4 votes
comments
shares
Save
ჩვენ არ გვეშინია ერთუჯრედიანი ვირუსის – ამერიკაში მყოფ ქართველ მომღერალს კორონავირუსის აქვს
68 reads
Primetime
Tbilisi · 4 months ago

ოპერის ქართველ მომღერალს, რომელიც ამერიკაში ცხოვრობს, კორონავირუსი დაუდგინდა. ამის შესახებ მან თავად სოციალურ ქსელში დაწერა.

როგორც ბექა გოგინაშვილი ამბობს, იგი თავს კარგად გრძნობს, რაც იმის მიმანიშნებელია, რომ ძლიერი იმუნიტეტი აქვს. იგი ყველას მადლობას უხდის თანადგომისთვის.

„მოგესალმებით მეგობრებო, პირველ რიგში ამ სტატუსის დაწერა თქვენგან გამოჩენილმა დიდმა ყურადღებამ და სიყვარულმა გადამაწყვეტინა.

მას შემდეგ, რაც დადასტურდა კორონავირუსის არსებობა და ტესტმა პოზიტივი აჩვენა უამრავი პირადი მესიჯი და ზარი შემომდის. სამწუხაროდ ყველასთან სათითაოდ პასუხის გაცემა და ახსნა, რომ თავს კარგად ვგრძნობ, უამრავ დროსა და ენერგიას მოითხოვს რაც კარანტინის პირობებში ყოფნის მიუხედავად არ მაქვს. (თავიდანვე გადავწყვიტე რომ დასამალი არაფერი მაქვს და პირიქით, რაც მეტ ადამიანს გავუზიარებ საკუთარ გამოცდილებას, მგონია რომ უფრო ნაკლებად იქნებიან სტრესულ მდგომარეობაში)

ექიმის კონსულტაცია, (რაც სამწუხაროდ მხოლოდ სატელეფონო ზარით შემოიფარგლა უპრეცედენტო პაციენტების გამო) პირველ რიგში მდგომარეობს შემდეგში, რომ ასაკოვან და ქრონიკულად დაავადებულ ხალხს უნდა მოვერიდოთ. რადგან თავს კარგად ვგრძნობთ ეს ნიშნავს, რომ ძლიერი იმუნიტეტი გვაქვს და ვერ მოგვერია ვირუსი და კიდევ იმით „გვანუგეშა”, თურმე ნიუ-იორკში მაცხოვრებელთა 80%-ს ელიან რომ დაავადდება უახლოეს კვირებში, ჩვენს ჯანმრთელობას ასაკისა და ძლიერი იმუნიტეტის გამო სერიოზული ზიანი არ ემუქრება.

მოკლედ, კიდევ ერთხელ ყველას გულწრფელ მადლობას გადაგიხდით გამოჩენილი ყურადღების და სიყვარულისთვის. კიდევ და კიდევ გავიმეორებ რომ ჩვენ არ გვეშინია ერთუჯრედიანი ვირუსის. ადამიანი ცხოვრობს ერთხელ და ნამდვილად არაა სასურველი მთელი სიცოცხლის შიშის ქვეშ გატარება. რა თქმა უნდა ჰიგიენური ნორმების დაცვა ეს ბუნებრივი პროცესია, თუმცა განსაკუთრებით მაშინ ვგრძნობ ძლიერად თავს როცა ვიცი რომ ჩემი ცხოვრება უფლის ერთ სიტყვაზეა დამოკიდებული და არა რომელიმე ერთ უჯრედიან ვირუსზე.

გისურვებთ ჯანმრთელობას და მინდა ყველას ერთად გვჯეროდეს უფლის ნებით მალე „ყველაფერი კარგად იქნება”,- წერს ბექა გოგინაშვილი.


ჩვენ არ გვეშინია ერთუჯრედიანი ვირუსის - ამერიკაში მყოფ ქართველ მომღერალს კორონავირუსის აქვს - Primetime
primetime.ge
Primetime
Tbilisi · 4 months ago
4
Write a comment