Էդուարդ Շարմազանովն ու Գեղամ Մանուկյանն ազատ են արձակվել

Հանրապետական կուսակցության անդամ Էդուարդ Շարմազանովն ազատ է արձակվել: «Ազատությանը» փոխանցեց փաստաբան Հակոբ Ենոքյանը: Նրա հաղորդմամբ` դատավոր Ֆարխոյանը ԱԺ նախկին փոխնախագահի ձերբակալումը ճանաչել է ոչ իրավաչափ: Փաստաբան Գարիկ Սահակյանն էլ հայտնեց, որ ազատ է արձակվել նաև ՀՅԴ Գերագույն մարմնի անդամ Գեղամ Մանուկյանը: Փաստաբանի ներկայացմամբ` դեռ դատարանի որոշումը չի ստացել, սակայն տվյալներ չեն եղել, որ նա կթաքնվի նախաքննության ընթացքում: Ե՛վ Շարմազանովը, և՛ Մանուկյանը ձերբակալվել էին ՀՀ քրեական օրենսգրքի 225.1-րդ հոդվածի 1-ին մասով (օրենքով սահմանված կարգի խախտմամբ հավաքը դիտավորությամբ կազմակերպելը և անցկացնելը) նախատեսված արարքի կասկածանքով:  Հիշեցնենք, որ նրանք ձերբակալվել էին երեկ: ՀՀԿ-ն և ՀՅԴ-ն  երեկ մասնակցում էին վարչապետ Փաշինյանի հրաժարականի պահանջով հանրահավաքին Ազատության հրապարակում, որին հաջորդեց երթը դեպի կառավարություն, ապա Ազգային ժողովի շենք: Ավելի վաղ հայտնի էր դարձել, որ ազատ է արձակվել նաև «Հայրենիք» կուսակցության նախագահ, ԱԱԾ նախկին տնօրեն Արթուր Վանեցյանը:   https://www.azatutyun.am/a/30945124.html #Լուրեր