რა მოჰყვა ერთიანი ნაციონალური მოძრაობის ინიციატივას? გუშინ, 26 მარტს, ზუგდიდში ერთიანი ნაციონალური მოძრაობის ინიციატივით მოსახლეობას პირბადეები, ხელთათმანები და ჰიგიენური ხსნარრები დაურიგდა. ნივთების მისაღებად უამრავი ადამიანი შეიკრიბა. პოლიციელების ადგილზე ყოფნისა და მოწოდებისა მიუხედავად, მოქალქეებს შორის დისტანცია არ იყო დაცული, რადგან ყველა ცდილობდა ზემოაღნიშნული ნივთები მიეღო, რამაც დიდი აჟიოტაჟი გამოიწვია. ამ ამბავთან დაკავშირებით განცახდება გააკეთა დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილე, პაატა იმნაძემ : “არ არის ახლა პიარის დრო და არ არის ახლა ვიღაცამ, რომ ქულები დაიწეროს, ამის დრო. ხომ შეიძლება ევლოთ კარდაკარ და ჩამოერიგებინა ვიღაც 1-2 ადამიანს და არ გამოეწვიათ ასეთი მოსახლეობის შეკრება? ამდენი შეგნება და ტვინი ხომ ყველას უნდა ჰქონდეს?!” - განაცხადა იმნაძემ. საპატრულო პოლიციამ ზუგდიდში საგანგებო მდგომარეობის რეჟიმის დარღვევის გამო ორგანიზაცია "ახალი ლიდერების ინიციატივა" 15 000 ლარით დააჯარიმა.#ზუგდიდი #ერთიანინაციონალურიმოძრაობა #მოსახლეობა #საპატრულოპოლიცია #ჯარიმა #zugdididaily

ზუგდიდის მუნიციპალიტეტის მერმა გიორგი შენგელიამ მოადგილეებთან, გიგა ფარულავასთან და კონსტანტინე კაკავასთან ერთად, საქართველოს პირველი პრეზიდენტის, ზვიად გამსახურდიას, საქართველოს ეროვნული გმირის, მერაბ კოსტავასა და პოლიტიკური ლიდერის, სპირიდონ კედიას ძეგლები ყვავილებით შეამკო. დღეს, ეროვნულ-განმათავისუფლებელი მოძრაობის ლიდერის, ეროვნული გმირის, მერაბ კოსტავას 81 წლის იუბილეც აღინიშნება. ზუგდიდის მერი, გიორგი შენგელია ამ საკითხთან დაკავშირებით განცხადებას აკეთებს : „გილოცავთ საქართველოს დამოუკიდებლობის დღეს. 26 მაისი უმნიშვნელოვანესი თარიღია ჩვენი ქვეყნის ისტორიაში. ჩემს ძვირფას ზუგდიდელებსა და სრულიად საქართველოს ვულოცავ დღევანდელ დღეს. ოკუპაციის კლანჭებისგან გათავისუფლებით, საქართველომ კიდევ ერთხელ დაადასტურა, რომ ჩვენ მივისწრაფით ევროპული ღირებულებებისკენ. ზუგდიდში და სრულიად საქართველოში საზეიმო ღონისძიებები არ ტარდება მსოფლიოში არსებული პანდემიიდან გამომდინარე. კიდევ ერთხელ დიდი პატივისცემით ვულოცავ თითოეულ ქართველს დღევანდელ დღეს და ვისურვებ, რომ საქართველო ჩვენ აფხაზ და ოსებ ძმებთან ერთად გახდეს ერთიანი, ძლიერი ევროპული ოჯახის წევრი.“ ასევე საქართველოს დამოუკიდებლობის დღესთან დაკავშირებით, ზუგდიდის მუნიციპალიტეტის საკრებულოს თავმჯდომარემ მამუკა წოწერიამ, მოადგილეებთან ბესიკ ჭეჟიასთან და თაზო ფაცაციასთან ერთად, ილია ჭავჭავაძისა და ექვთიმე თაყაიშვილის ძეგლები ყვავილებით შეამკეს.#ზუგდიდი #ზუგდიდისმერია #ძეგლები #ზუგდიდსმერი #საქართველოსდამოუკიდებლობისდღე #zugdididaily

დღეს ზუგდიდიში თონის პური უფასოდ დარიგდება. დღეს ზუგდიდში ერთ-ერთი თონე თონის პურს უფასოდ გასცემს. ზუგდიდის მოსახლეობა თონის პურს უფასოდ მიიღებს. ეს ინიციატივა რუსთაველის 113-ში მდებარე თონის მეპატრონეებმა, გელა შეროზიამ და გია ზარანდიამ,გამოიჩინეს. თონის პურის გაცემა დილის 10:00 საათიდან დაიწყება და საღამოს 19:00 საათამდე გაგრძელდება. ,,ქვეყანაში შექმნილი მდგომარეობიდან გამომდინარე, გვინდა, რომ მცირეოდენით ჩვენი წვლილი შევიტანოთ და ვისაც ძალიან უჭირს დავეხმაროთ ამ ფორმით, თონეში ყველაფერი კანონის შესაბამისად არის დაცული და მსურველი შეძლებს პურის მიღებას, იმედი მაქვს ყველა დაიცავს დისტანციას.” - აცხადებს თონის ერთ-ერთი მეპატრონე. მეპატრონეების თქმით მსგავსი ტიპის აქციას ისევ გამართავენ.#ზუგდიდი #თონე #თონისპური #ინიციატივა #zugdididaily.

ახალგაზრდების მიერ შემუშავებული სერვისი, "Covid-19: შეუკვეთე, მიიღე და გააგზავნე ", ზუგდიდში. მსოფლიოში არსებული კორონავირუსის პანდემია მოსახლეობას ჩვეულ რიტმში ცხოვრების გაგრძელების საშუალებას არ აძლევს. რეკომენდირებულია სახლში დარჩენა, რის გამოც ზუგდიდელმა ახალგაზრდებმა გადაწყვიტეს კომპანიის შექმნა "ქომუ.გე", რომლის მთავარი დანიშნულებაა მოსახლეობამ შეკვეთილი პროდუქტი მიიღოს ან გააგზავნოს ნებისმიერ პუნქტზე. სახელთან დაკავშირებით კომპანიის იურისტი ელენე როგავა ამბობს: " "ქომუ" მეგრული სიტყვაა და ქართულად მომეცის ნიშნავს, - "თანაც კარგად ჟღერს და ამიტომაც დავარქვით ასე." ელენე როგავა განაცხადებას აკეთებს : "ჩვენ ახლა პანდემიასთან ბრძოლის პირობებში ვიმყოფებით. დაწესებულია შეზღუდვები და მოსახლეობას აქვს რეკომენდაცია დარჩნენ სახლში. სწორედ ამ პირობების გათვალისწინებით მივიღეთ გადაწყვეტილება შეგვექმნა კომპანია, რომელიც ეხმარება მოსახლეობას მიიღოს სახლში ის, რაც სურს. 2020 წლის 15 მაისამდე, სანამ პანდემიის პერიოდია, ქალაქის ტერიტორიაზე სერვისის ღირებულება 2 ლარი იქნება" დაცულია უსაფრთხოების ზომები კურიერების მიერ, ამასთან ისინი გადიან თერმოსკრინინგს. კურიერები აღჭურვილები არიან ნიღბებით და ხელთათმანებით. ყოველი მიტანის შემდეგ ტარდება ყუთების დეზინფექცია, დღის ბოლოს კი ფულის დეზინფექცია. კომპანიაში განაცხადეს, რომ ახლა "ქომუს" საშუალებით, საკვები პროდუქტების შეძენაა შესაძლებელი, მაგრამ მას შემდეგ, რაც ყველა სავაჭრო ობიექტი გაიხსნება, მომხმარებელს ვებ გვერდზე სხვდასხვა პროდუქციის შერჩევის არჩევანი ექნება. იხილეთ ვებ-გვერდი:#ზუგდიდი #ახალგაზრდები #ინიციატივა #ქომუ #კორონავირუსი #პანდემია #კომპანია #zugdididaily

იტალიის დროშის ფერებში განათებული დადიანების სასახლე. მსოფლიოში კორონავირუსისგან შექმნილი ვითარებიდან გამომდინარე, საქართველო СOVID-19 თან მებრძოლი ქვეყნებისთვის სოლიდარობის გამოცხადებას განაგრძობს. ამჯერად კი სოლიდარობის გამოცხადების მიზნით, სამეგრელოში, კერძოდ ზუგდიდში, დადიანების სასახლე იტალიის დროშის ფერებში განათდა. ზუგდიდის მერის მოადგილე კონსტანტინე კაკავა ამასთან დაკავშირებით სოციალურ ქსელში წერს : "დღეს ერები ერთმანეთის მიმართ განსაკუთრებით სოლიდარულები არიან! მსოფლიოში სხვადასხვა ერისა თუ აღმსარებლობის, პროფესიისა და სოციალური სტატუსის მქონე ადამიანები გაერთიანებულები არიან COVID-19-ის წინააღმდეგ ბრძოლაში! ზუგდიდს იტალიის ქალაქ კასოლა დი ნაპოლისთან მეგობრობა აკავშირებს! მათ სიმბოლური მხარდაჭერა გამოვუცხადეთ! ერთად აუცილებლად დავამარცხებთ უხილავ მტერს!"#ზუგდიდი #სამეგრელოზემოსვანეთი #სოლიდარობა #იტალია #საქართველო #კორონავირუსი #zugdididaily

ზუგდიდში, ენგურქაღალდკომბინატის დასახლებაში, ყოფილი სასტუმრო “ეგრისის” შენობაში მცხოვრები სოციალურად დაუცველი 17 ოჯახი სახელმწიფოსგან დახმარებას ითხოვს. ისინი უკიდურესად მძიმე პირობებში ცხოვრობენ. "ეგრისის" შენობა ავარიულ მდგომარეობაშია, შენობას აწვიმს. უკიდურესად მძიმე პირობების მიუხედავად მათ ანდემიის პირობებში სოციალურად დაუცველი ოჯახებისთვის გათვალისწინებული დახმარება არ შეხებიათ. სოციალურად დაუცველი ოჯახების მდგომარეობას ადგილზე გაეცნო ენმ-ს ზუგდიდის ფრაქციის თავმჯდომარე ანა წითლიძე. ის ამ საკითხთან დაკავშირებით განცახდებას აკეთებს : „აი როდესაც ხელისუფლება თავს იწონებს, რომ ამ პანდემიას წარმატებით გაართვეს თავი და დაეხმარნენ თურმე ათასობით საქართველოს მოქალაქეს, ახლა მე მინდა მივმართო მათ, იქნებ მოვიდნენ ამ ჩასახლებაში და გვითხრან ვის დაეხმარნენ საერთოდ თუ არა აი ამ კატეგორიის, გაჭირვებულ ადამიანებს, რომლებიც აი ამ მდგომარეობაში ცხოვრობენ. ამ ადამიანებმა არაერთხელ მიმართეს ზუგდიდის მერიას, დევნილტა სამინისტროს და საქართველოს მთავრობას ამ პანდემიის ჟამს დახმარებოდნენ მათ, თუმცა მათგან დღემდე არ მიუღიათ პასუხი და დღემდე ეს ადამიანები არიან აი ასე უყურადღებოდ დარჩენილები." სოციალურად დაუცველი დევნილი ოჯახები ადგილობრივი ხელისუფლებისგან დახმარებას ელიან. #ზუგდიდი #ეგრისი #დევნილთადასახლება #სოციალურადდაუცველიოჯახები #მძიმეპირობები #პანდემია #ენმ #zugdididaily

ოთარ მარშავა - ექიმი, რომელმაც აფხაზეთში მყოფ კოლეგებს წამლები და ეკიპირება ჩაუტანა. მედიცინის მეცნიერებათა დოქტორი, პროფესორი ოთარ მარშავა - ბევრის მთქმელი სახელია, ის პროფესიით ქირურგი, ონკოლოგი და პროქტოლოგი გახლავთ, თუმცა ამის მიუხედავად, მას აფხაზეთში სხვა სპეციალობის გამოცდილებაც აქვს. კორონავირუსის პანდემიამდე, ბ-ნ ოთარს აფხაზეთში ყოველკვირეული ვიზიტი ჰქონდა ადგილობრივი მოსახლეობისთვის დასახმარებლად. მისთვის ოკუპირებულ აფხაზეთში გადასვლა პრობლემას არ წარმოადგენს. მას არანაირი ფაქტორი არ ახერხებდა იმისთვის, რომ აფხაზეთში მყოფ კოლეგებს დახმარებოდა,ამის გამო მან საკუთარი ინიციატივით სამედიცინო პერსონალს ეკიპირება და მედიკამენტები გადასცა. ოთარ მარშავას ცნობით, ოჩამჩირესა და ტყვარჩელში მცხოვრებლებს ინფორმაცია არ აქვთ ამ პანდემიასთნ დაკავშირებით და არც მოსალოდნელ საშიშროებებზე, ამის გამო ისინი ვერ აღიქვამენ საფრთხეს. მისივე ცნობით ძალიან რთული ვითარებაა ამ დროისთვის ოკუპორებულ აფხააზეთში: არაიფორმირებული მოსახლეობა, მცირე რესურსები კორონავირუსის პანდემიასთან გასამკლავებლად. პროფესორი ამბობს, რომ მათ დახმარება იქამდე უნდა გავუწიოთ სანამ გვიანი არ იქნება.#ზუგდიდი #ზუგდიდელიექიმი #ოკუპორებულიაფახაზეთი #ინიციატივა #დახმარება #კორონავირუსი #პანდემია #zugdididaily

„ერთიანი ნაციონალური მოძრაობის“ ზუგდიდის ოფისის ხელმძღვანელმა ანა წითლიძემ საოლქო პროკურატურას მიმართა, ზუგდიდის მერის გიორგი შენგელიას და კომპანია „მ²-ს“ შორის არსებულ გარიგებაზე გამოძიების დაწყების მოთხოვნით. ანა წითლიძე ამასთან დაკავშირებით კომენტარს აკეთებს: „შევიტანე პროკურატურაში განცხადება, სადაც ვითხოვ რომ დაიწყოს გამოძიება ზუგდიდის მერის გეგა შენგელიას და მ²-ს შორის არსებულ კორუფციულ გარიგებაზე. ყველას გახსოვთ, რომ კომპანიამ იყიდა ყინულის სახლის მიმდებარე ტერიტორია და აიღო რამდენიმე ვალდებულება. თუმცა საბოლოოდ აღმოჩნდა ისე, რომ შენგელიას პირადი დაინტერესებით სატენდერო პირობები შეიცვალა და ხელშკრულებაში ყველა ის ვალდებულება რომელიც უნდა შეესრულებინა კომპანიას აღარ არის, რაც ნიშნავს იმას, რომ მერის ამ გადაწყვეტილებით ზუგდიდის ბიუჯეტმა უკვე იზარალა. ჩვენი ინფორმაციით მ²-ს არ გადააქვს ყინულის სახლი და ეს ადგილობრივ ბიუჯეტს უჯდება 300 ათასი ლარი. ასევე კომპანია არ აპირებს პროფესიული კოლეჯის აშენებას. საერთოდ არ აპირებს ამ ტერიტორიაზე არანაირი ინვესტიცის განხორციელებას და იგეგმება ამ ტერიტორიის გაყიდვაც. ჩვენ საქმე გვაქვს კორუფციულ გარიგებასთან, სწორედ ამიტომ მივმართეთ პროკურატურას, რომ კონკრეტულად ამ საქმეზე დაიწყოს გამოძიება.“ ამ ამბავს ზუგდიდის მერი ეხმაურება : „თავიდან კომპანია შემოსული იყო წინადადებით რომ საინვესტიციო ვალდებულებით ყო სიმბოლურ ფასად მომხდარიყო მათთვის ამ მიწის გადაცემა, სადაც ისინი განახორციელებდნენ 8 მილიონი ლარის ინვესტიციას და ყინულის სახლს საკუთარი სახსრებით დემონტაჟს გაუკეთებდნენ, გადიტანდნენ ახალ ლოკაციაზე, რაშიც უნდა დაეხარჯა 3 მილიონი ლარი. გაიმართა საჯარო განხილვები არასამათავრობოებთან, მოქალაქეებთან, ოპოზიციასთან და საბოლოოდ მივიღეთ გადაწყვეტილება რომ აღნიშნული ქონება არა სიმბოლურ ფასად, არამედ შეფასებით გასულიყო აუქციონზე, ასეც მოხდა და აუქციონის შედეგად, მერიამ ამ ქონების ვალდებულების რეალიზაციაში, მიიღო 7 მილიონ 200 ათას ლარზე მეტი. კომპანიას კი დაეკისრა 8 მილიონი აშშ დოლარის ეკვივალენტი ლარის ინვესტიიციის განხორციელება. მერიის ვალდებულებაში კი დარჩა ყინულის მოედნის დემონტაჟი, რაშიც მუნიციპალიტეტი ხარჯავს 300 ათას ლარს, ამით ჩვენ გაცილებით მეტი ეფექტი მივიღეთ ვიდრე იმით, რომ პირველი გზით რომ წავსულიყავით.“ ყინულის მოედნის მიმდებარე ტერიტორია 2019 წლის ივნისში გაიყიდა. ფართობი 7 მილიონ 270 ათას 118 ლარად მ2-მა შეიძინა. ელექტრონული აუქციონის პირობების თანახმად, განხორციელდება 8 მილიონი ამერიკული დოლარის ღირებულების ინვესტიცია. კერძოდ, აშენდება 80 ნომრიანი საერთაშორისო სტანდარტების ბრენდული სასტუმრო. #ზუგდიდი #ერთიანინაციონალურიმოძრაობა #პროკურატურა #ზუგდიდისმერია #ყინულისმოედანი #zugdididaily

ზუგდიდის საკრებულოს ახალი ინიციატივა - გამწვანებული ზუგდიდი. ზუგდიდის საკრებულოში „მწვანე ბიუჯეტის“ საპროექტო განაცხადების მიღება დაიწყო. მუნიციპალიტეტი პროექტის 90 პროცენტს დააფინანსებს. ბიუჯეტში აღნიშნული პროგრამის განსახორციელებლად სულ 100 000 (ასი ათასი) ლარი გამოიყო. საკრებულოში ამასთან დაკავშირებით განცახდებას აკეთებენ : „შექმნილია „მწვანე ბიუჯეტის“ საბჭო, რომელიც მოახდენს შემოსული განაცხადების ვერიფიკაციას და განსაზღვრავს პროექტის განხორციელებისთვის საინიციატივო ჯგუფის ფინანსური თანამონაწილეობის ოდენობას. საბჭოს მუშაობაში მონაწილეობის მიღება სათათბირო ხმის უფლებით ნებისმიერ დაინტერესებულ პირს შეუძლია“ ,,მწვანე ბიუჯეტის“ კონცეფცია დეპუტატ სანდრო სორდიას ეკუთვნის.#ზუგდიდი #ინიციატივა #გამწვანებულიზუგდიდი #მწვანებიუჯეტი #პროექტი #zugdididaily

მსუბუქი ავტომობილების მოძრაობის შეზღუდვა მთელ საქართველოში. კორონა ვირუსის გავრცელების პრევენიციის მიზნით საქართველოს მთავრობამ გადაწყვეტილება მიიღო, მსუბუქი ავტომობილების მოძრაობის შეზღუდვასთან დაკავშირებით. 17 აპრილს დღის 12:00 საათიდან 21 აპრილის ჩათვლით ქვეყანაში სრულად იკრძალება მსუბუქი ავტომობილებით გადაადგილება. ამასთან დაკავშირებით განცხადებას პრემიერ-მინისტრის პრესპიკერი ირაკლი ჩიქოვანი განცხადებას აკეთებს: „მინდა დავაზუსტო, რომ შეზღუდვა არ ვრცელდება, ტვირთების გადაზიდვაზე და დისტრიბუსიის მანქანებზე. ხაზგასმით აღვნიშნავ, რომ სასურსათო მაღაზიები, აფთიაქები და ყველა სხვა ობიექტი, რომლიც აქამდე მუშაობდა, ჩვეულებრივ რეჟიმში აგრძელებს მუშაობას, და ასევე მუშაობას აგრძელებს ე.წ. მიტანის სერვისები”#ზუგდიდი #საქართველო #მსუბუქიავტომობილები #შეზღუდვა #კორონავირუსი #პრევენცია #zugdididaily