პაციენტმა დატოვა ჩვენი ცენტრი. ანუ, ამ 44 დადასტურებული შემთხვევიდან უკვე 10 გამოჯანმრთელებული შემთხვევაა. ათივემ, რა თქმა უნდა, კლინიკა დატოვა ეტაპობრივად მიღებული პასუხის შესაბამის დღეებში და ამ ეტაპზე 22 პაციენტი განაგრძნობს ჩვენთან მკურნალობას”, - განაცხადა ეზუგბაიამ.
Pirveliradio Ge
Tbilisi · 3 months ago
თავიდან ვიღებდით უფრო მსუბუქ პაციენტებს, ახლა კი, უკვე შედარებით დამძიმდა - ინფექციონისტი
თავიდან ვიღებდით უფრო მსუბუქ პაციენტებს, ვინაიდან იყო კონტროლი, ხდებოდა საზღვრებიდან მათი გადმოყვანა და შეიძლება საერთოდ არ ჰქონოდათ მათ სიმპტომი, უბრალოდ ჰქონოდათ ეპიდემიოლოგიური ანამნეზი და ამიტომ ხდებოდა მათი გაკონტროლება და ნაცხის აღება, ახლა კი, უკვე შედარებით დამძიმდა - ამის შესახებ ინფექციური საავადმყოფოს ბოქსირებული განყოფილების ექიმმა, ინფექციონისტმა რეზი მეჭურჭლიშვილმა „გიორგი თარგამაძის ფორმულაში“ განაცხადა. „ამჟამად გვყავს 29 პაციენტი, დანარჩენი 17 გამოჯანმრთელდა და ისინი გავწერეთ თვითიზოლაციაში. რაც შეეხება ტენდენციას, თავიდან ვიღებდით უფრო მსუბუქ პაციენტებს, ვინაიდან იყო კონტროლი, ხდებოდა საზღვრებიდან მათი გადმოყვანა და შეიძლება საერთოდ არ ჰქონოდათ მათ სიმპტომი, უბრალოდ ჰქონოდათ ეპიდემიოლოგიური ანამნეზი და ამიტომ ხდებოდა მათი გაკონტროლება და ნაცხის აღება, ახლა კი, უკვე შედარებით დამძიმდა. უფრო მძიმე პაციენტების მიღება ხდება. ჩვენი 29 პაციენტიდან 4-ის მდგომარეობა არის საშუალოზე მძიმე. თუმცა ჯამში, ამ პაციენტების მდგომარეობა არის სტაბილური და იმედი გვაქვს, რომ გაუმჯობესებისკენ მალე წავა“, - აღნიშნა რეზი მეჭურჭლიშვილმა. ცნობისთვის, ამ დროისთვის არსებული მონაცემებით, ქვეყანაში კორონავირუსის 91 შემთხვევაა დაფიქსირებული. კარანტინის რეჟიმში 4876 მოქალაქეა, ხოლო სტაციონარში მეთვალყურეობის ქვეშ - 264. ჯერჯერობით, ვირუსისგან მხოლოდ 18 პაციენტი განიკურნა.
Pirveliradio Ge
Tbilisi · 1 month ago
ვფიქრობ, მკაცრი რეგულაციების დაბრუნების საჭიროება არ დადგება - ეზუგბაია
თბილისის ინფექციური საავადმყოფოს კლინიკური დირექტორი მარინა ეზუგბაია ფიქრობს, რომ ბოლო დღეებში კორონავირუსის ახალი შემთხვევების დაფიქსირების მიუხედავად, რეგულაციების ხელახლა გამკაცრების საჭიროება არ დადგება. "ვფიქრობ, რეგულაციების გამკაცრების ღონისძიებებზე დაბრუნების საჭიროება არ დადგება, რადგან ეს საბურთალოს კლასტერი მთლიანად შეისწავლება ალბათ და აღარ მგონია, რომ მათი კონტაქტები... ყველას იზოლაცია მოხდა, აქედან გამომდინარე არ მგონია მოხდეს ამ კლასტერის გავრცელება. ჩვენი ყველაზე მძიმე პრობლემა იყო ბოლნისის სოფელი გეტა და მუშევანი. აქაც უკვე ისეთ შთაბეჭდილებაა, რომ ბოლოსკენ გავდივართ და ვნახოთ ეს ორი კვირა დაგვჭირდება. კიდევ კონტაქტებიდან კვლევისას 14 დღეზე გასული თუ უკვე დადასტურებული შემთხვევები არ გვექნება, შეიძლება ვთქვათ, რომ ბეწვის ხიდი გავიარეთ და არ მგონია საუბარი იყოს გამკაცრებაზე. თუმცა, მუდმივად ვამბობთ, რომ არ არის საჭირო ეს რეგულაცია ქვეყანამ დააწესოს. ჩვენ უნდა ვისწავლოთ კოვიდთან ერთად ცხოვრება. რაღაცნაირად მოვერგოთ სიტუაციას, თვითშეზღუდვები დავიწესოთ, ჩვენს თავებს და ჩვენს ოჯახებს მოვუფრთხილდეთ“, - განაცხადა მარინა ეზუგბაიამ.
Pirveliradio Ge
Tbilisi · 3 months ago
19 მარტს დილით აღებული 10 პაციენტის ტესტი უარყოფითია, 15-ის ხვალ გახდება ცნობილი
19 მარტს დილით აღებული 10 პაციენტის ტესტმა კორონავირუსზე უარყოფითი პასუხი აჩვენა. ამის შესახებ თბილისის ინფექციური საავადმყოფოს დირექტორმა მარინა ეზუგბაიამ ჟურნალისტებთან ისაუბრა. მისივე თქმით, კიდევ 15 პაციენტის ტესტის პასუხი ხვალ გახდება ცნობილი: "დილით ვთქვით, რომ 9 პაციენტის ტესტირებაზე იყო ლაპარაკი, მაგრამ სანამ დამთავრდა ტესტის აღება, მე-10-ც შემოგვემატა. ასე რომ, ათი პაციენტთან დღეს დილით აღებული ცხვირ-ხახის ნაცხის ტესტი ყველა უარყოფითია. შემდგომში, მეორე ეტაპად შემომატებულ პაციენტებთან აღებულია 15 ტესტი, პასუხს ხვალ დილიდან გავიგებთ," - თქვა ეზუგბაიამ.
Pirveliradio Ge
Tbilisi · 2 months ago
საბედნიეროდ, კრიტიკული პაციენტები უკვე აღარ გვყავს - ეზუგბაია
კორონავირუსით ინფიცირებული 9 ბოლო შემთხვევიდან რვის წყარო ცნობილია, ერთი პაციენტის წყაროს დადგენა კი მიმდინარეობს. ამის შესახებ ინფექციური საავადმყოფოს სამედიცინო დირექტორმა ჟურნალისტებს განუცხადა და განმარტა, რომ მათ კლინიკაში კორონავირუსით ინფიცირებული 44 პაციენტი მკურნალობს და ახალი შემთხვევა არ დამატებულა. „ორ პაციენტთან ჩატარდა კვლევა და ორივე უარყოფითი იყო. გამოჯანმრთელებული ჩვენ გვყავს 53 პაციენტი, 1 გუშინ გაეწერა. გუშინ გითხარით, რომ 10 პაციენტზე ხდებოდა ტესტირება და მხოლოდ ერთთან დადასტურდა განმეორებით უარყოფითი და მან დატოვა კლინიკა, ოთხთან გვაქვს პირველი ტესტირებით უარყოფითი და ვნახოთ, რა შედეგებს მივიღებთ განმეორებითი ტესტირებით“, - განაცხადა მარინა ეზუგბაიამ. მისივე თქმით, 44 პაციენტიდან 17-ს აქვს მძიმე პნევმონია. „ორის მდგომარეობა მძიმე პნევმონიაში გადავიდა და კრიტიკული პაციენტები უკვე აღარ გვყავს. 7 მოზარდი, რომელიც გვყავს, მათი მდგომარეობა დამაკმაყოფილებელია და რამდენიმე დღეში დაგვჭირდება გამოჯანმრთელების პირველი ტესტის ჩატარება“, - აღნიშნა მარინა ეზუგბაიამ.
Pirveliradio Ge
Tbilisi · 1 month ago
ყველ ახალი პაციენტის ინფიცირების წყარო ცნობილია - ეზუგბაია
ყველ ახალი პაციენტის ინფიცირების წყარო ცნობილია - ამის შესახებ ჟურნალისტებს ინფექციური საავადმყოფოს სამედიცინო დირექტორმა, მარინა ეზუგბაიამ განუცხადა. ეზუგბაია აცხადებს, რომ საქართველოში კორონავირუსისგან გამოჯანმრთელებულების რაოდენობა საკმაოდ სოლიდური რიცხვით აჭარბებს მკურნალობის პროცესში მყოფ პაციენტებს. „გვყავდა 635 დადასტურებული შემთხვევა, გუშინ დაგვემატა 6. გამოჯანმრთელებულების რიცხვი იყო 425, დაგვემატა 7 და არის 432. დღეისათვის კოვიდ ცენტრებში მკურნალობს 357 დადასტურებული პაციენტი. გამოჯანმრთელებულებსა და მკურნალობაზე მყოფ პაციენტებს შორის საკმაოდ სოლიდური სხვაობაა. 187-ით სჭარბობს უკვე გამოჯანმრთელებულების რაოდენობა ამჟამად მკურნალობაზე მყოფ პაციენტებს. 6 ახალი შემთხვევიდან 3 არის ცნობილი ბოლნისის წყარო. დანარჩენი სამი არის ზუგდიდში დადასტურებულის კონტაქტები“, - განაცხადა ეზუგბაიამ. მისი განმარტებით, ახალი შემთხვევებიდან ინფექციურ საავადმყოფოში მხოლოდ ერთი პაციენტი მოთავსდა და ამ ეტაპზე კლინიკაში 31 დადასტურებული კოვიდ ინფიცირებული მკურნალობს. „კრიტიკული გვყავდა მხოლოდ ერთი და მას ახლა მძიმე ინტენსიურ პაციენტად მოვიხსენიებთ, რადგან ჯერჯერობით კვლავ, შემცირებულად, მაგრამ მაინც მოიხმარს ჟანგბადს. მისი მდგომარეობა კვლავ ინტენსიური სიმძიმით ფასდება. გვყავს ერთი პაციენტი მძიმე პნევმონიით, თუმცა მისი მდგომარეობა დინამიკაში დასტაბილურებულია და აღარ პროგრესირებს. დანარჩენი პაციენტების ძირითადი რაოდენობა საშუალო სიმძიმის არის“, - განაცხადა ეზუგბაიამ.