ამ თავში ავღწერ ჰიტ ლეჯერის ჯოკერს, DC კომიქსზე ყველაზე მეტად ალბათ ჯოკერი ბეტმენი და მათი საგა გვახსენდება ჯერ კიდევ ჯეკ ნიკოლსონის გენიალური ჯოკერი ჩემი ბავშვობის ლამაზი მოგონებაა. ჯოკერი როგორც პიროვნება იყო ყველაზე პოპულარული გამოგონილი ანტიგმირი. რეიტინგით მან გადაუსწრო ბეტმენს ადამიან ობობას და სუპერმენს, იგი პირველად 1940 წელს შეიქმნა მისი ავტორები იყვნენ ბილ ფინგერი, ჯერი რობინსონი და ბობ კეინი. მისი პროტოტიპი აიღეს 1928 წელს ფილმის ცნობილი პერსონაჟიდან "კაცი რომელიც სულ იცინის" მისი ისტორია შემზარავად სევდიანია, როცა მამაკაცი ავტოკატასტროფაში მოყვება და სახე დაუსახიჩრდება მედიკოსები გაუკეთებენ სახის ოპერაციას რომლის შედეგად ნაიარევი დარჩება და მის დასაფარავად მუდმივ გრიმს ატარებს. მაგრამ ჯოკერისგან რადიკალურად განსხვავდება თავის ხასიათით. ის არც ფსიქოპატია არც სოციოპატი, ის უბრალოდ უბედური დეპრესიული ადამიანია სევდიანი ისტორიით. მისი ვიზუალური პროტოტიპი ჯოკერის შექმნის იდეაფიქსი გახდა. რატომ არის ჯოკერი პოპულარული? რატომ იმეორებენ ადამიანები მის ციტატებს და რატომ გულშემატკივრობენ მას და არა კეთილ სუპერგმირ ბეტმენს? რას წარმოადგენს ჯოკერი? მას არც სუპერძალა ან რაიმე უნარი გააჩნია, არც მდიდარი მეცენატია ბრუს ვეინივით. მისი ერთადერთი იარაღი სიტყვებია რასაც ამბობს და ასევე მისი გონება და ინტელექტი. ძნელია შეხვდე რეალობაში ასეთი მაღალი ინტელექტის მქონე დამნაშავეს რომელსაც არც ფული არც რაიმე მატერიალური კეთილდღეობა არ სჭირდება. მისი იდეა ანარქია და ქაოსია. 😈 ჯოკერს არ უყვარს ადამიანები, მას სოციოპატია და მოძალადე ბუნება ახასიათებს. რატომ არის რომ ამდენად ნიჰოლიზმით და ძალადობით აღსავსე პერსონაჟი ასეთი პოპულარულია და საყვარელი ამდენი ადამიანისთვის? ჯოკერის სახით შეხება გვაქვს ზერელე არანორმალურ ირაციონალურ გაუწონასწორებელ ცივსისხლიან და ამავე დროს ყველაზე ღრმა გულწრფელ და გენიალურ პერსონაჟთან. ჯოკერის ბუნება საკმაოდ ამოუცნობია ის არაა სტანდარტული ბოროტმოქმედი ვისაც ანაღვლებს ფული, ძალაუფლება შურისძიება ან რაიმე სხვა. ის იბრძვის ქაოსისთვის, რომ დათესოს შიში და პანიკა. რათა ადამიანების ბნელი მხარე დაანახოს რომელსაც ყველაზე რთულ დროს გამოავლენენ. ის იბრძვის იდეისთვის და მზადაა ამისთვის მოკვდეს კიდეც. ჯოკერს არავის და არაფრის ეშინია ამიტომ არის ის ბეტმენზე ძლიერი, მისი შეშინება შეუძლებელია მას არ აქვს სისუსტე. არ ჰყავს ოჯახი, საცოლე ან შეყვარებული (თუმცა ერთ ერთი ჯოკერი თვითმკვლელთა რაზმიდან შეყვარებულია თავისნაირ ფსიქოპატ ქალზე სახელად ჰარლი ქვინზე) ამიტომ ის არის უშიშარი და ძლიერი პიროვნება რომელიც სიმართლეს შეულამაზებლად ამბობს, ადამიანებს პირდაპირ ამხელს და თავის სიმართლის დასამტკიცებლად მზადაა უდანაშაულო ხალხი გაწიროს და ამ სანახაობით დატკბეს. ის რითიც ჯოკერი გამოირჩევა სხვა ბოროტი პერსონაჟებისგან არის მისი აზროვნების სტილი და დაუღალავი შრომა და ბრძოლა ამ იდეისთვის. ჯოკერი შეიძლება გძულდეთ ან გიყვარდეთ მაგრამ შეუძლებელია იმის უარყოფა რომ ის ყველაზე ქარიზმატული გიჟი და ამავე დროს ძლიერი ინტელექტის პატრონია. ჯოკერი და მისი პერსონაჟი გვაიძულებს ჩვენს ბნელ მხარეებზე დავფიარდეთ რომ მომავალში საკუთარი თავი მათთან არ გავაიგივოთ. მონსტრებს ბნელ კარადაში არ უნდა ვეძებდეთ, ის ჩვენს შიგნითაა, მაგრამ ამას არ ვამხელთ, უფრო მეტიც, ვმალავთ როგორც შეგვიძლია. მაგრამ საკმარისია რამე დიდი უბედურება მოხდეს და როგორც ჩვენი გმირი იტყოდა "შანსი რომ მიეცეს ამ ცივილიზებულ ბრბოს ისინი ერთმანეთს დაჭამენ".ჯოკერი არ არის კრიმინალი მიუხედავად იმისა რომ კანონს გამუდმებით არღვევს. ის მატერიალურ დივლათა არ იღებს სამაგისოდ, ისაა ფსიქოპატი მანიაკი და ამავე დროს პირდაპირი, უშიშარი ფილოსოფოსი. ჯოკერი ბეტმენში თავის მეორე მხარეს ხედავს, ეს ორი სიკეთის და ბოროტების ჭიდილი მუდმივ წინააღდეგობაშია ერთმანეთთან. სწორედ ამიტომ ეუბნება ჰიტ ლეჯერის ჯოკერი ბეტმენს "შენც ჩემნაირი ხარ, მათთვის შენც მახინჯი ხარ, ეხლა სჭირდები მაგრამ როცა აღარ დასჭირდები კეთროვანივით გაგრიყავენ. მათი მორალი უნიჭო ხუმრობასავითაა, პრობლემის შექმნისთანავე ავიწყდებათ, იმდენად კარგები არიან რამდენის საშუალებასაც ეს სამყარო იძლევა. გაჩვენებ საქმე საქმეზე რომ მიდგება ეს ცივილიზებული ხალხი ერთმანეთს დაჭამს. მე მონსტრი არ ვარ უბრალოდ ხალხს კარგად ვიცნობ. ამ სამყაროში გადასარჩენი ერთადერთი გზა წესების გარეშე ცხოვრებაა. "თუ რამე კარგად გამოგდის უფასოდ არასდროს გააკეთო". გაგრძელება იქნება... 🤡

სოციალური დისტანცირებისა და იზოლირების საჭიროებებიდან გამომდინარე, ცოტა ხნით, ჩვენი ცხოვრების წესი შეიცვალა, რაც ერთგვარ შფოთვას უკავშირდება. ის აქტივობები, რომელიც ჩვენს ყოველდღიურობას აქამდე აწესრიგებდა, რუტინულსა და განჭვრეტადს ხდიდა მას, ფაქტობრივად, აღარ არსებობს. ჩვენ ვეღარ დავდივართ ოფისებში, ბარებში, კლუბებსა თუ ბიბლიოთეკებში. ვეღარ ვნახულობთ მეგობრებს, ვეღარ გავდივართ ლანჩზე საყვარელ კაფეში და ა.შ. მიუხედავად იმისა, რომ ყველამ ვიცით ამ შეცვლილი ყოველდღიურობის დროებითობა, მაინც ვერ ვგრძნობთ თავს კომფორტულად და კმაყოფილების განცდის მიღწევაც სულ უფრო რთული ხდება, მიუხედავად იმისა, თუ რამდენად კარგად ვიხარჯებით გონებრივად/შემოქმედებითად. სწორედ ამიტომ, საჭიროა ვიყოთ მღვიძარებაში (მაინდფულნესი), რაც ნიშნავს, რომ შევძლოთ სიფხიზლით შევხედოთ ჩვენს განცდებს, ჩვენს თავს და გავაცნობიეროთ ის, თუ რას ვგრძნობთ კონკრეტულ მომენტში. კორონავირუსის პანდემია და მისი თანმდევი დისკომფორტები ადამიანებზე სხვადასხვაგვარად მოქმედებს, თუმცა სტრესი და შფოთვა უმეტესობისთვის დამახასიათებელი სიმპტომებია. სოციალური ქსელების სქროლვა სიმშვიდესა და მღვიძარებას ვერ მოგიტანთ, ამის მიღწევისთვის, აუცილებელია საკუთარ თავზე გარკვეული პასუხისმგებლობის აღება. იმის გაცნობიერება, რომ თუ განჭვრეტადობის განცდის შემქმნელ რიტუალებს თვითონ არ შევქმნით, ახალ მოცემულობაში ადაპტირება უფრო რთული იქნება. ამ კუთხით, არსებობს დამხმარე აპლიკაციები, რომლებსაც შეუძლიათ ყოველდღიური, ფსიქიკისთვის საკეთილდღეო პრაქტიკების შემუშავებასა და დანერგვაში დაგვეხმარონ. ქვემოთ, ჩამონათვალის სახით შემოგთავაზებთ 5 აპლიკაციას, რომელთა უმეტესობამაც, კორონავირუსის გავრცელების საფრთხისა და თვითიზოლაციის საჭიროების კვალდაკვალ, უფასო გახადა რიგი სერვისები და ამასთან, შეიმუშავა სპეციალური პროგრამები COVID-19-თან დაკავშირებული შფოთვის შესამცირებლად. Ten Percent ეს არის შესაფერისი აპლიკაცია, თუ მინიმალური დოზით აპირებთ დაიწყოთ. აპლიკაციას აქვს პრემიუმ ვერსიაც, თუმცა ბაზისური კურსი, რომელიც მოიცავს ვიდეობსა და სესიებს, უფასოა. აქ შეგიძლიათ აირჩიოთ მედიტაციის გაკვეთილი იმის მიხედვით, თუ რამდენი დროის გამოყოფას აპირებთ ამისთვის – რამდენიმე წუთიდან რამდენიმესაათიან მედიტაციამდე, ინსტრუქტორთან ერთად. აქვეა უფასო ყოველდღიური კონტენტი, რომლის გამოყენებაც დამოუკიდებლად შეგიძლიათ. მათ შორის, სპეციფიკური და ერთ-ერთი ახალი მიმართულება არის კორონავირუსით გამოწვეულ შფოთვასთან გამკლავება. აპლიკაციაში შეხვდებით უფასო მედიტაციის კურსებს, რომლებიც განსაკუთრებით, სამედიცინო პერსონალისთვისაა განკუთვნილი. ამ უკანასკნელებში, ანუ მათში, ვინც კორონავირუსის მქონე პაციენტების მკურნალობასა და მოვლაში არიან ჩართულები, COVID-19-ით გამოწვეული სტრესი და შფოთვა გაცილებით დიდია, ვიდრე იზოლაციაში მყოფ ადამიანებში. iOS-ისა და Android-ის ოპერაციულ სისტემებზე მომუშავე მოწყობილობებისთვის, აპლიკაციის გადმოსაწერ ბმულს აქვე დაგიტოვებთ – App Store, Google Play Headspace შეგვიძლია ვთქვათ, რომ ეს არის აბონიმენტი თქვენი გონების სავარჯიშოდ. აპლიკაციაში ყველასთვის არსებობს განყოფილება რამდენიმე უფასო მედიტაციის სახელმძღვანელოთი, ასევე სპეციალიზებული რესურსები მუშაობისა და განათლების მიმართულებით. თუმცა, ეს აპლიკაცია უფრო მეტ შესაძლებლობას ჯანდაცვის სფეროს წარმომადგენლებს სთავაზობს. კერძოდ, იმ ადამიანებს, რომლებიც აშშ-ში კორონავირუსთან ბრძოლაში არიან ჩართულები, იქნება ეს მედპერსონალი, თუ ექიმები. მათ აქვთ უფასო წვდომა აპლიკაციის პრემიუმ ვერსიაზე. უნდა აღინიშნოს ის, რასაც კომპანიაში ამბობენ – ისინი ეძებენ გზებს, აშშ-ს ფარგლებს გარეთაც შეძლონ ამ სერვისის უფასოდ მიწოდება ჯანდაცვის სფეროში მომუშავე ადამიანებისთვის. აქვეა აპლიკაციის გადმოსაწერი ბმულები – App Store, Google Play Calm ეს არის ერთ-ერთი პოპულარული აპლიკაცია მედიტაციისა და მღვიძარების (მაინდფულნესის) მიმართულებით. ეს არის ონლაინ რესურსი, რომლის გუნდმაც მიიღო გადაწყვეტილება, COVID-19-ის გავრცელების პერიოდში, მისი ყველა მიმართულება უფასო ყოფილიყო. მეტიც, ამ რესურსზე შეგიძლიათ წვდომა გქონდეთ მაშინაც კი, თუ არ გადმოწერთ აპლიკაციას, ან არ შეხვალთ თქვენს ანგარიშში, ანუ ვებგვერდზეც. მღვიძარებისა და მედიტაციის სავარჯიშოები სხვადასხვა ხანგრძლივობისაა, აქვეა ერთგვარი გაწელვის სავარჯიშოები „მშვიდი სხეულისთვის“. ამ სავარჯიშოების გამოყენება შეგიძლიათ მაშინ, როცა სამსახურიდან სახლში ბრუნდებით. უფრო სწორად, იზოლაციისას, თუ დისტანციურად მუშაობთ, სამუშაო დრო მთავრდება, თქვენ უნდა დაკეცოთ ლეპტოპი და შექმნათ ერთგვარი რიტუალი, რომელიც თქვენთვის როგორც ფიზიკურ, ასევე გონებრივ დონეზე, სამსახურიდან სახლში დაბრუნებას მოასწავებს. Calm-ზე ასევე შეხვდებით რესურსებს ბავშვებისთვის, აქვე შეძლებთ „დაესწროთ“ „ჭამე, ილოცე, შეიყვარეს“ ავტორის – ელიზაბეტ გილბერტის საუბრებს შემოქმედებითობაზე, აქვეა მოწოდებები ნახევარსაათიანი ძილის ვარჯიშის შესახებ და ა.შ. რესურსი ხელმმისაწვდომია ინგლისურ, ესპანურ, გერმანულ, ფრანგულ, კორეულ და პორტუგალიურ ენებზე. აპლიკაციის გადმოწერა კი შემდეგი ბმულებიდან შეგიძლიათ – App Store, Google Play. ეს აპლიკაცია, დასაწყისისთვის, ბავშვებისთვის და მათი მშობლების/მასწავლებლებისთვის შეიქმნა. თუმცა, ახლა ეს არის უფასო და ყოვლისმომცველი რესურსი ყველასთვის. ის მოიცავს 41 სესიას, მღვიძარების 10 მოდულის გათვალისწინებით.Tbilisi #android #apple

შენ არავინ გგავს. ეჭვი გეპარება❓ ეს ბუნებრივია. ყველაფერი რომ დანამდვილებით ვიცოდეთ, სულელები ვიქნებოდით. ეჭვი ცნობისმოყვარეობას ბადებს, ეს უკანასკნელი კი გონიერებას. შენი ყოველი ნაწილი განსხვავებულია. დრო რომ გადის ისინი იცვლებიან. ცხოვრება სევდიანი, თუმცა ასატანია. დამეთანხმე❓ სხვა გზა არ გაქვს. უნდა აიტანო, რომ იცხოვრო. გაგეღიმა❓ ვისურვებდი რომ ასე ყოფილიყო. შენში უამრავი გადაუწყვეტელი ამბავი ცხოვრობს. აუხდენელი ოცნება ცხოვრებას ასატანს ხდის. ბედნიერი ხარ❓ ამის აღიარებას გამბედაობა სჭირდება. უბედური ვერ იქნები, რადგან ცოცხალი ხარ. იცეკვე. ცეკვა აბედნიერებს. იქნებ ხატვის ნიჭი გაქვს❓ ცხოვრების საკუთარ ფერებში ყურება სახალისოა. წერა გიტაცებს❓ ესეიგი ადამიანი ხარ❗ ნუ გეშინია. შიში ძლიერი ემოციაა, თუმცა მხდალი. ერთ დღეს სიცოცხლეს შევწყვეტთ. ამას დრო განსაზღვრავს. ეს რეალობაა. ილუზია დროის უაზრო კარგვაა. ფიქრი ილუზიის ნაწილია. ფიქრი რთული სამართავია, თავისუფალია, მას ვერ დაიმორჩილებ. დამორჩილებული ფიქრი მკვლელობას გავს. თავისუფალი გონება მკველობას არასოდეს ჩაიდენს. ყველაფერი აზრიანია. უაზრობა სიცოცხლეზე უარის თქმაა. შენი შექმნა აზრმა განაპირობა. ორი აზრის შერწყმამ. შენ უნიკალური ხარ. შენნაირი აღარასოდეს იქნება. რისი გჯერა❓თუკი ამაზე პასუხი ჯერაც არ გიპოვია, ესეიგი ჯერ კიდევ ბევრი დრო გაქვს. დროის კარგვა საბოლოოდ სინანულს იწვევს. სწრაფად გაარკვიე რა გინდა. კომფორტი სასიამოვნოა, მაგრამ მაქედან გამოდი. ის გააკეთე, რაც გულს გიჩქარებს, ოდესღაც გაჩერდება. ჩაეხუტე. ამ გრძნობის გამომხატველ სიტყვას მგონი სინონიმიც კი არ აქვს. სიზმარში იმოგზაურე. არ გააკონტროლო. საინტერეოა. წიგნის კითხვა ბოლოდან დაიწყე, შეიძლება საინტერესო ამბავს გადააწყდე. სიცოცლე სიკვდილს გულისხმობს. ეს გაანალიზე. შენი არსებობა მნიშვნელოვანია, რაღაც გაქვს გასაკეთებელი. ყველაზე მშვიდად როცა ხარ, მაშინ შეიგრძნე ბედნიერება.#ფსიქოლოგია#ეზოთერიკა#მოტივაცია