საქართველოში საყოველთაო კარანტინი და კომენდანტის საათი ცხადდება
106 Views
M.m.m.
Tbilisi · 5 months ago

31 მარტის 8:00 საათიდან საქართველოში კარანტინი და კომენდანტის საათი ცხადდება. აღნიშნული გადაწყვეტილება გიორგი გახარიამ ცოტა ხნის წინ გაასაჯაროვა.

საყოველთაო კარანტინის პირობებში სამზე მეტი პირის თავშეყრა იკრძალება - გამონაკლისია მხოლოდ აფთიაქები და სასურსათო მარკეტები.

ამასთან ერთად, ტრანსპორტით გადაადგილება იზღუდება - გამონაკლისის სახით, შესაძლებელია მხოლოდ მსუბუქი ავტომობილით არაუმეტეს 3 პირის მგზავრობა.

რეგულაცია შეეხო 70 წელს ზემოთ მოქალაქეებს - მათ სახლიდან გასვლა ეკრძალებათ. ისინი სახლიდან გასვლას მხოლოდ იმ შემთხვევაში შეძლებენ, თუ საავადმყოფოში, აფთიაქში ან მაღაზიაში წავლენ.

კომენდანტის საათი 21:00-დან 6:00-მდე იმოქმედებს. ამ დროს ქვეყნის მასშტაბით გარეთ გადაადგილება იკრძალება.

გარდა ამისა, გადაადგილების დროს ყველა მოქალაქეს აუცილებლად უნდა ჰქონდეს პირადობის დამადასტურებელი მოწმობა.

#კარანტინი #კორონავირუსი #კომენდანტისსაათი #საქართველო #გახარია #მთავრობა #სიახლე #coronavirus #quarantine #georgia #politics #news #events #business
M.m.m.
Tbilisi · 5 months ago
4
Write a comment