ბათუმში კორონავირუსი კიდევ ერთ ადამიანს დაუდასტურდა. ამის შესახებ აჭარის ავტონომიური რესპუბლიკის ჯანდაცვის მინისტრმა, ზაალ მიქელაძემ განაცხადა. პაციენტს ევროპაში მოგზაურობის ისტორია აქვს. იგი ამ დრომდე კარანტინში იმყოფებოდა. ეს უკვე მეშვიდე პაციენტია, რომელიც ბათუმში კორონავირუსს მკურნალობს. შვიდიდან ექვს პაციენტში დაავადება მსუბუქი ფორმით მიმდინარეობს ხოლო ერთ პაციენტს მდგომარეობა საშუალო სიმძიმით კვალიფიცირდება. აღსანიშნავია, რომ ქვეყნის მასშტაბით უკვე 13 ადამიანი გამოჯანმრთელდა, დაინფიცირებულთა საერთო რაოდენობა კი 81-ს შეადგენს. #კორონავირუსი #ახალიშემთხვევა #BatumiDaily

საქართველოში კორონავირუსით კიდევ 6 ადამიანი დაინფიცირდა, 26 კი გამოჯანმრთელდა. ინფორმაცია ამის შესახებ ვებგვერდ StopCov.ge-ზე გამოქვეყნდა. საერთო ჯამში ქვეყანაში კორონავირუსი 677 ადამიანს დაუდასტურდა, აქედან 419 უკვე გამოჯანმრთელდა. კარანტინის რეჟიმშია 3873 ადამიანი, სტაციონარში მეთვალყურეობის ქვეშ კი - 393. ინფექციას სულ 12 ადამიანი ემსხვერპლა. #newsსაქართველო#კორონავირუსი#Tbilisi Daily#Dailnews

ქუთაისის ინფექციურ საავადმყოფოში ახალგაზრდა მამაკაცს კორონავირუსი დაუდასტურდა. მოქალაქე საავადმყოფოში კარანტინიდან გადმოყვანეს, მას თურქეთში მოგზაურობის ისტორია აქვს. პაციენტს მაღალი ტემპერატურა და პნევმონია აქვს. საავადმყოფოს მთავარი ექიმის, თეიმურაზ ნადირაძის თქმით, მისი ჯანმრთელობის მდგომარეობა საშუალო სიმძიმისაა. კლინიკაში ლუგარის ლაბორატორიიდან კიდევ ორი ტესტის პასუხს ელოდებიან. ქუთაისის ინფექციურ საავადყოფოში საერთო ჯამში კორონავირუსის დადასტურებული დიაგნოზით 4 პაციენტია მოთავსებული. საქართველოში კორონავირუსი 156 ადამიანს დაუდასტურდა, აქედან 28 უკვე გამოჯანმრთელდა. ვირუსით ინფიცირების პირველი შემთხვევა ჩვენს ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი დაიწყო. #politics #news #opinion #coronavirus #stayathome #covid19 #დარჩისახლში

ბოლნისის მუნიციპალიტეტში კორონოვირუსის 8 ახალი შემთხვევა გამოვლინდა ,მათგან სამი სამედიცინო პერსონალის თანამშრომელია, - ამის შესახებ ქვემო ქართლში სახელმწიფო რწმუნებულმა შოთა რეხვიაშვილმა ჟურნალისტებს განუცხადა. შ.რეხვიაშვილის თქმით რეგიონში ჯამში, კორონავირუსით ინფიცირების 50 დადასტურებული შემთხვევაა დაფიქსირებული, აქედან 8 გამოჯანმრთელებულია, ხოლო ერთი - გარდაცვლილი. „ბოლნისის მუნიციპალიტეტში ამ ეტაპზე გვაქვს 8 დამატებული ფაქტი სამედიცინო პერსონალის კლასტერიდან. გუშინ გითხარით, რომ 34 ადამიანს, რომლებსაც სიმპტომები ჰქონდათ, საკვლევი მასალა აუღეს. მათგან და მათი ოჯახის წევრებიდან 8 ფაქტი დადასტურდა, რომელთაგან ხუთი ოჯახის წევრია და სამი ადამიანი - ორი ექთანი და ერთი ექიმი - სამედიცინო პერსონალიდან ახალი ფაქტია. ჯამში, რეგიონში კორონავირუსის 50 დადასტურებული ფაქტი გვაქვს, აქედან 8 გამოჯანმრთელებულია და ერთი გარდაცვლილი,“- განაცხადა რეხვიაშვილმა.#კორონავირუსი #ახალიშემთხვევა #marneulidaily

ბოლო 24 საათის განმავლობაში, გერმანიაში კორონავირუსი 580 ადამიანს დაუდასტურდა, ინფიცირებული 26 კი ადამიანი გარდაიცვალა. რობერტ კოხის ინსტიტუტის მონაცემებით, სულ ქვეყანაში კოვიდინფიცირების 187 764 შემთხვევაა აღწერილი. ინფიცირებულთაგან 8 856 გარდაიცვალა, 174 100-მა კი ვირუსის დამარცხება შეძლო. გერმანიაში ახალი კორონავირუსით ინფიცირების პირველი შემთხვევა 27 იანვარს გამოვლინდა.

საქართველოში კორონავირუსისგან კიდევ ერთი, მეექვსე პაციენტი გარდაიცვალა. ამის შესახებ პირველი საუნივერსიტეტო კლინიკის დირექტორმა, ლევან რატიანმა განაცხადა. გარდაცვლილი 83 წლის კაცია. საქართველოში კორონავირუსი 456 ადამიანს დაუდასტურდა, აქედან 132 უკვე გამოჯანმრთელდა, 5 კი გარდაიცვალა. საქართველოს კიდევ 3 მოქალაქეს კორონავირუსი სხვა ქვეყნებში დაუდასტურდა და ისინი საქართველოში აგრძელებენ მკურნალობას. ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი. ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით. 21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.