6 votes
0 comments
0 shares
Save
13 views
Keti Pirtakhia
Senaki · 1 year ago

განა ღამე უსინათლობა არ არის?

უდღეობა.

უმზეობა.

სწორედ, რომ დაბრმავებაა.

არ უნდა ენდო,

არც ერთ მის გადაწყვეტილებას. ბნელია და ემოციური, როგორც სავსე მთვარე.

———

#hellofeedc #welcometome
Keti Pirtakhia
Senaki · 1 year ago
Similar Posts
AstroGeorgia
Tbilisi · 1 week ago
მალხაზ გველუკაშვილი - აზრები
1. არაფერი ხდება შემთხვევით, ყველა შემთხვევითობა კანონზომიერია. ყოველი მარცხი ჩვენი არასწორი არჩევანის და ყოველი უბედურება - ჩვენი გაურკვევლობის შედეგია. ამიტომ, უნდა გამოვიკვლიოთ საგანთა არსი. არსში წვდომა საშუალებას მოგვცემს - გავაკეთოთ სწორი არჩევანი (ჰო, ან არა). გამოირიცხება შემთხვევითობა და წარმატება გარდუვალი გახდება. 2. ცხოვრება ომია, რომელშიც უნდა გამოვიწრთოთ, თუ გვინდა რომ ბიჯით წავიწიოთ წინ. გამარჯვება თავისით არ მოდის, ის უნდა მოვიპოვოთ. 3. იმისათვის რომ გაიმარჯვო, ჯერ უნდა გაძლიერდე. იმისათვის რომ გაძლიერდე, აუცილებელია რომ გაათავისუფლო ნება მონობისაგან, გონება პირობითობებისაგან და რწმენა კერპებისაგან. თუ შენი ბრძოლა სამართალიანია და გჯერა რომ გაიმარჯვებ, აუცილებლად გაიმარჯვებ, რადგან ბოლო სიმართლისაა... და ბოლოს, ნუ გეშინია, რადგან შიში და სიკვდილი მეგობრები არიან... 4. ყველა განუხორციელებელი მიზანი - ცარიელი მიზანია. მოქმედება მხოლოდ მაშინ იქცევა მოქმედებად, როცა მას განსაზღვრავს ნება. ამიტომ ამბობენ ძველი წმინდა და საკრალური წიგნები, რომ ადამიანები განისჯებიან არა თავიანთი აზრებითა და მიზნებით, არამედ მათი საქმეების მიხედვით. იმისათვის რომ ვიყოთ, უნდა ვიმოქმედოთ. 5. ნებისმიერი ფენომენის (ადამიანის, საგნის, სიცოცხლის და თუნდაც ზოგადად პროცესის) არსებობა პირდაპირ ან ირიბად კავშირშია სხვა ფენომენის წარსულთან, აწყმოსთან და მომავალთან. შეგრძნება იმისა, რომ ისინი დამოუკიდებლად არსებობენ და მათ შორის არანაირი კავშირი არ არის, დაფუძნებულია ან არასრულფასოვან ცოდნაზე, ან ფენომენთა არსში წვდომის უუნარობაზე. 6. ლაო ძიმ ბრძანა - სახელებმა დასაზღვრეს საგანთა საზღვრებიო. სახელი დეფინიციაა. ამიტომ ყველაფერს დაარქვით თავის სახელი და ის თავის საზღვრებში მოექცევა... ვეღარ გადმოკვეთავს თქვენს მიერ გავლებულ წითელ ხაზს. ნუ მოგერიდებათ!.. და ჩინელი ბრძენკაცის კიდევ ერთ ფრაზას გაგახსენებთ - უწოდე სნეულებას სნეულება და გაგეცლება სნეულება. 6. გაგება, გაცნობიერება, ცოდნა იძლევა კონტროლის საშუალებას. რაც მეტია ცნობილი ობიექტის შესახებ, მით უფრო იოლია მასზე კონტროლის განხორციელება. ცოდნაა ჭეშმარიტი ძალაუფლება. 7. გააცნობიერეთ საკუთარი "მე". ვერ იქნებით სხვისთვის ბოროტი, თუ გააცნობიერებთ რა საშინელების მოტანა შეუძლია ამა თუ იმ ბოროტებას თქვენთვის... ამიტომაა ნათქვამი - შეიცან თავი შენი. 8. ტრანსცენდენტალური სიყვარული ეს არის შესაქმის პირველადი იმპულსი და მიზეზი. სიყვარული, თავისი არსით, ზეგრძნობადია და მისი ნებისმიერ ასპექტში განხორციელება გამოვლინებაა სასიცოცხლო და შემოქმედებითი ენერგიებისა. ტრანსცენდენტალური სიყვარული, როგორც ბინერი, წინააღმდეგობათა ერთიანობაა, რაც მის ნეიტრალურ სახეს განსაზღვრავს. მასში აქტიური და პასიური ელემენტები გაწონასწორებულ მთლიანობაში გვხვდებიან. ე.ი. სამყაროში არსებობს მხოლოდ სიყვარული და მას არ გააჩნია არანაერი და არავითარი წინააღმდეგობა. რაც შეეხება ისეთ გრძნობებს, როგორიცაა სიძულვილი და ვნება, ადამიანთა დაცემული ნების, იგივე ნებელობის შედეგნი არიან. ისინი სიყვარულის საპირწონე (დაპირისპირებულ) მცნებებად ვერ გამოდგებიან: რაც უფრო მოიცავს ადამიანის სამშვინველს სიყვარული, მით უფრო ღრმაა (ინტელექტუალურია) ადამიანი. აკი თქვა კიდეც არისტოტელემ - მთავარია სიღრმე და არა სიფართოვეო. P.S. როცა ვახსენებ ინტელექტს, მე არ ვგულისხმობ მწიგნობრობას,.. მე ვგულისხმობ ღმერთისა და სამყაროს შეგრძნებასა და ხედვას. ამას სიბრძნე ეწოდება. ჩემს ახალგაზრდობაში ბევრი მოხუცი მინახავს, თავის სოფელს რომ არ გასცდენია და არც არანაირი წიგნი რომ არ წაუკითხავს, სიყვარულითა და სიბრძნით იყვნენ სავსე. სწორედ ისინი იყვნენ ნამდვილი ინტელექტუალები. მათ იცოდნენ ავისა და კარგის გარჩევა. ისინი არც ზოგიერთი თანამედროვე ფილოსოფოსივით, მიწაზე პირქვედამხობილნი რომ ცდილობენ ზეცის დანახვას, და არც თანამედროვე ფანატი-სექტანტებივით, ცაში გულაღმა რომ კიდიან და მიწას ვერ ხედავენ, არ იქცეოდნენ... ისინი ფეხზე იდგნენ, თავს ასწევდნენ და ზეცას ხედავდნენ, დაწევდნენ და მიწას... ისინი არც მატერიალისტები იყვნენ და არც იდეალისტები, ისინი რეალისტები იყვნენ... და ისინი ასეთები იყვნენ იმიტომ, რომ მათ უყვარდათ ღმერთი და სამყარო, ოჯახი და სამშობლო... ისინი იყვნენ ისეთები, როგორიც უნდა იყოს კაცი იდეაში... და როცა კაცი კაცია, მაშინ ქალიც ქალია... ხოლო კაცი, რომელსაც ქალი არ უყვარს, არც სამყარო უყვარს... 9. ღმერთი უსასრულო სიკეთე და სიყვარულია. მთელი სამყარო ლაპარაკობს მასზე და მის შესახებ; მაგრამ ყველაზე უკეთ მასზე მისი სიმშვიდე და სიჩუმე მეტყველებს. 10. ადამიანურობის ერთერთი არსობრივი საფუძველი თანაგრძნობაა. თუ ნაგავში ცხოვრობ და ნაგვის სუნი არ გაწუხებს, თავადაც ნაგავი ხარ! თუ შენს გარშემო ბოროტება ზეიმობს და შენ ეს არ გაწუხებს, უზნეო ხარ! თუ შენს გარშემო ხალხი შიმშილით იხოცება და შენ ყოველდღე სავსე სუფრასთან თუნდაც სიყვარულის, ანდა სიკეთის სადღეგრძელოს ამბობ, ნაძირალა ხარ!... ჰოდა, ეცადე იყო ადამიანი! 11. ყველაზე საშიში სამართლიანი მძვინვარებაა,.. განსაუთრებით მაშინ, თუ ეს მძვინვარება საყოველთაოა... ამიტომ უფრთხილდით სამართლიან მძვინვარებას! 12. თუ ნებისმიერ ორ "სიმრავლეს" აქვთ ერთი ან რამდენიმე საერთო ელემენტი, მაშინ ეს "სიმრავლეები"ერთმანეთზე ზემოქმედებენ ამ საერთო ელემენტის (ან ელემენტთა) მეშვეობით. ასე, რომ ერთი "სიმრავლის" მართვა გვეხმარება მეორე "სიმრავლის" მართვაში,.. მართვის ხარისხი დამოკიდებულია საერთო ელემენტთა რაოდენობაზე. p.s. ეძებეთ დღევანდელ ე.წ. საპარლამენტო პოზიციას და ოპოზიციას შორის საერთო ელემენტები და შეძლებთ როგორც რეალობის შეფასებას, ასევე პროცესების მართვას. 13. ყოველი სიტყვა თავის მოქმედების არეალში ჰქმნის იმას, რასაც ამტკიცებს. 14. ანტიქრისტე ჰიპერფიზიკური სუბსტანციაა, რომელიც თავის თავში ატარებს მკაცრად უარყოფით და დამანგრეველ პოტენციალს, მატერიალურ სამყაროში გამოვლენის შესაძლებლობით... ფრთხილად, მას ჩვენ უკვე ჩვენს ყოველდღიურობაში ვხვდებით!.. ის ყოველდღე ცდილობს სხვადასხვა გზებით ჩვენს განადგურებას,.. ხოლო როცა გკლავენ და თავს არ იცავ, თვითმკვლელი ხარ!.. ჩვენ თუ არ გვინდა, ჩვენ თუ არ დავთანხმდით, ჩვენ ვერავინ მოგვერევა!.. სიყვარულისთვის ბრძოლა კურთხეულია... 15. ერთი და იგივე ქმედება, ერთსა და იმავე პირობებში, ერთსა და იმავე შედეგს იძლევა... გამოიკვლიეთ, რომელი ცვლილებები უფრო აუცილებელია და როგორ უნდა შეინარჩუნოთ იგი (სამუდამოდ თუ არა, რაც შეიძლება დიდხანს მაინც) - ესაა წარმატების ფორმულა. 16. კაცი რომ მოკვდება ქართველები ვიტყვით - გარდაიცვალაო, ანუ გადავიდა არსებობის ერთი მდგომარეობიდან მეორეში... საუბედუროდ, ჩვენს ცნობიერებაში ამ სიტყვამ თავისი სიღრმული შეგრძნება დაკარგა,.. "გარდაცვალება" და "სიკვდილი" სინონიმებად იქცნენ. იშვა სიკვდილი და თან მოიტანა "შიში"... შიში და სიკვდილი ერთმანეთის პროპორციული მცნებებია. სიკვდილის შეგნება ბადებს შიშს და ნებისმიერი შიში - სიკვდილის შიშია. სიკვდილის შიში კლავს რწმენას, რწმენას სულის მარადიულობის შესახებ. იქმნება ილუზია არსობის ამაოებისა. რწმენის სიკვდილი სიყვარულის სიკვდილია და ამდენად შიში კლავს სიყვარულს. სიყვარულის სიკვდილი ბადებს ბოროტებას და აქედან, უსიყვარულოდ ადამიანი იქნება ეს თუ საზოგადოება,ბოროტია. ასე რომ, შიში ურწმუნოებისა და ბოროტების საფუძველია. 17. სოდომის ცოდვა, ყველა ტრადიციის მიხედვით, ყველაზე დიდი ცოდვაა... ჩემის ღრმა რწმენით, ეს არის სვლა სამყაროს კანონების წინააღმდეგ... ამ კანონთა წინააღმდეგ ომში კი ჯერ არავის გაუმარჯვია... უფალი გვასწავლის: "რასაც მიწაზე შეკრავთ, ზეცაშიც შეკრული იქნება, და რასაც გახსნით მიწაზე, გახსნილი იქნება ზეცაშიც" /მათე 18.18/. დიახ, "ვისაც ყური აქვს, ისმინოს"... არსებობს ტრანცენდენტალური ეთიკა (მორალი, ზნეობა...), და მას ვერავინ გაექცევა... ტრანცენდენტალური სამართლისა და სასამართლოს (ოკულტურ მეცნიერებათა მიხედვით, იგივე - უმაღლესი სასამართლო) წინაშე ყველანი ვართ პასუხისმგებელნი, და ისე ნუ ვიზამთ, რომ მთელი სამყარო თავზე დაგვემხოს... ერთიანი მსოფლიური (იგულისხმება, როგორც ფიზიკურ, ასევე ასტრალურ და მენტალურ სივრცეთა ერთიანობა) ველის დაბინძურების უფლებას არავინ მოგვცემს, რადგან ეს იქნება ტრანსცენდენტალური სიყვარულისა და ტრანცენდენტალური სიცოცხლის რღვევის დასაწყისი.სასიცოცხლო ენერგია მხოლოდ ბინერში (ბინერი - წინააღმდეგობათა ერთიანობაა: აქტიური და პასიური, ჰო და არა, მამაკაცი და დედაკაცი, და ა.შ.) იქმნება, და ჩვენ ამ კანონის დარღვევას არ გვაპატიებენ... მე იმას ვამბობ, რაც უეჭველი ვიცი (საიდან, ნუ მკითხავთ) და დაჯერება თქვენი ნებაა... და კვლავ დიდი მოწიწებით გავიმეორებ მაცხოვრის სიტყვებს - "ვისაც ყური აქვს, ისმინოს". 18. დაოსური ფიზიოლოგიის მიხედვით ანუსიდან ხუთი დიაგონალი გამოდის, რომელთა მეორე ბოლო თავის ტვინში, ყიფლიბანდთან იკრიბება, მანამდე გაივლის მთელ ტვინს... დასკვნა თავად გამოიტანე - შესაძლებელია ტვინდაზიანებული კაცი (ანალური სექსი იწვევს ანუსის დაზიანებას და აქედან ტვინის დაზიანებასაც) ნორმალურად აზროვნებდეს?.. 19. ჯერ კიდევ ძველი წელთაღრიცხვით პირველ საუკუნეში ფსევდო-ლონგინე წერდა: შემოქმედება, რომელიც ამაღლებულს არ ემსახურება, შემოქმედება არ არისო. უზნეო შემოქმედება არ არსებობს, უბრალოდ ჩვენზე ასაღებენ ყველანაირ უსულგულო, არაესთეტიურ და უზნეო ნაგავს, როგორც გენიალურს, ჩვენ კი ვეყრდნობით რა ავტორიტეტთა ჭეშმარიტებას, ვღებულობთ და ვაღიარებთ ყოველგვარ ნაგავს და გვავიწყდება, რომ მთავარი ჭეშმარიტების ავტორიტეტულობაა... 20. აშუღურ (ე.წ. ქალაქურ) სიმღერებს გრიგოლ რობაქიძე ასე ახასიათებს - სომეხი მღერის ქართულ ენაზე სპარსულ ბაიათსო... მე დავამატებდი - სპარსული ბაიათის უნიჭო რემიქსს... საუბედუროდ მსგავსი "კულტურითაა" გაჯერებული ე.წ. ქართული შოუ-ბიზნესი... როგორც აზროვნებ, და აზროვნება კულტურაშიც გამოიხატება, ისეთივე ზნეობა და გემოვნება გიყალიბდება, და შენი ყოფიერებაც ისევე სტრუქტურირდება... და თუ რაიმეს შეცვლა გვინდა, პირველ რიგში ცნობიერება უნდა გავათავისუფლოთ პირობითობებისაგან, ან სხვაგვარად, საჭიროა ცნობიერების ტრანსმუტაცია... 21. "სხეულის სანთელი შენი თვალია. როცა შენი თვალი სუფთაა, მთელი შენი სხეულიც ნათელია. მაგრამ როცა იგი ბოროტია, შენი სხეულიც ბნელია." /ლუკა 11.34/ ჰოდა, დააკვირდით თვალებს: ერთი ბოროტია; სხვა შეშინებული; ვიღაც ალალია; ვიღაცის თვალები: ყველაფერი სულ ერთია, მთავარია მე ვიყო კარგად, ჩემს მერე თუნდაც ქვა-ქვაზე ნუ დარჩენილაო - გვეუბნება; ვიღაცის თვალებში სიყალბე ხატია... და კიდევ ბევრი მსგავსი... ჩახედეთ თვალებში, დაუკვირდით... თქვენ ხომ უკვე კარგად გახსოვთ, როგორ იქცეოდნენ ამ თვალების პატრონები,.. ჰოდა, ასევე მოიქცევიან მსგავსი თვალების პატრონები... დაკონკრეტებას არ ვაპირებ, იმედი მაქვს თავად გაავლებთ პარალელებს და დასკვნებსაც თავად გამოიტანთ... დააკვირდით, და არა მარტო თვალებს: ადამიანის გამომეტყველება, მისი სულის ანარეკლია - ფორმას აზრი ჰქმნის... მისმა სიტყვებმა შესაძლებელია მოგხიბლოთ და დაგატყვევოთ, თუმცა სიტყვებს შორისაცაა შესაძლებელი ქვედინებების პოვნა, მაგრამ მისი გამომეტყველება, და განსაკუთრებით მისი თვალები, თუ დაკვირვებულები იქნებით - სიმართლეს ვერ დაგიმალავთ... გააკეთეთ ეს და ნაკლებად მოტყუვდებით... და გადარჩენის შანსიც გაგეზრდებათ: "შეიცნობთ ჭეშმარიტებას და ჭეშმარიტება გაგათავისუფლებთ თქვენ" /იოანე 8.32/.
Nino Kakulia
Poti · 2 months ago
ფორესტ გამპი _ ნიჭიერია მაგრამ იდიოტი ?
როგორც ავღწეროთ ფორესტ გამპი? ყველაზე მარტივი გზა იქნება ქართული გამოთქმის “პერეფრაზი” მოვახდინოთ. ფორესტი “ნიჭიერია, მაგრამ იდიოტია”. და ეს მართლაც ასეა, ცოტა ადამიანს თუ შეუძლია დაიკვეხნოს მისი მიღწევებით, ის გამაოგნებელი სიმარტივის იმახსოვრებს მათემატიკურ ფორმულებს, მისი მეხსიერება იმდენად სანდოა, რომ კოსმოსურ ხომალდზე ფორესტის დანიშნულება სარეზერვო კომპიუტერული სისტემის რეზერვს წარმოადგენს. ჭადრაკის თამაშში მას ბადალი არ ყავს, სხვაგვარად ვერც იქნებოდა, 4 წელი კანიბალების ტომში დღის მთავარ კერძად გადაქცევისგან ხომ სწორედ ამ თამაშის ცოდნამ გადაარჩინა. მაგრამ ის არა მხოლოდ “ინტელექტუალურად” არის განვითარებული, მის ფიზიკური აღნაგობის და სიძლიერის თვით სამსონსაც კი შეშურდებოდა. ამერიკულ ფეხბურთში მიღწეულ წარმატებას მხოლოდ მისი პინგ-პონგის უნარები თუ დაუდგება ტოლად. მიუხედავად ამ ყველაფრისა ფორესტ საკუთარი თავის სრულად რეალიზება არ შეუძლია. მიზეზი მარტივია, ის იდიოტია. თუმცა, ეს ზედმეტად უხეშად ნათქვამია, ფორესტს არ ესმის ზოგიერთი “მარტივი ჭეშმარიტების” რომელიც ჩვენ სასაცილოდაც კი არ გვეყოფა. მაგალითად ფორესტ, ომის გმირს და ვეტერანს, ვიეტნამის გამოვლის შემდეგაც კი ვერ გაეგო რისთვის ხოცავდნენ ერთმანეთს ასეთი სიხარულით ამერიკელები და ვიეტნამელები. ამის კეთებას განა არ ჯობდა ერთმანეთის წინააღმდეგ ფეხბურთი ეთამაშათ და ისე გაეკრვიათ ყველაფერი? განა ასე ბევრად უფრო სახალისო არ იქნებოდა? ასე არც საკუთარი მეგობრების სიკვდილის, დასახიჩრების და მათი მტირალი დედების ნახვა არ მოუწევდა. ალბათ დამეთანხმებით რომ მხოლოდ და მხოლოდ ნამდვილ იდიოტს შეუძლია ასე იფიქროს. ან თუნდაც მისი ყველაზე დიდი წატმატება, კრივეტების, მილიონობით დოლარის მომტანი, ბიზნესი ავიღოთ. თითქოს, ბოლოს და ბოლოს მიაღწია წარმატებას, ცხოვრების ბოლომდე უზრუნველყოფილია, თავის საყვარელ ადამიანებსაც ეხმარება, ფილანტროპიის ნამდვილი განსახიერებაა, მაგრამ რაღაცა სწორედ არ არის. რა აზრი აქვს ამ ყველაფერს თუ საკუთარ თავისთვის დრო აღარ გრჩება, თუ ყოველ დღე მოსაწყენ შეხვედრებზე გიწევს სიარული, ლამაზად გამოწყობილს სახეზე დაკერილი ღიმილის დღის ბოლომდე შენარჩუნება და ხელში არასაჭირო ნივთებით სავსე ჩემოდანის ტარება. ამ ყველაფერს არ ჯობია ბიზნესი ზურგს უკან მოიტოვო, შენი ძველი მეგობრები გამონახო და საყვარელი საქმე აკეთო? ხომ გითხარით ნამდვილი იდიოტია თქო… ან, შესაძლოა საქმე სრულიად სხვაგვარად იყოს. ფორესტის საკითხის გარკვევა მკითხველისთვის მომინდია, თუმცა ერთი რამ კი ნამდვილად ვიცი, მიუხედავად იმის იდიოტია ფორესტი თუ არა, მისი ცხოვრება გაცილებით უფრო საინტერესო გამოდგა ვიდრე ბევრი ჭკვიანი ადამიანისა.#movies #forrestgump #news #opinion #hollywood #goodplaces #photo #food
Tbilisi Daily
Tbilisi · 1 week ago
ამირან სალუქვაძე- ნეტა სანამ გაგრძელდება ამ ტრაგედიის ჯიჯგნა
“კვირაზე მეტია ყველა საინფორმაციო ამ ამბით იწყება, დაზარალებულისგან დამნაშავის ხატს ქმნით. თქვენთვის არც ტრაგედია არსებობს, არც ვინმეს ტკივილი, არც რაიმე ზღვარი, არც პროფესიული კოდექსი, არც არასრულწლოვნების საკითხის მიმართ სიფაქიზე”,- ამის შესახებ ექსპერტი ამირან სალუქვაძე 19 წლის ფეხბურთელის გიორგი შაქარაშვილის გარდაცვალების საქმესთან დაკავშირებით სოციალურ ქსელში წერს. “ნეტა სანამ გაგრძელდება ამ ტრაგედიის ჯიჯგნა? კვირაზე მეტია ყველა საინფორმაციო ამ ამბით იწყება, ყველა თოქ-შოუს წამყვანი თემაა… თქვენთვის არც ტრაგედია არსებობს, არც ვინმეს ტკივილი, არც რაიმე ზღვარი, არც პროფესიული კოდექსი, არც არასრულწლოვნების საკითხის მიმართ სიფაქიზე… მთავარი მიზანია ვინმეს მიაბათ, მიაწებოთ, გააპოლიტიზიროთ, კუდები გამოუსკვნათ, ხალხი გააღიზიანოთ… ჯერ იყო ბერასთან გსურდათ მიწებება. არ მიეწება. ახლა ნინო გიორგობიანი ამოარჩიეთ სამიზნედ. განა სიმართლის გარკვევა სცადეთ?! მთავარია მიაწებოთ. თუ ვერ მიეწებება, ეს არაა მთავარი. მთავარია ხალხის მეხსიერებაში 25-ე კადრივით ჩააწვეთოთ. ბერა და ნინო გაუძლებენ, არ არიან ჩვილები, მაგრამ ახალგაზრდები? 17-18 წლის ახალგაზრდებს მთელი მედია რომ თავს ესხმის, არაა ყველასათვის მარტივი გადასატანი. იცით რომ თქვენი სიუჟეტების და სტატიების შემდეგ ადამიანებს, თქვენი ჟარგონი რომ გამოვიყენო, სოციალურ ქსელში აბულინგებენ? დაზარალებულისგან დამნაშავის ხატს ქმნით. აქაურ მედიაზე რა ვილაპარაკო, როცა ქართულენოვანი ევროპული სააგენტო, რომელსაც, როგორც სტანდარტს, სხვები უნდა უტოლდებოდნენ, თავად წერს მიზანმიმართულ აბრაკადაბრას, თითქოს ფოტოგრაფმა 3 განსხვავებული ჩვენება მისცა. მთელი განსხვავებები ისაა, რომ ერთში ამბობს გავაუქმე გამიძახებაო, მეორეში არა, მესამეში პოლიციას ყველაფერი მოუყვა. და ამით რა იცვლება, ან რა სერიოზული წინააღმდეგობებია?! პოლიცია არ გამოიძახა, რაიმე იცის და არ ამბობს, თუ რა?! გაარკვიეთ რა მოუყვა პოლიციას? ან საიდან დაასკვენით, რომ რაიმე წაშალა? ან რისი გადაღება უნდა მოესწრო 15 წუთის განმავლობაში? გამომძიებლის პატაკი კარგად წაიკითხეთ? სად წერია რაიმე წაშალაო გამომძიებელი წერს, ისეთი შინაარსის პატაკს, რათა ამოღების სანქცია გაიცეს. თუმცა, თქვენ სხვაგვარად ხართ მიჩვეულნი. სააგენტო წერს 2198 მოქმედი და 1700 წაშლილი ფაილი აღადგინა პოლიციამო. ნებისმიერ მეხსიერების ბარათზე არის როგორც მოქმედი, ასევე წაშლილი მედია თუ სხვა მასალები. მაგრამ სიმართლეს არ აქვს მნიშვნელობა, მთავარია “დააბულინგოთ”, მთავარია 25-ე კადრის ეფექტი… საინფორმაციო ტერორს უწყობთ არა მხოლოდ ამ ახალგაზრდას, არამედ მთელ მის ოჯახს. მოიკითხეთ ვინმემ ვინაა, რას წარმოადგენს, სად გაიზარდა?! ეს ისე… თქვენ არ დაინდეთ არც გარდაცვლილის ბიძა, არც არასრულწლოვანი იუბილარი, რომლებიც ასევე “დააბულინგეთ” და დაადანაშაულეთ. ან ამ შემთხვევის ადგილას რომ დარბიხართ კამერებით და მარშრუტს გვაზეპირებინებთ, ახალს რას გვეუბნებით? ატრიალებთ გამოძიების მიერ ამოღებულ და მათ მიერ დამუშავებულ (პირების დადგენა, ინიციალებით მონიშვნა და სხვა) ვიდეოებს და ყველა ტელევიზია იბრალებს: “ჩვენს მიერ მოპოვებული იქნა მასალები…” მაყურებელს ჰგონია მართლა თქვენ მოიპოვეთ. ან რა მიზანი აქვს უბნელებად დაყოფას, “საბურთალოელები”, “ნაძალადეველები”?! დაღუპულის ოჯახზე ფიქრობთ, როცა აანონსებთ “სიახლეებს” და სინამდვილეში ახალს არაფერს ეუბნებით? ან რატომ გიკვირთ დაკავებულთა განსხვავებული ჩვენებები? ერთია როცა დაკავებისას დაწერა, მეორეა, როცა გამომძიებელი მორიგ დაკითხვას უწყობს სხვა ჩვენებების ან მოპოვებული მასალების საფუძველზე. კიდევ ბევრმა შეიძლება შეცვალოს… ხომ იცით, რომ ჩანთის დნმ-ც გაკეთდება, მალე ცხედრის ექსპერტიზაც დასრულდება და გამოძიებას სხვა სურათი ექნება?! მოითმინეთ ცოტა. ნუ ფიქრობთ, რომ ოჯახზე, ან საზოგადოებაზე მეტად გაინტერესებთ სიმართლის დადგენა. ხომ ყველამ იცით, რომ ექსპერტიზის შედეგებს ელოდება ყველა. ისიც იცით, რომ გამოძიება ინტენსიურად მუშაობს?! რომ არ მუშაობდნენ საიდან გექნებოდათ ეს დამუშავებული ვიდეოები, ზარების ამონაწერები, ჩვენებები?! ცალკე თემაა საგამოძიებო მასალების მედიისთვის გადაცემა. იქნებ ფიქრობთ, რომ ასეთი საქმის გამოძიება ექსპერტიზების დასრულებამდეა შესაძლებელი? ან ფიქრობთ, რომ თუ ვინმემ მკვლელობა ჩაიდინა, თავისით აღიარებენ, სანამ მტკიცებულებებს არ დაულაგებენ წინ? ან ფიქრობთ, რომ ვინმე თანამონაწილეობას აღიარებს? არის მეორე გზა, ჭაკუა დავაბრუნოთ ციხეში და შევუშვათ დაკავებულებთან. ერთ საათში “გამოიძიებს”. ატყობთ, რომ ხელისუფლების წინააღმდეგ საბრძოლველად იყენებთ სხვის ტრაგედიებს, აზიანებთ ადამიანების ფსიქიკას, აყენებთ მათ მორალურ, ფსიქოლოგიურ ტრამვებს?! ტყუილად ვწერ, როგორც ყოველთვის, თქვენზე ეს არ მოქმედებს”,- წერს სალუქვაძე.
Irina Toronjadze
Tbilisi · 3 months ago
დედის როლი-2
ამ დასკვნამ საინტერესოდ გაიჟღერა ჩემთვის, მართლაც ! „Cherchez la femme“... ყველაფრის უკან ქალი დგას, მაგრამ თავისი უბედურების უკანაც თვითონ თუ იდგა ამაზე პირველად დავფიქრდი... ხშირად ხდება ხოლმე, როცა პრობლემაა, მის გადაწყვეტას გარეთ ვეძებთ; გამოსავალს სხვა ადამიანების ქცევის, დამოკიდებულების შეცვლაში ვხედავთ და ვეჭიდავებით. ყველგან ვიყურებით - გარდა საკუთარი თავისა. რაღაცნაირად ვერ აღვიქვამთ საკუთარი თავის მნიშვნელობას პრობლემასთან. მე ვიტყოდი განათლება, განათლება არის ყველაზე დიდი გულშემატკივარი ამ საკითხის... მაგრამ არის რაღაც სხვაც... საზღვარგარეთ ყოფნისას ბევრ რამეს სწავლობ ადამიანი, იმასთან ერთად რის სასწავლებლადაც კონკრეტულად იქ ჩახვედი. შესაბამისად ერთ-ერთ ევროპულ ქვეყანაში, მაგისტრატურის კურსზე, ძალიან კარგად დავინახე, რომ ყველა სტუდენტს ნათლად აქვს წარმოდგენილი ის თუ რისთვის არიან იქ. აქვთ გააზრებულად ჩამოყალიბებული მთელი გეგმა, იციან სად იქნებიან უახლოეს 2 წელიწადში, როგორც სწავლის , ისე მათი სოციალური ცხოვრების მხრივ. თავისუფლად დგანან უამრავი საინტერესო გამოწვევების წინაშე და შესწევთ უნარი მათ მიერ არჩეულ ინტერესს სათანადოდ შეხვდნენ და მიიღონ ის, რასაც ელიან. ენერგია და მიზანმიმართულება იგრძნობა. ამის და სხვა რაღაცეების გამოც ჩემთვის ძალიან მომხიბვლელი ხალხია ეს დასავლელები. აფასებენ ცოდნას, ძალისხმევას, მიღწევებს. ძალიან კარგი მეგობრები შევიძინე. ბევრი გვქონდა საერთო, ბევრი რამითაც განვსხვავდებოდით. ერთ საღამოს, ლექციების, გემრიელი ვახშმის შემდეგ, ჭიქა წითელი ღვინოს დესერტად მირთმევისას, მომავალ გეგმებზე ვსაუბრობდით. ზოგი ნამდვილ,ზოგიც ჰიპოტეტურ გეგმებზე... ათასი რამე ითქვა, ასეთიც, ისეთიც, თუმცა მე მენიშნა რომ ყველას ავიწყდება მთავარი! არავის გეგმაში, არც ახლო, არც შორეულ მომავალში, არ შედიოდა ოჯახის შექმნა როგორც ასეთის! ბოლოს დავსვი სავარაუდოდ ძალიან გულუბრყვილო კითხვა : - კი მაგრამ გათხოვებას/ცოლის მოყვანას არ აპირებთ?! მათ ძალიან მარტივად მიპასუხეს, რომ- არა! როგორც გეგმა -მათ ეს არ აქვთ, თუ აეწყობათ ცხოვრება შესაბამისად, იფიქრებენ ამაზე, მაგრამ იდეაში, ახლა ამ გადმოსახედიდან ოჯახის შექმნა არ უნდათ. -როგორ?! -აღმომხდა მე ფრიად შოკირებულს: - აბა რას აპირებთ?! ოჯახი შვილები არ გინდათ?! რა უნდა აკეთოთ მთელი ცხოვრება?! მივხვდი რომ არ ელოდნენ ჩემს ასეთ რეაქციას ამ თემაზე. არც მე ველოდი ჩემი თავისგან. აღმოჩნდა, რომ ეს თემა - ოჯახი, გათხოვება, შვილები, იმდენად შერწყმულია ჩემს ცნობიერებაში, რომ ვერ მივხდი, რეალურად რამდენად განსაზღვრული ვარ ამ დამოკიდებულება-წარმოდგენებით. - შენ რომ ხარ და კიდევ და და ძმა რომ გყავს - ხომ კარგია?! რატომ არ უნდა გყავდეს შენც ოჯახი და შვილები?! რას ქვია არ იცი ოჯახი გინდა თუ არა? რას ქვია შვილები არ გინდა?!- გაუჩერებლად გავიძახდი მე. მათ კი ეცინებოდათ ჩემს ასეთ წრფელ აღშფოთებაზე. ბევრი ვიკამათეთ, უშედეგოდ. ბოლოს მითხრეს, რომ ჩვენ ვიღებთ შენს ტრადიციულ შეხედულებებსო და ნება მოგვეცი ჩვენ ჩვენი შეხედულება გვქონდეს და გვაპატიე თუ არ გავთხოვდებით/ცოლს არ მოვიყვანთო. სასაცილო ოყო მათთვის. ამის მერე მათ იცოდნენ ჩემი ეს მხარე და სავარაუდოდ სწავლის დამთავრების შემდეგ პირველი, რასაც ჩემგან ელოდნენ, საქორწილო მოსაწვევი იყო. ამ უმნიშვნელო,სახალისო, სამზარეულოს დისკუსიამ ჩემთვის სხვა მნიშვნელობა შეიძინა. დავინახე, რომ მიუხედავად ყველაფრისა ძალიან ვარ განსაზღვრული ჩემი ,როგორც ქალის, როლით: ქართველი, კულტურულ-ტრადიციული ქალის როლით,რაც გარკვეულ ჩარჩოებში აქცევს ჩემს სურვილებს, არჩევანს, აზროვნებას, ქცევას, დამოკიდებულებას, მომავალს ზოგადად. უცებ გაცხადდა ყველაფერი - კი ვისწავლე, სამსახურიც მაქვს, აქამდეც მოვედი და ვსწავლობ კიდევ, მაგრამ თურმე ჩემთვის ცხოვრების მთავარი ამოცანა, ცხოვრებაში ყველაზე დიდი მიღწევა მაინც გათხოვება, ოჯახის შექმნა და შვილების ყოლაა! აღმოჩნდა ,რომ ემოციურად და ბოლომდე გაუცნობიერებლად არაფერს ვთვლი ამაზე მნიშვნელოვნად. განსაკუთრებით მაინც ქალები არიან მთელი ამ სიმძაფრით დატვირთულნი, რადგან კაცისთვის სიმძაფრე ზავდება ფულის შოვნის, ზოგადად კეთილდღეობის საშუალებების მოძიებით. აქ გამოჩნდა რამდენად წინასწარ გადაწყვეტილია ყველაფერი ჩემთვისა და ბევრისთვის,რადგან ეს არ არის გააზრებული არჩევანი - არამედ ფაქტიურად განპირობებულობაა . რა გამოდის??! კულტურულ-ტრადიციული მოტივებიდან გამომდინარე, არ დევს მაინცდამაინც დიდი ინტერესი ქალის გონიერება-ნიჭიერებაში, არც მის ინტერესებს და მისწრაფებებს ენიჭება შესაბამისი წონა და მისი პროფესიონალიზმი/კარიერიზმი საერთოდ დიდად მოთხოვნადიც არაა, რადგან ყველაზე დიდი ქულა მას, მაინც, ოჯახის შექმნაში ეწერება. არავინ ფიქრობს ნამდვილ განათლებაზე, აზროვნებაზე, ნიჭის გაღვივებაზე, წახალისებაზე, არავინ გიშლის ცხოვრების სპექტრუმს... და როცა ეს ასე ხდება - პირველ, მეორე, მესამე ან დამამთავრებელ კურსზე რომ თხოვდებიან „კარგი გოგოები“, მათთვის მართლაც არაფერია ოჯახის შექმნაზე უფრო მნიშვნელოვანი. ამიტომ ეთმობათ ყველაფერი, სწავლაც, განათლებაც, საკუთარი ინტერესებიც, ნიჭიც, კარიერაც და აბსოლიტურად ყველაფერი ამ ქვეყანაზე... ... და აი მერე, ამ „კარგი გოგოების“ უმრავლესობა არის ჩვენი კარის მეზობელი, რომელიც ყოველ ღამე და ხანდახან დღეც, შიშის ქვეშ ითმენს,უძლებს და ეგუება ამ ყველაფერს, რასაც ჩვენ კედლის იქით ვისმენთ...
ტარიელ ფაილოვანიანი
Tbilisi · 3 days ago
,,წარმატების მისტერია"
ნებისმიერი მცდელობა - იყოთ უფრო წარმატებული,განათლებული,სასურველი საზოგადოებისთვის, თუ მხოლოდ თვითგანვითარების სურვილით არ არის განპირობებული,იცოდეთ, რომ მხოლოდ ახალი ილუზიაა გონებაში, ილუზია, დაფუძნებული კონკურენციაზე. კონკურენციას არასდროს მოაქვს სიმშვიდის განცდა,ის მუდმივად შფოთვის მიზეზი ხდება... ნუთუ შესაძლებელია,მუდმივი სტრესის ქვეშ იყო წარმატებული?! ალბათ დაგისვამთ კითხვა: რატომ იკლავენ ძალიან მდიდარი ადამიანები თავს,თანაც თქვენ გაგაოცებთ სტატისტიკა, რამდენად მაღალია ციფრები. მდიდარი ადამიანების მაგალითი იმიტომ ავირჩიე, რომ ადამიანის ცნობიერებაში წარმატება და თვითგანვითარება,უმეტესწილად მატერიალურ კეთილდღეობასთან არის ასოცირებული. ჩვენი გონება განპირობებულია იმ დროითა და სივრცით,სადაც დავიბადეთ. ამაში ძალიან მარტივად დავრწმუნდებით,თუ ისტორიას გადავხედავთ. რატომ სჯეროდათ,ისეთი პრიმიტიული რამის რამდენიმე ასეული წლის წინ,რაზეც 21–ე საუკუნის ადამიანს მხოლოდ ეღიმება.გონებას არნახული უნარი აქვს დაიჯეროს და აღიქვას ისეთი რამ რეალურად,რაც ან დიდი დოზით შიშს ჰგვრის ან აბედნიერებს. რატომ? - იმიტომ, რომ დიდი დოზით შიში აიძულებს, სხვა გზას არ უტოვებს. სიყვარული კი ადამიანის ყველაზე ძლიერი ემოციური მოთხოვნილებაა. თუ დააკვირდებით, ნახავთ,როგორ მართავს ადამიანთა ერთ ნაწილს სიყვარული,მეორე ნაწილს კი მისი ნაკელობობა და მუდმივად მისკენ სწრაფვა,არასასურველი მეთოდებით აქცევთ ხოლმე საზოგადოებისთვის მიუღებელ ადამიანებად. მაგალითის მოსაყვანად,შემთხვევით არ ამირჩევია თვითმკვლელობა. ეს ყველაზე მწვავე სტადიაა,როდესაც რეალობასთან სრულიად დაკარგა გონებამ კავშირი და ფიქრობს, რომ მხოლოდ ის კონკრეტული სურვილის შეუსრულებლობა ართმევს სიცოცხლის გაგრძელების საშუალებას,მაშინ, როდესაც ჩვენი გონება აპროექტებს და წყვეტს,რა არის ბედნიერება და რა უბედურება,რაც თავის მხრივ, დროითა და სივრცითაა ასევე განპირობებული. ალბათ,როდესაც ,,გამოქვაბულის ადამიანის“ რწმენა–წარმოდგენებს ეცნობით,ხვდებით, როგორი დოზით დაჰკრავს ქაოტური ცნობიერების ელფერი.როგორი ღარიბია რეალისტური ელემენტებისგან. ნებისმიერი წარმოდგენის შემოწმება, მცდარია თუ ჭეშარიტი, ძალიან მარტივია.თუ თქვენი წარმოდგენა,რეალობის არც ერთ წერტილთან არ მოდის შეხებაში,მაშინ დასვით კითხვა: რატომ უნდა მივიღო ეს წარმოდგენა,თუ რეალობაში არსად ვლინდება და მითუმეტეს,რატომ უნდა მისცეთ საშუალება, მართოს მთელი თქვენი ცხოვრება?! ჩვენს ცხოვრებაში უამრავი ილუზიაა.ადამიანი, აისბერგებით სავსე ოკეანეში მოცურავე ტივს ჰგავს. ძალიან რთულია ისე იცხოვრო, რომ ყველა აისბერგს აუარო გვერდი და არ მისცე საშუალება, გარდატეხა მოახდინოს შენს ცნობიერებაში. მე ყოველთვის ვფიქრობ მსგავს საკითხებზე, და თუ ერთ ადამიანს მაინც დაგეხმარებათ ჩემი ნააზრევი და შეძლებს დაგანახოთ, ერთი ილუზიის აბსურდულობა მაინც, და თავი უფრო მშვიდად და ბედნიერად გაგრძნობინოთ – რეალობის აღქმით, მაშინ მე ჩავთვლი, რომ ჩემს მიზანს მივაღწიე. ტ.ფაილოვანიანი#მეცნიერება #feedcgrant Feedc #მეცნიერება
Mediamall
Tbilisi · 3 months ago
მეუფე ნიკოლოზი - წირვა აუცილებლად ჩატარდება, რაც შეეხება მრევლის დასწრებას, იმედია, ხალხი დაესწრება
ღმერთმა დაგვიფაროს ისეთი რამ მოხდეს, რომ წირვა არ ჩატარდეს. წირვა აუცილებლად ჩატარდება, რაც შეეხება მრევლის დასწრებას, იმედია რომ დაესწრება ხალხი, აბა, რისთვის ტარდება?! - ამის შესახებ ახალქალაქისა და კუმურდოს მიტროპოლიტმა, მეუფე ნიკოლოზმა (ფაჩუაშვილი) სამების საკათედრო ტაძარში წირვის დასრულების შემდეგ ჟურნალისტებს დასმული კითხვის საპასუხოდ განუცხადა. როგორც მეუფე ნიკოლოზმა აღნიშნა, ვნების შვიდეულის განრიგი უკვე ცნობილია, აღდგომის წირვასთან დაკავშირებით კი, კონკრეტული გადაწყვეტილება სავარაუდოდ, დიდი ხუთშაბათის შემდეგ იქნება მიღებული. „მამა დემეტრემ გამოაცხადა დღეს როგორი არის გეგმა, როგორი არის ჩვენი სურვილი, როგორ აცხადებს ამას ეკლესია და ამას აკეთებს ყოველთვის ბზობის წირვის შემდეგ. ცხადდება ვნების შვიდეულის კვირის განრიგი. ყველაფერი ისე გამოაცხადა, როგორც ადრე ცხადდებოდა, მათ შორის აღდგომის წირვაზე საღამოს 10 საათზე დაიწყება მსახურება და 23:00 საათზე მობრძანდება პატრიარქი. რაც შეეხება უფრო კონკრეტულად, რა როგორ იქნება, დიდი ხუთშაბათის მსახურების შემდეგ იქნება ყველაფერი დეტალურად ცნობილი. ღმერთმა დაგვიფაროს ისეთი რამ მოხდეს, რომ წირვა არ ჩატარდეს. წირვა აუცილებლად ჩატარდება, რაც შეეხება მრევლის დასწრებას, იმედია რომ დაესწრება ხალხი, აბა, რისთვის ტარდება?!“, - აღნიშნა მეუფე ნიკოლოზმა. ამასთან, მეუფე ნიკოლოზმა აღნიშნა, რომ „კომენდანტის საათი“ არ შეიძლება განიხილებოდეს მოსახლეობის საწინააღმდეგო ღონისძიებად. მისივე თქმით, ვერ წამოუდგენია, რომ მთავრობა ხალხს და ეკლესიას დაუპირისპირდეს. „კომენდანტის საათი“ შემოიღო ხელისუფლებამ, რომელიც ამ პანდემიის პირობებში ჯერჯერობით უნაკლოდ მუშაობს. „კომენდანტის საათის“ შემოღება ზღუდავს თავისუფლად გადაადგილებას, კონტაქტებს, მაგრამ არ არის მოსახლეობის საწინააღმდეგოდ, არის პრევენცია. შესაბამისად, თუ ასეთი აუცილებლობა იქნება, რომ ღამე წირვაზე მოვიდნენ ადამიანები, მე ვერ წამომიდგენია, რომ მთავრობა ან ხალხს დაუპირისპირდეს, ან ეკლესიას. რატომ? - მთავრობა გვიცავს. გვიცავს არაჩვეულებრივად. არაჩვეულებრივი მაჩვენებლებითა ვართ დღეს. ეკლესიაში მრევლის მოსვლა კანონს არ არღვევს, კანონს ადგენს ხელისუფლება და ხელისუფლებას მიმართეთ ამ კითხვებით. თუ ჩვენ მოვალთ და წირვას ჩავატარებთ, ე.ი. ჩვენც კანონს ვარღვევთ? ჩვენც უნდა გადავიხადოთ ჯარიმა? საღამოს 9:00 საათზე როგორ მოვალთ და მთელი ღამე ტაძარში როგორ ვიქნებით? რა თქმა უნდა, კონსულტაციებს არ გამოვრიცხავთ. ჩვენ ამ თემაზე ვისაუბრებთ დიდი ხუთშაბათის შემდეგ. დღემდე ხელისუფლებას არავითარი აგრესია, მოსახლეობის მიმართ არ გამოუჩენია, არც ეკლესიის მიმართ. ძალიან კარგია, რომ ყველა თავის ვალდებულებას ასრულებს. მოწოდება არის მოწოდება და აგრესია არის აგრესია. დღევანდელ დღეს არავითარი მიზეზი არ გვაქვს, რომ ჩვენი ხელისუფლების უკმაყოფილო ვიყოთ ამ რთულ ვითარებაში. ამიტომ იმედი მაქვს, არც ახლა ვიქნებით უკმაყოფილო და ცუდად არ მოიქცევიან“, - განაცხადა მეუფე ნიკოლოზმა. მისივე თქმით, ტაძრებში ლიტანიობისას შეეცდებიან, მრევლს შორის დისტანცია დაიცვან. „უმჯობესია, ღამე გახვიდეთ ქალაქში და ნახოთ, რა ხდება, უამრავი ადამიანი მოძრაობს. ჰოდა, რომ აჯარიმებენ, რატომ აჯარიმებენ? აქ კანონის დარღვევაზე კი არ არის საქმე, უსაფრთხოების ზომებს არ იცავენ. ეს არის მთავარი! ღამე რომ ბნელა, არ ჩანს, ვინ რა მანძილზე მიდის ერთმანეთთან, ამიტომ არის მე ვფიქრობ, ეს კანონი. ცოტა აზრიანად უნდა შევხედოთ ყველაფერს. ვეცდებით ლიტანიობისას დისტანცია დავიცვათ. მე არ ვიცი რას ფიქრობს და როგორ ფიქრობს ხელისუფლება, რა მოხდება აღდგომის ღამეს არ ვიცით, მაგრამ სავარაუდოდ, დღევანდელი მონაცემებით, მთავრობა სიკეთის მეტს არაფერს აკეთებს. იმედი მაქვს, უაზრო და არაგონივრული გადაწყვეტილებები არავის მიმართ იქნება მიღებული. ჩვენ ახლა რაზე ვსაუბრობთ, რამდენად იქნება საფრთხე ტაძარში აღდგომის წირვაზე შეკრება საფრთხე ეპიდემიის გავრცელებისთვის. არ გავრცელდება ეპიდემია! როგორ უნდა მოვიდეს ღამით მრევლი, ეს კითხვა მე არ მეხება, არ ვიცი. თქვენ გგონიათ მორწმუნე ადამიანები დასაქოქი თოჯინები არიან? მრევლი არის ჩვეულებრივი ადამიანები ამ ქვეყნის, სავარაუდოდ ზრდასრული ადამიანები, მოაზროვნეები, განათლებულები და მიიღებენ თავის გადაწყვეტილებას ისევე, როგორც მე მივიღებ ჩემს გადაწყვეტილებას“, - განაცხადა მეუფე ნიკოლოზმა.
Tbilisi Daily
Tbilisi · 3 months ago
სანამ ჩვენ ვრჩებით შინ, ისინი რჩებიან გარეთ
მაშინ, როდესაც მთელი მსოფლიო უხილავ მტერს, კორონავირუსს ებრძვის, საზოგადოების ნაწილმა ბრძოლა არარსებულ მტერს - შინაურ ცხოველებს გამოუცხადა. მიუხედავად იმისა, რომ ჯანდაცვის მსოფლიო ორგანიზაციას კორონავირუსით ცხოველის დაინფიცირების არც ერთი შემთხვევა ოფიციალურად არ დაუდასტურებია, მსოფლიოში და მათ შორის საქართველოშიც, გახშირდა მიუსაფარი ცხოველების სასტიკად მოპყრობისა და შინაური ცხოველების მიტოვების ფაქტები. ადამიანთა გარკვეული ნაწილი პანიკამ მოიცვა, ისინი უარს ამბობენ ოთხფეხა მეგობრებზე, წყვეტენ მათზე ზრუნვას, ყრიან სახლიდან, აგდებენ ქუჩაში და ამით ისხნიან ყოველგვარ მზრუნველობით თუ სოციალურ პასუხიმსგებლობას. სპეციალისტებისა და ცხოველთა უფლებებზე მომუშავე ორგანიზაციების ინფორმაციით, საგრძნობლად გაიზარდა ძაღლებისა და კატების თავშესაფრებში ჩაბარების მსურველთა რიცხვიც - ადამიანთა ნაწილი მიზეზად კორონავირუსის გავრცელებით პროვოცირებულ შიშს ასახელებს, მეორე ნაწილი კი ეკონომიკური კრიზისით გამოწვეულ უსახსრობასა და შინაური ცხოველის შენახვის უუნარობას. ჩნდება კითხვა, რატომ შეიქნა მსგავსი აჟიოტაჟი, თუკი ცხოველების გზით დაინფიცირების საშიშროება არ არსებობს? უპირველეს ყოვლისა, ეს ყალბი, გადაუმოწმებელი და არასრული ინფორმაციის გავრცელდებას უკავშირდება. მსოფლიო გლობალური პანდემიის წინაშე დგას, ადამიანების ემოციური წნეხის ქვეშ იმყოფებიან, ამ ვითარებაში კი სიცრუისა და ცრურწმენების გავრცელებისთვის ერთგვარად სასათბურე პირობებიც იქმნება - შიშის დომინანტობის დროს ადამიანების დიდი ნაწილი კარგავს რაციონალური განსჯის უნარს, ყვება პანიკას და მარტივად იჯერებს ნებისმიერი სახის დეზინფორმაციას. ცხოველებთან დაკავშირებით არასწორი ინფორმაციის გავრცელებით დამახინჯდა რეალობა, რამაც გავლენა მოახდინა ცალკეული ინდივიდების გადაწყვეტილების მიღების პროცესზე. მაგალითად, გავრცელდა ინფორმაცია ჰონკ-კონგში ძაღლის, ბელგიაში კატისა და ნიუ-იორკის ბრონქსის ზოოპარკის ვეფხვის დაინფიცირების შესახებ. საგულისხმოა, რომ არც ერთი ზემოაღნიშნული ფაქტი საბოლოოდ გამოკვლეული და დადასტურებული არ არის. არსებობს ჰიპოთეზები, მიმდინარეობს კვლევები, თუმცა დღემდე არ არსებობს არანაირი მეცნიერული დასკვნა იმის შესახებ, რომ ეს ცხოველები ნამდვილად დაავადდნენ კორონავირუსით. მიუხედავად ამისა, გარკვეულმა მედიასაშუალებებმა აღნიშნული შემთხვევები უკვე დადასტურებულ ფაქტად წარმოაჩინეს. საგულისხმოა, რომ შესაძლოა კორონავირუსი ძაღლის, კატის ან სხვა ცხოველის სხეულის ზედაპირზე აღმოჩნდეს, მაგრამ ეს სულაც არ ნიშნავს მათ მიერ ვირუსის მატერებლობას. მსოფლიო ჯანდაცვის ორგანიზაციის ინფორმაციით, კოვიდ 19 სხვადასხვა ზედაპირზე რამდენიმე საათის ან დღის განმავლობაში ცოცხლობს, ამ მხრივ გამონაკლისი კი არც ცხოველები არიან. სპეციალისტები აცხადებენ, რომ ძაღლები ვირუსის გავრცელებისთვის იგივე საფრთხეს წარმოადგენს, როგორსაც კარის სახელურები ან ჩვენივე მობილური ტელეფონები, თუკი არ დავიცვათ რეკომენდაციებს. რაც შეეხება ჰიგიენას, პანდემიის პირობებში პრობლემები წარმოიშვა ცხოველთა მოვლა-დეზინფექციის კუთხითაც. ადამიანთა გარკვეული ნაწილი ცხოველებს ამუშავებს ალკოჰოლის შემცველი ნივთიერებებითა და ძლიერი ქიმიკატებით, რაც რეალურად აზიანებს მათ ბალანსა და კანს, საფრთხეს უქმნის ცხოველთა ჯანმრთელობასა და კეთილდღეობას. უფლებადამცველი ორგანიზაციები და ვეტერინარები მოგვიწოდებენ ჩვენი ოთხფეხა მეგობრების დეზინფექციის მიზნით არ გამოვიყენოთ ის საშუალებები, რომლითაც თავად ვიცავთ თავს - უარი ვთქვათ სპირტის შემცველ სითხეებზე და გამოვიყენოთ ქლორჰექსიდინის 1%-იანი ხსნარი, რომელიც უსაფრთხოა და არ შეიცავს ცხოველის ჯანმრთელობის დაზიანების რისკებს. საქართველოში მიუსაფარი ცხოველების ყოფა განსაკუთრებით დამძიმდა მას შემდეგ, რაც ქვეყანაში გამოცხადდა საყოველთაო კარანტინი და კომენდანტის საათი - შეიზღუდა ადამიანების თავისუფალი გადაადგილება, ამასთანავე დაიხურა საკვები ობიექტები და კაფე-რესტორნები, რამაც მიუსაფარი ცხოველები საკვების გარეშე დატოვა. გარდა ამისა, კორონავირუსის პრევენციის მიზნით, გაცილებით სწრაფად იცლება ნაგვის ბუნკერებიც, რომელთა მეშვეობითაც ძაღლები და კატები ნაწილობრივ მაინც ახერხებდნენ გამოკვებას. დამძიმდა ტრასებსა და გზებზე მყოფი ცხოველების ყოფაც, რომლებიც ძირითადად, გამვლელებისა და საკვები ობიექტების თანამშრომლების მიერ პურდებოდნენ. მიუხედავად შექმნილი კრიტიკული ვითარებისა, მაინც მოიძებნენ ადამიანები, რომლებთაც უყვართ ცხოველები და გული შესტკივათ მათზე. სწორედ პრობლემის შეძლებისდაგვარად მოგვარებისთვის ფეისბუქში შეიქმნა სპეციალური ჯგუფი სახელად - „მარტო დარჩენილი ცხოველებისთვის“, რომლის მიზანსაც პანდემიის პერიოდში მიუსაფარი ცხოველების გამოკვება და მათ ფიზიკურ გადარჩანაზე ზრუნვა წარმოადგენს. გაიხსნა სპეციალური ანგარიშიც. შემოსული თანხით ჯგუფის აქტივისტები ცხოველებისთვის ყიდულობენ საკვებს, რომელსაც შემდგომ მთელი ქვეყნის მასშტაბით ანაწილებენ. ნებისმიერი პირი, რომელიც უვლის და პატრონობს შინაურ ბინადარს, პასუხისმგებელია მის ჯანმრთელობასა და კეთილდღეობაზე. ოთხფეხა მეგობრის ყოლა გულისხმობს მისთვის ყურადღების, მზრუნველობისა თუ სიყვარულის გაზიარებას და არა სასტიკ, არაჰუმანურ მოპყრობას. თუკი ვამბობთ, რომ „ძაღლი ადამიანის საუკეთესო მეგობარია“, არ უნდა დაგვავიწყდეს, რომ მეგობრობა პირველ რიგში სწორედ პასუხისმგებლობას, ზრუნვასა და ერთმანეთის დაცვას, ჭირში ერთად ყოფნას გულისხმობს, მათ შორის ისეთ გლობალურ ჭირშიც კი, როგორიც კორონავირუსის პანდემიაა.#ცხოველები #კორონავირუსი #tbilisidaily
Tbilisi Daily
Tbilisi · 2 weeks ago
კუკიის სასაფლაოს საიდუმლოებები – დაუჯერებელი, თუმცა რეალური ისტორიები
კუკია ერთ-ერთი უძველესი და უდიდესი სასაფლაოა, რომელიც 60 ჰექტარზეა განთავსებული და სხვადასხვა წყაროს ცნობით, 300-400 წლის წინ უნდა იყოს დაარსებული. აქ 1773 წელს, რუსეთ-ოსმალეთისა და 1877 წელს რუსეთ-თურქეთის ომში დაღუპული ჯარისკაცების საფლავებიც არის. ძველად ყომარბაზები იკრიბებოდნენ და ქაურდული საქმეების გარჩევაც ხდებოდა. დუმბაძის გმირის, მურტალოს ცნობილი გამონათქვამიც გახსოვთ ალბათ, – ყველა ჩემი შემწუხებელი კუკიაზე წევსო. სასაფლაოზე ხეტიალის დროს იქაური თანამშრომელი შემომხვდა და ხელით გველის მოძრაობის იმიტაცია გააკეთა, რითაც მიმანიშნა, ნუ ბორიალობ, ქვეწარმავლები არიან ბლომადო. სასაფლაოს საკმაოდ დიდი ტერიტორია არ შემოვიარე, უკან არ გამოვბრუნებულვარ. შესასვლელთან წმინდა ნინოს სახელობის რუსული ეკლესია იყო, რომელიც, ძირითადად, რუსი გენერლების შემოწირულობებით აშენდა. 90-იან წლებში მისი გუმბათი ქართულით შეიცვალა. ახლა იქ მოქმედი­ ქართული ეკლესიაა. სავარაუდოდ კუკიაზეა დაკრძალული ნიკო ფიროსმანი, თუმცა მისი საფლავის ამოცნობა ვერ ხერხდება და აქვეა სტალინის პირველი მეუღლის, ეკატ­ერინეს საფლავიც. მარო დურგლიშვილი სასაფლაოსთან ახლოს ცხოვრობს იმ სახლში, სადაც საუკუნის წინ, სასაფლაოს ეზოში მდგარ ეკლასიაში მოღვაწე მღვდლები ცხოვრობდნენ. ის ახმეტაში, სოფელ ქისტაურში დაიბადა და გაიზარდა, თბილისში კი ბეკურაშვილზე გათხოვდა და მას შემდეგ, თითქმის 50 წელია, კუკიის სასაფლაოზე, საფლავების მომვლელად მუშაობს. „პრაიმტაიმმა“ მასთან მცირე ინტერვიუ ჩაწერა, რადგან თავის თავზე ვრცლად საუბარი ქალბატონმა მარომ არ ისურვა. – სასაფლაოზე მუშაობა ძნელი სულაც არ არის, მიცვალებულების საფლავების მოვლა ძნელი რატომ უნდა იყოს? ამათ სულს ვენაცვალე, ამათ გამაძლებინეს და მიმაღწევინეს 85 წლამდე. ამ სამსახურს რა სჯობია, პირბადე აქ არა გჭირდება და არაფერი. ამათი მოვლით ისე ვწყნარდები, რომ კორონას დროს სახლში არ დავჯექი, მენატრებოდნენ ხოლმე და მოვდიოდი და ვუვლიდი.ძალიან მეცოდებიან ახალგაზრდები და ჩვილი ბავშვები. ვის საფლავსაც ვუვლი, იმ ადამიანების ცხოვრებისა და გარდაცვალების შესახებ არაფერი ვიცი, არ ვინტერესდები. აბა, ხომ ვერ შევეკითხები და საიდან გავიგებ? ქალბატონ მაროსთან ერთად საფლავებს ხანში შესული მამაკაციც უვლის, რომელმაც ფოტოს გადაღების უფლება მოგვცა, მაგრამ ვინაობა არ გაამჟღავნა.– აგერ, შესასვლელში სამამულო ომის გმირია დასაფლავებული, გოგორიშვილი. ადრე მის საფლავზე ტანკი იდგა. მერე იმ ტანკში ძრავი ჩადგეს და წაიყვანეს. როგორც ამბობენ, კიტოვანს წაუყვანია და შესაძლოა, აფხაზეთის ომშიც კი იბრძოდა საფლავზე ძეგლად მდგარი ტანკი. ის ადგილი მოასწორეს, ჯვარი დადგეს და მწვანე მოლი დათესეს. ძველ საფლავებზე თეთრი მარმარილოს ქანდაკებები დგას და ეგ ყველა იტალიიდან არის ჩამოტანილი, რადგან აქ ასეთი ქვა არ იშოვება. მდიდარი ადამიანები იტალიაში უკვეთავდნენ ახლობლების საფლავებისთვის. უამრავი ქანდაკება გაქრა. ზოგი მოიპარეს, ზოგმაც დროს ვერ გაუძლო, მაგრამ უძველესი, თეთრ მარმარილოში გამოკვეთილი ქანდაკებები კიდევ არის შემორჩენილი.ხალხი ამბობს, თითქოს სასაფლაოზე მოჩვენებები დადიანო, მაგრამ სულ ტყუილია, ამდენი წელია, აქ ვმუშაობ და ჯერ მოჩვენება არ შემხვედრია, გარდა აი, იმ კაცისა, ეს საფლავიდან „პერერივზე“ ამოდის ხოლმე და სუფთა ჰაერზე იძინებს. – ხელი ახალგაზრდა მამაკაცისკენ გაიშვირა, რომელიც ეკლესიის წინ მერხზე იწვა და ზედ ყვავილებიც ელაგა. აღმოჩნდა, რომ ეს მამაკაცი ადგილობრივია, რომელიც ძირითადად სასაფლაოზე ცხოვრობს და მესაფლავეები ასე ეხუმრებიან. შესასვლელიდან არც ისე შორს მომცრო ნაგებობაა. ეს 1943 წელს სამამულო ომში დაღუპული დავით ვაშაკიძის საფლავია. როდესაც დედისთვის შვილის დაღუპვის ცნობა მოუტანიათ, მას სახლი გაუყიდია, შვილის ცხედარი ჩამოუსვენებია, კუკიაზე­ დაუკრძალავს და თვითონაც იქ დაუდვია ბინა. კედელზე დაჭრილი, მწოლიარე ჯარისკაცია გამოსახული, რომელსაც ჭრილობიდან სისხლი სდის. დედას საფლავზე სინათლეც გაუყვანია… მიცვალებული მინით დახურულ აკლდამაში იწვა, სადაც კიბეც ჩადიოდა. ყოველ ექვს თვეში ერთხელ დედას ექიმი მოჰყავდა და ცხედარს ხელახლა უკეთებდა ბალზამირებას. იქვე კი ტახტი იდგა, სადაც დედა იძინებდა. ასე გრძელდებოდა წლების განმავლობაში. როდესაც დედაც გარდაიცვალა, შვილის გულზე დამარხეს და საფლავი მიწით ამოავსეს. გარდაცვლილ ქალბატონს ჭირისუფალი არ ჰყოლია. ის სასაფლაოს თანამშრომლებმა გააპატიოსნეს და მიწას მიაბარეს.სხვა სასაფლაოდან აქ გადმოასვენეს ცნობილი მსახიობი ქალი, ნატო გაბუნია, რომელიც 1910 წელს გარდაიცვალა. საბუთში სიკვდილის მიზეზად შავი ჭირი იყო დასახელებული და როდესაც საფლავს ხსნიდნენ, ამბობდნენ, შავი ჭირის გავრცელების საშიშროება გაჩნდებაო, მაგრამ არაფერი მომხდარა. ერთი მესაფლავე გვყავდა, უკრაინელი ალექ­სანდრე პასტუხი, რომელსაც შიშის გრძნობა არ გააჩნია. ხდება ხოლმე, რომ სხვადასხვა მიზეზით ამა თუ იმ საფლავს ხსნიან. ეს გადაალაჯებს კუბოს, მოხვევს მკლავებს­ მიცვალებულს, ჩაიხუტებს და ამოჰყავს. ერთხელ ასეთი შემთხვევა იყო: მიცვალებული მეექვსე­ სართულიდან უნდა ჩამოესვენებინათ, მაგრამ საწყალი, ძალიან მაღალი კაცი ყოფილა, ცარ­იელი კუბო შინ გვერდულად შეუტანიათ, მაგრამ გამოსვენებისასაც ასე ხომ ვერ გამოიტანდნენ? ვერა და ვერ მოახერხეს სადარბაზოში გამოყვანა და დარეკეს ჩვენთან – ეგებ გვიშველოთო. ორი მესაფლავე წავედით, მე და პასტუხი. ბევრი ვიწვალეთ, მაგრამ ვერაფერი გავაწყვეთ. მერე ჭირისუფალს ვთხოვეთ, სახლიდან ყველა გასულიყო. მიცვალებული ამოვასვენეთ და ჯერ ცარიელი კუბო ჩავიტანეთ პირველ სართულზე და სადარბაზოში დავდგით, შემდეგ კი მიცვალებული შუაში ჩავიყენეთ, მისი ერთი ფეხი მე მივიბი ფეხზე, მეორე – პასტუხმა და ასე, „თავისი­ ფეხით“ ჩავიყვანეთ კიბეზე და კუბოში ჩავასვენეთ. მესაფლავემ კიდევ ერთი ამბავი გაიხსენა: თურმე მოასვენეს ასაკოვანი ქალი, ჭირისუფალმა დაიტირა, თითო მუჭა მიწაც მიაყარეს და წასვლა დააპირეს. სწორედ ამ დროს ერთი კაცი მობრუნებულა და ჩუმად­ უთქვამს – მიწა არ მიაყაროთ, სანამ არ დავბრუნდებიო. ჭირისუფალი რომ გააცილა, მობრუნდა და მესაფლავეებს სთხოვა, ამოიღეთ კუბო და მიცვალებულს თავი მეორე მხარეს მოუქციეთო. ქრისტიანული წესით, მიცვალებული აღმოსავლეთს უნდა „უყურებდესო“, – უთქვამთ მესაფლავეებს. – რასაც გეუბნებით, ის გააკეთეთო, დაიჟინა თურმე კაცმა. – ეს ქალი ჩემი სიდედრი იყო და ცხოვრება გამიმწარა, აქედან აღმოსავლეთით ვაზისუბანია, სადაც მე ვცხოვრობ და აქედანაც უნდა მიყუროს? უკუღმა დამარხეთ, ფუნიკულიორს უყუროსო. თავისი მაინც გაიტანა და მიცვალებული უკუღმაა დაამარხვინა. უძველეს საფლავებს შორის გახლავთ ვინმე დიმიტრი ანდროპოვის საფლავი, რომელიც 1905 წელსაა გარდაცვლილი. საფლავის გარშემო რკინის მაღალი მესერია, რომელშიც მიცვალებულის სახელი და გვარია ამოჩუქურთმებული და ასევე წარწერა – я буду с тобой дорогой Митя. როგორც სასაფლაოს თანამშრომლებმა მითხრეს, დედას შვილისთვის გაუკეთებია ეს საფლავი და შემდეგ, როდესაც დედაც გარდაცვლილა, შვილის გვერდით დაუკრძალავთ. კუკიის სასაფლაოზე ერთი საოცარი, უპატრონო საფლავია, რომლის ისტორიაც არავინ იცის. მას „კაკუნი სამოთხის კარზე ჰქვია“ და დიდი ტკივილია გამოსახული. ადამიანს გიჩნდება განცდა, რომ ძალზე დიდი ცოდვების მატარებელი ადამიანია დაკრძალული, რომელიც სამოთხის კარზე უშედეგოდ აკაკუნებს. წლების წინ, როცა ეს საფლავი პირველად ვნახე, წარწერა არც კი ჩანდა, მიწით იყო დაფარული. ახლა საფლავი სახელმწიფო მუზეუმის დაქვემდებარებაშია, როგორც კულტურული ძეგლი. ის გასუფთავებულია და მიცვალებულის სახელი და გვარიც იკითხება – გიორგი მიხეილის ძე მირზაშვილი, რომელიც 1883 წელს დაბადებულა და 1959 წელს, 76 წლისა გარდაცვლილა. წყარო: primetime
Tbilisi Daily
Tbilisi · 4 weeks ago
"ქარწაღებულები" - გიორგი ხაინდარავას წერილი კონგრესმენებს
რეჟისორი გოგა ხაინდრავა ავრცელებს ღია წერილს სახელწოდებით – „ქარწაღებულები". ხაინდრავა წერილში 13 კონგრესმენის მომზადებულ ანგარიშს ეხმაურება. გოგა ხაინდრავას წერილს უცვლელად გთავაზობთ: „დღევანდელ მსოფლიოში აღარაფერი რომ არ უნდა გაგიკვირდეს, ცხადია. თუმცა, როდესაც ფილმი „ქარწაღებულნი“, რომელიც მთელ მსოფლიოში, ყველა კონტინენტზე, კინოშედევრად არის აღიარებული და რომელშიც მონაწილეობისთვის, პირველად ამერიკის ისტორიაში, შავკანიანი მსახიობი „ოსკარით“ დაჯილდოვდა, რასისტულად ცხადდება… აღარც ის გვიკვირს, რომ „ნაცი“ გრიგოლ ვაშაძე, პუტინის კოლეგა საბჭოთა ჩეკისტი და საპრეზიდენტო არჩევნებში მისი მხარდამჭერი „ევროპული საქართველო“, რომლის ლიდერებმა ხელისუფლებაში ყოფნის დროს, სისხლში ჩაახშეს საკუთარი მოქალაქეების დემოკრატიული უფლებები, რუსეთს „გაუპრავეს“ საქართველოს წინააღმდეგ სამხედრო აგრესია და ტერიტორიის 20%-ის მიტაცება, ხოლო სტრასბურგის ადამიანის უფლებათა ევროპული სასამართლოს მიერ უამრავ სისტემურ დანაშაულში მხილებულნი, გამძვინვარებული ლობიზმის სამყაროში, „ქარწაღებულების“ რასისტობის არ იყოს, პროდასავლურ ძალებად და ქვეყნის სტაბილურობის იმედად განიხილებიან, ბიძინა ივანიშვილი და „ქართული ოცნება“ კი პუტინის ქომაგებად და დესტაბილიზაციის წყაროდ საქართველოში! აფერუმ ამგვარ პოლიტიკურ გამჭრიახობას! უფრო სწორედ სიბეცეს! და აღარ აქვს არანაირი მნიშვნელობა იმას, თუ რითია ის განპირობებული. როდესაც მოყვარეს მტრად რაცხ, ცილს სწამებ მეგობარი ქვეყნის წამყვან, შენი საერთაშორისო პოლიტიკის და შენი ქვეყნის ერთგულ მხარდამჭერ პოლიტიკურ ძალას და მის ლიდერს, რითაც ამავდროულად შეურაცხყოფას აყენებ საქართველოს საზოგადოების და ამომრჩევლების უდიდეს ნაწილს, აბრალებ რა კოლაბორაციას მტერთან და ქვეყნის დესტაბილიზაციას. ამ დროს, დარწმუნებული ვარ, სიღრმისეულად არც კი გაქვს გააზრებული, რისთვის კეთდება ეს, რა შედეგს მოუტანს ეს შენს მეგობარ და სტრატეგიულ პარტნიორ ქვეყანას! მძიმე სურათია, მძიმე! ამერიკა ჩვენთვის, პატარა და სუსტი ქვეყნებისთვის, სიმბოლოა და იმედი! სიმბოლო, ამ საშიშ მსოფლიოში, საერთაშორისო სამართლის, დემოკრატიის არსებობის და იმედი, რომ იმპერიები ვერ ჩაგვყლაპავენ, ვერ დაგანაწევრებენ და ვერ წაგვშლიან რუკიდან, როგორც ახლა ამას ცდილობს რუსეთი საქართველოში. ნებისმიერი უკუღმართი სიტყვა გაცხადებული ამერიკის პოლიტიკური ისტებლიშმენტის წარმომადგენლების მიერ, ჩვენი ქვეყნის შესახებ, ფიქსირდება ოკუპანტის სპეცსამსახურებში და შემდეგ გამოიყენება იმპერიული პროპაგანდის მიზნებისთვის, როგორც ქვეყნის შიგნით, ისე მის გარეთ. ეს ჩვენ მდგომარეობაში მყოფი ქვეყნისთვის ძალიან სახიფათოა! ვფიქრობ, არც ამერიკისთვის არის სასარგებლო, რადგან დღეს, შეუზღუდავი ინფორმაციის ეპოქაში, მთელს მსოფლიოში ისმის მათი სიტყვა, ყველას აქვს შესაძლებლობა, განსაჯოს რამდენად სამართლიანია ის სტრატეგიული პარტნიორი და მეგობარი ქვეყნის ხელისუფლების მიმართ. რატომ აწერენ ხელს იმას, რაც დანამდვილებით არ იციან?! და თუ იციან სიმართლე, რატომ სწამებენ ცილს უდანაშაულო ადამიანებს და მეგობარი ქვეყნის ხელისუფლებას?! ეს არის კითხვა, რომელიც პასუხს მოითხოვს. დარწმუნებული ვარ, ამ დოკუმენტის ხელმომწერებს საკუთარი ანგარიში რომ წაეკითხათ ყურადღებით, როგორც ჩვენ გავაკეთეთ ეს, მარტივად მიხვდებოდნენ, რომ საქართველოს ხელისუფლებაში მყოფი პოლიტიკური პარტია „ქართული ოცნება“ და მისი ლიდერი ბიძინა ივანიშვილი, პუტინის ინტერესების გატარებას და დესტაბილიზაციის გამოწვევას რომ ცდილობდეს საკუთარ ქვეყანაში, აგერ უკვე 8 წელიწადია, საქართველო, სახელმწიფოს პოლიტიკის დონეზე, ვერანაირად ვერ იქნებოდა ამერიკის შეერთებული შტატების სტრატეგიული და წარმატებული პარტნიორი. ვერც ორმხრივ და ვერც მრავალმხრივ საერთაშორისო ურთიერთობებში, როგორც ეს თუნდაც ამ ანგარიშიდან ჩანს. აღარაფერს ვამბობ სამხედრო თანამშრომლობაზე და სამშვიდობო მისიებში ერთობლივ მონაწილეობაზე. ეს ხომ მარტივი ჭეშმარიტებაა! დავიჯეროთ, რომ ამერიკის საელჩო საქართველოში, თეთრი სახლი, სახელმწიფო დეპარტამენტი, ცენტრალური სადაზვერვო სამმართველო თუ სხვა სახელმწიფო ინსტიტუტები ამერიკის შეერთებულ შტატებში დაბრმავდნენ?! თუ ესეთი დრამატული მდგომარეობაა, რატომ უწევენ უპრეცენდენტო პოლიტიკურ, ფინანსურ და სამხედრო მხარდაჭერას და დახმარებას პუტინის თანამოაზრე და დესტაბილიზაციის მოსურნე, კოლაბორანტ ხელისუფლებას?! „ქართულმა ოცნებამ“ 8 წლის მანძილზე ექვს არჩევნებში გაიმარჯვა. მისი ხელისუფლების პირობებში საქართველო ყველაზე სტაბილურ და პროამერიკულ ქვეყნად ჩამოყალიბდა რეგიონში. ამ დროის მანძილზე ჩვენი ქვეყნის ევროატლანტიკური ორიენტაცია ეჭვქვეშ არ დამდგარა არც ერთი წამი არავისთვის და არსად! თუ სახელმწიფოში სახელისუფლო პარტია, მისი ლიდერი და შესაბამისად მთავრობა,რუსულ ინტერესებს ატარებდა და დესტაბილიზაციის საფრთხეებს ქმნიდა ქვეყანაში, ესე როგორ მოხდებოდა? ან როგორ წარმოგიდგენიათ, რომ რუსეთის გაუთავებელი სამხედრო თუ იდეოლოგიური აგრესიის, უკანონო ბორდერიზაციის, ადამიანების გატაცების, მკვლელობის, ეთნიკური წმენდის და ფაქტობრივი გენოციდის ფონზე ოკუპირებულ ტერიტორიებზე, ქართველი ხალხი რვა წელიწადია განუხრელად, დღემდე, მხარს უჭერს კოლაბორაციონისტ, პუტინის მხარდამჭერ და ქვეყანაში დესტაბილიზაციის შემქმნელ ხელისუფლებას?! რატომ?! ეს რა წარმოდგენა გქონიათ ქართველ ხალხზე?იქნებ ახსნან ეს იმ ლობისტურმა ორგანიზაციებმა, ვისი მიზანმიმართული მოქმედების შედეგად, ჩვენი ღრმა რწმენით, ჩნდება სხვადასხვა ანგარიშებში მსგავსი ჩანაწერები. საქართველომ ბევრი განსაცდელი გადაიტანა და ბევრი ისწავლა დამოუკიდებლობის აღდგენიდან 30 წლის მანძილზე. დღეისთვის, პოსტსაბჭოთა სივრცეში ჩვენ ერთ-ერთ ყველაზე წარმატებულ, დემოკრატიულ და თავისუფალ სახელმწიფოდ ჩამოვყალიბდით. პანდემიასთან სამაგალითო ბრძოლაც შევძელით და მსოფლიოში პოლიტიკური ლობიზმის ავკარგსაც გავუგეთ გემო. რამდენიც არ უნდა გვიკიჟინონ, რომ შავი თეთრია, ჩვენთვის, საქართველოს მოქალაქეებისთვის, პოლიტიკაში შავი, შავად დარჩება და თეთრი თეთრად. ჩვენ ქართველები, რიცხობრივად მცირე, სამაგიეროდ მადლიერი და ერთგული მეგობრები, გულშემატკივრები და მხარდამჭერები ვართ ამერიკელი ხალხის და მისი დიადი სახელმწიფოსი. იქნებ თქვენც, ჩვენზე მზრუნველნო საქართველოს მეგობრებო, ეცადოთ გულწრფელები, ობიექტურები და სამართლიანები იყოთ ჩვენ მიმართ. ნუ დაგვაზიანებთ მაინც“,- აღნიშნულია გოგა ხაინდრავას წერილში.