, , კარგი საქმის კეთებას ყოველთვის სიჩუმე უყვარს, ” - ეს განცხადება დაავადებათა კონტროლისა და საზოგადოებრივი ჯანდაცვის ეროვნული ცენტრის დირექტორმა, ამირან გამყრელიძემ გააკეთა.
მისი თქმით, კორონავირუსმა არ იცის ოპოზიცია და პოზიცია, ამიტომაც საერთო კეთილის საქმის კეთების დროს არავითარი პოლიტიკური მოტივი არ უნდა გვამოძრავებდეს. გამყრელიძემ საზოგადოებას სრული ერთიანობისა და კონსილიდაციისკენ მოუწოდა.
„კარგი საქმის კეთებას ყოველთვის სიჩუმე უყვარს. ყველამ კარგი საქმე ვაკეთოთ, ერთმანეთს გვერდში დავუდგეთ, მაგრამ ეს ჩუმად და წესების დაცვით ვაკეთოთ. ამ დროს ჩვენ უკვე არავითარი პოლიტიკური საფუძველი არ უნდა გვქონდეს. დღეს ყველა ერთი ვართ, ოპოზიციაც, ოპოზიციაც. ინფექცია კორონავირუსმა არ იცის, ვინ არის პოზიცია და ვინ ოპოზიცია, ვინ ვისი მამაა, ვინ ვისი შვილია, ყველას თანაბრად ეხება და ვიყოთ ყველა ერთნი. კარგია, რომ დღეს ქვეყანა რაღაცამ გააერთიანა და ამას სხვა დანიშნულებით ნუ გამოვიყენებთ“, - განაცხადა გამყრელიძემ.
#ამირანგამყრელიძე
#ოპოზიცია
#პოზიცია
#tbiliaidaily