რუსეთის პრეზიდენტი ვლადიმერ პუტინი მთავრობის სხდომას ვიდეოკონფერენციის ფორმატში ჩაატარებს, მას შემდეგ, რაც კონტაქტი ჰქონდა ექიმთან, რომელსაც კორონავირუსი დაუდგინდა, – ინფორმაციას სააგენტო „როიტერი“ ავრცელებს. გასულ კვირას ვლადიმერ პუტინი ერთ-ერთ საავადმყოფიში მივიდა, სადაც მას ექიმმა დენის პროცენკომ საავადმყოფოში არსებული მდგომარეობა გააცნო. გუშინ ცნობილი გახდა, რომ ამ ექიმს „კოვიდ 19“ დაუდასტურდა. კადრებში კარგად ჩანს, რომ პუტინმა მას შეხვედრის დროს ხელი ჩამოართვა. კრემლში აცხადებენ, რომ ვლადიმერ პუტინი თავს კარგად გრძნობს და ხალხისგან დისტანცირებას ცდილობს, სწორედ ამიტომ მთავრობის სხდომა ვიდეოკონფერენციის ფორმატში ჩატარდება. რუსეთის პრეზიდენტის პრესმდივანი დიმიტრი პესკოვი აცხადებს, რომ კონფერენცია ღია ფორმატში ჩატარდება. „ყველა დაინახავს, რომ ის დისტანციურად მუშაობს. ყველამ ვნახეთ, როგორ იმუშვა მან ანალოგიური ფორმატით დიდი ოცეულის სამიტზე“, – განაცხადა დიმიტრი პესკოვმა , თუმცა ის არ დაეთანხმა მოსაზრებას, რომ პრეზიდენტი თვითიზოლაციაშია. პესკოვის თქმით, ყველა ის მაღალჩინოსანი, ვინც პრეზიდნეტთან ერთად გასულ კვირას საავადმყოფოში იყო, „კოვიდ-19“-ზე ტესტს ყოველდღიურად იკეთებს, მათ შორის თავადაც.

რუსეთის პრეზიდენტი ვლადიმერ პუტინი მთავრობის სხდომას ვიდეოკონფერენციის ფორმატში ჩაატარებს, მას შემდეგ, რაც კონტაქტი ჰქონდა ექიმთან, რომელსაც კორონავირუსი დაუდგინდა, – ინფორმაციას სააგენტო „როიტერი“ ავრცელებს. გასულ კვირას ვლადიმერ პუტინი ერთ-ერთ საავადმყოფიში მივიდა, სადაც მას ექიმმა დენის პროცენკომ საავადმყოფოში არსებული მდგომარეობა გააცნო. გუშინ ცნობილი გახდა, რომ ამ ექიმს „კოვიდ 19“ დაუდასტურდა. კადრებში კარგად ჩანს, რომ პუტინმა მას შეხვედრის დროს ხელი ჩამოართვა. კრემლში აცხადებენ, რომ ვლადიმერ პუტინი თავს კარგად გრძნობს და ხალხისგან დისტანცირებას ცდილობს, სწორედ ამიტომ მთავრობის სხდომა ვიდეოკონფერენციის ფორმატში ჩატარდება. რუსეთის პრეზიდენტის პრესმდივანი დიმიტრი პესკოვი აცხადებს, რომ კონფერენცია ღია ფორმატში ჩატარდება. „ყველა დაინახავს, რომ ის დისტანციურად მუშაობს. ყველამ ვნახეთ, როგორ იმუშვა მან ანალოგიური ფორმატით დიდი ოცეულის სამიტზე“, – განაცხადა დიმიტრი პესკოვმა , თუმცა ის არ დაეთანხმა მოსაზრებას, რომ პრეზიდენტი თვითიზოლაციაშია. პესკოვის თქმით, ყველა ის მაღალჩინოსანი, ვინც პრეზიდნეტთან ერთად გასულ კვირას საავადმყოფოში იყო, „კოვიდ-19“-ზე ტესტს ყოველდღიურად იკეთებს, მათ შორის თავადაც.

საქართველოში კორონავირუსის კიდევ ერთი ახალი შემთხვევა დადასტურდა. აღნიშნულ ინფორმაციას, თბილისის ინფექციური საავადმყოფოს კლინიკური დირექტორი მარინა ეზუგბაია ადასტურებს. მისი თქმით, ეს პაციენტი ბოლო სამი შემთხვევიდან ერთ-ერთის კონტაქტია. „ამ დროისთვის კლინიკაში 45 პაციენტია მოთავსებული. გუშინ ჩატარდა ტესტირება 15 პაციენტზე, საიდანაც 14 პაციენტთან მივიღეთ ნეგატიური პასუხი, 1 პაციენტის ტესტი იყო დადებითი. ეს პაციენტი გახლავთ ბოლო სამი შემთხვევის ერთ-ერთი კონტაქტი. ამ ეტაპზე ჩვენთან დადასტურებული წევს 29 შემთხვევა. შემოსული ახალი პაციენტის მდგომარეობა ჯერჯერობით, გამოხატული კლინიკით ფასდება, როგორც საშუალო სიმძიმის. დღეს ჩაუტარდება მას დამადასტურებელი კვლევები კიდევ განმეორებით. დანარჩენი პაციენტების მდგომარეობა სტაბილურია. სტაბილურია უკვე ვლაპარაკობ მე-2, მე-3 დღეა და ეს იმის მიმანიშნებელია იქნება, რომ დაავადების პროგრესირებას არ მოველით რამდენიმე ძველ პაციენტთან, სადაც გასულია ალბათ, უკვე ჩვენთან ყოფნის 12-13 დღე და უკვე შეიძლება ვილაპარკაოთ დასტაბილურებული სიტუაციის შემდეგ გაუმჯობესებაზე. დანარჩენ პაციენტებში ჯერჯერობით სიტუაცია მართვადია, შეფასების ნაწილში ლაბორატორიულად მნიშვნელოვანი ცვლილებები არ ვლინდება და ალბათ, სიტუაცია უნდა იყოს დინამიკაში დამაკმაყოფილებელი”, - განაცხადა ეზუგბაიამ. ცნობისთვის ეს არის საქართველოში რიგით 34 დადასტურებული შემთხვევა, საიდანაც ერთი უკვე გამოჯანმრთელდა.

მოსკოვის გარეუბნის ერთ-ერთი კლინიკის მთავარ ექიმს, დენის პროცენკოს კორონავირუსი დაუდგინდა. აღნიშნულ საავადმყოფოში COVID-19-ით ინფიცირებული პაციენტები იმყოფებიან. შეგახსენეთ, ცოტა ხნის წინ ამ კლინიკას რუსეთის პრეზიდენტი, ვლადიმირ პუტინი ესტუმრა. აღსანიშნავია, რომ მან ამ დაწესებულების ახლა უკვე ინფიცირებული უფროსი, პროცენკო, პირბადის გარეშე მოინახულა. ამ ფაქტთან დაკავშირებით პუტინის პრესმდივანმა, დმიტრი პესკოვმა კომენტარი გააკეთა. "პუტინი კორონავირუსის ტესტს რეგულარულად იტარებს, ყველაფერს ვაკონტროლებთ", - თქვა პესკოვმა.#კორონავირუსი #პუტინი #მოსკოვი #რუსეთი #პანდემია #პოლიტიკა #პესკოვი #coronavirus #putin #russia #moscow #pandemic #politics

ბოლნისში ლაბორატორიული კვლევის შედეგებით, კორონავირუსი ერთ პირს დაუდასტურდა. აღნიშნულ ინფორმაციას მუნიციპალიტეტი ავრცელებს. დაინფიცირებული პირი სოფელ გეტადანაა, საიდანაც გუშინ ეპიდემიოლოგებმა 36 პირის ბიოლოგიური ნიმუში აიღეს. სოფელ გეტაში ამ დროისთვის კორონავირუსით ინფიცირების ხუთი დადასტურებული შემთხვევაა. საერთო ჯამში, ლაბორატორიაში გაგზავნილი იყო 48 საკვლევი ნიმუში, მათგან 36 გეტადან, სამი სოფელ მუშევანში დადასტურებული შემთხვევების კონტაქტებიდან, შვიდი თვითიზოლაციაში მყოფი პირების, ხოლო ორი ცხელების ცენტრში მყოფი პაციენტების ბიოლოგიური ნიმუშები. ამ დროისთვის ბოლნისში 122 დადასტურებული შემთხვევაა. სამი გარდაიცვალა. გაზრდილია გამოჯანმრთელებულთა რაოდენობაც. ამ დროისთვის, ბოლნისში კორონავირუსისგან 46 გამოჯანმრთელებულია.

მსოფლიოს გავლენიანი გამოცემების ინფორმაციით, რუსეთის დედაქალაქის მცხოვრებლებში პნევმონიის მკვეთრი ზრდა ეჭვს აჩენს იმის შესახებ, რომ ოფიციალური მოსკოვი ქვეყანაში კორონავირუსთან არსებულ ვითარებას მალავს. გავრცელებული ინფორმაციით, მხოლოდ მოსკოვში წინა წლის ანალოგიურ პერიოდთან შედარებით პნევმონიის რაოდენობა 37%-ით გაიზარდა. ინფორმაციას რუსეთის სტატისტიკის სამსახური ავრცელებს. იგივე მაჩვენებლები ცხადყოფს, რომ მოსკოვში, სადაც ოფიციალურად კორონავირუსის 98 შემთხვევაა დაფიქსირებული, მხოლოდ იანვარში პრევმონიის 6921 შემთხვევა გამოვლინდა. „როიტერსის“ ინფორმაციით, რუსეთის ექიმთა ალიანსის პროფკავშირის ხელმძღვანელი ფიქრობს, რომ ხელისუფლება მოსახლეობას ატყუებს. „ისეთი შეგრძნება მაქვს, რომ გვატყუებენ“, - აცხადებს ანასტასია ვასილევნა. ცნობისთვის, რუსეთში ამ დროისთვის კორონავირუსის 180 შემთხვევა და ერთი გარდაცვალებაა დაფიქსირებული.

რუსეთის პრეზიდენტი ვლადიმერ პუტინი მუშაობას დისტანციურად განაგრძობს. პირველად ისტორიაში, ქვეყნის ლიდერი მთავრობის სხდომას ვიდეოკონფერეციის ფორმატში გამართავს. კრემლის პრესსპიკერის, დიმიტრი პესკოვის თქმით, ვლადიმერ პუტინი ტელეკონფერენციის სახით დაუკავშირდება მთავრობის წევრებს, რაც „ინოვაციური მეთოდია“. ამასთან მისივე თქმით, ვლადიმერ პუტინმა მისალმების მანერა შეცვალა და ის შეხვედრების დროს ხელს აღარავის ჩამოართმევს. ცნობისთვის, გუშინ ცნობილი გახდა, რომ იმ საავადმყოფოს მთავარ ექიმს, რომელსაც ვლადიმერ პუტინი რამდენიმე დღის წინ სტუმრობდა, კორონავირუსი დაუდგინდა.#russia #putin #covid19 #coronavirus

მოსკოვში კორონავირუსით იმაზე ბევრად მეტი ადამიანია დაავადებული, ვიდრე ჩანს, - ამის შესახებ მოსკოვის მერმა სერგეი სობინიანიმ რუსეთის პრეზიდენტს, ვლადიმერ პუტინს, განუცხადა. მისივე თქმით, შემთხვევების ზუსტი რაოდენობა უცნობია, ვინაიდან კორონავირუსზე ტესტი ძალიან ცოტა ადამიანს ჩაუტარდა. „საზღვარგარეთიდან ჩამოსული მოსკოველები თვითიზოლაციაში იმყოფებოდნენ, თუმცა მათ გამოკვლევა არ ჩაუტარებიათ. რეალურად, მნიშვნელოოვნადა მეტი დაავადებული ადამიანია,“ - განაცხადა სერგეი სობინიანიმ. სპეციალურ აღჭურვილობაში ჩაცმული რუსეთის პრეზიდენტი მოსკოვის გარეუბანში მდებარე საავადმყოფოს ესტურა, სადაც კორონავირუსით დაინფიცირებულ პაციენტებს მკურნალობენ და მედიკოსებს მადლობა გადაუხადა. შეგახსენებთ, ოფიციალური ინფორმაციით, რუსეთში კორონავირუსის 495 შემთხვევაა დადასტურებული, დაღუპულია ერთი ადამიანი. ინფორმაციას „როიტერსი“ ავრცელებს.#russia #putin #coronavirus #reuterss

უკრაინელ დეპუტატს, სერგეი შახოვს კორონავირუსი დაუდგინდა. ამის შესახებ სერგეი შახოვმა სოციალურ ქსელ „ფეისბუქის“ პირად გვერდზე თავად დაწერა. მოგვიანებით აღნიშნული ინფორმაცია უკრაინის ჯანდაცვის სამინისტრომ დაადასტურა. „დღეს ლაბორატორიიდან დამირეკეს და მითხრეს, რომ კორონავირუსი დამიდასტურდა. ამჟამად საკუთარ სახლში, კარანტინში ვიმყოფები და ახლოს არავის ვუშვებ“, – განაცხადა დეპუტატმა სოციალური ქსელის საშუალებით. როგორც ცნობილია, დეპუტატი 17 მარტს უმაღლესი რადას რიგგარეშე შეხვედრას ესწრებოდა. ამ დროისთვის არსებული ოფიციალური მონაცემებით, უკრაინაში ახალი კორონავირუსის 14 დადასტურებული შემთხვევა ფიქსირდება.

კორონავირუსი ერთ-ერთი კლინიკის ექიმს დაუდგინდა. ვირუსით დაინფიცირება აშშ-ს მოგზაურობას უკავშირდება. ექიმი, რომელიც ამერიკიდან დაბრუნდა, ორ დღეში სამსახურში მივიდა და პაციენტებს მთელი დღის განმავლობაში იღებდა. კლინიკა „მედკაპიტალის“ ექოსკოპისტს შეხება ჰქონდა ამავე კლინიკის 140-მდე თანამშრომელთან. ინფორმაციას ტელეკომპანია „მთავარი“ ავრცელებს. კლინიკა ამ დროისთვის დაკეტილია. ექიმი ქალბატონი გახლავთ და ის 14 მარტს დაბრუნდა ამერიკიდან საქართველოში. #news