Հայաստան է կողմ է ռուսաստանցի խաղաղապահների տեղակայմանը

Հայաստանի վարչապետ Նիկոլ Փաշինյանը The Daily Telegraph պարբերականին տված հարցազրույցում ասել է, թե Լեռնային Ղարաբաղի հակամարտության գոտում ռուսաստանցի խաղաղապահների տեղակայումը կլիներ «ամենաօպտիմալ որոշումը»: Այսօր լույս տեսած հարցազրույցում Փաշինյանը միաժամանակ նշել է, որ դա պետք է ընդունելի լինի բոլորի համար: «Ես կողմ եմ հակամարտոթյան գոտում ռուսաստանցի խաղաղապահների տեղակայմանը, բայց խնդիրն այն է, որ դրան պետք է հավանություն տան բոլոր կողմերը»,- ասել է Փաշինյանը:   Հայաստանի վարչապետը նշել է, որ Եվրոպան պետք է առավել ջանքեր գործադրի Ադրբեջանին Թուրքիայի աջակցությունը դադարեցնելու համար:   Հոկտեմբերի 24-ին ՀՀ ԱԳ նախարար Զոհրաբ Մնացականյանն ասել է, որ Երևանը կողմ է Լեռնային Ղարաբաղում խաղաղապահների տեղակայմանը:   Վարչապետ Նիկոլ Փաշինյանը խաղաղապահների գաղափարն ընդունելի է համարել նաև հոկտեմբերի 22-ին «Ինտերֆաքս»-ին տված հարցազրույցում: Փաշինյանն ասել է, որ Երևանի և Բաքվի պատկերացումները խաղաղապահների կազմի մասին չեն համընկնում: «Ռուսաստանը լավ հարաբերություններ ունի և՛ Ադրբեջանի, և՛ Հայաստանի հետ։ Շատ կարևոր է հաշվի առնել նաև տարածաշրջանի մյուս պետությունների կարծիքը, կարևոր է, որ խաղաղապահ ուժերը կայունացնեն տարածաշրջանը, ոչ թե հակառակը», - ասել է Հայաստանի վարչապետը ռուսական գործակալությանը։ https://www.azatutyun.am/a/30920755.html #Լուրեր