5 votes
0 comments
0 shares
Save
99 views
Levan Takidze
Tbilisi · 3 months ago

ახლანდელ პერიოდზეა ზუსტად:

მთელი მსოფლიო ერთ თმის ღერზე ჰკიდია და ეს ღერი ადამიანის ფსიქიკაა.

/იუნგი/

#დარჩისახლში
Levan Takidze
Tbilisi · 3 months ago
Similar Posts
Nino Kakulia
Tbilisi, Georgia · 4 days ago
რატომ არის მადარა უნიკალური ?!
• პირველი და ყველაზე დამაჯერებელი მიზეზი ის არის, რომ როგორც კი ცნობილი გახდა, რომ მადარა შინობთა მეოთხე მსოფლიო ომში მთავარი მოწინააღმდეგე იქნებოდა, ხუთმა ნაციამ - რომლებიც ერთმანეთს წლების განმავლობაში ებრძოდნენ და სამუდამო მშვიდობა ჩამოუყალიბებელი ჰქონდათ - გადაწყვიტეს რომ გაერთიანებულიყვნენ და ერთობლივი ძალით შეეჩერებინათ ის (LMFAO OK SHINOBI ALLIANCE OK). • 2️⃣ : ადრეულ ასაკში არ ყოფილა არც უნიკალური და არც დაუჯერებელი სკილებით გამორჩეული სხვა უჩიჰებისგან (+ სხვა გვარის მატარებელი ნინძებისგან). მხოლოდ მას შემდეგ, რაც მისმა კლანმა მას ზურგი აქცია (გარკვეული და ბევრისთბის მიუღებელი მიზეზების გამო) და გადაწყვიტა რომ გამოჰყოფოდა სოფელს საკუთარი ძალებისა და პოტენციალის განსავითარებლად რასაც შემდეგ დაემატა ჰაშირამასთან “სიკვდილი”, მან შეძლო და სერიალის სავარაუდო სცენარი, რომელიც მადარას გარეშე წარიმართებოდა, საბოლოოდ შეცვალა. რამაც აიკონურ ომამდე მიგვიყნანა. • 3️⃣ : და ზუსტად რას მივაწეროთ ზემოხსენებული ომი? მადარას თითქმის (fuck you, Zetsu.) უნაკლო გეგმას, სადაც მან: ( თუ გეზარებათ გეგმის მიმოხილვა, შეგიძლიათ გადაახტეთ. მაგრამ ვინც არ იცით შემოკლებულად მოგითხრობთ) ~ გაითამაშა სიკვდილი, რის შემდეგაც მოპოვებული სენჯუს ჩაკრა (ერთადერთი ადამიანის ჩაკრა, რომელსაც ის მისივე თქმით ყველაზე მეტად აღმერთებდა, და ყველაზე მეტად ცდილობდა დაემარცხებინა) გამოიყენა უკვე დაგეგმილი გეგმებისთვის. ~ ნამდვილ სიკვდილამდე ოდნავ ადრე გამოაღვიძა დიდებული დოჯუცუ რინეგანი. ~ გათვალა, რომ მალე მოკვდებოდა. ასე რომ სჭირდებოდა ვიღაც, ვინც რინეგანს “შეუნახავდა” გაცოცხლებამდე = იმპლანტაცია პატარა ნაგატოში. ~ სიკვდილამდე კი დაუნდობლად გამოიყენა მისივე გვარის წარმომადგენელი ობიტო უჩიჰა (დაუნდობლად-ს ხაზს იმიტომ ვუსვამ, რომ soft spot არ მიესადაგება ვილანს): მადარამ ზუსტად დაგეგმა და გათვალა რინის სიკვდილი, და პარალელურად ობიტოს ვარჯიშის პერიოდში მისი “გაპარვა”. (ისე რას გაეპარებოდა😂😂)ისე მოახერხა, რომ ობიტო საკუთარი თვალით შეესწრო სცენას, და შემდეგ რაც მოხდა ყველამ ვიცით. ~ მადარამ ობიტოსგან მაქსიმუმი გამოწურა - იყო მისი სენპაი. თავისუფლად შეგვიძლია მადარას მივაწეროთ ობიტოს ძალების დემონსტრირება (თუმცა მინატოსთანაც ოქრო ბიჭი იქნებოდა fr😭❤️) მისი სახელით გაგზავნა ასეა თუ ისე ახალჩამოყალიბებულ აკაცუკისთან, (რომელსაც ჯერ კიდევ კარგი მოტივები ჰქონდა) როდესაც ჰანზოს კონანი მძევლად ჰყავდა და გააფრთხილებინა ნაგატო, თუ რა მოხდებოდა სინამდვილეში. მაგრამ როგორც მოსალოდნელი იყო, მოსახდენი მოხდა, მადარას ნაჩუქარმა ნაგატოს რინეგანმაც იფეთქა და მალევე აკაცუკი გახდა ობიტოს მომავალი სამფლობელო. ~ გარკვეული დროის შემდეგ კი ხუთ კაგეს მადარას სახელით გამოუცხადა მსოფლიო ომი. ანუ, მთლად აიზენი ვერა გვყავს მაგრამ give him credits he’s a genius. • 4️⃣ : მისი გამოძახება გახლავთ ჩვენი საყვარელი კურამა, რომელიც მის სიცოცხლეში მხოლოდ ორ შინობს - მინატოსა და მადარას უფრთხოდა. თუმცა მადარას მიმართ შიში იყო უფრო დიდი, რადგან ის მას განა სიკვდილით ან reaper death seal-ით ემუქრებოდა; ან განა ვინმეს მის ჯინჩურიკობას აძალებდა; პირიქით, კურამას რეპუტაციისთვის უფრო სამარცხვინო რამ - შარინგანით მის გემოზე ათამაშებდა წინააღმდეგობის გაწევის მიუხედავად. ასე რომ მას ის უფრო მეტადაც სძულდა ვიდრე მინატო. და ეს ფაქტი მას კიდევ უფრო ძლევამოსილს ჰქმნის, რაც უფრო მეტად მაყვარებს:> • 5️⃣ : ის არ ყოფილა სერიალის იმ 99% ვილანების მსგავსი, რომლებიც მთელი ცხოვრება თავიანთ იდეოლოგიას და აზრს ემხრობოდნენ და 3 წუთით ნარუტოსთან talk no jutsu-ს მერე ტიროდნენ და მთელ თავიანთ ნაშრომს წყალში ყრიდნენ. ის მხოლოდ საბოლოო ღ ა ლ ა ტ ი ს და დამარცხების შემდეგ შეეგუა თავის ბედისწერას, ვინ თუ არა ჰაშირამასთან საბოლოო სიტყვის გაცვლით (აქაც ნარუტო რომ ჩაეტენათ ცოტა ძალიან გავჭედავდი). • 6️⃣ : მანგის წაკითხვისას შოკი მივიღე, როდესაც გამოაშკარავდა რომ ნამდვილი მადარა უჩიჰა ტობი სულაც არ იყო. კიდევ უფრო დამაინტერესა ვინ JANDABA იყო მადარა რომ ასე ბოლომდე ფარდებს მიღმა რჩებოდა. და რა არის მანგა ანიმეს გარეშე: მისი გამოჩენის უნიკალური ანიმირება, სადაც დაგვანახა განსხვავება შინობსა და ღმერთს შორის. (is this the power of a god? - ამბობს გაარა ტენგაი შინსეის დანახვისას.) He even reversed the Edo Tensei i mean come on...... ვფიქრობ, ნაკლები პირველი გამოჩენა არც ერთ მაღალი დონის პერსონაჟს არ უნდა ჰქონდეს. ნუ, ხუთივე კაგე რომ მიჩინჩლა ეგ გავატაროთ..😃 • 7️⃣ : ბევრი მას უაზრო ვილანს ეძახის, რადგან თურმე “უაზროდ კლავდა ყველას” - ვილანი თავზე ხელს არ გადაგისვამს და ფეხებს არ ჩაგითბილავს; “გული არ აქვს, გოგოც კი არ ყვარებია და მხოლოდ თავის თავს თვლის საუკეთესოდ.” - 1) ბოდიშით, რომ მეორე ობიტო არ გაიჩითა და 2) განა არ იყო? შეიძლება მთელი სერიების განმავლობაში არა, მაგრამ მიუხედავად იმისა, რომ ჰაშირამა მუდამ გამარჯვებული ბრუნდებოდა ომის ველიდან, ჯუუდარა თავისი 6paths ძალით ვფიქრობ ჰაშირამას აღარ გაუადვილებდა ძველებურად საქმეს (Personal opinion). და ამ ყველაფრამდე, თავადაც აქვს ნათქვამი რომ ჰაშირამა მასზე ძლიერია. მართალია ბავშვობის წლებში, მაგრამ მასზე ძლიერის დანახვა არ უჭირდა და თვალს არ არიდებდა. პირიქით, სამკვდრო-საციცოცხლო ბრძოლაში გამოიწვია შინობთა ღმერთი. და არა მარტო ერთხელ. “თუ უნდა რომ ყველამ მშვიდობიანად იცხოვროს რაღას იწყებს ამხელა ომს” - საბოლოო ჯამში მადარა რომ არა ნაციები დღეს მეზობლებივით არ იქნებოდნენ😂 პეინს სხვა იდეოლოგია არც ჰქონდა, war is important for peace მეტალიტეტი ჰქონდა ორივეს მაგრამ რაკი პეინი ეროსენინის მოსწავლე იყო მოდი ეს ავირჩიოთ:> მისი გზები თითქოს პეინისას ჰგავდა მაგრამ მეტად ფართო და მეტად დიდებული იყო. ანუ, მოვითხოვ საფუძვლიან მიზეზს, თუ რატომ არის მადარა უაზრო ვილანი. • 8️⃣ : მოდით ვაღიაროთ რომ ყველაზე ძერსკი და დივა ტიპია სერიალში ზედმეტი კომენტარი შკომენტარის გარეშე. მკლავიდან მტვერი ჩამოიფერთხა ტემარის მარაოს ღრიალის შემდეგ. Biggest flex in the series. რომ ყველაზე სიმპატიურია, და არა მარტო უჩიჰებს შორის, ეგეც ყველამ ვიცით😭 • 9️⃣ : ვიცით რომ კაგუია უფრო ძლიერია, მაგრამ მე თუ მკითხავთ (რომც არ მკითხოთ მაინც ვიტყვი. my post, my rules), მისი გამოჩენა ძალიან მნიშვნელოვანი არ იყო. ანუ კაი გააცოცხლა ზეცუმ და ვა ოცუცუკი და ვა ჰაგოს დედა და ვა პირველი ჩაკრის მიმღები და ბლა ბლა და ბოლოს მაინც მოკლეს და ვერ ვხვდები რატომ გააფუჭეს მადარას პერსონაჟი მისი ასე ღალატით და მოკვლით. ანუ ტიპებმა მთელი იმიჯი რაც მადარას ჰქონდა წაართვეს და შეტენეს ZETSUS DA KAGUYAS WTF. დარწმუნებული ვარ ბევრი სხვა გზა იქნებოდა ჩაკრის პირველი მიმღების გამოსაჩენად მარა არა ვინ გაღირსებს აქ რამეს შენსგემოზე🤣 = მადარას მიერ დატოვებული შთაბეჭდილების შემდეგ კაგუიაც კი ვერ დავინახე წესიერ ვილანად ან დაჟე პერსონაჟადაც ძლივს აღვიქვი, ორ წუთიანი ბრძოლის მერე მაინც მიაძღინკა ახალდაბადებულმა თიმ7მა. ტიპი დაჟე ჰარემზე წამოეგო. Pathetic my lady, pathetic. 🔟 : მადარას მუგენ ცუკუიომი იყო პირველი იმ დონის ძიუცუ, რაც სერიალში ჯერ არ გვქონდა ნანახი. მან მოახერხა, და მთელი სამყარო ჩააგდო მის გენჯუცუში (ნუ, lucky for you, ყველა არა.) იტაჩის ცუკუიომზე ცოტა გაგვაცინა და მიაღწია მის პიკს. beautiful job my baby. 1️⃣1️⃣ : მისი გზა, თუ როგორ გახდა ვილანი იყო ფაქტობრივად ყველასგან განახვავებული: ეს არ მომხდარა ერთ დღეში, როდესაც ტობირამამ იზუნა მოკლა და ეს არ იყო იმიტომ, რომ მამამისმა მისი მოკვლა ექვსჯერ სცადა; ან იმიტომ, რომ სოფელი აბულინგებდა ბავშვობაში; არც სიყვარულის დაკარგვის შედეგად ჰქონია rage moment და თავი ჯოჯოხეთში არ უგრძვნია; არც მის მსგავსად დაობლებულ მეგობრებთან ერთად უპოვნია სენსეი რომ ჯგუფურად მიეღწიათ რაღაც მიზნისთვის და არც მისი ოჯახი შესწირვია რაიმე მისისას. ის უბრალოდ იყო მისივე დროის მებრძოლი, რომელმაც თვითგადარჩენა ომებში ისწავლა და მისი ოჯახიც ომს შეეწირა (ოდნავ ბასრი ფაქტია რომ იზუნას მკვლელი ტობირამა იყო. ვფიქრობ ვინც არ უნდა ყოფილიყო, მოსახდენი მოხდებოდა მაგრამ მაინც ტობირამას შეტენეს). იყო მისი კლანის მომავალი ლიდერი, რომელმაც სიმშვიდე ვერ ჰპოვა თავისი შეხედულებებით ამ სამყაროში, და ახლად “დამარხული” გეგმები სამყაროს შეცვლასთან დაკავშირებით (საუბარია დროზე, სადაც სენჯუებსა და უჩიჰებს შორის ჰაშირამას ინიციატივით სიმშვიდე დამყარდა) კვლავ ამოქექა და წ ლ ე ბ ის ფიქრები, მიზეზები, შედეგები (რა თქმა უნდა, ამ დროისთვის უკვე იმიზეზებდა ტობირამას საქციელსაც იზუნასადმი) ყველაფერი ნელ-ნელა შეაჯამა და დაისახა მისი და მხოლოდ მისი გეგმა : მოეტანა მშვიდობა მსოფლიოსთვის მისივე გზებით. ანუ, ის არ ყოფილა ერთ დღეში დაბადებული ვილანი. რაც უფრო თემატურს ჰქმნის მის პერსონაჟს, არის იმ ერთადერთი ადამიანის უარყოფა და მისთვის ზურგის შექცევა, რომელსაც მისი ყველაზე მეტად სჯეროდა - ჰაშირამასი. (სასკესგან განახვავებით, სანამ უკვე გარანტირებული არ იყო მისი სიკვდილი, ბოლო წამამდე უარყოფდა ჰაშირამას. სასკეს მხარი მოძვრა და მიბრუნდა კაი დაიკიდე მოდი ვიძმაკაცოთ ისევო. უბრალოდ გთხოვთ ჰაშირამას და მადარას ნუ შემიდარებთ ამ ღლაპებთან. სასკემ ვილანადაც ვერ ივარგა). აქ მუდამ ორად იყოფა აზრი, რომ მადარა ჰაშირამას უნდა “დამორჩილებოდა” და მასთან ერთად ემართა სოფელი ბოლომდე, მაგრამ სწორედ რომ ეგ არ ქნა, მაგიტომ ჰქვია მას ბოროტმოქმედი და არა ერთ-ერთი კონოჰას მედალოსანი გმირი🤣 1️⃣2️⃣ : და საბოლოო მიზეზად დავასახელებ ჩემს საყვარელ ფაქტს: Attitude in battle. შეუძლია საშვილიშვილოდ დაგადოს და პარალელურად სიცოცხლე მოგითავოს. ანუ, ყველა ვილანს აქვს თავისი ბრძოლის სტილი, მაგრამ ვფიქრობ არავის მსგავსი მადარასა. პირველი რამ, რასაც არა მარტო ვილანს არამედ ნებისმიერ პერსონაჟს ვამჩნევთ, არის ბრძოლის სტილი. და მადარას ის უმაღლეს დონეზე აქვს დახვეწილი. ©ANIME nation#მადარა #madara #naruto #anime #ახალიამბები
ჩემი ქალაქი მკლავს
Tbilisi, Georgia · 2 days ago
სამხრეთ აზიაში დღეები როდესაც ჰაერის ტემპერატურა და დაბინძურება ექსტრემალურად მაღალია, სულ უფრო ხშირ
😷მაღალ ტემპერატურას და ჰაერის დაბინძურების დონეს, ერთნაირად ნეგატიური ზეგავლენა შეუძლია მოახდინოს ადამიანის ჯანმრთელობაზე- ასთმით დაწყებული გულის დაავადებით დამთავრებული. მაგრამ ჩვენ მაინც უმოქმედოდ მივშტერებივართ ჭუჭყიან და ცხელ მომავალს. დიდი იდეა 😷მთელი მსოფლიო მასშტაბით იზრდება დღეების რაოდენობა, როდესაც ჰაერის ტემპერატურის და დაბინძურების დონე ერთნაირად მაღალია. 2019 წლის ნოემბერში, ახალ დელიში დაფიქსირდა ყველაზე მაღალი ჰაერის დაბინძურების დონე კაცობრიობის ისტორიაში. ამავე ზაფხულს დასავლეთ ევროპის სიცხეებს 1500-მდე ადამიანის სიცოცხლე შეეწირა. 😷ტეხასის უნივერსიტეტში გადაწყვიტეს გამოეკვლიათ თუ რამდენად გაიზრდება მომავალში ამ ორმაგად მავნე დღეების სიხშირე და რა პრობლემა შეიძლება შეუქმნას მოსახლეობის ჯანმრთელობას. ამ ტესტის განსახორციელებლად გამოიყენეს კომპიუტერული მოდელი და შესასწავლ ლოკაციად აირჩიეს სამხრეთ აზიის ტერიტორია, ეს ერთერთი ცხელი წერტილია ჰაერის დაბინძურების და კლიმატის ცვლილების კუთხით. ამ მოდელით ხდება სათბურის აირის, ჰაერის დაბინძურების შესწავლა ინდუსტრიულ და ინდივიდუალურ დონეზე, ასევე მოსახლეობის ზრდის, იმიგრაციის ტრენდებისა და იმის კვლევა, თუ რა გავლენას ახდენს ამინდი ჰაერის დაბინძურებაზე. 😷მიღებული მონაცემების შედეგად, ისინი იუწყებიან რომ 2050 წლისთივს ასეთი დღეები მნიშვნელოვნად გახშირდება, შესაბამისად მოიმატებს იმ ადამიანთა რიცხვი ვის ჯანმრთელობასაც ზიანი მიადგება მაღალი სიცხითა და ჰაერის დაბინძურების დონით. 😷სამხრეთ აზიაში, დღეის მდგომარეობით 1,5 მილიარდი მაცხოვრებელია, რაც 2050 წლისთვის 2 მილიარდამდე გაიზრდება. ყველაზე ცუდი სცენარის განვითარების შემთხვევაში და ნახშირბადის ან სხვა დამაბინძურებლების მცირედით შემცირებით ორმაგად ექსტრემალური დღეების რაოდენობა 175%-ით მოიმატებს; ანუ უხეშად რომ ვთქვათ წელიწადში 78 დღე იქნება. რატომ არის ეს მონაცემები მნიშვნელოვანი 😷სიცხეც და ჰაერის დაბინძურებაც, ორივე ერთნაირად მძიმედ მოქმედებს ადამიანის ორგანიზმზე: ექსტრემალურად ცხელი ამინდი ზრდის სიცხისგან გამოფიტვის, გადაცხელების შანსს და ასევე ართულებს ისეთ ქრონიკულ დიაგნოზების როგორიც არის გულის დაავადება. ხოლო, ჰაერის დაბინძურება ცნობილია ისეთი დაავადებების გამწვავებით ან წარმოქმნით როგორიც არის ასთმა, ორსულობის გართულებები და ასევე გულსისხლძარღვთა დაავადებები. შესაბამისად, ჩნდება კითხვა, რა ემართება ადამიანის ორგანიზმს როდესაც ძალიან ცხელა და თან ჰაერის დაბინძურების მაჩვენებელიც უსაშველოდ მაღალია. 😷მეცნიერები ამბობენ, რომ ჰაერის დაბინძურებას რომ ემატება სხვა პერმანენტული სტრესორი, ადამიანის ორგანიზმი ბევრად უფრო მარტივად ნებდება მასზე უარყოფითად მოქმედ ფაქტორებს. ეს ნათლად გამოჩნდა ჰაერის დაბინძურების და მოწევის კომბინაციის დროს, ან მისი და კორონავირუსის ურთიერთ არსებობისას. რა არ ვიცით 😷არ გვაქვს სრული ინფორმაცია, იმის შესახებ თუ როგორ მოქმედებს ადამიანის ჯანმრთელობაზე ექსტრემალურად მაღალი ჰაერის ტემპერატურა და დაბინძურება, რადგან ბევრ განვითარებად ქვეყანაში ჯერ-ჯერობით არ ტარდება შესაბამისი კვლევები. მილიარდობით ადამიანი არის რისკის ქვეშ, რომ სწორედ ასეთი დღეების გამოვლა მოუწევთ მრავალი ათწლეულების მანძილზე, მაგრამ მკვლევარებმა ჯერ ზუსტად არ იციან რამხელაა საფრთხე. რა არის შემდეგი ნაბიჯი? 😷იმის შესწავლა თუ რომელი ქვეყანაა ყველაზე დიდი საფრთხის ქვეშ აუცილებელია და კიდევ უფრო მნიშვნელოვანია პრევენციის ზომების მიღება, რომელშიც მთელი მსოფლიო უნდა მონაწილეობდეს. 😷ტეხასის უნივერსიტეტის კვლევების შედეგად, ცხადია რომ კარბონ დიოქსიდის, ნახშირბადის და სხვა დამაბინძურებლების საშუალოდ შემცირებაც კი, ხელს შეგვიწყობს თავიდან ავიცილოთ ყველაზე კატასტროფული შედეგები მომავალში. 😷ზომიერი დაბინძურების შემთხვევაშიც კი, ორმაგად სტრესული დღეების რიცხვი გაიზრდება არა 175%-ით როგორც ზემოთ ვახსენეთ, არამედ 58%. 😷58%-იანი ზრდაც კი, არ არის იმედისმომცემი, თუმცა ცხადად გვიჩვენებს რამხელა ძალა გვაქვს ადამიანებს მომავალზე. ჩვენი აზრით მსოფლიოს სჭირდება მკვერთი ქმედებები, მაგალითად სიმწვანის შენარჩუნება/შექმნაში მეტი ჩართულობა, განახლებად ენერგიაზე გადასვლა და ა.შ. ჩვენი შთამომავლობა არ იმსახურებს ჭუჭყიან და ცხელ მომავალს!
Tbilisi Daily
Tbilisi, Georgia · 3 months ago
5 ფილმი რომელიც აუცილებლად უნდა ნახოთ სახლში ყოფნის დროს
რას ვუყუროთ კარანტინის დროს? წარმოგიდგენთ 5 ფილმს, რომელიც სახლში ყოფნის დროს აუცილებლად უნდა ნახოთ. ვეს ანდერსონი "სასტუმრო გრანდ ბუდაპეშტი" ფილმი არაორდინალური ვიზუალის, ორიგინალური სცენარისა და გამორჩეული სამსახიობო შესრულების ეფექტური თანხვედრაა. ფილმის ისტორია მთლიანად სიმბოლურია, ხოლო სასტუმრო გრანდ ბუდაპეშტი, მსოფლიო ომამდე არსებული ევროპული ქვეყნების მინი მაკეტია. ეს არის საოცარი სიუჟეტი, რომელის მოქმედება 1932, 1968 და 1985 წელს მოიცავს. ჟან-პიერ ჟენე "ამელი" ეს არის რომანტიკული კომედია, რეჟისორი თავგადასავლებით სავსე სიყვარულის ისტორიას მოგვითხრობს. ევროპული კინოსათვის დამახასიათებელი ელემენტებისა და მუსიკალური გაფორმების დამსახურებით თავს მომენტალურად იგრძნობთ პარიზის ერთ-ერთ ისტორიულ ქუჩაზე. საინტერესოა, რომ ეს კაფე 1889 წლიდან არსებობს. ოდითგანვე მასში თავს იმდროინდელი ბოჰემა იყრიდა და სასიამოვნოდ ატარებდა საღამოებს. ვან გოგის ერთ-ერთ ცნობილ ტილოზეც სწორედ ეს კაფეა ასახული. პაველ პავლიკოვსკის "ცივი ომი" გასული საუკუნის დაუნდობელი პოლიტიკისა და მსოფლიოს ორ ბანაკად დაყოფის პირობებში აღმოცენებული სიყვარულის ისტორიის ამსახველი შავ-თეთრი ფილმი კარგად გადმოსცემს იმ დროინდე სოციო-პოლიტიკურ ვითარებას. ფილმი 2018 წელს არაერთი პრიზით დაჯილდოვდა. მათ შორის, კანის საერთაშორისო კინოფესტივალზე, ევროპის კინოაკადემიამამ "ცივი ომი" 2018 წლის საუკეთესო ევროპულ ფილმად დაასახელა. ჟან-ლუკ გოდარის "აუცაიდერების ბანდა" ჟან-ლუკ გოდარი არის რეჟისორი, რომელმაც ფრანგული მესამე ტალღა შექმნა. ეს არის შავ-თეთრი ფილმი, რომელიც თავგადასავლების მოყვარულ ადამიანებზე მოგვითხრობს. განსაკუტრებით საინტერესოდ არის გადმოცემული დიალოგები, ადამიანური ურთიერთობები და სამყაროს მიმართ დამოკიდებულება. ამ ფილმში ყველაზე მნიშნველოვანი მომენტი ლუვრში ვითარდება. სამი ადამიანი შეეცდება დროის რეკორდულ მაჩვენებელში გაირბინოს ისტორიული მუზეუმი. აღსანიშნავია, რომ ეს სცენა არ იყო დაგეგმილი და მხოლოდ 1 კადრით ჩაიწერა. ხოლო რეკორდი კინომატოგრაფიის ისტორიაში შევიდა. ვუდი ალენი "შუაღამე პარიზში" 2011 წელს გამოშვებული რომანტიკული კომედია, რომელიც 2 ეპოქას ერთდროულად ასახავს. ფილმი დასაწყისშივე მოგხიბლავთ პარიზის ულამაზესი ხედითა და ისტორიით. მთავარი პერსონაჟი არის სცენარისტი, გილ პენდერი, იგი ყოველ საღამოს წარსულში მოგზაურობს და ხვდება 1920 წლის პარიზის ბოჰემას : ერნესტ ჰემინგუეი, ფრენსის სკოტ ფიცჯერალდი, გერტრუდა სტაინი, პაბლო პიკასო, ლუის ბუნიუელი, სალვადორ დალი და სხვა.#ფილმები #რეკომენდაციები #tbilisidaily #movies #დარჩისახლში
Tbilisi Daily
Tbilisi, Georgia · 3 months ago
ლევან რატიანი -კრიტიკული მდგომარეობით შემოსული პაციენტი, დღის ბოლომდე შესაძლოა, აპარატიდან მოიხსნას
თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის, ლევან რატიანის განცხადებით, მათ კლინიკაში კორონავირუსით ინფიცირებული ორი პაციენტის ჯანმრთელობის მდგომარეობა გაუმჯობესდა. მისივე თქმით, ერთ-ერი პაციენტი ხელოვნური სუნთქვის აპარატიდან შესაძლოა დღის ბოლომდე მოიხსნა, მეორე ინფიცირებულს კი უახლოეს დღეებში მოხსნიან ასევე ხელოვნური სუნთქვის აპარატიდან. „იცით, რომ გვყავს ორი რეანიმაციული პაციენტი. მინდა, გითხრათ, რომ დღეს ძალიან ბედნიერი ვართ მთელი ჩვენი კლინიკა, იმიტომ, რომ პაციენტი, რომელიც იყო კრიტიკული მდგომარეობით შემოსული, მწვავე რესპირატორული დისტრესით და ყველა გართულებით, რომელიც ამ დაავადებისთვის იყო დამახასიათებელი, ამ ეტაპზე მინდა გითხრათ, რომ ომში, მეტნაწილად, გავიმარჯვეთ. პაციენტი გახდა კონტაქტური, ადეკვატური, ხელოვნურ ვენტილაციაზე გვყავდა. დღის ბოლომდე შესაძლოა, პაციენტი მოიხსნას აპარატიდან. რაც შეეხება მეორე პაციენტს, ქალბატონი 80 წლის , რომელიც ასევე COVID19-ით ინფიცირებულია, აქვს გულისუკმარისობა და ასაკი, ამ ქალბატონთანაც მინდა გითხრათ, რომ ჩატარებული კლინიკურ ლაბორატორიული კვლევებით, პარაკლინიკური კვლევებით, სუბიექტური და ობიექტური მონაცემებით დადებითია მიღწეული. სუნთქვის პარამეტრები შედარებით გამარტივდა. ჩვენი კიდევ ერთი გამარჯვებაა ის, რომ ამ ეტაპამდე ქალბატონი ცოცხალია, ვიტალური(სასიცოცხლო) ფუნქციები ცოცხალია. იმედია, ასე გაგრძელდება და რამდენიმე დღეში ეს პაციენტი აპარატიდან მოიხსნება“, - განაცხადა რატიანმა. #კორონავირუსი #პანდემია #ლევანრატიანი #პაციენტი #დარჩისახლში #tbilisidaily
Primetime
Tbilisi, Georgia · 2 months ago
მელირება და თმის პარსვა კარანტინში – რა გზები გამონახეს ცნობილებმა
მელირება და თმის პარსვა კარანტინში - რა გზები გამონახეს ცნობილებმა - Primetime
მელირება და თმის პარსვა კარანტინში - რა გზები გამონახეს ცნობილებმა - Primetime
მელირება და თმის პარსვა კარანტინში - რა გზები გამონახეს ცნობილებმა - Primetime
თაკო ბეროძე
Tbilisi, Georgia · 3 days ago
რეკლამა, როგორც სილამაზის ინდუსტრიის მედიაარტი (არაბულ სამყაროში)
მსოფლიოში ადამიანები დიდი ხანია ცდილობენ ისე ჩაიცვან, რომ სასიამოვნოდ გამოიყურებოდნენ. იმდენად არაერთგვაროვნად ახერხებენ ამას, რამდენადაც თავად ეს ხალხი განსხვავდება ერთმანეთისაგან. ფაქტია, კარგად შეფუთული რეკლამა დადებით რეზონანსს პოვებს სოციუმის მიერ, თუმცა სილამაზის ინდუსტრიას ხშირად არ წყალობს ამა თუ იმ ქვეყნის კულტურა და ადათ-წესი. ამიტომაცაა, რომ ბრენდინგი რელევანტურ როლს ასრულებს და ერთ-ერთ განმსაზღვრელ ფაქტორად გვევლინება პროდუქციის წარმატებასა თუ მის ფიასკოში. მე კი ამ მოსაზრების გასამყარებლად, განვიხილავ რეკლამას, როგორც სილამაზის ინდუსტრიის მედიაარტს არაბულ სამყაროში. მოგეხსენებათ, მუსლიმთა რელიგიურ, პოლიტიკურ თუ საზოგადოებრივ ყოფა-ცხოვრებას ისლამური შარიათი (კანონი) განსაზღვრავს. ის თავის მხრივ მოიცავს ყურანსა და ჰადისებს, რაც მთელი რიგი შეზღუდვებითა და აკრძალვებით ფორმულირდება. სილამაზე კი არა მარტო მოდურ ტანსაცმელს, არამედ თავის მოვლის საშუალებებსა და ესთეტიკურ-კოსმეტიკურ მხარეებსაც მოიცავს. გვიჩნდება კითხვა, როგორ შეიძლება ფორმულირდეს მოდის ინდუსტრია არაბული ქვეყნების ტრადიციის, მენტალიტეტისა და რელიგიის ჩარჩოებში? ამ კითხვაზე პასუხის მისაღებად, გთავაზობთ შამპუნის რეკლამას, რომელიც მედიაარტად გვევლინება ისლამურ სახელმწიფოებში. : როგორც რეკლამაში ვიხილეთ, ქალბატონი ჰიჯაბზე (საბურველზე) ისხამს შამპუნს და სწორედ ასე იბანს თავს. რამ განაპირობა შამპუნის ასეთი თვალსაზრისით რეკლამირება? რატომ არის მითითებული ეტიკეტზე შამპუნის სახელი, როგორც ,,Hijab and shoulders”? მოგეხსენებათ ჰიჯაბი, იგივე საბურველი ან ჩადრი მუსლიმურ სამყაროში ქალის სიწმინდისა და უმანკოების სიმბოლოს წარმოადგენს. მანდილოსნები ვალდებულნი არიან ,,უცხო თვალისაგან დასაცავად“ დაიფარონ სახე და სხეული. ჩადრი უძველესი დროიდან მუსლიმური სამყაროს სილამაზის ინდუსტრიაში ქალის მორთულობისა და ჩაცმულობის აუცილებელ ატრიბუტს წარმოადგენდა. ჰიჯაბის ტარებაზე უარის თქმა კი დემოკრატიის წინააღდეგ წასვლას ნიშნავს. საბურველის ტარება მიჩნეულია, როგორც ,,სწორი ჩაცმა“, აქედან გამომდინარე, კომპანიამ, რომელიც თავის მოვლის საშუალებებს აწარმოებდა, ,,სწორი” რეკლამირების საშუალებით, მოახერხა ამ ქვეყნებში პროდუქციის შეტანა და ბაზარზე აქტიურად გაყიდვა. ალბათ გაგიჩნდებათ კითხვა, რას გულისხმობს ,,სწორი“ მარკეტინგი? ჯერ კიდევ მეოცე საუკუნის დასაწყისში ერთ-ერთმა ცნობილმა რეკლამისტმა განაცხადა: ,,რეკლამა წარმოადგენს საზოგადოების სახეს“ ანუ შამპუნის ჰიჯაბზე დასხმით, კომპანიამ წარმოაჩინა საკუთარი პოზიცია დადებითად მუსლიმთა კულტურის, რელიგიისა და ადათ-წესის მიმართ. რეკლამის შემქმნელები შთაგონებას იღებენ ქვეყნის ყოველდღიური ცხოვრებიდან, რომლის მენტალიტეტშიც აისახება ნაციონალური თავისებურებები. აქედან გამომდინარე, ბრენდი საერთოდ არ იყენებს სიტყვა ,,თავს“ ან ,,თმას“ და ეტიკეტზე წარწერა ,,Head and Shoulders” იცვლება ,,hijab and Shoulders”-ით. შამპუნის სლოგანი კი შემდეგია: ,,თუ ვინმე ისევ გკითხავთ, გსურთ თავსაბურით შხაპის მიღება...Hijab&shoulders თავდაჯერებული ქალისთვის და ქერტლისგან თავისუფალი თავსაბურისთვის.“ ახლა უშუალოდ მოდის სამყაროზე მინდა გავამახვილო ყურადღება და გაგაცნოთ პირველი მუსლიმი მოდელი ჰალიმა ეიდენი, რომელმაც ჰიჯაბითა და ბურკინით იპოზიორა ერთ-ერთი ცნობილი ჟურნალისათვის. მას მიაჩნია, რომ რელიგია, კულტურა და ტრადიცია არ უნდა განსაზღვრავდეს ქალის საქმიანობას: ,,ახალგაზრდა ქალები, რომლებსაც ჰიჯაბი აცვიათ, უნდა ხედავდნენ ქალებს, რომლებიც აქტიურობენ ნებისმიერ სფეროში“. მარკეტერებმა ზუსტად იციან, რომ კომერციულ ინდუსტრიას წარმატებით შეუძლია შეცვალოს ადამიანის ქცევა. მუსლიმი ქალის მოდის ინდუსტრიაში გამოჩენა ჰიჯაბითა და ბურკინით, ერთგვარი მოწოდებაა, რომ ადამიანი არ არის შეზღუდული არჩევანში და ამავე დროს, სარეკლამო კამპანია მიანიშნებს მარადიული ფასეულობების თაყვანისცემაზე, ექსპრესიულად გამოხატვასა და პატივისცემაზე. როგორც ლუჩანო ბენეტონი აღნიშნავდა: ,,რეკლამამ უნდა გააცნოს ყველას კომპანიის შეხედულებები მის ფასეულობებსა და სამოქალაქო პოზიციაზე“.Feedc #feedcgrant #feedc #მოდა #მოდა2020 #რეკლამა #საინტერესოფაქტები #საინტერესო #საინტერესოამბები#მოდა #ხელოვნება #ბიზნესი
Vako Nt
Tbilisi, Georgia · 3 days ago
ნაწყვეტი წიგნიდან - ტვინის ტYვნა
დაბრკოლებები ამ წიგნის დაწყება მინდა საკმაოდ მნიშვნელოვანი ინსაითით, რომელიც ყველამ უნდა დაიზეპიროს. დაბრკოლებები, ეს არის ნებისმიერი ადამიანის შემოწმება, მის მიერ წამოწყებული საქმის გასამტკიცებლად. ანუ, პიროვნებას, რომელიც ვერ გადალახავს დაბრკოლებებს, რომელიც მისცემს ამავე ,,კედლებს’’ (ასე ვეძახი მე დაბრკოლებებს) უფლებას, რომ შეჩერდეს არ არის მზად ამა თუ იმ საქმისთვის საბრძოლველად, ან თუნდაც ამავე საქმეზე თავისი დროის დასახარჯად. ეს ინსაითი მნიშვნელოვანია და გირჩევთ კიდევ ათასჯერ გადაიკითხოთ, იმიტომ, რომ მისი გააზრება, იქნება პირველი და უმნიშვნელოვანესი ნაბიჯი იმისათვის, რომ შენ ჩემო კარგო, არასდროს დანებდე. მოდი ერთ მცდარ მაგალითს მოგიყვან. რა დაბრკოლებები შემხვდება მე ამ წიგნის დაწერისას და გამოცემისას? მმმ, წერის დროს შეიძლება ლეპტოპმა მიღალატოს და სამუდამოდ გაფუჭდეს... ბოლოს და ბოლოს უკვე 6 წელია, რაც უღალატოდ მუშაობს, დამიბერდა ეს საწყალი მაგრამ, ხომ შესაძლებელია, არა უეცრად გაფუჭდეს? უცებ ადგეს და გაითიშოს. კი, შესაძლებელია, და ზუსტად ეგ იქნება ერთ-ერთი დაბრკოლება, რომელიც შეამოწმებს ჩემს გადაწყვეტილებას იმისა, ვარ თუ არა მე მზად ამ წიგნის დასაწერად.. კიდევ რა შეიძლება მოხდეს? სავარაუდოდ თვითონ ხალხიც შემიქმნის დაბრკოლებებს, ელემენტარულად ამ წიგნის სახელის გამო (ისინი უბრალოდ უარყოფენ წიგნში განთავსებულ ფასეულობას, მისი სითამამის გამო). მესმის, მომავალში, როცა ტვინის ტყვნას რომელიმე სხვა ქვეყანაში გამოვცემთ, იქ, შესაძლოა ამ სახელმა არანაირი უარყოფა არ გამოიწვიოს, მაგრამ აი, იმ ენაზე, რომელზეც ახლა ეს წიგნი იწერება, იმ ქვეყანაში, რომელშიც ის პირველ რიგში გამოიცემა, ესეთი სახელი, ნამეტანი აგრესიულია... აქედან გამომდინარე, არ გამიკვირდება არც ის, რომ ხალხმა დამიწყოს ,,დაკერვა’’ სახელის შესაცვლელად და ამისთვის ღმერთმა იცის, რას არ მოიფიქრებენ. კიდევ, შეიძლება გამოცემის შემდეგ, რეკლამაშიც შემექმნას, რაიმე კედლები. მაგალითად, ასეთი სახელის გამო, სარეკლამო კომპანიებმა შესაძლოა ვერ გარისკონ წიგნის გაპიარება... კი, შესაძლებელია ეგეც. მოკლედ, კიდევ მილიონი რაღაც შეიძლება მოხდეს, და იცი ამ მაგალითის მოყვანამდე რატომ ვთქვი მცდარ მაგალითს მოგიყვან თქო? იმიტომ, რომ ყველაზე დიდი შეცდომაა, დაიწყო იმაზე ფიქრი, თუ რა დაბრკოლებები შეიძლება შეგხვდეს მომავალში, ამა თუ იმ საქმის წამოწყებამდე, ან წამოწყების შემდეგ. ესეთი ფიქრი, აჩენს შიშს, ეჭვებს, თვით დაუჯერებლობას და სხვა მრავალ სიბინძურეს, რომელიც არასდროს დაგეხმარება რაიმეს მიღწევაში. შენ უნდა გაითვალისწინო, რომ აჯობებს დაიწყო, ის საქმე, რომლის დაწყებაც გინდა იმაზე ფიქრის გარეშე, თუ როგორი კედელი შეიძლება შეგხვდეს მომავალში და მერე იმოქმედო ამავე კედლების დასანგრევად ან გვერდის ასავლელად, შესაბამისად იმ სიტუაციისა, რომელშიც მოხვდები. შენ ხომ რაიმე გიგანტური კომპანიის რისკ მენეჯერი არა ხარ, არა? ყოველთვის იმაზე იდარდო, თუ რა შეიძლება მოხდეს მომავალში და როგორ შეიძლება გაგიფუჭდეს საქმე? შენ ჩვეულებრივი ადამიანი ხარ, რომელსაც რაღაცის მიღწევა უნდა და ზუსტად ამიტომ კითხულობს ჩემს წიგნს. გაითვალისწინე ისიც, რომ უმეტესობა კედლები, რომლებიც შენს წარმოსახვებში წარმოიდგინე, არასდროს აშენდება. ისინი უბრალოდ არ ასრულდება და შესაბამისად არც იმსახურებს ასეთ ყურადღებას. მესმის, ბევრი ფრთხილი ადამიანი შეეწინააღმდეგება ჩემს ნათქვამს და მკითხავს: კი მაგრამ, რისკები წინასწარ არ უნდა დაითვალო? კი! დაითვალე თუ გინდა, მაგრამ ხალხის უმრავლესობა ვისთვისაც ეს წიგნი იწერება, რისკებს კი არ ითვლის, იმას კი არ ფიქრობს როგორ დარჩეს მოგებული ნებისმიერ კედელთან დატაკების სიტუაციიდან. ისინი იმაზე ფიქრობენ, თუ რა შეიძლება, რომ დაემართოთ, რამ შეიძლება შეუშალოს ხელი და არა როგორ უნდა მოაგვარონ ეს ხელის შემშლელი კედლები. გასაგებია? ისინი ამ კედლებზე ფიქრით, იგონებენ არარსებულ დაბრკოლებებს და წლების მანძილზე ერთი და იგივე იდეას თავში ტრიალით უმოქმედოდ ატარებენ. შემდეგ რა ხდება? ეს ხალხი არაფერზე მიღწეული ბერდება და კვდება. მოკლედ! არასდროს არ იფიქრო იმაზე, თუ რა დაბრკოლება შეიძლება შეგხვდეს მომავალში, თუ რა თქმა უნდა არ შეგიძლია რეალური დაბრკოლებების წარმოდგენა და მათი გადათელვის გეგმის შედგენა. წინააღმდეგ შემთხვევაში, შენ ვერასდროს წამოიწყებ, ან ვერასდროს დაასრულებ იმ საქმეს, რომელიც შენთვის ბევრს ნიშნავს. ახლა გადავიდეთ შემდეგზე: როგორ გვამოწმებს სამყარო დაბრკოლებებით? ზღაპარი: იყო და არა იყო რა, ერთ გენიალურ, მაღალ, შავთმიან და კურნოსა ცხვირიან ბიჭზე კარგი ვინ იქნებოდა? ეს ბიჭი, მთელი მისი ცხოვრება ეტაკებოდა დაბრკოლებებს, ერთგვარ კედლებს, რომლებიც ყოველთვის ახალ გამოცდას უქმნიდა მას და ამოწმებდა: მზად არის, რო ეს ბიჭი ამა, თუ იმ საქმისათვის? ის არასდროს ნებდებოდა, მას ვერც ერთი კედელი ვერ აჩერებდა. ზოგჯერ კბილებითაც ანგრევდა ამ მათ და ისე ამტკიცებდა თავის სიძლიერესა და გადაწყვეტილებას. და ზუსტად ამიტომ, ბიჭმა ისწავლა ნებისმიერი დაბრკოლების ამოცნობა და მის დასამარცხებლად მოქცევაც. მორჩა ზღაპარი! იცი, როგორ გვამოწმებს სამყარო დაბრკოლებებით? როგორ და როცა რაიმე ახალ საქმეს ვიწყებთ, ის ყოველთვის გვაძლევს საჭირო მიზეზებს ამავე საქმის ფეხებზე დასაკიდებლად. მიზეზები კი, შინაგანი უარყოფებიდან იწყება და რა თქმა უნდა გარე სიტუაციებით მთავრდება. თუ მაგალითად, 40 წლის ვართ და ცხოვრებაში მაქსიმუმ 40 მეტრი გვირბენია, სირბილის დაწყებამდე, დაბრკოლება პირველ რიგში ჩვენივე ნებისყოფა, უფორმობა და იდიოტიზმი იქნება, ხოლო შემდეგ კი მუდმივი წვიმები და ცუდი ამინდები, რომლებიც შენ წარმოიდგინე ხელს გვიშლის სირბილის დაწყებაში. ჰო, არა? ჩვენ ჰომ ისეთი ნაზები ვართ, რომ ღრუბლები გვიშლის ხელს სირბილში... ეგ მიზეზი ჩვენ წინაპრებს უთხარით, თავსხმა წვიმაში, სისხლში გასვრილები, რომ იცავდნენ თავის მიწებს დამპყრობელი არმიისგან. კარგი, ცინიზმი დავივიწყოთ და წიგნს დავუბრუნდეთ... ესეიგი, თუ რაიმე საქმის წამოწყება გინდა, მზად იყავი იმისთვის, რომ აუცილებლად შეგხვდება და შეგექმნება ობიექტური (მნიშვნელოვანი სიტყვაა: ,,ობიექტური’’) მიზეზები ამავე საქმის მისაგდებად. უფროსწორედ შენ მოგეჩვენება ეს მიზეზები ობიექტურად, ელემენტარულად იმიტომ, რომ შენივე ტვინი გატყუებს ამ დროს და ცდილობს დარჩეს თავის კომფორტის ზონაში, ახალი საქმის გაწირვის ფასად. შენს ტვინს არ აინტერესებს, რა შეიძლება მოგიტანოს დროებითმა უკომფორტობამ და დროებითმა ასე ვთქვათ გასაჭირმა მომავალში. მას მხოლოდ ის აინტერესებს, რომ გადარჩეს და გამრავლდეს. შესაბამისად მისთვის სულაც არ არის მნიშვნელოვანი, რისი მიღწევა გინდა შენ. და ზუსტად ამიტომ, ის მოგცემს არა ერთ ,,ობიექტურ’’ მიზეზს იმისათვის, რომ ნებისმიერი წამოწყებული საქმე შუა გზაში, ან 25%-ში მიატოვო. (მზად იყავი შემდეგი დაბრკოლებისთვის: თუ შენთვის პიროვნული განვითარება, რაღაც ახალია, შენი ტვინი აუცილებლად მოგაწვდის, არა ერთ ,,ობიექტურ’’ მიზეზს იმისათვის, რომ ეს წიგნი ბოლომდე არ წაიკითხო და მასში განთავსებული რჩევები პრაქტიკაში არ გამოიყენო). მაგალითები ცხოვრებიდან: 1) როცა სირბილს ვიწყებდი, ვიყავი 22 წლის, უფორმო და უმოტივაციო პიროვნება. სიგარეტს იმ დროს უვკე 12 წლის ასაკიდან ვეწეოდი და სულ რაღაც ორი, თუ სამი თვის მიტოვებული მქონდა. მოკლედ, ერთი ჩვეულებრივი დეგრადანტი ვიყავი, რომელიც საკუთარ ორგანიზმს არასდროს უფრთხილდებოდა და ყველანაირი შხამით წამლავდა. შენი აზრით, როგორ დაბრკოლებებს ვეტაკებოდი იქამდე სანამ სირბილს ჩვევად არ ვიქცევდი? მე შენ გეტყვი ელემენტარულებს: ხან საჭირო დროს ვერ ვიღვიძებდი, ხან კუნთები მტკიოდა, ხან წვიმა წამოვიდოდა, ხან ნამეტანი სიცხე იქნებოდა, ზოგჯერ ზედმეტად ციოდა. ყოფილა სიტუაციაც , როცა მიზეზად მეგობრის შეყვარებულზე დაშორებასაც ვიყენებდი. ვითომ სადაა ლოგიკა, ჰო? მაგრამ მაინც, ჩემი ტვინი ათასობით მიზეზს იგონებდა იმისთვის, რომ სირბილისთვის თავი დამენებებინა და ისევ ისეთივე სუსტი და ამავდროულად ცხიმით სავსე მასა დავრჩენილიყავი... მაგრამ მე ყველა ამ დაბრკოლების გადალახვა შევძელი და დღეს უკვე სირბილი ჩემი ცხოვრების ძალიან დიდ ნაწილს იკავებს. 2) ერთხელ, ერთ ჩემს ახლობელს გავუმზადე პიროვნული განვითარების 30 დღიანი პროგრამა, რომელიც ითვალისწინებდა კომფორტის ზონიდან გამოსვლას , სწორი აფირმაციების რეგულარულად გამოყენებას (აფირმაციებზე და კომფორტის ზონაზე მომავალში ვისაუბრებთ. არ შეგეშინდეს) ფიზიკური ფორმის გაუმჯობესებას და მოკლედ, პიროვნული განვითარების მთელ ბუკეტს. სადაც ერთ-ერთი დავალება იყო კბილების საპირისპირო ხელით გამოხეხვა (ანუ იმ ხელით, რომლითაც მისთვის უკომფორტო იყო.) იცი რა მოხდა ამ პროგრამის შესრულების მეთორმეტე დღეს? რა და, ამ კაცს, ადამიანს, რომელსაც მთელი მისი ცხოვრება ჯანსაღი და ძლიერი კბილები ჰქონდა, ერთ-ერთი მათგანი ამოუვარდა. ანუ, ასე უბრალოდ ადგა კბილი და ამოვარდა. იცი, რა მოხდა შემდეგ? რა და ამ მამაკაცმა თავი დაანება პროგრამას. მოდი გავაანალიზოთ ეს სიტუაცია: გაითვალისწინე, რომ კბილის ამოვარდა, ეს იყო ერთ-ერთი კედელი, ანუ ზუსტად ის ობიექტური მიზეზი, რომელიც აძლევდა ადამიანს შანსს მთელი პროგრამისთვის თავი დაენებებინა, რაც უკვე ვახსენეთ, რომ მოხდა. ანუ, ამ მამაკაცს არ სურდა ბრძოლა იმისათვის, რომ პროგრამა დაესრულებინა, შესაბამისად მოხდა ისეთი, რამ, რამაც ხელი შეუწყო მის დაუსრულებლობაში... არის ჰო რაღაც აზრი ამ იდეაში? ამ მაგალითით, მე იმის თქმა მინდა, რომ ყოველთვის გამოჩნდება მიზეზი, იმისათვის, რომ მიატოვო ნებისმიერი საქმე და სწორედ ამ მიზეზებით გამოწმებს შენ სამყარო, ხარ თუ არა მზად ამავე საქმის ბოლომდე მისაყვანად. უკვე განვმეორდი კიდეც, რაც თვითონვე არ მსიამოვნებს, მაგრამ არაუშავს. ჩემი წიგნია და რასაც მინდა იმას გავაკეთებ! ახლა შემდეგი კითხვა: როგორ გადავლახოთ დაბრკოლებები? ამის პასუხი იმდენად ელემენტარულია, რომ მილიარდობით ადამიანი ვერ გაიგებს დაჟე მილიარდჯერ, რომ გადაიკითხოს ის. გინდა გადალახო დაბრკოლებები? (მაშინ მომწერე და გამოგიგზავნი ჩემს წიგნს ^^)#წიგნები#feedcgrant
Tbilisi Daily
Tbilisi, Georgia · 2 months ago
ჩემთან მუშაობა ძნელია, მაგრამ საინტერესო - ირაკლი ოქრუაშვილის პოლიტიკური ცხოვრების გზა
ჩემი ყველაზე დიდი შეცდომა იყო ირაკლი ოქრუაშვილი - ეს სიტყვები მიხეილ სააკაშვილს ეკუთვნის; ადამიანს, რომელმაც თავისი რვაწლიანი პრეზიდენტობის განმავლობაში მხოლოდ რამდენჯერმე აღიარა მის მიერ დაშვებული შეცდომა. თუმცა, მანამ, სანამ ოქრუაშვილი სააკაშვილის ,,შეცდომად” გადაკვალიფიცირდებოდა, იყო ხანგძლივი პოლიტიკური გზა, რომელიც ამ ორმა პერსონამ ერთად განვლო. ოქრუაშვილს პრეზიდენტის ,,მარცხენა ხელსაც” კი უწოდებდნენ, ვინაიდან მარჯვენა ხელად ვანო მერაბიშვილი ინათლებოდა. ,,მიხეილ სააკაშვილს ახალი ,,რკინის კაცი” მუდმივად გადაჰყავს იქ, სადაც მოცემულ მომენტში ქვეყნის მთავარი პრიორიტეტი ხორციელდება,” - წერდა 2004 წელს ჟურნალისტი ია ანთაძე. მართლაც, ,,ნაციონალური მოძრაობის” მმართველობის პერიოდში ირაკლი ოქრუაშვილი ერთ-ერთი ყველაზე საკვანძო და წინააღმდეგობრივი ფიგურა იყო. გავიხსენოთ რამდენიმე ფაქტი ოქრუაშვილის წარსულიდან. ირაკლი ოქრუაშვილი აქტიურად მონაწილეობდა 2003 წლის ნოემბერში მომხდარ ვარდების რევოლუციაში, რის შემდეგაც, 2 დეკემბერს, დაინიშნა შიდა ქართლის გუბერნატორად. მალევე გენერალური პროკურორის პოსტი დაიკავა. შემდგომ ირაკლი ოქრუაშვილის პოლიტიკურ ცხოვრებაში სამთავრობო კარუსელი დატრიალდა: ჯერ შს მინისტრად დაინიშნა, მალევე კი თავდაცვის მინისტრის პოსტზე გადაინაცვლა. ამ პერიოდში ვრცელდებოდა ხმები ოქრუაშვილის შესაძლო დაპირისპირებაზე თავის თანაგუნდელებთან, მათ შორის შინაგან საქმეთა მინისტრ ვანო მერაბიშვილთან. 2005 წელს კონტრაბანდის წინააღმდეგ ბრძოლის გაძლიერების საბაბით შიდა ქართლის რეგიონის პოლიციაში საკადრო ცვლილებები განხორციელდა, რაც ზოგიერთმა გამოცემამ ოქრუაშვილის გავლენის შესუსტებისაკენ მიმართულ კამპანიად ახსნა, თუმცა მთავრობის წევრებმა უარყვეს ეს მოსაზრება. მოგვიანებით, გაზეთ „რეზონანსთან“ ინტერვიუში, ირაკლი ოქრუაშვილი მის წინააღმდეგ აგორებულ ინტრიგებზე საუბრობდა. ამის შემდგომ მიხეილ სააკაშვილმა მოულოდნელად ირაკლი ოქრუაშვილს თავდაცვის მინისტრის პოსტი დაატოვებინა და და ეკონომიკური განვითარების მინისტრად დანიშნა. სააკაშვილის სიტყვებით, ეს გადაადგილება „განაპირობა იმ ფაქტმა, რომ რუსეთის მთავარი სამიზნე საქართველოს ეკონომიკაზე შეტევაა“. ზოგიერთმა ოპოზიციურმა ძალამ და პოლიტოლოგმა კი ოქრუაშვილის გადაყენება მის მიერ ცხინვალის რეგიონის ტერიტორიაზე კონტროლის აღდგენის ვადების თაობაზე კატეგორიულ განცხადებებს დაუკავშირა - ,,თუ ჩვენ 2007 წლის 1 იანვარს ახალ წელს ცხინვალში ვერ ვიზეიმებთ, მე აღარ ვიქნები საქართველოს თავდაცვის მინისტრი,”. ასეა თუ ისე, საქართველომ ეს ვერ შეძლო, ოქრუაშვილი კი თავდაცვის მინისტრის პოსტს დაემშვიდობა. ფაქტია, რომ ოქრუაშვილი საკადრო ცვლილებებით კმაყოფილი არ დარჩენილა და მას გული სწყდებოდა სააკაშვილის გადაწყვეტილებაზე. ამაზე ეკონომიკის სამინისტროს თანამშრომლებთან მისი პირველი შეხვედრა და მიმართვაც მოწმობს - ,,თანამშრომლებს მოგმართავთ, რომ მომეხმარეთ იმაში, რომ ჩემი ენერგიის კონცენტრირება მოვახდინო აქ იმიტომ, რომ ჩემი გული და სული რჩება ქართულ ჯარში... ჩემთან მუშაობა ძნელია, მაგრამ საინტერესო.” ამ განცხადებიდან ზუსტად ერთ კვირაში ოქრუაშვილმა მინისტრის თანამდებობა საკუთარი ნებით დატოვა და პოლიტიკიდან წავიდა, კითხვები კი პასუხგაუცემელი დარჩა. თითქმის ერთი წლის შემდეგ იგი პოლიტიკაში დაბრუნდა და საკუთარი პარტია - ,,მოძრაობა ერთიანი საქართველოსთვის” დააარსა, რომლის პრეზენტაციაზეც ხანგძლივი დუმილი დაარღვია და ყოფილ თანამოაზრესა და ქვეყნის მოქმედ პრეზიდენტს, მიხეილ სააკაშვილს ანტისახელმწიფოებრივ ქმედებებსა და მკვლელობების შეკვეთებშიც დასდო ბრალი - ,,მე არაერთხელ მიმიღია პრეზიდენტ სააკაშვილისგან დავალება ამა თუ იმ გავლენიანი და მნიშვნელოვანი ადამიანის ლიკვიდაციის შესახებ”. ოქრუაშვილი მის ამ განცხადებებს შეეწირა - ზუსტად ორი დღის შემდეგ ახალდაფუძნებული პარტიის ოფისშივე დააკავეს. ოქრუაშვილს თანამდებობის ბოროტად გამოყენებაში, ფულის გამოძალვასა და სამსახურეობრივ გულგრილობაში დასდეს ბრალი. დაკავებიდან დაახლოებით ერთ თვეში, 2007 წლის ოქტომბერში გენერალურმა პროკურატურამ გაავრცელა ოქრუაშვილის დაკითხვის ამსახველი ვიდეო-ჩანაწერი. ამ ჩვენებაში იგი უარყოფს მის მიერ გახმოვანებულ აბსოლუტურად ყველა ბრალდებას, მათ შორის პრეზიდენტის მიერ პატარკაციშვილის ლიკვიდაციის შეკვეთას და აცხადებს, რომ ეს განცხადებები ,,პოლიტიკური დივიდენდების მისაღებად” სჭირდებოდა. მაშინდელი გენპროკურორის მოადგილის, ნიკა გვარამიას განცხადებით, ყოფილმა თავდაცვის მინისტრმა გამოძიებასთან თანამშრომლობის სურვილი თავად გამოთქვა, თუმცა საზოგადოების დიდ ნაწილს დარჩა განცდა, რომ ეს აღიარება მოპოვებულ იქნა დიდი ზეწოლისა და დაშინების შედეგად. აღიარებითი ჩვენების შემდეგყოფილი მინისტრი გაათავისუფლეს, რის შემდეგაც მან საქართველო გაურკვეველ ვითარებაში დატოვა და პოლიტიკური თავშესაფარი მიიღო საფრანგეთში. საფრანგეთში ოქრუაშვილი 2012 წლამდე დარჩა და მთელი ამ პერიოდის განმავლობაში აცხადებდა, რომ მას აღიარებითი ჩვენება იძულებით მიაცემინეს. 2012 წლის ნოემბერში ირაკლი ოქრუაშვილი საქართველოში დაბრუნდა, სადაც დააკავეს და გლდანის ციხეში გადაიყვანეს, თუმცა მომდევნო წელს გაათავისუფლეს. გასული წლის ივნისში თავდაცვის ყოფილმა მინისტრმა ირაკლი ოქრუაშვილმა, ახალი პოლიტიკური მოძრაობა ,,გამარჯვებული საქართველოს“ დააარსა, თუმცა, ისტორია გარკვეულწილად განმეორდა - პარტიის დაფუძნებიდან მალევე იგი კვლავ დააკავეს. საქმე 20-21 ივნისის მოვლენებს ეხებოდა. რამდენიმე დღის წინ მას საქალაქო სასამართლომ 5 წლის ვადით თავისუფლების აღკვეთა მიუსაჯა.#ირაკლიოქრუაშვილი #პოლიტიკა #tbilisidaily
Tbilisi Daily
Tbilisi, Georgia · 2 months ago
შესაძლებელია თუ არა COVID 19-ით რამდენჯერმე დაინფიცირება
COVID-19– ით ხელახლა დაინფიცირების ალბათობის შესახებ პირველი ცნობები თებერვალში გავრცელდა. ეს მოხდა მაშინ, როდესაც გამოჯანმრთელებულ იაპონელ პაციენტს ჩაუტარდა ტესტი, რომელმაც ჯერ უარყოფითი პასუხი აჩვენა, შემდეგ კი კვლავ დადებითი გახდა. მსგავსი შემთხვევები იაპონიაში მოგვიანებითაც დაფიქსირდა, შემდეგ კი „ხელახალი ინფიცირების“ პრობლემა აქტუალური ჩინეთშიც გახდა. ამ სიტუაციის შესახებ განმარტებას მეცნიერებს სთხოვდნენ. მკვლევრებმა განაცხადეს, რომ ხელახლა ინფიცირების შესახებ ზუსტი ინფორმაცია არ არსებობდა. ისინი შექმნილ სიტუაციას ტესტების მაღალი ცდომილებით ხსნიდნენ. სპეციალისტების განმარტებით, პანდემიის საწყის ეტაპზე კორონავირუსის ტესტები ძალიან ზუსტი არ იყო, რის შედეგადაც არაერთი შეცდომა დაფიქსირდა, მათ შორის - ცრუ დადებითი შედეგები. რეინფექციის საკითხის უფრო დეტალურად შესასწავლად, ცოტა ხნის წინ ჩინელმა მეცნიერებმა სამოდელო ცხოველებზე ექსპერიმენტი ჩაატარეს. მათ მაკაკები COVID-19– ით დააინფიცირეს, რამდენიმე დღის შემდეგ კი მათგან აღებულ სინჯებში ვირუსის მაღალი კონცენტრაცია დაფიქსირდა. მოგვიანებით, ცდისპირი ცხოველების სისხლში ვირუსის სპეციფიკური ანტისხეულები აღმოაჩინეს. ინფიცირებიდან 28 დღის შემდეგ მეცნიერებმა სცადეს, ორი მაკაკა ხელახლა დაეინფიცირებინათ, მაგრამ ამის გაკეთება ვერ მოხერხდა. განმეორებითი ინფიცირების მცდელობიდან ხუთი დღის შემდეგ, მაიმუნებს ცხვირ-ხახიდან ნაცხი აუღეს. ანალიზის მიხედვით, მათ ვირუსის ნაწილაკები არ დაუფიქსირდათ. შემდგომმა გამოკვლევებმა კი აჩვენა, რომ ცდისპირ მაკაკებს დაავადების არანაირი სიმპტომი არ ჰქონდათ. საინტერესოა ის ფაქტი, რომ ხელმეორედ დაინფიცირების მცდელობის შემდეგ ერთ მაიმუნს სპეციფიკური ანტისხეულების კონცენტრაცია S- პროტეინზე სამჯერ გაეზარდა, მეორეს კი უცვლელი დარჩა. ამრიგად, დღეისათვის არ არსებობს სანდო მონაცემები იმის შესახებ, რომ COVID-19-ით რეინფიცირება შესაძლებელია. ყველა ზემოთ აღწერილ შემთხვევას სპეციალისტები ძირითადი ინფექციის მიერ დატოვებულ სიმპტომებს ან ტესტების ცდომილებას უკავშირებენ. მკვლევართა განმარტებით, უფრო მეტიც, არსებობს სერიოზული საფუძველი იმ მოსაზრებისთვის, რომ ინფიცირებიდან პირველი თვეების განმავლობაში, ხელახლა დაავადება უბრალოდ შეუძლებელია. ეს იმას ნიშნავს, რომ ერთხელ ინფიცირების შემდეგ COVID-19-ს აღარ უნდა ვუფრთხოდე? COVID-19-ის პანდემია სულ რაღაც რამდენიმე თვის წინ დაიწყო, ამიტომ როგორი იქნება ჩვენი იმუნიტეტი დაახლოებით 1 წლისთავზე, ჯერ ძალიან რთული სათქმელია. დაავადების შემდეგ სისხლში ანტისხეულების არსებობა, სამწუხაროდ, ინფექციისადმი მუდმივი იმუნიტეტის გარანტიას არ იძლევა. ბევრი რამ თავად ინფექციის ტიპზეა დამოკიდებული. მაგალითად, ადამიანები, რომლებმაც წითელა ან წითურა გადაიტანეს, ამ ინფექციური დაავადებებისადმი იმუნიტეტს მთელი ცხოვრების განმავლობაში ინარჩუნებენ, მაშინ როდესაც გრიპი შეიძლება ბევრჯერ გადაიტანოთ, მიუხედავად იმისა, რომ ორგანიზმი ყოველ ჯერზე სრულად იკურნება. უპირველეს ყოვლისა, ეს გამოწვეულია გრიპის ვირუსის ცვალებადობით: მის სტრუქტურაში მუდმივი ცვლილებები ადამიანის ორგანიზმს საშუალებას არ აძლევს, რომ ერთხელ და სამუდამოდ გამოიმუშავოს ანტისხეულები, რომლებიც გრიპის ყველა ტიპის წინააღმდეგ ეფექტიანი იქნება. ჩვეულებრივი კოროვირუსული ინფექციების მიმართ, რომლებიც „სეზონურ გაციებას“ იწვევს, ადამიანი იმუნიტეტს მხოლოდ რამდენიმე თვეს ინარჩუნებს. თუმცა, COVID-19-ის გამომწვევი ვირუსი მათგან ბევრი თავისებურებით განსხვავდება. მაგალითად, გენომის სტრუქტურით დაწყებული და დაავადების მიმდინარეობის პროცესით დამთავრებული. ამიტომაც აქ რამის ზუსტად თქმა შეუძლებელია. ამ თემაზე მეცნიერთა მოსაზრებებიც განსხვავებულია. ტეხასის უნივერსიტეტის ვირუსოლოგი ვინიტ დ. მენაჩერი ვარაუდობს, რომ ახალი კოროვირუსის მიმართ იმუნიტეტი ადამიანს ერთიდან ორ წლამდე უნარჩუნდება. ნიუ-იორკის მედიცინის სკოლის მიკრობიოლოგი ფლორიან კრამერი (მისი ნაშრომები სეროლოგიური ტესტების წარმოებაში აქტიურად გამოიყენება) თვლის, რომ COVID-19– ის ანტისხეულები, სავარაუდოდ, სისხლში ძალიან ცოტა ხანს რჩება, მაგრამ ზოგადად იმუნური სისტემა რეინფექციის შემთხვევაში უფრო ეფექტიან რეაგირებას შეძლებს. ოპტიმისტური მაგალითის კონტექსტში აქ შეიძლება „ატიპური პნევმონიის“, SARS-CoV-1-ის გამომწვევ პათოგენზე ვისაუბროთ. ეს არის კორონავირუსი, რომელიც 2002 წელს გამოჩნდა და ადამიანებში გამოიწვია სიმპტომები, რომლებიც COVID-19-ს ჰგავს. მთელი რიგი კვლევის თანახმად, ადამიანს SARS-1-ისადმი იმუნიტეტი ინფიცირებიდან, სულ ცოტა, 6 წლის განმავლობაში უნარჩუნდება. აქვე ისიც უნდა ითქვას, რომ რაც უფრო რთულად მიმდინარეობდა დაავადება, მით უფრო მაღალი იყო T– უჯრედების მეხსიერების დონე. სწორედ ეს უკანასკნელი „იმახსოვრებს“ უცხო ნაწილაკებს და ორგანიზმში მათი განმეორებით გამოჩენის შემთხევაში მომენტალურად რეაგირებს.
Tbilisi Daily
Tbilisi, Georgia · 2 months ago
რა უნდა ვიცოდეთ 5G ინტერნეტის შესახებ?
საქართველოში, ბოლო დროს აქტიურად დაიწყეს საუბარი 5G ინტერნეტის ამოქმედებაზე. მოსახლეობის აზრი ორადა გაიყო. ერთნი მიესალმებიან მეხუთე თაობის მობილური ინტერნეტკავშირის დანერგვას, მერენი კი უგულვებელყოფენ მას. ამასთან, საქართველოში კომუნიკაციების კომისიამ გამოაქვეყნა განცხადება სადაც ნათქვამია, რომ უწყება აქტიურად აგრძელებს მუშაობას ახალი თაობის ინტერნეტის დანერგვის მიმართულებით. 5G ინტერნეტი, აუცილებელი წინაპირობაა ქვეყანაში ისეთი მნიშვნელოვანი სფეროების განვითარებისთვის, როგორიცაა ეკონომიკა, ჯანდაცვა, განათლება, ბიზნესი და სხვა. პირველ როგში განვიხილოთ, რა არის 5G - ეს არის მეხუთე თაობის მობილური ინტერნეტკავშირი, რომელიც ყველაზე სწრაფ ჩამოწერისა და ატვირთვის სიჩქარეს გვპირდება. ის ადამინებისთვის ხარისხიან ინტერნეტთან ხელმისაწვდომობას გაზრდის. 5G-ის მიერ შეთავაზებული კავშირის სიჩქარე და ხარისხი მოიცავს ახალი, ინოვაციური მომსახურებების ძალიან ფართო და მნიშვნელოვან პოტენციალს. ამ დროისთვის არსებული ყველაზე სწრაფი 4G მობილური ინტერნეტის სიჩქარე წამში საშუალოდ 45 მეგაბიტია. ინდუსტრია იმედოვნებს, რომ გადაცემის სიჩქარეს წამში 1 გიგაბაიტამდე გაზრდის. 5G ტექნოლოგიის შემთხვევაში მობილური ინტერნეტის გადმოწერის სიჩქარე 10-20-ჯერ სწრაფი იქნება. ინოვაციური ტექნოლოგიის დანერგვის პარალელურად, ბოლო დღეებში სოციალურ ქსელში აქტიურად ვრცელდება დეზინფორმაცია იმის შესახებ, რომ 5G ინტერნეტი ადამიანების ჯანმრთელობასა და გარემოს უქმნის საფრთხეს. ამ თემასთან დაკავშირებით არაერთი განცხადება აქვს გაკეთებული მსოფლიო ჯანდაცვის ორგანიზაციას, რომელიც მიიჩნევს, რომ რადიოსიხშირული ველები და კონკრეტულად 5G ტექნოლოგია ადამიანის ჯანმრთელობაზე მავნე ზეგავლენას არ ახდენს. ამასთან, კვლევა ჩაატარა, კიბოსთან ბრძოლის ამორიკულმა საზოგადოებამ, მათი თქმით მობილური ინტერნეტი კიბოს განვითარებაზე არ მოქმედებს და სმარტფონების სუსტი რადიაცია მოლეკულებზე სერიოზული გავლენის მოსახლდენად საკმარისი არ არის. 5G უკვე გამოიყენება და მსოფლიოს მასშტაბით მასზე დაფუძნებული მრავალი მომსახურების ტესტირება მიმდინარეობს, სხვადასხვა მიმართულებით, მათ შორის, ჯანდაცვის, სოფლის მეურნეობისა და სატრანსპორტო სფეროებში. 5G ტექნოლოგია აგრეთვე გამოიყენება სოფლის მეურნეობაში. ამის ერთ-ერთი მაგალითია ავტონომიური მიწათმოქმედების დანადგარები, რომლებიც მიწას ვიდეო სენსორის გამოყენებით ამოწმებენ, სასუქსა და პესტიციდს იყენებენ ზუსტად იქ, სადაც საჭიროა. 5G-ის გამოყენება ხელს უწყობს, როგორც რესურსების დაზოგვას, ისე - ეფექტიანობის ამაღლებას, 5G-ის გამოყენება შეუძლიათ ისეთი საზოგადოებრივი მომსახურებების გასაუმჯობესებლად, როგორიცაა პარკირება, საავტომობილო მოძრაობის მართვა და გარე განათება. აღსანიშნავია, რომ ახალი თაობის ტექნოლოგიის გამოყენებით COVID-19, ის ქვეყნები სადაც 5G ტექნოლოგია უკვე მუშაობს ყველაზე ეფექტურად გაუმკლავდნენ. აქედან გამომდინარე, შეგვიძლია ვთქვათ, რომ 5G ინტერნეტი არის ის ინოვაცია, რომელიც კაცობრიობას ხელს შეუწყობს განვითარებაში და მისცემს საშუალებას დაზოგოს მეტი დროს. სამწუხაროდ, ახლა იმ რეალობაში ვცხოვრობთ, სადაც ადამიანს ყოველთვის დროის უკმარისობის შეგრძნება აქვს.#5G #მობილურიინტერნეტი #კავშირი #ინოვაცია #tbilisidaily