ზუგდიდში 3 უბანზე "ოცნების" კოორდინატორები ფულს არიგებენ - ენმ

"ერთიანი ნაციონალური მოძრაობის" ინფორმაციით, ზუგდიდში #3 -ე საარჩევნო უბანზე, რომელიც გამსახურდიას ქუჩაზე მდებარეობს მმართველი პარტიის აგიტატორები ფულს არიგებენ. როგორც ენმ-ის ერთ-ერთი დამკვირვებელი ამბობს, ქალი, რომელიც აღნიშნული უბნის ტერიტორიაზე მანქანით იმყოფებოდა, მოქალაქეებს სხვადასხვა კუპიურას აძლევდა, რისი ამსახველი ფოტო მასალაც მოეპოვებათ. ფაქტს უარყოფენ მანქანაში მყოფი "ქართული ოცნების" კოორდინატორები. მათი თქმით, ისინი მანქანაში მხოლოდ საჭმელად ჩასხდნენ. ადგილზე იმყოფებოდა უბნის მაჟორიტარი, ზუგდიდის საკრებულოს წევრი "ქართული ოცნებიდან" თაზო ფაცაცია. მისი მტკიცებით, ეს ოპოზიციის მორიგი ცილისწამებაა. _________________ თქვენ ამ სტატიას კითხულობთ პლატფორმა Feedc -ზე.Feedc არის მედია პლატფორმა, სადაც შეგიძლიათ გაეცნოთ ჩვენს სტატიებს. #არჩევნები #ახალიამბები #ზუგდიდი #zugdididaily წყარო: რადიო ათინათი