შინაგან საქმეთა სამინისტროს საგანგებო სიტუაციების მართვის სამსახურის სახანძრო-სამაშველო ძალების დეპარტამენტის თანამშრომლებმა 17-დღიანი უწყვეტი საძიებო სამუშაოების შედეგად,, ქუთაისში გაუჩინარებული 23 წლის ტურისტის ცხედარი იპოვეს.

შეგახსენებთ, რომ ნიდერლანდების მოქალაქე ქუთაისში 7 მარტს დაიკარგა. პოლიციას მომხდარის შესახებ მეგობრებმა შეატყობინეს. რამდენიმე დღეში საქართველოში მისი ოჯახის წევრებიც ჩამოვიდნენ.

10 მარტიდან სამძებრო სამუშაოებში მაშველებიც ჩაერთნენ, რომლებიც წყალზე საძიებო-სამაშველო ღონისძიებებს 15-კილომეტრიან მონაკვეთზე, უწყვეტ რეჟიმში ახორციელებდნენ.

ტურისტის ცხედარიც სწორედ მათ იპოვეს.