გურჯაანში სტადიონზე შეკრებისთვის 11 მოქალაქე დააჯარიმეს
110 Views
Primetime
Tbilisi · 6 months ago

21:08 | 2020-03-29

გურჯაანში სტადიონზე შეკრებისთვის 11 მოქალაქე დააჯარიმეს

გააზიარე

გურჯაანის მუნიციპალიტეტის სოფელ ველისციხეში, საფეხბურთო სტადიონზე, 11 მოქალაქე დააჯარიმეს. თითოეულ მათგანს ჯარიმის სახით 3000 ლარის გადახდა მოუწევს.

გურჯაანის მუნიციპალიტეტის მერის, არჩილ ხანდამაშვილის ინფორმაციით, მოქალაქეებმა პოლიციის მითითება არ გაითვალისწინეს.

„დილის 5 საათიდან ვართ გამოსულები და კარდაკარ დავდივართ. შევამოწმეთ სოფელ ველისციხის საკვირაო ბაზრობა. ყველას ვაფრთხილებთ და მოვუწოდებთ წესების დაცვისკენ, რათა მდგომარეობა, რომელიც ამ წუთისთვის გვაქვს, მაქსიმალურად შევინარჩუნოთ. სამწუხაროდ. არიან ადამიანები, რომლებიც სიტყვა პანდემიის მნიშვნელობას ვერ აღიქვამენ. პოლიციის გაფრთხილების მიუხედავად, ამ ახალგაზრდებმა მაინც განაგრძეს თამაში, რის გამოც დაჯარიმდნენ“,- განაცხადა ხანდაშვილმა.

შეგახსენებთ, ქვეყანაში საგანგებო მდგომარეობის გამოცხადების გამო, ათზე მეტი ადამიანის შეკრება აკრძალულია.

წესების დარღვევისათვის, ფიზიკური პირი 3.000, ხოლო იურიდიული პირი 15.000 ლარით ჯარიმდება.

https://primetime.ge/gurjaanshi-stadionze-shekrebistvis-11-moqalaqe-daajarimes/


გურჯაანში სტადიონზე შეკრებისთვის 11 მოქალაქე დააჯარიმეს - Primetime
primetime.ge
Primetime
Tbilisi · 6 months ago
7
Write a comment