21 votes
1 comments
1 shares
Save
უმაღლესი ქულა საქართველოდან | ავთანდილ ქოჩიაშვილის წარმატება აშშ-ის სამედიცინო ლიცენზიის გამოცდაზე
454 views
Forbes Woman Georgia
Tbilisi · 3 months ago

ავთანდილ ქოჩიაშვილმა აშშ-ის სამედიცინო ლიცენზიის გამოცდაზე აპლიკანტების 99%-ზე უკეთესი შედეგი აჩვენა და საქართველოდან მაქსიმალური შედეგი დააფიქსირა.


უმაღლესი ქულა საქართველოდან | ავთანდილ ქოჩიაშვილის წარმატება აშშ-ის სამედიცინო ლიცენზიის გამოცდაზე
www.forbeswoman.ge
Forbes Woman Georgia
Tbilisi · 3 months ago
Similar Posts
რადიო თავისუფლება Radio Tavisupleba
Tbilisi, Georgia · 2 days ago
2019 წელს ევროკავშირში კვლავ გაიზარდა საქართველოდან ჩასულ თავშესაფრის მაძიებელთა და არალეგალთა რიცხვი
შარშან თავშესაფრის მიღების თხოვნით ევროკავშირის ქვეყნებს საქართველოს 21 570-მა მოქალაქემ მიმართა, რაც 9%-ით მეტია შარშანდელ ანალოგიურ პერიოდთან შედარებით, - ამის შესახებ ნათქვამია, 10 ივლისს გამოქვეყნებულ ევროკომისიის დოკუმენტში, რომელსაც ეწოდება "მესამე ანგარიში უვიზო მიმოსვლის შეჩერების მექანიზმის ფარგლებში". მასში ასახულია ვიზალიბერალიზაციის განხორციელების დეტალური სურათი დასავლეთ ბალკანეთისა და აღმოსავლეთ პარტნიორობის 8 ქვეყანასთან, მათ შორის - საქართველოსთან. Frontex-ის, ევროკავშირის საგარეო საზღვრის უსაფრთხოების უწყების, მონაცემების თანახმად, 2019 წელს დაფიქსირდა საქართველოდან ევროკავშირის საზღვრის უკანონო გადაკვეთის 328 შემთხვევა, რაც მნიშვნელოვნად აღემატება წინა წლის სტატისტიკას. 2018 წელს ეს ციფრი იყო 189. რაც შეეხება ევროკავშირის სივრცეში შესვალზე უარს, Frontex-ის, თანახმად 2019 წელს საქართველოდან ევროკავშირში, უფრო ზუსტად შენგენი+ის არეალში, შესვლაზე უარი ეთქვა 17%-ით უფრო მეტ ადამიანს. 2018 წელს უარი ეთქვა 3805 მოქალაქეს, 2019 წელს - 4435-ს. ყველაზე უფრო ხშირად საქართველოდან ჩასულ ადამიანებს ევროკავშირის საგარეო საზღვრის გადალახვაზე უარი უთხრა პოლონეთმა, შემდეგ გერმანიამ და საფრანგეთმა. გასულ წელს 26%-იანი ზრდა დაფიქსირდა საქართველოდან ევროკავშირში არალეგალურად მყოფი მოქალაქეების აღრიცხვის სტატისტიკაშიც. შენგენი+ის არეალში 2019 წელს უკანონოდ იმყოფებოდა 11 845 მოქალაქე, 2018 წელს ეს ციფრი შეაგდენდა - 9 400-ს. როგორც 2018 წელს, შარშანაც არალეგალი საქართველოს მოქალაქეების ყველაზე დიდი რაოდენობა გამოვლინდა გერმანიაში, ხოლო საფრანგეთმა განაცხადა, რომ არალეგალ ქართველთა რაოდენობამ შარშან ქვეყანაში 41%-ით იმატა. Frontex-ის კვლევით, არალეგალი ქართველი მიგრანტების უმრავლესობა ევროკავშირში შასასვლელად ირჩევს შენგენის ზონის მცირე და საშუალო ზომის აეროპორტებს, სადაც ისინი ხვდებიან უმეტესად ქუთაისიდან, დაბალბიუჯეტიანი საავიაციო კომპანიების რეისებით. 2019 წელს 9%-ით გაიზარდა ევროკავშირში საქართველოდან თავშესაფრის მაძიებელთა რიცხვი. ზემოხსნებული Frontex-ის კვლევით, შესაბამის სამსახურებს თავშესაფრის თხოვნით შარშან მიმართა 21 570-მა ადამიანმა, მათ შორის იყო განმეორებით მიმართვის შემთხვევებიც. შედარებისათვის ეს ციფრი 2018 წელს იყო 19 730, ხოლო 2017-ში - 11,755. ანგარიშის თანახმად ირკევევა ისიც, რომ საქართველო პირველ ადგილზე დგას ყველა იმ ქვეყანას შორის, რომლის მოქალაქეებმაც შარშან ევროკავშირს თავშესაფრის მიღების მოთხოვნით ყველაზე ხშირად მიმართეს. ეს პრობლემა ყველაზე მეტად შარშან შეეხო საფრანგეთს, რომელსაც თავშესაფრის მიღების მოთხოვნით 8 280-მა საქართველოს მოქალაქემ მიმართა, გერმანიამ განიხლა 3875-ი , ხოლო ესპანეთმა- 1810-ი ქართველი თავშესაფრის მაძიებლის საქმე. ამასთან ანგარიშში ხაზგასმული, რომ 2020 წლის პირველ სამ თვეში, მნიშვნელოვნად იკლო საქართველოდან ევროკავშირში თავშესაფრის მაძიებელთა რაოდენობამ, რაც შარშანდელ ანალოგიურ პერიოდთან შედარებით 42%-ით ნაკლებია. ახალი ანგარიშის თანახმად, საქართველოს მოქალაქეობის მქონე აპლიკანტების უმრავლესობა ევროკავშირში თავშესაფრის ითხოვს სამედიცინო მიზეზების გამო. ევროკავშირსა და საქართველოს შორის რეადმისიის საკითხებში თანაშრომლობას, უვიზო მიმოსვლის შეჩერების მექანიზმის ფარგლებში მომზადებული მესამე ანგარიში ‘“შედეგიანს“ უწოდებს. „2019 წლის განმავლობაში ევროკავშირიდან რეადმისიის თხოვნის უმრავლესი შემთხვევა მხარდაჭერილი იქნა საქართველოს ხელისუფლების მხრიდან. 2018 წელთან შედარებით, (9 675), 2019 წელს 16 280-ს კაცამდე გაიზარდა საქართველოს იმ მოქალაქეების რაოდენობა, რომლებსაც თავშესაფარზე უარის თქმის გამო, ებრძანათ უკან დაბრუნება,“- ნათქვამია ევროკომისიის მიერ გამოქვეყნებულ დოკუმენტში, რომლესაც ეწოდება "მესამე ანგარიში უვიზო მიმოსვლის შეჩერების მექანიზმის ფარგლებში". #ახალი_ამბები#twitter
TV Imedi
Tbilisi, Georgia · 1 month ago
ეუთოში აშშ-ის ელჩი: რუსული ჯარი საქართველოდან უნდა გავიდეს - ადრე თუ გვიან, ეს მოხდება
ეუთოში აშშ-ის ელჩი: რუსული ჯარი საქართველოდან უნდა გავიდეს - ადრე თუ გვიან, ეს მოხდება
ეუთოში აშშ-ის ელჩი: რუსული ჯარი საქართველოდან უნდა გავიდეს - ადრე თუ გვიან, ეს მოხდება
ეუთოში აშშ-ის ელჩი: რუსული ჯარი საქართველოდან უნდა გავიდეს - ადრე თუ გვიან, ეს მოხდება
Deep In Tech
Poti, Georgia · 2 months ago
MIT-ის მეცნიერები სიზმრების დაჰაკვას ცდილობენ — თქვენ შეგიძლიათ გააკეთოთ ყველაფერი რაც გსურთ
MIT-ის სიზმრების ლაბორატორიის მკვლევართა ჯგუფი მუშაობს ღია პროგრამული უზრუნველყოფის მქონე პორტატულ მოწყობილობაზე, რომელსაც სიზმრებზე დაკვირვება და მათზე სხვადასხვაგვარად ზემოქმედება შეუძლია. ახალი გამოგონება ადამიანს საკუთარი სიზმრების გაკონტროლების საშუალებას მისცემს. ჯგუფ OneZero-ს მიზანია დაამტკიცოს, რომ სიზმრები უაზრო შემთხვევითობა არაა და ჩვენი სურვილისამებრ მათი "დაჰაკვა, მოდიფიცირება და გაუმჯობესება" შეგვიძლია". მარტივად რომ ვთქვათ. წარმოიდგინეთ ფილმი დასაწყისი (Inception), ოღონდ Nintendo-ს მართვის ხელთათმანის მსგავსი აქსესუარით. "ადამიანებმა არ იციან, რომ ცხოვრების მესამედი, რომელსაც ძილში ვატარებთ, ის მესამედია, რომელშიც მათ საკუთარი თავის გაუმჯობესება და შეცვლა შეუძლიათ", — ყვება MIT-ის Fluid Interfaces Group და სიზმრების ლაბორატორიის მკვლევარი ადამ ჰოროვიცი. "ასეთი სახით თქვენ შეგეძლებათ გაიუმჯობესოთ მეხსიერება, შემოქმედებითობა, აიმაღლოთ განწყობა მომდევნო დღისთვის ან უკეთესი შედეგი მიიღოთ გამოცდებზე — ამის გაკეთება თქვენ ძილის დროს შეგიძლიათ", — ამატებს ჰოროვიცი. სიზმრების ლაბორატორიის მიერ შექმნილი ხელთათმანის ფორმის მოწყობილობა, სახელწოდებით Dormino, აღჭურვილია სხვადასხვა ტიპის სენსორით, რომლებიც მომხმარებლის ძილის ფაზას ადგენენ. როცა მძინარე ადამიანი ცნობიერსა და ქვეცნიბიერს შორის არსებულ მდგომარეობაში აღმოჩნდება, ხელთათმანი გააჟღერებს წინასწარ ჩაწერილ ხმოვან სიგნალს, რომელიც ერთი სიტყვისგან შედგება. "ფხიზელი მდგომარეობიდან ძილში გადასვლის დროს, ანუ თვლემისას ცნობიერებისთვის ბუნებრივი მოვლენაა ჰიპნოგენური გამოსახულების ან ჰალუცინაციების წარმოქმნა", — VICE-სთან საუბარში განაცხადა ვალდას ნორეიკამ, რომელიც აღნიშნულ კვლევაში არ მონაწილეობს. ჰიპნოგენური მდგომარეობა ადამიანებში განსხვავებულად ვლინდება. ზოგის თქმით, გამოფხიზლებისას ისინი ძლიერ მხედველობით და ხმოვან ჰალუცინაციებს განიცდიან, ზოგს კი ამ დროს სხვა ადამიანებთან კომუნიკაციაც შეუძლიათ. სიზმრების ლაბორატორიაში დაკვირვების შედეგად Dormino-ს ხელთათმანმა გარკვეულ წარმატებას მიაღწია. ექსპერიმენტში მონაწილე 50 ადამიანის სიზმარში, ხელთათმანმა, ვეფხვი გააჩინა. Dormino-მ სენსორების საშუალებით დააფიქსირა ზუსტი დრო, როცა უნდა გაეჟღერებინა სიტყვა "ვეფხვი," შედეგად კი ადამიანი სიზმარში ვეფხვს ხედავდა. მოწყობილობის მიზანია სიზმარზე დაკვირვების ტექნოლოგიის დემოკრატიზაცია. გასაჯაროებული ინსტრუქციებისა და GitHub-ზე განთავსებული ბიოსიგნალებებზე დაკვირვებისთვის საჭირო ღია კოდის საშუალებით საკუთარი Dormino-ს აწყობა პრაქტიკულად ყველას შეუძლია. სიზმარზე აუდიო ზემოქმედების გარდა სიზმრების ლაბორატორიაში არომატის ამოსაფრქვევ მოწყობილობაზეც მუშაობენ, რომელიც ძილის მე-3 ფაზაში გადასვლის დროს ამოიფრქვევა და სიზმარში მოდიფიკაციების უფრო მეტ შესაძლებლობას მოგვცემს. "ეს თითქმის ცხადში ხდება, თქვენ შეგიძლიათ გაფრინდეთ, იმღეროთ, დაკავდეთ სექსით — ეს VR-ზე ბევრად საინტერესოა", — წერს მონრეალის უნივერსიტეტის ფსიქიატრიის პროფესორი თორე ნილსენი საკუთარ ბლოგში. "ეს არაცნობიერი ინტელექტის კიდევ ერთი სახეობაა", — ყვება არიზონას უნივერსიტეტის ექსპერტი სიზმრებისა და ძილის საკითხების მიმართულებით რუბინ ნაიმანი. წყარო: Futurism#ტექნოლოგიები #tech #technology #news #opinion #goodplaces #art #photo
რადიო თავისუფლება Radio Tavisupleba
Tbilisi, Georgia · 5 days ago
პროდუქტებში საღებავ Sudan-ის არსებობას საქართველოში წელსაც შეისწავლიან
სურსათის ეროვნული სააგენტო წინა წლების მსგავსად თევზისა და სურსათის სხვა პროდუქტებში მავნე ნივთიერებების არსებობას შეისწავლის. სააგენტო მომსახურების შეძენას ლატვიური კომპანიისგან აპირებს და ჯამში 32 898 ევროს გადაიხდის. "ბაზრის კვლევამ აჩვენა, რომ საქართველოში მოქმედი ლაბორატორიები ვერ გვთავაზობენ აღნიშნულ მომსახურებას უცხოური, ქვეკონტრაქტორი ლაბორატორიების მეშვეობითაც", - აღნიშნავს სურსათის სააგენტო შესყიდვების სააგენტოსთვის მიწოდებულ ინფორმაციაში. ამ თანხით დეკემბრამდე კვლევა ჩატარდება თევზის 30 ნიმუშზე და შეისწავლიან ვეტერინარული პრეპარატებისა და სხვა დამაბინძურებლების ნარჩენების შემცველობას. გარდა ამისა, კვლევა ჩაუტარდება სხვადასხვა სასურსათო პროდუქტს, ჯამში 34 ნიმუშს და ისინი შემოწმდება შემდეგ საღებავებზე: Sudan I; Sudan II; Sudan III; Sudan IV; Sudan orange G; Sudan Red 7n და Para Red. “სუდან 1” არის არასაკვები საღებავი, რომელიც აშშ-ის მედიცინის ეროვნული ბიბლიოთეკის ინფორმაცით ძირითადად საყოფაცხოვრებო ნივთების დამზადებისთვის გამოიყენება. ის წითელი შეფერილობისაა და მახასიათებლებში მითითებულია, რომ საკვებში გამოყენება დაუშვებელია. მიზეზად კი სახელდება ის, რომ “ადამიანის დნმ-ზე ახდენს პირდაპირ გავლენას”. აქვე აღნიშნულია, რომ ცხოველებზე ჩატარებული კვლევების საფუძველზე "სუდან 1" კიბოს გამომწვევ ნივთიერებად არის მიჩნეული. ვროკავშირის ბაზარზე საღებავი “სუდან 1” 15 წლის წინ წიწაკისგან დამზადებულ სოუსებში აღმოაჩინეს. მაშინ პროდუქცია მთლიანად გაიტანეს ბაზრიდან. ამას მოჰყვა ბაზარზე კონტროლის გამკაცრება და კანონმდებლობის დახვეწაც, რათა საღებავი საკვებ პროდუქტებში არ მოხვედრილიყო. 2018-2019 წლებში, ევროკავშირის ქვეყნებში საქართველოდან შეტანილი სუნელების სამ პარტიაში საღებავი „სუდანი“ გამოვლინდა. #ახალი_ამბები#twitter
შინაგან საქმეთა სამინისტრო / Ministry of Internal Affairs of Georgia
Tbilisi, Georgia · 1 month ago
შინაგან საქმეთა სამინისტროს აშშ-ის თავდაცვის სფეროში თანამშრომლობის სამსახურმა სამედიცინო პრევენციული საშუალებები გადასცა
საქართველოს შინაგან საქმეთა სამინისტროს ამერიკის შეერთებული შტატების თავდაცვის სფეროში თანამშრომლობის სამსახურმა (ODC), COVID-19-ის გავრცელების პრევენციის მიზნით, ადგილობრივი წარმოების პერსონალური დაცვის აღჭურვილობა გადასცა. აღნიშნული მხარდაჭერა აშშ-ის თავდაცვის დეპარტამენტის ჰუმანიტარული დახმარების პროგრამის ფარგლებში განხორციელდა, რაც საქართველოსა და აშშ-ს შორის უსაფრთხოების სფეროში არსებული მჭიდრო თანამშრომლობის კიდევ ერთი დადასტურებაა. აღჭურვილობის გადაცემის ცერემონიას საქართველოს შინაგან საქმეთა მინისტრის მოადგილე გიორგი ბუთხუზი, ამერიკის საელჩოს მხრიდან კი - აშშ-ის თავდაცვის ატაშე - პოლკოვნიკი სტეფან ბეგლი, თავდაცვის სფეროში თანამშრომლობის სამსახურის უფროსი - ვიცე-პოლკოვნიკი ჯოზეფ ბილბო და ორმხრივი ურთიერთობების ოფიცერი ჯორჯიის შტატიდან - მაიორი კვინტინ დოლი ესწრებოდნენ. აშშ-ის თავდაცვის სფეროში თანამშრომლობის სამსახურმა საქართველოს შინაგან საქმეთა სამინისტროს 300 ერთჯერადი სამედიცინო ხალათი, 1120 ერთჯერადი თეთრი დამცავი სამოსი და 90 ცალი IR თერმომეტრი გადასცა, რაც უწყების თანამშრომლებს საშუალებას მისცემს, უსაფრთხოების ნორმების სრული დაცვით, ეფექტურად განახორციელონ პანდემიასთან საბრძოლველად მათზე დაკისრებული მოვალეობები. საქართველოს შინაგან საქმეთა სამინისტროსა და აშშ-ს შორის მრავალწლიანი მჭიდრო თანამშრომლობის ფარგლებში არაერთი წარმატებული პროექტი განხორციელდა, რომლებმაც მნიშვნელოვნად შეუწყო ხელი სამინისტროს სხვადასხვა მიმართულებით, მათ შორის სანაპირო დაცვის შესაძლებლობების გაძლიერების მიმართულებით. “პირველ რიგში, მსურს, შინაგან საქმეთა სამინისტროს მივულოცო ის წარმატებული ნაბიჯები, რომლებიც კოვიდ-19-თან საბრძოლველად გადადგა. უწყების ღონისძიებები სრულად იყო კოორდინირებული საქართველოს თავდაცვის სამინისტროსთან. აშშ-ის საელჩოს და თავდაცვის სფეროში თანამშრომლობის სამსახურს ხანგრძლივი ურთიერთთანამშრომლობის ისტორია აკავშირებს საქართველოს შინაგან საქმეთა სამინისტროსთან, განსაკუთრებით კი საგანგებო მდგომარეობაზე რეაგირების კუთხით. მათი მხრიდან განხორციელებული ღონისძიებები სწორედ იმ თანამშრომლობაზე მიუთითებს, რაც წლებია, უკვე არსებობს ჩვენ შორის“- განაცხადა აშშ-ის თავდაცვის სფეროში თანამშრომლობის ოფისის ხელმძღვანელმა, ვიცე პოლკოვნიკიმა ჯოზეფ ბილბომ.
საბრალდებო დასკვნა
Tbilisi, Georgia · 1 week ago
არუნდატი როი - პანდემია პორტალია
ვისღა შეუძლია წარმოთქვას ფრაზა „ვირუსულად გავრცელდა“ ისე, რომ შიშმა არ აიტანოს? ვისღა შეუძლია შეხედოს საგნებს – კარის სახელურს, მუყაოს ყუთს, ბოსტნეულის ტომარას – ისე, რომ არ წარმოიდგინოს მათზე შემოჯარული უხილავი, უკვდავი, უსიცოცხლო, ჯამისებრი საწოვარებით დაწინწკლული ბურთულები, რომლებიც ჩვენს ფილტვებზე მიმაგრებას ელიან? ნამდვილი შიშის გარეშე ვისღა შეუძლია იფიქროს უცხო ადამიანის კოცნაზე, ავტობუსში ასვლაზე ან ბავშვის სკოლაში გაშვებაზე? ვისღა შეუძლია რისკების გამოთვლის გარეშე იფიქროს ყოველდღიურ სიამოვნებაზე? რომელი ჩვენგანი არ არის ცრუ ეპიდემიოლოგი, ვიროლოგი, სტატისტიკოსი და წინასწარმეტყველი? რომელი მეცნიერი ან ექიმი არ ლოცულობს ფარულად სასწაულისთვის? რომელი მღვდელი არ ემორჩილება – ფარულად მაინც – მეცნიერებას? და თუნდაც ვირუსის გავრცელების ფონზე, ვინ არ ააღელვა დიდ ქალაქებში ჩიტების ჭიკჭიკის გაძლიერებულმა ხმამ, გადასასვლელებზე ფარშევანგების ცეკვამ და დადუმებულმა ზეცამ? მსოფლიოში ინფიცირებულთა რაოდენობამ მილიონს გადააჭარბა. დაღუპულია 50 ათასზე მეტი ადამიანი. შესაძლოა ასობით ათასი ან უფრო მეტი კიდევ დაინფიცირდეს. ვირუსი თავისუფლად გადაადგილდა სავაჭრო გზებთან და საერთაშორისო კაპიტალთან ერთად, და მისმა თანმხლებმა საშინელმა ავადმყოფობამ ადამიანები თავიანთ ქვეყნებში, ქალაქებსა და სახლებში გამოკეტა. თუმცა კაპიტალის მოძრაობისგან განსხვავებით, ეს ვირუსი გავრცელებისკენ ისწრაფვის და არა მოგებისკენ. მან გაუაზრებლად, გარკვეული დოზით დინებას მიმართულება შეუცვალა. მასხრად აიგდო საიმიგრაციო კონტროლი, ბიომეტრია, ციფრული კონტროლი და სხვა ნებისმიერი სახის მონაცემთა ანალიზი. ჯერჯერობით ყველაზე მეტად გავრცელდა მსოფლიოს ყველაზე მდიდარ, ძლიერ ქვეყნებში, მწყობრიდან გამოიყვანა კაპიტალიზმის ძრავა. შესაძლოა, დროებით, მაგრამ საკმაო დროით იმისთვის, რომ მისი ნაწილები შევისწავლოთ, რათა შევაფასოთ და გადავწყვიტოთ, მისი შეკეთება გვირჩევნია, თუ უკეთესი ძრავის ძიება. სამთავრობო პირები, რომლებიც პანდემიის მართვას ხელმძღვანელობენ, გატაცებით საუბრობენ ომზე. ისინი „ომს“ როგორც მეტაფორას კი არა, პირდაპირი გაგებით იყენებენ. და ეს მართლაც რომ ომი იყოს, ვინ მოემზადებოდა აშშ-ზე უკეთ? წინა ხაზის მებრძოლებს ნიღბებისა და ხელთათმანების ნაცვლად – იარაღები, „ჭკვიანი ბომბები“, ბუნკერის ასაფეთქებლები, წყალქვეშა ნავები, რეაქტიული გამანადგურებლები და ატომური ბომბები რომ სჭირდებოდეთ, იქნებოდა კი მათი დეფიციტი? ღამღამობით ნახევარი მსოფლიოს დაშორებით, ზოგიერთი ჩვენგანი ნიუ-იორკის გუბერნატორს გაუგებარი აღტაცებით უყურებს. თვალს ვადევნებთ სტატისტიკას და ვისმენთ ამბებს ამერიკის გადატვირთულ საავადმყოფოებზე, დაბალანაზღაურებად, მუშაობით გადამწვარ ექთნებზე, რომლებსაც ნიღბების ნაგვის ჩანთებისგან და ძველი საწვიმრებისგან დამზადება უწევთ, რომლებიც ყველაფერს რისკავენ ავადმყოფის დასახმარებლად. ვისმენთ ამბებს, როგორ ეცილებიან შტატები ერთმანეთს ვაჭრობაში სასუნთქი აპარატების მისაღებად; ვისმენთ ექიმების დილემის შესახებ, რომლებსაც უწევთ არჩევანი გააკეთონ, ვინ მიიღებს სასუნთქ აპარატს და ვის გაწირავენ სასიკვდილოდ. ჩვენ კი ჩვენთვის ვფიქრობთ, „ღმერთო ჩემო! ეს ამერიკაა!“ ტრაგედია არის უეცარი, ნამდვილი, მასშტაბური და ის ჩვენს თვალწინ იშლება. თუმცა ეს არ არის ახალი. ეს იმ მატარებლის მარცხია, წლების განმავლობაში რომ გზიდან ვარდებოდა. ვის აღარ ახსოვს ვიდეოები „გადაგდებულ პაციენტებზე“ – იმ ავადმყოფებზე, რომლებსაც ჯერ კიდევ საავადმყოფოს პერანგი ეცვათ, საჯდომი მოშიშვლებოდათ და რომლებსაც მალულად იშორებდნენ ქუჩის კუთხეში? საავადმყოფოების კარი ძალიან ხშირად დახურულა ამერიკის უიღბლო მოქალაქეებისთვის, მიუხედავად იმისა, რამდენად სერიოზული იყო მათი ავადმყოფობა ან როგორ იტანჯებოდნენ. ახლა მაინც აღარ ხდება ასე – რადგან ახლა, ვირუსის ხანაში ღარიბი ადამიანის ავადმყოფობამ შეიძლება მდიდრის ჯანმრთელობას ავნოს. და ახლა, ამ პერიოდშიც კი ბერნი სანდერსს, სენატორს, რომელიც საყოველთაო ჯანდაცვის ხისტ კამპანიას ეწეოდა, თავისსავე პარტიაშიც კი თეთრი სახლისთვის შეუფერებლად მიიჩნევენ. ჩემს ქვეყანაზე რაღა ვთქვა, ჩემს მდიდარ-ღარიბ ქვეყანაზე, ინდოეთზე – სადღაც ფეოდალიზმსა და რელიგიურ ფუნდამენტალიზმს, კასტურობასა და კაპიტალიზმს შორის გაჭედილზე, რომელსაც რადიკალი მემარჯვენე ინდუსი ნაციონალისტები მართავენ. დეკემბერში, სანამ ჩინეთი ვირუსს უჰანში ებრძოდა, ინდოეთის მთავრობას ასობით ათასი მოქალაქის საპროტესტო გამოსვლასთან უწევდა გამკლავება. მოქალაქეები მუსლიმთა წინააღმდეგ მიღებულ დისკრიმინაციულ კანონს აპროტესტებდნენ. COVID-19-ის პირველი შემთხვევა ინდოეთში 30 იანვარს დადასტურდა, დელი მხოლოდ რამდენიმე დღის შემდეგ დატოვა რესპუბლიკის დღის აღსანიშნავი აღლუმის საპატიო სტუმარმა, ამაზონის ტყის მშთანთქმელმა და COVID-ის უარმყოფელმა ჯაირ ბოლსონარომ [ბრაზილიის პრეზიდენტი]. თუმცა თებერვალში უამრავი საქმე იყო საიმისოდ, რომ მმართველი პარტიის დღის წესრიგში ვირუსის საკითხი დაეყენებინათ. თვის ბოლოს პრეზიდენტ დონალდ ტრამპის ვიზიტი იყო დაგეგმილი. ის მიიტყუეს იმ დაპირებით, რომ გუჯარათის შტატის სპორტულ მოედანზე მილიონიან აუდიტორიას დაახვედრებდნენ. ამ ყველაფერმა ბევრი დრო და ფული წაიღო. შემდეგ იყო დელის საკანონმდებლო ასამბლეის არჩევნები, რომელშიც პარტია ბჰარატია ჯანატა („ხალხის პარტია“) დამარცხებისთვის იყო განწირული, ძალისხმევის გაორმაგების მიუხედავად – მავნე, ყველაფრის მკადრებელი ინდუსნაციონალისტური კამპანიით. ეს კამპანია ფიზიკური ძალადობისა და „მოღალატეების“ ამოხოცვის მუქარით იყო გაჯერებული. ისინი მაინც დამარცხდნენ [ბჰარატია ჯანატა მეორე ადგილზე გავიდა]. ამიტომ ამ დამცირებაში ბრალდებული მუსლიმები უნდა დაესაჯათ. შეიარაღებული ინდუსი ვიჯილანტების ბრბომ დელიში, მუშათა კლასის დასახლებაში მცხოვრებ მუსლიმებს შეუტია. მათ პოლიციაც უმაგრებდა ზურგს. გადაწვეს სახლები, მაღაზიები, მეჩეთები და სკოლები. საპასუხოდ იმ მუსლიმებმაც შეუტიეს, რომლებიც ამბის ასეთ განვითარებას ელოდნენ. დაიღუპა 50-ზე მეტი ადამიანი. ათასობით ადამიანი ადგილობრივ სასაფლაოებზე მდებარე დევნილთა ბანაკებში გადასახლდა. ჯერ კიდევ დასახიჩრებული გვამებისგან ბინძურ, მყრალ საკანალიზაციო ქსელს ასუფთავებდნენ, როდესაც მთავრობის წევრებმა პირველი შეხვედრა გამართეს COVID-ის შესახებ და ინდოელთა უმეტესობამ პირველად გაიგო „ხელის სანიტაიზერის“ შესახებ. მარტის თვეც დატვირთული იყო. პირველი ორი კვირა დაეთმო ცენტრალურ შტატში, მადჰია-პრადეშში მთავრობის კონგრესს და „ხალხის პარტიის“ მთავრობის დანიშვნას. 11 მარტს ჯანდაცვის მსოფლიო ორგანიზაციამ COVID-19 პანდემიად გამოაცხადა. ორი დღის შემდეგ, 13 მარტს ჯანდაცვის მინისტრმა კი განაცხადა, რომ კორონა „ჯანმრთელობისთვის არ არის საგანგაშო“. საბოლოოდ, 19 მარტს ინდოეთის პრემიერ-მინისტრმა ერს მიმართა. ბევრი არ უვარჯიშია. მან უბრალოდ საფრანგეთისა და იტალიის სტრატეგიები მიითვისა. გაგვაფრთხილა „სოციალური დისტანცირების“ საჭიროებაზე (ეს მარტივი გასაგებია საზოგადოებისთვის, რომელიც ასე ღრმად არის ჩაფლული კასტურ წყობაში) და 22 მარტიდან კომენდანტის საათი გამოაცხადა. არაფერი უთქვამს იმაზე, თუ რის გაკეთებას აპირებდა მთავრობა კრიზისის დროს, თუმცა ხალხს სთხოვა, გამოსულიყვნენ აივნებზე და ჯანდაცვის მუშაკებთან მისასალმებლად ქვაბებსა და ტაფებზე დაეკრათ. პრემიერ-მინისტრს იმ დრომდე არც კი ეხსენებინა, ინდოეთი რომ კვლავ ეწეოდა დამცავი და სასუნთქი აღჭუღვილობების ექსპორტს. ნაცვლად იმისა, რომ ეს აღჭურვილობა საავადმყოფოებისა და სამედიცინო პერსონალისთვის შემოენახათ. გასაკვირი არც იყო, ნარენდა მოდის [პრემიერ-მინისტრის] წინადადებას დიდი ენთუზიაზმით რომ შეხვდნენ. ურტყამდნენ ქვაბებს, ცეკვავდნენ და აწყობდნენ პროცესიებს. მთლად სოციალური დისტანცირებაც არ გამოვიდა. მომდევნო დღეებში კი კაცი წმინდა ძროხის ნაკელის გროვაში ჩახტა, ხოლო „ხალხის პარტიის“ მხარდამჭერებმა ძროხის შარდის სმის წვეულებები გამართეს. ობიექტურობისთვის ისიც უნდა ითქვას, რომ ბევრმა მუსლიმურმა ორგანიზაციამ გამოაცხადა, რომ ყოვლისშემძლე [ღმერთი] იყო პასუხი ვირუსისთვის და მორწმუნეებს მეჩეთებში შეკრებისკენ მოუწოდა. 24 მარტს, საღამოს 8 საათზე მოდი ტელეკრანზე ისევ გამოჩნდა და გამოაცხადა, რომ შუაღამის შემდეგ მთელი ინდოეთი მკაცრი თვითიზოლაციის რეჟიმზე გადაერთვებოდა. მისივე თქმით, იზღუდებოდა კერძო და საზოგადოებრივი ტრანსპორტის გადაადგილება. ისიც დასძინა, რომ ამ გადაწყვეტილებას იღებდა არა როგორც პრემიერ-მინისტრი, არამედ როგორც ჩვენი ოჯახის უხუცესი. ვის შეუძლია გადაწყვიტოს, რომ 1.38-მილიარდიანი სრულიად მოუმზადებელი მოსახლეობა თვითიზოლაზიაში გადავიდეს? თან ისე, რომ ამის შესახებ 4 საათით ადრე ატყობინებ. მან ეს მთავრობასთან შეუთანხმებლად გადაწყვიტა, მთავრობას კი ამ გადაწყვეტილების საზიანო შედეგებთან გამკლავება მოუწევს. ინდოეთის პრემიერ-მინისტრი მოქალაქეებს მოიაზრებს მტრულ ძალად, რომელსაც თავს მოულოდნელად უნდა დაესხა და არასდროს ენდო – მისი მეთოდები სწორედ ასეთ შთაბეჭდილებას ტოვებს. და ვიყავით თვითიზოლაციაში. ჯანდაცვის ბევრი სპეციალისტი და ეპიდემიოლოგი ამ ნაბიჯს მიესალმა. შეიძლება, ისინი თეორიულად მართლები არიან. თუმცა, ცხადია, არცერთ მათგანს არ შეუძლია მხარი დაუჭიროს დამღუპველ რამეს – გეგმის არქონას. ან მზაობას, ანუ მსოფლიოს ყველაზე დიდ, სადამსჯელო იზოლაციას, რომელიც ბოლოს დასახული მიზნების სრულიად საპირისპირო მოვლენად იქცა. კაცმა, რომელსაც სეირის ყურება უყვარს, თვითონვე შექმნა ყველა სეირის სეირი. სანამ შეშფოთებული მსოფლიო აკვირდებოდა, ინდოეთმა ყველა თავისი სირცხვილი გამოააშკარავა – სისასტიკე, სტრუქტურულობა, სოციალური და ეკონომიკური უთანასწორობა, გაუხეშებული ინდიფერენტულობა ტანჯვის მიმართ. იზოლაციამ იმ ქიმიური ექსპერიმენტივით იმუშავა, დამალულ ნივთიერებებს რომ ამჟღავნებს. მაღაზიების, რესტორნებისა და სამშენებლო ინდუსტრიის დახურვასთან ერთად, მდიდარი და საშუალო კლასი გალავანშემორტყმულ დასახლებებში გამოიკეტა. ჩვენმა ქალაქებმა და მეგაქალაქებმა კი მუშათა კლასის თავიდან მოცილება დაიწყო. მიგრანტ მუშებს წანაზარდებივით იშორებდნენ. ბევრი მათგანი დამსაქმებელმა ან მიწათმფლობელმა გაიყვანა ქალაქიდან. ხოლო რადგანაც საზოგადოებრივი ტრანსპორტი არსად ჩანდა, საკუთარ სოფლებამდე ფეხით მსვლელობა დაიწყო მილიონობით ღატაკმა, მშიერმა, მწყურვალმა, ახალგაზრდამ და მოხუცმა, კაცმა, ქალმა, ბავშვმა, სნეულმა, შეზღუდული შესაძლებლობის მქონემ, მათ, ვისაც წასასვლელი აღარსად ჰქონდა. ისინი დღეების განმავლობაში მიაბიჯებდნენ ასობით კილომეტრით დაშორებულ ბადაუნისკენ, აგრასკენ, აზამგარჰისკენ, ალიგარჰისკენ, ლუქნავისკენ, გორაკჰპურისკენ. ზოგიერთი მათგანი გზაში დაიღუპა. მათ იცოდნენ, რომ შინ ბრუნდებოდნენ, რათა შიმშილი დაეოკებინათ. ალბათ ისიც იცოდნენ, რომ შეიძლებოდა ვირუსის გადამტანი ყოფილიყვნენ და ოჯახის წევრებისთვის, მშობლებისა და ბებია-ბაბუებისთვის გადაედოთ. თუმცა მათ საშინლად სჭირდებოდათ სიახლოვის ნამცეცი, საკვებივით სჭირდებოდათ – თუ სიყვარულივით არა – თავშესაფარი და ღირსების გრძნობა. სანამ მიდიოდნენ, ზოგიერთს კომენდანტის საათის წესების დარღვევის გამო სასტიკად უსწორდებოდა და ამცირებდა პოლიცია. ბიჭებს ქუჩაში ხტუნვასა და ბუქნების გაკეთებას აიძულებდნენ. ქალაქ ბარელისთან კი ადამიანები შეაჯგუფეს და ქიმიური სპრეი გადაასხეს. რამდენიმე დღის შემდეგ მთავრობამ ვირუსის გავრცელების შიშით შტატების შესასვლელები ქვეითებისთვისაც ჩაკეტა. ადამიანები, რომლებიც დღეების განმავლობაში სახლებისკენ მიიწევდნენ, შეაჩერეს და აიძულეს ქალაქების იმ ბანაკებში დაბრუნებულიყვნენ, საიდანაც ასევე იძულებით წამოვიდნენ. ხანდაზმულებს 1947 წლის გადასახლების მოგონებები გაუცოცხლდათ, როდესაც ინდოეთი გაიხლიჩა და პაკისტანი დაიბადა. ოღონდ იმ განსხვავებით, რომ ახლანდელი გამოსვლა [ბიბლ.] არა რელიგიამ, არამედ კლასობრივმა დაყოფამ განაპირობა. თუმცა ისინი ინდოეთის უღარიბეს ადამიანებს არ წარმოადგენდნენ. მათ სამსახური მაინც ჰქონდათ (აქამდე მაინც) ქალაქში და სახლი, სადაც დაბრუნდებოდნენ. უსამსახურონი, უსახლკარონი და უიმედონი ისევ იქ რჩებოდნენ, სადაც აქამდე იყვნენ – ქალაქებსა თუ სოფლებში, სადაც დიდ გაჭირვებას ამ ტრაგედიამდე კარგა ხნით ადრე ჰქონდა ფესვი გადგმული. ამ კოშმარული დღეების მიუხედავად, შინაგან საქმეთა მინისტრი ამიტ შაჰი საჯაროდ მაინც არ გამოჩენილა. როცა დელიში მსვლელობა დაიწყო, ღაზიპურამდე მისასვლელად იმ ჟურნალის პრესბარათი გამოვიყენე, რომლისთვისაც რეგულარულად ვწერ. ბიბლიური სცენა იყო. ან შეიძლება არც იყო. ბიბლია ვერ წარმოიდგენდა ადამიანების ასეთ სიმრავლეს. ფიზიკური დისტანცირების მიზნით გამოცხადებულმა თვითიზოლაციამ საპირისპირო შედეგი გამოიღო – წარმოუდგენელი მასშტაბის ფიზიკური სიმჭიდროვე. ინდოეთის ქალაქებშიც კი ეს არის სინამდვილე. მთავარი ქუჩები შეიძლება ცარიელი იყოს, მაგრამ ღარიბები გამოკეტილნი არიან ბარაკებში, ჯურღმულებსა და ქოხმახებში. მსვლელობაში მონაწილეთაგან ვისაც ვესაუბრე, ყველა ღელავდა ვირუსის გამო. თუმცა ის ამ ადამიანების ცხოვრებაში ნაკლებად რეალური, ნაკლებად ხელშესახები იყო, განსხვავებით მოსალოდნელი უმუშევრობისგან, შიმშილისა და პოლიციის ძალადობისგან. ყველა იმ ადამიანს შორის, ვისაც გავესაუბრე (მათ შორის ერთი კვირით ადრე ანტიისლამურ თავდასხმებს გადარჩენილ მუსლიმი მკერავების ჯგუფს), ერთი კაცის სიტყვებმა განსაკუთრებით ამაღელვა. ის დურგალი იყო, მარჯიტი ერქვა და გორახპურამდე, ნეპალის საზღვრის მახლობლად განეზრახა მისვლა. „იქნებ, როცა ბატონი მოდი ამ გადაწყვეტილებას იღებდა, ჩვენ შესახებ არვინ არაფერი უთხრა. იქნებ მან ჩვენზე არ იცის?“, – თქვა მან. ეს „ჩვენ“ დაახლოებით 460 მილიონი ადამიანია. შტატების ადგილობრივმა მთავრობებმა (აშშ-ის მსგავსად) მეტი გულისხმიერება გამოიჩინეს კრიზისის დროს. სავაჭრო გაერთიანებები, კერძო პირები და სხვადასხვა კოლექტივი საკვებსა და განსაკუთრებით საჭირო პროდუქტებს არიგებდნენ. ცენტრალური მთავრობა კი აუჩქარებლად პასუხობდა ადგილობრივ ხელისუფლებათა სასოწარკვეთილ თხოვნებს ფულად სახსრებზე. ირკვევა, რომ პრემიერ-მინისტრის დახმარების ეროვნულ ფონდს არ გააჩნია ხელმისაწვდომი მზა თანხა. ამის ნაცვლად, კეთილისმსურველთა ფული როგორღაც ახალ ამოუცნობ ფონდში PM-CARES-ში გადაუტანიათ. წინასწარ შეფუთულმა საკვებმაც დაიწყო გამოჩენა, შეფუთვებზე პრემიერ-მინისტრის სახე იყო გამოსახული. ამ ყველაფერთან ერთად, პრემიერ-მინისტრმა იოგა ნიდრას ვიდეო გამოაქვეყნა. ვიდეოში კომპიუტერული ანიმაციით შექმნილი, საოცნებო სხეულის მქონე თავისივე პროტოტიპი იოგას მოძრაობებს ასრულებს, რათა ხალხს თვითიზოლაციის სტრესთან გამკლავებაში დაეხმაროს. ნარცისიზმი ძალზედ შემაწუხებელია. შეიძლება, ერთ-ერთი ასანა [იოგას პოზა] სათხოვარი ასანა იყოს, რომლის მეშვეობითაც პრემიერი მოდი საფრანგეთის პრემიერ-მინისტრს სთხოვს: დაგვრთოს ნება, რომ დავარღვიოთ ის პრობლემური შეთანხმება Rafale-ის რეაქტიულ გამანადგურებლებზე [ინდოეთის მთავრობამ საფრანგეთისგან 7,8 მილიარდ ევროდ 36 ახალი საბრძოლო ხომალდი შეისყიდა] და ის 7,8 მილიარდი ევრო სასიცოცხლოდ მნიშვნელოვან საგანგებო ღონისძიებებს მოვახმაროთ მილიონობით მშიერი ადამიანის დასახმარებლად. ფრანგებიც უეჭველად გაგვიგებენ. თვითიზოლაციის მეორე კვირას მომარაგების ჯაჭვი წყდება, წამლები და განსაკუთრებული მნიშვნელობის მარაგები თავდება. ათასობით სატვირთოს მძღოლი ცოტაოდენი საკვებითა და წყლით შუა გზაშია მიტოვებული. მოსამკელად გამზადებული თავთავები ნელ-ნელა ლპება. დგას ეკონომიკური კრიზისი. მიმდინარეობს პოლიტიკური კრიზისი. კორონავირუსის ამბავი მეინსტრიმულმა მედიამ ერთხმად გადააქცია 24-საათიან, ტოქსიკურ ანტიმუსლიმურ კამპანიად. „სუპერგამავრცელებელი“ აღმოჩნდა ორგანიზაცია Tablighi Jamaat. ისინი ინფორმაციას მუსლიმთა სტიგმატიზებისა და დემონიზების მიზნით ავრცელებდნენ. ზოგადი რიტორიკა კი ისეთი იყო, თითქოს მუსლიმებმა შექმნეს ვირუსი და გაავრცელეს, როგორც ჯიჰადის ფორმა. Covid-ის კრიზისი ჯერ კიდევ წინ არის. ან არ არის. არ ვიცით. თუ/როდესაც ეს კრიზისი დადგება, შეგვიძლია დარწმუნებულნი ვიყოთ, რომ არსებული ცუდი წინასწარგანწყობები რელიგიის, კასტისა და კლასის მიმართ კიდევ უფრო გამძაფრდება. დღეს (2 აპრილს) ინდოეთში კორონავირუსის თითქმის 2 000 დადასტურებული შემთხვევა და 58 გარდაცვლილია. ცხადია, ეს მონაცემები სანდო არც არის, რადგან ის, სამწუხაროდ, ტესტების უმნიშვნელო რაოდენობას ემყარება. ექსპერტთა მოსაზრებები ერთმანეთს არ ემთხვევა. ზოგიერთი მილიონობით ინფიცირებულს წინასწარმეტყველებს. სხვები ფიქრობენ, რომ დანაკარგი გაცილებით ნაკლები იქნება. ჩვენ შეიძლება ვერასდროს დავინახოთ კრიზისის კონტურები, მაშინაც კი, როცა ჩვენ შემოგვიტევს. რაც ვიცით, ის არის, რომ ჯერ საავადმყოფოებზე მოთხოვნა არ გაზრდილა. ინდოეთის სახელმწიფო ჰოსპიტლები და კლინიკები ვერ უმკლავდებიან მილიონამდე ბავშვს, რომლებიც ყოველწლიურად იღუპებიან დიარეის, საკვების უკმარისობისა და ჯანმრთელობის სხვა პრობლემების გამო. ვერ უმკლავდებიან ტუბერკულიოზით დაავადებულ ასობით ათას პაციენტს (მსოფლიოში დაავადებულთა მეოთხედი), ანემიურ და კვების უკმარისობით დასუსტებულ პოპულაციას, რომლისთვისაც ნებისმიერი ავადმყოფობა შეიძლება ფატალური აღმოჩნდეს – აქ ისეთ კრიზისს ვერ გაუმკლავდებიან, როგორიც ამერიკასა და ევროპაშია. მთელი ჯანდაცვა მეტ-ნაკლებად შეჩერებულია, რადგან საავადმყოფოები ვირუსთან ბრძოლაზე გადაერთნენ. ინდოეთის სამედიცინო დისციპლინების ლეგენდარული ინსტიტუტის ტრავმის ცენტრი დახურულია. კიბოთი დაავადებული ასობით პაციენტი კი, რომლებიც საავადმყოფოს გზებზე ცხოვრობენ, ნახირივით გაფანტულა. მათ „კიბოს დევნილების“ სახელით იცნობენ. ადამიანები დაავადდებიან და სახლებში დაიხოცებიან. ჩვენ მათი ამბავი შეიძლება ვერასოდეს გავიგოთ. ისინი შეიძლება სტატისტიკადაც კი ვერ იქცნენ. ჩვენ მხოლოდ იმედიღა გვრჩება, რომ ის მკვლევრები, რომელთა აზრითაც, ვირუსს ცივი ამინდი მოსწონს, არ ცდებიან (თუმცა სხვა მკვლევრებს ამაში ეჭვი ეპარებათ). ასე ძლიერად, ასე ირაციონალურად ხალხს არასოდეს უნატრია მწველი, სასტიკი ინდური ზაფხული. რა არის ეს, რაც ჩვენ დაგვემართა? კი, ვირუსია. მას არ გააჩნია მორალური ღირებულება. თუმცა ის ნამდვილად ვირუსზე მეტია. ზოგიერთს სწამს, რომ ეს უფლის გზაა ჩვენს აზრზე მოსაყვანად. ზოგიერთის აზრით, ეს ჩინური კონსპირაციაა, რათა მსოფლიოზე ბატონობა შეძლონ. #პოლიტიკა #პანდემია #კრიზისი
Tbilisi Daily
Tbilisi, Georgia · 1 month ago
იწვევს თუ არა ახალი კორონავირუსის გართულება კავასაკის დაავადებას?
პრილის ბოლოს, რომის პაპის, იოანე XXIII-ის ჰოსპიტლის (ბოლონია) სპეციალისტებმა განაცხადეს, რომ ბავშვებში კავასაკის დაავადების სიმპტომები უჩვეულოდ მაღალი იყო. ეს განსაკუთრებით აშკარა გახდა მას შემდეგ, რაც მიმდინარე წლის მარტსა და აპრილში იტალიაში ახალი კორონავირუსული ინფექციის ეპიდემიამ იფეთქა. მცირეწლოვან ბავშვებში გავრცელებული სისხლძარღვების ამ იშვიათი დაავადებისა და COVID-19- ის ეპიდემიის კავშირის ალბათობა სავსებით ლოგიკური იყო, მითუმეტეს, რომ გამოკვლეული პაციენტების უმრავლესობამ ვირუსის გენეტიკურ მასალაზე ჩატარებულ ტესტში უარყოფითი შედეგი აჩვენა. ასეა თუ ისე, იმის გამო, რომ დაავადების უჩვეულოდ მაღალი მაჩვენებელი ზუსტად იმ დროს დაფიქსირდა, როდესაც COVID-19 – ით ინფიცირების შემთხვევების რაოდენობამ რეგიონში პიკს მიაღწია, ექიმებმა გადაწყვიტეს, რომ ახალ კორონავირუსულ ინფექციას სავარაუდოდ, შეუძლია კავასაკის დაავადების პროვოცირება იმ ბავშვებში, რომლებიც ამისკენ მიდრეკილი არიან. მოგვიანებით მსგავსი დაკვირვებები ბრიტანელმა, ესპანელმა, პორტუგალიელმა და ამერიკელმა პედიატრებმაც გამოაქვეყნეს. ამ უკანასკნელ შემთხვევაში საუბარი იყო კავასაკის დაავადების სიმპტომების მქონე 15 ბავშვზე, რომლებიც 17 აპრილიდან 1-ელ მაისამდე ნიუ – იორკის საავადმყოფოებში მოხვდნენ. ექიმების პირად ინფორმაციაზე დაყრდნობით, ადგილობრივმა მედიამ პრობლემას ყურადღება ჯერ კიდევ 28 აპრილს მიაქცია, მაგრამ რეალური სტატისტიკის შესახებ პირველი სანდო დეტალები მხოლოდ 4 მაისს ნიუ-იორკის ჯანდაცვის დეპარტამენტის ბიულეტენიდან გახდა ცნობილი. იტალიის მსგავსად ნიუ-იორკშიც კავასაკის დაავადების სიმპტომების მქონე ბავშვების უმეტესობამ PCR ტესტზე უარყოფითი შედეგი დააფიქსირა (15-დან 11 ბავშვი), თუმცა ამასთან ერთად ზოგი მათგანის შემთხვევაში ანტისხეულების ტესტი დადებითი იყო. ექიმების მონაცემებით, "ჩვეულებრივი" კავასაკის დაავადების შემთხვევაში სიკვდილიანობა 0.1% -ს (იაპონიის მონაცემები) არ აღემატება. 30-ჯერ გაზრდილი მონაცემების მიუხედავად, რაზეც ახლა იტალიელი ექიმები საუბრობენ, დაავადების რისკი მაინც დაბალია. ეს ძალიან დამოკიდებულია ქვეყანასა და ბავშვის ეთნიკურ წარმომავლობაზე, მაგრამ ცნობილია, რომ ამერიკის შეერთებულ შტატებში წელიწადში 25-ზე ნაკლები შემთხვევა ფიქსირდება. ეს დაახლოებით 5-წლამდე ასაკის 100 ათას ბავშვზე ინფიცირების 25 ფაქტს გულისხმობს. ვინაიდან კავასაკის დაავადების გამომწვევი მიზეზი ჯერ კიდევ უცნობია, ერთადერთი, რაც შეიძლება COVID-19-თან მისი კავშირის შესახებ ითქვას არის ის, რომ ახალი კორონავირუსული ინფექცია შეიძლება იქცეს იმუნურ სისტემაში პათოლოგიური პროცესების გამომწვევ ფაქტორად, თუ ბავშვი დაავადებისკენ გენეტიკურად მიდრეკილია. ამ ჰიპოთეზის ცალსახად დადასტურება ან უარყოფა ჯერჯერობით შეუძლებელია. ის ემყარება COVID-19-ისა და კავასაკის დაავადების დამთხვევას გარკვეული რაოდენობის ბავშვების შემთხვევაში: 10 მცირეწლოვანი პაციენტი იტალიაში, 17- საფრანგეთში და 15 - ნიუ – იორკში. ბერგამოს ექიმები თავიანთ სტატიაში საუბრობენ დაავადებებს შორის კავშირზე, როგორც „ძლიერ ასოციაციაზე“, თუმცა ამის ზუსტ განსაზღვრებაზე საუბარი შეუძლებელია. მაისის დასაწყისში ბოსტონის ბავშვთა საავადმყოფოს სპეციალისტებმა კავასაკის დაავადების ცნობილი ექსპერტის, ჯეფრი ბერნსის ხელმძღვანელობით, COVID-19-ისა და კავასაკის დაავადების შესაძლო კავშირის შესახებ ონლაინ სიმპოზიუმი ჩაატარეს. საავადმყოფოს ვებგვერდზე გამოქვეყნებულ ანგარიშში ნათქვამია, რომ ექიმები დისკუსიის საფუძველზე ორ მთავარ დასკვნამდე მივიდნენ: 1) კავასაკის დაავადება კვლავ იშვიათია 2) თუ ბავშვს ახალი კორონავირუსული ინფექციის პარალელურად კავასაკის დაავადების სიმპტომი აღენიშნება, ექიმმა დაუყოვნებლივ უნდა გაიაროს კონსულტაცია პედიატრთან, ინფექციონისტთან, რევმატოლოგთან ან ბავშვთა რეანიმატოლოგთან. სპეციალისტების განმარტებით, კავასაკის დაავადებით გამოწვეული გართულებები დღეისათვის 3-5%-მდეა შემცირებული. თუმცა აქვე ისიც უნდა ითქვას, რომ პროცესი საკმაოდ სწრაფად ვითარდება, ამიტომ მნიშვნელოვანია ოპერატიული რეაქცია და შესაბამისი მკურნალობა. ამ შემთხვევაში მშობელმა დაავადების პირველივე სიმპტომის გამოვლენისთანავე უნდა მიმართოს ექიმს.
Interworld
Tbilisi, Georgia · 1 week ago
ირანისა და აშშ-ის პრეზიდენტ დონალდ ტრამპის ურთიერთობები - საკვანძო მომენტები
ირანის ხელისუფლებამ ორშაბათს, 29 ივნისს, შეერთებული შტატების მიერ ირანელი გენერლის ყასემ სოლეიმანის ლიკვიდაციის საპასუხოდ, აშშ-ის პრეზიდენტ დონალდ ტრამპისა და მისი ათობით თანაშემწის დაკავების ორდერი გასცა. ორ ქვეყანას შორის დაძაბულობის ახალი ტალღა მას შემდეგ წარმოიშვა, რაც ოფიციალურმა ვაშინგტონმა, მსოფლიო ძალებსა და ირანის ისლამურ რესპუბლიკას შორის 2015 წელს ხელმოწერილი ე.წ. ბირთვული შეთანხმება 2018 წლის მაისში დატოვა. ქვემოთ მოცემულია ის საკვანძო მომენტები, რომელიც ბოლოს განვითარებულ მოვლენებთან არის კავშირში: 2019 წელი 27 დეკემბერი: ერაყში მდებარე ქირქუქის სამხედრო ბაზაზე განხორციელებულ სარაკეტო შეტევას 1 ამერიკელი სამხედროს სიცოცხლე ემსხვერპლა; გარდა ამისა დაიჭრა აშშ-ისა და ერაყის შეირაღებული ძალების რამდენიმე წევრი. ტერორისტული ორგანიზაცია “ისლამური სახელმწიფოს” წინააღმდეგ მებრძოლ კოალიციას საკუთარ განცხადებაში არ დაუზუსტებია განხორციელებული თავდასხმის ავტორები, მაგრამ მოგვიანებით ამერიკელმა ოფიციალურმა პირებმა სარაკეტო შეტევის მოწყობაში ირანის მიერ მხარდაჭერილი ორგანიზაცია ე.წ. ქათაიბ ჰეზბოლა (Kataib Hezbollah) დაადანაშაულეს. 29 დეკემბერი: ამერიკელმა სამხედროებმა ე.წ. თავდაცვითი შეტევები განახორციელეს ერაყსა და სირიაში მდებარე “ქათაიბ ჰეზბოლას” რამდენიმე ობიექტზე, რომელიც ოფიციალური ვაშინგტონის განცხადებით მონაწილეობდნენ ამერიკელი სამხედროს მკვლელობაში. 2020 წელი 2 იანვარი: აშშ-ის თავდაცვის მდივნის მარკ ესპერის განცხადებით, “არის ხელჩასაჭიდი ნიშნები”, რომ ირანი ან მის მიერ მხარდაჭერილი ჯგუფები დამატებითი შეტევების განხორციელებას გეგმავენ ახლო აღმოსავლეთში არსებულ ამერიკულ ინტერესებზე. 3 იანვარი: ერაყის აეროპორტის სიახლოვეს, შეერთებული შტატების მიერ უპილოტო საფრენი აპარატის გამოყენებით განხორციელებულ სარაკეტო შეტევას ირანის “ისლამური რევოლუციის გუშაგთა კორპუსის” ე.წ. ყუდსის ძალების ხელმძღვანელი ყასემ სოლეიმანი და ოფიციალური თეირანის მიერ მხარდაჭერილი ერაყის “სახალხო-სამობილიზაციო ძალების” ლიდერი აბუ მაჰდი ალ-მუჰანდისი ემსხვერპლნენ. 3 იანვარი: განხორციელებული ლიკვიდაციის შემდეგ თეთრ სახლში განაცხადეს, რომ გენერალი სოლეიმანი აქტიურად მუშაობდა გეგმაზე, რომლის მიხედვით, ახლო აღმოსავლეთში წარმოდგენილ ამერიკელ დიპლომატებზე და ოფიციალურ პირებზე თავდასხმებს აპირებდნენ. საპასუხოდ, ოფიციალურმა ვაშინგტონმა პრევენციისა და დასახული მიზნების აღსაკვეთად უკიდურესი ზომები გამოიყენა. 4 იანვარი: დონალდ ტრამპმა ირანის 52 ერთეულ ობიექტზე იერიშის განხორციელება დააანონსა, იმ შემთხვევაში, თუ საფრთხე შეექმნებოდა ამერიკულ ინტერესებს ზემოხსენებულ რეგიონში. 5 იანვარი: ათობით ათასმა “შავებში შემოსილმა” მგლოვიარემ ირანის ქალაქებში - მაშდადსა და აჰვაზში, უკანასკნელ გზაზე გააცილა “ყუდსის ძალების” ლიდერი ყასემ სოლეიმანი. 8 იანვარი: ირანის ხელისუფლებამ ერაყში მდებარე ორ ამერიკულ სამხედრო ბაზაზე მასიური სარაკეტო იერიში განახორციელა. ოფიციალური თეირანის პოზიციით, მათ გაეროს 51-ე მუხლის მიხედვით მიიღეს შეტევის გადაწყვეტილება, რომელიც თავის მხრივ “თავდაცვის პროპორციული ზომების გამოყენებას” გულისხმობს. 8 იანვარი: თეირანის აეროპორტიდან აფრენილმა უკრაინის საერთაშორისო ავიაკომპანიის კუთვნილმა სამგზავრო თვითმფრინავმა კატასტროფა განიცადა, რასაც 176 ადამიანის სიცოცხლე ემსხვერპლა. 9 იანვარი: პრეზიდენტ ტრამპის განცხადებით, გენერალ სოლეიმანის ლიკვიდირება იმ მიზნით მოხდა, რომ იგი ერაყის დედაქალაქ ბაღდადში მდებარე აშშ-ის საელჩოზე თავდასხმას გეგმავდა. 13 იანვარი: ირანის ხელისუფლება თავდაპირველად უარყოფდა ავიაკატასტროფასთან რაიმე სახის კავშირს, მაგრამ საერთაშორისო საზოგადოების მხრიდან განხორციელებული ზეწოლის შემდეგ ოფიციალურმა თეირანმა აღიარა, რომ მათ “შემთხვევით” ჩამოაგდეს სამგზავრო თვითმფრინავი. 12 მარტი: აშშ-ის კოალიციის 3 ჯარისკაცის სიცოცხლე ემსხვერპლა ერაყის ე.წ. Taji-ს ავიაბაზაზე და დედაქალაქ ბაღდადის სიახლოვეს განხორციელებულ სარაკეტო შეტევას. 18 მარტი: შეერთებულმა შტატებმა ირანის წინააღმდეგ ახალი სასანქციო პაკეტი აამოქმედა. ოფიციალური ვაშინგტონის ძირითად სამიზნედ ირანული სანავთობე ინდუსტრია იქცა. 29 მარტი: ირანის საგარეო საქმეთა მინისტრმა ჯავად ზარიფმა აშშ “ეკონომიკურ და სამედიცინო ტერორიზმში” დაადანაშაულა, მას შემდეგ, რაც ამ ახლო აღმოსავლურ სახელმწიფოში კორონავირუსული ეპიდემია გავრცელდა. 6 აპრილი: Humans Rights Watch-მა მოხსენება გამოაქვეყნა, სადაც შეერთებულ შტატებს ირანის წინააღმდეგ სასანქციო პოლიტიკის შემსუბუქებისკენ მოუწოდა, რადგან შეზღუდვები აუარესებდა ოფიციალური თეირანის უნარს, ადეკვატური რეაგირება მოეხდინა COVID-19-ზე. 20 მაისი: აშშ-ში ირანის წინააღმდეგ ახალი სანქციების პაკეტის დაწესება დააანონსეს - ამჯერად სამართალდამცავი ორგანოების მაღალჩინოსნების წინააღმდეგ, რადგან ეს სტრუქტურები ადამიანის უფლებების უხეშ დარღვევებს ახორციელებდნენ. 29 ივნისი: ირანის ხელისუფლებამ პრეზიდენტ დონალდ ტრამპის დაკავების ორდერი გასცა და ინტერპოლს ამ საკითხში დახმარებისკენ მოუწოდა. მომზადებულია რატი ერისთავის მიერ. #USA #Iran #Trump #conflict #quds #force #arrest #rocket #attacks #interworld#ახალიამბები #პოლიტიკა
Tbilisi Daily
Tbilisi, Georgia · 3 weeks ago
როგორ უნდა გაირუჯოთ სოლარიუმში უსაფრთხოდ
საუკუნეების წინ არისტოკრატები მზეს მაქსიმალურად ერიდებოდნენ, რათა მათ კანს ღია ფერი წლის ნებიმიერ დროს შეენარჩუნებინა. გარუჯული კანის ტენდენცია მოდაში კოკო შანელმა დაამკვიდრა. მან თეთრი, გაურუჯავი სახე ასპირინის აბს შეადარა. თუ გასული საუკუნის პირველ ნახევარში რუჯი მაღალი სოციალური ფენის კუთვნილების მაჩვენებელი იყო, დღეს უკვე ის მასობრივი მანიაა. განსაკუთრებით პოპულარულია ხელოვნური რუჯი, რომელსაც სოლარიუმები მომხმარებლებს სთავაზობენ. მოთხოვნა იმდენად მაღალია, რომ სპეციალისტები ამ მიმართულებით ჩამოყალიბებულ ახალ დამოკიდებულებაზეც საუბრობენ. ეს არის ტანორექსია - ხელოვნური რუჯით ავადმყოფური გატაცება. რა არის რუჯი? არის თუ არა ის საჭირო ადამიანის ორგანიზმისთვის? კანის ზედა ფენა ეპიდერმისი სპეციალურ უჯრედებს - მელანოციტებს შეიცავს. მათში, ულტრაიისფერი სხივების გავლენით, ცილოვანი პიგმენტი - მელანინი წარმოიქმნება. კანის მუქი ფერის შეფერილობაზე იმავე რუჯზე სწორედ ეს უკანასკნელი არის პასუხისმგებელი და ამავდროულად, მას დამწვრობისაგან იცავს. მელანინის რაოდენობა დამოკიდებულია გენეტიკაზე, ამიტომაც ჩრდილოეთის ქვეყნის მკვიდრის კანი ვერასდროს გახდება ისეთი მუქი, როგორიც - სამხრეთელის. ულტრაიისფერი სხივები D ვიტამინის ერთადერთი წყაროა. D ვიტამინი კი კბილებისა და ძვლების სიმყარეზეა პასუხისმგებელი, ის ორგანიზმს კიბოსგანაც იცავს. D ვიტამინის ნაკლებობა რაქიტსა და ოსტეოპოროზს იწვევს. ულტრაიისფერი სხივები სასარგებლო გავლენას ახდენს კანის ისეთ დაავადებებზე, როგორიც არის ფსორიაზი, აკნე, ატოპიური დერმატიტი. ჰელიოთერაპია რეკომენდებულია მწვავე რესპირატორული დაავადებებისთვისაც, იქნება ეს ბრონქიტი თუ რინიტი. ულტრაიისფერ ზემოქმედებას დადებითი ფსიქოლოგიური ეფექტიც აქვს. მეცნიერების მტკიცებით, ეს ორგანიზმში მიმდინარე ქიმიური პროცესების შედეგია. ცუდ ამინდში ან ზამთარში ადამიანს ულტრაიისფერი შიმშილი ეწყება, ამის მიზეზი კი ენდორფინის ნაკლებობაა. ეს არის ნივთიერება, რომელიც სინათლის გავლენით წარმოიქმნება და თავის ტვინს აძლევს სიგნალს, რომ ორგანიზმში ყველაფერი წესრიგშია. გარუჯვა ხელს უწყობს ამ ჰორმონის წარმოებას, რაც განწყობას აუმჯობესებს, შრომისუნარიანობას ზრდის, დეპრესიას ხსნის. თუმცა, მეორე მხრივ, სოლარიუმს ჯანმრთელობისთვის დიდი ზიანის მიყენებაც შეუძლია. ბრიტანეთის მედიცინის აკადემიის მონაცემებით, ყოველ 10 წელიწადში სოლარიუმის აქტიური რუჯი კანის კიბოს განვითარების რისკს 20%-ით ზრდის. შვედეთში ჩატარებულმა კვლევამ კი აჩვენა, რომ იმ ქალების 55%-ს, რომლებიც სოლარიუმში სისტემატურად, თვეში ერთზე მეტჯერ იმყოფებოდნენ, კანის ავთვისებიანი სიმსივნე - მელანომა აღმოაჩნდა. ბრიტანეთის მედიცინის აკადემიამ და კიბოს კვლევის ინსტიტუტმა რამდენიმე წლის წინ მიაღწიეს ოფიციალურ აკრძალვას, რომლის მიხედვითაც 16-წლამდე მოზარდებს ხელოვნური რუჯის მიღება არ შეუძლიათ. ანალოგიურ კანონს განიხილავდა კალიფორნიის სენატი. აშშ-ის 27 შტატში კი მოზარდებს ხელოვნური რუჯის მიღებამდე მშობლების წერილობით თანხმობას სთხოვენ. რა არის სოლარიუმი? მე-20 საუკუნის 70-იანი წლების დასაწყისში გერმანელმა მეცნიერმა ფრიდრიჰ ვოლფმა ჩაატარა ექსპერიმენტი, რომლის „გვერდითი პროდუქტი" სოლარიუმი აღმოჩნდა. ცდის არსი იყო იმის გარკვევა, თუ როგორ ზემოქმედებს ულტრაიისფერი გამოსხივება სპორტსმენებზე, მათ თვითშეგრძნებასა და ჯანმრთელობის პარამეტრებზე. ამ პროცესში აღმოჩნდა, რომ ულტრაიისფერი გამოსხივების გავლენით კანის ფერი იცვლება: ის იძენს ბრინჯაოსფერ შეფერილობას, ზუსტად ისე, როგორც ზაფხულის კაშკაშა მზის ქვეშ. ამ აღმოჩენის მასობრივი პოტენციური წარმატების გაანალიზების შემდეგ ფრიდრიჰმა და მისმა ძმა ჯორჯმა 1975 წელს დააფუძნეს მსოფლიოში პირველი კომპანია, რომელიც სოლარიუმების წარმოებით დაკავდა. თავდაპირველად სოლარიუმი ჰგავდა ჩვეულებრივ სკამს, რომლის ზემოთაც ულტრაიისფერი ნათურები ეკიდა. ადამიანები უბრალოდ სხდებოდნენ ამ სკამზე და მზის აბაზანებს იღებდნენ. ისინი იკეთებდნენ მზის მუქ სათვალეებს, რომლებიც ულტრაიისფერ სხივებს არ ატარებდა. მოგვიანებით სოლარიუმს ძალიან მნიშვნელოვანი დეტალი - თავსახური დაემატა. ამ უკანასკნელის წყალობით, ეფექტიანობა მნიშვნელოვნად გაუმჯობესდა. დღეს უკვე სოლარიუმი გახდა ძალიან რთული მოწყობილობა, რომელიც უახლეს ციფრულ ტექნოლოგიებს იყენებს. დიდი ყურადღება ეთმობა სალონის ექსტერიერისა და ინტერიერის დიზაინს. კაბინების ტიპების მიხედვით, არსებობს ჰორიზონტალური და ვერტიკალური სოლარიუმი. პირველის შემთხვევაში, ადამიანი დაწოლილ მდგომარეობაში ირუჯება. ამ დროს სხეულის ის ნაწილი, რომელიც კაბინას ეხება, არ ირუჯება და ღია ფერის ლაქად რჩება. ვერტიკალურ სოლარიუმს ეს ნაკლი არ აქვს. აქ არსებული ნათურები უფრო ძლიერია, რუჯი კი - უფრო თანაბარი. აქვე ისიც უნდა გახსოვდეთ, რომ სოლარიუმის ნათურები 12-ჯერ უფრო მძლავრია, ვიდრე - „ცოცხალი“ მზე. ამიტომაც ხელოვნური რუჯის მოყვარულები ულტრაიისფერ გამოსხივებას გაცილებით დიდი ოდენობით იღებენ. მაგალითად, სოლარიუმში გატარებული 20 წუთი სანაპიროზე ყოფნის ოთხი საათის ტოლფასია. არის თუ არა სოლარიუმის სეანსის შედეგი კანის ტიპზე დამოკიდებული? დიახ. კანის პირველ ტიპს მიეკუთვნებით, თუ თქვენ გაქვთ ცისფერი ან მწვანე თვალები, ღია ფერის თმა, ჭორფლი და სახის კანი, რომელიც მზეზე ადვილად გეწვებათ. ეს არის ეგრეთ წოდებული კელტური ტიპის კანი. ასეთ შემთხვევაში ხელოვნური რუჯი რეკომენდებული არ არის. პირველი ტიპის კანის მქონე ადამიანები ძალიან ცუდად ირუჯებიან. ისინი ხშირ შემთხვევაში მზისგან დამწვრობას იღებენ. კანის მეორე ტიპისთვის დამახასიათებელია მწვანე, ყავისფერი ან ცისფერი თვალები, ქერა თმა და მზის დამწვრობისკენ მიდრეკილი კანი. ეს არის ნორდული ტიპის კანი. ასეთ შემთხვევაში სოლარიუმში თქვენი ვიზიტი კვირაში სამჯერ 10 წუთს არ უნდა აღემატებოდეს. პირველი სეანსის შემდეგ 2-3 დღე შეისვენეთ. პირველი სესია 3-5 წუთს არ უნდა აღემატებოდეს. მესამე ტიპის კანისთვის დამახასიათებელია მუქი ფერის თვალები, ყავისფერი ან მუქი ყავისფერი თმა და საკმაოდ ღია ფერის კანი. ეს არის საშუალოევროპული კანის ტიპი. ასეთ შემთხვევაში თქვენ შეგიძლიათ ხელოვნური რუჯი მიიღოთ კვირაში 20 წუთის განმავლობაში, არა უმეტეს სამი ვიზიტისა. პირველი სესიის შემდეგ, სასურველია, ორი დღით შეისვენოთ. მეოთხე ტიპს მიეკუთვნება მუქი ფერის კანი, მუქი ან შავი ფერის თმით. ასეთ დროს თქვენ შეგიძლიათ 3-წუთიანი სეანსით დაიწყოთ და ხანგრძლივობა ეტაპობრივად გაზარდოთ. როგორ გავირუჯოთ სოლარიუმში სწორად? თუ ხელოვნური რუჯის უარყოფით მხარეებზე არსებული ყველა გაფრთხილების მიუხედავად, მაინც გადაწყვიტეთ, რომ თქვენი კანისთვის მუქი შეფერილობა აუცილებელია, შეეცადეთ შემდეგი წესები დაიცვათ: - სოლარიუმში წასვლამდე კონსულტაცია გაიარეთ ექიმთან. ხელოვნური რუჯი კატეგორიულად აკრძალულია იმ ადამიანებისთვის, რომლებსაც სხეულზე ბევრი ხალი აქვთ. ამის მიზეზი არის ის, რომ სოლარიუმს ხალის ავთვისებიან მელანომად გადაქცევის პროვოცირება შეუძლია. გარდა ამისა, სოლარიუმის რუჯი რეკომენდებული არ არის იმ ადამიანებისთვის, რომლებიც ტრანკვილიზატორებს, ანტიდეპრესანტებს, არასტეროიდულ ტკივილგამაყუჩებლებს, ანტიბიოტიკებსა და რეტინოიდებს იღებენ. ეს წამლები კანის ფოტომგრძნობელობას ზრდის და ალერგიის გამოწვევა შეუძლია. - აუცილებელია რუჯის რეჟიმის სწორად შერჩევა. ის ოპერატორმა თქვენი კანის ტიპს უნდა მოარგოს. - იკითხეთ, სოლარიუმში ნათურები ბოლოს როდის შეცვალეს. მათი ექსპლუატაციის მაქსიმალური ვადა 540 საათია. თუ ნათურა ახალი გამოცვლილია, სეანსის ხანგრძლივობა შეამცირეთ, რადგან ამ დროს დამწვრობის მიღების ალბათობა უფრო მაღალია. - სეანსის დაწყებამდე კანიდან ყველანაირი კოსმეტიკური საშუალება მოიშორეთ. მოიხსენით სამკაულები. ამ დღეს კოსმეტიკური პროცედურები (სახის გაწმენდა, პილინგი და სხვ.) არ დანიშნოთ, რადგან ეს კანისთვის ძალიან დიდი დატვირთვა იქნება. სეანსის შემდეგ დაშვებულია მხოლოდ დამატენიანებელი და მკვებავი ნიღბები. - სეანსის დროს თვალები სპეციალური სათვალით უნდა დაიცვათ. თუ კონტაქტურ ლინზებს ატარებთ, გარუჯვის პროცესის დაწყებამდე ისინი აუცილებლად მოიხსენით. - სეანსის დროს თმა თავშლით ან ქუდით დაიფარეთ, ტუჩებზე კი დამატენიანებელი ბალზამი წაისვით. სასურველია, მკერდის არე მოშიშვლებული არ გქონდეთ ან უკიდურეს შემთხვევაში, ძუძუსთავებზე სპეციალური სტიკერი დაიკარით. მკერდზე რუჯი განსაკუთრებით სახიფათოა. - სოლარიუმი ნივთიერებათა ცვლას აჩქარებს, ამიტომაც სეანსის შემდეგ ფიზიკურ დატვირთვას მოერიდეთ. - ხელოვნური რუჯის სეანსის მაქსიმალური სიხშირე 2 დღეში ერთხელ უნდა იყოს. ერთი მთლიანი კურსი ზედიზედ ათ ვიზიტს არ უნდა აღემატებოდეს. სოლარიუმის რუჯის ყველა დადებითი და უარყოფითი მხარის ყურადღებით გაანალიზების შემდეგ, შეგიძლიათ თავად გადაწყვიტოთ, რამდენად სასარგებლო ან საზიანოა ეს პირადად თქვენთვის, ისე რომ საკუთარი ჯანმრთელობა არ დააზიანოთ
Forbes Woman Georgia
Tbilisi, Georgia · 3 months ago
ტრამპი: აშშ-ს სამედიცინო აღჭურვილობა არ ჰყოფნის
ტრამპი: აშშ-ს სამედიცინო აღჭურვილობა არ ჰყოფნის • ForbesWoman
ტრამპი: აშშ-ს სამედიცინო აღჭურვილობა არ ჰყოფნის • ForbesWoman
ტრამპი: აშშ-ს სამედიცინო აღჭურვილობა არ ჰყოფნის • ForbesWoman