5 votes
0 comments
0 shares
Save
176 views
Mate Chapichadze
Kutaisi · 3 months ago

ჩვენს საშუალო სიცოცხლის ხანგრძლივობას კიდევ ერთი მტერი გამოუჩნდა კორონავირუსის სახით

#coronavirus #opinion
Mate Chapichadze
Kutaisi · 3 months ago
Similar Posts
კონემიკა საინფორმაციო
Tbilisi, Georgia · 3 months ago
ქუთაისის ინფექციურ საავადმყოფოში ახალგაზრდა კაცს კორონავირუსი დაუდასტურდა.
ქუთაისის ინფექციურ საავადმყოფოში ახალგაზრდა მამაკაცს კორონავირუსი დაუდასტურდა. მოქალაქე საავადმყოფოში კარანტინიდან გადმოყვანეს, მას თურქეთში მოგზაურობის ისტორია აქვს. პაციენტს მაღალი ტემპერატურა და პნევმონია აქვს. საავადმყოფოს მთავარი ექიმის, თეიმურაზ ნადირაძის თქმით, მისი ჯანმრთელობის მდგომარეობა საშუალო სიმძიმისაა. კლინიკაში ლუგარის ლაბორატორიიდან კიდევ ორი ტესტის პასუხს ელოდებიან. ქუთაისის ინფექციურ საავადყოფოში საერთო ჯამში კორონავირუსის დადასტურებული დიაგნოზით 4 პაციენტია მოთავსებული. საქართველოში კორონავირუსი 156 ადამიანს დაუდასტურდა, აქედან 28 უკვე გამოჯანმრთელდა. ვირუსით ინფიცირების პირველი შემთხვევა ჩვენს ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი დაიწყო. #politics #news #opinion #coronavirus #stayathome #covid19 #დარჩისახლში
Gode Marr
Tbilisi, Georgia · 3 months ago
ქართველმა თეოლოგებმა მსოფლიოს პატრიარქებს დახმარების თხოვნით მიმართეს
მსოფლიოს მართლმადიდებლური ეკლესიის წინამძღვრებს, ქართველი თეოლოგები დახმარების თხოვნით მიმართავენ. მათი მოთხოვნაა, მსოფლიო საპატრიარქომ გავლენა მოახდინოს საქართველოს ეკლესიაზე. კერძოდ, კორონავირუსის საფრთხისგან დაიცვან მრევლი. „უწმინდესნო და უნეტარესნო მეუფენო,XXI საუკუნის ახალი მტერი – ,,კოვიდ 19“ მომაკვდინებელი საფრთხეა კაცობრიობისთვის. ის მილიონობით ადამიანს სასოწარკვეთილებაში აგდებს და სრულიად ახალ რეალობაში ცხოვრებას გვაიძულებს. ეს არის რეალობა, რომელმაც მთელი მსოფლიო მოიცვა და უკვე მრავალი სოციალური თუ ეკონომიკური უბედურება დაგვატეხა თავს. გარდაცვლილთა რაოდენობა მრავალ ათასს ითვლის და, სამწუხაროდ, ეს მონაცემები ყოველდღიურად იზრდება.მაშინ, როდესაც თითქმის ყველა მართლმადიდებელმა ადგილობრივმა ეკლესიამ მსოფლიო ჯანდაცვის ორგანიზაციისა და ადგილობრივ მთავრობათა რეკომენდაციები მიიღო, რომელიც ღვთისმსახურებაზე მრევლის დასწრების შეზღუდვასა და სხვა სახის პრევენციულ ქმედებებს ითვალისწინებს, საქართველოს მართლმადიდებელი ეკლესია ჯიუტად დგას თავის უცვლელ პოზიციაზე, არ მოუწოდებს მრევლს დარჩეს სახლში და უარს აცხადებს ღვთისმსახურება მრევლის გარეშე ჩაატაროს.შედეგად, სამღვდელოების წარმომადგენლები მორწმუნეებს სასიკვდილო საფრთხისაკენ მიუძღვიან. ამ მძიმე ჟამს, სამღვდელო დასის რიგი წევრები წარმოთქვამენ ქადაგებებს, რომლებიც სავსეა სიძულვილით, ფანატიზმითა და ცრუ აპოკალიპტური მოლოდინებით. სოციალურ დისტანცირებაზე დროებით უარის თქმა, მორწმუნეების გარდა, საქართველოში მცხოვრებ სხვა ადამიანებსაც უქმნის საფრთხეს. ამის ფონზე გასაკვირი არ არის, რომ ყველა ის თეოლოგი, მღვდელი თუ ექიმი, ვინც საქართველოს ეკლესიის ოფიციალურ პოზიციას არ ეთანხმება, საქართველოს საპატრიარქოს მიერ ეკლესიის მტრადაა შერაცხილი. ამის გარდა, საქართველოს საპატრიარქო ახალისებს იმ მღვდელმთავრებს და მღვდლებს, რომლებიც იმ ადგილობრივ ეკლესიათა მეთაურებს განსჯიან და აკრიტიკებენ, რომლებაც საკუთარი ხალხის დასაცავდ შესაბამისი და ადექვატური ზომები მიიღეს.ჩვენდა სამწუხაროდ უნდა ითქვას ისიც, რომ საქართველოს უძველეს ეკლესიას კათალიკოს-პატრიარქი ილია მეორე ავტორიტარულად განაგებს. წლების მანძილზე ჩამოყალიბებული მმართველობის ეს სისტემა სრულიად უგულვებელყოფს ეკლესიის მართვის კოლგიურ პრინციპს წმინდა სინოდის სახით. და ყოველივე ეს წმინდა სინოდის თითოეული წევრის დუმილისა და კონფორმიზმის გამო ხდება. ეს კონფორმიზმი ძირს უთხრის კოლეგიურ პრინციპს, რომელიც საუკუნეთა განმავლობაში საეკლესიო მმართველობის საფუძველს წარმოადგენდა. გარდა ამისა, საქართველოს საპატრიარქო, ფანატიკურად განწყობილი რელიგიური ჯგუფების დახმარებით, პირდაპირ თუ ირიბად აშანტაჟებს საქართველოს მთავრობას და საშუალებას არ აძლევს მას, საზოგადოების ჯანმრთელობის დასაცავად, შესაბამისი ღონისძიებანი გაატაროს.უწმინდესნო მამანო, საქართველოს ეკლესიის ოფიციალურ პირთა უმოქმედობისა და უპასუხისმგებლობის გამო, მოგმართავთ თხოვნით, გავლენა მოახდინოთ საქართველოს ეკლესიაზე, რათა ოფიციალურმა იერარქიამ მიიღოს ყველა აუცილებელი გონივრული ზომა, რათა საქართველოს ათასობით მოქალაქის ინფიცირება და სიკვდილი თავიდან ავიცილოთ“- ნათქვამია განცხადებაში. #politics #news #opinion #photo #coronavirus Tbilisi Batumi
Gode Marr
Tbilisi, Georgia · 3 months ago
ქუთაისის ე.წ ცხელების ცენტრში ერთ პაციენტს კორონავირუსი დაუდასტურდა
ქუთაისში ე.წ. ცხელების ცენტრში კორონავირუსის კიდევ ერთი ფაქტი დადასტურდა. პაციენტი ვირუსის სიმპტომებით კლინიკაში შეიყვანეს. საშუალო ასაკის ქალს ანალიზები დღეს აუღეს და კორონავირუსი დაუდგინდა. პაციენტი ინფექციურ საავადმყოფოში გადაჰყავთ. კლინიკაში ამ დროისთვის ექვსი ინფიცირებული პაციენტია. ნაწილის მდგომაროება საშუალო სიმძიმისაა და ბოქსორებულ განყოფილებაში არიან მოთავსებული. #politics #news #opinion #photo #business #coronavirus Tbilisi Kutaisi Batumi
Gode Marr
Tbilisi, Georgia · 3 months ago
საქართველო იქნება ერთ-ერთი პირველი ვინც სამკურნალო პრეპარატს მიიღებს!
„მსოფლიოში ვიქნებით ერთ-ერთი პირველი ქვეყანა, რომელიც კორონავირუსის სამკურნალო პრეპარატს მიიღებს“ - ექსკლუზიური ინტერვიუ პაატა იმნაძესთან. “დაავადებათა კონტროლის და საზოგადოებრივი ჯანმრთელობის ეროვნული ცენტრის“ გენერალური დირექტორის მოადგილე პაატა იმნაძე ინტერვიუში აცხადებს, რომ საქართველო მსოფლიოში იქნება ერთ-ერთი პირველი ქვეყანა, რომელიც კომპანია “გილიარდისგან“ კორონავირუსის სამკურნალო პრეპარატს მიიღებს. მისივე თქმით, ჩვენს ქვეყანაში კორონავირუსით ინფიცირებულთა რიცხვი გაიზრდება, თუმცა ჩვენი ქვეყანა ეპიდემიას მომზადებული ხვდება. ამასთან, როგორც იმნაძემ სააგენტოსთან განაცხადა, საქართველოში უკვე მოქმედებს საგანგებო მდგომარების პირობებში არსებული შეზღუდვები, საგანგებო მდგომარეობის გამოცხადების გარეშე. -ბატონო პაატა, ამ ეტაპისთვის ქვეყანაში კორონავირუსის 35 შემთხვევა დადასტურდა. იძლევა თუ არა ეს მონაცემები განგაშის საფუძველს და რა რაოდენობით ელოდებით ინფიცირებულთა რაოდენობის გაზრდას? -მატებას ვერ აცდება ვერც საქართველო და ვერცერთი სხვა ქვეყანა. ასე რომ, ინფიცირების შემთხვევების მატებას ველოდებით. ჩვენი მთვარი ამოცანა არის ის, რომ ეს მატება მიმდინარეობდეს ნელი ტემპით და გავრცელება იყოს კონტროლირებადი. -საქართველოში არსებული ვითარება და მოსალოდნელი პროგნოზები, აჩენს თუ არა საფუძველს, რომ ჩვენს ქვეყანაში საგანგებო მდგომარეობა გამოცხადდეს? -საგანგებო მდგომარეობა ბევრმა ქვეყანამ გამოაცხადა მაშინ, როცა სიტუაცია კონტროლიდან იყო გამოსული. ჩვენთან, ის ყველაფერი, რაც საერთოდ კეთდება საგანგებო მდგომარეობის გამოცხადების დროს, გაკეთდა საგანგებო მდგომარეობის გამოცხადების გარეშე. ის განკარგულებები, რომლებიც საქართველოს ხელისუფელებამ გასცა, სხვა ქვეყნებში გაიცემა საგანგებო მდგომარეობის გამოცხადების დროს. საბედნიეროდ, ჩვენი მოსახლეობის აბსოლუტური უმრავლესობა გაგებით ეკიდება რეკომენდაციებს. ჯერჯერობით, შემიძლია, ასე ვთქვა, საქართველოში არის საგანგებო მდგომარეობა საგანგებო მდგომარეობის გამოცხადების გარეშე. ჩემი სამსახური საგანგებო მდგომარეობის რეჟიში უკვე ორი თვეა მუშაობს. კიდევ უამრავი ჩემნაირი სამსახური დიდი ხანია საგანგებო მდგომარეობაში მუშაობს. სწავლის შეწყვეტა, თავშეყრის ადგილებზე შეკრებების აკრძალვა და ა.შ. საგანგებო მდგომარეობის ნაწილებია. ჩვენს ქვეყანაში ეს ყველაფერი უკვე კეთდება, წინსწრებით გაცილებით ადრე, ვიდრე სხვა ქვეყნებში, რადგან ჩვენ უნდა დავასწროთ და არა მივყვეთ მოვლენებს. -როგორც ვიცით, რამდენიმე ქვეყანა კორონავირუსის პრევენციის მიზნით, ვაქცინის შექმნაზე მუშაობს. რამდენ ხანში იქნება საზოგადოებას ვაქცინით სარგებლბის უფლება დაშვებული? -ინდოეთი, ჩინეთი, ამერიკა, საფრანგეთი, ბრიტანეთი - ევროპის ყველა წამყვანი ქვეყანა ვაქცინაზე მუშაობს. ვაქცინების გამოცდა ადამიანთა ჯგუფზე უკვე დაიწყო და ამ კვლევებში ჩართვა ნებაყოფლობითია. იმისათვის, რომ ბაზარზე მოხვდეს, არანაკლებ ერთი წელიწადი, წელიწად-ნახევარია სჭირდება. ეს არის ყველაზე ნაკლები დრო იმისათვის, რომ ვაქცინა, გამოცდის დაწყებიდან, ბაზრზე მოხვდეს. საქართველოში ვაქცინაზე მუშაობა არ მიმდინარეობს. ვაქცინაზე მუშაობენ მძლავრი ქვეყნები, როლებსაც აქვთ ვაქცინების განვითარებული ინდუსტრია. საქართველოსნაირი პატარა ქვეყანა, რომელსაც ვაქცინების ინდუსტრია არა აქვს, მსოფლიოში რამდენიმეა. -შეესაბამება თუ არა რელობას ინფორმაცია, რომ კორონავირუსი 30 გრადუს ტემპერატურაზე ქრება? -არა, რადგან ტროპიკული სარტყელის ქვეყნებში და მითუმეტეს, სახრეთ ნახევარსფეროსა და ავსტრალიაში, სადაც ზაფხულია, კორონავირუსის შემთხვევა დაფიქსირდა და ვირუსის გადაცემა მოხდა. ავსტრალიაში ვირუსი ფართოდ არ გავრცელებულა, ამიტომ იმის იმედი, რომ სითბოში და ზაფხულში უფრო ნაკლები იქნება ვირუსის გადაცემა, შეიძლება, გვქონდეს. მაგრამ ის, რომ ზაფხულში ვირუსი საერთოდ არ გავრცელედება, ამის იმედი არა გვაქვს. -საქართველოში კორონავირუსისგან ერთი პაციენტი განიკურნა, ასევე, დადებითი ტენდენციები შეიმჩნევა სხვა პაციენტებზეც. რა მეთოდით მკურნალობენ ქართული მედიკოსები დაავადებულებს? -პროტოკოლი მთელ მსოფლიოში ერთი და იგივეა. ქართველი, ჩინელი და იტალიელი ექიმები ამ ავადმყოფებს ყველა ერთნაირი პროტოკოლით მკურნალობენ. ვირუსული პნევმონიის დროს მიმდინარეობს არასპეციფიური მკურნალობა. ორგანიზმში რა ცვლილებებიც ხდება, იმას ვასწორებთ. საქართველოში განსაკუთრებული არაფერი ხდება. მსოფლიოს ყველა ქვეყანა დაავადებულებს ერთნაირად მკურნალობს. ჯერ არ არსებობს დაავადების სამკურნალო სპეციფიკური მედიკამენტი. არსებობს მხოლოდ სიმპტომატური მკურნალობა. გამოცდები მიდის სხვადასხვა პრეპარატის, მათ შორის, ებოლასი, შიდსის, მალარიის და ა.შ. ერთ-ერთი ყველაზე წარმატებული ჩანს კოპანია “გილიარდის“ მიერ შექმნილი ვირუსის სამკურნალო მედიკამენტი. “გილიარდი“ საქართველოს დიდი მეგობარი კომპანიაა, რომლიც C ჰეპატიტის სამკურნალო პრეპარატს უფასოდ გვაწვდის. ახლა აშშ-სა და ჩინეთში “გილიარდის“ წმლის გამოცდა მიმდინარეობს. ამ კომპანიასთან მოლაპარაკებები დაწყებულია და იმ შემთხვევაში, თუ ეს პრეპარატი მკურნალობისთვის დაშვებული იქნება, საქართველო იქნება მსოფლიოში ერთ-ერთი პირველი ქვეყანა, რომელიც კორონავირუსის სამკურნლო პრეპარატს მიიღებს. Tbilisi #news #opinion #coronavirus
Deep In Tech
Poti, Georgia · 2 months ago
როგორ ცვლის კორონავირუსი ჩვენს ტექნოლოგიურ მომავალს
ჩინეთში ეპიდემიის ზრდასთან ერთად სრული კოლაფსი განიცადა ლოჯისტიკამ. ვირუსის მსოფლიოში გავრცელების პარალელურად, როცა პანდემია ყველა ქვეყანას შეეხო და ინფიცირებულთა რაოდენობამ 1 მილიონს გადააჭარბა, ტექნოლოგიური კომპანიებისთვის სიტუაცია კიდევ უფრო გართულდა, რადგან ვითარება არაპროგნოზირებადი გახდა. მიუხედავად ამისა, სატელეკომუნიკაციო და ტექნოლოგიური კომპანიები ადამიანებს უსაფრთხოების და ჯანმრთელობის დაცვაში ეხმარებიან — უფრო ხელმისაწვდომი გახდა ვიდეოკონფერენციების სერვისები, კომპანიები ეხმარებიან მთავრობას ზუსტი ინფორმაციის ეფექტიან გავრცელებაში. გარდა ამისა, პანდემიასთან ბრძოლაში ჭკვიანი ქალაქების ტექნოლოგიების მიმართ ინტერესი სულ უფრო იზრდება. წარმოების ჯაჭვის დარღვევა ჩინეთში დაწყებულმა ეპიდემიამ რეგიონში არსებულ საწარმოებს მნიშვნელოვანი სირთულეები შეუქმნა. საწარმოების თანამშრომლები, როგორც სხვა მოქალაქეები მასობრივად ხვდებოდნენ კარანტინში ან ინფიცირდებოდნენ, რის გამოც მსხვილ კომპანიებს წარმოების შემცირება ან ქარხნების სრული დახურვა უწევდათ. ამან მსოფლიო ბაზარზე სამომხმარებლო ტექნიკის დეფიციტი შექმნა. მაგალითისთვის, Foxconn-ის საწარმოს დახურვამ Apple-ის ტექნიკისა და სათადარიგო ნაწილებზე სერიოზული დეფიციტი გამოიწვია. შედეგად, iPhone-ების გაყიდვების პირველი კვარტლის პროგნოზი 10%-ით შემცირდა. მსოფლიოში სწრაფად ცვალებადი ვითარების გამო მსგავსი უარყოფითი შედეგი ვერც სათადარიგო კრიზისულმა გეგმამ გამოასწორა. გაზრდილი მოთხოვნა 5G ქსელზე 5G ქსელის ელვისებრი სისწრაფე აღნიშნულ ტექნოლოგიას დისტანციური მუშაობის ეპოქაში სასიცოცხლოდ მნიშვნელოვანს ხდის. ტელემედიცინა და ტელეკონფერენცია — ეს ის ორი გამორჩეული დარგია, სადაც სწრაფი და სტაბილური მობილური ინტერნეტის არსებობა ისეთივე აუცილებელია, როგორც უწყვეტი ელ.მომარაგება. აღნიშნული გარემოება კი 5G ქსელის მიმართ, უსაფუძვლო კონსპირაციული თეორიების მიუხედავად, დაინტერესებას მხოლოდ ზრდის. გაზრდილი ინტერესი ვირტუალური რეალობის (VR) მიმართ სამუშაო პროცესის გასაუმჯობესებლად ისეთმა კომპანიებმა, როგორებიც არიან Apple, გუგლი და მაიკროსოფტი, საკუთარი თანამშრომლები სახლიდან მუშაობის რეჟიმზე გადაიყვანეს. მსგავსი შეზღუდვები უამრავ კომპანიაში მოქმედებს, რაც პანდემიასთან ბრძოლის ერთ-ერთი ეფექტური საშუალებაა. თუმცა ეს ცვლილება როგორც მსხვილი, ისე საშუალო და მცირე კომპანიებისთვის სამუშაო პროცესის გართულებას იწვევს, რის მოსაგვარებლადაც მსოფლიოში ვირტუალური რეალობის ტექნოლოგიის გამოყენებას განიხილავენ. VR ტექნოლოგიის გამოყენება პრაქტიკული იქნება ისეთი თათბირების დასაორგანიზებლად, სადაც თანამშრომლებმა შენობის მაკეტი ან სამომავლო პროდუქტის პროტოტიპი უნდა განიხილონ. ე.წ. ჭკვიანი ქალაქების ტექნოლოგიის განვითარებაში ინვესტიციების ზრდა ფოტო: Getty Images მსოფლიო მასშტაბით გაზრდილია მოთხოვნილება ჭკვიანი ქალაქის ტექნოლოგიების მიმართაც. მაგალითისთვის, ცხელების მქონე ადამიანების გამოსავლენად ჩინეთის პოლიცია უპილოტო აპარატების საშუალებით მოსახლეობის თერმო სკრინინგს ახორციელებს. სამხრეთ კორეაში კი თვითიზოლაციაში მყოფი ადამიანებისთვის სპეციალური აპლიკაცია შეიქმნა, რომელიც დისტანცირების მიუხედავად მნიშვნელოვანი ყოველდღიური ამოცანების შესასრულებლად გამოიყენება. ავსტრალიის ხელისუფლებამ სპეციალური ჩატ ბოტი შექმნა, რომელიც მოქალაქეებს კორონავირუსთან დაკავშირებით ზუსტ ინფორმაციას აწვდის, რითაც ხელს უშლის დეზინფორმაციის გავრცელებას. ჭკვიანი ქალაქის გადაწყვეტების უმეტესობა მოქალაქეების ყოველდღიური საქმეების შესრულებას ემსახურება. ასეთი სისტემების ეფექტური მუშაობისთვის კი აუცილებელია ქალაქებსა და დასახლებულ პუნქტებში უზრუნველყოფილი იყოს უწყვეტი და გამართული საკომუნიკაციო და ელ.მომარაგების ინფრასტრუქტურა. Business Insider-ის შეფასებით, ჭკვიანი ქალაქების განვითარებისთვის გამოყოფილი ინვესტიციები 2025 წლისთვის $295 მილიარდ აშშ დოლარს მიაღწევს. იმ შემთხვევაში, თუ ჭკვიანი ქალაქების ტექნოლოგიები პანდემიასთან ბრძოლას უფრო ეფექტურს გახდის, შესაძლოა, მთავრობებმა აღნიშნული ტექნოლოგიები ერთ-ერთ პრიორიტეტულ მიმართულებად მიიჩნიონ. ხელოვნური ინტელექტი კორონავირუსთან საბრძოლველად მსოფლიო ტექნოლოგიური გიგანტები თანხმდებიან, რომ ხელოვნურ ინტელექტს (AI) პანდემიასთან ბრძოლაში უდიდესი წვლილის შეტანა შეუძლია. ხელოვნური ინტელექტი უკვე აქტიურად გამოიყენება ისეთი ამოცანების შესასრულებლად, როგორებიცაა ეპიდემიის გავრცელების პროგნოზირება და შესაძლო სცენარების მოდელირება, ვირუსის დიაგნოსტირება, მკურნალობის პროცესის მონიტორინგი, სამედიცინო საშუალებების მიწოდება, სამედიცინო ინვენტარის სტერილიზაცია, ვირუსის შესწავლა და მისი სამკურნალო საშუალების შემუშავება, ინფიცირებული ან საეჭვო სიმპტომების მქონე ადამიანების იდენტიფიცირება, დეზინფორმაციასთან ბრძოლა და სხვა. ცალსახაა, რომ ხელოვნური ინტელექტი პანდემიასთან საბრძოლველად ერერთი უალტერნატივო იარაღია. #technology #tech #news #opinion #photo #covid19 #coronavirus
კონემიკა საინფორმაციო
Tbilisi, Georgia · 3 months ago
საქართველომ დღევანდელ პანდემიასთან მიმართებაში პირველი დანაკარგი განიცადა.
საქართველოში კორონავირუსის შედეგად გარდაცვალების პირველი შემთხვევა დაფიქსირდა. ამის შესახებ საუნივერსიტეტო კლინიკის დირექტორმა ლევან რატიანმა ჟურნაისტებს აღნიშნულთან დაკავშირებით განუცხადა. საუბარია 79 წლის ქალზე, რომელიც კლინიკაში 31 მარტს მოათავსეს. ის მარნეული-ბოლნისის კლასტერის წარმომადგენელი იყო. მისი მდგომარეობა თავიდანვე კრიტიკულად იყო რის ფონზეც სავალალო შედეგამდე მივედით. ლევან რატიანის კომენტარი მომხდართან დაკავშირებით "თქვენ იცით, რომ 31 მარტს ჩვენ კლინიკაში, კრიტიკული მედიცინის დეპარტამენტში შემოყვანილი იქნა კრიტიკული პაციენტი, ასაკით 79 წლის, რომელთანაც დადასტურებული იყო კოვ-ინფექცია. ასევე მინდა გითხრათ ამ პაციენტის შესახებ, რომ ანამნეზში მასთან იყო ბოლო 6 თვის განმავლობაში წონის მკვეთრი დეფიციტი. ჩატარებული კლინიკური კვლევების შედეგად ორმხრივად დადასტურდა მწვავე პნევმონია, ასევე დადასტურდა პნევმოთორაქსი, მწვავე რესპირატორული დისტრესი. შემოყვანისთანავე დადასტურდა მწვავე სეფსისი ჰემოდინამიკის რღვევით. მოგეხსენებათ, რომ ამ კვლევების შემდეგ პაციენტი მოთავსდა რეანიმაციულ განყოფილებაში, დაწყებულ იქნა სიმპტომური და პათოგენეზური მკურნალობა, მაგრამ დღეს დილით, 9 საათზე სამწუხაროდ დაფიქსირდა ლეტალობა“. სამწუხაროა მედიკოსების ამხელა შრომის მიუხედავად თუნდაც ერთი სიცოცხლის დაკარგვა, ეს მაზოლზე აჭერს ფეხს მარნეულ-ბოლნისის მუნიციპალიტეტს, სადაც საკარანტინო ნორმები დროზე ადრე ვერ დაწესდა. #news #opinion #coronavirus #covid19 #marneuli #დარჩისახლში #stayathome
კონემიკა საინფორმაციო
Kutaisi, Georgia · 3 months ago
კოვიდ-19 კვირის შეჯამება
ამ დროისთვის, საქართველოში კორონავირუსის 174 ფაქტია დადასტურებული. ვირუსისგან უკვე გამოჯანმრთელდა 36 პაციენტი, ხოლო, მთელი საქართველოს მასშტაბით, 134 ადამიანი მკურნალობას განაგრძობს. Covid-19-მა ჩვენს ქვეყანაში 4 და 5 აპრილს 2 პაციენტი იმსხვერპლა. ვირუსისგან 79 და 81 წლის ქალი გარდაიცვალა. Stopcov.ge-ზე განთავსებული ინფორმაციის მიხედვით, კარანტინის რეჟიმში - 5067, სტაციონარში მეთვალყურეობის ქვეშ კი, 330 პირი რჩება. მედიკოსები მოქალაქეებს მაქსიმალურად სოციალური დისტანცირებისკენ მოუწოდებენ. #news #opinion #coronavirus #corona #covid19 #covid #სიახლე #სიახლეები #კორონავირუსი #კორონა #კოვიდ19 #დარჩისახლში
კონემიკა საინფორმაციო
Kutaisi, Georgia · 3 months ago
მოსკოვში 8 მღვდელს კორონავირუსი დაუდასტურდა
მოსკოვის ეკლესიების 8 მღვდელს კორონავირუსი დაუდასტურდა, - ამის შესახებ ინფორმაციას რუსული მედია ავრცელებს. მათივე ინფორმაციით, კორონავირუსის სიმპტომები კიდევ სამ მღვდელს აღენიშნება, თუმცა მათი დიაგნოზი მოგვიანებით გახდება ცნობილი. რუსეთის მართლმადიდებლური ეკლესიის სამუშაო ჯგუფის განმარტებით, რისკის ქვეშ მოსკოვის 6 ეკლესიის მრევლი აღმოჩნდა. მათ ყურადღების გამოჩენისა და თვითიზოლაციისკენ მოუწოდებენ. შეგახსნებთ, რუსეთის მართლმადიდებლური ეკლესიის პატრიარქმა კირილმა მრველს არაერთხელ მოუწოდა, თავი შეიკავონ ეკლესიებში სიარულისგან და სახლში ილოცონ. გუშინ კი რუსეთის ეკლესიის წარმომადგენელმა განაცხადა, რომ რუსეთის მართლმადიდებელი ეკლესია გონივრულს უწოდებს ხელისუფლების გადაწყვეტილებას, სააღდგომო დღეებში სასაფლაოზე გასვლის აკრძალვის შესახებ, რაც კოვიდ-19 ინფექციასთან არის დაკავშირებული. მისი აზრით, ხელისუფლების ამგვარი გადაწყვეტილება ბევრ ადამიანს დაიცავს ინფექციისგან. #news #opinion #religion #coronavirus #corona #covid19 #covid #stopcovid19 #stopcov #stopcoronavirus #სიახლე #სიახლეები #კორონავირუსი #კორონა #კოვიდ19Tbilisi Kutaisi Batumi
Kato Malania
Tbilisi, Georgia · 1 month ago
20 საინტერესო ფსიქოლოგიური ფაქტი ადამიანის ქცევაზე
1. ყველა მეგობრული ურთიერთობა, რომელიც 16-დან 28-მდე წლებში იწყება ძირითადად უფრო მყარია და დიდხანს გრძელდება 2. ქალები ძირითადად ისეთ კაცებს ანიჭებენ უპირატესობას, რომლებსაც ჩახლეჩილი ხმა აქვთ, რადგან ისინი უფრო თავდაჯერებულები და არააგრესიულები ჩანან 3. ადამიანები, რომლებიც საუკეთესო რჩევებს იძლევიან ხშირად ისინი არიან, ვისაც ყველაზე მეტი პრობლემა აქვს 4. რაც უფრო ჭკვიანია ადამიანი, მით უფრო სწრაფად ფიქრობს ის და მით უფრო გაურკვეველია მისი ხელწერა 5. ჩვენი ემოციები არ ახდენენ გავლენას ჩვენი კომუნიკაციის გზებზე, არამედ პირიქით, ჩვენი კომუნიკაციის გზები ახდენენ გავლენას ჩვენს ხასიათზე 6. იმას, თუ როგორი დამოკიდებულება აქვს ადამიანს რესტორნის მომსახურე პერსონალთან ბევრი რამის თქმა შეუძლია მის პიროვნებაზე და ხასიათზე 7. ადამიანები, რომლებსაც აქვთ დანაშაულის ძლიერი შეგრძნება უკეთესები არიან სხვა ადამიანის ფიქრებისა და შეგრძნებების ამოცნობაში 8. მამაკაცები არ არიან ქალებზე სასაცილოები: ისინი უბრალოდ მეტად ხუმრობენ და არ აინტერესებთ მოსწონთ თუ არა სხვებს მათი იუმორი 9. ქალებს აქვთ ორჯერ მეტი ტკივილის რეცეპტორი სხეულზე ვიდრე მამაკცებს, მაგრამ ისინი ტკვილის მიმართ ბევრად დიდი გამძლეობითაც გამოირჩევიან 10. მაღალი-სიხშირის მუსიკის მოსმენა გამშვიდებთ, გადუნებთ და გაბედნიერებთ 11. სასიამოვნო მოკლე ტექსტური შეტყობინებები დილით და საღამოს თქვენი გონების იმ ნაწილს ააქტიურებენ, რომელიც პასუხისმგებელია ბედნიერების აღქმაზე 12. იმის კეთება, რაც გაშინებს, ბედნიერს გხდის 13. ქალის მიერ საიდუმლოს შენახვის საშუალო დრო 47 საათი და 15 წუთია 14. ადამიანები, რომლებიც ცდილობენ რომ გარშემო ყველა გააბედნიერონ, საბოლოოდ თვითონ რჩებიან მარტონი 15. როცა საყვარელი ადამიანის ხელი გიჭირავთ, უფრო ნაკლებ ტკივილს გრძნობთ და ნაკლებად დარდობთ 16. ჭკვიან ადამიანს უფრო ნაკლები მეგობარი ჰყავს ვიდრე საშუალოს. რაც უფრო გონიერია ადამიანი, მით უფრო სელექციურია ის 17. ქორწინება საუკეთესო მეგობართან განქორწინების რისკს 70%-ით ამცირებს და ასეთი ურთიერთობა სიცოცხლის ბოლომდე გრძელდება 18. ქალები, რომლებსაც უფრო მეტი მამაკაცი მეგობარი ჰყავთ ხშირად უფრო კარგ ხასიათზე არიან 19. ადამიანები, რომლებიც რამოდენიმე ენაზე საუბრობენ, შეიძლება გაუთვითცნობიერებლად შეეცვალოთ პიროვნულობა, როდესაც სხვა ენაზე იწყებენ საუბარს 20. როცა ორი ადამიანის საუბრისას ერთ-ერთი ფეხს გამუდმებით ამოძრავებს მოსაუბრისგან საპირისრირო მიმართულებით ნიშნავს, რომ არ ეთანხმება მეწყვილეს და წასვლა სურს#psychology #psychoanalysis #body #bodylanguage #face #facts #interesting #interestingfact #lonely #opinion #science #news #photo #art #design წყარო: facts.ge Tbilisi
Gvantsa Gadelia
Tbilisi, Georgia · 2 days ago
ბეტონის ჯუნგლები ( ეკოლოგია)
ბეტონის ჯუნგლები. 4,5 მილიარდი წლის წინ დედამიწაზე აპოკალიფტური სიტუაცია იყო. 100 მილიარდი წლის შემდეგ, ის გამწვანდა, თუმცა მეტეორიტების წვიმამ, ლავამ და გამყინვარებებმა სიცოცხლე მასობრივად გადააშენა. თუ მსოფლიოს პანდემიის გამოჩენით გამოწვეულ დიდ მინუსს გვერდზე გადავდებთ, ვდგავართ საკმაოდ დიდი გამოწვევის წინაშე, რომლის მიზეზი არ სახელდება მსოფლიოში მიმდინარე მოვლენები. გარემოს დაბინძურება ტექნოლოგიური პროგრესის შედეგია და საფრთხეს უქმის მთლიანად დედამიწის სიჯანსაღეს, ანგრევს მის ეკოსისტემას და ხელს უწყობს კლიმატურ ცვლილებებს. პასუხისმგებლობა თავიდან ბოლომდე ეკისრებათ 200 000 წლის წინ გაჩენილ არსებებს - ადამიანებს. ჩვენივე ხელით ვამცირებთ სიცოცხლის ხანგრძლივობას, რადგან მსოფლიოს ჯანდაცვის ორგანიზაციის მონაცემებით, ჰაერის დაბინძურება წელიწადში სამი მილიონი ნაადრევი სიკვდილის გამომწვევი მიზეზია. ატმოსფერული ჰაერის დაბინძურების მთავარ წყაროდ მიიჩნევა: უმთავრესად ტოქსიკური ნივთიერებები და ტრანსპორტის გამონაბოლქვი. ჩვენი უძველესი და ულამაზესი დედაქალაქი გადაიქცა „ბეტონის ჯუნგლებად.“ როგორ არ გავიგუდოთ „ბეტონის ჯუნგლებში“?! გააქტიურებული მანქანების სიმრავლიდან გამომდინარე, ჟანგბადი საგრძნობლად შემცირდა. იმისთვის რომ დანიშნულების ადგილამდე მიაღწიო, ჩვეულებრივ ცხოვრებაში თუ დაგვჭირდებოდა 10-15 წუთი, ჩვენ ვხარჯავთ 2 საათს, რაც გვართმევს ბოლო ძალებს. ჯერ კიდევ გვაქვს ილუზია, რომ ჩვენ ვაკონტროლებთ სიტუაციას. არადა სინამდვილეში, სიტუაციას „ბეტონის ჯუნგლები“ აკონტროლებს. უსულო არსება, რომელიც აიძულებს ადამიანებს თავისი წესების შესრულებას. თბილისი პატარა, თუმცა დიდი ენერგიის მატარებელი ქალაქია. ერთი შეხედვით, ისეთი თბილია, აქ ჩამოსული სტუმარი, გულგრილი ვერასდროს რჩება. იგრძნობა სასწაული ისტორია, ამას ემატება დედაქალაქის ირგვლივ შემორჩენილი გამწვანებული გარემო, შეიგრძნობ აურას, აღიქვამ ფერებს. თუმცა ტურისტის სტატუსიდან გამოსვლას ვერ ასწრებ და ეგრვე გრძნობ სიმკაცრეს. ხეების ადგილას მყარ ცათამბრჯენებსა და ჩამწკრივებულ მაღალსართულიან სახლებს, პოლიეთილენისა და ქაღალდის პარკების სიმრავლეს, დაუმთავრებელ მანქანების რიგსა და პლასტმასის ბოთლებით აკრაჭუნებულ ასფალტს. იგრძნობა უდიდესი ქედმაღლობა და უფრო მეტი ადამიანური ამბიციები. იმისთვის რომ სიცოცხლე გაიხანგრძივო, საჭიროა დაუპირისპირდე არა მხოლოდ შენს სისუსტეებს, არამედ გამუდმებით ებრძოლო“ ბეტონის ჯუნგლებს“. ეს პატარა ქალაქი უმოწყალოა. დასავლური ტექნოლოგიების კონცეფცია ასწავლის როგორ გახდე ყველაზე ძლიერი მონადირე, როგორ დაიპყრო სიმაღლეები. ის ხომ აბიციურია და არ შეუძლია ერთ ადგილას გაჩერება. ცუდი ეკოლოგიის პირობებში, კონკურენტების ფონზე, თბილისის მოსახლეობა მაინც მიიწევს წინ მიზნისკენ. ისინი საცხოვრებლად ეკოლოგიურად სუფთა უბნებს არჩევენ. ერთიანი ძალისხმევა სასურველ ეფექტს მოიტანს. დედამიწაზე სტუმრად მოსულებმა უნდა ავიმაღლოთ შეგნება და არ დავაბინძუროთ გარემო სხვადასხვა სახის ნაგვით, რომელსაც ბუნება დიდი ხნის მაძილზე ვერ ამუშავებს. მნიშვნელოვანია გამონაბოლქვის შემცირება, ჩანაცვლება ჰიბრიდული და ელექტრო მანქანებით. ფაბრიკა-ქარხნების მიერ გამფილტრავი მექანიზმების დაყენება. თითოეული ახალი ტექნოლოგიები უნდა იყოს ერთიან მოთხოვნათა სისტემაში. ამ სისტემის უმთავრესი ამოცანა კი, ეკოლოგიური უსაფრთხოება გახდეს. ყველაზე მთავარი და საინტერესო გამოწვევა „ბეტონის ჯუნგლებისგან“ არის ერთობა, იმის მოხერხება, თუ როგორ დააბალანსო ერთად სიმწვანე და განვითარება. გახდე ეკო-მეგობრული. მასზე გამარჯვება გაძლევს თავისუფლებას. შენ მოახერხებ ქალაქზე მაღლა აფრენას, ჩაისუნთქავ ჟანგბადს, რაც აქ გაკლია, დაინახავ ნამდვილ მზეს და რაც მთავარია ძალებსაც დაზოგავ. ვისწავლოთ ერთად გარემოზე ზრუნვა, რომ მივაღწიოთ ჩვენს მიზნებს. #feedc #feedcgrant #ჯანსაღიცხოვრება #მეცნიერება #ტექნოლოგიები #ახალიამბები