ქვეყნის მასშტაბით 38 კრიტიკულად მძიმე პაციენტია

მარინა ენდელაძის თქმით, მკურნალობის ეტაპზე მყოფი 3379 პაციენტიდან 38-ის მდგომარეობა კრიტიკულია, მათგან 36 მართვით სუნთქვაზე იმყოფება. ამის შესახებ თბილისის ინფექციური საავადმყოფოს ბოქსირებული განყოფილების დირექტორმა ჟურნალისტებს განუცხადა. მისივე თქმით, მართვით სუნთქვაზე მყოფი პაციენტებიდან 9 აფხაზეთიდანაა. ამ დროისთვის ქვეყანაში კორონავირუსის 7093 შემთხვევაა დადასტურებული, გამოჯანმრთელებულია 3714 ადამიანი. უცხოეთიდან სამკურნალოდ გადმოყვანილია საქართველოს 41 მოქალაქე. გარდაიცვალა 43 პაციენტი. ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.