აქვე, შესავალში კიდევ ერთხელ აღვნიშნავ, რომ ეს ფაზები არ ეხებათ მაჩო და ექსტრავერტ ბიჭებს, რომლების აღშფოთებაც გამოიწვია წინა სტატიამ და ლამის თავიანთი ექსელის ფაილები გამოაქვეყნეს, რამდენი გოგოსთვის მიუწერიათ და უფრო მეტიც - რამდენი გოგო წერს მათ თავისი ინიციატივით. ძალიან გთხოვთ, გვაცადეთ ცხოვრება. ვიდრე ახალ 7 ფაზაზე გადავალთ, გავიხსენოთ რა მოხდა წინა სერიაში. ე.ი. 7 მტანჯველი ფაზის შემდეგ, როგორც იქნა, მივწერეთ გოგოს, რომელიც მოგვწონს. შემდეგ, როგორც ნამდვილ დრამას შეეფერება დავტოვეთ ე.წ. "კლიფჰანგერი" და მკითხველს მივეცით საშუალება გამოეთქვა თავისი ვარაუდები. ამ პერიოდში გაჩნდა მოსაზრება, რომ ეს გოგო უბრალოდ დაგვსინავდა (აქვე აღვნიშნავ, რომ პირველი პირის მრავლობითში ზოგადად ინტროვერტი ბიჭებს ვგულისხმობ და არა ჩემს თავს. ინტროვერტ ბიჭებს განდიდების მანია არ გვახასიათებს). რაც შეეხება დასინვას, საქმე ისაა, რომ დასინვამდე ჯერ კიდევ ბევრი დროა და მთელი 7 ფაზაა გასავლელი. აი, მესენჯერში Seen-ის დაწერის შემდეგ კი, ცალკე ფაზები იწყება. მაშ ასე, მომდევნო 7 ფაზა ანუ რა ჯანდაბა ხდება, "ჰეის" მიწერიდან - Seen-ის ანთებამდე. I ფაზა: მოზღვავებული ადრენალინი დრო მიწერიდან: მაშინვედან - 2 წუთამდე. როგორც გახსოვთ, წინა 7 ფაზაში არსებობდა სუნთქვის სრულიად ახლებური მეთოდი, ე.წ. ჰუ-ჰუ-ჰუური. აქ ეს სუნთქვა აღარ გამოდგება. აქ საჭიროა ერთი დიდი ჰუ. ამ დროს ორგანიზმიდან ჟანგბადის მთელი მარაგი გამოდის და: იწყება ტვინის ოდნავი შეშუპება ფილტვებს უჩნდება ბზარები სისხლი პანიკაშია თვალები გასაოცარ ფერებში ხედავენ სამყაროს სადღაც კუთხეში დგას ცელიანი შავოსანი მთელი ცხოვრება თვალ წინ ჩაგვივლის - განსაკუთრებით დეტალურად ის 7 ფაზა, რომელიც რამდენიმე წუთის წინ გავიარეთ ხელები და ფეხები გვიბუჟდება ვეცემით ძირს და ვეგუებით სიკვდილს მაგრამ ამ დროს გული იწყებს ფართხალს და ტვინს ახსენებს, რომ არსებობს ფუნქცია სახელად ჩასუნთქვა. გადავრჩით! შესაბამისად, აქედან შეგვიძლია დავასკვნათ, რომ გოგოსთვის მიწერით არ მოვკვდებით. ძალიან საინტერესო და სასარგებლო დასკვნაა, მაგრამ საქმე ისაა, რომ ჩვენი კოგნიტური ნაწილი ამ ინფორმაციას საგულდაგულოდ მალავს. ამოსუნთქვის შემდეგ ყველა სასიცოცხლო ფუნქცია ლაგდება და კვლავ ადამიანებს ვემსგავსებით. II ფაზა: შროდინგერის გოგო დრო მიწერიდან: 2 წუთიდან - 4 წუთამდე ეს ფაზა პანიკის ერთგვარი ფორმაა, რომელიც გულისხმობს, იმას რომ უკვე დავიწყეთ გულწრფელი სინანული. ვრთავთ კომპიუტერს/ლეპტოპს, ტელეფონს ვაგდებთ სავარძელზე ან ტახტზე და გავდივართ გვერდით ოთახში, სადაც თავს ვიდებილებთ. ვცდილობთ არ ვიფიქროთ მომხდარზე. და თავს ვიმშვიდებთ რომ თუ: ამ მოგონებას ტვინიდან ამოვშლით ტელეფონს აღარასოდეს დავხედავთ კომპიუტერს არასოდეს ჩავრთავთ მეგობარს ვთხოვთ შევიდეს და ფეისბუქი ჩვენს მაგივრად გააუქმოს ქვეყნიდან წავალთ და აღარასოდეს დავბრუნდებით იუსტიციის სახლში გავივლით და სახელსა და გვარს შევიცვლით მივაკითხავთ პლასტიკური ქირურგიის ცენტრს და გარეგნობას შევიცვლით თვალებს ამოვითხრით და მაცივარში შევინახავთ და ა.შ. მაშინ ვერც ვერასოდეს ვნახავთ და გავიგებთ ამ გოგომ ნახა ჩვენი მიწერილი თუ არა. ანუ ერთ დროულად ნანახიც ექნება და თან არ ექნება ნანახი. ჩვენ დავიჯერებთ, რომ არ ექნება ნანახი და ვიქნებით მშვიდად, ვიდრე სამყაროს აღსასრულამდე. III ფაზა: რაც მოხტა - მოხტა დრო მიწერიდან: 4 - 6 წუთი უკან დასახევი გზა არ არსებობს, უკვე მიწერილია, ყველა ხიდი დამწვარია, ფეისბუქის სათავო ოფისში ნაცნობი, რომელსაც ვთხოვთ, რომ ჩვენი მიწერილი ადრესატის ინბოქსიდან გააქროს, არ გვყავს და არც დროის მანქანა არ გვაქვს, რომ უკან გადავიდეთ და ჩვენი თავი დავარწმუნოთ, რომ არ ღირს ამის გაკეთება - ანუ მიწერა. ამიტომ დროა დავმშვიდდეთ, მაინც ვერაფერს შევცვლით და ტყუილად რატომ უნდა ავიშალოთ ნერვები? ახლა მთავარია კარგად მოვკალათდეთ, ვიყუროთ სივრცეში და ვიფიქროთ უკეთეს მომავალზე, ან პარალელურ სამყაროზე, რომელშიც არსებობს ალტერნატიული რეალობა და ჩვენს ალტერნატიულ თავს საერთოდ არ მიუწერია არავისთვის არაფერი, ხოლო მეორე ალტერნატიულ სამყაროში, საერთოდ ექსტრავერტები ვართ და გოგოები იქით გვწერენ, როგორც ფეისბუქზე ამ სტატიის შეარებზე დაფიქსირებულ მამაკაცთა აბსოლუტურ უმრავლესობას. ამ დროს სჭარბობს საკუთარი თავის მიმართ ნათქვამი შემდეგი ფრაზები: "კაი, შეჩემა არაუშავს!" "ნიჩიო, ეს არ იქნება სხვა იქნება!" "რა სხვა იქნება, შენ ხო არ გაგიჟდი?" "კაი, ნუ იქნება" "ჰოდა, ეგრე!" IV ფაზა: მოუთმენლობა დრო მიწერიდან: 7 - 10 წუთი ეს ფაზა სრული ტრანსფორმაციაა. ემოციებისგან დაცლილები ვართ, პარალელურ სამყაროში ყველაფერი დალაგებულია, ყველაფერი მოსაბეზრებელი ხდება. ვიცით, რომ აღარაფერი შეიცვლება და თან აღარც გვინდა, რომ შეიცვალოს. პირიქით! ძალიანაც კმაყოფილები ვართ საკუთარი თავით. მაგრამ მცირე პანიკა მაინც შეინიშნება. რა საჭიროა, XXI-ე საუკუნეში, მესიჯის სანახავად 7-10 წუთი. რა ზოზინია ეს? რა უპასუხისმგებლობაა? არ უნდა გაითვალისწინოს, რომ ადამიანები ვიტანჯებით? რა გულქვობაა ეს? გამომივიდა ესეც ძალიან დაკავებული! ძალიან გვინდა, რომ ნახოს და ბოლოს და ბოლოს გავიგოთ, რა მოხდება. რატომ არ ნახულობს ამდენ ხანს? არადა წეღან მწვანედ ენთო. და ვიწყებთ ვერსიების ჩამოყრას: უეჭველი, რომ ამოუხტა ჩეთი, წაიკითხა და დახურვას დააჭირა, რომ არ დავესინე ნწ, არაა სინგლი და თავის შეყვარებულთან ერთადაა უეჭველი დაქალებთან ერთად იქნება ახლა სადმე და მე რო ამოვუხტი დამცინიან შეიძლება ფიქრობს თავიდან როგორ მომიშოროს ამ ფაზის ბოლოს წარბებს ვკრავთ და ძააან "დასტოინად" ვისვრით ტელეფონს სავარძელში ან ტახტზე. V ფაზა: ნარცისიზმი დრო მიწერიდან: 10 - 12 წუთი ძაან სხვათა შორის, აი, ძაან ბუნებრივად და ძაან ღირსეულ-დასტოინად ჩავუვლით ტელეფონს ან ლეპტოპს. ვითომ ნოტიფიკაციების შემოწმება გვინდა ან ამინდის. კიდევ არ უნახავს. არ უნახავს და ნუ უნახავს! არ უნდა ჩვენნაირი კაი ტიპი და იყოს მასე. ამ დროს ვწერთ იმ მეგობარს, რომელთანაც კონსულტაციებს გავდიოდით: "აი, რას მიწუნებს ერთი? ძაან მაინტერესებს?" "ვისზე ნაკლები ვარ?" "არ უნდა და იყოს მასე" "აქეთ მომწეროს, რა!" "აი, რა ვერ ნახა?" და ა.შ. ჩვენი მეგობარი ამ დროს კიდევ უფრო ნერვებმოშლილია და მხოლოდ ერთ სიტყვას გვწერს: "აცადე!" VI ფაზა: ისტერიკა დრო მიწერიდან: 13 - 15 წუთი მორჩა, სამყარო თავზე ჩამოგვენგრა, ბოლო იმედი გადაგვეწურა, ვთვლით, რომ ეს იყო ყველაზე დიდი შეცდომა რაც ოდესმე დაგვიშვია ცხოვრებაში. რატო ღმერთო? რა მინდოდა? რატომ მივწერე? ვინ მექაჩებოდა კლავიატურაზე? რატომ ის დღე არ დაიწვა, როცა თვითშეფასება ოდნავ ამეწია! ნეტა ინტერნეტი გაითიშოს მთელს მსოფლიოში! ნეტა ზომბი აპოკალიფსი დაიწყოს! ნეტა ნებისმიერი აპოკალიფსი დაიწყოს! ნეტა მოვკვდე! VII ფაზა: ეჰ! მორჩა! ყველაფერი დამთავრდა. არაუშავს. მთავარია, რომ ყველაფერი დამთავრდა და აწი შეგვიძლია გავაგრძელოთ მშვიდად ცხოვრება. სანერვიულო აღარაფერია, გასულ 15 წუთი ისე გვახსენდება, თითქოს 15 წელი გავიდა. ჰაჰ! ვიხსენებთ და გვეცინება რა სულელები ვიყავით 15 წუთის წინ. მართალი ყოფილა, რომ ამბობდნენ, გავა დროს და გაგეცინება ყველაფერზეო. დრო ყველაფრის მკურნალიაო და ა.შ. თან ძალიან მაგარი მკურნალი ყოფილა 15 წუთში მოაგვარა ყველაფერი. ამ დროს ვიღებთ ტელეფონს, შევდივართ მესენჯერის აპში რომ მეგობარს მივწეროთ ემოციური როლერ-კოსტერის წარმატების დასრულების შესახებ და მივულოცოთ მას, რომ აწი ან აღარასდროს ან კიდევ დიდხანს აღარ შეწუხდება მსგავსი თავგადასავლით. და ამ დროს, თვალი გაგვირბის ჩვენს მინაწერზე და იქ, ბოლოში, მიწერის დროის ქვეშ, პატარა მრგვალი წერტილი მოსჩანს, რომელშიც მისი პროფილის ფოტოს მინი ვერსიაა - ანუ ნახა! შემდეგ სერიაში: 7 ფაზა, რომელსაც ინტროვერტი ბიჭები გავდივართ, Seen-დან - პასუხის მიღებამდე.

ჰარი პოტერის წიგნების სერიის ავტორმა ჯოან როულინგმა რამდენიმე დღის წინ ტვიტერზე ტრანსგენდერი ქალების შესახებ გამოთქმული მოსაზრებების გამო კრიტიკა დაიმსახურა. "თუ სქესი რეალური არ არის, მაშინ ქალების ცხოვრების გლობალური გამოცდილებაც უნდა გავაქროთ. მე ვიცნობ და მიყვარს ტრანსგენდერი ადამიანები, მაგრამ სქესის ცნების წაშლით, ასევე უარვყოფთ ქალების ცხოვრების შესახებ მნიშვნელოვან განხილვებს. სიმართლის თქმა ვინმეს მიმართ სიძულვილს არ გამოხატავს," — როულინგის განცხადებებს შორის ერთ-ერთი სწორედ ეს იყო. სოციალურ ქსელებში ათასობით მომხმარებლის და თავად ტრანსგენდერი ადამიანების უარყოფით გამოხმაურებასთან ერთად, ამ ცნობილი ბრიტანელი მწერლის ტვიტების შესახებ თავიანთი აზრი ჰარი პოტერის სამყაროსთან დაკავშირებულმა ცნობილმა სახეებმაც დააფიქსირეს. ერთ-ერთი პირველი, ვინც ამ საჯარო განხილვებში ჩაერთო, როულინგის წიგნების მიხედვით გადაღებულ ფილმებში ჰარი პოტერის როლის შემსრულებელი, დენიელ რედკლიფი იყო. "ტრანსგენდერი ქალები ქალები არიან. ნებისმიერი საწინააღმდეგო განცხადება მცდელობაა ტრანსგენდერი ადამიანების იდენტობისა და ღირსების შელახვისა, რაც სამედიცინო სფეროს იმ პროფესიონალების მიერ გაცემულ ცნობებს ეწინააღმდეგება, რომელთაც ამ საკითხზე იმაზე მეტი ცოდნა აქვთ, ვიდრე მე ან ჯოანს", — განაცხადა მან. რედკლიფმა ასევე ბოდიში მოუხადა იმ მკითხველებს, რომლებმაც მწერლის ამ განცხადებების გამო ჯადოსნური წიგნების სერიაზე გული აიცრუა: "ყველას, ვინც ახლა ფიქრობს, რომ წიგნების მიმართ მათი დამოკიდებულება სამუდამოდ გაუფერულდა და ჩირქი მოეცხო, დიდ ბოდიშს ვუხდი იმ ტკივილის გამო, რაც ამ განცხადებებმა მიაყენა. თუ ამ წიგნებში მოთხრობილ ისტორიაში იპოვეთ ის, რამაც თქვენზე გავლენა იქონია და ცხოვრების რომელიმე ეტაპზე დაგეხმარათ, ეს მხოლოდ თქვენი და ამ წიგნის ურთიერთობის შედეგია. ამას კი ვერაფერი შეცვლის, ის წმინდა და ხელშეუხებელია". დენიელ რედკლიფის შემდეგ ტვიტერზე განცხადება გაავრცელა ჰერმიონ გრეინჯერის როლის შემსრულებელმა, ემა უოტსონმა: "ტრანსგენდერები სწორედ ისინი არიან, რადაც თავს გრძნობენ და იმსახურებენ, მათი იდენტობის შესახებ გამუდმებით კითხვების დასმისა და იმის თქმის გარეშე იცხოვრონ, რომ ის არ არიან, ვინც თავი ჰგონიათ", — წერს უოტსონი. ჰარი პოტერის სპინოფში ჯადოსნური ცხოველები და სად ვიპოვოთ ისინი მთავარი გმირის, ნიუტ სკამანდერის როლის შემსრულებელმა, ედი რედმეინმა ამ საკითხთან დაკავშირებით Variety-სთან ისაუბრა: "როგორც ჯოან როულინგთან, ისე ტრანსგენდერი თემის წარმომადგენლებთან თანამშრომლობის გამოცდილება მაქვს და მინდა, ამ საკითხზე ჩემი აზრი მკაფიოდ დავაფიქსირო — არ ვეთანხმები ჯოანის განცხადებებს. ტრანსგენდერი ქალები ქალები არიან, ტრანსგენდერი კაცები კაცები არიან და არაბინარული იდენტობების მქონე პირებიც თანაბარ აღიარებას იმსახურებენ. არასდროს ვისაუბრებ ამ ადამიანების სახელით, მაგრამ ვიცი, რომ ჩემი ძვირფასი ტრანსგენდერი მეგობრები და კოლეგები დაიღალნენ მუდმივად მათი იდენტობის კითხვის ქვეშ დაყენებით, რის გამოც ხშირად შემდეგ ძალადობისა და შეურაცხყოფის მსხვერპლები ხდებიან. მათ უბრალოდ სურთ, რომ მშვიდად იცხოვრონ და დროა, ამის უფლებაც მივცეთ". საერთო განხილვებს გამოეხმაურა ამ ჯადოსნური სამყაროს კიდე ერთი ნაცნობი პერსონაჟის, ჩო ჩენგის როლის შემსრულებელი კეტი ლიუნგი, რომელმაც ტრანსგენდერი ადამიანების მხარდასაჭერად ყველას საქველმოქმედო ორგანიზაციების დახმარებისკენ მოუწოდა. ლუნა ლავგუდის როლის შემსრულებლის, ევანა ლინჩის განცხადებით კი, "ტრანსგენდერებისთვის თავიანთი იდენტობის მიღებისა და საკუთარი თავის შეყვარების პროცესი ისეც საკმარისად რთულია და მათ ჩვენი განცხადებებით კიდევ უფრო მეტი ტკივილი არ უნდა მივაყენოთ" საჯარო განხილვების შემდეგ ჯოან როულინგმა ამ საკითხთან დაკავშირებით ვრცელი ტექსტი გამოაქვეყნა, სადაც ტრანსგენდერებთან დაკავშირებით თავისი მოსაზრებების კიდევ ერთხელ დაფიქსირებასთან ერთად, აღნიშნა, რომ თავად ოჯახური ძალადობისა და სექსუალური შევიწროების მსხვერპლი იყო, რის გამოც ტრანსგენდერების მუდმივი დისკრიმინაციის კარგად ესმის და თანაუგრძნობს მათ. #ჰარიპოტერი #ჰარიპოტერისკასტი #ჯოანროულინგი #ტრანსფობია #გამოხაურებები Tbilisi

ყოველთვის მინდოდა, რაღაც დამეწერა, მაგრამ ვერაფრით ვერ მოვიფიქრე თუ რა იქნებოდა ეს „რაღაც“. თუმცა, გუშინ ერთ-ერთი წიგნის დამთავრების შემდეგ მივხვდი, რომ ეს საზოგადოებისთვის აუცილებლად უნდა გადამეცა . მოკლედ, მოდით დღეს ეს “რაღაც“ შევცვალოთ იუსტიან გორდერის წიგნით „ფორთოხლის გოგონა“. იმდენი შთაბეჭდილება დამიტოვა მან, რომ ალბათ შეუძებელია ეს ფურცელზე გადმოვიტანო. ამ წიგნს წერს 15 წლის გეორგი, რომელსაც მამა 4 წლის ასაკში გარდაეცვალა. 11 წლის შემდეგ კი ის იღებს წერილს გარდაცვლილი მამისგან. ეს წერილი მამამისმა იან ოლავმა სიკვდილის წინ თავის პატარა ბიჭუნას დაუტოვა, წერილში კი გეორგს უამბობს გასაოცარ ისტორიას ფორთოხლის გოგონას შესახებ. 11 წლის შემდეგ გეორგმა ეს წერილი მიიღო და ამ წიგნს სწორედ მამასთან ერთად წერს. ვიცი, ცოტა გაუგებარია რაც გიამბეთ. არ გეგონოთ, რომ ეს არის ფენტეზი ან არარეალური რამ. პირიქით „ფორთოხლის გოგონა“ არის მსოფლიო კლასიკის ერთ-ერთი უძლიერესი შედევრი, რომელიც მკითხველს უჩენს უდიდეს საფიქრალს. აქ საუბარია რაღაც უხილავ ზღვარზე სიკვდილ-სიცოცხლეს შორის , საუბარია ზღაპრულ, მაგრამ ხანმოკლე ცხოვრებაზე. ძალიან ბევრი რამ შეიძლება აღმოაჩინოთ და ისწავლოთ ამ წიგნიდან. ეს უფრო პიროვნებაზეა დამოკიდებული, რადგან ყოველი ადამიანი ხომ ინდივიდია. იცოდით, რომ ორი ერთნაირი ფორთოხალი არ არსებობს? J იცოდით, რომ ცხოვრება ლამაზი ზღაპარია? იცოდით, რომ კოსმოსი, ეს სივრცე, საოცარი რამ არის? ნუთუ ცხოვრებისთვის არასოდეს შეგიხედავთ სხვანაირად? ამ წიგნში 15 წლის გეორგი აცნობიერებს, რომ ადამიანის ცხოვრება ხანმოკლეა. ცოტა ხნით იხილავს სამყაროს, მზეს, სივრცეს და უცებ „ჰოპ“! ის უკვე აღარ არსებობს! ადამიანიერთი კვირით კი არ ტოვებს ცხოვრებას, არამედ სამუდამოდ. წიგნის წაკითხვის შედეგ თქვენ დაფიქრდებით სამყაროზე. მე ჯერ კიდევ ემოციებში ვარ და იმედია შევძელი ეს ემოციები თქვენთვის ოდნავ მაინც გადმომეცა. იყო ერთ-ერთი ფრაზა, რომელმაც განსაკუთრებით აღმაფრთოვანა: „ოცენებას ნაკლებად შესაძლებელზე საგანგებო სახელი ჰქვია: ჩვენ მას იმედს ვუწოდებთ.“ ეს და კიდევ სხვა ფრაზები, კიდევ უფრო გვიმტკიცებენ წიგნის სიძლიერეს და ემოციურობას. იანი შვილს წერილში ბევრ კითხვას უსვამდა, აი რამდენიმე რომლებსაც პირადად ჩემთვის დიდი მნიშვნელობა აქვს: „- დრო გეორგ, რა არის დრო? ’’ ასევე: „ შემიძლია თუ არა დაბეჯითებით ვთქვა, რომ ამ სიცოცხლეს სხვა სიცოცხლე აღარ მოჰყვება? ვარ თუ არა სავსებით დარწმუნებული იმაში, რომ მაშინ, როდესაც შენ ამ წერილს წაიკითხავ, მე ნამდვილად აღარსად ვიქნები? არა ამ შესაძლებლობას ბოლომდე ვერ გამოვრიცხავ. ალბათობის საზღვრები გადალახულია უკვე თვით სამყაროს არსებობის ფაქტით. ამით მე ვამბობ,უკვე იმდენად გაოგნეული ვარ საკუთრივ სამყაროს არსებობით, რომ ადგილი აღარ მრჩება კიდევ ერთი სამყაროთი გასაოგნებლად“. წერილის ბოლოს კი მამამ შვილს ურთულესი და ყველაზე მნიშვნელოვანი კითხვა დაუსვა, რომლეზედაც პასუხის გაცემა ბავშს დაელავა. არ ვიცი, თქვენ რას ფიქრობთ, მაგრამ მეც, მკითხველმა ავტომატურად დავაკისრე ჩემს თავს, ამ კითხვაზე პასუხის გაცემა. კითხვა ასეთია: “წარმოიდგინე,რომ სიცოცხლის ზღაპრის კიდეზე დგახარ მილიარდობით წლის წინ, როცა ყოველივე შეიქმნა, და შეგიძლია ამოირჩიო – დაიბადო თუ არა ამ პლანეტაზე ერთ რომელიღაც მომენტში. არ იცი, როდის გაჩნდები, რამდენხანს იცოცხლებ,მაგრამ,ნებისმიერ შემთხვევაში, სიცოცხლე დიდხანს არ გასტანს, მხოლოდ ის იცი, რომ თუკი გადაწყვეტ ამქვეყნად მოსვლას რომელიღაც წამს, მაშინ მეორე წამს ყველაფერთან დამშვიდობება და აქედან წასვლაც მოგიწევს… ჰოდა , რას აირჩევდი, რაღაც აღმატებული ძალით მონიჭებული არჩევანის უფლება რომ გქონოდა: საერთოდ არმოსვლას თუ მაინც მოსვლას და გარკვეული ხანგრძლივობის სიცოცხლეს?“ გეორგს ამ კითხვაზე პასუხის გასაცემად კვირები დასჭირდა. მე ჯერ კიდევ ვერ ვუპასუხე, ახლა კი თქვენი ჯერია. გახსოვდეთ ჩვენ ყველანი ერთ დიდ „ზღაპარში“ ვცხოვრობთ, რომელიც არავის არ ესმის. აბა,კარგად მოკალათდით, დალეიეთ ცხელი ჩაი, აიღეთ ეს გენიალური წიგნი და დაიწყეთ კითხვა! მერწმუნეთ წინ დიდი თავგადასავლი გელოდებათ, რომელიც შესაძლოა ცრემლებით დასრულდეს....#ფორთოხლისფერიგოგონა#ლიტერატურა Tbilisi

,,მოგესალმებით, პირველ რიგში მინდა დიდი მადლობა გადავუხადო ყველა იმ ადამიანს ვინც გვერდში დამიდგა და მხარდაჭერა გამოხატა ჩემს მიმართ. ძალიან დიდი იმედი მაქვს, რომ მომეცემა საშუალება პირადადაც გადაგიხადოთ მადლობა! ვერ ავუხსნი ამ ადამიანს თუ რას ნიშნავს ჩემთვის, საქართველოს ნაკრების თამაშის, ტელევიზორიდან ყურება და რა საშინელი შეგრძნებაა როცა შენი კარიერის პიკში ყოფნის დროს შენ ნაკრებს და ქვეყანას ვერ ეხმარები იმიტომ, რომ ეს მესამე და მეოთხე მხარემ გადაწყვიტა. ვერც იმას ავუხსნი რამხელა სიხარული და ბედნიერება განვიცადე სულ რამოდენიმე დღის წინ როცა ესპანეთის ჩემპიონი გავხდი და მომეცა შესაძლებლობა ქართული დროშა ამეფრიალებინა! ვერც იმას მიხვდება, რომ ევროპის ერთ ერთ საუკეთესო გუნდში გადასვლით მეტი მოგების შესაძლებლობები მომეცემა რაც მეტი ჩვენი დროშის ფრიალს ნიშნავს. ვერც იმას გაიგებს თუ რამხელა ბედნიერებაა როდესაც ევროპის ერთ ერთი საუკეთესო გუნდი პატივს ცემს ჩემს პატრიოტიზმს და შესაძლებლობას მაძლევს ნაკრების ყველა თამაშზე ჩამოვიდე ისევ და ისევ ჩვენი ქვეყნის წინ წასაწევად გამარჯვებისაკენ. და ვერც იმას ამიხსნით მე თუ რამხელა ტკივილია როდესაც ჩვენი ქვეყანა ჩვენ გმირებს კარგავს, იმიტომ რომ მე ამის ახსნა არ მჭირდება, ეს მე კარგად ვიცი და ისიც ვიცი, რომ თქვენც კარგად იცით, რომ მე ეს ვიცი. კიდევ ერთხელ ვიმეორებ, მე, თორნიკე შენგელია, ვიყავი, ვარ და ვიქნები ქართული სულის მატარებელი ყველგან სანამ სული მიდგას და ამას ვერ შეცვლის ვერც ერთის გაკეთებული კომენტარი თუ განცხადება! ყველაზე მშვიდად გავივლი ამ განსაცდელს, იმიტომ, რომ ჩემს გვერდით ღმერთი დგას. მხოლოდ მის წინაშე ვარ პასუხის მგებელი და მან კი ნამდვილად იცის თუ ვინ ვარ მე.,,##news ##opinion ##sport #tornikeshengeliaTbilisi

სამეგრელო დასავლეთ საქართველოს ისტორიულ-გეოგრაფიული მხარეა, რომელიც მოქცეულია მდინარე რიონს, ცხენისწყალს, ენგურსა და შავ ზღავს შორის. ეს არის ზუსტი გეო ლოკაცია იმ ადგილისა, სადაც თქვენ ქართული გასტრონომიის ავთენტური სუფრის ტრადიცების და გემოების სიმფონიის პლუს უსასრულობაში აღმოჩნდებით. ჩემი აზრით ეს არის საუკეთესო შესავალი როდესაც გინდა სტუმარს გაუმასპინძლდე ღომით, პიტნიანი ნადუღით და ხარჩოთი. ხო და გადავწყვიტე გაგიზიაროთ ამ სამეულის ისეთი რეცეპტი, რომელიც ამ ულამაზესი კუთხის უნიკალურობას ხაზს კიდევ ერთხელ გაუსვამს. პროდუქტები: (6-8 ულუფა) ქათმის ხარჩო ქათმამი– 1 კგ პომიდორი – 300 გ ხახვი – 2 თავი უცხო სუნელი – 1 სადილის კოვზი ყვითელი ყვავილი – 1 ჩაის კოვზი ხმელი ქინძი – 1 სადილის კოვზი ნიორი – 4 კბილი ტომატ-პასტა – 30 გ ნიგოზი – 400 გ სიმინდის ფქვილი – 2 სადილის კოვზი კარაქი – 100 გ მარილი, წიწაკა გემოვნებით პიტნიანი ნადუღი: ნადუღი-100 გრ არაჟანი- 50 გრ ნიორი-1 კბილი პიტნა-10 გრ ქინძი-10 გრ მწვანე ხახვი -10 გრ მარილი გემოვნებით. რაც შეეხება ღომს მომზადების წესს, მას ცვლილება არ სჭირდება, იდეალური ღომის მისაღებად საჭიროა ღერღილი იყოს კარგად გარეცხილი და როგორც მეგრელები იტყვიან კარგად იყოს „ჩუნაფილი“ , ანუ სწორ კონდიციამდე მისული მასა. ამის შემდეგ ღომი გადაგვაქვს ლანგარზე, ვშლით და სასურველ ფორმებს ვჭრით. მომზადების წესი, (ხარჩო): ნიგოზი ორჯერ გაატარეთ ხორცსაკეპ მანქანაში. მოამზადეთ სანელებლები. ხორცი დაჭერით პატარა ნაჭრებად, ჩაყარეთ ქვაბში ცოტა წყალთან ერთად და შუშეთ. დაჭრილი პომიდორი ათქვიფეთ ბლენდერში. ხორცს დაუმატეთ ცხიმი და ხახვი. შუშეთ დაახლოებით 8-10 წუთი. კარგად რომ ჩაიშუშება, პომიდორი დაასხით. როდესაც ხორცი კარგად მოიხარშება, დაუმატეთ ნიგვზიანი მასა და ურიეთ. როცა წამოდუღდება, დაამატეთ წიწაკა, ნიორი, ძმარი, მარილი და კიდევ ერთხელ წამოადუღეთ, ბოლოს დააყარეთ ყვითელი ყვავილი, ხმელი ქინძი, უცხო სუნელი, წითელი წიწაკა, მარილი, სიმინდის ფქვილი, დაასხით წყალი და აურიეთ. პიტნიანი ნადუღი: ჯამში მოათავსეთ ნადუღი და არაჟანი. პარალელურად დააბლებდერეთ: პიტნა, ქინძი, ნიორი, მწვანე ხახვი და ცოტა სითხე. შემდეგ დაუმატეთ ნადუღის მასას , შეაზავეთ მარილით და კიდევ ერთხელ დააბლენდერეთ. საჭიროა კრემისებრი მასის მიღება. რაც შეეხება მილ-ფოის აწყობას, სასურველ ფორმებად ამოჭრილი ღომის ფორმები ცხელ ზეთიან ტაფაზე გადავიტანოთ და მივიყვანოთ ოქროსფერ შეფერილობამდე, შემდეგ გადმოვიტანოთ სალფეთქიან თეფშზე და შევაშროთ. ცალკე საკონდიტრო ტომარაში გადავიტანოთ ნადუღის მასა. მაქსიმალურად მოვუჭირით ზემოდან რომ ჰაერი სრულიად გავდევნოთ. ღომის ერთ ფირფიტაზე საკონდიტრო ტომრით ნადუღის კრემის გადატანა დავიწყოთ ზუსტი ხელის მოძრაობებით, შემდეგ ზემოდან დავადოთ მეორე ფირფიტა, და იგივე გავიმეოროთ. როდესაც მეგრულ ოჯახში ღომზე მიგიწვევენ, კარის ზღურბლზე წარმოთქვით „ჯგირო ბუა თე ოჯახის!“, ამით მასპინძელს და მის ოჯახს გაახარებთ და შეიძლება ღომთან ერთად სხვა გემრიელობებიც შემოგთავაზონ, რაზეც უკვე შემდეგ ბლოგში ვისაუბრებ.#chef #cuisine #food #georgia #tbilisi #stayhome #foodislove #loveisfood

1)ბროკოლი🥦 იმდენად ბევრ ადამიანს არ უყვარს ბროკოლი, რომ მეცნიერული კვლევის ჩატარებაც არ იქნებოდა ურიგო, თუ რატომ გამოუცხადა ომი კაცობრიობამ ბროკოლის. არადა ის ისეთი აუცილებელი ვიტამინებითაა მდიდარი, როგორებიცაა B1, B2, B3, B6. ასევე შეიცავს დიდი ოდენობით რკინას და კალიუმს. 2)ხახვი🧅 ბროკოლიზე არანაკლებად ერჩიან ხოლმე ხახვს, განსაკუთრებით კი მაშინ, თუ მას წვნიანის ზედაპირზე მოტივტივეს შენიშნავენ. თუმცა ისიც უნდა ითქვას, რომ სხვა ბევრი კულტურის მსგავსად ხახვს ქართულ სამზარეულოშიც აქტიურად გამოიყენებენ და სხვადასხვა კვლევის თანახმად, ის ისეთ ნივთიერებებს შეიცავს, რომლებიც კიბოს წარმოქმნის ალბათობას ამცირებს და სისხლში შაქრის დონის დარეგულირებას უწყობს ხელს 3)ავოკადო🥑 მიუხედავად იმისა, რომ ეს ხილი საკმაოდ ძვირი ღირს და მთელ რიგ ქვეყნებში გახუხულ პურთან ერთად მისი მირთმევა მდიდრულ საუზმედაც კი ითვლება, ადამიანების არც ისე მცირე ჯგუფი ამას არად დაგიდევთ, რადგან ვერ გაუგიათ, როგორ შეიძლება მოიხიბლო მისი უცნაური გემოვნური თვისებებით. ავოკადოს მოყვარულების სასარგებლოდ კი უნდა ითქვას, რომ ის ისეთი აუცილებელი ვიტამინებითაა მდიდარი, როგორებიცაა K, C, E, B5 და B6. 4)ბადრიჯანი🍆 შეგვიძლია, თამამად ვივარაუდოთ, რომ ბადრიჯანს საქართველოში სახელი აჯაფსანდალმა გაუფუჭა: ამ კერძის სახელწოდებას იმდენად ხშირად მოიხსენიებენ უარყოფით კონტექსტში, რომ მისი აუცილებელი კომპონენტის — ბადრიჯნის მიმართ ბევრს ცუდი წინასწარგანწყობა უყალიბდება. არადა იმასთან ერთად, რომ ის ძალიან დაბალკალორიულია, ამასთანავე შეიცავს სასარგებლო ნახშირწყლებს, მანგანუმსა და კალიუმს 5)ბრიუსელის კომბოსტო🥬 შეიძლება, რთული გასაგებია, თუ რას შეიძლება ერჩოდე ამ პატარა, კოხტა და მოხდენილ კომბოსტოებს, მაგრამ ფაქტია, რომ ის ბევრს არ უყვარს. მოწინააღმდეგეების გულს ბრიუსელის კომბოსტო იმითღა თუ მოიგებს, რომ სასარგებლო მინერალებთან ერთად დიდი ოდენობით ანტიოქსიდანტებს შეიცავს, რაც ორგანიზმში ქრონიკული დაავადებების განვითარების შანსს ამცირებს. 6)ისპანახი🥙 მართალია, თუ ერთხელ მაინც მოგიმზადებიათ ისპანახი თავად, გეცოდინებათ, რომ თავისი მოცულობით მარტივად გატყუებს, მაგრამ ამის მიუხედავად მაინც შეუძლებელია დააიგნორო მისი სიმდიდრე K, A, C და B2 ვიტამინის ფლობის თვალსაზრისით. 7)გრეიფუტი🍊 ციტრუსებს შორის გრეიპფრუტი, ალბათ, ყველაზე ნაკლები პოპულარობით სარგებლობს, რაც გასაკვირი სულაც არ არის, თუ გავითვალისწინებთ მის მომწარო-მომჟავო გემოს. თუმცა ასევე უნდა გვახსოვდეს, რომ თავისი ჯანსაღი შემადგენლობით ორგანიზმს იმუნური სისტემის გაძლიერებაშიც კი ეხმარება. 8)ჭარხალი სტაფილოსთან ერთად ჭარხლის შესახებ ბავშვობაში, ალბათ, თითოეულ ჩვენგანს ხშირად უმეორებდნენ, რომ ძალიან სასარგებლო პროდუქტია, რაც მართლაც ასეა. თუმცა, ამის მიუხედავად, მას სტაფილოსთან შედარებით ნაკლებად გაუმართლა და ბევრმა ვერ შეიყვარა. 9)სოკო მიუხედავად იმისა, რომ თავისი მრავალი სახეობითა და გემოთი სოკოს ხშირად შეუძლია ადამიანის გაოცება, მას ბევრი მაინც არ სწყალობს. არადა საკვებად ვარგისი სოკო ორგანიზმისთვის საჭირო არაერთ ნივთიერებას შეიცავს, იქნება ეს სპილენძი თუ ანტიოქსიდანტები. 10)პომიდორი🍅 მათთვის, ვინც პომიდორს არათუ კონკრეტულ კერძში, არამედ უმადაც მშვენივრად გეახლებათ, ალბათ, რთული დასაჯერებელია, რომ ვინმეს ის არ უყვარს. ბევრ სხვა გემოებთან სრულ შესაბამისობასთან ერთად პომიდორი ისეთ სასარგებლო ნივთიერებებსაც შეიცავს, როგორებიცაა ლიკოპინი, კალიუმი და K1 ვიტამინი. (გრეიფუტს,სოკოს,პომიდორს არ ვეხებით ეგ როგორ არ უნდა გიყვარდეს?!🤣)#vegetable Places In Tbilisi

„ჩემო მშვენიერო ლედი, საღამო მშვიდობისა! მე მჯეროდა შენი, რომ შენ სიმართლეშიც ხარ!“ გახსოვთ ხო ლადო ბურდულის „ჩემო მშვენიერო ლედი“? ხო და დღეს ზუსტად მეამბოხე მუსიკოსზე ვისაუბრებ. რევოლუცია როკენროლით? მგონი კარგად ჟღერს და ახლა ზუსტად ლადოს რევოლუციურ ნაწილზე, მის მუსიკაზე, იდეოლოგიაზე და პერსონაზე ვილაპარაკებ. 90-იანებში, როდესაც თავზე ჩამოგვენგრა ყველა კულტურული მიმდინარეობა ლადო ბურდული მოვიდა და შექმნა განკურნების „რეცეპტი“ და ზუსტად ეს სახელი დაარქვა ბენდს, რადგან გარყვნილი, კრიმინალი და ერთი აზროვნების მქონე იდენტური საზოგადოება გამოეცოცხლებინა წარმოიდგინეთ, ეკონომიკური სიდუღჭირის, სამოქალაქო ომების, დევნილთა ნაკადისა და არასრულფასოვანი სახელმწიფო აპარატის ფონზე როგორი საზოგადოება გვყავდა? როგორი და მშიშარა, თან ძალიან. მერე და როგორია ეს მშიშარა საზოგადოება? როგორი და პირველ რიგში ცვლილებებს ვერ ეგუება, ყველაფერ ახალს კიცხავს, არასდროს ამბობს თავის სათქმელს და ამის გამო სულ ვიღაცას ციტირებს, თან ვინმეს ციტირებაც ესე მარტივი კიარაა, საზოგადოების ცენზურაგამოვლილ ფილოსოფოსებზეა აქ საუბარი „მარტივია გაკიცხვა და რთულია შენი აზრი გქონდეს, საზოგადოება რომელსაც ეშინია, რომელსაც გენეტიკურ კოდში უდევს აი ეს რაღაც ვერ მიღება ახლის და ვერ შექმნა საკუთარის, ძაან რთული მოვლენაა“ ჩემი აზრით ზუსტად მუსიკა ცვლის საზოგადოებას და წარმართავს მის დღის წესრიგს. ის ჯერ ინდივიდების გონებამდე აღწევს, ხოლო შემდეგ თანაბრად ეფინება მთელ საზოგადოებას და შედეგად დრომოჭმულ და მოძველებულ ტაბუებს შიგნიდან ღრღნის და ანადგურებს ზუსტად ეს არის როკენროლი, საზოგადოების ფენების ამოძახილია, რომელიც პროტესტს გამოხატავს, ზუსტად ასეთია ლადო ბურდულის მოღვაწეობა, რომელმაც 90-იანების ყველა ტაბუ საკუთარ თავზე გამოცადა. მაშინაც და ახლაც ისეთი ადამიანებისათვის ქმნიდა მუსიკას, ვინც თავის თავს უსმენს, იცის ვინ არის, რა უნდა და როგორ არ უნდა დაკარგოს საკუთარი თავი მასობრივი წნეხის ფონზე. როკ ენ როლელებო ამა ქვეყნისა და არა მარტო, გავბედოთ და შევცვალოთ, არ გავჩერდეთ და გვახსოვდეს, რომ სიახლე და ცვლილება რევოლუციაა, მუსიკა და რევოლუცია კი რევოლუციის რევოლუცია. ეს წინადადება კი ჩემი აზრით საუკეთესო ტავტოლოგიაა, რაც როდესმე დამიწერია.#RockNRoll #Burduli #Rock #Revolution #Love

საქართველოს საკალათბურთო ნაკრების კაპიტანმა და "ცსკა"-ს შემტევმა თორნიკე შენგელიამ, Facebook-ის საკუთარ გვერდზე განცხადება გაავრცელა. მოგესალმებით, პირველ რიგში მინდა დიდი მადლობა გადავუხადო ყველა იმ ადამიანს ვინც გვერდში დამიდგა და მხარდაჭერა გამოხატა ჩემს მიმართ. ძალიან დიდი იმედი მაქვს, რომ მომეცემა საშუალება პირადადაც გადაგიხადოთ მადლობა! დასაწყისშივე მინდა ხაზი გავუსვა იმ ფაქტს, რომ ამ განცხადებას არ ვაკეთებ იმისთვის, რომ ვინმესთან თავი ვიმართლო. რთულია ავუხსნა იმ ადამიანს რაიმე როცა, არაფრის მოსმენა არ სურს და მისი დაფიქსირებული აზრის შეცვლას არც კი განიხილავს. ვერ ავუხსნი ამ ადამიანს თუ რა შეგრძნება მეუფლებოდა როცა 10-11 წლის ვიყავი და საქართველოს ნაკრების თამაშზე აჟღერებული ჰიმნის დროს ტრიბუნებუნიდან თვალებ დახუჭული ფეხზე ვიდექი და ჩემი თავი მოედანზე მოთამაშეებს შორის წარმომედგინა. ვერ ავუხსნი ამ ადამიანს თუ რას ნიშნავს ჩემთვის, საქართველოს ნაკრების თამაშის, ტელევიზორიდან ყურება და რა საშინელი შეგრძნებაა როცა შენი კარიერის პიკში ყოფნის დროს შენ ნაკრებს და ქვეყანას ვერ ეხმარები იმიტომ, რომ ეს მესამე და მეოთხე მხარემ გადაწყვიტა. ვერც იმას ავუხსნი რამხელა სიხარული და ბედნიერება განვიცადე სულ რამოდენიმე დღის წინ როცა ესპანეთის ჩემპიონი გავხდი და მომეცა შესაძლებლობა ქართული დროშა ამეფრიალებინა! ვერც იმას მიხვდება, რომ ევროპის ერთ ერთ საუკეთესო გუნდში გადასვლით მეტი მოგების შესაძლებლობები მომეცემა რაც მეტი ჩვენი დროშის ფრიალს ნიშნავს. ვერც იმას გაიგებს თუ რამხელა ბედნიერებაა როდესაც ევროპის ერთ ერთი საუკეთესო გუნდი პატივს ცემს ჩემს პატრიოტიზმს და შესაძლებლობას მაძლევს ნაკრების ყველა თამაშზე ჩამოვიდე ისევ და ისევ ჩვენი ქვეყნის წინ წასაწევად გამარჯვებისაკენ. და ვერც იმას ამიხსნით მე თუ რამხელა ტკივილია როდესაც ჩვენი ქვეყანა ჩვენ გმირებს კარგავს, იმიტომ რომ მე ამის ახსნა არ მჭირდება, ეს მე კარგად ვიცი და ისიც ვიცი, რომ თქვენც კარგად იცით, რომ მე ეს ვიცი. კიდევ ერთხელ ვიმეორებ, მე, თორნიკე შენგელია, ვიყავი, ვარ და ვიქნები ქართული სულის მატარებელი ყველგან სანამ სული მიდგას და ამას ვერ შეცვლის ვერც ერთის გაკეთებული კომენტარი თუ განცხადება! ყველაზე მშვიდად გავივლი ამ განსაცდელს, იმიტომ, რომ ჩემს გვერდით ღმერთი დგას. მხოლოდ მის წინაშე ვარ პასუხის მგებელი და მან კი ნამდვილად იცის თუ ვინ ვარ მე. - წერს თორნიკე შენგელია.

ჩემი სამსახურია იმის უზრუნველყოფა, რომ შეთანხმება შესრულდეს. არ ვიცი ყველა დეტალი, რაზეც მოხდა ან არ მოხდა შეთანხმება, მაგრამ ის, რაზეც 8 მარტს მოხდა შეთანხმება, უნდა შესრულდეს, – ამის შესახებ ამერიკელმა კონგრესმენმა ადამ კინზინგერმა ონლაინ პრესკონფერენციაზე განაცხადა. მისი თქმით, შეერთებულ შტატებში საქართველოს განიხილავენ უმნიშვნელოვანეს პარტნიორად და აშშ განაგრძობს ქართველი ხალხის მარდაჭერას. „ვფიქრობ, ორივემ მხარემ დიდი ძალისხმევა ჩადო ამის მშვიდობიანი გზით გადაწყვეტისთვის, არ ვაპირებ დეტალებში საუბარს, არ ავირჩევ რომელიმე მხარეს. მხოლოდ გამოსავლის ნახვა მსურს და მჯერა, რომ იმ საარჩევნო სისტემის მიღება, რომელზეც იქნა დაპირება გაცემული კონკრეტული პირობების მიხედვით, რაც უნდა ყოფილიყო ეს, სარგებლის მომტანია ყველასთვის. შეერთებულ შტატებში საქართველოს აღვიქვამთ უმნიშვნელოვანეს პარტნიორად ჩვენი მომავლისთვის და ჩვენ გავაგრძელებთ ამ გზაზე ქართველი ხალხის გვერდში დგომას. ჩვენ ძალიან კარგი ახალი ელჩი გვყავს საქართველოში. ძალიან კარგი ურთიერთობები მაქვს პოლიტიკური სპექტრის ყველა მონაწილესთან. ვიცი, რომ მათ სურთ საუკეთესო საკუთარი ქვეყნისთვის და ჩვენ ყველანი მივალთ ამ მიზნამდე ერთად. შესაძლოა გარკვეული რთული სამუშაო გველის წინ, თუმცა ყველაზე რთული უკვე გადალახულია ქართველი ხალხის მიერ და ჩვენ წინ მივიწევთ, რომ ოქტომბერში ჩატარდეს თავისუფალი და სამართლიანი არჩევნები“, – განაცხადა ადამ კინზინგერმა. მისი თქმით, ქართველი ხალხი იმსახურებს, რომ მისი ხმა ისმოდეს პოლიტიკური კლასის ფარგლებს გარეთაც და ეს სწორედ ოქტომბრის საპარლამენტო არჩევნებზე იქნება შესაძლებელი. „იმედს გამოვთქვამ, რომ ის დაპირება, რაც გაკეთდა, შესრულდება და წინ წავიწევთ. ვფიქრობ, რომ ქართველი ხალხი იმსახურებს, მისი ხმა ისმოდეს პოლიტიკური კლასის ფარგლებს გარეთაც და ეს სწორედ ოქტომბერში არჩევნებზე იქნება შესაძლებელი. კიდევ ერთხელ, პროცესში ჩართულ ორივე მხარეს ვულოცავ. ყველა ვერ იქნება კმაყოფილი, ამას ვამბობ პოლიტიკაში დიდი ხნის განმავლობაში მყოფი ადამიანი. ყველა ყველაფრით კმაყოფილი ვერ იქნება, ეს არის დემოკრატიაც, თუმცა ეს გაცილებით უკეთესი გზაა, ვიდრე ის, რომ ერთი ადამიანი მთელი ცხოვრება გკარნახობდეს, როგორ იცხოვრო და ეს უკეთესი გზაა, ვიდრე რუსეთის ბრჭყალების ქვეშ ყოფნა. იმედი მაქვს, რომ საქართველოსა და აშშ-ს შორის ურთიერთობები კიდევ უფრო გაძლიერდება, ვიდრე ახლაა. ის ახლაც ძალიან ძლიერია“, – განაცხადა კინზინგერმა. ონლაინ კონფერენციისას კონგერესმენმა პრეზიდენტის მიერ ირაკლი ოქრუაშვილის შეწყალების საკითხზეც გააკეთა კომენტარი. მისი თქმით, ცუდია, როცა სასამართლო სისტემას პოლიტიკისთვის იყენებენ, თუმცა „ამას ადგილი არ ჰქონია“. „ჩემს განცხადებებში, რომ მე არ გამიკეთებია კომენტარი კონკრეტულად ამ საკითხზე. რაც აღვნიშნე არის ის, რომ სასამართლოს სისტემა უნდა იყოს თავისუფალი, სამართლიანი და დამოუკიდებელი. ეს მნიშვნელოვანია. ეს აშშ-შიც მნიშვნელოვანია. ნებისმიერ დროს, როცა სასამართლო სისტემას პოლიტიკისთვის იყენებენ, ეს ცუდია და მე არ მითქვამს, რომ ამას ჰქონდა ადგილი. რასაც ვამბობ არის ის, რომ გვჯერა, ორივე მხარე უნდა შეთანხმდეს, უნდა მივიდეს დასკვნამდე. აშშ-ში ბევრი რამ ხდება, რაც არ მომწონს და ვფიქრობ, ეს მოხდა აქაც. მე მჯერა, რომ ორივე მხარემ რთული სამუშაო შეასრულა. ვფიქრობ, რომ ჩვენ შეთანხმებასთან ახლოს ვართ, ამიტომ, ეს კარგი პოზიციაა. არ ვაპირებ დეტალებში ჩაღრმავებას. ვფიქრობ, ჩვენმა ელჩებმაც კარგი სამუშაო შეასრულეს იმავეს გამეორებით. ჩვენ გვსურს, რომ ორივე მხარე შეთანხმდეს, თუ ეს შესაძლებელია, რათა დემოკრატიამ იმუშაოს“, – განაცხადა ადამ კინზინგერმა.

კალათბურთელი თორნიკე შენგელია, რომელიც რამდენიმე დღის წინ ოფიციალურად გახდა მოსკოვის "ცსკა" წევრი, ამ ინფორმაციის დადასტურების შემდეგ პირველ განცხადებას ავრცელებს. ფეისბუკზე ის წერს, რომ რთულია იმ ადამიანს ავუხსნა რამე, ვისაც აზრის შეცვლა არ სურს. "კიდევ ერთხელ ვიმეორებ, მე, თორნიკე შენგელია, ვიყავი, ვარ და ვიქნები ქართული სულის მატარებელი ყველგან სანამ სული მიდგას და ამას ვერ შეცვლის ვერც ერთის გაკეთებული კომენტარი თუ განცხადება! ყველაზე მშვიდად გავივლი ამ განსაცდელს იმიტომ, რომ ჩემს გვერდით ღმერთი დგას. მხოლოდ მის წინაშე ვარ პასუხის მგებელი და მან კი ნამდვილად იცის თუ ვინ ვარ მე", - აცხადებს ის. ის რამდენიმე პუნქტში აყალიბებს, რატომ ვერ აუხსნის ვერაფერს მსგავს ადამიანს: "ვერ ავუხსნი ამ ადამიანს თუ რა შეგრძნება მეუფლებოდა როცა 10-11 წლის ვიყავი და საქართველოს ნაკრების თამაშზე აჟღერებული ჰიმნის დროს ტრიბუნებუნიდან თვალებ დახუჭული ფეხზე ვიდექი და ჩემი თავი მოედანზე მოთამაშეებს შორის წარმომედგინა"; "ვერ ავუხსნი ამ ადამიანს თუ რას ნიშნავს ჩემთვის, საქართველოს ნაკრების თამაშის, ტელევიზორიდან ყურება და რა საშინელი შეგრძნებაა როცა შენი კარიერის პიკში ყოფნის დროს შენ ნაკრებს და ქვეყანას ვერ ეხმარები იმიტომ, რომ ეს მესამე და მეოთხე მხარემ გადაწყვიტა"; "ვერც იმას ავუხსნი რამხელა სიხარული და ბედნიერება განვიცადე სულ რამოდენიმე დღის წინ როცა ესპანეთის ჩემპიონი გავხდი და მომეცა შესაძლებლობა ქართული დროშა ამეფრიალებინა"! "ვერც იმას მიხვდება, რომ ევროპის ერთ ერთ საუკეთესო გუნდში გადასვლით მეტი მოგების შესაძლებლობები მომეცემა რაც მეტი ჩვენი დროშის ფრიალს ნიშნავს"; "ვერც იმას გაიგებს თუ რამხელა ბედნიერებაა როდესაც ევროპის ერთ ერთი საუკეთესო გუნდი პატივს ცემს ჩემს პატრიოტიზმს და შესაძლებლობას მაძლევს ნაკრების ყველა თამაშზე ჩამოვიდე ისევ და ისევ ჩვენი ქვეყნის წინ წასაწევად გამარჯვებისაკენ" "და ვერც იმას ამიხსნით მე თუ რამხელა ტკივილია როდესაც ჩვენი ქვეყანა ჩვენ გმირებს კარგავს, იმიტომ რომ მე ამის ახსნა არ მჭირდება, ეს მე კარგად ვიცი და ისიც ვიცი, რომ თქვენც კარგად იცით, რომ მე ეს ვიცი". 9 ივლისს ოფიციალურად დადასტურდა, რომ შენგელია საკლუბო კარიერას მოსკოვის "ცსკა"-ში გააგრძელებს. ინფორმაცია, რომელიც ჯერ კიდევ რამდენიმე კვირის წინ გავრცელდა, რუსეთის დედაქალაქის არმიის კლუბმა ოფიციალურად დღეს დაადასტურა. "ბედნიერი ვარ ევროლიგის მოქმედი ჩემპიონის რიგებში ჩარიცხვით და მოუთმენლად ველი, როდის შევძლებ ბრწყინვალე მოთამაშეების გვერდით და ბრწყინვალე მწვრთნელების დამოძღვრით თამაშს. იმედი მაქვს, "ცსკა"-სთან ერთად დიდ წარმატებებს მივაღწევ ევროლიგასა და ვი-თი-ბი ლიგაზე", - განაცხადა მაშინ 28 წლის ქართველმა კალათბურთელმა.#ახალი_ამბები#twitter