7 votes
comments
1 shares
Save
განათლების მინისტრმა ,,ტელესკოლის" დაწყებასთან დაკავშირებით განცხადება გაავრცელა
804 reads
Tbilisi Daily
Tbilisi · 4 months ago
სტატიის წასაკითხად დააჭირე გაგრძელებას
or
By continuing you agree to Feedc’s Terms of use and Privacy Policy

განათლების, მეცნიერების, კულტურისა და სპორტის მინისტრი მიხეილ ჩხენკელი მოსწავლეებს ,,ტელესკოლის" დაწყებასთან დაკავშირები მიმართავს.

პროექტი ყველა მოსწავლეს, განურჩევლად იმისა, აქვს თუ არა წვდომა ინტერნეტთან, საშუალებას მისცემს, ნახოს საინტერესო გაკვეთილები ყველა საგანში, განაცხადა მიხეილ ჩხენკელმა.

მან ასევე აღნიშნა, რომ გაკვეთილები ორშაბათიდან პარასკევის ჩათვლით ჩატარდება. შაბათ-კვირას კი საინტერესო შემეცნებით და საგანმანათლებლო პროგრამებს შესთავაზებენ.

„ძვირფასო მოსწავლეებო, ჩემო ახალგაზრდა მეგობრებო! როგორც იცით, კორონავირუსის გამოწვევის დასაძლევად დროებით შეჩერებულია სასწავლო პროცესი საკლასო ოთახებში. თუმცა ამ გამოწვევამ არ უნდა შეაჩეროს განათლების მიღების პროცესი. ამიტომ ჩვენ საქართველოს პირველ არხთან ერთად გთავაზობთ საინტერესო პროექტს, რომელსაც „ტელესკოლა“ ჰქვია. პროექტის ფარგლებში თქვენ ნახავთ ძალიან საინტერესო გაკვეთილებს ყველა საგანში, რომლებსაც ძალიან გამოცდილი პედაგოგები ჩაატარებენ. აღსანიშნავია, რომ „ტელესკოლასთან“ წვდომა ყველას ექნება, განურჩევლად იმისა, აქვს თუ არა ინტერნეტი. ძალიან მნიშვნელოვანია, რომ თქვენ ჩაერთოთ ამ პროცესში. გაკვეთილები ორშაბათიდან პარასკევის ჩათვლით ჩატარდება. შაბათ-კვირას კი შემოგთავაზებთ საინტერესო შემეცნებით და საგანმანათლებლო პროგრამებს, როგორც საქართველოში მომზადებულს, ასევე უცხოურს, რომლებიც ნათარგმნია ქართულ ენაზე. თქვენ ხართ ჩვენი ქვეყნის მომავალი! დარწმუნებული ვარ, რომ ბეჯითი სწავლით ასახელებთ ჩვენს სამშობლოს! მინდა ყველას გისურვოთ ჯანმრთელობა და წარმატებები იმ საინტერესო გზაზე, რომელსაც განათლების მიღება ჰქვია!“- აცხადებს ჩხენკელი.

„პროექტი „ტელესკოლა“ საზოგადოებრივი მაუწყებლის „პირველი არხი - განათლება“ (ყოფილი მეორე არხი) ეთერით გადის. საეთერო ბადე (გაკვეთილების ცხრილი) ყველა კლასის საგანს მოიცავს. ეროვნული სასწავლო პროგრამით გათვალისწინებულ ტელეგაკვეთილებს სხვადასხვა საგნის გამოცდილი პედაგოგები ატარებენ როგორც საჯარო, ასევე კერძო სექტორიდან და მოსწავლეებს „ტელესკოლის“ ფორმატს მორგებულ სასწავლო პროგრამას სთავაზობენ. „ტელესკოლის“ გაკვეთილების ცხრილის ნახვა შესაძლებელია ბმულზე: http://mes.gov.ge/content.php?id=10272&lang=geo

„ტელესკოლის“ გაკვეთილების დაგეგმვისას სპეციალური პედაგოგებისა და ფსიქოლოგების რეკომენდაციების საფუძველზე სპეციალური საგანმანათლებლო საჭიროების მქონე მოსწავლეების ინტერესიც არის გათვალისწინებული. აღსანიშნავია ისიც, რომ ყველა გაკვეთილის თარგმნას ჟესტური ენის თარჯიმანი უზრუნველყოფს.

პროექტის პირველ ეტაპზე ეთნიკური უმცირესობებისათვის ჩატარდება ქართულის, როგორც მეორე ენის, აზერბაიჯანული და სომხური ენების ტელეგაკვეთილები, ეტაპობრივად კი აზერბაიჯანულ და სომხურ ენებზე სხვა საგნების გაკვეთილებიც დაემატება.

პროექტი აბიტურიენტის საათის ჩატარებასაც ითვალისწინებს, სადაც შესაბამისი დარგის სპეციალისტები აბიტურიენტებს ეროვნული გამოცდებისთვის უწევენ კონსულტაციას.

გაკვეთილები ორშაბათიდან პარასკევის ჩათვლით ტარდება და ყოველ დღე დილის ცხრა საათზე იწყება. პროექტს შაბათსა და კვირას სხვადასხვა შემეცნებით-გასართობი პროგრამებიც დაემატება.

სამინისტრომ მოსწავლეებისა და მშობლებისათვის „ტელესკოლის“ გაკვეთილებში ეფექტიანი ჩართულობისთვის სპეციალური რჩევებიც შეიმუშავა, რომლიც ნახვაც შესაძლებელია ბმულზე", - ნათქვამია განათლების სამინისტროს მიერ გავრცელებულ ინფორმაციაში.

#კორონავირუსი #ტელესკოლა #განათლებისსამინისტრო #მიხეილჩხენკელი #დარჩისახლში #tbilisidaily
Tbilisi Daily
Tbilisi · 4 months ago
7
Write a comment
1